ﺍﻟﺒﺎﺭﺕ ﺍﻟﺜﺎﻧﻲ....
..............
ﻛﻄﻔﻞٍ ﻫﺮﻭﻝ ﺇﻟﻰ ﺃﻣﻪ ﺑﺎﻛﻴﺎً ﻟﺘﺤﺘﻀﻨﻪ ، ﻓﺘﻠﻘﻰ ﺻﻔﻌﺔ ﻟﻴﻜُﻒ ﻋﻦ ﺍﻟﺒﻜﺎﺀ ، ﻫﻜﺬﺍ ﺍﻟﺨﺬﻻﻥ
................................................
ﺑﺎﻭﻋﺘﻠﻬﺎ ﻣﺼﺪﻭﻭﻣﺔ ﻭﺧﺎﻳﻔﺔ ﺗﻘﺮﺑﺖ ﻣﻨﻬﺎ ﻭﺍﻧﻲ ﺍﺻﻚ ﺍﺳﻨﺎﻧﻲ ... ﺍﻧﺖ ﺷﺘﺤﺠﻴﻦ ﺣﺮﺍﻡ ﻃﻌﻦ ﺍﻟﻤﺤﺼﻨﺎﺕ ﺍﻧﺘﻲ ﺷﺪﻛﻮﻟﻴﻦ ﻣﻮ ﻋﻴﺐ ﻋﻠﻴﺞ ﻭﺍﻟﻠﻪ ﺍﻛﻮﻝ ﻟﺠﺎﺳﺮ ﻳﺤﺠﻲ ﻭﻳﻪ ﻓﻼﺡ ... ﻋﻴﺐ ﻫﻴﺞ ﺗﻄﻌﻨﻴﻦ ﺑﻌﺮﺿﻲ
ﻫﻲ ﻭﻛﻔﺖ ﺑﺼﻌﻮﺑﺔ ... ﻳﺎﺍﺍ ﻳﺎﺍﺍ ﻳﺎﺍﺍ ﻋﻠﺊ ﻛﻴﻔﺞ ﻳﻤﻌﻮﺩﺓ ﺷﺤﺠﻴﺖ ﻗﺎﺑﻞ ﺳﺒﻴﺖ ﺍﻟﻌﻨﺐ ﺍﻧﻲ ﺍﻟﺴﻤﻌﺘﻪ ﻭﺻﻠﺘﻪ ﺍﻟﺞ ﻟﻴﺶ ﻫﻴﺞ ﻓﻬﻤﺘﻲ ﻏﻠﻂ
ﻣﺴﺤﺖ ﺩﻣﻌﺘﻲ ﺑﻘﻬﺮ ... ﻏﻠﻂ ﺷﻨﻮﻭ ﺍﻧﺘﻲ ﺩﺗﻄﻌﻨﻴﻨﻲ ﺑﻌﺮﺿﻲ ﻭﺍﻧﻲ ﻛﻮﻭﻟﺸﻲ ﻭﻻ ﺳﻤﻌﺘﻲ ﻭﺍﻟﻠﺔ ﺣﺮﺍﻡ ﻋﻠﻴﺞ ﺗﻘﺒﻠﻴﻦ ﻫﻴﺞ ﺍﺣﺠﻲ ﻋﻨﺞ
ﺗﻘﺮﺑﺖ ﻣﻨﻲ ﻭﺣﻄﺖ ﺍﺩﻳﻬﺎ ﻋﻠﺊ ﺍﻛﺘﺎﻓﻲ ﺑﺤﺰﻥ ... ﻻ ﻭﺍﻟﻠﻪ ﻣﺎ ﺍﻗﺒﻞ ﺑﺲ ﻏﻴﺮ ﺍﻧﻲ ﺳﻤﻌﺖ ﻫﻴﺞ ﻭﺍﻧﻲ ﻓﻀﻮﻟﻴﺔ ﺣﺒﻴﺖ ﺍﺳﻤﻊ ﻣﻨﺞ
ﺍﺣﺲ ﻛﻠﺒﻲ ﺟﻤﺮ ... ﺷﻨﻮﻭﻭ ﺍﻟﻲ ﺳﻤﻌﺘﻲ ﺑﺎﻟﻠﺔ ﻭﻣﻨﻴﻦ ﺳﻤﻌﺘﻲ
ﺟﺮﺕ ﻧﻔﺲ ﻭﻫﻲ ﺗﻜﻠﺐ ﺗﻄﻚ ﺑﻌﻠﺠﻬﺎ ... ﺍﻣﺞ ﺍﺟﺖ ﻭﺿﻠﺖ ﺗﺤﺠﻲ ﻭﻳﺔ ﺟﺎﺳﺮ ﻭﺩﻛﻠﺔ ﺍﺳﺘﺮ ﺑﻨﺘﻲ ﻭﻫﻮ ﺻﺎﺭ ﺷﻜﺪ ﻣﺎ ﻣﺘﺰﻭﺝ ﻣﻦ ﺍﺟﺖ ﺍﻣﺞ ﻭﻃﻠﺒﺖ ﻳﺰﻭﺟﺞ ﻭﻳﺴﺘﺮ ﻋﻠﻴﺞ ﻫﻮ ﺑﺴﺮﻋﻪ ﺩﻙ ﺻﺪﺭﺓ ﻭﺗﺰﻭﺟﺞ ..
ﺑﻠﻠﺖ ﺷﻔﺎﻳﻔﻲ ﺑﻘﻬﺮ ﺍﺣﺲ ﺭﻳﻜﻲ ﺟﻒ ﻣﻦ ﻛﻼﻣﻬﺎ ﻭﺍﺗﻬﺎﻣﻬﺎ ﻫﺰﻳﺖ ﺭﺍﺳﻲ ﺑﻌﺪﻡ ﻗﺒﻮﻝ .. ﻣﺎ ﺍﺣﺠﻲ ﻭﻳﺎﺝ ﻭﺍﻟﻠﺔ ﺍﺧﻠﻲ ﻫﻮ ﻳﺤﺠﻲ ﻭﻳﺎﺝ
ﺩﺭﺕ ﻭﺟﻬﻲ ﺩﺍ ﺍﺻﺐ ﺍﻟﺠﺎﻱ ﻭﺍﻟﺪﻣﻌﺔ ﺑﻌﻴﻨﻲ ﺗﻘﺮﺑﺖ ﻣﻨﻲ ﺑﺎﺳﻒ ﻛﺎﻟﺖ ... ﺍﻟﻌﻔﻮ ﺣﺒﻴﺒﺘﻲ ﺻﺢ ﺟﻨﺖ ﻗﺎﺳﻴﺔ ﻭﻳﺎﺝ ﺑﺲ ﻣﻮ ﻗﺼﺪﻱ ﺻﺪﻛﻴﻨﻲ ﻛﺘﻠﺞ ﺍﻧﻲ ﻓﻀﻮﻟﻴﺔ ﻭﺍﺣﺐ ﺍﻋﺮﻑ ﻛﻮﻟﺸﻲ ﻭﻫﺴﺔ ﺍﻧﺘﻲ ﺻﺮﺗﻲ ﺯﻭﺟﺘﺔ ﺑﻨﻴﺔ ﺍﻭ ﻻ ﻣﻮ ﻣﻬﻢ ﺍﻟﻤﻬﻢ ﻫﻮ ﺭﺍﺿﻲ ...
ﺑﺎﻭﻋﺘﻠﻬﺎ ﺑﺤﺪﻩ ﻭﺍﻧﻄﻴﺘﻬﺎ ﺻﻴﻨﻴﺔ ﺍﻟﺠﺎﻱ ﺑﻠﻌﺖ ﺭﻳﻜﻬﺎ ﻭﺟﺮﻳﺖ ... ﺍﺧﺬﻱ ﺍﻟﻬﻢ ﺍﻧﻲ ﺑﺲ ﺍﺭﻭﺡ ﺍﺿﻞ ﺍﺑﺠﻲ ﻭﻣﺎ ﺍﺭﻳﺪ ﻳﺸﻮﻓﻨﻲ ﺑﻬﻞ ﺣﺎﻟﺔ ..
ﺍﻧﻄﻴﺘﻪ ﺍﻟﻬﺎ ﻭﺭﺣﺖ ﺑﺲ ﺟﻨﺖ ﺣﻴﻴﻞ ﻣﻘﻬﻮﺭﺓ ..
ﺩﺧﻠﺖ ﺍﻟﻐﺮﻓﺘﻲ ﺻﺒﺮﺕ ﻧﻔﺴﻲ ﻣﺎ ﺍﺑﺠﻲ ﻣﻌﻘﻮﻟﺔ ﺍﻣﻲ ﻛﻠﺘﻠﺔ ﻋﻠﺊ ﻣﻮﺿﻮﻉ ﻫﺎﻟﺔ ﻭﻋﻠﺊ ﺍﻟﻲ ﺻﺎﺭ ﺑﻴﻨﺔ
ﺑﺲ ﻫﻮ ﺍﺑﺒﺒﺪ ﻣﺎ ﻓﺘﺢ ﻭﻳﺎﻳﺔ ﻣﻮﺿﻮﻉ ﻭﻻ ﺣﺠﺔ ﻭﻻ ﻧﻄﻖ ﺑﺤﺮﻑ ..
ﺍﺧﺎﺑﺮ ﺍﻣﻲ ﻭﺍﻓﺘﻬﻢ ﻣﻨﻬﺎ ... ﺍﺧﺬﺕ ﻣﻮﺑﺎﻳﻠﻲ ﺩﺍ ﺍﺗﺼﻞ ﻫﻮ ﺩﺧﻞ ... ﺭﺟﻌﺖ ﺍﻟﻤﻮﺑﺎﻳﻞ ﻋﻠﺊ ﺍﻟﺠﺮﺑﺎﻳﺔ ﻣﺎ ﺍﺗﺼﻠﺖ ...
ﻭﻛﻒ ﻫﻮ ﻋﻠﺊ ﺍﻟﻤﺮﺍﻳﺔ ﻳﺮﺗﺐ ﺑﻘﻤﻴﺼﺔ ﻣﺒﻴﻦ ﻳﺮﻳﺪ ﻳﻄﻠﻊ ﺭﻏﻢ ﻫﻮ ﻫﺴﺔ ﺍﺟﺔ ﺑﺲ ﻋﺎﺩﻱ ﻣﺘﻌﻮﺩﺓ ﻭﺣﺘﺊ ﻣﺎ ﺇﺳﺄﻟﻪ ﺍﺳﺘﺤﻲ ...
ﺑﺎﻭﻋﻠﻲ ﺑﺎﻟﻤﺮﺍﻳﺔ ﻛﺎﻝ ... ﻟﻴﺶ ﺗﺮﻛﺘﻲ ﻣﻮﺑﺎﻳﻠﺞ ﺍﺗﺼﻠﻲ
ﺍﺑﺘﺴﻤﺖ ... ﺍﺟﻴﺖ ﺍﺗﺼﻞ ﺑﺎﻣﻲ ﺑﺲ ﺗﺬﻛﺮﺕ ﻫﻲ ﺗﻨﺎﻡ ﻣﻦ ﻭﻛﺖ ﻟﺬﻟﻚ ﻛﻨﺴﻠﺖ ﺍﻟﻤﺨﺎﺑﺮﺓ ..
ﺗﻘﺮﺏ ﻣﻨﻲ ﻭﺑﺎﻭﻋﻠﻲ ﺻﻔﻦ ﺑﻮﺟﻬﻲ ﺷﻮﻳﺔ ﻛﺎﻝ ... ﺟﻨﺘﻲ ﺗﺒﺠﻴﻦ
ﻫﺰﻳﺖ ﺭﺍﺳﻲ ﺑﻨﻔﻲ ... ﻻﺍﺍ
ﺗﻘﺮﺏ ﻣﻨﻲ ﺍﻛﺜﺮ ﻭﺣﻂ ﺍﺻﺒﻌﻪ ﻋﻠﺊ ﻃﺮﻑ ﻋﻴﻨﻲ ﻣﺴﺢ ﺩﻣﻌﺘﻲ ﺿﺤﻚ ﺑﻬﺪﻭﺀ ﻛﺎﻝ ... ﺗﺒﺠﻴﻦ ﻻ ﺷﻌﻮﺭﻳﺎ ﻣﻨﻮ ﻭﻳﺎﺝ ﺍﻛﻮ ﻭﺍﺣﺪ ﻣﻀﻮﺟﺞ ﻫﻨﺎ ...
ﺗﻨﻬﺪﺕ .. ﻻﺍﺍﺍ ﺑﺲ ﻣﺸﺘﺎﻗﺔ ﺍﻻﻣﻲ
ﺭﺩ ﺑﺠﻤﻮﺩ ... ﺍﺟﻴﺖ ﺍﺧﺬﺝ ﺍﻟﻬﻢ ﺑﺲ ﻓﻼﺡ ﻛﺎﻝ ﺑﺎﺟﺮ ﺗﺠﻲ ﻭﺍﺣﻨﻪ ﺍﻥ ﺷﺎﺀ ﺍﻟﻠﻪ ﺑﻌﺪ ﺍﺳﺒﻮﻋﻴﻦ ﻫﻴﺞ ﺩﻭﺭﺓ ﺍﻟﺴﻨﺔ ﻣﺎﻟﺔ ﺍﻡ ﺍﺑﻮﻭﻱ ﻭﻧﺬﺑﺢ ﻭﻧﻌﺰﻡ ﺍﻫﻠﺞ
ﻫﻤﺴﺖ .. ﺍﻥ ﺷﺎﺀ ﺍﻟﻠﻪ
ﺿﻞ ﻳﺒﺎﻭﻋﻠﻲ ﺛﻮﺍﻧﻲ ﺑﻌﺪﻫﺎ ﺗﻘﺮﺏ ﻣﻨﻲ ﻭﺑﺎﺳﻨﻲ ﺑﺨﺪﻱ ﺣﺴﻴﺘﻬﺎ ﻣﻮ ﺑﻮﺳﺔ ﻧﺘﻠﺔ ﻛﻬﺮﺑﺎﺋﻴﺔ
ﺍﺑﺘﻌﺪ ﺷﻮﻳﺔ ﻭﺍﻧﻲ ﺣﻄﻴﺖ ﺍﻳﺪﻱ ﻋﻠﺊ ﺧﺪﻱ ﺑﺬﻫﻮﻝ
ﻫﻮ ﺍﺑﺘﺴﻢ ﻛﺎﻝ ... ﺍﻣﻲ ﺭﺿﻴﺔ ﺩﻛﻮﻝ ﻋﻠﻴﺞ ﻣﺎﻳﻌﺔ ﻭﻣﺎ ﺑﻴﺞ ﺧﻴﻴﺮ ﺻﺪﻙ ﻫﻞ ﺣﺠﻲ
ﺿﺤﻜﺖ ... ﻻ ﻭﺍﻟﻠﻪ ﺑﺎﻟﻌﻜﺲ ﻣﻌﺪﻟﺔ ﻭﻧﺎﺩﺭﺓ ﻭﺑﺴﺮﻋﺔ ﺩﺍ ﺍﺗﻌﻠﻢ ﻭﻻ ﺗﻨﺴﺊ ﺍﻧﻲ ﺟﻨﺖ ﻃﺎﻟﺒﺔ ﻭﻣﺎﻣﺎ ﻫﻲ ﺍﻟﻲ ﺗﺸﺘﻐﻞ ﻭﺗﻨﻈﻒ ﺍﻥ ﺷﺎﺀ ﺍﻟﻠﻪ ﻣﻨﻜﻢ ﺍﺗﻌﻠﻢ
ﺿﻯﺮﺑﻨﻲ ﺑﻄﺮﻑ ﺃﺻﺎﺑﻌﻪ ﻋﻠﺊ ﺍﻟﺨﻔﻴﻒ ﻛﺎﻝ ... ﻫﻬﻪ ﻛﻠﺘﻠﻬﺎ ﻋﻠﺊ ﻛﻴﻔﻜﻢ ﻭﻳﺎﻧﺔ ﺍﻟﺒﻨﻴﺔ ﻣﻤﺘﻌﻠﻤﺔ ﻭﺍﻥ ﺷﺎﺀ ﺍﻟﻠﻪ ﺗﺘﻌﻠﻢ ﻣﺤﺪ ﻃﻠﻊ ﻣﻦ ﺑﻄﻦ ﺍﻣﺔ ﻳﻌﺮﻑ ﻛﻮﻭﻟﺸﻲ
ﺿﺤﻜﺖ ﺑﻤﺮﺡ ... ﺍﻱ ﻭﺍﻟﻠﻪ ﻭﺍﻥ ﺷﺎﺀ ﺍﻟﻠﻪ ﻭﻻ ﻳﻬﻤﻚ ﺑﺲ ﺍﺗﻌﻠﻢ ﻣﺎ ﺍﺧﻠﻲ ﺍﻱ ﻭﺣﺪﻩ ﺗﺸﺘﻐﻞ ﻏﻴﺮﻱ
ﺿﺤﻚ .. ﻫﺎ ﻫﺎﺍ ﺧﻴﺮ ﺷﻨﻮ ﺧﺎﺩﻣﺔ ﻋﻨﺪﻫﻢ ﻻﻥ ﻫﻮ ﺍﻟﺸﻐﻞ ﻣﺴﺎﻋﺪﺓ ﻣﺎ ﺑﻴﻬﺎ ﺷﺊ ﺍﺫﺍ ﺳﺎﻋﺪﺗﻴﻬﻢ ﻭﺍﺫﺍ ﻫﻢ ﺳﺎﻋﺪﻭﺝ ﺑﺲ ﻣﺎ ﺍﻗﺒﻞ ﻛﻞ ﺷﺊ ﻳﻮﻛﻊ ﺑﺮﺍﺳﺞ
ﺍﺑﺘﺴﻤﺖ ﻭﻣﺠﺎﻭﺑﺘﺔ ...
ﺑﻌﺪﻫﺎ ﺟﺮﻳﺖ ﻧﻔﺲ ﻭﺑﺘﻮﺳﻞ ... ﺟﺎﺳﺮ ﺗﻘﺒﻞ ﺍﻛﻤﻞ ﺩﺭﺍﺳﺔ
ﺿﻞ ﻳﺒﺎﻭﻋﻠﻲ ﺛﻮﺍﻧﻲ ﻛﺎﻝ .. ﻣﺎ ﺍﻋﺮﻑ ﻳﺠﻮﺯ ﺑﺎﻟﻤﺴﺘﻘﺒﻞ ﺑﺲ ﺣﺎﻟﻴﺎ ﻻ
ﻫﻤﺴﺖ .. ﺑﻜﻴﻔﻚ
ﻛﺎﻝ ... ﻳﺎﻟﻠﺔ ﻃﺎﻟﻊ ﻣﺤﺘﺎﺟﺔ ﺷﺊ
ﻫﺰﻳﺖ ﺭﺍﺳﻲ ﺑﻨﻔﻲ
ﺧﻠﺔ ﻭﺭﺍﺡ ﻃﻠﻊ ﻭﻫﺎﻱ ﺣﺎﻟﺘﺔ ﻳﻌﻨﻲ ﻛﻼﻣﺔ ﻭﻳﺎﻳﺔ ﻗﻠﻴﻞ ﺍﺣﺲ ﻣﺮﺍﺕ ﻣﻴﺤﺒﻨﻲ ﻭﻣﺮﺍﺕ ﺍﺣﺴﺔ ﻳﻌﻄﻒ ﻋﻠﻴﺔ ...
ﻳﻌﻨﻲ ﻣﺮﺍﺕ ﺍﺿﻮﻭﺝ ﺣﻴﻴﻞ ﻣﺎ ﺍﻛﺪﺭ ﺍﻓﺮﺽ ﻧﻔﺴﻲ ﻋﻠﻴﺔ ﺍﺫﺍ ﻣﻴﺮﻳﺪﻧﻲ ﻳﻌﻨﻲ ﻣﺜﻼ ﻳﻄﻠﻜﻨﻲ ...
ﺑﺲ ﻟﻴﺶ ﻭﺍﻟﻠﺔ ﺭﻏﻢ ﺟﻔﺎﺀﺓ ﻭﺑﺮﻭﺩﺓ ﺑﺲ ﻭﺍﻟﻠﺔ ﺣﺒﻴﺘﻪ ﻭﺣﺒﻴﺖ ﻛﻞ ﻋﺎﺋﻠﺘﺔ ﻭﺣﺘﺊ ﺑﻨﺘﺔ ﺍﻣﻮﺕ ﻋﻠﻴﻬﺎ ﻻﻥ ﻗﻄﻌﺔ ﻣﻨﻪ ...
ﺧﺎﻳﻔﻪ ﺑﻴﻮﻡ ﻣﻦ ﺍﻻﻳﺎﻡ ﺗﺮﺟﻊ ﻣﺮﺗﺔ ﻭﻳﺮﺟﻌﻬﺎ ﻻﻥ ﻫﻲ ﻣﺼﻴﺮﻫﺎ ﻣﺠﻬﻮﻝ ...
ﺭﺣﺖ ﻓﺘﺤﺖ ﺍﻟﻜﻨﺘﻮﺭ ﻃﻠﻌﺖ ﺍﻟﺼﻮﺭﺓ ﺍﻟﻲ ﺍﺧﺬﺗﻬﺎ ﻣﻦ ﺍﻟﻜﻠﺒﺲ ﻣﺎﻟﺘﺔ ﻣﺎ ﻳﻌﺮﻑ ﺑﻴﻬﺎ ﻋﻨﺪﻱ
ﺭﻓﻌﺘﻬﺎ ﺍﺑﺎﻭﻉ ﻋﻠﻴﻬﺎ ﺟﺎﻧﺖ ﻛﻮﻭﻭﻟﺶ ﺣﻠﻮﺓ ﻻﺑﺴﺔ ﺑﻨﻄﺮﻭﻥ ﺍﺳﻮﻭﺩ ﻭﻻﺑﺴﺔ ﻛﻮﺕ ﻃﻮﻳﻞ ﺍﺳﻮﺩ ﻭﻻﺑﺴﺔ ﻗﺒﻌﺔ ﻭﻳﺎﻫﺎ ﻟﻔﺎﻑ ﻣﺒﻴﻦ ﺟﺎﻥ ﺷﺘﺎ ﻭﺷﺎﻳﻠﺔ ﺑﻨﺘﻬﺎ ﻏﺰﻝ ﺟﺎﻧﺖ ﻃﻔﻠﻪ ﺍﺣﺘﻤﺎﻝ ﻋﻤﺮﻫﺎ ﺳﻨﺘﻴﻦ ﻭﻫﻮ ﻭﺍﻛﻒ ﺑﺼﻔﻬﺎ ﺣﺎﺿﻨﻬﻞ ﻫﻲ ﻭﺑﻨﺘﻬﺎ ﻭﻣﺎﺧﺬﻳﻦ ﺻﻮﺭﺓ ..
ﻫﻤﺎﺗﻴﻦ ﻻﺑﺲ ﺍﺳﻮﺩ ﻛﻠﻪ ﻭﻻﺑﺲ ﻗﻤﺼﻠﺔ ﺟﻠﺪ ﻣﺒﻴﻨﺔ ﺍﻟﺼﻮﺭﺓ ﺑﻐﻴﺮ ﺩﻭﻟﺔ ...
ﺩﺭﺗﻬﺎ ﻟﻜﻴﺖ ﻣﻜﺘﻮﺏ ...
ﺃﺣﺲ ﺑﺮﻭﺣﻲ ﺧﻨﮕﺔ ﻧﺂﺱ
ﻭﺍﻟﺘﺎﺑﻮﺕ ﻳﺘﻤﺸﺔ ﺑﺪﺭﺁﺑﻴﻨﻲ
ﻭﺃﺣﺲ . ﺑﮕﻠﺒﻲ . ﻋﺼﺮﺓ . ﺷﻮﮒ
ﻭﺍﻟﻌﺪﻟﻴﻦ ﻛﻠﻬﻢ ﻣﺂﺗﻮ . ﺑﻌﻴﻨﻲ
ﻭﺑﻌﺪﻫﺎ ﻣﻜﺘﻮﺏ ... ﺷﺎﻡ
ﺭﺟﻌﺖ ﺍﻟﺼﻮﺭﺓ ﺍﻟﻤﻜﺎﻧﻬﺎ ﻫﻤﺴﺖ ... ﻳﺎﺭﺑﻲ ﺍﻧﺖ ﺟﺎﻫﻲ ﻣﺎ ﺍﺗﻮﻛﻞ ﻏﻴﺮ ﻋﻠﻴﻚ ﻓﺪﻭﺓ ﺭﻳﺢ ﻛﻠﺒﻲ ...
ﻣﺮﺍﺕ ﻟﻴﺶ ﺍﺣﺴﺔ ﻳﻔﺮﻍ ﻗﻬﺮﺓ ﺑﺠﻌﻔﺮ ﻳﺼﻴﺢ ﻳﻐﻠﻂ ﺍﻟﻤﻬﻢ ﻳﻨﻔﺠﺮ ﺑﻮﺍﺣﺪ ﺍﺣﺲ ﻋﻠﻴﺔ ﺿﻐﻂ ﻛﻮﻭﻟﺶ ﻛﺒﻴﺮ
ﻭﻳﺔ ﺍﻟﻜﻞ ﺟﺎﻣﺪ ﺑﺲ ﻭﻳﺔ ﺑﻨﺘﻪ ﻏﺰﻝ ﻳﺼﻴﺮ ﻋﺒﺎﻟﻚ ﻃﻔﻞ ﻳﺤﺒﻬﺎ ﺑﺠﻨﻮﻭﻭﻥ ﻳﻌﺸﻘﻬﺎ ﺍﺣﺴﻬﺎ ﺑﻠﺴﻢ ﻟﺠﺮﻭﺣﻪ
ﺍﺗﺼﻠﺖ ﺑﻤﺎﻣﺎ ﺍﻛﺜﺮ ﻣﻦ ﻣﺮﺓ ﻣﺠﺎﻭﺑﺘﻨﻲ ﺧﻠﻴﺖ ﻭﺭﺣﺖ ﻧﻤﺖ ﺑﺲ ﺍﺣﺲ ﻛﻠﺒﻲ ﻣﻘﺒﻮﺽ ...
ﻓﺰﻳﺖ ﺍﻟﺼﺒﺢ ﻭﺍﻧﻲ ﺍﺣﺲ ﺑﺸﺊ ﺛﻜﻴﻞ ﻋﻠﺊ ﺻﺪﺭﻱ ﻓﺘﺤﺖ ﻋﻴﻮﻧﻲ ﺑﺒﻄﺊ ﺷﻔﺘﻪ ﻧﺎﻳﻢ ﺑﺼﻔﻲ ﻭﻣﺨﻠﻲ ﺍﻳﺪﻩ ﻋﻠﺊ ﺭﮔﺒﺘﻲ ﺃﺑﺘﺴﻤﺖ ﻭﻭﺧﺮﺕ ﺍﻳﺪﺓ ..
ﻭﻛﻔﺖ ﺭﺣﺖ ﻟﻠﺤﻤﺎﻡ ﺳﺒﺤﺖ ﻭﻫﻮ ﻟﺴﺔ ﻧﺎﻳﻢ ﺧﻠﻴﺖ ﻭﻃﻠﻌﺖ ﺑﺮﻩ ...
ﺍﺟﺖ ﻧﻮﺍﻝ ﻭﻫﻲ ﺗﻠﻮﻱ ﺑﺸﻔﺎﻳﻔﻬﺎ ﻭﺗﻀﺮﺏ ﺑﺨﺪﻫﺎ ﺧﻔﺖ ﻛﻠﺘﻠﻬﺎ ... ﺧﻴﺮ ﺷﻜﻮﻭ
ﻛﺎﻟﺖ ﺑﺮﻋﺐ ... ﺍﺟﻪ ﻋﻤﻲ ﺍﻟﺸﻴﺦ ﻣﻦ ﺍﻟﻌﻤﺎﺭﺓ ﻭﻓﻼﺡ ﻛﻠﺔ ﺍﻟﺒﺎﺭﺣﺔ ﺟﻌﻔﺮ ﺟﺎﻱ ﺳﻜﺮﺍﻥ ...
ﻭﻋﻤﻲ ﺗﺨﺒﻞ ﻭﻛﺎﻝ ﺻﻴﺤﻮﻟﻲ ﺟﻌﻔﺮ ...
ﺿﺮﺑﺖ ﺧﺪﻱ ﺑﺨﻮﻭﻑ ... ﻋﺰﺍ ﺍﻟﻌﺰﺍﻧﻲ ﺧﻄﻴﺔ ﻭﺍﻟﻠﻪ ﻃﻠﻊ ﺍﻟﻌﺮﮒ ﻣﻦ ﺧﺸﻤﺔ ..
ﻃﻠﻌﺖ ﺭﺿﻴﻪ ﻭﻫﻲ ﻻﺯﻣﺔ ﺟﻌﻔﺮ ﻭ ﺩﻛﻠﺔ ... ﻳﺎﻟﻠﺔ ﻳﻤﺔ ﺭﻭﻭﺡ ﻭﻻ ﺗﺨﺎﻑ ﻭﻟﻚ ﻛﻢ ﻣﺮﺓ ﻛﺘﻠﻚ ﺍﺑﻮﻙ ﻗﺎﺳﻲ ﺍﺑﻮﻙ ﻗﺎﺳﻲ ﻭﺍﻧﺖ ﻣﺜﻞ ﺍﻟﻜﺪﻳﺶ ﻻ ﻓﻬﻢ ﻭﻻ ﻋﻠﻢ ﻣﻦ ﺗﺮﻭﺡ ﻓﺪﻭﺓ ﻟﻠﻜﺪﻳﺶ ...
ﺟﻌﻔﺮ ﻳﻤﺴﺢ ﺑﻮﺟﻬﻪ ﻧﻌﺴﺎﻥ ﻭﻣﺘﻮﺗﺮ ...
ﺭﺣﻨﻪ ﻧﺒﺎﻭﻉ ﻣﻦ ﺍﻟﺸﺒﺎﻙ ﺍﻧﻲ ﻭﻧﻮﺍﻝ ﺟﻨﻪ ﺭﻳﺔ ﻭﺳﻜﻴﻨﺔ ﻭﻧﺼﻨﻂ ...
ﺟﻌﻔﺮ ﺍﻭﻝ ﻣﺎ ﺩﺧﻞ ﺑﺎﺱ ﺍﻳﺪ ﻋﻤﻮ ﻭﻋﻤﻮ ﺳﺤﺒﻬﺎ ﺑﺴﺮﻋﺔ
ﺍﺑﺎﻭﻉ ﻟﻠﺸﻴﺦ ﺟﺎﻥ ﻻﺑﺲ ﺩﺷﺪﺍﺷﺔ ﺭﺻﺎﺻﻴﺔ ﻭﻋﺒﺎﻳﺔ ﺳﻮﺩﺓ ﻭﺑﻴﻬﺎ ﺧﻂ ﻣﻦ ﺍﻻﻣﺎﻡ ﺫﻫﺒﻲ ﻻﺑﺲ ﺷﻤﺎﻍ ﺍﺳﻮﺩ ﻭﺃﺑﻴﺾ ﻭﻓﻮﻛﺎﺓ ﺍﻟﻌﻜﺎﻝ ..
ﻋﻤﻲ ﺍﻟﺸﻴﺦ ﺟﺎﻥ ﺟﺜﻞ ﺑﻀﺨﺎﻣﺔ ﻭﻋﻨﺪﻩ ﻛﺮﺵ ﺷﻮﻳﺔ ﻣﻮ ﻫﻮﻭﺍﻳﺔ ﺑﺲ ﻓﻌﻼ ﻫﻮ ﻣﻬﻴﻮﺏ ﺍﺳﻢ ﻋﻠﺊ ﻣﺴﻤﺊ ﻣﺸﻲ ﺍﻟﺒﻴﺖ ﻋﻠﺊ ﺳﺮﺍﻁ ﺍﻟﻤﺴﺘﻘﻴﻢ ﻧﺴﻮﺍﻥ ﻭﺯﻟﻢ ﺗﺨﺎﻑ ﻣﻨﻪ ...
ﺳﺤﺐ ﺍﻳﺪﻩ ﻣﻦ ﺟﻌﻔﺮ ﻭﺩﻓﻌﺔ ﻛﻠﻪ ... ﻟﻴﺶ ﺑﻮﻳﺔ ﺗﺒﻮﺱ ﺍﻳﺪﻱ ﺷﻨﻲ ﺗﺮﺿﻴﻨﻲ ﻣﺜﻼ
ﺟﻌﻔﺮ ﺭﺩ ﺑﻌﺪ ﻣﺎ ﺑﻠﻊ ﺭﻳﻜﺔ ... ﺍﻱ ﺑﻮﻭﻳﺔ ﺭﺿﺎﻙ ﻋﻨﺪﻱ ﺑﺎﻟﺪﻧﻴﺎ
ﺍﺧﺬ ﻣﻦ ﺳﺒﺤﺘﻪ ﺛﻨﻴﻦ ﻭﻫﻮ ﻳﺘﻤﻌﻦ ﺑﻴﻬﺎ ﺑﻬﺪﻭﺀ ﻭﺑﻌﺪﻫﺎ ﺭﻓﻊ ﻋﻴﻮﻧﻪ ﻟﺠﻌﻔﺮ ... ﺍﻫﺎﺍﺍ ﻳﻌﻨﻲ ﺗﺮﺿﻴﻨﻲ ﻭﻣﺎ ﺗﺮﺿﻲ ﺭﺑﻚ ﻣﻮﻭﻭ ﻳﻌﻨﻲ ﻣﺎ ﺗﺮﻳﺪ ﺗﺼﻴﺮ ﻭﻟﺪ ﻋﺎﻕ ﺑﺲ ﻋﺎﺩﻱ ﺗﺼﻴﺮ ﻛﺎﻓﺮ ﻣﻮﻭ ...
ﺳﻜﺖ ﺟﻌﻔﺮ ﻣﺠﺎﻭﺏ ...
ﺟﺮ ﻧﻔﺲ ... ﺧﻮﻭﺵ ﺑﻮﻳﺔ ﺟﻌﻔﺮ ﻻ ﺗﺠﺎﻭﺏ ﺑﺲ ﺍﺭﻳﺪ ﺍﻛﻠﻚ ﺷﻐﻠﺔ ﻭﺣﺪﻩ ... ﺍﻧﻲ ﻣﻘﺼﺮ ﻭﻳﺎﻙ ﺑﺸﺊ؟
ﺭﺩ ﺟﻌﻔﺮ ﺑﺨﻮﻑ ... ﻻ ﺑﻮﻳﺔ ﺣﺸﺎﻙ ﻣﻦ ﺍﻟﺘﻘﺼﻴﺮ
ﺍﻟﺸﻴﺦ ﻣﻬﻴﻮﺏ ... ﺟﺎﺍﺍ ﺑﻮﻳﺔ ﺍﺫﺍ ﺣﺸﺎﻧﻲ ﻣﻦ ﺍﻟﺘﻘﺼﻴﺮ ﻟﻴﺶ ﻣﺎ ﺗﺼﻴﺮ ﺍﺩﻣﻲ ﻟﻴﺶ ﺩﻭﻣﻚ ﻛﺎﺳﺮ ﺷﻴﺒﺘﻲ ﻛﺪﺍﻡ ﺍﻟﻴﺴﻮﺓ ﻭﺍﻟﻤﺎﻳﺴﻮﺓ
ﻳﻌﻨﻲ ﺣﻠﻮﺓ ﺑﺤﻘﻲ ﻳﻜﻮﻟﻮﻥ ﺍﺑﻦ ﺷﻴﺦ ﻣﻬﻴﻮﺏ ﻋﺮﮐﺠﻲ ﻭﺳﺎﻗﻂ ؟ ﻳﻌﻨﻲ ﺣﻠﻮﺓ ﺑﺤﻘﻲ ﺍﻛﻌﺪ ﺑﺪﻳﻮﺍﻥ ﻭﺍﻧﺔ ﻣﺘﻔﺸﻞ ﻣﻨﻚ
ﻟﻴﺶ ﺑﻮﻳﺔ ﻣﻮ ﺫﻭﻝ ﺍﺧﻮﺗﻚ ﻣﻮ ﻫﺬﺍ ﺟﺎﺳﺮ ﻳﻌﺎﺩﻝ ﺍﻟﻒ ﺭﺟﺎﻝ ﻭﻫﺬﺍ ﻓﻼﺡ ﺣﮕﺔ ﻳﻄﻠﻌﺔ ﻣﻦ ﺣﻠﮓ ﺍﻟﺴﺒﻊ .. ﻭﺻﻼﺡ ﺍﻣﺸﻲ ﻭﺭﺍﻓﻊ ﺭﺍﺳﻲ ﺑﻲ ﻻﻧﺔ ﺫﻳﺐ
ﻟﻴﺶ ﻳﺎ ﺍﺑﻮﻙ ﻟﻴﺶ ﺗﻜﺴﺮﻧﻲ ﻭﺗﻠﻄﺦ ﺷﻴﺒﺘﻲ ﻟﻴﺶ ﻣﺎ ﺗﺤﺘﺮﻣﻨﻲ ﻳﻌﻨﻲ ﻻ ﺍﻟﻨﺼﻴﺤﺔ ﺗﺠﻲ ﻭﻳﺎﻙ ﻭﻻ ﺍﻟﻜﺘﻞ ﻳﺠﻲ ﻭﻳﺎﻙ
ﺗﻘﺮﺏ ﻣﻨﻪ ﻭﺟﻌﻔﺮ ﺭﺟﻊ ﺧﺎﻳﻒ ﺑﺎﻭﻋﻠﺔ ﺑﻘﻬﺮ ﺍﻟﺸﻴﺦ ... ﺃﻧﻄﻴﻨﻲ ﻓﺪ ﺣﻞ ﻭﺍﻧﻲ ﺍﻣﺸﻲ ﻋﻠﻴﺔ ﻋﺎﻳﻞ ﻭﻳﺎﺍﺍﻙ ﺑﻮﻭﻭﻳﺔ؟
ﺟﻌﻔﺮ ﺑﻠﻊ ﺭﻳﻜﺔ ... ﻻ ﻳﺎﺑﺔ ﻣﺎ ﻋﺎﻳﻞ ﻭﺍﻟﻠﻪ ﻫﺎﻱ ﺍﺧﺮ ﻣﺮﺓ
ﺍﻟﺸﻴﺦ ﺑﺬﻫﻮﻝ ... ﺍﺧﺮﺭﺭ ﻣﺮﺓ؟ ﻭﻟﻚ ﺑﻮﻭﻭﻳﺔ ﻫﺎﻱ ﻋﺎﺷﺮ ﻣﺮﺓ ... ﺗﺪﺭﻱ ﻳﺎ ﺑﻮﻳﺔ ﻳﺎ ﺟﻌﻔﺮ ﻣﻦ ﺗﺠﻲ ﺳﻜﺮﺍﻥ ﺷﻠﻮﻥ ﺍﺣﺲ ﺑﻜﻠﺒﻲ ﻳﻨﻌﺼﺮ
ﻭﻟﻚ ﺑﻮﻳﺔ ﺣﺘﺊ ﺣﺮﺍﻡ ﺍﻟﻔﻴﮏ ﺍﺑﻴﺘﻲ ﻣﻠﻔﻲ ﻭﺍﺣﺪ ﺯﻧﺪﻳﻖ ﻓﺎﺟﺮ
ﺑﻌﺪﻫﺎ ﻟﺰﻣﺔ ﻣﻦ ﺗﺸﻴﺮﺗﻪ ﺑﻐﻀﺐ ﻭﻫﻮ ﻳﻘﺒﺾ ﻋﻠﺊ ﺍﻟﺴﺒﺤﺔ ﺑﻜﻞ ﻋﻨﻔﻮﺍﻥ ﻭﺭﻓﻊ ﺍﺻﺒﻊ ﺍﻟﺴﺒﺎﺑﺔ ﺑﺘﻬﺪﻳﺪ ... ﻭﺍﻟﻠﺔ ﻳﺎ ﺟﻌﻔﺮ ﻫﺎﻱ ﺍﺧﺮ ﻣﺮﺓ ﺗﺠﻲ ﺑﻴﻬﺎ ﺳﻜﺮﺍﻥ ﻣﺮﺓ ﺛﺎﻧﻴﺔ ﺍﻛﺘﻠﻚ ﻭﺍﺩﻓﻨﻚ ﺑﻴﺪﻱ ﻭﺟﻔﻦ ﻣﺎ ﻳﺮﻓﻠﻲ ﻭﺍﻓﺘﺨﺮ ﺑﻜﺘﻠﻚ ﺍﻓﺘﻬﻤﺖ ...
ﺟﻌﻔﺮ ﺑﺴﺮﻋﻪ ﺑﺎﺱ ﺍﻳﺪ ﺍﺑﻮﻭ ﻭﻫﻮ ﻳﺘﻮﺳﻠﺔ ... ﻭﺍﻟﻠﻪ ﺍﺧﺮ ﻣﺮﺓ
ﺗﻘﺮﺑﺖ ﻣﺎﻣﺎ ﺭﺿﻴﺔ ﻣﻦ ﺍﻟﺸﻴﺦ ﻭﻫﻮ ﺗﺘﻮﺳﻠﺔ .. ﻋﻠﺊ ﻛﻴﻔﻚ ﻣﻬﻴﻮﺏ ﺍﻥ ﺷﺎﺀ ﺍﻟﻠﻪ ﺑﻌﺪ ﻣﺎ ﻳﻌﻴﺪﻫﺎ
ﺍﻟﺸﻴﺦ ﺑﻌﺼﺒﻴﺔ ... ﻭﺍﻟﻠﻪ ﺷﺤﻼﺗﺔ ﻭﻳﻌﻴﺪﻫﺎ ﺣﺘﺊ ﺍﻟﺔ ﺍﺩﻓﻨﻪ ﺑﺎﻟﺒﺎﻟﻮﻋﺔ ﺍﻣﺸﻲ ﺍﻃﻠﻊ ﻣﻦ ﻭﺟﻬﻲ ﻻ ﺑﺎﺭﻙ ﺍﻟﻠﻪ ﺑﻴﻚ ...
ﺟﻌﻔﺮ ﺿﻞ ﻭﺍﻛﻒ ﺛﻮﺍﻧﻲ ﻭﺑﻌﺪﻫﺎ ﻃﻠﻊ ﺍﻧﻲ ﺧﻠﻴﺖ ﻭﺭﺣﺖ ﻻﻥ ﺑﺼﺮﺍﺣﺔ ﻣﺎ ﺍﺣﺐ ﺍﺗﺨﺎﺟﻞ ﻭﻳﺎﻫﻢ ...
ﺑﺲ ﻧﻮﺍﻝ ﺿﻠﺖ ﻭﺍﻛﻔﻪ ﻣﻦ ﻃﻠﻊ ﺟﻌﻔﺮ ﺑﺎﻭﻋﻠﻬﺎ ﺑﻘﻬﺮ ... ﺧﻴﻴﺮ ﺷﻜﻮﻭﻭ ﻭﺍﻛﻔﻪ ﻫﻨﺎ ﺗﻠﻤﻴﻦ ﺍﺣﺪﺍﺙ ﻣﺜﻼ
ﻧﻮﺍﻝ ﺑﺰﻋﻞ ... ﺷﺒﻴﻚ ﺟﻌﻔﺮ ﻫﺎﻱ ﻓﻮﻙ ﻣﺠﺎﻱ ﺳﻜﺮﺍﻥ
ﺟﻌﻔﺮ ... ﻫﺎﺍﺍ ﻧﺴﻴﺖ ﺍﻧﺘﻲ ﺍﻟﻨﺎﻃﻖ ﺍﻟﺮﺳﻤﻲ ﻭﻻﺯﻡ ﺑﻜﻞ ﻣﻜﺎﻥ ﻣﻮﺟﻮﺩﻩ ...
ﻧﻮﺍﻝ ﺑﺨﺒﺚ ... ﻧﺎﻃﻖ ﺍﻟﺮﺳﻤﻲ ﻭﻻ ﺍﺟﻲ ﺳﻜﺮﺍﻧﺔ
ﺟﻌﻔﺮ ﺑﻘﻬﺮ ... ﺻﺪﻙ ﻣﺎ ﺗﺴﺘﺤﻴﻴﻦ ﻭﺧﺮﻱ ﻣﻦ ﻭﺟﻬﻲ ﻭﺟﻬﺞ ﺟﻨﻪ ﻃﺎﻭﺓ ﻣﺤﺘﺮﻛﺔ
ﻋﺎﺩ ﻫﻲ ﺗﺨﺒﻠﺖ ﻭﻫﻮ ﺧﻠﺔ ﻭﺭﺍﺡ
ﺑﺼﺮﺍﺣﺔ ﻧﻮﺍﻝ ﻛﻮﻭﻭﻟﺶ ﺣﻠﻮﺓ ﺗﺸﺒﺔ ﺑﺎﺳﻜﺎﻝ ﻣﺸﻌﻼﻧﻲ ﻭﺑﻌﺪﻫﺎ ﺻﻐﻴﺮﺓ ﺑﺲ ﻫﻲ ﺗﺘﺪﺧﻞ ﻫﻮﺍﻳﺔ ﺑﺬﻟﻚ ﻣﻴﺤﺒﻬﺎ ﺟﻌﻔﺮ ...
ﺭﺣﻨﻪ ﺃﻧﻲ ﻭﻳﺎﻫﺎ ﻭﺍﺟﺖ ﻣﺎﻣﺎ ﺭﺿﻴﻪ ﻭﻳﺎﻧﺔ ﻧﺴﻮﻱ ﺭﻳﻮﻙ ﺳﻮﻳﺖ ﺑﻴﺾ ﻭﻃﻤﺎﻃﺔ ﻭﺍﻧﻲ ﺍﺣﺲ ﺗﺰﻭﻫﺮﺕ ﻟﻌﺒﺖ ﻧﻔﺴﻲ ﻣﻦ ﺭﻳﺤﺔ ﺍﻟﺒﻴﺾ ﻛﻮﻭﻭﻟﺶ
ﺍﺧﺬ ﺍﻟﺠﺎﻱ ﻭﺍﻻﺳﺘﻜﺎﻳﻦ ﻭﺧﻠﻴﺖ ﻭﻃﻠﻌﺖ ﺧﻠﻴﺘﻬﻦ ﺑﺎﻟﻬﻮﻝ ﻭﻋﺪﻟﺖ ﺍﻟﺴﻔﺮﺓ
ﻭﺑﻌﺪﻫﺎ ﺭﺣﺖ ﺟﺒﺖ ﺑﺎﻗﻲ ﺍﻟﻤﻮﺍﻋﻴﻦ
ﻭﺍﻟﺒﻨﺎﺕ ﻛﻌﺪﻥ ﺍﻟﺼﻐﺎﺭ ﻭﻏﺰﻭﻟﺔ ﺑﻨﺼﻬﻦ ﻛﺎﻋﺪﺓ ﻫﻨﻪ ﺣﻴﻞ ﻳﺤﺒﻨﻬﺎ ﻭﻫﻲ ﺗﺤﺒﻬﻦ ...
ﺍﺟﺘﻤﻌﻮ ﻛﻠﻬﻢ ﺍﺟﺖ ﻭﻗﺎﺭ ﻛﻌﺪﺕ ﺑﺼﻒ ﺧﺎﻟﺘﻲ ﻭﺍﻧﻲ ﻛﻌﺪﺕ ﺑﺺ ﻣﺎﻣﺎ ﺭﺿﻴﺔ ﻭﺟﻌﻔﺮ ﺑﺼﻒ ﺻﻼﺡ ﻭﻧﻮﺍﻝ ﻳﻢ ﺭﺟﻠﻬﺎ ...
ﺟﺎﺳﺮ ﺻﺎﺡ ﻋﻠﺊ ﻏﺰﻝ ... ﺑﺎﺑﺎ ﻏﺰﻭﻟﺔ ﺗﻌﺎﻟﻲ ﻳﻤﻲ ﺍﻛﻌﺪﻱ ﻣﺸﺘﺎﻗﻠﺞ
ﻫﻲ ﻭﻛﻔﺖ ﺷﺎﻳﻠﺔ ﺻﻤﻮﻧﺘﻬﺎ ﺑﻄﻔﻮﻟﺔ ﻭﻛﻌﺪﺕ ﺑﺤﻀﻨﻪ
ﺍﻟﺸﻴﺦ ﻣﻬﻴﻮﺏ ﺿﺤﻚ ﻛﺎﻝ ... ﺍﻓﺎﺍﺍ ﺍﺑﻨﻲ ﺟﺎﺳﺮ ﻳﻜﻌﺪ ﺑﻨﺘﻪ ﺑﺤﻀﻨﻪ ﻭﻳﻮﻛﻠﻬﺎ ﻭﺍﻧﻪ ﻻ؟ ﻭﺳﺴﻔﻪ
ﺑﺎﻭﻉ ﺍﻟﻮﻗﺎﺭ ﻛﻠﻬﺎ ... ﺑﻮﻳﺔ ﻭﻗﺎﺭ ﺗﻌﺎﻱ ﺑﺼﻔﻲ ﺗﻌﺎﻝ ﺧﻠﻲ ﺍﺑﻮﺝ ﻳﺪﻟﻠﺞ
ﻭﻛﻔﺖ ﻭﻗﺎﺭ ﺑﺤﺰﻥ ﻭﻫﻲ ﻻﻓﺔ ﺍﻳﺪﻫﺎ ﺑﺒﺎﻧﺪﺝ ﻭﻛﻌﺪﺕ ﺑﺼﻒ ﺍﺑﻮﻫﺎ ...
ﺍﻟﺸﻴﺦ ﺭﻓﻊ ﺍﻳﺪﻫﺎ ﺍﻟﻲ ﻓﺎﻗﺪﺓ ﺑﻴﻬﺎ ﺍﺻﺎﺑﻌﻬﺎ ﻭﺑﺎﺳﻬﺎ ﺍﻧﻘﻬﺮﺕ ﻋﻠﻴﻬﺎ ﺣﻴﻴﻞ ﻣﺴﻜﻴﻨﺔ ﻣﺘﺴﺘﺎﻫﻞ ...
ﻭﺿﻞ ﻳﻮﻛﻞ ﺑﻴﻬﺎ ﻭﻳﻜﻮﻝ ... ﻋﺰﻳﺰ ﻭﻗﺎﺭ ﺍﻋﺰ ﻣﻨﻚ ﻛﻠﻜﻢ ﻭﻻ ﻭﺣﮓ ﻣﺤﻤﺪ ... ﺍﻋﺰ ﻣﻦ ﺭﻭﺣﻲ ...
ﻫﻲ ﺍﺑﺘﺴﻤﺖ ﻭﻏﻠﺒﺖ ﻋﻠﻴﻬﺎ ﻋﺎﻃﻔﺘﻬﺎ ﻭﺩﻣﻌﺖ ﺑﺎﺳﺖ ﺍﺑﻮﻫﺎ ﺑﺨﺪﻩ ﻭﺩﺧﻠﺖ ﺭﻭﺣﻬﺎ ﺑﺤﻀﻨﻪ ﻭﻫﻮ ﺿﺤﻚ ﻭﺑﺎﺳﻬﺎ ﺑﺮﺍﺳﻬﺎ ...
ﺍﻧﻲ ﺭﻓﻌﺖ ﺍﻟﺼﻤﻮﻧﻪ ﺑﻴﻬﺎ ﺷﻮﻳﺔ ﺑﻴﺾ ﻭﻟﻌﺒﺖ ﻧﻔﺴﻲ ﺣﻴﻴﻞ ﻣﺘﺘﺖ ﺍﺳﺘﺤﻴﺖ ﻣﻨﻬﻢ ﺍﻛﻮﻭﻡ ﺑﺲ ﻣﺎ ﺗﺤﻤﻠﺖ
ﺭﻛﻀﺖ ﺑﺴﺮﻋﻪ ﻭﻫﻲ ﻛﻠﻬﺎ ﺻﺎﺣﺖ ... ﻫﺎﺍﺍ ﻫﺎﺍﺍ ﺷﻜﻮ ﺷﺒﻴﻬﺎ
ﺭﻛﻀﺖ ﻟﻠﻤﻐﺴﻠﺔ ﻭﺍﻧﻲ ﺗﻘﻴﺖ ﻛﻮﻭﻣﺔ ﻣﺎ ﺣﺴﻴﺖ ﻏﻴﺮ ﺑﻴﺪ ﺧﺸﻨﻪ ﻭﺩﺍﻓﻴﺔ ﻋﻠﺊ ﺿﻬﺮﻱ ﻭﻫﻮ ﻳﻜﻮﻟﻲ ... ﺷﺒﻴﻴﺞ ﻫﺎﺍ ﺑﻌﺪﺝ ﻟﻌﺒﺎﻧﻪ ﻧﻔﺴﺞ
ﻏﺴﻠﺖ ﻭﺑﺎﻭﻋﺘﻠﺔ ﺑﺘﻌﺐ ... ﻣﺪﺭﻱ ﺷﺒﻴﺔ ﻟﻌﺒﺎﻧﻪ ﻧﻔﺴﻲ ﻣﻦ ﺍﻟﺒﻴﺾ ﻳﻤﻜﻦ ﺧﺎﻳﺲ
ﻫﻮ ﺍﺑﺘﺴﻢ ﻭﺍﺧﺬ ﻣﻲ ﺷﻮﻳﺔ ﻭﻏﺴﻞ ﻭﺟﻬﻲ ﻭﺑﻌﺪﻫﺎ ﺭﺍﺡ ﺟﺎﺏ ﻛﻠﻨﻜﺲ ﻭﺍﻧﻄﺎﻧﻴﺎ ﻣﺴﺤﺖ ﻭﺟﻬﻲ
ﺍﺟﺖ ﺧﺎﻟﺘﻲ ﻭﺭﺿﻴﺔ ﻭﻫﻨﻪ ﻳﺴﺎﻟﻨﻲ ﻭﺍﻧﻲ ﺍﺟﺎﻭﺏ ﻣﻨﺤﺮﺟﺔ ﻣﻨﻬﻢ
ﺧﺎﻟﺘﻲ ﻛﻠﺘﻠﻬﺎ ... ﻓﺪﻭﺓ ﺭﺿﻴﺔ ﺍﺧﺬﻳﻬﺎ ﺣﻠﻠﻲ ﺍﻟﻬﺎ ﺑﻠﻜﻲ ﺣﺎﻣﻞ
ﺭﺿﻴﺔ ﻛﺎﻟﺖ .. ﺭﻭﺣﻲ ﺑﺪﻟﻲ ﻭﺍﻧﻲ ﺭﺍﻳﺤﺔ ﺍﺣﻈﺮ ﺭﻭﺣﻲ ﻭﺍﻛﻮﻝ ﻟﻠﺸﻴﺦ ﻭﺟﺎﺳﺮ ﺑﻠﻜﻲ ﻳﺎﺧﺬﻧﻪ ..
ﺭﺣﺖ ﺑﺪﻟﺖ ﻭﻫﻮ ﻫﻤﺎﺗﻴﻦ ﺍﺟﻪ ﺑﺪﻝ ﻭﺑﺎﻭﻋﻠﻲ ﻳﺘﺴﺎﺀﻝ ﻛﺎﻝ ... ﺩﻛﻮﻝ ﺍﻣﻲ ﺭﺿﻴﺔ ﺍﻧﺘﻲ ﻳﻤﻜﻦ ﺣﺎﻣﻞ
ﻧﺰﻟﺖ ﺭﺍﺳﻲ ... ﺍﻱ ﻳﻤﻜﻦ ﻭﺍﻟﻠﻪ ﻧﺤﻠﻞ ﻭﻧﺸﻮﻑ
ﺣﺴﻴﺘﻪ ﺿﺎﺝ ﻛﺎﻝ ... ﻳﺎﻟﻠﺔ ﺍﻣﺸﻲ
ﺭﺣﻨﻪ ﺣﻠﻠﺖ ﻛﺎﻟﺖ ﺍﻡ ﺍﻟﺘﺤﻠﻴﻞ ﺣﺎﻣﻞ ﻓﺮﺣﺖ ﺣﻴﻴﻴﻴﻴﻞ ﻭﻣﺎﻣﺎ ﺭﺿﻴﺔ ﺧﻄﻴﺔ ﻓﺮﺣﺖ ﺣﻴﻞ
ﻫﻮ ﺑﺎﺭﻛﻠﻲ ﻭﺍﻛﺘﻔﺊ ﺑﺒﺘﺴﺎﻣﺔ ..
ﻳﺎﻟﻠﺔ ﺷﻠﻮﻥ ﻣﺸﻜﻠﺔ ﻭﻳﺎﻩ ﻫﺬﺍ ﻣﺎﻝ ﻭﺍﺣﺪ ﻳﺠﻴﺒﻪ ﺑﺮﺍﺷﺪﻱ ﻳﺼﺤﻲ ﻋﻠﺊ ﺯﻣﺎﻧﻪ ...
ﻭﺻﻠﻨﻪ ﻟﻠﺒﻴﺖ ﻭﻛﻠﻬﻢ ﻓﺮﺣﻮﺍ ...
ﻧﻮﺍﻝ ﻛﺎﻟﺖ ... ﻣﺒﻴﻨﻪ ﺑﻴﺞ ﺑﻨﻴﺔ
ﺿﺤﻜﺖ .. ﻛﻠﺘﻠﻲ ﻫﺴﻪ ﻫﻮ ﺷﺒﻴﻦ ﻣﻨﻪ ﺣﺘﺊ ﺑﻨﻴﺔ ﺑﺲ ﺍﻟﻤﻬﻢ ﺗﻤﺎﻡ ﺍﻟﺨﻠﻘﺔ
ﺿﺤﻜﺖ ﻛﺎﻟﺖ ... ﻫﺴﻪ ﺗﻄﻠﻊ ﻋﻠﺊ ﺍﻣﺞ ﻋﻨﺪﻫﺎ ﺣﺪﺑﻪ ﻫﻬﻬﻬﻬﻬﻬﻬﻬﻪ
ﺧﺰﺭﺗﻬﺎ ﺑﻐﻀﺐ .
ﺣﻄﺖ ﺍﻳﺪﻫﺎ ﻋﻠﺊ ﺣﻠﻜﻬﺎ ﻭﻫﻲ ﺩﻛﻮﻝ .. ﺍﻟﻌﻔﻮ ﺍﻟﻌﻔﻮ ﻫﻬﻪ
ﻋﻔﺘﻬﺎ ﻭﺭﺣﺖ ﺑﺲ ﺿﺠﺖ ﻣﻨﻬﺎ ﻭﺧﺎﻟﺘﻲ ﻋﻮﺩ ﻫﻲ ﺍﺧﺖ ﺍﻣﻲ ﻣﺎ ﺣﺠﺖ ﻭﻳﺎﻫﺎ ﻭﺭﺯﻟﺘﻬﺎ ...
ﻣﺮﺓ ﺍﻻﻳﺎﻡ ﻃﺒﻴﻌﻴﺔ ﻭﺭﻭﺗﻴﻦ ﻋﺎﺩﻱ ﻣﺎﻛﻮ ﺍﺣﺪﺍﺙ ﻣﻬﻤﻪ ...
ﻭﻣﻠﻞ ﻣﻮ ﻃﺒﻴﻌﻲ ﻣﺎﻛﻮ ﺑﺲ ﺍﻛﻞ ﻭﻧﻮﻡ ﻭﺷﻐﻞ ...
................ .
ﺑﻌﺪ ﻣﺮﻭﺭ ﺍﺳﺒﻮﻋﻴﻦ ... ﺻﺎﺩﻑ ﺧﻤﻴﺲ
ﺍﻟﻴﻮﻡ ﻋﻤﻮ ﺫﺑﺢ ﻃﻠﻲ ﺩﻭﺭﺓ ﺍﻟﺴﻨﺔ ﻣﺎﻟﺖ ﺍﻣﺔ ﺍﻟﻠﻪ ﻳﺮﺣﻤﻬﺎ ﻭﻳﺴﻜﻨﻬﺎ ﺍﻟﺠﻨﻪ ...
ﻭﺍﺣﻨﻪ ﻣﺤﺘﺎﺭﻳﻦ ﻫﻤﻪ ﺟﺎﺑﻮ ﻃﺒﺎﺥ ﻃﺒﺦ ﺗﻤﻦ ﻭﺗﺒﺴﻲ ﻭﻟﺤﻢ
ﺑﺲ ﺍﺣﻨﻪ ﺳﻮﻭﻳﻨﻪ ﺍﻟﺰﻻﻳﻂ ﻭﺍﻟﺨﺼﺮﺓ ﻭﺍﻟﻄﺮﺷﻲ ﻭﺧﻠﻴﻨﺔ ﺍﻟﻠﺒﻦ ﺑﺴﺮﺍﺣﻴﺎﺕ ﻭﺍﻟﻔﺎﻛﻬﺔ ﻭﻛﺬﺍ ...
ﻋﻤﻮ ﺟﺎﻥ ﻋﺎﺯﻡ ﺍﺧﻮ ﺍﻟﺸﻴﺦ ﻋﻜﺎﺏ .. ﻃﺒﻌﺎ ﻫﺬﺍ ﺷﻴﺦ ﻋﻜﺎﺏ ﻋﻨﺪﻩ ﺑﺲ ﻭﻟﺪ ﻭﺍﺣﺪ ﻭﺑﻨﻴﺔ ﻭﺣﺪﻩ ﻳﺎ ﺳﺒﺤﺎﻥ ﺍﻟﻠﻪ ﻣﺼﺎﺭ ﻏﻴﺮ ﻫﻞ ﺧﻠﻔﺔ ﻋﻨﺪﻩ
ﺍﻟﻮﻟﺪ ﻭﻳﻪ ﺍﺧﺘﻪ ﻓﺮﻕ ﺑﺎﻟﻌﻤﺮ ﻣﺎ ﺍﻋﺮﻑ ﻛﻢ ﺳﻨﺔ ﻳﻤﻜﻦ ﺛﻤﺎﻧﻴﺔ ﺗﺴﻌﻪ ﻫﻴﺞ ﺷﺊ
ﺍﺳﻤﻬﻢ ﺟﺎﺑﺮ ﻭﺭﻳﻬﺎﻡ ...
ﺷﻮﻳﻪ ﻭﺍﺟﻮﻭ ﺍﻟﺸﻴﺦ ﻋﻜﺎﺏ ﻭﻣﺮﺗﻪ ﻭﺟﺎﺑﺮ ﻭﺭﻳﻬﺎﻡ ﺍﻟﺰﻟﻢ ﺩﺧﻠﻮ ﺑﺎﻻﺳﺘﻘﺒﺎﻝ ﻭﺍﻟﻤﺮﺓ ﻭﺑﻨﺘﻬﺎ ﺍﺟﻦ ﺳﻠﻤﻦ ﻋﻠﻴﻨﺔ ...
ﺭﺍﺣﺖ ﺍﻡ ﺟﺎﺑﺮ ﺟﻮﻩ ﻭ ﺭﻳﻬﺎﻡ ﺍﺟﺖ ﻭﻳﺎﻧﺔ
ﺟﺎﻧﺖ ﺑﻨﻴﺔ ﻣﺆﺩﺩﺩﺑﺔ ﺑﺸﻜﻞ ﻭﺧﺠﻮﻭﻭﻟﺔ ﻭﻫﺎﺍﺍﺩﺋﺔ
ﺍﻭﻝ ﻣﺎ ﺩﺧﻠﻮ ﺍﺫﻥ ﺍﻟﻀﻬﺮ ﻛﺎﻟﺖ ... ﻋﻔﻴﺔ ﺑﺲ ﺍﺭﻳﺪ ﺍﺗﻮﺿﺊ ﻭﺍﺻﻠﻲ ﺑﻼ ﺯﺣﻤﻪ
ﺍﺧﺬﺗﻬﺎ ﻟﻠﻤﻐﺴﻠﺔ ﺟﻮﻩ ﻧﺰﻋﺖ ﺣﺠﺎﺑﻬﺎ ﻭﻟﻔﺖ ﺑﻲ ﺷﻌﺮﻫﺎ ﻭﺭﻓﻌﺖ ﻛﻢ ﺍﺭﺍﺩﺍﻧﻬﺎ ﻭﺗﻮﺿﺖ ...
ﺍﺑﺎﻭﻉ ﺍﻟﻮﺟﻬﻬﺎ ﻳﻨﻮﺭ ﻣﺎ ﺷﺎﺀ ﺍﻟﻠﻪ ﺑﻴﻴﻀﻪ ﺣﻴﻴﻞ ﻭﺧﺪﻭﺩﻫﺎ ﺣﻤﺮﺓ ﺭﻏﻢ ﻣﺎ ﻣﺨﻠﻴﻪ ﻗﻄﺮﺓ ﻣﻜﻴﺎﺝ ...
ﺑﺲ ﻭﺟﻬﻬﺎ ﻧﻮﺭﺍﻧﻲ ...
ﺍﺧﺬﺗﻬﺎ ﺍﻟﻐﺮﻓﺔ ﻣﺎﻣﺎ ﺭﺿﻴﺔ ﻃﻠﻌﺖ ﺍﻟﻬﺎ ﻋﺒﺎﺀ ﺍﻟﺼﻼﺓ ﻭﺳﺠﺎﺩﺓ
ﻧﺰﻋﺖ ﺣﺠﺎﺑﻬﺎ ﺧﻠﺘﻪ ﻋﻠﺊ ﺻﻔﺤﻪ ﻭﻓﺘﺤﺖ ﺷﻌﺮﻫﺎ ﺩﺗﻠﻔﻪ ﻣﺮﺓ ﺛﺎﻧﻴﺔ ﻭﺩﺧﻞ ﺻﻼﺡ ﻭﻫﻮ ﻳﺼﻴﺢ .. ﻳﻤﻤﻤﻪ ﻭﻳﻴﻨﺞ ﻧﺮﻳﺪ ﺳﺠﺎﺩﺍﺕ
ﻫﻲ ﻣﻦ ﺷﺎﻓﺘﻪ ﻋﺎﻃﺖ ﻭﺻﺎﺭ ﻭﺭﺍﻱ ﺍﻟﻌﻮﺑﺔ ﺳﺤﺒﺖ ﺣﺠﺎﺑﻲ ﻟﺒﺴﺘﻪ ﻭﺧﻠﺘﻨﻲ ﻛﺪﺍﻡ ﺍﻟﻮﻟﺪ ﺑﺪﻭﻥ ﺣﺠﺎﺏ ...
ﺣﻄﻴﺖ ﺍﻳﺪﻱ ﻋﻠﺊ ﺭﺍﺳﻲ ﻭﺍﺧﺬﺕ ﺣﺠﺎﺑﻬﺎ ﻟﺒﺴﺘﻪ ...
ﻭﻫﻮ ﺿﻞ ﺻﺎﻓﻦ ﻭﺑﻌﺪﻫﺎ ﻛﺎﻝ ... ﺍﻟﻌﻔﻮ ﻭﻃﻠﻊ
ﺍﺷﻮ ﻫﺎﻱ ﺿﻠﺖ ﺗﻠﻄﻢ ﻋﻠﺊ ﺧﺪﻭﺩﻫﺎ ... ﺍﻭﻭﻭﻳﻠﻲ ﺷﺎﻑ ﺷﻌﺮﻱ ﻳﻤﻤﺔ ﻫﺴﻪ ﺍﺩﺧﻞ ﻟﻠﻨﺎﺭ ﻳﺎﺭﺑﻲ ﺷﻠﻮﻭﻭﻥ ﻻﺯﻡ ﺍﻧﻄﻲ ﻛﻔﺎﺭﺓ ﻭﺍﺳﺘﺸﺮﻉ
ﺿﺤﻜﺖ ﻛﻠﺘﻠﻬﺎ ... ﺗﺮﺉ ﻣﻤﺘﻘﺼﺪﺓ ﻋﺎﺩﻱ ﻣﺎ ﻋﻠﻴﺞ ﺣﺮﺍﻡ ..
ﺿﻠﺖ ﺗﺎﻛﻞ ﺑﺮﻭﺣﻬﺎ ... ﺍﻭﻭﻭﻳﻠﻲ ﻋﺰﺍ ﺍﻟﻌﺰﺍﻧﻲ ﻫﺴﻪ ﺍﻛﻌﺪ ﺍﺳﺘﻐﻔﺮ ﺍﻟﻒ ﻣﺮﺓ ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ ﻳﺎ ﺣﺒﻴﺒﻲ ﻭﺍﻟﻠﻪ ﻣﻮ ﻗﺼﺪﻱ ...
ﻋﻔﺘﻬﺎ ﺗﺼﻠﻲ ﻭﻃﻠﻌﺖ ﺣﻠﻮ ﺑﻨﻴﺔ ﺷﺎﺑﺔ ﺃﻭ ﻳﻤﻜﻦ ﻣﺮﺍﻫﻘﺔ ﻭﺣﻴﻞ ﻣﻠﺘﺰﻣﺔ ﻭﺟﻌﻔﺮ ﺑﻜﺪ ﺍﻟﻜﺪﻳﺶ ﻭﻳﺸﺮﺏ ﺧﻤﺮ ...
ﻣﻦ ﻃﻠﻌﺖ ﺷﻔﺖ ﺻﻼﺡ ﻭﺍﻛﻒ ﻳﻢ ﺍﻟﺪﺭﺝ . ﻣﻦ ﺷﺎﻓﻨﻲ ﺑﺎﻭﻋﻠﻲ ﺑﻬﺪﻭﺀ ﻭﺭﺍﺡ ﺑﺲ ﺣﺴﻴﺘﻪ ﻣﺘﻮﺗﺮ ...
ﺍﺟﺖ ﺍﻣﻲ ﻭﺍﺑﻮﻳﺔ ﺟﺎﺑﻬﻢ ﺍﺧﻮﻭﻳﺔ ﺣﻴﻞ ﻓﺮﺣﺖ ﺑﺠﻴﺘﻬﻢ ﻭﻣﺎﻣﺎ ﺗﺴﺎﻟﻨﻲ ﺷﻠﻮﻧﻲ ﻭﻳﺎﻫﻢ ﻭﺷﻠﻮﻥ ﺍﻟﻮﺿﻊ ﻭﺍﻧﻲ ﺍﺟﺎﻭﺑﻬﺎ ﺑﺼﺪﻕ ...
ﻛﺎﻟﺖ ﻣﺎﻣﺎ ... ﺟﻮﻟﻴﻴﺖ ﻳﻤﺔ ﺍﺷﻮ ﺣﻤﺎﺝ ﺍﺧﺬ ﺍﻟﻔﻠﻮﺱ ﻣﻦ ﻋﺎﺻﻢ ﺍﺧﻮﺝ ﻭﻟﺤﺪ ﺍﻻﻥ ﻣﺎ ﺍﻧﻄﺎﻧﺔ ﺧﺒﺮ
ﺍﺳﺘﻐﺮﺑﺖ ... ﻓﻠﻮﺱ ﺷﻨﻮ
ﺟﺮﺕ ﻧﻔﺲ ... ﻣﻮ ﻫﻤﻪ ﻣﺨﻠﻴﻨﻪ ﻧﺒﻴﻊ ﺑﺎﻟﻤﺤﻞ ﻣﺎﻟﺘﻬﻢ ﻣﻼﺑﺲ ﻣﻦ ﺯﻣﺎﻥ
ﺟﺎﻭﺑﺘﻬﺎ ... ﺍﻳﻲ
ﺑﻠﻌﺖ ﺭﻳﻜﻬﺎ ﺑﺘﻌﺐ ... ﻋﺎﺻﻢ ﻣﻮ ﺟﺎﻣﻊ ﺟﻢ ﻓﻠﺲ ﻭﻓﻼﺡ ﻛﻠﻪ ﻫﺬﺍ ﻣﺤﻞ ﺑﺼﻒ ﻣﺤﻠﻚ ﻳﺮﺩﻭﻧﻪ ﺑﻌﺸﺮ ﻣﻼﻳﻴﻦ ﺗﺸﺘﺮﻱ ﻋﺎﺩ ﻋﺎﺻﻢ ﻛﺎﻝ .. ﺍﻱ ﺍﺷﺘﺮﻱ ﻭﺍﻛﺒﺮﻩ ﻟﻠﻤﺤﻞ ﺟﻤﻊ ﻓﻠﻮﺳﺔ ﻭﺑﺎﺱ ﺳﻴﺎﺭﺗﻪ ﻭﺍﻧﻄﺎﻩ 15 ﻣﻠﻴﻮﻥ ﻭﻟﺤﺪ ﺍﻻﻥ ﻣﺎ ﺍﺷﺘﺮﺓ ﺍﻟﻤﺤﻞ ﻋﺎﺩ ﺍﺟﻪ ﺍﻟﻴﻮﻡ ﻳﺤﺠﻲ ﻭﻳﻪ ﻓﻼﺡ ...
ﺳﻜﺘﺖ .. ﻫﻮ ﺻﺢ ﻣﻦ ﺯﻣﺎﻥ ﺍﻟﺸﻴﺦ ﺍﻧﻄﻪ ﻫﺬﺍ ﺍﻟﻤﺤﻞ ﺍﻻﺑﻮﻱ ﺟﺎﻧﻮ ﻳﺒﻌﻮﻥ ﺑﻲ ﻣﻼﺑﺲ ﺑﺎﻟﻪ ﻭﺑﻌﺪﻫﺎ ﺍﺳﺘﻠﻤﺔ ﻋﺎﺻﻢ ﻭﻃﻮﺭﺓ ﺿﻞ ﻳﺒﻴﻊ ﻣﻼﺑﺲ ﺭﺟﺎﻟﻴﺔ ...
ﺻﺒﻴﻨﺔ ﺍﻟﻌﺰﻳﻤﺔ ﻭﺑﻌﺪﻫﺎ ﺍﻟﺘﻬﻴﻨﻪ ﺑﺎﻟﻤﻮﺍﻋﻴﻴﻦ
ﺧﻄﻴﺔ ﺭﻳﻬﺎﻡ ﺿﻠﺖ ﺗﻐﺴﻞ ﻭﻳﺎﻳﺔ
ﺍﺟﺖ ﻧﻮﺍﻝ ﺗﻤﺸﻲ ﺑﺼﻌﻮﻭﺑﺔ ﻛﺎﻟﺖ ... ﺭﻫﻮﻭﻣﻪ ﺭﻫﻮﻭﻣﻪ ﺍﺑﺸﺮﺝ
ﺭﻳﻬﺎﻡ ﺑﺎﻭﻋﺖ ﻟﻨﻮﺍﻝ ﻛﻠﺘﻠﻬﺎ ... ﺧﻴﺮ ﺷﻜﻮﻭ
ﺿﺨﻜﺖ ﺑﻔﺮﺡ ... ﻋﻤﻲ ﺍﻟﺸﺦ ﺧﻄﺒﺞ ﻣﻦ ﺍﺑﻮﺝ ﻳﻌﻨﻲ ﺭﺍﺡ ﺗﺼﻴﺮﻳﻦ ﺟﻨﻪ ﺍﻟﻨﻪ
ﻫﻲ ﻋﻘﺪ ﺣﻮﺍﺟﺒﻪ ﺑﺘﺴﺎﺅﻝ ... ﺍﻟﻤﻦ ﺧﻄﺒﻨﻲ
ﺍﺑﺘﺴﻤﺖ ﺑﻤﺮﺡ ... ﺍﻟﺠﻌﻔﺮ
ﻭﻛﻊ ﺍﻟﺼﺤﻦ ﻣﻦ ﺍﻳﺪ ﺭﻳﻬﺎﻡ ﺑﺼﺪﻣﺔ ﻭﻧﻮﺍﻝ ﺗﻀﺤﻚ .. ﻳﻤﺔ ﺍﻟﺨﺠﻞ ﻳﻤﻤﺔ ﻓﺪﻭﻩ ﻟﻠﻴﺴﺘﺤﻮﻥ ...
ﺭﺟﻌﺖ ﻛﻤﻠﺖ ﺗﻐﺴﻞ ﻣﻮﺍﻋﻴﻦ ﺑﺲ ﺑﻘﻬﺮ ﻭﺍﻧﻲ ﺍﺷﻄﻒ ﻋﻠﺊ ﺍﻳﺪﻫﺎ ﻭﺍﺳﻔﻂ ...
ﻛﻤﻠﻨﻪ ﻣﻮﺍﻋﻴﻦ ﻭﺑﻌﺪﻫﺎ ﺻﺒﻴﻨﻪ ﺟﺎﻱ ﺑﺲ ﺍﻟﺒﻨﻴﺔ ﺗﻐﻴﺮﺕ ﻣﻼﻣﺤﻬﺎ ﻓﺠﺎﺓ ﻭﺑﺲ ﺗﺼﻔﻦ ...
ﻛﺎﻟﺖ ... ﻳﺎﻟﻠﺔ ﺧﻠﻲ ﻧﺮﻭﺡ ﻭﻛﻞ ﺷﻮﻳﻪ ﻭﺣﺠﺖ ﻭﻳﻪ ﺍﻣﻬﺎ ﺗﺮﻳﺪ ﺗﺮﻭﺡ ...
ﺭﻏﻢ ﻫﻲ ﻋﻼﻗﺘﻬﺎ ﺗﺠﻨﻦ ﻭﻳﻪ ﻭﻗﺎﺭ ﺑﺲ ﻣﺎ ﻗﺒﻠﺖ ﺗﻜﻌﺪ ﻭﺻﺎﺣﻬﻢ ﺍﻟﺸﻴﺦ
ﺍﻧﻲ ﺭﺣﺖ ﺍﺟﻴﺐ ﻣﻲ ﻣﻦ ﺍﻟﻤﻄﺒﺦ
ﺳﻤﻌﺖ ﺻﻮﺕ ﺿﺤﻚ ﺑﺎﻟﻤﻄﺒﺦ ﻭﺷﻘﻪ ﻣﺎﻝ ﻭﻟﺪ ﻃﻠﻊ ﺟﻌﻔﺮ ﻭﻫﻮ ﻳﻀﺤﻚ ...
ﺍﻧﻲ ﺩﺧﻠﺖ ﺷﻔﺖ ﻭﺍﺣﺪ ﻓﺎﺗﺢ ﺑﺎﺏ ﺍﻟﺜﻼﺟﻪ ﺩﻳﺸﺮﺏ ﻣﻲ ﻣﺸﻔﺖ ﻭﺟﻬﻪ ﻋﺒﺎﻟﻲ ﺻﻼﺡ ...
ﺻﺒﻴﺖ ﺟﺎﻱ ﻫﻮ ﺑﺎﻭﻋﻠﻲ ﻭﺍﻧﻲ ﺍﻧﺼﺪﻣﺖ ﺑﺎﻭﻋﺘﻠﻪ ﺑﺨﻮﻭﻑ
ﻭﻫﻮ ﺿﻞ ﻳﺒﺎﻭﻋﻠﻲ ﻣﺴﺘﻐﺮﺏ ﻛﺎﻝ .. ﺍﻧﺘﻲ ﻭﻗﺎﺭ
ﻛﺘﻠﻪ ﺑﺨﺠﻞ ... ﻻ ﺍﻧﻲ ﺟﻮﻟﻴﻴﺖ .
ﻃﻠﻌﺖ ﺑﺴﺮﻋﻪ ﻭﺍﻧﻀﺮﺑﺖ ﺑﺠﺎﺳﺮ ﺑﺎﻭﻋﻠﻲ ﻣﺴﺘﻐﺮﺏ ﻛﺎﻝ ... ﺷﺒﻴﺞ ﻭﺟﻬﺞ ﻣﺨﻄﻮﻑ
ﺧﻔﺖ ﺣﻴﻞ ... ﻣﺎﻛﻮ ﺷﺊ
ﻃﻠﻊ ﺍﻟﻮﻟﺪ ﻣﻦ ﺍﻟﻤﻄﺒﺦ ﺿﻞ ﺟﺎﺳﺮ ﻳﺒﺎﻭﻋﻠﻲ ﻭﻳﺒﺎﻭﻋﻠﻪ ﻛﻠﻪ ... ﺟﺎﺑﺮ ﺷﻌﻨﺪﻙ ﻫﻨﺎ
ﺿﺤﻚ ... ﺍﺟﻴﺖ ﻭﻳﺔ ﺟﻌﻔﺮ ﺷﺮﺑﺖ ﻣﻲ
ﺭﺟﻊ ﺑﺎﻭﻋﻠﻲ ﻛﻠﻲ ... ﻛﺒﻞ ﺍﻟﻐﺮﻓﺘﺞ ﻭﻻ ﺗﻄﻠﻌﻴﻦ ﻟﻮ ﻣﻬﻴﻮﺏ ﻳﺼﻴﺤﺞ ﺗﻤﺎﻡ
ﻫﺰﻳﺖ ﺭﺍﺳﻲ ﺑﺄﻱ ﻭﺧﻠﻴﺖ ﻭﺭﺣﺖ ﺣﺴﻴﺖ ﺑﻄﻨﻲ ﺗﻜﻄﻌﺖ ﻟﺰﻣﺖ ﺑﻄﻨﻲ ﺑﻮﺟﻊ .. ﻳﻤﺔ ﻃﻔﻠﻲ ﺑﺲ ﻻ ﺻﺎﺭ ﺑﻲ ﺷﺊ ﻣﻦ ﺍﻟﻬﺒﻄﺔ ﺑﺲ ﻭﺍﻟﻠﻪ ﺍﻧﻲ ﻣﻤﺴﻮﻳﺔ ﺷﺊ ﻫﻮ ﻟﻜﻴﺘﻪ ﺑﺎﻟﻤﻄﺒﺦ
ﺷﻮﻳﻪ ﻭﺍﺟﺖ ﺍﻣﻲ ﻛﺎﻟﺖ ... ﻫﺎﺍﺍ ﺟﻮﻟﻴﺎ ﻳﻤﻤﺔ ﻓﺪﻭﺓ ﺍﻟﻜﻠﺒﺞ ﻟﻴﺶ ﻛﺎﻋﺪﻩ ﻫﻨﺎ
ﺟﺎﻭﺑﺘﻬﺎ ... ﺟﺎﺳﺮ ﻛﺎﻝ ﻻ ﺗﻄﻠﻌﻴﻦ ﻭﻟﺪ ﻫﻨﺎ
ﻟﺰﻣﺘﻨﻲ ﻣﻦ ﻭﺟﻬﻲ ﻭﺑﺎﺳﺘﻨﻲ ... ﻣﺤﺪ ﺿﻞ ﻳﻤﻪ ﻛﻠﻬﺎ ﺭﺍﺣﺖ ﺿﻠﻴﻨﻪ ﺑﺲ ﺍﺣﻨﻪ
ﻭﻛﻔﺖ ﻭﺑﺴﺖ ﺍﻣﻲ ﺑﺮﺍﺳﻬﺎ ﻛﺎﻟﺖ ﺑﻀﺤﻜﺔ ... ﺍﻡ ﻧﻮﺍﻝ ﺩﻛﻮﻝ ﻫﺎﻱ ﺍﻟﮕﺮﮔﻤﺔ ﺟﺎﻳﺒﻪ ﺟﻮﻟﻴﻴﺖ ﺷﺤﻼﺗﻬﺎ ﺧﺎﻑ ﺑﺎﻳﮕﺘﻬﺎ ... ﻣﻌﻘﻮﻟﺔ ﺍﻡ ﺣﺪﺑﺔ ﺟﺎﻳﺒﻪ ﻛﻞ ﻫﻞ ﺟﻤﺎﻝ
ﺿﺤﻜﺖ ﻭﺑﺴﺖ ﺍﻳﺪﻫﺎ ... ﺗﻮﻟﻲ ﻳﻤﺔ ﺗﺮﻭﺣﻠﺞ ﻓﺪﻭﻩ
ﻛﺎﻝ ﺑﺤﺰﻥ ... ﻻ ﻳﻤﺔ ﺍﻧﻲ ﻣﺎ ﺍﺿﻮﺝ ﺍﻓﺘﺨﺮ ﺑﻴﺞ ﺣﻠﻮﺓ ﻭﺣﺒﺎﺑﻪ ﻫﺴﻪ ﺭﺍﺡ ﺗﺠﻴﺒﻴﻠﻲ ﺣﻔﻴﺪ ﻣﺜﻠﺞ ﺣﻠﻮﻭ
ﺣﻀﻨﺖ ﺍﻣﻲ ﻭﺑﺠﻴﺖ ﺑﻘﻬﺮ ... ﻣﻘﻬﻮﺭﺓ ﺣﻴﻴﻞ ﺣﻴﻴﻴﻞ ﻭﺗﻌﺒﺎﻧﻪ ﻣﺎ ﺟﻨﺖ ﺍﻋﺮﻑ ﻳﻤﻜﻦ ﺍﺗﺤﺴﺮ ﻋﻠﺊ ﻫﺎﻱ ﺍﻟﺤﻴﺎﺓ ﺑﻌﺪ ﺍﻟﻲ ﻳﺼﻴﺮ ..
ﻣﺎ ﻧﺴﻤﻊ ﺍﻟﻪ ﺻﻴﺎﺡ ﻭﻏﻠﻂ
ﻃﻠﻌﻨﻪ ﻧﺮﻛﺾ ﻭﻧﺸﻮﻑ ﻓﻼﺡ ﻣﺘﺰﺍﻧﮓ ﻫﻮ ﻭﻓﻼﺡ .. ﻋﺎﺻﻢ ﻳﻐﻠﻂ ﻭﻓﻼﺡ ﻳﻐﻠﻂ ﻭﻛﺎﺑﻪ ﻟﻠﺴﺘﺎﺭ
ﻋﻤﻮ ﻣﺠﺎﻥ ﻣﻮﺟﻮﺩ ﺭﺍﻳﺢ ﻭﻳﻪ ﺍﺧﻮ ﺍﻟﺸﻴﺦ ﻫﻮ ﻭﺟﺎﺳﺮ
ﺑﺲ ﺻﻼﺡ ﻭﺟﻌﻔﺮ ﺑﻨﺼﻬﻢ ﻭﻳﻬﺪﻭﻧﻬﻢ
ﻋﺎﺻﻢ ﺩﻓﻊ ﺻﻼﺡ ﻻﻥ ﺟﺎﻥ ﻻﺯﻣﻪ ﻭﺧﻠﻪ ﺩﻳﺮﻳﺪ ﻳﻄﻠﻊ ﻛﻠﻪ .. ﺍﻧﺖ ﺗﻘﺸﻤﺮﻧﻲ ﻓﻼﺡ ﻭﺗﺎﺧﺬ ﻓﻠﻮﺳﻲ ﻭﺍﻟﻠﻪ ﺗﺮﺟﻌﻬﻦ ﻭﻏﺼﺐ ﻋﻨﻚ
ﻓﻼﺡ ﺑﺎﺳﺘﻔﺰﺍﺯ ... ﺍﻛﻞ ﺗﺒﻦ ﺷﻨﻮ ﻣﺎﻛﻠﻚ ﺍﻧﻲ ﺣﻘﻲ ﻭﺍﺧﺬﺗﻪ
ﻋﺎﺻﻢ .. ﺑﺲ ﺍﻧﺖ ﻗﺸﻤﺮﺗﻨﻲ ﻛﺘﻠﻲ ﺍﺑﻴﻊ ﺍﻟﻚ ﺍﻟﻤﺤﻞ ﺍﻟﺜﺎﻧﻲ ﻣﺎ ﻛﻠﺖ ﺍﺧﺬ ﺍﻟﻔﻠﻮﺱ ﺍﻳﺠﺎﺭ ﻟﻠﻤﺤﻞ ﺍﻟﻘﺪﻳﻢ ﻭﻣﻮ ﻣﻦ ﺣﻘﻚ ﺗﺎﺧﺬ ﺍﻟﻔﻠﻮﺱ ﺍﻳﺠﺎﺭ ﻻﻥ ﻋﻤﻲ ﺍﻟﺸﻴﺦ ﺍﻧﻄﺎﻧﻪ ﺍﻟﻤﺤﻞ ﻣﻦ ﺟﻨﻪ ﺻﻐﺎﺭ
ﻓﻼﺡ ﺑﺨﺒﺚ ... ﻻ ﺗﺨﻠﻴﻨﻲ ﺍﺣﻂ ﺍﻟﻨﻌﺎﻝ ﺑﺤﻠﻜﻚ ﻭﺷﻮﻑ ﻫﺬﻥ ﻓﻠﻮﺱ ﺍﻳﺠﺎﺭ ﺍﻟﻤﺤﻞ ﻭﺍﻃﺮﺩﻙ ﻣﻨﻪ ﻣﺪﺍﻡ ﻟﺴﺎﻧﻚ ﻃﻮﻭﻭﻳﻞ
ﻃﻠﻊ ﻋﺎﺻﻢ ﻭﻫﻮ ﻳﺘﻬﺪﺩ ... ﺧﻮﻭﻭﺵ ﻳﺼﻴﺮ ﺧﻴﺮﺭ
ﺍﺧﺬ ﺍﻣﻲ ﻭﺍﺑﻮﻳﺔ ﻭﻃﻠﻊ ...
ﺍﻧﻘﻬﺮﺕ ﻋﻠﻴﻬﻢ ﺣﻴﻞ ﺑﺲ ﻣﺤﺠﻴﺖ ﺑﺲ ﻓﺎﺭﺕ ﺭﻭﺣﻲ ﺧﻄﻴﺔ ﺍﺳﺘﻐﻞ ﺍﺧﻮﻭﻳﺔ ...
ﺷﻮﻳﺔ ﻭﺍﺟﻪ ﻋﻤﻮ ﻭﺟﺎﺳﺮ ...
ﺿﻞ ﻳﺴﻮﻟﻔﻮﻥ ﻋﻦ ﺍﻟﻤﻮﺿﻮﻉ .... ﺍﻟﺸﻬﺎﺩﻩ ﻟﻠﻪ ﻋﻤﻮ ﻣﻘﺒﻞ ﻋﻠﻴﺔ ...
ﺗﻘﺮﻳﺒﺎ ﻣﺮﺓ ﺳﺎﻋﺔ ﻭﻣﺎ ﻧﺴﻤﻊ ﺑﺲ ﺍﻟﺮﻣﻲ
ﻃﻠﻌﻮ ﺍﻟﻮﻟﺪ ﻭﻋﻤﻮ ﻳﺮﻛﻀﻮﻥ ﻭﺍﺣﻨﻪ ﻭﻳﺎﻫﻢ ...
ﺳﻤﻌﺘﻪ ﻋﺎﺻﻢ ﻭﺣﺎﺯﻡ ﻭﻫﻤﻪ ﻳﺼﻴﺤﻮﻥ ﻭﻳﻨﻚ ﻓﻼﺡ ﻟﻚ ﻋﺎﺭ ﺍﻟﻴﻮﻡ ﻧﺘﺮﺱ ﺣﻠﻜﻚ ﺭﺻﺎﺹ ...
ﻋﻤﻮ ﻛﻠﻬﻢ ﻋﻠﻲ ﻛﻴﻔﻜﻢ ﻳﺎﺑﻪ ﺍﻧﺘﻢ ﺷﺒﺎﺏ ﻻ ﺗﺨﻠﻮﻥ ﺍﻟﺸﻴﻄﺎﻥ ﻳﻐﺮﻛﻢ ﻛﻮﻟﻮ ﻳﺎﻟﻠﺔ ﻭﺗﻌﺎﻟﻮ ﺍﺩﺧﻠﻮ ﺧﻠﻮﻧﻪ ﻧﺘﻔﺎﻫﻢ ﻭﻣﺎ ﻳﺼﻴﺮ ﺧﺎﻃﺮﻛﻢ ﺍﻟﻪ ﻃﻴﺐ ...
ﻓﻼﺡ ﺻﺎﺡ ﺑﻌﺼﺒﻴﺔ ... ﻭﺍﻟﻠﻪ ﻣﺎﻳﺪﺧﻠﻮﻥ ﻭﻓﻠﺲ ﻭﺍﺣﺪ ﻣﺎ ﺍﻧﻄﻴﻬﻢ ﺍﺩﻭﻭﺱ ﻋﻠﺊ ﺍﻟﻔﻠﺲ ﺑﺮﺟﻠﻲ ﻭﺍﺧﻠﻴﻬﻢ ﻣﻦ ﺟﻮﻩ ﺭﺟﻠﻲ ﻳﺎﺧﺬﻭﻧﻪ
ﻋﺎﺻﻢ ﺗﺨﺒﻞ ﻭﺟﻬﻪ ﺍﻟﻤﺴﺪﺱ ﻋﻠﻴﺔ
ﻋﻤﻮ ﺻﺎﺡ ... ﻻ ﻳﺎﺑﻪ ﺳﻼﺣﻚ ﺧﻄﺮ ﻛﻮﻭﻝ ﻳﺎﻟﻠﻪ
ﻫﻮ ﺍﻟﺸﻴﻄﺎﻥ ﺯﻳﻦ ﻋﻘﻠﻪ ﺿﻞ ﻳﺮﻣﻲ ﻋﺸﻮﺍﺋﻲ
ﺧﻄﻴﺔ ﻋﻤﻮ ﻳﺼﻴﺢ ﻋﻠﻴﺔ ... ﻭﻟﻚ ﺑﻮﻭﻭﻳﺔ ﻻ ﺗﻀﺮﺑﻨﺔ
ﻣﺎ ﺍﺷﻮﻑ ﺍﻟﻪ ﻋﻤﻮﻭ ﻭﻛﻊ ﻋﻠﺊ ﻭﺟﻬﻪ ﻭﻛﻌﻪ ﺗﺨﻮﻭﻑ ﻭﺍﻟﺪﻡ ﻏﻄﺎ
ﻭﻓﻼﺡ ﺿﻞ ﻳﺮﻓﺲ ﻣﺜﻞ ﺍﻟﺪﺟﺎﺟﺔ ﺍﻟﻤﺬﺑﻮﻭﻭﻭﺣﻪ ...
ﻃﻠﻌﺖ ﻏﺰﻝ ﺗﺮﻛﺾ ﻭﺍﺳﺘﻘﺮﺕ ﺍﻟﻄﻠﻘﻪ ﺑﻴﻦ ﺍﺿﻠﻊ ﻗﻠﺒﻬﺎ ﺍﻟﺼﻐﻴﺮ ...
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
