لايكاتكم ..
نبدا القصة و نكول بسم الله .......
فتحت عيوني ع صوت المنبه المكروه , و سمعت احد يصيح باسمي ع بالي حلمانة , عدلت كعدتي ع الجربايه و اخذت تلفوني من الميز , شفت الساعة سبعة و نص عزااا تاخرت لازم استعجل
سمعت صوت ماما تصيحلي و اكتشفت انو ما حلمانة باحد يصيلي طلع واقع هههههه
ركضت للمطبخ لكيت بابا و ماما كاعدين
امل_ صباح الخير يا كل الخير انتو .
ابو امل _ صباح النور هلا بابا , ليش متاخره اليوم خوما بيج شي .
امل _ لا مابيه بس تابعت فلم البارحة و ما حسيت ع الوقت و تاليها تاخرت بالكعدة .
ابو امل _ هاا لا تسهرين هيج انوب عندج دوام , و احنا مو اتفقنا نتابع افلام سوة ليش هالخيانة .
امل _ تمام بابا انوب انتبه .
ههههههه ما خنتك , اجيتك للغرفة لكيتك نايم ما حبيت اكعدك يلا اليوم بالليل اشوفة وياك الفلم لان رهيب .
ام امل _ الساعة بيش هسة و انتو تسولفون ع الافلام , يلا غسلي و تعالي تريكي بسرعة قبل لا يجي الخط و انتي بعدج
امل _ تمام
* رحت للحمام غسلت و رجعت تريكت , صعدت لغرفتي علمود ابدل و سمعت بابا يصيح لان اجة الخط انخبصت كلش , همزين محضرة نص غراضي من البارحة بقة بس الحذاء شلته بايدي و نزلت اركض ع الدرج *
ابو امل _ على كيفج بابا لا توكعين
امل _ لا ما اوكع بس خلي الحك ع المدرسة مالي خلك ام الرياضيات و محاضراتها من الصبح انوب هية اول درس اووف .
لبست حذائي و طلعت للخط , كالبين خلقتهم لان تاخرت هههههه , وصلنا لبيت طيبة و طلعت النا و هي معصبة و استلمت عمو فيصل , ليش هالتاخير و لو جاي بالتسعة احسن , شنو ذنبنا احنا نتاخر و يروح علينا الدرس الاول
* اني ختلت ورة الكرسي لان كل الي بالخط التفتوا عليه يوضحون لطيبة انو اني السبب *
طيبة _ لا لا دكولها هم التاخير من امل اوف يربي هالبنية ح تخبلني , لج امل وتالي وياج شلون نبطل منداوم ....
* طبعا طيبة ابد ما تفصل بالكلام و الي بكلبها ع لسانها ... و خاصة اذا جانت عصبية شيخلصنا منها هههههه انوب اني دكاتي الناقصة وياها و مستلمتني دائما ، ح اجلطها فد يوم *
امل _ باوعت ع الشباك و كتلها اخر مرة ما اتاخر بعد
طيبة _ انتي مدام ما باوعتي بعيوني و حجيتي معناها ح تعيديها , الله يصبرني عليج.
.
وصلنا المدرسة و لكيناهم بعدهم بالاصطفاف رحنا لشعبتنا و نباوع ع صديقاتنا البقية من الشباك و نعيب عليهم شكلهن مغصوبات يطلعن للاصطفاف هههههه
أنت تقرأ
امل على قيد الحياة
Romansaالحياة لا تبدأ بالولادة بل بالوعي، ولا تنتهي بالموت بل بإنطفاء الروح. أمل على قيد الحياة أنا الامل لأبي و أمي .. كانوا ينادوني بـ أملي .. فأنا أبنتهم الوحيدة و أملهم الذي لا يخيب . وكأن شمس الصباح تتوسد أشراقتها في وجهي ، والخير ينتشر من حولي ، لا...
