ﺍﻟﺒﺎﺭﺕ ﺍﻟﺘﺎﺳﻊ
................................
ﺗﻨﻔﺴﺖ ﺑﻀﻴﻖ ... ﺟﻮﻟﻴﻴﺖ ﺻﺒﺮﻱ ﺷﻮﻭﻭﻳﻪ ﻫﺴﻪ ﺍﻟﻮﺿﻊ ﻣﻤﺴﺘﻘﺮ
ﻭﻛﻊ ﺍﻟﻤﻮﺑﺎﻳﻞ ﻣﻦ ﺍﻳﺪﻱ ﻋﻠﺊ ﺍﻟﺼﻮﺕ ﺍﻟﻐﺎﺿﺐ ﺍﻟﻲ ﺍﺟﺎﻧﻲ ﺑﺼﺪﻣﺔ ... ﺟﻮﻟﻴﻴﺖ ﻋﻨﺪﻙ؟
ﺩﺭﺕ ﻭﺟﻬﻲ ﺑﺮﻫﺒﻪ ﺟﺒﻴﺮﻩ ﺣﻄﻴﺖ ﺍﻳﺪﻱ ﻋﻠﺊ ﺻﺪﺭﻱ ﻭﺩﻧﻜﺖ ﺍﺧﺬ ﺍﻟﻤﻮﺑﺎﻳﻞ ...
ﺗﻘﺮﺑﺖ ﻣﻨﻲ ﻭﻫﻲ ﺗﻀﺮﺑﻨﻲ ﺑﻐﻀﺐ ﻋﻠﺊ ﺻﺪﺭﻱ ﺑﻘﺒﻀﺔ ﺍﻳﺪﻫﺎ ﻭﻣﻦ ﺑﻴﻦ ﺍﺳﻨﺎﻧﻬﺎ ... ﺍﺣﺠﻲ ﻭﻟﻚ ﺷﺼﺨﻤﺖ ﺷﻠﻮﻥ ﻣﺮﺕ ﺍﺑﺖ ﻋﻤﻚ ﻋﻨﺪﻙ ﺍﺣﺠﻴﻴﻲ ...
ﺣﻄﻴﺖ ﺍﻳﺪﻱ ﻋﻠﺊ ﺷﻔﺎﻳﻔﻬﺎ ﺑﺎﻧﺼﻌﺎﻕ ﻭﺗﺎﺗﺌﺘﻪ .. ﻳﻤﻤﻤﻪ ﺍﺳﻜﺘﻲ ﻛﻮﻭﻭﻟﻲ ﻳﺎﻟﻠﻪ ﻻ ﺗﻔﻀﺤﻴﻨﻪ ﻭﻧﺮﻭﺡ ﺑﻴﻬﺎ ﺑﺸﺮﺑﺔ ﻣﻲ ..
ﺳﺤﺒﺖ ﻧﻔﺴﻬﺎ ﺑﻐﻀﺐ ﻭﻃﻠﻌﺖ ﺭﻳﻬﺎﻡ ﻣﻦ ﮔﻦ ﺍﻟﺪﺟﺎﺝ ﺗﺒﺎﻭﻋﻠﻲ ﺑﺤﻴﻴﺮﺓ ﻭﺧﻮﻭﻑ ...
ﺣﻄﻴﺖ ﺍﻳﺪﻱ ﻋﻠﺊ ﺭﺍﺳﻲ ﺷﻠﻮﻥ ﻭﺭﻃﻪ ﺍﻣﻲ ﻭﺭﻳﻬﺎﻡ .. ﻭﻫﺎﻱ ﺭﻳﻬﺎﻡ ﻣﺘﻌﺮﻑ ﺗﺠﺬﺏ ﺍﺧﺎﻑ ﻭﺍﺣﺪ ﻳﺴﺄﻟﻬﺎ ﻭﺗﻌﺘﺮﻑ ﻋﻠﻴﻪ
ﺭﻳﻬﺎﻡ ﺑﺎﺳﺘﻐﺮﺍﺏ ﻭﻫﻲ ﺷﺎﻳﻠﻪ ﺍﻟﺠﺪﺭ ﺍﻟﻲ،ﺑﻲ ﺗﻤﻦ ... ﺷﻜﻮﻭﻭ؟
ﺍﻣﻲ ﻋﺎﻃﺖ ﺑﻴﻬﺎ ... ﺭﻭﺣﻲ ﺍﺩﺧﻠﻲ ﺟﻮﻭﻩ ﻣﺎﻛﻮ ﺷﺊ
ﺭﺍﺣﺖ ﺭﻳﻬﺎﻡ ﻭﻫﻲ ﺗﻌﺜﺮ ﺑﺨﻄﻮﺍﺗﻬﺎ ﻭﺗﺴﺘﻐﻔﺮ ...
ﻋﻘﺪﺕ ﺣﻮﺍﺟﺒﻬﺎ ﺑﻐﻀﺐ .. ﺍﺣﺠﻲ ﻭﻟﻚ ﺷﺼﺨﻤﺖ ﺷﻌﻨﺪﻙ ﻭﻳﻪ ﺯﻭﺟﺔ ﺟﺎﺳﺮ
ﺗﻘﺮﺑﺖ ﻣﻨﻬﺎ ﻭﺍﻧﻲ ﺍﺗﻠﻔﺖ ﻟﻠﻤﻜﺎﻥ ... ﻳﻤﻤﻤﻪ ﺍﺳﻜﺘﻲ ﻻ ﺍﺣﺪ ﻳﺠﻲ ﺑﻌﺪﻳﻦ ﺍﻓﻬﻤﺞ ﻛﻠﺸﻲ ... ﻻ ﺗﺤﻜﻤﻴﻦ ﻣﻦ ﺍﻟﺒﺪﺍﻳﻪ ﻭﺷﻮﻓﻲ ﺑﻴﺘﻨﻪ ﻣﺘﺮﻭﺱ ﻧﺎﺱ ﻭﺟﺎﺳﺮ ﻣﻮﺟﻮﺩ ﻳﻤﻪ ﻻ ﺗﺒﻠﻴﻨﻪ ...
ﻫﺰﺕ ﺭﺍﺳﻬﺎ ﺑﻐﻀﺐ ﺷﺪﻳﺪ ... ﻳﺼﻴﺮ ﺧﻴﻴﻴﺮ ..
ﻟﺰﻣﺘﻬﺎ ﺑﺘﻮﺳﻞ ... ﻳﻤﻤﻤﻪ ﺑﺮﻭﺡ ﺍﻟﺤﺴﻴﻦ ﻻ ﺗﺤﺠﻴﻦ ﺍﻱ ﺷﺊ ﺍﻓﻬﻤﺞ ﻭﺑﻌﺪﻫﺎ ﺗﺼﺮﻓﻲ
ﺟﺮﺕ ﻧﻔﺲ .. ﻣﺎ ﺭﺍﺡ ﺍﺣﺠﻲ ﺑﺲ ﺍﺭﻳﺪ ﺍﻓﺘﻬﻢ ﺍﻟﺴﺎﻟﻔﻪ ﻣﻨﻚ ﺑﻌﺪﻳﻦ
ﺗﺮﻛﺘﻨﻲ ﻭﺭﺍﺣﺖ ...
ﺍﺧﺬﺕ ﺍﻟﻤﻮﺑﺎﻳﻞ ﻭﻃﻠﻌﺖ ﺑﺮﻩ ﺻﻌﺪﺕ ﺑﺴﻴﺎﺭﺗﻲ،ﻭﻗﻔﻠﺘﻬﺎ ....
ﻟﻜﻴﺖ ﺟﻮﻟﻴﻴﺖ ﻣﺘﺼﻠﻪ ﻋﻠﺊ ﺍﻟﻮﺍﺗﺴﺎﺏ ﻭﻋﻠﺊ ﺍﻟﻔﺎﻳﺒﺮ ﻭﺣﺘﺊ ﻋﻠﺊ ﺍﻟﺮﺻﻴﺪ ...
ﺩﺯﻳﺖ ﺍﻟﻬﺎ ﺭﺳﺎﻟﻪ ﻛﺘﺒﺖ ﺍﻧﻲ ﺟﺎﺑﺮ ﻻ ﺗﺨﺎﻓﻴﻦ ﺟﻜﻠﻴﺖ .. ﻣﻦ ﺍﻛﺘﺐ ﺟﻜﻠﻴﺖ ﻫﻲ ﺗﺘﻄﻤﻦ ﺍﻧﻲ،ﺟﺎﺑﺮ ..
ﻓﺘﺤﺖ ﺧﻂ ﻭﻫﻲ ﺗﺒﺠﻲ ﻛﺎﻟﺖ ﺑﺨﻮﻑ ... ﻣﻨﻮﻭﻭ ﺍﻟﻌﺮﻑ ﺑﻴﻪ ﻋﻨﺪﻙ
ﺟﺎﻭﺑﺘﻬﺎ ﺑﻀﺤﻜﻪ ﻭﺍﻧﻲ ﺍﻃﻤﻨﻬﺎ ... ﻻ ﺗﺨﺎﻓﻴﻦ ﻫﺎﻱ ﺍﻣﻲ ﻭﻓﻬﻤﺘﻬﺎ ﺍﻥ ﻫﻲ ﻓﺎﻫﻤﻪ ﻏﻠﻂ ..
ﺭﺩﺕ ﺑﺘﺮﻗﺐ ﻭﺭﻋﺐ ... ﻳﻌﻨﻲ ﻣﺎ ﻋﺮﻓﺖ
ﺟﺮﻳﺖ ﻧﻔﺲ ... ﻻ ﻣﻌﺮﻓﺖ ﻭﺑﻌﺪ ﻻ ﺗﺘﺼﻠﻴﻦ ﺍﻧﻲ ﺍﺗﺼﻞ ﻋﻠﻴﺞ ﺟﺎﻥ ﺟﺎﺳﺮ ﺑﺼﻔﻲ ﻭﺍﻧﺘﻲ ﺍﺗﺼﻠﻲ ﺣﺘﺊ ﺍﻟﻤﻮﺑﺎﻳﻞ ﻣﻦ ﺍﻟﺮﺑﻜﻪ ﺑﺪﻝ ﻣﺎ ﺍﻓﺘﺢ ﺧﻂ ﻓﺘﺤﺖ ﻣﺎﻳﻚ
ﺟﺮﺕ ﻧﻔﺲ ﺣﺰﻳﻦ ﻛﺎﻟﺖ ... ﺟﺎﺑﺮ ﺍﺭﻳﺪ ﺗﺴﻮﻳﻠﻲ ﻓﻴﺲ ﺍﺭﻳﺪ ﺍﺭﺍﺳﻞ ﺍﺧﻮﻳﻪ ﻋﻠﺊ ﺣﺴﺎﺑﻪ ﺑﻠﻜﻲ ﻳﺎﺧﺬﻧﻲ ﺍﻻﻣﻲ
ﺟﺎﻭﺑﺘﻬﺎ ﺑﺘﻨﻬﻴﺪﻩ ﻃﻮﻳﻠﻪ ... ﺷﻮﻓﻲ ﺟﻮﻟﻴﻴﺖ ﺍﻧﻲ ﺭﺍﺳﻠﺘﻪ ﻫﻮﻭﻭﺍﻱ ﺑﺲ ﺣﺴﺎﺑﻪ ﺗﻌﻄﻞ ﻫﻮ ﻭﺍﺧﻮﺝ ﺣﺎﺯﻡ ﺍﺛﻨﻴﻨﻬﻢ ﻋﻄﻠﻮ ﻛﻞ ﺣﺴﺎﺑﺎﺗﻬﻢ ﺑﺲ،ﺍﺫﺍ ﺗﺮﺩﻳﻦ ﺍﺳﻮﻳﻠﺞ ﻓﻴﺲ،ﻋﺎﺩﻱ ﺷﻮﻳﻪ ﺍﺳﻮﻳﻠﺞ ﺇﻳﻤﻴﻞ ﻭﺑﺎﺳﻮﻭﺭﺩ ﻭﺍﺭﺳﻠﻪ ﺍﻟﺞ ... ﺍﻧﺘﻲ،ﺑﻌﺪﺝ ﻓﺎﺗﺤﻪ ﻧﺖ ﻋﻠﺊ ﺍﻟﺮﺻﻴﺪ ﻣﻮﻭ ؟
ﺭﺩﺕ ﺑﻬﺪﻭﺀ ... ﺍﻱ ﻓﺎﺗﺤﻪ ﺑﻴﺎﻧﺎﺕ ﺑﻠﻜﻲ ﺍﻛﺪﺭ ﺍﺣﺼﻞ ﺣﺴﺎﺑﺎﺗﻬﻢ ﺍﻟﺠﺪﻳﺪﻩ ...
ﺯﻓﺮﺕ ﺑﻀﻴﻖ ... ﺩﻳﻼ ﻫﺴﻪ ﺍﻧﻲ ﺭﺍﺡ ﺍﻗﻔﻞ ﺍﻟﺨﻂ ﻭﻣﻦ ﺍﻓﺮﻍ ﺍﺳﻮﻳﻠﺞ ﻓﻴﺲ ﺍﺩﻟﻠﻲ
ﺟﺮﺕ ﻧﻔﺲ ﺣﺰﻳﻦ ﻭﻫﻤﺴﺖ ... ﺷﻜﺮﺍ ﺟﺎﺑﺮ ﻭﺍﻟﻠﻪ ﻟﻮ ﻣﺎ ﺍﻧﺖ ﺟﺎﻥ ﺍﻧﻲ ﺿﻌﺖ ﺍﺩﺭﻱ ﺗﻌﺒﺘﻚ ﻫﻮﻭﺍﻳﻪ ﻭﺍﻋﺮﻑ ﺻﺮﺕ ﺗﻀﻮﺝ ﻣﻦ ﺍﺗﺼﻞ ﺑﻴﻚ ﻭﺣﻘﻚ
ﺿﺤﻜﺖ ﺑﺘﻔﺎﺟﺊ ... ﻫﻬﻬﻬﻪ ﻻ ﻳﺎﺑﻪ ﺍﺩﻟﻠﻲ ﺻﺪﻙ ﺗﺤﺠﻴﻦ ﻭﺍﻟﻠﻪ ﻣﺎ ﺍﺿﻮﺝ ﻭﻻ ﺍﺧﺎﻑ ﺑﺲ ﺍﻧﻲ ﻃﻌﻨﺖ ﺍﺑﻦ ﻋﻤﻲ ﻭﻃﻌﻨﺖ ﺍﻟﻜﻞ ﺍﺗﻤﻨﺊ ﺍﻭﺻﻠﺞ ﺍﻻﻣﺞ ﺑﺄﻣﺎﻥ ﺣﺘﺊ ﺍﻧﻲ ﺍﺭﺗﺎﺡ ﻭﺍﻧﺘﻲ ﻫﻢ ﺗﺮﺗﺎﺣﻴﻦ
ﻫﻤﺴﺖ ﺑﺤﺰﻥ ... ﺍﻥ ﺷﺎﺀ ﺍﻟﻠﻪ ...
ﻭﺩﻋﺘﻬﺎ ﻭﻗﻔﻠﺖ ﺍﻟﺨﻂ ...
ﺭﺟﻌﺖ ﺩﺧﻠﺖ ﻟﻜﻴﺖ ﺍﻟﻮﻟﺪ ﻛﻠﻬﻢ ﻛﺎﻋﺪﻳﻦ ﻭﺍﺑﻮﻱ ﺑﻨﺼﻬﻢ ..
ﺑﺎﻭﻋﻠﻲ ﺟﺎﺳﺮ ﺑﺒﺘﺴﺎﻣﻪ ﻣﺴﺘﻬﺰﺋﺔ ... ﺍﺗﺼﺎﻻﺗﻚ ﻛﺜﺮﺍﻧﻪ ﺷﻨﻮ ﺻﻴﺪﻩ ﺟﺪﻳﺪﻩ ...
ﺿﺤﻜﺖ ﺑﺘﻮﺗﺮ ... ﻻ ﺻﺪﻳﻘﻲ ﻋﻨﺪﻩ ﻣﺸﻜﻠﻪ ﻭﻳﺮﻳﺪ ﺍﺣﻠﻬﺎ
ﺭﺟﻊ ﻳﺪﺧﻦ ﺑﺸﺮﺍﻫﻪ ... ﻣﺒﻴﻦ ﺻﺪﻳﻘﻚ ﻣﺸﺎﻛﻠﻪ ﻣﺎ ﺗﺨﻠﺺ
ﺣﻄﻴﺖ ﺍﻟﻤﻮﺑﺎﻳﻞ ﺑﺼﻔﻲ ﻭﺍﺑﺘﺴﻤﺖ ﺑﺘﻮﺗﺮ ... ﻻ ﺍﻥ ﺷﺎﺀ ﺍﻟﻠﻪ ﺧﻠﺼﺎﻧﻪ ﺗﻌﺮﻑ ﻣﺸﺎﻛﻞ ﺍﻟﺸﻐﻞ ﻭﻛﺬﺍ ﻭﺧﻄﻴﻪ ﺗﻜﻔﻠﺘﻪ
ﻃﻔﺊ ﺍﻟﺠﻜﺎﺭﻩ ﺑﺎﻟﻨﻔﺎﻇﻪ ﻫﻤﺲ .. ﻭﻧﻌﻢ ﻣﻨﻚ ... ﺧﻮﺵ ﻛﻔﻴﻞ ..
ﺍﺑﻮﻭﻭﻱ ﺟﺮ ﻧﻔﺲ ﻭﻫﻮ ﻳﻘﺒﺾ ﻋﻠﺊ ﺳﺒﺤﺘﻪ ﺑﺄﻳﻤﺎﻥ ﻓﻄﺮﻱ ... ﺍﻧﻲ ﺍﻟﻴﻮﻡ ﻋﺰﻣﺘﻜﻢ ﻭﺭﺍﻳﺪﻛﻢ ﺑﻤﻮﺿﻮﻉ ﺩﺍﻡ ﻃﻠﻌﺖ ﺍﻻﺭﺑﻌﻴﻦ ﺧﻠﻮﻧﻪ ﻧﺴﻮﻟﻒ . .
ﺻﻼﺡ ﺟﺎﻭﺑﻪ ﺑﺎﺣﺘﺮﺍﻡ ... ﺍﻱ ﻋﻤﻲ ﺍﺣﺠﻲ ﻭﻣﺸﻜﻮﺭ ﻋﻠﺊ ﺍﻟﻌﺰﻳﻤﻪ ...
ﺟﺮ ﻧﻔﺲ ﻭﻛﻤﻞ ﺑﺰﻫﺪ ﻭﻫﻮ ﻳﺒﺎﻭﻉ ﺍﻟﺼﻼﺡ ... ﺍﻟﻠﻪ ﻳﺒﺎﺭﻙ ﺑﻴﻚ
ﻭﺍﺭﺩﻑ ﺑﻬﻤﻪ ..... ﺗﻌﺮﻓﻮﻥ ﺍﻟﻠﻪ ﺳﻦ ﻋﻠﻴﻨﻪ ﺳﻨﺔ ﺍﻟﺰﻭﺍﺝ ﻭﺟﻌﻠﻪ ﺍﻣﺮ ﺷﺮﻋﻲ ﻭﺍﻛﻤﺎﻝ ﻟﻨﺺ ﺍﻟﺪﻳﻦ ... ﻳﺎ ﺑﻮﻳﻪ ﺍﻟﻤﻐﺰﺉ ﻣﻦ ﻛﻼﻣﻲ ﻫﻮ ...
ﺍﻧﺘﻢ ﺗﻌﺮﻓﻮﻥ ﻓﻼﺡ ﻣﺎﺕ ﻭﺗﺮﻙ ﻣﺮﺗﻪ ﻭﻫﻲ ﻣﺎ ﻋﻠﻴﻬﺎ ﺯﻭﺩ ﺷﺎﺑﻪ ﻭﺣﻠﻮﻩ ﻓﺈﻧﻲ ﺣﺒﻴﺖ ﺍﻓﺘﺢ ﻭﻳﺎﻛﻢ ﻣﻮﺿﻮﻋﻬﺎ ﻭﻃﺒﻌﺎ ﺑﺲ ﺗﻨﺰﻝ ﺣﻤﻠﻬﺎ ﻭﺗﺠﻴﺐ ﺑﺎﻟﺴﻼﻣﻪ ﺍﺣﻨﻪ ﻧﺮﺟﻊ ﻧﻔﺘﺢ ﺍﻟﻤﻮﺿﻮﻉ ...
ﻭﺍﻟﺮﺳﻮﻝ ﻳﻜﻮﻝ ﺻﻠﻰ ﺍﻟﻠﻪ ﻋﻠﻴﻪ ﻭﺍﻟﻪ ﻭﺳﻠﻢ : ( ﻳﺎ ﻣﻌﺸﺮ ﺍﻟﺸّﺒﺎﺏ ﻣﻦ ﺍﺳﺘﻄﺎﻉ ﻣﻨﻜﻢ ﺍﻟﺒﺎﺀﺓ؛ ﻓﻠﻴﺘﺰﻭّﺝ؛ ﻓﺈﻧّﻪ ﺃﻏﺾ ﻟﻠﺒﺼﺮ، ﻭﺃﺣﺼﻦ ﻟﻠﻔﺮﺝ ) .
ﻳﻌﻨﻲ ﺍﻟﻤﻘﺼﺪ ﻣﻦ ﻛﻼﻣﻲ ﻫﻲ ﺭﺍﺡ ﺗﻀﻞ ﻭﻳﺎﻛﻢ ﺑﺎﻟﺒﻴﺖ ﻭﻣﺎ ﺗﻜﺪﺭﻭﻥ ﺗﻐﻀﻮﻥ ﺍﻟﺒﺼﺮ ﻋﻨﻬﺎ ﻓﻼﺯﻡ ﻭﺍﺣﺪ ﻣﻨﻜﻢ ﻳﺘﺰﻭﺟﻬﺎ ...
ﺭﺩ ﺟﻌﻔﺮ ﺑﺎﺳﺘﻬﺰﺍﺀ .... ﺍﻧﻲ ﺑﺎﻟﻨﺴﺒﻪ ﺍﻟﻴﻪ ﻏﺎﺽ ﺍﻟﺒﺼﺮ ﻣﺴﺘﺤﻴﻞ ﺍﺑﺎﻭﻉ ﻟﻨﻮﻳﻠﻪ ﺟﻨﻬﺎ ﻃﺎﻭﻩ ﻣﺤﺘﺮﻛﻪ ...
ﺟﺎﻭﺑﻪ ﺟﺎﺳﺮ ﺑﻌﺼﺒﻴﺔ .. ﺍﻛﻞ ﺗﺒﻦ ﻟﻚ ﻣﻬﻤﺎ ﻳﻜﻮﻥ ﻫﻲ ﺍﻣﺎﻧﺔ ﺍﺧﻮﻧﺎ ﺍﻟﻤﺮﺣﻮﻡ ﻟﻮ ﺗﺤﺠﻴﻠﻚ ﺣﺠﺎﻳﻪ ﺑﻴﻬﺎ ﺧﻴﺮ ﻟﻮ ﺗﺴﻜﺖ ...
ﺿﺤﻚ ﺑﺎﺳﺘﻬﺰﺍﺀ ... ﻭ ﺷﻨﻮ ﻗﺎﺑﻞ ﺷﺤﺠﻴﺖ ﺑﺲ ﺍﻧﻲ ﻣﺴﺘﺤﻴﻞ ﺍﺗﺰﻭﺝ ﻧﻮﺍﻝ ﺗﻌﺮﻓﻮﻧﻲ ﺍﻛﺮﻫﻪ ﻣﻦ ﺯﻣﺎﻥ ﻭﺣﺪﻩ ﻣﻨﺎﻓﻘﻪ ﻭﺟﺬﺍﺑﻪ ﻭﻛﻞ ﻣﺎ ﺣﺠﺖ ﺍﻧﻲ ﻣﻮ ﻓﺘﺎﻧﻪ ﻻ ﻋﻤﻲ ﺍﻧﺘﻲ ﻓﻨﺎﻧﻪ ...
ﺭﺟﻊ ﻛﻤﻞ ... ﺍﻧﻲ ﻣﺎ ﺍﺗﺤﻤﻞ ﻫﻴﺞ ﻣﺮﻩ ﺟﻨﻬﺎ ﺍﻟﻨﺎﻃﻖ ﺍﻟﺮﺳﻤﻲ ﻣﺎﻝ ﺍﻟﺒﻴﺖ
ﻭﺑﻌﺪﻳﻦ ﺍﺑﻮﻭﻱ ﺍﻟﻠﻪ ﻳﺮﺣﻤﻪ ﻣﻮ ﺧﻄﺒﻠﻲ ﺭﻳﻬﺎﻡ ﻳﻌﻨﻲ ﻻﺯﻡ ﺗﻌﻔﻮﻧﻲ ﻣﻦ ﺍﻟﺰﻭﺍﺝ ﺑﻴﻬﺎ ﻟﻮ ﺷﻨﻮ ﻋﻤﻲ ﺗﻘﺒﻞ ﺍﺗﺰﻭﺝ ﻧﻮﻳﻠﻪ ﻋﻠﺊ ﺭﻳﻬﺎﻡ ... ؟
ﺍﻧﻲ ﺻﺪﻙ ﺿﺠﺖ ﺷﻨﻮ ﻫﻞ ﺳﻜﻴﺮ ﻳﺘﺰﻭﺝ ﺭﻳﻬﺎﻡ ﺟﻨﺖ ﻣﻨﺘﻈﺮ ﺭﺩ ﺍﺑﻮﻳﻪ ﺍﺑﻮﻱ ﻛﺎﻝ ... ﺍﻧﻲ ﺭﻳﻬﺎﻡ ﻣﺎ ﺍﺟﺒﺮﻫﺎ ﻋﻠﺊ ﺷﺊ ﺍﺫﺍ ﻗﺒﻠﺖ ﺑﻴﻚ ﻣﺒﺮﻭﻙ ﻋﻠﻴﻚ ﻭﺍﺫﺍ ﻣﻘﺒﻠﺖ ﺍﻧﻲ ﻣﺎ ﺍﺟﺒﺮﻫﺎ ...
ﺭﺩ ﺟﻌﻔﺮ .. ﻗﺒﻠﺖ ﺍﻭ ﻣﺎ ﻗﺒﻠﺖ ﺍﻟﻨﺎﻃﻖ ﺍﻟﺮﺳﻤﻲ ﻣﺎ ﺍﺗﺰﻭﺟﻬﺎ ﻟﻮ ﻳﺠﻲ ﺍﺑﻮﻭﻱ ﻣﻦ ﺍﻟﻜﺒﻮﺭ ...
ﺟﺎﺳﺮ ﺭﺟﻊ ﻃﻔﺊ ﺍﻟﺠﻜﺎﺭﺓ ﺑﺎﻟﻨﻔﺎﺿﻪ ﺍﻋﺘﻘﺪ ﻫﺎﻱ ﻋﺎﺷﺮ ﺟﻜﺎﺭﺓ ... ﻋﻤﻲ ﻋﻮﻓﻨﺎ ﻣﻦ ﺟﻌﻔﺮ ﻭﺧﻠﻲ ﺍﻟﻤﻮﺿﻮﻉ ﺍﻟﻮﻗﺘﻪ ﻫﺴﻪ ﻣﻮ ﺣﻠﻮﻩ ﻧﺤﺠﻲ ﺑﻬﻴﺞ ﻣﻮﺿﻮﻉ ...
ﺻﻼﺡ ﺑﻠﻊ ﺭﻳﻜﻪ ﺑﺘﻮﺗﺮ ... ﺍﻧﻲ ﻣﺴﺘﺤﻴﻞ ﺍﺗﺰﻭﺝ ﻧﻮﺍﻝ ﻣﺎ ﺍﺷﻮﻓﻬﺎ ﺍﻟﻪ ﺍﺧﺘﻲ ﻭﻣﺮﺓ ﺍﺧﻮﻭﻭﻱ ﺍﻟﻠﻪ ﻳﺨﻠﻴﻜﻢ ﻻ ﺗﻮﺭﻃﻮﻧﻲ ﺑﻴﻬﺎ ...
ﺭﺩ ﺟﺎﺳﺮ ... ﻭﺍﻧﻲ ﻣﺎ ﺍﺗﺰﻭﺟﻬﺎ ﻟﻮ ﻏﺰﻝ ﺗﻄﻠﻌﻠﻲ ﻣﻦ ﻛﺒﺮﻫﺎ ﻛﺎﻓﻲ ﻋﻠﻴﻪ ﺷﺎﻡ ﻭﺫﻳﺞ ﺍﻟﻜﻠﺒﻪ ﺑﻨﺖ ﺍﻟﻜﻠﺐ ...
ﺍﺑﻮﻱ ﺗﻌﺼﺐ ... ﺟﺎﺍﺍ ﻳﺎﻫﻮ ﻟﻴﺘﺰﻭﺟﻬﺎ ﺍﻧﻪ .. ؟
ﺟﺎﻭﺑﻪ ﺟﻌﻔﺮ ﺑﺠﺎﻭﺏ ﺍﺗﻤﻨﻴﺖ ﺍﺟﻴﺒﻪ ﺑﺒﻮﻛﺲ ﺍﻭﻛﻊ ﺳﻨﻮﻧﻪ ﺑﺤﻠﻜﻪ ﻣﻦ ﻛﺎﻝ ... ﺯﻭﺟﻬﺎ ﺍﻟﺠﺎﺑﺮ
ﻓﺘﺤﺖ ﻋﻴﻮﻧﻲ ﻣﺼﺪﻭﻡ ﻭﻛﻔﺖ ﺑﻬﺠﻮﻡ ... ﺷﻨﻮﻭ ﺷﻨﻮﻭ ﺯﻭﺟﺔ ﺍﺧﻮﻛﻢ ﻭﺍﻧﺖ ﺗﻼﺛﻪ ﻣﺎ ﻟﻜﻴﺘﻮ ﻏﻴﺮﻱ ﻳﺘﺰﻭﺟﻬﺎ ﺷﺪﺧﻠﻨﻲ ﺍﻧﻲ ﺍﺗﺰﻭﺟﻬﺎ ...
ﺟﺎﺳﺮ ﺑﺎﻭﻉ ﺍﻟﺠﻌﻔﺮ ﻭﻫﻤﺲ ﻣﻦ ﺑﻴﻦ ﺍﺳﻨﺎﻧﻪ ... ﺍﻧﺖ ﻋﻮﻭﺩ ﻟﻴﺶ ﻣﺎ ﺗﻨﻠﺼﻢ ﺍﻧﻮﺏ ﻣﺎ ﻳﻌﺮﻑ ﻳﺤﺠﻴﻠﻪ ﺣﺠﺎﻳﻪ ﺑﻴﻬﺎ ﺧﻴﺮ
ﺭﺩ ﺻﻼﺡ .. ﺷﻨﻮ ﻳﺘﺰﻭﺟﻬﺎ ﺟﺎﺑﺮ ﻫﻲ ﻣﻨﻮ ﻳﻜﻮﻝ ﺗﻘﺒﻞ ﺗﺰﻭﺝ ﻋﻨﺪﻫﺎ ﺗﻠﺚ ﺑﻨﺎﺕ ﻭﺍﻟﺮﺍﺑﻌﻪ ﺑﺎﻟﻄﺮﻳﻖ ﻭﺑﻨﺘﻬﺎ ﺑﻌﺪ ﻛﻢ ﺳﻨﻪ ﺗﺼﻴﺮ ﺷﺎﺑﻪ ﻳﻌﻨﻲ ﻣﺎﻟﻪ ﺩﺍﻋﻲ ﻟﺰﻭﺍﺟﻬﺎ ...
ﺟﺮ ﻧﻔﺲ ﺍﺑﻮﻭﻱ .. ﺍﻟﻤﺮﻩ ﺗﺮﻳﺪ ﺍﻟﻬﺎ ﺭﺟﺎﻝ ﻭﺷﻮﻓﻮﻫﺎ ﺑﺲ ﺗﺠﻴﺐ ﺗﻀﻞ ﺗﺘﺰﻋﻞ ﻭﺗﺮﻭﺡ ﺍﻻﻫﻠﻬﺎ ﻭﺍﻧﺘﻢ ﺍﻣﻜﻢ ﻣﺘﻌﻠﻘﻪ ﺑﺒﻨﺎﺕ ﻓﻼﺡ ... ﻳﻌﻨﻲ ﺍﻟﻠﻪ ﻳﺴﺎﻋﺪﻫﺎ ﺍﺫﺍ ﺍﺧﺬﺗﻬﻦ ﻭﺭﺍﺣﺖ ﻣﻮ ﺧﺴﺮﺕ ﺑﺲ ﻓﻼﺡ ﺗﺨﺴﺮ ﻋﺎﺋﻠﺔ ﻓﻼﺡ ﻛﻠﻬﺎ ...
ﺟﺎﺳﺮ ﻣﺴﺢ ﻭﺟﻬﻪ ﺑﺘﻮﺗﺮ ... ﻫﺴﻪ ﺧﻠﻴﻬﺎ ﺗﺠﻴﺐ ﻭﺍﻟﻠﻪ ﻛﺮﻳﻢ
ﺍﺟﺖ ﺍﻣﻲ ﺟﺎﺑﺖ ﺍﻟﺠﺎﻱ ﺿﻠﻮ ﻳﺸﺮﺑﻮﻥ ﺍﺑﻮﻱ ﻛﺎﻝ ... ﺍﻱ ﺟﺎﺳﺮ ﺑﻴﺖ ﻋﻢ ﻋﺎﺻﻢ ﻣﺎ ﻳﻌﺮﻓﻮﻥ ﻣﻜﺎﻥ ﻋﺎﺻﻢ ﻭﺍﻫﻠﻪ
ﺍﺭﺗﺸﻒ ﻣﻦ ﺍﺳﺘﻜﺎﻥ ﺍﻟﺠﺎﻱ ﺷﻮﻳﻪ ﻭﺭﺩ ﺑﺠﻤﻮﺩ ... ﻭﺍﻟﻠﻪ ﺷﻴﺨﻬﻢ ﻳﻜﻮﻝ ﺑﻴﺖ ﻋﻤﻬﻢ ﺍﻧﻬﺰﻣﻮﺍ ﺑﺼﻔﺤﻪ ﻭﺍﻫﻞ ﻋﺎﺻﻢ ﺍﻟﻜﻠﺐ ﺑﺼﻔﺤﻪ ...
ﺑﺎﻭﻋﻠﻪ ﺍﺑﻮﻭﻭﻱ ﺑﻐﻤﻮﺽ ... ﺻﺪﻛﺘﻬﻢ ...
ﺟﺎﺳﺮ ﺑﻬﺪﻭﺀ ... ﻣﻮ ﻣﻬﻢ ﺍﺫﺍ ﺻﺪﻛﺖ ﺍﻭ ﻻ ﻻﻥ ﻣﺮﺍﺡ ﺍﺗﻮﺻﻞ ﺍﻟﻨﺘﻴﺠﻪ ﻭﻣﺎﻛﻮ ﻭﺍﺣﺪ ﻳﺪﻟﻴﻨﻲ ﻋﻠﺊ،ﻋﺪﻭﻱ ﺍﻧﻲ ﺍﻃﻠﻌﻪ ﻟﻮ ﻳﺪﻓﻦ ﺭﻭﺣﻪ ﺑﺰﺍﻏﻮﺭ .. ﺍﻟﺰﻣﻦ ﻃﻮﻭﻳﻞ ﻭﺍﻟﺜﺎﺭ ﺑﻴﻨﻪ ...
ﺗﻮﺗﺮﺕ ﻣﻦ ﻛﻼﻣﻪ ﻭﺟﺮﻳﺖ ﻧﻔﺲ ... ﻳﺎﻟﻠﻪ ﺍﻥ ﺷﺎﺀ ﺍﻟﻠﻪ ﺗﻠﻜﺎﻫﻢ ﻭﺗﺎﺧﺬ ﻣﻦ ﻋﻴﻮﻧﻬﻢ ﻭﺍﻥ ﺷﺎﺀ ﺍﻟﻠﻪ ﺭﺑﻲ ﻳﻮﻛﻒ ﻭﻳﺎﻙ ...
ﺑﺎﻭﻋﻠﻲ ﻭﻫﻮ ﻳﺮﺳﻢ ﺍﺑﺘﺴﺎﻣﻪ ﺧﺒﻴﺜﻪ .. ﻻ ﺗﺤﺠﻲ ﺑﺎﻟﻠﻐﺔ ﺍﻟﺴﻴﺎﺳﻴﺔ ﻻﻥ ﻫﻞ ﺍﻟﻠﻐﺔ ﺗﺒﻴﻦ ﺍﻟﺠﺬﺍﺏ ﺻﺎﺩﻕ ﻭﺍﻟﻤﺠﺮﻡ ﻣﺤﺘﺮﻡ ...
ﺍﻧﺼﺪﻣﺖ ﻣﻦ ﻛﻼﻣﻪ ﺑﺲ ﻣﺎ ﻧﺎﻗﺸﺖ ﻭﺍﺑﻮﻱ ﻫﻤﺲ ... ﺍﻟﻠﻪ ﺍﻟﻤﻌﻴﻴﻦ ...
ﻭﻛﻒ ﺑﻌﺪ ﻣﺎ ﺗﻨﻬﺪ ﺑﺠﻤﻮﺩ ... ﺍﻧﻲ ﺭﺍﻳﺢ ﻣﻦ ﺗﺠﻮﻥ ﺟﻴﺒﻮ ﻭﻳﺎﻛﻢ ﻭﻗﺎﺭ ﻭﺍﺷﻮ ؟
ﺧﻠﻪ ﻭﻃﻠﻊ ... ﻫﻢ ﺿﻠﻮ ﺷﻮﻭﻳﻪ ﻛﺎﻋﺪﻳﻦ ﻭﺑﻌﺪﻫﺎ ﺭﺍﺣﻮ ﺍﺧﺬﻭ ﺍﻟﺒﻨﺎﺕ ﻭﺭﻳﻬﺎﻡ ﺭﺍﺣﺖ ﻭﻳﺎﻫﻢ ﻻﻥ ﻭﻗﺎﺭ ﺗﺤﺒﻬﺎ ﻭﻣﺮﺗﺎﺣﻪ ﺍﻟﻬﺎ ...
ﺍﺑﻮﻭﻭﻱ ﻃﻠﻊ ﺧﺎﺑﺮﻩ ﻭﺍﺣﺪ ﻣﻦ ﺍﻟﺸﻴﻮﺥ ﻭﻃﻠﻊ ...
ﺿﻠﻴﻨﻪ ﺑﺲ ﺍﻧﻲ ﻭﺃﻣﻲ ...
ﺍﺟﺖ ﺍﻣﻲ ﻓﻠﺸﺖ ﺑﺎﺏ ﻏﺮﻓﺘﻲ ﻭﻫﻲ ﻣﺘﻌﺼﺒﻪ ﻓﺘﺤﺖ ﺍﻟﺒﺎﺏ ﺑﻔﺸﻠﻪ ... ﻫﺎﺍﺍﺍ ﻳﻤﻪ
ﺭﺩ ﺑﻐﻀﺐ ... ﻭﻟﻚ ﺷﻤﺴﻮﻱ ﺍﺣﺠﻲ ﺟﻮﻟﻴﻴﺖ ﻭﻳﻨﻬﺎ ﺭﺟﻌﻬﺎ ﻻﺑﻦ ﻋﻤﻚ ﻻ ﺍﻛﻮﻝ ﺍﻻﺑﻮﻙ ﻭﺧﻠﻲ ﻳﺬﺑﺤﻚ ﻣﺨﻠﻲ ﺍﻟﻨﺎﺱ ﻧﺎﺱ ﺗﺮﻛﻊ ﺑﻨﺎﺱ ﻭﺍﻧﺖ ﻣﺜﻞ ﺣﻴﺔ ﺍﻟﺘﺒﻦ ﺗﻜﺮﺹ ﻭﺗﻀﻢ ﺭﺍﺳﻚ ...
ﻟﻴﺶ ﻣﺎ ﺗﻨﻄﻴﻬﻢ ﺍﻟﺒﻨﻴﻪ ﻭﺑﻌﺪﻳﻦ ﺷﻠﻮﻥ ﻋﻨﺪﻙ ﺣﺮﺍﻡ ﻭﻋﻴﺐ ﺭﺟﻌﻬﺎ ﻻ ﺍﺭﻭﺡ ﺍﻛﻠﻠﻬﻢ
ﺗﻨﻬﺪﺕ ﺑﻀﻴﻖ ... ﻳﻤﻪ ﻣﺎ ﺍﺭﺟﻌﻬﺎ ﺍﻧﻲ ﻭﻋﺪﺗﻬﺎ ﺍﻭﺻﻠﻬﺎ ﺍﻻﻫﻠﻬﺎ ﻭﻻﺯﻡ ﺍﺭﺟﻌﻬﺎ ﺍﻻﻣﻬﺎ ...
ﺻﺮﺧﺖ ﺑﻮﺟﻬﻲ ﺑﻌﺼﺒﻴﺔ ... ﻫﻲ ﻭﻳﻴﻦ ﺍﻣﻬﺎ ﻭﻟﻚ ﻣﺼﺨﻢ ﻭﻟﻚ ﺷﻜﻮﻝ ﺷﺤﺠﻲ ﻛﻠﻲ ﻭﻳﻨﻬﺎ ﻭﺧﻠﻲ ﺍﻧﻲ ﺍﺭﺟﻌﻬﺎ
ﻣﺴﺤﺖ ﻭﺟﻬﻲ ﺑﺘﻮﺗﺮ ... ﻳﻤﻪ ﺍﻟﺒﻨﻴﻪ ﺳﻠﻤﺖ ﺍﻟﻨﺎﺱ ﻭﻫﻞ ﻧﺎﺱ ﺍﻣﻴﻨﻴﻦ ﻣﻮ ﻋﻨﺪﻱ ﻭﺍﻟﻠﻪ ﻣﻦ ﺍﻭﻝ ﻳﻮﻡ ﻣﻮ ﻋﻨﺪﻱ
ﺟﺮﺕ ﻧﻔﺲ ﻭﺣﻄﺖ ﺍﻳﺪﻫﺎ ﻋﻠﺊ ﻛﺘﻔﻲ ﻭﻫﻲ ﺗﻔﺢ ﻣﻦ ﺍﻟﻌﺼﺒﻴﺔ ... ﻳﻤﻤﻤﻪ ﺟﺎﺑﺮ ﺍﻟﺸﻴﻄﺎﻥ ﻣﺎ ﻣﺎﺕ ﻭﺍﺫﺍ ﺍﻟﺒﻨﻴﻪ ﻋﻨﺪﻙ ﺭﺟﻌﻬﺎ ﻫﻲ ﺣﻠﻴﻮﺓ ﻭﺻﻐﻴﺮﻩ ﺍﺧﺎﻑ ﺗﻮﻛﻊ ﺑﺎﻟﻐﻠﻂ ﻭﺗﺮﻭﺡ ﺑﻴﻬﺎ
ﻋﻘﺪﺕ ﺣﻮﺍﺟﺒﻲ ﺑﺎﺳﺘﻐﺮﺍﺏ ... ﺷﻨﻮ ﻳﻤﻪ ﻟﻬﻞ ﺩﺭﺟﻪ ﻣﺎ ﻋﻨﺪﺝ ﺛﻘﻪ ﺑﻴﻪ ﻟﻬﻞ ﺩﺭﺟﻪ ﺍﻧﻲ ﻧﺬﻝ ﺑﻌﻴﻨﺞ ﻛﺘﻠﺞ ﻭﺍﻟﻠﻪ ﻟﻴﻠﺔ ﻭﺣﺪﻩ ﻣﺎ ﺿﻠﺖ ﻋﻨﺪﻱ ﺍﺧﺬﺗﻬﺎ ﺑﻤﻜﺎﻥ ﺍﻣﻴﻦ ﻭﺭﺍﺣﺖ ﺑﺲ ﻫﻲ ﺗﺮﻳﺪ ﺍﻣﻬﺎ ﻭﺍﻧﻲ ﺍﺩﻭﺭ ﻋﻦ ﺍﻣﻬﺎ
ﻭﺍﺫﺍ ﺗﺮﺩﻳﻦ ﺭﻭﺣﻲ ﺍﻋﺘﺮﻓﻲ ﻋﻨﻲ ﻭﺧﻠﻲ ﻳﺪﻓﻨﻮﻧﻲ ﺑﺎﻟﻔﺘﺤﻪ ﺍﻟﺨﺎﻣﺴﻪ ﻭﺍﻧﺘﻲ ﺍﻟﺒﺴﻲ ﺍﺳﻮﺩ ﻭﺿﻠﻲ ﺍﻟﻄﻤﻲ ﻭﻛﻮﻟﻲ ﺍﻧﻲ ﺍﻟﺴﺒﺐ ﺑﻤﻮﺕ ﺍﺑﻨﻲ ﺍﻧﻲ ﻛﺘﻠﺖ ﺍﺑﻨﻲ ﺍﻟﻤﻈﻠﻮﻡ ...
ﺻﻜﺖ ﺍﺳﻨﺎﻧﻬﺎ ﻭﺭﺟﻌﺖ ﺿﺮﺑﺘﻨﻲ ﺑﻘﺒﻀﺔ ﺍﻳﺪﻫﺎ ﻋﻠﺊ ﺻﺪﺭﻱ ... ﻭﺭﻃﺖ ﻧﻔﺴﻚ ﻭﻟﻚ ﺟﺎﺍﺍﺑﺮ ﺷﻴﺨﻠﺼﻚ ﻣﻦ ﺍﺑﻦ ﻋﻤﻚ ﻭﻣﻦ ﺍﺑﻮﻭﻙ ﺑﻌﺪ ﻣﺎ ﺍﻟﻚ ﺷﻐﻞ ﺑﻴﻬﺎ ﻭﻻ ﺗﺮﺩ ﻋﻠﺊ ﺍﺗﺼﺎﻻﺗﻬﺎ ﻋﻮﻓﻬﺎ ﺗﺤﺘﺎﺭ ﺑﺮﻭﺣﻬﺎ ﻣﺎ ﻳﺠﻲ ﻣﻦ ﻭﺭﺍﻫﺎ ﺑﺲ ﺍﻟﻤﺸﺎﻛﻞ .
ﺍﻧﺼﺪﻣﺖ ﻣﻦ ﻛﻼﻣﻬﺎ ﻣﻌﻘﻮﻟﻪ ﻫﺎﻱ ﺍﻣﻲ ﻫﺰﻳﺖ ﺭﺍﺳﻲ ﺑﻨﻔﻲ ... ﺻﺪﻙ ﺗﺤﺠﻴﻦ ﻳﻤﻤﻪ ﺧﻠﻲ ﻧﻔﺴﺞ ﺑﻤﻜﺎﻥ ﺍﻣﻬﺎ ﻭﺧﻠﻲ ﺭﻳﻬﺎﻡ ﺑﻤﻜﺎﻧﻬﺎ ﻻ ﺳﻨﺪ ﻭﻻ ﻋﻮﻭﻥ ﻭﺑﻨﺺ ﺍﻟﻮﺣﻮﺵ ﻭﻣﺤﺪ ﺍﻟﻬﺎ ﻳﻤﻜﻦ ﺍﻧﻲ ﺩﻋﻮﺓ ﺍﻣﻬﺎ ﺍﻟﺼﺎﺩﻗﻪ ﻟﻬﺬﺍ ﺍﻟﺴﺒﺐ ﺍﻧﻲ ﻣﺘﺤﻤﺲ ﺍﺳﺎﻋﺪﻫﺎ ﻭﻣﺎ ﻣﺘﻨﺪﻡ ﻻﻥ ﺧﻄﻴﻪ ﻣﺤﺪ ﺍﻟﻬﺎ ...
ﺑﺎﻭﻋﺘﻠﻲ ﺑﺤﺰﻥ ... ﻳﻤﻤﻪ ﻓﺪﻭﻩ ﺍﺭﺣﻤﻨﻲ ﻫﺎﻱ ﺳﺎﻟﻔﺘﻬﺎ ﻣﺴﺘﻌﺼﻴﺔ ﻣﺎ ﺍﺭﻳﺪ ﺍﺧﺴﺮﻙ
ﻭﺍﻟﻠﻪ ﮔﻮﺓ ﺻﺮﺕ ﻋﻨﺪﻱ ﺑﺎﻟﺘﻮﺍﺳﻴﻞ ﻭﺑﺎﻟﻨﺬﻭﺭﺓ ﻳﺎﻟﻠﻪ ﺧﻠﻔﺘﻚ ﻻ ﺗﻔﺠﻌﻨﻲ ﺑﻴﻚ ﻳﺎ ﺟﺎﺑﺮ ...
ﺑﺴﺘﻬﺎ ﺑﺮﺍﺳﻬﺎ .. ﻳﻤﻪ ﻻ ﺗﺨﺎﻓﻴﻦ ﺍﻟﻠﻪ ﺍﻟﺤﺎﻓﻆ ...
ﺟﺮﺕ ﻧﻔﺲ ... ﻭﻧﻌﻢ ﺑﺎﻟﻠﻪ ﺑﺲ ﻳﻤﻪ ﺑﻌﺪ ﻣﺎﻟﻚ ﺷﻐﻞ ﻓﺪﻭﺓ ﺍﺭﻭﺡ ﺍﻟﻄﻮﻟﻚ
ﺿﺤﻜﺖ ... ﻻ ﺷﻌﻨﺪﻱ ﻗﺎﺑﻞ ﺑﺲ ﺩﻳﺮﻱ ﺑﺎﻟﺞ ﺩﻛﻮﻟﻴﻦ ﺟﺎﺑﺮ ﻫﻮ ﺍﻟﻲ ﻫﺮﺏ ﺟﻮﻟﻴﻴﺖ ﻻﻥ ﺭﺍﺡ ﻳﻨﺘﻘﻤﻮﻥ ﻣﻨﻲ ﻭﺍﻧﻲ ﻣﺎ ﺍﻋﺮﻑ ﻭﻳﻦ ﺭﺍﺣﺖ ﺑﺲ ﺑﺎﻟﺒﺪﺍﻳﺔ ﺧﻠﻴﺘﻬﺎ ﺑﻤﻜﺎﻥ ﺍﻣﻴﻦ ﻭﺑﻌﺪﻫﺎ ﻛﻠﺘﻠﻬﻢ ﺿﻴﻌﻮﻫﺎ ﻣﻨﻲ ﺍﺧﺎﻑ ﻳﺠﺒﺮﻭﻧﻲ ﺍﻋﺘﺮﻑ ﻋﻨﻬﺎ ...
ﻧﻔﺨﺖ ﺑﻐﻀﺐ ﻭﺗﺮﻛﺘﻨﻲ ﻭﺭﺍﺣﺖ ...
ﺳﺪﻳﺖ ﺍﻟﺒﺎﺏ ﻭﺭﺣﺖ ﺭﺩﺕ ﺍﺗﺼﻞ ﺑﺠﻮﻟﻴﻴﺖ ﺑﺲ ﺑﻄﻠﺖ ﻻﻥ ﺍﻟﻮﻗﺖ ﻣﺘﺎﺧﺮ ﻭﻣﺎ ﺣﺒﻴﺖ ﺍﺯﻋﺠﻬﺎ
ﻧﻤﺖ ﺗﻌﺒﺎﻥ ﻭﻣﺤﺘﺎﺭ ﻫﻞ ﻣﺮﻩ ﺍﻣﻲ ﻟﻜﻔﺘﻨﻲ ﻣﺮﻩ ﺛﺎﻧﻴﻪ ﻣﻨﻮ ﻳﻠﻜﻔﻨﻲ ﺍﻟﻠﻪ ﺍﻟﻴﺴﺘﺮ .......
............................
ﺟﻮﻟﻴﻴﺖ ...
ﻃﻠﻌﺖ ﺑﺎﻟﺒﺴﺘﺎﻥ ﻭﺍﻧﻲ ﺍﺗﻨﻘﻞ ﺑﻴﻦ ﺍﺷﺠﺎﺭﻩ ﺍﻟﺤﻠﻮﻩ ﺟﺎﻥ ﺍﻟﺠﻮ ﺷﻮﻳﻪ ﺑﺎﺍﺭﺩ ...
ﻛﻌﺪﺕ ﻛﻌﺪﻩ ﺑﺘﻌﺐ ﻭﺿﻠﻴﺖ ﺍﻗﻄﻒ ﺑﺎﻟﺨﻀﺮﻩ ﻭﺍﺟﻤﻌﻬﺎ ﻭﺳﻠﻚ ﻫﻤﺎﺗﻴﻦ ...
ﺍﺷﺘﻬﻴﺖ ﺩﻭﻭﻟﻤﻪ ﺍﺭﻳﺪ ﺍﺳﻮﻭﻳﻬﺎ ﺑﺲ ﺍﺧﺎﻑ ﺻﺒﺮﻳﻪ ﻣﺘﻘﺒﻞ ﻣﺨﻠﺼﺘﻬﺎ ﻋﻠﻴﻪ ﻟﺤﻢ ﻭﺗﺸﺮﻳﺐ ﻭﺍﻧﻲ ﻣﺎ ﺍﺣﺐ ﻫﻴﺞ ...
ﺳﻔﻄﺖ ﺍﻟﺨﻀﺮﻩ ﻛﻞ ﻧﻮﻉ ﻭﺣﺪ ...
ﺍﺟﺖ ﺻﺒﺮﻳﻪ ﺗﻬﻒ ﺭﺍﺑﻄﻪ ﻋﺒﺎﻳﺘﻬﺎ ﻋﻠﺊ ﺑﻄﻨﻬﺎ ﻛﻌﺪﺕ ﺑﺼﻔﻲ ﻛﺎﻟﺖ ... ﺭﺣﺖ ﻋﻠﻔﺖ ﺍﻟﻬﻮﻭﻭﺵ ﺍﻧﻘﻬﺮﺕ ﻋﻠﻴﻬﻦ ﻻ ﻳﺎﻛﻠﻦ ﻭﻻ ﻳﺸﺮﺑﻦ ﻣﻦ ﻣﺎﺕ ﺍﻟﺜﻮﺭ ﻟﺤﺪ ﻫﺴﻪ ﻭﻫﻨﻪ ﻣﺎ ﻳﺎﻛﻠﻦ ﺣﺰﻧﺎﻧﺎﺕ ...
ﺣﻘﻬﻦ ﺍﻟﺜﻮﺭ ﻋﺰﻳﺰ ... ﻭﺍﻟﻠﻪ ﻟﻮ ﻣﻴﺖ ﺍﺑﻮ ﺍﻟﻠﻮﻝ ﻭﻻ ﻣﻴﺖ ﺍﻟﺜﻮﺭ ...
ﺍﺑﺘﺴﻤﺖ ﻭﺧﻠﻴﺖ ﺍﻟﺴﻠﮓ ﻋﻠﺊ ﺻﻔﺤﻪ ﺑﺎﻭﻋﺘﻠﻬﺎ ... ﺧﺎﻟﻪ ﻫﻮ ﺍﺑﻮ ﺍﻟﻠﻮﻝ ﻟﻴﺶ ﺗﺰﻭﺝ ﻋﻠﻴﺞ
ﺍﺣﺘﺪﺕ ﻣﻼﻣﺤﻬﺎ ﻣﺜﻞ ﺍﺳﺪ ﻣﻔﺘﺮﺱ ﻛﺎﻟﺖ ... ﻫﺎﻱ ﺣﺴﻨﻪ ﺍﺧﺬﺗﻪ ﻣﻨﻲ ﻭﺣﺪﻩ ﻛﺢ ...
ﺿﻠﺖ ﺗﻔﺸﺮ ﻭﺗﻐﻠﻂ ﻭﺗﺴﺐ ...
ﺍﺳﺘﻐﺮﺑﺖ ﻭﺍﺳﺘﺤﻴﺖ ... ﻫﻲ ﻭﻳﻦ ﺗﻌﺮﻑ ﺍﺑﻮ ﺍﻟﻠﻮﻝ
ﺿﺤﻜﺖ ﻭﻫﻲ ﺗﺎﻛﻞ ﺑﺎﻟﺨﻀﺮﻩ ﻭﺳﺨﺔ ... ﻣﺮﺓ ﺍﺧﻮﻭ ﺣﺴﻴﻨﻪ ﺍﻡ ﺍﻟﻮﺻﺦ
ﺳﺤﺒﺖ ﺍﻟﺨﻀﺮﻩ ﻣﻦ ﺍﻳﺪﻫﺎ ... ﺧﺎﻟﻪ ﻣﻮ ﺯﻳﻦ ﻛﻠﻬﺎ ﻃﻴﻦ
ﺟﺮﺗﻬﺎ ﻣﻨﻲ ﺑﻐﻀﺐ .. ﺩﺟﻴﺒﻲ ﻛﻠﻬﺎ ﻃﻴﻴﻦ ... ﻋﻮﻭﻓﻴﻬﺎ ﺗﺼﻔﺊ ﺑﺎﻟﻤﻌﺪﻩ
ﺑﺎﻭﻋﺘﻠﻬﺎ ﺑﺤﺰﻥ ... ﺍﻱ ﺧﺎﻟﻪ ﻛﻤﻠﻲ ﻳﻌﻨﻲ ﻫﻮ ﺧﺎﻧﺞ ﻭﺍﺗﺰﻭﺝ ﺯﻭﺟﺔ ﺍﺧﻮﻭ ﺯﻳﻦ ﺍﺧﻮﻭ ﻭﻳﻦ
ﺭﺟﻌﺖ ﺗﻌﻠﺲ ﺑﺎﻟﺨﻀﺮﻩ .. ﺍﺧﻮ ﻣﺎﺕ ﺑﺤﺮﺏ ﺍﻳﺮﺍﻥ ﻭﺣﺴﻨﻪ ﺿﻠﺖ ﺍﺭﻣﻠﻪ ...
ﺍﺭﺑﻊ ﺳﻨﻴﻦ ﻭﻫﻲ ﻳﻮﻣﻴﻪ ﺟﺎﻳﻪ ﻟﻠﺒﺴﺘﺎﻥ ﻭﻛﺎﻟﺖ ﺑﻌﻴﺎﺭﺓ ... ﻳﺎﺍﺍ ﺍﻟﻴﻮﻡ ﺟﺒﺖ ﺳﻤﺞ ﻭﻛﻠﺖ ﻫﺎﻱ ﺍﻟﺴﻤﻴﺠﻪ ﻻﺑﻮ ﺍﻟﻠﻮﻝ ...
ﻭﺍﻧﻪ ﺟﻨﺖ ﻋﻠﺊ ﻻﻫﻴﺘﻲ ﻭﻓﻄﺮﺗﻲ ﻣﺎ ﺍﺩﺭﻱ ﺑﺨﺒﺚ ﺣﺴﻨﻪ ...
ﻣﻨﺎ ﻟﻤﻦ ﺍﺟﺖ ﻣﺮﺕ ﺍﺧﻮﻱ ﺍﺑﻮ ﺩﺍﻭﻭﺩ ﻭﻛﺎﻟﺖ ... ﻭﻟﺞ ﻳﺼﺒﺮﻳﺔ ﺍﺑﻮ ﺍﻟﻠﻮﻝ ﺗﺰﻭﺝ ﻋﻠﻴﺞ ﺣﺴﻨﻪ ...
ﺍﻧﻪ ﻣﺎ ﺍﻧﻘﻬﺮﺕ ﺑﻜﺪ ﻣﺎ ﺍﻧﻘﻬﺮﺕ ﻋﻠﺊ،ﺛﻮﺭﻱ ﺍﻟﺜﺎﻧﻲ ﺑﺎﻋﻪ ﺍﺑﻮ ﺍﻟﻠﻮﻝ ﻋﻠﺊ ﺍﺑﻮ ﻳﺸﺘﺮﻱ ﺍﻟﻨﻪ ﺑﺴﺘﺎﻥ ﺛﺎﺭﻱ ﻃﻠﻊ ﺑﺎﻳﻊ ﺛﻮﺭﻱ ﻭﻣﻌﺮﺱ ﻫﻮ ﻭﺣﺴﻨﻪ ﺍﻡ ﺍﻟﻮﺻﺦ ...
ﻋﺎﺩ ﻃﺮﺩﺗﻪ ﻫﻮ ﻭﺣﺴﻨﻪ ﺑﺲ ﻟﻬﺴﻪ ﻣﻘﻬﻮﺭﺓ ﻋﻠﺊ ﺛﻮﺭﻱ
ﺑﺼﺮﺍﺣﻪ .. ﺍﻧﻲ ﻣﺎ ﻋﻨﺪﻱ،ﺣﻆ ﺑﺎﻟﺜﻴﺮﺍﻥ ... ﻭﺣﺘﺊ ﻗﺮﺭﺕ ﺑﻌﺪ ﻣﺎ ﺍﺷﺘﺮﻳﻬﻦ ﻭﺍﺣﺪ ﻣﺎﺕ ﻭ ﻭﺍﺣﺪ ﻋﺮﺱ ﺑﻲ ﺍﺑﻮ ﺍﻟﻠﻮﻝ ﺍﻟﺜﻮﺭ ...
ﻫﻤﺴﺖ ﺑﻘﻬﺮ ... ﺍﻟﻠﻪ ﻳﺴﺎﻋﺪﺝ ..
ﺑﺎﻭﻋﺘﻠﻲ ﻭﻫﻮ ﺗﻮﺭﺙ ﺑﺠﻜﺎﺭﺗﻬﺎ ... ﻫﻬﻪ ﺧﺎﻳﺒﻪ ﺷﺒﻴﺞ ﺍﻧﺘﻲ ﻟﻮ ﺷﺎﻳﻔﺘﻪ ﺍﺑﻮ ﺍﻟﻠﻮﻝ ﺟﺎﺍﺍ ﻏﻤﻴﺘﻴﻨﻲ ﺍﻧﻲ ﻭﺣﺴﻨﻪ ﻛﺼﻴﺮ ﻭﻛﺮﺷﻪ ﺟﻨﻪ ﺻﺮﺓ ﺯﻋﻼﻧﺔ ...
ﺿﺤﻜﺖ ... ﺧﺎﻟﻪ ﺍﻧﺘﻲ ﻣﺎﻋﻨﺪﺝ ﺍﻃﻔﺎﻝ
ﻋﺒﺴﺖ ﻣﻼﻣﺤﻬﺎ ... ﻳﻴﻴﻊ ﻫﻲ ﺑﺲ ﻭﺣﺪﻩ ﻫﻤﺰﻳﻦ ﻣﺎ ﺧﻠﻔﺖ ﻣﻦ ﺍﺑﻮ ﺍﻟﻠﻮﻝ ﺟﺎﻥ ﺿﻠﻴﺖ ﺍﻓﺘﺮ ﺑﺎﻟﻜﺸﺎﻓﺎﺕ ﺍﺯﻭﺟﻬﻦ ...
ﺍﺑﺘﺴﻤﺖ .. ﻳﺎﺍﺍﺍ ﻟﻴﺶ
ﺳﺤﺒﺖ ﻣﻦ ﺟﻜﺎﺭﺗﻬﺎ ﻛﺎﻟﺖ ... ﺧﻠﻔﺖ ﻟﻴﺎﻟﻲ ﺟﻨﻬﺎ ﺍﺑﻮ ﺍﻟﻠﻮﻝ ... ﺟﺎﻥ ﻳﺪﻟﻌﻬﺎ ﻟﻮﻝ ﻭﺿﻠﻮ ﻳﺴﻤﻮﻧﻪ ﺍﺑﻮ ﺍﻟﻠﻮﻝ ﻭﺍﻧﻪ ﻫﻢ ﺟﺎﻧﻮ ﻳﺴﻤﻮﻧﻲ ﺍﻡ ﺍﻟﻠﻮﻝ
ﺍﺳﺘﻐﺮﺑﺖ ... ﻟﻌﺪ ﻭﻳﻨﻬﺎ ﻟﻴﺎﻟﻲ
ﻃﻔﺖ ﺟﻜﺎﺭﺗﻬﺎ ﺑﺎﺻﺒﻌﻬﺎ ﺑﻌﺪ ﻣﺎ ﺑﻠﻠﺘﻪ ﺑﺎﻟﻌﺎﺑﻬﺎ ... ﺗﺰﻭﺟﺖ ﺑﺎﻟﻌﻤﺎﺭﺓ ﻣﺎ ﺻﺪﻛﺖ ﻟﻜﺖ ﺍﻟﻬﺎ ﺭﺟﻞ ﻻ ﺗﺴﺄﻝ ﻻ ﺩﻛﻮﻝ ﺟﻨﻬﺎ ﻣﺎﺗﺖ ...
ﺍﻧﻪ ﺟﻨﺖ ﺍﺭﻭﺡ ﺍﻟﻬﺎ ﻭﺍﺭﻭﺡ ﻣﺤﻤﻠﻪ ﺍﺧﺬ ﺍﻟﻤﻼﺑﺲ ﻭﺍﻟﺤﻠﻴﺐ ﻭﺍﻟﺠﺒﻦ ﻭﺍﻟﺼﻨﺎﺩﻳﮓ ﻣﺎﻝ ﺍﻟﻔﻮﺍﻛﻬﻪ ﻭﺍﻟﺨﻀﺮﻩ ﺑﺲ ﻫﻲ ﺟﻠﺒﺔ ﻋﻠﺊ ﺍﺑﻮﻫﺎ ﻣﺎ ﻳﻐﺰﺭ ﺑﻌﻴﻨﻬﺎ ...
ﻭﻛﻌﺖ ﻣﺮﻳﻀﻪ ﻣﺎ ﺻﺪﻙ ﺟﺬﺏ ﺍﺟﺘﻨﻲ ﻭﺳﺄﻟﺖ ﻋﻦ ﺣﺎﻟﻲ ﺻﺎﺭ ﺑﻴﻪ ﺳﻞ ﻭ ﺍﻻﻭﺍﺩﻡ ﺩﺍﺭﺗﻨﻲ ﻭﻳﺨﺎﺑﺮﻭﻫﺎ ﺩﻛﻮﻝ . ﻣﺎ ﺍﻛﺪﺭ ﺍﺟﻲ ﻓﺮﻭﺧﻲ ﺑﺎﻟﻤﺪﺭﺳﻪ
ﻋﺎﺩ ﺗﻜﺎﻃﻌﺖ ﺍﻧﻪ ﻭﻳﺎﻫﺎ ﻣﻦ ﺧﻔﺖ ﺍﻟﺸﻮﻓﺘﻬﺎ ﻫﻲ ﻭﺍﺑﻮﻫﺎ
ﺍﻧﻘﻬﺮﺕ ﻛﻌﺪﺕ ﻳﻤﻬﺎ ﻭﺣﻀﻨﺘﻬﺎ ... ﺷﻠﻮﻥ ﺍﻟﻬﺎ ﻧﻔﺲ ﻭﺍﻟﻠﻪ ﻫﺴﻪ ﺍﻧﻲ ﻣﻴﺘﻪ ﻋﻠﺊ ﺍﻣﻲ ﺍﺗﻤﻨﺊ ﻋﻨﺪﻱ ﺟﻨﺎﺣﺎﺕ ﻭﺍﻃﻴﺮ ﺍﻟﻬﺎ ﻭﺍﻟﻠﻪ ﻛﻞ ﻳﻮﻡ ﺍﺑﺠﻲ ﻳﺎﻟﻠﻪ ﺍﻧﺎﻡ ﻣﻦ ﺍﺗﺬﻛﺮﻫﺎ ...
ﺍﻧﻲ ﺑﻨﺘﺞ ﺧﺎﻟﻪ ﻭﺍﻧﺘﻲ ﺍﻥ ﺷﺎﺀ ﺍﻟﻠﻪ ﺍﻣﻲ
ﺣﻀﻨﺘﻲ ﻭﺟﺮﺕ ﻧﻔﺲ ... ﻣﻮ ﻛﻞ ﮔﻠﺐ ﮔﻠﺐ ﻳﺠﻜﻠﻴﺖ ﺍﻟﻠﻪ ﻳﺮﺟﻌﺞ ﻟﺤﻀﻦ ﺍﻣﺞ ﻭﻳﻬﺪﻱ ﺯﻭﺟﺞ ﻋﻠﻴﺞ
ﺭﻓﻌﺖ ﺍﻳﺪﻱ ﺑﺎﻳﻤﺎﻥ ... ﺍﻣﻴﻴﻦ ...
ﻟﺰﻣﺖ ﻭﺟﻬﻲ ﻭﻫﻲ ﺗﺒﺎﻭﻋﻠﻲ ﺑﺤﻨﻴﺔ ... ﻛﻮﻣﻲ ﺍﺩﺧﻠﻲ ﺟﻮﻩ ﺍﻧﺘﻲ ﺣﺎﻣﻞ ﻭﺟﻬﺞ ﺍﻟﺤﻠﻮﻭ ﻣﺎ ﺍﺭﻳﺪ ﻳﻐﻴﺮﻩ ﺍﻟﻬﻮﻩ ﻭﺍﻟﺠﻮﻭ ...
ﺑﺠﻴﺖ ﺑﻨﺤﻴﺐ ﻫﻤﺴﺖ ﻭﺍﻧﻲ ﺑﺤﻀﻨﻬﺎ .. ﺧﺎﻟﻪ ﺗﻌﺒﺎﻧﻪ
ﺟﺮﺕ ﻧﻔﺲ ﻭﻫﻲ ﺗﺸﺪ ﺑﺤﻀﻨﻬﺎ ﻋﻠﻴﻪ ... ﻳﺨﺴﺊ ﺍﻟﺘﻌﺐ ﻳﺘﮕﺮﺏ ﻣﻦ ﻋﻴﻮﻧﺞ ﺍﻟﺤﻠﻮﺓ ﻛﻮﻣﻲ ﻳﻤﻪ ﻛﻮﻭﻣﻲ ﺧﻠﻴﻨﻪ ﻧﺪﺧﻞ ﺟﻮﻭﻩ ﻭﻧﺴﻮﻳﻠﻨﻪ ﺍﻛﻠﻪ ﻧﺎﻛﻠﻬﺎ ..
ﺍﻟﻠﻪ ﻳﻔﻚ ﺍﺳﺮﺝ ﻭﻳﺮﻳﺢ ﺑﺎﻟﺞ ...
ﻃﻠﻌﻨﻪ ﻣﻦ ﺍﻟﺒﺴﺘﺎﻥ ﻧﻤﺸﻲ ﺍﺟﻪ ﺩﺍﻭﻭﺩ ﻳﻤﺸﻲ ﺑﺎﻭﻋﻠﻨﻪ ﻭﺿﺤﻚ ﺑﻀﺤﻜﻪ ﻣﻠﻴﺎﻧﻪ ﻏﻞ ﻭﺧﺒﺎﺛﻪ
ﻣﻦ ﺷﻔﺘﻪ ﺻﺮﺕ ﻭﺭﻩ ﺻﺒﺮﻳﺔ ﺑﺨﻮﻭﻑ ... ﻭﻫﻮ ﻋﻴﻮﻧﻪ ﺗﺘﻔﺤﺼﻨﻲ ﺑﺴﺨﺎﻓﻪ
ﺟﻨﺖ ﻻﺑﺴﻪ ﺛﻮﺏ ﻃﻮﻭﻳﻞ ﺟﻮﺯﻱ ﻭﻓﻮﻛﺎﻩ ﺟﺎﻛﻴﺖ ﻣﺎﻝ ﺻﺒﺮﻳﻪ ﺍﺳﻮﻭﺩ ﻭﺷﺎﻝ ﺑﻨﻔﺴﺠﻲ ﺷﺊ ﻣﻴﺸﺒﻪ ﺷﺊ ...
ﺑﺲ ﺍﻧﻲ ﻣﺎ ﻋﻨﺪﻱ ﻣﻼﺑﺲ ﻭﺷﺘﺠﻴﺐ ﺻﺒﺮﻳﻪ ﺍﻟﺒﺲ ﻭﺑﺎﺭﺩﻩ ﻟﺒﺴﺖ ﺍﻟﺠﺎﻛﻴﺖ ...
ﺻﺒﺮﻳﻪ ﻋﺎﻃﺖ ﺑﻮﺟﻬﻪ ... ﻭﺧﺮ ﻳﺎﻟﻔﻜﺮ ﻣﻮﺗﺖ ﺍﻟﺜﻮﺭ ﺧﻄﻴﺘﺔ ﺑﺮﻛﺒﺘﻚ ﺍﻥ ﺷﺎﺀ ﺍﻟﻠﻪ ﺑﻴﻮﻡ ﺍﻟﻘﻴﺎﻣﻪ ﻳﻨﻄﺤﻚ ﺑﻠﻲ ﺍﺑﺎﻟﻲ ...
ﻫﻮ ﺿﺤﻚ ﻭﻋﻴﻮﻧﻪ ﻋﻠﻴﻪ ... ﺍﻱ ﻋﻤﻪ ﻋﺮﻓﻴﻨﻪ ﻋﻠﺊ ﺍﻟﺤﻠﻮﻩ ﻛﻞ ﻣﺎ ﺍﻛﻠﺞ ﻋﺮﻓﻴﻨﻪ ﻋﻠﻴﻬﺎ ﻣﺎ ﺗﻘﺒﻠﻴﻦ ﻟﻴﺶ ..
ﺭﺩﺕ ﺑﺨﺒﺚ ... ﺗﺎﻛﻞ ﻧﻌﺎﻝ ﺍﻟﺠﻴﺶ ..
ﻭﻟﻲ ﻣﻦ ﻭﺟﻬﻲ ﻭﻻ ﺗﺤﺠﻲ ﻭﻳﺎﻱ ﻣﻦ ﺍﺷﻮﻓﻚ ﺍﺗﺬﻛﺮ ﺍﺑﻮ ﻧﻔﺲ ﺍﻟﻌﺰﻳﺰﺓ ﻭﺷﻠﻮﻥ ﻛﺘﻠﺘﻪ ﻳﺎ ﻇﺎﻟﻢ ...
ﺳﺒﻞ ﻋﻴﻮﻧﻪ ﺑﺨﺪﺭ ... ﻏﻴﺮ ﺭﺍﺩ ﻳﻜﺘﻞ ﺍﻟﺤﻠﻮﺓ ..
ﻋﻔﺴﺖ ﻣﻼﻣﻬﺎ ﺑﻘﺮﻑ ... ﺧﻴﺒﻪ ﻛﺮﻫﺘﻨﻲ ﺑﺎﻟﻐﺰﻝ ﺟﻨﻚ ﺍﺑﻮ ﺍﻟﻠﻮﻝ ﺑﺸﺒﺎﺑﻪ ﻭﻭﻭﻳﻊ ..
ﺳﺤﺒﺘﻨﻲ ﺍﻣﺸﻲ ﺟﻮﻳﻠﻴﺘﻪ ﺍﻣﺸﻲ ﻳﻤﻮﺕ ﺛﻮﺭﻱ ﺍﻟﺰﻳﻦ ﻭﺗﻀﻞ ﺍﻟﻐﻤﺎﻥ ...
ﻣﺸﻴﻨﻪ ﺍﻧﻲ ﻭﻳﺎﻫﺎ ﻭﻫﻮ ﻫﻤﺲ ﺑﻌﺪ ﻣﺎ ﻋﺾ ﺷﻔﺘﻪ ... ﻭﻳﻦ ﺗﺮﺣﻴﻦ ﺍﻟﺰﻣﺞ ﺍﻟﺰﻣﺞ ...
ﺩﺍﺭﺕ ﺻﺒﺮﻳﺔ ﻭﺟﻬﻪ ﻋﻠﻴﻪ .. ﺗﻠﺰﻣﻦ ﻭﻟﻚ ﺍﺑﻮ ﺍﻟﭽﻌﭻ .. « ﺍﻟﻘﺬﺍﺭﺓ » ..
ﺭﻓﻌﺖ ﺍﻳﺪﻫﺎ ﺑﺘﻬﺪﻳﺪ ﻭﻏﻀﺐ .. ﺷﻮﻑ ﻭﻟﻚ ﺍﻟﻤﺴﻠﻮﺡ ﺍﺫﺍ ﺗﻘﺮﺑﺖ ﻣﻦ ﺟﻜﻠﻴﺖ ﺍﻓﻠﺶ ﺭﺍﺳﻚ ﺑﺮﺑﺪ ...
ﺿﺤﻚ ... ﺍﻭﻭﻑ ﺻﺪﻙ ﺟﻜﻠﻴﺖ ﻣﺎﻳﻌﻪ ﻭﺍﻟﺨﺪﻭﺩ ﺣﻤﺮ ﺍﻟﻠﻪ ﻳﻌﻴﻦ ﺯﻭﺟﻬﺎ ﺷﻠﻮﻥ ﺟﺎﻥ ﻣﺘﺤﻤﻞ ﻛﻞ ﻫﻞ ﺟﻤﺎﻝ ﻭﻟﻴﺶ ﺗﺎﺭﻛﻬﺎ ﻭﺍﻟﻠﻪ ﺭﺍﺡ ﺍﺗﺨﺒﻞ
ﺭﻓﻌﺖ ﺍﻳﺪﻫﺎ ﺑﺎﻟﺪﻋﺎﺀ ﻭﻫﻲ ﺩﻛﻮﻝ ... ﻳﺎﺭﻳﺘﻚ ﻣﺨﺒﻞ ﻭﺗﺮﻛﺾ ﻭﺭﺍﻙ ﺍﻟﺠﻬﺎﻝ ﻭﺗﺼﻴﺢ ﻫﻮﻭ ﻫﻮﻭ ﻣﺨﺒﻞ ﻭﻛﻮﻥ ﺑﺎﻟﻄﺎﺑﻮﻙ ﻳﻔﻠﺸﻮﻥ ﻫﻞ ﺍﻟﺮﺍﺱ ﺍﻟﻤﺎ ﺑﻲ ﺑﺲ ﻗﻠﺔ ﺍﻻﺩﺏ ﻭﺍﻟﻔﺴﺎﺩ ...
ﺳﺤﺒﺘﻨﻲ ﻭﺭﺣﻨﻪ ﻟﺒﻴﺖ ﺍﻧﻘﻬﺮﺕ ﺣﻴﻞ ﻣﻨﻪ ﻭﺧﻔﺖ ﺍﺳﺘﺤﻴﺖ ﺍﻛﻮﻝ ﺍﻟﺠﺎﺑﺮ ﻭﺧﻔﺖ ﺍﺳﺒﺐ ﺍﻟﻪ ﻣﺸﺎﻛﻞ ﻭﻳﻪ ﺍﺑﻦ ﺧﺎﻟﻪ ...
ﺭﺣﺖ ﺍﺳﻮﻱ ﻏﺪﺍ ...
ﺍﺗﺬﻛﺮﺕ ﻣﺮﻩ ﻧﻮﺍﻝ ﻛﺎﻟﺖ ... ﺟﺎﺳﺮ ﺩﻭﻭﻣﻪ ﻣﻌﺎﻛﺲ ﺍﻫﻠﻪ ﺑﺰﻭﺍﺟﻪ ...
ﻫﻢ ﻣﺎ ﻗﺒﻠﻮ ﻳﺘﺰﻭﺝ ﺷﺎﻡ ﻻﻥ ﺑﻐﻴﺮ ﺩﻭﻭﻟﻪ ﻭﻫﻮ ﺍﺻﺮ ﻭﺗﺰﻭﺟﻬﺎ ﻭﺳﻜﻦ ﺑﺴﻮﺭﻳﺎ ﺍﻟﺨﺎﻃﺮﻩ ﺣﺘﺊ ﻋﻤﻲ ﻣﻬﻴﻮﺏ ﺯﻋﻞ ﻋﻠﻴﻪ ﻭﻗﺎﻃﻌﻪ ...
ﻣﻮ ﻻﻥ ﺳﻮﺭﻳﻪ ﺑﺲ،ﻳﻜﻮﻝ ﺑﻐﻴﺮ ﺩﻭﻟﻪ ﻭﻏﺮﺏ ﻧﻔﺴﻪ ﻭﺭﺍﺡ ﻛﻌﺪ ﻫﻨﺎﻙ ﻟﻴﺶ ﻣﺎ ﺍﺧﺬ ﻣﻦ ﺩﻳﺮﺗﻪ
ﻭﻣﻦ ﻣﺎﺗﺖ ﺷﺎﻡ ﻭﺭﻩ ﻛﻢ ﺳﻨﻪ ﺗﺰﻭﺟﺞ ﻭﺧﺎﻟﺘﺞ ﻣﺎ ﻗﺒﻠﺖ ﻛﻠﺘﻠﻪ ﻫﺎﻱ ﺑﻨﺖ ﺍﺧﺘﻲ ﻭﺣﺪﻩ ﻓﺎﻫﻴﻪ ﻭﺑﺎﺭﺩﻩ ﻭﻣﻨﻌﻮﺻﻪ
ﻭﺍﻧﺖ ﻳﻨﺮﺍﺩ ﺍﻟﻚ ﻭﺣﺪﻙ ﻋﺸﺮ ﻧﺴﻮﺍﻥ ﻭﻫﺎﻱ ﺍﺗﻌﺒﻚ
ﻭﻓﻼﺡ ﺍﻳﻴﺪ ﻛﻼﻣﻬﺎ
ﻭﻛﺎﻝ ﺑﻌﺪﻳﻦ ﻫﻲ ﺧﺎﻟﺘﻲ ﻣﻌﻮﻗﻪ ﻭﺍﻛﻴﺪ ﺗﺼﻴﺮ ﻋﻨﺪﻫﺎ ﻭﺭﺍﺛﻪ ﻣﻦ ﺍﻣﻬﺎ ﻭﺍﺑﻮﻫﺎ ﻭﺗﺠﻴﺐ ﺍﻟﻚ ﻛﻠﻪ ﻣﻌﻮﻗﻴﻦ .
ﺑﺲ ﻫﻮ ﻛﻠﻬﺎ ... ﺷﻨﻮ ﻫﻞ ﺣﺠﻲ ﻫﺎﻱ ﺧﻠﻘﺖ ﺍﻟﻠﻪ ﻭﻛﺎﺗﺒﻪ ﻳﺼﻴﺮ ﻣﻌﻮﻗﻴﻦ ﻣﻮ ﻣﻌﻮﻗﻴﻦ ﺍﻧﻲ ﺍﺭﻳﺪﻫﺎ ﻭﺍﺭﻳﺪ ﺍﺗﺰﻭﺟﻬﺎ ...
ﺑﻴﻮﻣﻬﺎ ﺣﻴﻞ ﻗﻬﺮﺗﻨﻲ ﻭﺍﻧﻘﻬﺮﺕ ﻋﻠﺊ ﺍﻣﻲ ﻭﺍﺑﻮﻳﺔ ﺷﻠﻮﻥ ﻫﻴﺞ ﺍﺑﻦ ﺍﺧﺘﻬﺎ ﻳﺤﺠﻲ ﻋﻨﻬﺎ ...
ﺍﻣﻲ ﺭﻏﻢ ﺣﺎﻟﺘﻬﺎ ﻫﻲ ﻭﺍﺑﻮﻳﻪ ﺑﺲ ﻭﺍﻟﻠﻪ ﻣﻮ ﻣﺒﺎﻟﻐﻪ ﺍﻟﻠﻪ ﻋﻮﺿﻬﺎ ﻭﺍﻧﻲ ﻭﺍﺧﻮﺍﻧﻲ ﻟﻜﻞ ﻳﺸﻬﺪ ﺑﺠﻤﺎﻟﻨﻪ ﺍﺣﻠﺊ ﻋﻮﺍﺋﻠﻬﻢ ﻛﻠﻬﻢ ...
ﻭﺍﻣﻲ ﺩﺍﺋﻤﺎ ﺗﻔﺘﺨﺮ ﺑﻴﻨﻪ ...
ﺣﺘﺊ ﺍﻟﺠﻮﺍﺭﻳﻴﻦ ﻳﻜﻠﻮﻟﻬﺎ ... ﺍﻡ ﻋﺎﺻﻢ ﺷﻨﻮ ﻫﻞ ﻃﻴﻮﺭ ﺍﻟﺤﻠﻮﺓ ﺍﻟﻲ ﻣﺨﻠﻔﺘﻬﻢ ...
ﺣﻄﻴﺖ ﺍﻳﺪﻱ ﻋﻠﺊ ﺑﻄﻨﻲ .. ﻣﻌﻘﻮﻟﻪ ﻣﺜﻞ ﻣﻜﺎﻝ ﻓﻼﺡ ﺍﻧﻲ ﺍﺧﻠﻒ ﺍﻃﻔﺎﻝ ﻣﻌﺎﻗﻴﻴﻦ .. ﺑﺲ ﻭﺍﻟﻠﻪ ﻫﻤﻪ ﺍﻟﻤﻌﺎﻗﻴﻦ ﺑﺘﻔﻜﻴﺮﻫﻢ ﻳﺮﺣﻮﻥ ﻓﺪﻭﻩ ﺍﻻﻣﻲ ﻭﺍﺑﻮﻳﻪ ...
ﻛﻤﻠﺖ ﺍﻟﻐﺪﺍ ﻭﺭﺣﺖ ﺗﻐﺪﻳﺖ ﺍﻧﻲ ﻭﺻﺒﺮﻳﻪ ﻭﻫﻲ ﺣﺒﺘﻨﻲ ﻭﺿﻠﺖ ﺗﺴﻮﻟﻒ ﻋﻦ ﺷﺒﺎﺑﻬﺎ ﻭﻣﻐﺎﻣﺮﺍﺗﻬﺎ ...
.......... ..................
ﺭﻳﻬﺎﻡ ...
ﺍﻟﺼﺒﺢ ﺟﺎﻧﺖ ﺍﺷﻮﺍﻕ ﺩﺗﺤﻀﺮ ﻧﻔﺴﻬﺎ ﺩﺗﺮﺟﻊ ﻟﺒﻴﺖ ﻋﻴﺎﻟﻬﺎ ﻭﺩﺗﻨﺘﻈﺮ ﺯﻭﺟﻬﺎ ﻳﺠﻲ ﻋﻠﻴﻬﺎ ، ﻛﻤﺖ ﺍﻧﻲ ﻏﺴﻠﺖ ﻣﻮﺍﻋﻴﻦ ﺍﻟﺮﻳﻮﻙ ﻭﺭﺗﺒﺖ ﺍﻟﻤﻄﺒﺦ ..
ﺳﻤﻌﻨﺎ ﺻﻮﺕ ﻫﻮﺭﻥ ﻣﺎﻝ ﺳﻴﺎﺭﺓ ، ﻃﺒﺖ ﺍﺷﻮﺍﻕ ﺳﻠﻤﺖ ﻋﻠﻰ ﺍﻟﻜﻞ ﻭﻃﻠﻌﺖ ، ﺟﺘﻲ ﺳﻠﻤﺖ ﻋﻠﻴﻪ ..
ﻛﺎﻟﺖ ﺣﺒﻴﺒﺘﻲ ﺭﻫﻮﻣﺔ ﻣﺎﻭﺻﻴﺞ ﺑﻌﺪ ﻋﻤﺮﻱ ..
ﺭﺩﻳﺖ ﻋﻠﻴﻬﺎ ﺑﻨﺒﺮﺓ ﻣﻄﻤﺌﻨﺔ : ﺗﺪﻟﻠﻴﻦ ﺣﺒﻴﺒﺘﻲ ﺑﺪﻭﻥ ﻣﺎﺗﻮﺻﻴﻦ ﻭﺍﻟﻠﻪ ..
ﻧﺰﻟﺖ ﻣﺴﺘﻮﺍﻫﺎ ﻟﻠﻜﺎﻉ ﺍﺧﺬﺕ ﺟﻨﻄﺘﻬﺎ ﻭﺭﺍﺣﺖ ..
ﻭﺍﻧﻲ ﺳﺪﻳﺖ ﺑﺎﺏ ﺍﻟﻤﻄﺒﺦ ﻟﻔﻴﺖ ﺷﺎﻟﻲ ﻟﻴﻮﺭﻩ ﻭﺣﻄﻴﺖ ﺍﻟﺪﻧﺒﻮﺱ ﻭﺷﻜﻠﺖ ﺭﺩﺍﻧﺎﺗﻲ ﻭﺑﻠﺸﺖ ﺍﻃﺒﺦ ..
ﻃﻠﻌﺖ ﺩﺟﺎﺝ ﻣﻦ ﺍﻟﻔﺮﻳﺰﺭ ﻏﺴﻠﺘﻬﻢ ﻭﺧﻠﻴﺘﻬﻢ ﻉ ﺍﻟﻨﺎﺭ
ﺣﺴﻴﺖ ﺷﻮﻱ ﺿﻮﺟﺔ ، ﺧﺎﺻﺔ ﻫﻢ ﺧﻄﻴﺔ ﺑﻌﺪﻫﻢ ﺿﺎﻳﺠﻴﻦ ﻭﺣﺰﻧﺎﻧﻴﻦ ﺣﺘﻰ ﻛﻼﻣﻬﻢ ﻗﻠﻴﻞ ﻛﻠﺶ .
ﻟﻠﺜﻨﻌﺶ ﺍﻧﻲ ﻣﺨﻠﺼﺔ ﻛﻞ ﺷﻲ ﺣﺘﻰ ﺍﻟﺒﻴﺖ ﻧﻈﻔﺘﻪ
ﻭﺍﻟﺠﺪﻭﺭﺓ ﻃﻔﻴﺖ ﺍﻟﻨﺎﺭ ﻋﻠﻴﻬﻢ ..
ﻭﺻﺎﺭ ﻭﻗﺖ ﺍﺫﺍﻥ ﺍﻟﻈﻬﺮ ﺭﺣﺖ ﺍﺗﻮﺿﻰ ..
ﺑﺎﻭﻋﺖ ﻭﺟﻴﻜﺖ ﺍﻟﻤﻜﺎﻥ ﻣﺎﻛﻮ ﺃﺣﺪ ..
ﻧﺰﻋﺖ ﺷﺎﻟﻲ ﺧﻠﻴﺘﻪ ﻋﻠﻰ ﺍﻛﺘﺎﻓﻲ ﻭﺷﻜﻠﺖ ﺭﺩﺍﻧﺎﺗﻲ ﺣﺪ ﺍﻟﻌﻜﺲ ﻭﻓﺘﺤﺖ ﺍﻟﻤﻲ ﺩﺍ ﺍﺗﻮﺿﻰ ..
ﺗﻮﻩ ﺩﺍﺍﻏﺴﻞ ﻭﺟﻬﻲ ﺳﻤﻌﺖ ﺻﻮﺕ ﺭﺟﻮﻟﻲ ﺧﺸﻦ ﻳﺴﻮﻱ ﺍﺣﻢ ﺍﺣﻢ ..
ﺭﻓﻌﺖ ﺭﺍﺳﻲ ﻭﺍﻟﺘﻔﺘﺖ ﺷﻔﺘﻪ ﺻﻼﺡ ﻭﺍﻛﻒ
ﻓﺘﺤﺖ ﻋﻴﻮﻧﻲ ﻋﻠﻰ ﺍﻭﺳﻌﻬﺎ ﻭﻧﺒﻀﺎﺕ ﻗﻠﺒﻲ ﺗﺴﺎﺭﻋﺖ ..
ﺍﺭﺗﻌﺶ ﻛﻞ ﺟﺴﺪﻱ ﺗﺤﺖ ﻧﻈﺮﺍﺗﻪ .. ﺑﺴﺮﻋﺔ ﺧﻠﻴﺖ ﺷﺎﻟﻲ ﻋﻠﻰ ﺭﺍﺳﻲ ﻭﻧﺰﻟﺖ ﺭﺩﺍﻧﺎﺗﻲ ﻇﻠﻴﺖ ﺍﺗﻤﺘﻢ ﺑﺪﺍﺧﻠﻲ ﻭﺍﺳﺘﻐﻔﺮ ..
ﻋﻔﺖ ﺍﻟﻤﻲ ﻣﻔﺘﻮﺡ ﻭﻃﻠﻌﺖ ﻣﻦ ﻳﻢ ﺍﻟﻤﻐﺴﻠﺔ ﻭﺍﺣﺲ ﺑﻌﺪﻫﺎ ﻧﻈﺮﺍﺗﻪ ﻋﻠﻴﻪ ﺗﺘﻔﺤﺼﻨﻲ ، ﺍﻗﺸﻌﺮ ﺟﺴﻤﻲ ، ﺣﻀﻨﺖ ﻭﺟﻬﻲ ﺑﺎﺩﻳﻪ ، ﺍﺣﺲ ﺑﺨﺪﻭﺩﻱ ﺍﺷﺘﻌﻠﺖ ﺍﻟﻨﻴﺮﺍﻥ ﺑﻴﻬﺎ ، ﻳﺮﺑﻲ ﺷﻠﻮﻥ ﺷﺎﻓﻨﻲ ﺷﻠﻮﻭﻥ ﻣﺎﺍﻧﺘﺒﻬﺖ ﻋﻠﻴﻪ ..
ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺫﻧﺐٍ ﻋﻈﻴﻢ
ﻇﻠﻴﺖ ﺍﺭﺩﺩ ..
ﺩﺍﺍﺻﻌﺪ ﺻﺎﺭﺕ ﺑﻮﺟﻬﻲ ﻧﻮﺍﻝ ﻣﺒﺘﺴﻤﺔ ﺑﺴﺨﺮﻳﺔ
ﺑﺎﻭﻋﺘﻠﻬﺎ ﺑﺎﺳﺘﻐﺮﺍﺏ ﻭﺑﻌﺪﻧﻲ ﺍﺗﻤﺘﻢ ﺑﺎﻻﺳﺘﻐﻔﺎﺭ ..
ﻛﺎﻟﺖ ﺷﺒﻴﺞ ﺍﻧﺨﻀﻴﺘﻲ ﺧﺾ ﻭﺧﺪﻭﺩﺝ ﺻﺎﺭﻥ ﻋﺒﺎﻟﻚ ﻃﻤﺎﻃﺔ ؟
ﻗﻄﺒﺖ ﺣﻮﺍﺟﺒﻲ ﻭﺣﺠﻴﺖ ﺑﻨﺒﺮﺓ ﺟﺎﻓﺔ ..
_ ﺍﻟﻌﻔﻮ ﻣﻨﺞ ﺑﺲ ﺷﻨﻮ ﺗﻘﺼﺪﻳﻦ ؟
ﺗﻘﺮﺑﺖ ﻣﻨﻲ ﺍﻛﺜﺮ ﻭﻇﻠﺖ ﺗﺤﺠﻲ ﺑﺼﻮﺕ ﻣﺼﺮﻭﺭ ﻭﻧﻈﺮﺍﺕ ﻛﻠﻬﺎ ﺣﻘﺪ ..
_ ﺷﺒﻴﺞ ﻣﻌﺘﻲ ﻓﺪ ﻧﻮﺏ ﻟﻤﻦ ﺷﻔﺘﻲ ﺻﻼﺡ ؟ ﻟﻴﺶ ﻧﺴﻴﺘﻲ ﻧﻔﺴﺞ ﺍﻧﺖ ﺗﺮﻩ ﻣﺤﺠﻮﺯﺓ ﻟﺠﻌﻔﺮ ﻟﻮ ﻧﺴﻴﺘﻲ ﻫﺎﻟﺸﻲ ﻳﺤﻠﻮﺓ ؟ﺍﺫﻛﺮﺝ؟
ﻭﺧﺮﺕ ﻣﻨﻲ ﺑﻌﺪ ﻣﺎ ﻛﺎﻟﺖ ﻫﺎﻟﻜﻼﻡ ﻭﺗﺮﺳﺖ ﺇﺫﻧﻲ ﺑﻲ
ﻇﻠﻴﺖ ﺍﺑﺎﻭﻋﻠﻬﺎ ﻣﺼﺪﻭﻣﺔ ..
ﻭﺑﻨﺒﺮﺓ ﻣﺮﺗﻌﺸﺔ ؛ ﺍﻟﻌﻔﻮ ﺑﺲ ﺍﻧﺖ ﻟﻴﺶ ﺩﺗﻜﻮﻟﻴﻠﻲ ﻫﺎﻟﻜﻼﻡ ﺷﺘﻘﺼﺪﻳﻦ .
ﺑﻨﻈﺮﺓ ﻣﺴﺘﻔﺰﺓ ﻭﺑﻨﺒﺮﺓ ﺍﺳﺘﻬﺰﺍﺀ ؛ ﻻ ﺑﺎﻟﻠﻪ ﺗﺴﻮﻳﻦ ﻧﻔﺴﺞ ﻣﺘﻔﺘﻬﻤﻴﻦ ﻟﻌﺪ ﺍﻧﺖ ﻟﻴﺶ ﻫﻨﺎ ﺑﺎﻟﻠﻪ ﻭﺷﻤﻌﻨﻰ ﺍﻧﺖ ﻫﻨﺎ ﻏﻴﺮ ﻳﺮﺩﻭﻧﺞ ﻟﺠﻌﻔﺮ ﻳﺎﺑﻪ ﻟﻮ ﺗﺴﻮﻳﻦ ﻧﻔﺴﺞ ﻣﺘﺪﺭﻳﻦ ؟
ﺑﻠﻌﺖ ﺭﻳﻚ ﻭﺣﺠﻴﺖ ﺑﺘﻔﻬﻢ ﻣﺼﻄﻨﻊ ؛ ﻻ ﺍﺩﺭﻱ ﻭﻣﻴﺤﺘﺎﺝ ﺗﺬﻛﺮﻳﻨﻲ ﺑﻲ .
ﺳﻤﻌﺖ ﺻﻮﺕ ﺻﻼﺡ ﻳﻜﺢ ﻫﻲ ﺭﻛﻀﺖ ﺻﻌﺪﺕ ﻟﻐﺮﻓﺘﻬﺎ ﻭﺍﻧﻲ ﺭﺟﻠﻴﻪ ﻋﺒﺎﻟﻚ ﺛﺒﺘﺖ ﺑﺎﻟﻜﺎﻉ ﻣﺎﺍﻛﺪﺭ ﺍﺗﺤﺮﻙ .
ﻫﻮ ﺍﺟﻪ ﺑﻴﺪﻩ ﻣﻨﺸﻔﻪ ﺻﻐﻴﺮﺓ ﻳﻨﺸﻒ ﺍﺩﻳﻪ ﺑﻴﻬﺎ
ﺑﺎﻭﻉ ﺑﻌﻴﻮﻧﻲ ﻟﺤﻈﺎﺕ ، ﺷﺤﻴﺖ ﻧﻈﺮﺍﺗﻲ ﻣﻨﻪ .
ﺍﻗﺘﺮﺏ ﺩﻳﺮﻳﺪ ﻳﺼﻌﺪ ﻭﺍﻧﻲ ﺍﺭﻳﺪ ﺍﺗﺤﺮﻙ ﻣﺎﺑﻴﻪ
ﺍﺣﺘﺎﺭﻳﺖ ﺣﺴﻴﺘﻪ ﺩﻳﺮﻳﺪ ﻳﺤﺠﻲ ﻭﻳﺎﻳﻪ ﻣﺎﺍﻋﺮﻑ ﻟﻴﺶ ﺍﺟﺎﻧﻲ ﻫﺎﻻﺣﺴﺎﺱ ﻭﺭﻏﻢ ﻫﺬﺍ ﺍﻟﺘﺎﻓﻴﺖ ﺩﺍﺍﺭﻭﺡ .
ﺩﺍﺍﺻﻌﺪ ﻭﻛﻔﻨﻲ ﺻﻮﺗﻪ ﻭﻫﻮ ﻳﺼﻴﺤﻨﻲ
-- ﺭﻳﻬﺎﻡ ؟؟
ﺍﻟﺘﺎﻓﻴﺖ ﺑﺪﻭﻥ ﻣﺎﺍﺑﺎﻭﻋﻠﻪ ﻭﺍﻧﻴﻰ ﺳﺎﻛﺘﺔ ، ﻛﻠﻤﺎﺗﻪ ﺍﻟﻬﺎﺩﺋﺔ ﻭﺍﻟﺮﺯﻧﺔ ﻭﺻﻠﺖ ﺍﺳﻤﺎﻋﻲ ..
_ ﺍﻟﻌﻔﻮ ﺗﺮﻩ ﻣﻨﺘﺒﻬﺖ ﻋﻠﻴﺞ ﻭﺍﻧﺖ ﺩﺗﻐﺴﻠﻴﻦ .
ﻟﺰﻛﺖ ﻧﻔﺴﻲ ﺑﺎﻟﺤﺪﻳﺪ ﻣﺎﻝ ﺍﻟﺪﺭﺝ ﻭﺟﺴﻤﻲ ﺭﺟﻊ ﻳﺮﺟﻒ
ﻭﺣﻠﻜﻲ ﺟﻒ ..
ﺟﺎﻭﺑﺘﻪ ﺑﺘﺠﻬﻢ ؛ ﻻ ﻭﻟﻪ ﻳﻬﻤﻚ ﺍﻥ ﺷﺎﺀﺍﻟﻠﻪ ﺍﺧﻮﻳﻪ ﺍﻧﺖ ..
ﺑﺎﻭﻋﺘﻠﻪ ﺛﻮﺍﻧﻲ ﻋﻜﺪ ﺣﻮﺍﺟﺒﻪ ﺷﺤﻴﺖ ﻧﻈﺮﺍﺗﻲ
ﺳﻤﻌﺘﻪ ﺳﻌﻞ .. ﺻﻌﺪﺕ ﻓﻮﻙ ﺑﺴﺮﻋﺔ
ﺻﻌﺪﺕ ﻓﻮﻙ ﻭﻧﺒﺮﺗﻪ ﻭﻫﻮ ﻳﻜﻮﻝ ﺍﺳﻤﻲ ﻏﺰﺕ ﺍﺳﻤﺎﻋﻲ
ﻋﻀﻴﺖ ﻋﻠﻰ ﺷﻔﺘﻲ ﻭﺑﺪﺍﺧﻠﻲ ﺍﺳﺘﻐﻔﺮ ﺍﺭﻳﺪ ﺍﺑﻌﺪ ﻫﺎﻻﻓﻜﺎﺭ ﻋﻨﻲ ، ﻭ ﺍﺭﻳﺪ ﺍﻃﻠﻊ ﺻﻮﺗﻪ ﻣﻦ ﺭﺍﺳﻲ .
ﻭﺍﻧﻲ ﻋﻠﻰ ﻫﺬﺍ ﺍﻟﺤﺎﻝ ﻭﺍﺣﺲ ﻭﺟﻬﻲ ﺣﻴﻨﻔﺠﺮ ﻣﻦ ﺷﺪﺓ ﺍﻟﺤﺮﺍﺭﺓ ، ﺳﻤﻌﺖ ﺻﻮﺕ ﺑﺎﺏ ﺍﻧﻔﺘﺤﺖ ، ﺍﻟﺘﺎﻓﻴﺖ ﺷﻔﺘﻬﺎ
ﻧﻮﺍﻝ ﻭﻣﻦ ﻣﻼﻣﺤﻬﺎ ﻣﺒﻴﻨﺔ ﻣﻌﺼﺒﺔ ﺗﺴﺎﺀﻟﺖ ﺑﺪﺍﺧﻠﻲ
ﻳﺎﺍ ﺷﺒﻴﻬﺎ ﻫﺎﻱ ؟
ﺍﺟﺖ ﻳﻤﻲ ﻭﺑﺲ ﺗﻨﻔﺦ ﻟﻠﺤﻈﺔ ﺣﺴﻴﺖ ﻧﻔﺴﻲ ﺭﺍﺡ ﺍﻃﻴﺮ ..
ﺧﻠﺖ ﺍﻳﺪﻫﺎ ﻋﻠﻰ ﺧﺼﺮﻫﺎ ﻛﺎﻟﺖ ﺍﻱ ﺷﻜﺎﻟﺞ ﺻﻼﺡ .
ﺿﻮﺟﺘﻨﻲ ﻛﻠﺶ ﺟﺎﻭﺑﺘﻬﺎ ﻭﺍﻧﻲ ﺍﺩﻭﺭ ﺻﻔﺢ ﻣﻨﻬﺎ .
ﻣﻜﺎﻝ ﺷﻲ
ﺑﻨﺒﺮﺓ ﺍﻗﺮﺏ ﻟﻠﺼﻴﺎﺡ ﺷﻮﻭﻥ ﻣﻜﺎﻝ ﻣﻮ ﺳﻤﻌﺘﻪ ﺩﻳﺤﺎﺟﻴﺞ .
ﻫﺎ ﺍﻱ ﺍﻋﺘﺬﺭ ﻻﻥ ﻓﺎﺕ ﺩﻳﻐﺴﻞ ﻭﺍﻧﻲ ﺟﻨﺖ ﺩﺍﺍﺗﻮﺿﻰ ..
ﺍﻱ ﺩﻛﻮﻟﻲ ﻫﻴﺞ ﺛﺎﻧﻲ ﺷﻲ ﻟﻤﻦ ﺷﻔﺘﻴﻨﻲ ﺻﻌﺪﺕ ﻟﻴﺶ ﻣﺎﺍﺟﻴﺘﻲ ﻭﺭﺍﻳﻪ ؟
ﺍﻟﺘﻔﺘﺖ ﻋﻠﻴﻬﺎ ﺑﺼﺒﺮ ﻣﻔﻘﻮﺩ ؛ ﺍﻧﺖ ﻻﺯﻣﺔ ﻋﺪﻩ ﻭﻣﻴﺼﻴﺮ ﻳﺸﻮﻓﺞ ﺍﻧﻲ ﻟﻴﺶ ﺍﺟﻲ ﻭﺭﺍﺝ ﺑﻌﺪ .
ﻳﻤﻪ ﻳﻤﻪ ﺍﻱ ﻃﻠﻊ ﺍﻟﻠﺴﺎﻥ ﻃﻠﻊ .
ﻣﻦ ﺭﺧﺼﺘﺞ ﺍﺭﻭﺡ ﺍﺻﻠﻲ .. ﻋﻔﺘﻬﺎ ﺗﺪﺭﺩﻡ
ﻭﺍﻧﻲ ﻋﻠﻰ ﻫﺬﺍ ﺍﻟﺤﺎﻝ ﻭﺍﺣﺲ ﻭﺟﻬﻲ ﺣﻴﻨﻔﺠﺮ ﻣﻦ ﺷﺪﺓ ﺍﻟﺤﺮﺍﺭﺓ ، ﺳﻤﻌﺖ ﺻﻮﺕ ﺑﺎﺏ ﺍﻧﻔﺘﺤﺖ ، ﺍﻟﺘﺎﻓﻴﺖ ﺷﻔﺘﻬﺎ
ﻧﻮﺍﻝ ﻭﻣﻦ ﻣﻼﻣﺤﻬﺎ ﻣﺒﻴﻨﺔ ﻣﻌﺼﺒﺔ ﺗﺴﺎﺀﻟﺖ ﺑﺪﺍﺧﻠﻲ
ﻳﺎﺍ ﺷﺒﻴﻬﺎ ﻫﺎﻱ ؟
ﺍﺟﺖ ﻳﻤﻲ ﻭﺑﺲ ﺗﻨﻔﺦ ﻟﻠﺤﻈﺔ ﺣﺴﻴﺖ ﻧﻔﺴﻲ ﺭﺍﺡ ﺍﻃﻴﺮ ..
ﺧﻠﺖ ﺍﻳﺪﻫﺎ ﻋﻠﻰ ﺧﺼﺮﻫﺎ ﻛﺎﻟﺖ ﺍﻱ ﺷﻜﺎﻟﺞ ﺻﻼﺡ .
ﺿﻮﺟﺘﻨﻲ ﻛﻠﺶ ﺟﺎﻭﺑﺘﻬﺎ ﻭﺍﻧﻲ ﺍﺩﻭﺭ ﺻﻔﺢ ﻣﻨﻬﺎ .
ﻣﻜﺎﻝ ﺷﻲ
ﺑﻨﺒﺮﺓ ﺍﻗﺮﺏ ﻟﻠﺼﻴﺎﺡ ﺷﻮﻭﻥ ﻣﻜﺎﻝ ﻣﻮ ﺳﻤﻌﺘﻪ ﺩﻳﺤﺎﺟﻴﺞ .
ﻫﺎ ﺍﻱ ﺍﻋﺘﺬﺭ ﻻﻥ ﻓﺎﺕ ﺩﻳﻐﺴﻞ ﻭﺍﻧﻲ ﺟﻨﺖ ﺩﺍﺍﺗﻮﺿﻰ ..
ﺍﻱ ﺩﻛﻮﻟﻲ ﻫﻴﺞ ﺛﺎﻧﻲ ﺷﻲ ﻟﻤﻦ ﺷﻔﺘﻴﻨﻲ ﺻﻌﺪﺕ ﻟﻴﺶ ﻣﺎﺍﺟﻴﺘﻲ ﻭﺭﺍﻳﻪ ؟
ﺍﻟﺘﻔﺘﺖ ﻋﻠﻴﻬﺎ ﺑﺼﺒﺮ ﻣﻔﻘﻮﺩ ؛ ﺍﻧﺖ ﻻﺯﻣﺔ ﻋﺪﻩ ﻭﻣﻴﺼﻴﺮ ﻳﺸﻮﻓﺞ ﺍﻧﻲ ﻟﻴﺶ ﺍﺟﻲ ﻭﺭﺍﺝ ﺑﻌﺪ .
ﻳﻤﻪ ﻳﻤﻪ ﺍﻱ ﻃﻠﻊ ﺍﻟﻠﺴﺎﻥ ﻃﻠﻊ .
ﻣﻦ ﺭﺧﺼﺘﺞ ﺍﺭﻭﺡ ﺍﺻﻠﻲ .. ﻋﻔﺘﻬﺎ ﺗﺪﺭﺩﻡ ﻭﺧﻠﻴﺖ ﺭﺣﺖ ﻳﻢ ﻭﻗﺎﺭ ﻟﺒﺴﺖ ﻋﺒﺎﻳﺔ ﺍﻟﺼﻼﺓ ﻭﺻﻠﻴﺖ ..
.....................
ﻓﺘﺤﺖ ﻋﻴﻮﻧﻲ ﻭﺍﻧﻲ ﻧﺎﻳﻤﻪ ﻋﻠﺊ ﺳﺮﻳﺮ ﺍﻷﻟﻢ ...
ﺭﻓﻌﺖ ﻣﻮﺑﺎﻳﻠﻲ ﺷﻔﺘﻬﺎ ﺍﻟﺴﺎﻋﻪ ﺑﺎﻟﺜﻨﺘﻴﻦ ﻭﻧﺺ ...
ﺑﺪﺍﻳﺔ ﺩﺧﻮﻟﻨﻪ ﻟﻠﺸﺘﺎﺀ ﻭﺧﺮﺕ ﺍﻟﺒﺮﺩﻩ ﻣﻦ ﺍﻟﺸﺒﺎﻙ ﺷﻔﺖ ﺍﻟﻤﻄﺮ ﻳﻨﺰﻝ ﺑﻐﺰﺍﺭﺓ ...
ﺍﺑﺘﺴﻤﺖ ﺑﻤﺮﺡ ... ﻫﻼ ﺑﺎﻟﺸﺘﺎ ﻭﺑﺮﻛﺘﻪ ...
ﺗﺠﺪﺩ ﺍﻟﻔﺼﻞ ﻟﻜﻦ ﻣﺎ ﺗﺠﺪﺩ ﺷﺊ ﺑﺤﻴﺎﺗﻲ ﺑﺲ ﺍﻟﻀﺠﻴﺞ ﻭﺍﻟﺨﻮﻭﻑ ﺩﺍﺧﻞ ﺻﺪﺭﻱ ﺗﺠﺪﺩ
ﻭﻋﻴﻮﻧﻲ ﻣﺘﺤﺠﻲ ﺑﺲ ﺍﻟﺤﺰﻥ ﺿﺎﻟﻪ ﻭﺣﻴﺪﻩ ﺣﺎﻳﺮﻩ ﺑﺎﺣﺰﺍﻧﻲ ﻭﻛﻠﺒﻲ ﻣﺤﻤﻞ ﺑﺎﻟﻬﻤﻮﻡ ...
ﻛﺎﻋﺪﻩ ﺑﻬﻞ ﻏﺮﻓﺔ ﺍﻟﻀﻠﻤﺔ ﻣﺎ ﺍﻣﻠﻚ ﺍﻟﻨﻔﺴﻲ ﺑﺲ ﺍﻟﺪﻋﺎﺀ ...
ﻫﻤﺴﺖ ﺑﺪﻋﺎﺀ ... ﻳﺎﺍﺍﺭﺏ ﺍﻏﺴﻞ ﮔﻠﺒﻪ ﻣﻦ ﺍﻟﺤﻘﺪ ﻭﺍﻻﻧﺘﻘﺎﻡ ﻭﺯﻭﻝ ﻛﻞ ﻏﻴﻤﺔ ﺳﻮﻭﺩﻩ ﻣﻦ ﻋﻘﻠﻪ .. ﻳﺎﺍﺭﺏ ﺭﻳﺢ ﺑﺎﻟﻪ ﻭﻻ ﺗﻐﻀﺐ ﻋﻠﻴﻪ
ﺣﻄﻴﺖ ﻭﺟﻬﻲ ﺑﻴﻦ ﺍﺩﻳﻪ ﻭﺭﺫﺍﺫ ﺍﻟﺪﻣﻊ ﻳﺘﻄﺎﻓﺮ ﻣﻦ ﻋﻴﻮﻧﻲ .. ﻳﺎﺍﺭﺑﻲ ﺍﻗﻀﻲ ﺣﺎﺟﺘﻲ ﻭﺍﺳﻌﺪﻧﻲ ...
ﺍﺩﺭﻱ ﺑﺮﻭﺣﻲ ﻣﻌﺬﺑﺘﻪ ﻭﻛﺴﺮﺗﻪ ﻣﻦ ﻃﻠﻌﺖ ﻣﻦ ﺩﻭﻥ ﻋﻠﻤﻪ ﺑﺲ ﻭﺍﻟﻠﻪ ﺍﻧﻲ ﺍﺣﺒﺒﻪ ﻭﺍﻋﺮﻓﻪ ﻗﺎﺳﻲ ﻭﺑﺎﺭﺩ ﻣﺜﻞ ﺑﺮﺩ ﺍﻟﺸﺘﺎ
ﺍﻧﻬﺰﻣﺖ ﻭﻓﻀﻠﺖ ﺍﻻﻧﻬﺰﺍﻡ ﻻﻥ ﺧﺎﻳﻔﻪ ﻣﻨﻪ ﺑﻠﺤﻈﻪ ﻏﻀﺐ ﻳﺪﻣﺮﻧﻲ ﻭﻳﻜﺴﺮﻧﻲ
ﺻﻮﺭﺗﻪ ﺣﻠﻮﺓ ﺑﻨﻈﺮﻱ ﻳﺎﺍﺍﺭﺏ ﻣﺎ ﺭﺩﺕ ﺗﺘﺸﻮﻩ ...
ﻃﻠﻌﺖ ﺑﺎﻟﺤﺪﻳﻘﻪ ﻓﺘﺤﺖ ﺍﺩﻳﻴﻪ ﻭﻗﻄﺮﺍﺕ ﺍﻟﻤﻄﺮ ﺑﺒﻠﺖ ﻭﺟﻬﻲ ﻭﺍﺯﺍﺣﺖ ﻋﻨﻲ ﻏﺒﺎﺭ ﺍﻟﻬﻢ ...
ﺷﻬﻜﺖ ﺑﺼﻮﺕ ﻣﺴﻤﻮﻉ ﻭﺍﺧﺘﻠﻄﺖ ﺩﻣﻮﻋﻲ ﺍﻟﻤﺎﻟﺤﻪ ﻭﻳﻪ ﺭﺫﺍﺫ ﺍﻟﻤﻄﺮ ...
ﻫﻤﺴﺖ ﺑﺒﻜﺎﺀ ﻭﺍﻧﻲ ﺍﻟﻤﺲ ﺑﻄﻨﻲ ﺑﻨﺤﻴﺐ ... ﻳﺎﺍﺍﺭﺑﻲ ﺍﺣﻤﻲ ﺍﻫﻠﻲ ﻣﻨﻪ ﻭﺍﺣﻤﻲ ﻃﻔﻠﻲ .. ﺳﺎﻋﺪﻧﻲ ﺧﻠﻴﻨﻲ ﺍﻭﻟﺪ ﺑﺎﻟﺴﻼﻣﻪ
ﺣﺴﻴﺖ ﺗﺒﻠﻠﺖ ﻣﻼﺑﺴﻲ ﻭﺍﺷﺘﺪ ﻋﻠﻴﻪ ﺍﻟﺒﺮﺩ ...
ﺭﻣﺸﺖ ﺑﻌﻴﻮﻧﻲ ... ﺍﻥ ﺷﺎﺀ ﺍﻟﻠﻪ ﻳﺎ ﻛﺎﺳﺮ ﺍﻟﻤﻄﺮ ﻳﻐﺴﻞ ﻫﻤﻚ ﻭﻳﻦ ﻣﺘﻜﻮﻥ ...
ﺣﻄﻴﺖ ﺍﻳﺪﻱ ﻋﻠﺊ ﺣﻠﻜﻲ ﻭﺍﻧﻲ ﺍﺑﺠﻲ . ﻭﺍﻟﻠﻪ ﻣﻮ ﻗﺼﺪﻱ ﺍﻗﻬﺮﻩ ﻭﺍﻟﻠﻪ ﺟﺎﺑﺮ ﻛﺎﻝ ﻣﻘﻬﻮﺭ ﻣﻨﺞ ﻭﺍﻟﻠﻪ ﺣﻴﻞ ﻣﻘﻬﻮﺭﺓ ﻋﻠﻴﻪ ﻣﺼﻴﺒﺘﻪ ﻛﺒﻴﺮﺓ ﻣﺤﺪ ﻳﺘﺤﻤﻞ ... ﺍﻟﻜﺎﺳﺮ ﺟﺒﻞ ﻭﻟﺤﺪ ﺍﻻﻥ ﻣﺎ ﻭﻛﻊ ﺍﻟﻠﻪ ﻳﻌﻴﻨﻪ ...
ﺍﻟﻠﻪ ﻳﺮﺣﻢ ﺑﻨﺘﻪ ﻭﺍﻫﻠﻪ ﻭﻳﺮﺣﻢ ﻣﺮﺗﻪ ﻭﻳﻦ ﻣﺘﻜﻮﻭﻥ ...
ﻫﻤﺴﺖ ﺑﺎﻧﻴﻦ ﻣﻜﺴﻮﺭ ﻭﺣﺰﻳﻦ . ﺑﺲ ﺍﻧﻲ ﻣﺮﺗﻚ ﻭﺍﻟﻲ ﺣﻖ ﻋﻠﻴﻚ ﺧﻠﻲ ﺍﻟﻠﻪ ﺑﻴﻦ ﻋﻴﻮﻧﻚ ﻭﺍﺭﺣﻤﻨﻲ ...
ﻣﺎ ﺍﺟﻤﻠﻬﺎ ﺍﻟﻔﺘﺎﺓ ~.....🖤
ﺍﻥ ﺍﺫﻳﺘﻬﺎ ﺑﻜﺖ ~...
ﻭﺍﻥ ﺍﺫﺗﻚ ﺑﻜﺖ ﻭ ﺑﺸﺪﺓ
ﺑﺎﻭﻋﺖ ﻟﻠﻤﻀﻤﺎﺭ ﺷﻔﺖ ﺍﻟﺤﺼﺎﻥ ﻭﺍﻛﻒ ﺑﺲ ﻣﻘﻔﻮﻝ ﻋﻠﻴﻪ ﺍﻟﺒﺎﺏ ﺍﻟﺤﺪﻳﺪ ﺗﻄﻤﻨﺖ ﻋﻠﺊ ﺣﻴﻮﺍﻧﺎﺕ ﺻﺒﺮﻳﺔ ﻛﻠﻬﻢ ﺗﻤﺎﻡ ﻭﺭﺟﻌﺖ ﺍﻟﻐﺮﻓﺘﻲ ﺣﺴﻴﺖ ﺑﺮﺍﺣﻪ ﺷﻮﻭﻳﺔ ...
ﺷﻔﺖ ﺻﺒﺮﻳﻪ ﻧﺎﻳﻤﻪ ﻋﻠﺊ ﻧﻔﺲ ﻧﻮﻣﺘﻬﺎ ﻛﻞ ﻋﺎﺩﻩ ﻓﺎﺗﺤﻪ ﺭﺟﻠﻴﻬﺎ ﻭﺍﺩﻳﻬﺎ ﻭﺗﺸﺨﺮ .. ﻭﻛﺼﺎﻳﺒﻬﺎ ﻛﻞ ﻛﺼﻴﺒﺔ ﺑﺼﻔﺤﻪ ...
ﺍﺑﺘﺴﻤﺖ ﻋﻠﻴﻬﺎ ﺭﻏﻢ ﻗﺎﺳﻴﻪ ﺑﺲ ﺑﻨﻔﺲ ﺍﻟﻮﻗﺖ ﺣﻨﻴﻨﻪ ﺧﻄﻴﻪ ﻋﻨﺪﻫﺎ ﻗﻄﻌﻪ ﻗﻤﺎﺵ ﺻﺢ ﻫﻲ ﻣﺎﻝ ﻋﺠﺎﻳﺰ ﺑﺲ ﺣﻠﻮﻩ ﻟﻮﻧﻬﺎ ﻧﻴﻠﻲ ﻭﺑﻴﻬﺎ ﻧﻘﻄﻪ ﺑﻴﻀﻪ ...
ﻣﺎﺧﺬﺗﻬﺎ ﻭﻣﺨﻴﻄﺘﻬﺎ ﺍﻟﻴﻪ ﻫﻮ ﻫﻢ ﺻﺢ ﺧﻴﺎﻁ ﺍﺑﻮ ﺍﻟﺰﺧﻤﺘﻴﻦ ﻭﻣﺎﺑﻲ ﺍﻱ ﺷﺊ،ﻳﻌﻨﻲ ﻧﻔﺲ ﻣﻮﺩﻳﻞ ﺛﻮﺑﻬﺎ
ﺑﺲ ﻣﺤﺒﻴﺖ ﺍﻛﺴﺮ ﺧﺎﻃﺮﻫﺎ ﺍﻧﺒﻬﺮﺕ ﺑﻲ ﻛﺪﺍﻣﻬﺎ ﻭﺑﺴﺘﻬﺎ ﻭﺗﺸﻜﺮﺕ ﻣﻨﻬﺎ ﻛﻠﺘﻠﻬﺎ ﺫﻭﻗﺞ ﻳﺠﻨﻦ ﻭﻫﻲ ﻓﺮﺣﺖ ﺣﻴﻴﻞ ...
ﺍﺧﺬﺗﻪ ﻭﺍﺧﺬﺕ ﻣﻼﺑﺲ،ﺩﺍﺧﻠﻴﻪ ﺭﺣﺖ ﻟﻠﺤﻤﺎﻡ ﻧﺰﻋﺖ ﻣﻼﺑﺴﻲ ﻭﺑﺪﻟﺖ ﻻﻥ ﺑﺮﺩﺕ ﺣﻴﻴﻞ
ﺷﻔﺖ ﺑﻄﻨﻲ ﻛﺒﺮﺍﻧﻪ ﻭﻣﺒﻴﻦ ﻋﻠﻴﻬﺎ ﺍﺳﺘﻐﺮﺑﺖ ﺍﺣﺘﻤﺎﻝ ﻃﻔﻠﻲ ﻛﺒﻴﺮ ﻻﻥ ﺑﻄﻨﻲ ﻣﺎ ﺷﺎﺀ ﺍﻟﻠﻪ ﻛﺒﻴﺮﻩ ...
ﺿﻠﻴﺖ ﺍﻧﺸﻒ ﺑﺸﻌﺮﻱ ﻭﺭﺟﻌﺖ ﻏﻄﻴﺖ ﺧﺎﻟﺔ ﺻﺒﺮﻳﺔ ..
ﻛﻌﺪﺕ ﻋﻠﺊ ﺍﻟﺴﺮﻳﺮ ﺗﻌﺒﺎﻧﻪ ﻭﺛﻜﻴﻠﻪ ﺣﻴﻴﻞ ...
ﻣﺸﻄﺖ ﺷﻌﺮﻱ ﺩﺍ ﺍﺿﻔﺮ ﺑﻲ ... ﻭﻛﻔﺖ ﺍﺑﺎﻭﻉ ﻟﻠﻤﺮﺍﻳﺔ ﻣﺎﻟﺔ ﺻﺒﺮﻳﻪ ﺍﻟﻤﻜﺴﻮﺭ ﻧﺼﻬﺎ ... ﺍﻧﺘﺒﻬﺖ ﻭﺟﻬﻲ ﺣﻴﻴﻞ ﺷﺎﺣﺐ ﻭﺻﺎﻳﺮﻩ ﺻﻔﺮﺓ ...
ﺣﻄﻴﺖ ﺍﻳﺪﻱ ﻋﻠﺊ ﺍﻋﻠﺊ ﺻﺪﺭﻱ ﻭﺍﻧﻲ ﺍﻟﻤﺲ ﺍﻟﻮﺣﻤﻪ ﻣﺎﻟﺘﻲ ﺑﺒﺘﺴﺎﻣﻪ ...
ﻛﻮﻭﻟﺸﻲ ﺑﺪﺍﺧﻠﻲ ﺍﻟﻜﻪ ﺫﻛﺮﺉ ﺣﻠﻮﺓ ﻭﻳﺎﺓ ...
ﺭﺟﻌﺖ ﺑﺬﺍﻛﺮﺗﻲ ﻣﻦ ﺟﻨﺖ ﻋﺼﻔﻮﺭﺓ ﺗﺤﺖ ﺟﻨﺎﺣﻪ ..
ﻃﻠﻌﺖ ﻣﻦ ﺍﻟﺤﻤﺎﻡ ﻭﺍﻧﻲ ﺍﺭﺟﻒ ﻣﻦ ﺍﻟﺒﺮﺩ ﺟﻨﺖ ﻻﺑﺴﻪ ﺛﻮﺏ ﻗﺼﻴﺮ ﻟﻮﻧﻪ ﻓﺴﺘﻘﻲ ﻓﺎﺍﺍﺍﺍﺍﺗﺢ ﻭﻻﻓﻪ ﺷﻌﺮﻱ ﺑﺎﻟﻤﻨﺸﻔﻪ ...
ﺷﻔﺘﻪ ﻛﺎﻋﺪ ﻋﻠﺊ ﺍﻟﺠﺮﺑﺎﻳﻪ ﻻﺑﺲ ﺗﺸﻴﺮﺕ ﺍﺑﻴﺾ ﻧﺺ ﺭﺩﺍﻥ ﻭﻻﺑﺲ ﺑﻴﺠﺎﻣﻪ ﺳﻮﺩﻩ ﻭﺣﺎﻁ ﻻﺏ ﺑﺤﻀﻨﻪ ﻭﻫﻮ ﻣﺮﻛﺰ ﺑﻬﻤﻪ ﺑﺸﻐﻠﺔ ...
ﺍﺑﺘﺴﻤﺖ ﻭﺍﻧﻲ ﺍﺑﺎﻭﻉ ﺍﻟﻤﻨﻈﺮﻩ ﺍﻟﺠﺬﺍﺏ ..
ﻛﻌﺪﺕ ﻗﺮﻳﺐ ﻣﻨﻪ ﻭﺿﻠﻴﺖ ﺍﻧﺸﻒ ﺑﺸﻌﺮﻱ ﺍﻣﺎ ﻫﻮ ﺟﺎﻥ ﻣﺮﻛﺰ ﺑﺸﻐﻠﻪ ﻭﻋﺎﺩﻡ ﻭﺟﻮﺩﻱ ...
ﺑﺎﻭﻋﻠﻲ ﺑﻌﺪﻫﺎ ﻭﺍﺑﺘﺴﻢ ﺍﺑﺘﺴﻤﺖ ﻭﺍﻧﻲ ﺍﺭﻓﻊ ﺍﻟﺜﻮﺏ ﻣﻦ ﺻﺪﺭﻱ ﻭﺍﻏﻄﻲ ﺍﻟﻮﺣﻤﻪ
ﺧﻠﻪ ﺍﻻﺏ ﺗﻮﺏ ﻋﻠﺊ ﺻﻔﺤﻪ ﻭﺳﺤﺐ ﺑﺎﻛﻴﺖ ﺍﻟﺠﻜﺎﻳﺮ ﺿﻞ ﻳﺪﺧﻦ ﺍﺑﺘﺴﻢ ﺑﺠﻤﻮﺩ ﻛﺎﻝ .. ﺷﺒﻴﺞ ﺍﺣﺴﺞ ﻣﻤﺮﺗﺎﺣﻪ
ﺭﺩﻳﺖ ﺑﺨﺠﻞ ﻭﻓﺸﻠﻪ ﻭﺍﻧﻲ ﺍﻋﺪﻝ ﺑﺎﻟﺜﻮﺏ .. ﻻ ﺑﺲ،ﻫﺬﺍ ﺍﻟﺜﻮﺏ ﺿﻮﺟﻨﻲ ﺩﻟﻌﺘﻪ ﻣﺤﻠﻮﻩ ﻭﻛﻞ ﺷﻮﻳﻪ ﻧﺎﺯﻝ ﺍﺭﻭﺡ ﺍﻏﻴﺮﻩ
ﺣﻄﻴﺖ ﺭﺟﻠﻲ ﻋﻠﺊ ﺍﻻﺭﺽ ﺩﺍ ﺍﻧﺰﻝ ﻫﻮ ﺳﺤﺐ ﺍﻳﺪﻱ ﻭﺍﻧﻲ ﺩﺭﺕ ﻭﺟﻬﻲ ﻋﻠﻴﻪ ﺿﺤﻚ ﻛﺎﻝ .. ﻭﺧﻠﻲ ﻳﻨﺰﻝ ﺷﻨﻮ ﻳﻌﻨﻲ؟
ﺟﺎﻭﺑﺘﻪ ﺑﻨﻔﺲ ﻣﻨﻘﻄﻊ ﻭﺭﻫﺒﻪ ... ﻣﻮ ﻫﺎﻱ ﺍﻟﻮﺣﻤﻪ ﺗﻄﻠﻊ ﻭﺍﻧﻲ ﻣﺎ ﺍﺣﺒﻪ
ﻋﻘﺪ ﺣﻮﺍﺟﺒﻪ ﺑﺘﺴﺎﺅﻝ ... ﺍﻟﻲ ﺑﺼﺪﺭﺝ ؟
ﺳﺤﺒﻴﺖ ﺍﻳﺪﻱ ﻣﻨﻪ ﺑﺘﻮﺗﺮ ... ﺍﻳﻲ ﻫﻲ ﻣﺤﻠﻮﻩ ﻋﺒﺎﻟﻚ ﺟﻮﺯﻳﻪ ﻃﻮﻭﺥ
ﺳﺤﺒﻨﻲ ﻗﺮﻳﺐ ﻣﻨﻪ ﻭﻫﻮ ﻳﻀﺤﻚ ﻟﻤﺴﻬﺎ ﺑﻬﺪﻭﺀ ... ﻻ ﺑﺎﻟﻌﻜﺲ ﻛﻠﺶ،ﺣﻠﻮﻩ ﻋﺒﺎﻟﻚ ﻟﺆﻟﺆﺓ ﺑﻨﺺ ﻣﺤﺎﺭﻩ ..
ﺍﺑﺘﺴﻤﺖ ﺑﻬﺪﻭﺀ ﻭﺿﻠﻴﺖ ﺍﺑﻠﻊ ﺑﺮﻳﻜﻲ ﺧﺠﻼﻧﻪ ﻟﺰﻣﺖ ﺍﻳﺪﻩ ﻭﻫﻮ ﺣﺲ ﺑﻴﻪ ﺍﺳﺘﺤﻴﺖ ... ﺑﺎﺳﻨﻲ ﺑﺨﺪﻱ ﻭﺿﻢ ﺭﺍﺳﻲ ﺍﻟﺼﺪﺭﻩ
ﺟﺎﻥ ﻫﺬﺍ ﺍﻟﻤﻮﻗﻒ ﻗﺒﻞ ﻻ ﺍﻛﻮﻥ ﺯﻭﺟﻪ ﻓﻌﻠﻴﺔ ﺍﻟﻪ
ﺭﺟﻌﺖ ﺑﺬﺍﻛﺮﺗﻲ ﻋﻠﺊ ﺻﻮﺕ ﺍﻟﻤﺆﺫﻥ ﺍﻟﻌﺬﺏ ﺍﻟﻤﻨﻐﻢ ﺑﺎﺻﺪﺍﺀ ﺍﻟﻄﺒﻴﻌﺔ ..
ﺍﺑﺘﺴﻤﺖ ﻋﻠﺊ ﺍﻟﺼﻮﺕ ﺍﻻﻳﻤﺎﻧﻲ ﻭﻫﻮ ﺻﻮﺕ ﺍﺫﺍﻥ ﺍﻟﻔﺠﺮ ...
ﻧﻔﻀﺖ ﻋﻨﻲ ﺍﻻﻓﻜﺎﺭ ﺍﻟﺴﻠﺒﻴﺔ ﻭﺗﺄﺛﻴﺮﺍﺗﻬﺎ ﻭﺍﻓﺘﺘﺤﺖ ﻳﻮﻣﻲ ﺑﺼﻼﺓ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ ...
ﺭﺣﺖ ﺗﻮﺿﻴﺖ ﻭﻛﻌﺪﺕ ﺧﺎﻟﺘﻲ ﺻﺒﺮﻳﺔ ﺗﻜﻌﺪ ﺗﺼﻠﻲ ..
ﻛﻌﺪﺕ ﻭﻫﻲ ﺗﻨﻔﺾ ﺍﻟﻨﻌﺎﺱ ﻣﻦ ﻋﻴﻮﻧﻬﺎ ﻭﻛﻔﺖ ﺑﻬﻤﻪ ﻭﻓﻄﺮﻩ ﺑﺪﻳﻬﻴﻪ ﺭﺍﺣﺖ ﺗﻮﺿﺖ ﻭﺍﺟﺖ ﺻﻠﻴﻨﻪ ﺍﻧﻲ ﻭﻳﺎﻫﺎ ...
ﻛﺎﻟﺖ .. ﻳﺎﻟﻠﻪ ﺟﻮﻭﻟﻲ ﺣﻈﺮﻱ ﻏﺮﻳﻀﺎﺗﻲ ﺍﻟﻴﻮﻡ ﺍﺭﻭﺡ ﺍﺑﻴﻊ ﺍﻟﺤﻠﻴﺐ ﻭﺍﻟﻜﻴﻤﺮ ﻭﺍﻟﺮﻭﺑﻪ ﻫﺴﻪ ﻳﺠﻲ ﻋﻤﻴﺮ ﺍﺑﻦ ﻛﺎﻇﻤﻴﻪ ﺑﺎﻟﻤﻄﻲ ﻭﺍﻟﻌﺮﺑﺎﻧﻪ ﻳﺎﺧﺬﻧﻲ ...
ﺭﺣﺖ ﺣﻈﺮﺕ ﺍﻟﮕﺪﻭﺭﺓ ﻣﺎﻟﺖ ﺍﻟﺮﻭﺑﻪ ﻭﺻﻮﺍﻧﻲ ﺍﻟﻜﻴﻤﺮ ﻭﺩﺑﺎﺕ ﺍﻟﺤﻠﻴﺐ ..
ﻃﻠﻌﺘﻬﻦ ﺑﺮﻩ ﻟﺰﻣﺖ ﻇﻬﺮﻱ ﺑﻮﺟﻊ ﻟﺴﻪ ﺍﻟﺴﻤﺎ ﻣﺘﻠﺒﺪﻩ ﺑﺎﻟﻐﻴﻮﻡ ﻭﺗﻤﻄﺮ ﺧﻔﻴﻴﻒ ...
ﺷﻔﺖ ﻭﺍﺣﺪ ﺍﺟﻪ ﺑﺤﻤﺎﺭ ﻭﻋﺮﺑﺎﻧﻪ ﻭﻛﻒ ﻋﻨﺪ ﺍﻟﺒﺎﺏ ﻭﻫﻮ ﻳﺼﻴﺢ ... ﺻﺒﺮﻳﺔ ﺻﺒﺮﻳﻴﻴﺔ ﺍﻡ ﻟﻴﺎﻟﻲ
ﺑﺎﻭﻋﺘﻠﻪ ﺑﺨﻮﻑ ... ﻫﺴﻪ ﺗﺠﻲ ﻫﺴﻪ
ﻛﺎﻝ ... ﻛﻠﻴﻠﻬﺎ ﻋﺎﻣﺮ ﺍﺑﻦ ﻛﺎﻇﻤﻴﻪ ﻣﻨﺘﻈﺮﺝ
ﺭﺣﺖ ﺑﺴﺮﻋﻪ ﺍﻟﻬﺎ ﻟﻜﻴﺘﻬﺎ ﺗﻠﺒﺲ ﺑﺠﻮﺍﺭﻳﺒﻬﺎ ﻛﻠﺘﻠﻬﺎ .. ﺧﺎﻟﻪ ﺍﺟﻪ ﻫﺬﺍ ﺍﻟﻌﻨﺪﻩ ﺣﻤﺎﺭ ﻣﺮﺑﻮﻁ ﺑﻲ ﻋﺮﺑﺎﻳﻪ ﻭﺩﻳﺼﻴﺢ ﻋﻠﻴﺞ ﻛﻠﻴﻠﻬﺎ ﻋﺎﻣﺮ ﻣﻨﺘﻈﺮﺝ
ﻭﻛﻔﺖ ﺑﻬﻤﻪ ... ﻫﺎﺍﺍ ﻋﻤﻴﺮ ﺍﻱ ﺍﻱ ﺍﺟﻴﻴﺖ .. ﻭﺑﻌﺪﻳﻦ ﻭﻟﺞ ﺍﻻ ﻣﺘﺊ ﺗﻀﻠﻴﻦ ﻣﺎﻳﻌﻪ ﺣﻤﺎﺭ ﺷﻨﻲ ﻛﻮﻟﻲ ﻣﻄﻲ ..
ﻫﻤﺴﺖ ... ﺍﻥ ﺷﺎﺀ ﺍﻟﻠﻪ .. ﻣﺜﻞ ﻣﺘﺮﺩﻳﻦ ﻣﻄﻲ ﻣﻄﻲ
ﻃﻠﻌﺖ ﻭﺑﻌﺪﻫﺎ ﺭﺟﻌﺖ ﻋﻠﻴﻪ ﺑﺨﻮﻑ .. ﺷﻮﻓﻲ ﺟﻜﻠﻴﺖ ﺍﻱ ﻭﺍﺣﺪ ﻳﺪﻙ ﺍﻟﺒﺎﺏ ﻻ ﺗﻔﺘﺤﻴﻨﻪ ﻭﻻ ﺗﻄﻠﻌﻴﻦ ﻣﻨﺎ ﻟﻤﻦ ﺍﺟﻲ ﺧﻮﻭﻭﺵ ﻭﺩﺍﻭﻭﺩ ﺍﺫﺍ ﺍﺟﻪ ﺣﺘﺊ ﻻ ﺩﻛﻠﻴﻠﻪ ﻣﻨﻮﻭ ..
ﻭﺑﺎﻋﻲ ﺧﻠﻴﺘﻠﺞ ﻛﻴﻤﺮ ﻭﺟﺒﻦ ﻭﺯﺑﺪ ﺳﻮﻳﻠﺞ ﺟﺎﻱ ﻭﺧﺒﺰ ﺗﻠﻜﻴﻨﻪ ﺑﺎﻟﻌﻼﻛﻪ ﻭﺗﺮﻳﻜﻲ ﻻ ﺗﻤﻮﺗﻴﻦ ﺍﻟﻔﺮﺥ ﻣﻦ ﺍﻟﺠﻮﻉ ...
ﺍﺑﺘﺴﻤﺖ ﻭﻫﺰﻳﺖ ﺭﺍﺳﻲ ﺑﻘﺒﻮﻝ ..
ﺧﻠﻴﺖ ﻭﺭﺟﻌﺖ ﻧﻤﺖ ﺑﻌﺪ ﻣﺎ ﺭﺍﺣﺖ ﻫﻲ ... ﻭﻗﻔﻠﺖ ﺍﻟﺒﺎﺏ ﺍﻟﺮﺋﻴﺴﻲ ﻋﻠﻴﻪ ...
ﺍﻧﺘﺒﻬﺖ ﻋﻠﺊ ﺍﻟﺸﺒﺎﻙ ﻳﺘﺤﺮﻙ ﺷﻠﻮﻥ ﻭﺍﺣﺪ ﻳﺪﻓﻊ ﺑﻲ ﻣﺎ ﺍﻫﺘﻤﻴﺖ ﻳﻤﻜﻦ ﻻﻥ ﺍﻟﺠﻮ ﺑﺎﺭﺩ ﻭﻫﻮ ﻫﻴﺞ ﺩﻳﺘﺤﺮﻙ ﺍﻟﺸﺒﺎﻙ
ﺭﺟﻌﺖ ﺭﺍﺳﻲ ﻋﻠﺊ ﻣﺨﺪﺗﻲ ﻣﺨﺰﻥ ﺍﺣﺰﺍﻧﻲ ...
ﺣﺴﻴﺖ ﺑﺤﺮﻛﻪ ﺑﺎﻟﺤﺪﻳﻘﻪ ﺍﺳﺘﻐﺮﺑﺖ ﻭﺻﻮﺕ ﺭﺟﻠﻴﻦ ﻳﻤﻜﻦ ﺻﺒﺮﻳﻪ ﺭﺟﻌﺖ ...
ﻛﻌﺪﺕ ﻛﻌﺪﻩ ﺣﻄﻴﺖ ﺍﻳﺪﻱ ﻋﻠﺊ ﺻﺪﺭﻱ ﺑﺨﻮﻭﻑ ﻣﻨﻮ ﺍﻟﻲ ﻳﺘﺠﺮﺀ ﻳﺪﺧﻞ ﺑﻴﺖ ﺻﺒﺮﻳﺔ ﻏﻴﺮﻫﺎ ...
ﺑﺎﻭﻋﺖ ﻟﻠﻤﻘﺒﺾ ﻣﺎﻟﺖ ﺍﻟﺒﺎﺏ ﻭﻫﻮ ﻳﺘﺤﺮﻙ ﺑﻠﻌﺖ ﺭﻳﻜﻲ ﻭﻟﺒﺴﺖ ﺷﺎﻟﻲ ﻭﻭﻛﻔﺖ ..
ﻣﺎ ﺣﺴﻴﺖ ﺍﻟﻪ ﺍﻟﺒﺎﺏ ﺍﻧﻔﺘﺢ
ﺍﻧﺼﺪﻣﺖ ﻣﻦ ﺷﻔﺘﻪ ﺩﺧﻞ ﻭﻫﻮ ﻳﺮﺳﻢ ﺍﺑﺘﺴﺎﻣﻪ ﻣﺜﻞ ﺳﻢ ﺍﻻﻓﻌﺊ ﻋﻠﺊ ﺷﻔﺎﻳﻔﻪ ﺍﻟﻘﺬﺭﻩ ...
ﺻﺮﺧﺖ ﺑﺨﻮﻭﻭﻑ ... ﺍﻃﻠﻠﻠﻊ ﺑﺮﺍﺍ ﺣﻴﻴﻮﺍﻥ
ﻃﻚ ﺭﻛﺒﺘﻪ ﺑﺨﺒﺚ ﻭﻫﻮ ﻳﻌﺾ ﺷﻔﺘﻪ ... ﺍﻟﺤﻴﻮﺍﻥ ﻣﺎ ﻳﻄﻠﻊ ﺍﻟﻪ ﻳﺎﺧﺬ ﺍﻟﻲ ﻳﺮﻳﺪﻩ
ﺷﻤﺮﺕ ﻋﻠﻴﻪ ﺍﻟﻤﺨﺪﻩ ﻭﺍﻧﻲ ﺍﺻﺮﺭﺥ ... ﺟﺎﺍﺍﺳﺮ ﺧﺎﺍﻟﻪ ﺟﺎﺍﺍﺍﺍﺑﺮ ...
ﻫﺠﻢ ﻋﻠﻴﻪ ﺑﺨﺒﺚ ﻭﺍﻧﻲ ﺍﺭﺍﻓﺲ ﻭﺍﺻﺮﺥ ...
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ .. ﺍﺣﺒﻜﻢ 💔💔
