جوليت واسرها💔😢

البارت الحادي عشر..

ﺍﻟﺒﺎﺭﺕ ﺍﻟﺤﺎﺩﻱ ﻋﺸﺮ
.

ﻟﻢ ﺗﻜﻦ ﺧﻄﻴﺌﺘﻲ ﻭ ﻭﻗﻌﺖ ﺑﺌﺮﺍً ﻟﻌﻮﺍﻗﺒﻬﺎ ﺍﻟﻮﺧﻴﻤﻪ ...
ﺭَﺳﻴﺖٌ ﺳﻔﻴﻨﺔ ﻓﻲ ﻭﺳﻂ ﺍﻷﻣﻮﺍﺝ ﺍﻟﻬﺎﺋﺠﻪ ..
ﻏﺮﻳﻘﺔُ ﻓﻲ ﺑﺤﻮﺭ ﻏﻀﺒﻚ ﺍﻟﻜﺎﺳﺮ ..
ﺍﻛﺎﺑﺮ ﻓﻲ ﻣﻮﺟﺎﺕ ﺷﻮﻗﻲ ﺗﺠﺎﻫﻚ .. ﻷﻧﺠﻮ ﺑﻔﻌﻠﺔ ﻓﺎﻋﻞ ﻻ ﺗﻤﺪ ﻟﻲ ﺑﻬﺎ ﺻﻠﺔ ﺳﻮﻯ ﺗﻠﻚ ﺍﻟﻌﻘﻮﻝ ﺍﻟﻤﺤﺘﺪﺓ ﻛﺎﻟﺴﻴﻒ ﻟﻔﺎﺟﻌﺘﻬﺎ ﺍﻟﻤﺮﻳﺮﻩ ...
ﻓﺎﻟﺘﻜﻦ ﺭﺅﻭﻓﺎً ﺭﺣﻴﻤﺎ ﺑﺤﻤﺎﻣﺔ ﻗﺪ ﺩﺍﻫﻤﺖ ﺍﻻﻋﺎﺻﻴﺮ ﺑﻴﺘﻬﺎ ﻓﺘﺮﻛﺘﻪ ﺧﺎﻭﻳﺎً ﻋﻠﻰ ﻋﺮﻭﺷﻪ ﺑﻴﻦ ﻟﻴﻠﺔ ﻭ ﺿﺤﺎﻫﺎ ...
ﻛﻦ ﻟﻲ ﺍﻟﻘﺸﺔ ﺍﻟﺘﻲ ﺗﻨﺠﻲ ﺍﻟﻐﺮﻳﻖ ﻣﻦ ﺍﻟﻤﺎﺀ . ﻻ ﺍﻻﻣﻮﺍﺝ ﺍﻟﻜﺎﺳﺤﺔ ﺍﻟﺘﻲ ﺗﺮﺩﻱ ﺑﻪ ﺍﻟﻰ ﻗﺎﻉ ﺍﻟﺒﺌﺮ ... ﻓﺎﻟﺘﻌﻔﻴﻨﻲ ﻣﻦ ﺩﻫﺎﻟﻴﺰ ﺍﻧﺘﻘﺎﻣﻚ ﺍﻟﻤﻈﻠﻤﻪ ..
ﺑﻘﻠﻢ ... HafsaHafsa710
....................................
ﺻﺮﺧﺖ ﺑﺼﻮﺕ ﻋﺎﻟﻲ .... ﻻﺍﺍﺍﺍﺍﺍ ﺟﺎﺳﺮ
ﺍﻟﺘﻔﺖ ﺟﺎﺑﺮ ﺑﺮﻫﺒﻪ ﻛﺒﻴﺮﺓ ﻭﺑﺎﻭﻉ ﻟﺠﺎﺳﺮ ﻣﺼﺪﻭﻭﻡ ﻫﻤﺲ ﺑﺼﻌﻮﻭﺑﻪ ... ﺟﺞ ﺟﺎﺍﺍﺳﺮ
ﺭﺟﻌﺖ ﺧﻄﻮﺍﺕ ﺧﺎﺍﺍﻳﻔﻪ ﻭﺍﻳﺪﻱ ﻋﻠﺊ ﺷﻔﺎﻳﻔﻲ ﺍﻟﺪﻣﻮﻉ ﺍﻧﺴﺎﺑﺖ ﺑﻐﺰﺍﺭﺓ ﻋﻠﺊ ﺧﺪﻱ ﺍﻟﺮﺟﻔﻪ ﺍﻋﺘﻠﺖ ﺟﺴﻤﻲ ...
ﻭﺍﻟﻤﻮﺕ ﺩﺧﻞ ﺑﺮﺟﻠﻴﺔ ﻣﻜﺪﺭﺕ ﺍﺳﻴﻄﺮ ﻋﻠﺊ ﺭﺟﻠﻴﻪ ﻭﻋﻠﺊ ﻧﻔﺴﻲ ....
ﺍﻧﻜﻄﻊ ﻋﻨﺪﻱ ﺍﻟﺘﻨﻔﺲ ﻭﺷﻔﺎﻳﻔﻲ ﺟﻔﺖ ﻣﺜﻞ ﺍﻟﻤﻮﺕ ﺑﻌﻴﻮﻧﻲ ...
ﺟﺎﻧﺖ ﻋﻴﻮﻭﻭﻧﻪ ﺗﻨﻄﻖ ﺑﺎﻻﻧﺘﻘﺎﻡ ﻭﺍﻟﻠﻌﻨﺔ ....
ﺟﺎﺑﺮ ﺿﻞ ﻳﺒﺎﻭﻋﻠﻲ ﻭﻳﺒﺎﻭﻉ ﻋﻠﻴﻪ ﻣﺼﺪﻭﻡ ﻭﺑﻤﻮﻗﻒ ﻻ ﻳﺤﺴﺪ ﻋﻠﻴﻪ ...
ﻫﺠﻢ ﺑﻘﺴﻮﺓ ﻛﺒﻴﺮﻩ ﻣﺜﻞ ﺍﺳﺪ ﻫﺎﺋﺞ ﻭﻫﺠﻢ ﻋﻠﺊ ﻓﺮﻳﺴﺘﻪ .. ﺟﺎﻧﺖ ﺣﺼﺔ ﺟﺎﺑﺮ ﻫﻲ ﺍﻻﻛﺒﺮ ...
ﻟﺰﻡ ﺟﺎﺑﺮ ﺑﻜﻞ ﻋﻨﻒ ﻭﻛﺮﻩ ﻭﻗﺴﻮﻩ ﻭﻫﻮ ﻳﺰﻣﺠﺮ ﺑﻐﻀﺐ ﻛﺎﺍﺍﺳﺮ .. ﻟﻚ ﻧﺬﻟﻠﻞ ﻟﻚ ﺣﻴﻮﻭﻭﻭﺍﻥ ﺗﻐﺪﺭﻧﻲ ﺗﻐﺪﺭﻧﻲ ﻟﻚ ﺟﺎﺍﺍﺑﺮ ﻭﺍﻟﻠﻪ ﻻﺧﻠﻴﻚ ﺗﺘﻤﻨﺊ ﺍﻟﻤﻮﺕ ﻭﻣﺎ ﺗﻠﮕﺎﻩ ﻋﺎﺍﺍﺍﺭ ...
ﺟﺎﺑﺮ ﻟﺰﻡ ﺍﻳﺪﻩ ﺑﺮﻫﺒﻪ ... ﺑﺲ ﺍﻓﺘﻬﻢ ﺟﺎﺳﺮ ﺧﻠﻴﻨﻲ ﺍﻓﻬﻤﻚ
ﺿﺮﺑﻪ ﺑﻮﻛﺲ ﺑﻜﻞ ﻋﻨﻒ ﺧﻄﻴﻪ ﺟﺎﺑﺮ ﻣﺎ ﺗﻤﺎﺳﻚ ﻭﺭﺗﻄﻢ ﺟﺴﻤﻪ ﺑﺎﻟﺸﺠﺮﻩ ...
ﺻﺮﺥ ﺑﻲ ﺑﺼﻮﺕ ﻋﺎﻟﻲ ... ﺗﻔﻬﻤﻨﻲ ﺷﻨﻮﻭﻭﻭ ؟ ﺗﺘﻤﻀﺤﻚ ﺍﻧﺖ ﻭﻫﻞ ﻛﻠﺒﻪ ﺍﻟﺴﺎﻕ ... ﻭﻣﺨﻠﻴﻨﻲ ﺍﻛﻞ ﺑﻬﻤﻲ ﻭﻣﺎ ﺩﻛﻠﻲ ﻋﻨﺪﻙ ﻟﻚ ﻣﺎ ﺗﺼﻮﺭﺗﻚ ﻟﻬﻞ ﺩﺭﺟﻪ ﻋﺎﺍﺍﺍﺍﺭ ...
ﻫﺰ ﺭﺍﺳﻪ ﺑﻨﻔﻲ ﻭﺍﺳﺊ ... ﺍﻻ ﺍﻧﺖ ﻳﺎﺍﺍ ﺟﺎﺑﺮ ﺍﻻ ﺍﻧﺖ ﻏﺪﺭﺗﻨﻲ ﻭﻃﻌﻨﺘﻨﻲ ﺑﻈﻬﺮﻱ ...
ﺭﺟﻊ ﻟﺰﻣﻬﺎ ﻣﻦ ﻗﻤﻴﺼﻪ ﺑﻐﻀﺐ ﻭﺟﻬﻪ ﻳﻔﺢ ﻣﻦ ﺍﻟﻌﺼﺒﻴﺔ ﺯﻣﺠﺮ ﺑﻐﻀﺐ ﺷﺪﻳﺪ ... ﻭﺍﻟﻠﻪ ﻣﺎ ﺍﺭﺣﻤﻚ ﻭﺍﻟﻠﻪ ... ﺍﻧﺖ ﻭﻣﺮﺗﻲ ﺍﺧﺮ ﺷﺊ ﺟﻨﺖ ﺍﺗﻮﻗﻌﻪ ﺗﻀﺤﻜﻮﻥ ﻭﻓﺮﺣﺎﻧﻴﻦ ... ﻭﺍﻧﻲ ﺍﻟﻘﻬﺮ ﺷﻴﺐ ﺭﺍﺳﻲ ...
ﺭﺟﻊ ﺿﺮﺑﻪ ﺑﻘﺴﻮﺓ ﺑﺎﺧﻤﺲ ﺍﻟﻤﺴﺪﺱ ﻋﻠﺊ ﺭﺍﺳﻪ ...
ﺻﺮﺧﺖ ﻭﻛﻌﺖ ﻋﻠﺊ ﺍﻻﺭﺽ ﻭﺍﻧﻲ ﺍﺑﺠﻲ ﻭﺍﺳﺘﻨﺠﺪ ﺑﺮﺑﻲ ...
ﺟﺎﻥ ﺍﻟﺪﻧﻴﺎ ﺿﻬﺮ ﻭﺍﻛﺜﺮ ﺍﻟﻔﻼﺣﻴﻴﻦ ﺑﺒﻴﻮﺗﻬﻢ ﻭﺑﺴﺘﺎﻥ ﺻﺒﺮﻳﺔ ﻛﺒﻴﺮ ﺿﻌﻨﻪ ﺑﻲ ...
ﺭﺟﻊ ﻟﺰﻣﻪ ﺑﻜﻞ ﺣﺪﻩ ﻭﺷﻴﺎﻃﻴﻨﻪ ﺗﺘﺮﺍﻗﺺ ﻛﺪﺍﻣﻪ ... ﺗﺨﻮﻭﻧﻲ ﻭﻳﻪ ﻣﺮﺗﻲ ﻋﺠﺒﺘﻚ ﻣﻮﻭﻭ ﻟﻚ ... ﻛﻮﺍ ... ﺳﺎﻗﻂ ﻣﺎ ﻟﻜﻴﺖ ﻏﻴﺮﻫﺎ ... ﻟﻮ ﺣﺼﻠﺖ ﻣﻨﻬﺎ ﺷﺊ
ﺟﺎﺑﺮ ﻟﺰﻡ ﺭﺍﺳﻪ ﺑﻮﺟﻊ ﻭﺩﻓﻊ ﺟﺎﺳﺮ ﺑﻜﻞ ﻗﻮﻭﻭﻩ ... ﺭﺟﻊ ﺑﻴﻬﺎ ﺧﻄﻮﺗﻴﻦ ﻭﺍﺷﺘﺪﺕ ﻣﻼﻣﺤﻪ ﺑﻘﺴﻮﺓ ﺍﻛﺒﺮ ...
ﺻﺮﺥ ﺑﻲ ﺟﺎﺑﺮ ﻭﻗﻄﺮﺍﺕ ﺍﻟﺪﻡ ﺗﻨﺰﻝ ﻣﻦ ﺍﻧﻔﻪ ... ﺍﺣﺘﺮﻡ ﻧﻔﺴﻚ ﻭﻻ ﺗﻀﻞ ﺗﺘﺠﺎﻭﺯ ﺑﻴﻚ ﺧﻴﺮ ﺟﺎﻥ ﺣﺎﻓﻈﺖ ﻋﻠﺊ ﻣﺮﺗﻚ ﻣﻮ ﺧﻠﻴﺘﻬﺎ ﺍﻧﻬﺰﻣﺖ ﻭﺍﻧﻲ ﺣﺎﻓﻈﺖ ﻋﻠﺊ ﻋﺮﺿﻚ ﻗﺒﻞ ﻻ ﻳﻀﻴﻊ ...
ﻣﺴﺢ ﺍﻟﺪﻡ ﻣﻦ ﺍﻧﻔﻪ ﻭﺗﻜﻠﻢ ﺑﻌﺼﺒﻴﺔ ... ﻻ ﺗﻜﻌﺪ ﺗﺘﻤﺮﺟﻞ ﻋﻠﻴﻪ ﺗﺮﺉ ﻣﺮﺗﻚ ﻟﻮ ﻣﻮ ﺍﻧﻲ ﺟﺎﻥ ﺿﺎﻋﺖ ...
ﺭﻓﻊ ﻣﺴﺪﺳﻪ ﺑﻐﻀﺐ ﻭﻫﻮ ﻳﻀﺤﻚ ﺑﻘﻬﺮ ... ﻫﻬﻬﻬﻪ ﺍﺗﻤﺮﺟﻞ ﻋﻠﻴﻚ ﻭﻟﻚ ﺣﻴﻮﻭﻭﺍﻥ ﻭﺍﻟﻠﻪ ﻻﺧﻠﻲ ﺍﻟﺪﻧﻴﺎ ﺗﺘﻤﺮﺟﻞ ﻋﻠﻴﻚ ﻳﺎ ﺯﻣﺎﻝ ...
ﺭﺟﻊ ﺍﺑﺘﺴﻢ ﺑﺒﺘﺴﺎﻣﻪ ﻧﺎﺯﻓﻪ ... ﺟﻨﺖ ﺷﺎﺍﺍﻙ ﺑﻴﻚ ﻣﻦ ﻳﻮﻡ ﺍﻟﻲ ﺍﻧﻬﺰﻣﺖ ﺑﻲ ﻫﻞ ﺣﻴﻮﻭﻭﻭﺍﻧﻪ ﺑﺲ ﻛﻠﺖ ﻫﺴﻪ ﻳﺮﺟﻌﻬﺎ ﻫﺴﻪ ﻳﻜﻮﻝ ﻻ ﺗﺨﺎﻑ ﺟﺎﺳﺮ ﻫﻞ ﻛﻠﺒﻪ ﻋﻨﺪﻱ ...
ﺍﺭﺩﻑ ﺑﻨﻔﺲ ﺍﻟﻨﺒﺮﺓ ﻭﺍﻟﻀﺤﻜﻪ ﺍﻟﻤﺴﺘﻬﺰﺋﻪ ... ﺑﺲ ﺍﻧﺖ ﻭﻳﻦ ﻣﻜﻴﻒ ﻋﻠﺊ ﺍﻟﻮﺿﻊ ﻭﺟﺒﻴﺖ ﺗﻜﻤﻞ ﻃﻌﻨﺘﻚ ﻭﻳﺎﻱ ﺟﺎﻱ ﻫﻨﺎ ﺗﺘﻐﺰﻝ ﻭﺗﺘﻤﻀﺤﻚ ﻳﺎ ﺳﺎﻗﻂ ﻭﺍﻟﻠﻪ ﺍﻣﻮﺕ ﻭﻣﺎ ﺍﻧﺴﺊ ﻫﻞ ﻣﻨﻈﺮ ...
ﺟﺎﻥ ﺟﺎﺑﺮ ﻳﺒﺎﻭﻋﻠﻪ ﺑﻨﻬﻴﺎﺭ ﻋﻈﻴﻢ ﻣﻦ ﻛﻼﻣﻪ ﺍﻟﻼﺫﻉ ﻭﻣﻦ ﺟﺒﺮﻭﺗﻪ ﺍﻟﻘﺎﺳﻲ ...
ﻭﺟﻬﻪ ﺍﻟﻤﺴﺪﺱ ﻋﻠﻴﻪ ﻭﺿﻐﻂ ﻋﻠﺊ ﺍﻟﺰﻧﺎﺩ .. ﺟﺎﻧﺖ ﻧﻈﺮﺍﺕ ﺟﺎﺑﺮ ﺟﺎﻣﺪﻩ ﻭﺑﻨﻔﺲ ﺍﻟﻮﻗﺖ ﺛﺎﺑﺘﻪ ﻭﺗﺒﻴﻦ ﺍﻥ ﻫﻮ ﻣﺨﺎﻳﻒ ﻣﻨﻪ ...
ﻏﻤﻀﺖ ﻋﻴﻮﻧﻲ ﺑﺎﺳﺊ ﻭﺑﺮﻭﺡ ﺍﻧﺜﺊ ﻛﺴﻴﺮﺓ ... ﻻ ﻳﻤﻜﻦ ﺍﻗﺒﻞ ﻳﻜﺘﻞ ﺟﺎﺑﺮ ﻣﺎ ﺍﻗﺒﻞ ﻳﺨﻠﻲ ﺑﺮﻛﺒﺘﻪ ﺟﺎﺑﺮ ﺍﻧﺴﺎﻥ ﻣﺴﺘﺤﻴﻞ ﺍﻛﻮ ﻣﺜﻠﻪ ﻗﻠﻴﻞ ﺍﻣﺜﺎﻟﻪ ﻭﺍﻟﻠﻪ ...
ﺍﺑﺪ ﻣﺎ ﺍﺳﺘﻐﻠﻨﻲ ﻭﻋﺎﻣﻠﻨﻲ ﺑﻄﻴﺒﻪ ﻭﻛﻞ ﺍﺣﺘﺮﺍﻡ ...
ﺭﻛﻀﺖ ﻋﻠﻴﻪ ﻭﺍﻧﻲ ﺍﺗﻌﺜﺮ ﺑﺨﻄﻮﺍﺗﻲ ﻟﺰﻣﺖ ﺍﻳﺪﻩ ﺑﻌﻨﻒ ﻭﺣﻄﻴﺖ ﺍﻟﻤﺴﺪﺱ ﺑﺼﺪﺭﻱ ﺻﺮﺧﺖ ﺑﻮﺟﻬﻪ ﺑﻜﻞ ﻏﻀﺐ ... ﺍﻛﺘﻠﻨﻴﻴﻲ ﺍﻧﻲ ﺍﻛﺘﻠﻨﻲ ﺍﻧﻲ ﻭﻃﻔﻠﻲ ﻭﻣﻮﺗﻨﻲ ﺧﻠﺼﻨﻲ ﻣﻨﻚ ﻭﻣﻦ ﻗﺴﺎﻭﺗﻚ ﻭﺿﻠﻤﻚ ...
ﺑﺎﻭﻋﻠﻲ ﺛﻮﻭﻭﻭﺍﻧﻲ ﻣﺎ ﺣﺴﻴﺖ ﻧﻔﺴﻲ ﺍﻟﻪ ﻋﻠﺊ ﺍﻟﻌﺸﺐ ﺍﻟﺮﻃﺐ ﺑﺴﺒﺐ ﺍﻟﺮﺍﺷﺪﻱ ﺍﻟﻘﺎﺳﻲ ﺍﻟﻲ ﺍﺧﺬﺗﻪ ﻣﻨﻪ ...
ﺻﺮﺧﺖ ﻭﺣﻄﻴﺖ ﺍﻳﺪﻱ ﻋﻠﺊ ﺧﺪﻱ ﺣﺴﻴﺘﻪ ﺻﺎﺭ ﻧﺎﺍﺍﺭ ...
ﺭﻓﻌﺖ ﻋﻴﻮﻧﻲ ﺍﻟﺪﺍﻣﻌﻪ ﺍﻟﻪ ﻭﻫﻮ ﻗﺎﺑﻠﻨﻲ ﺑﻌﻴﻮﻥ ﺗﺤﻤﻞ ﺣﻤﻢ ﺑﺮﻛﺎﻧﻴﺔ ﻣﻦ ﺍﻟﻐﻴﺾ ...
ﺗﻘﺪﻡ ﻣﻨﻲ ﺑﻄﻮﻟﻪ ﺍﻟﻔﺎﺍﺍﺍﺭﻉ ﻭﺍﻧﻲ ﺯﺣﻔﺖ ﻋﻠﺊ ﺍﻟﻌﺸﺐ ﻭﻟﺰﻣﺖ ﺍﻟﻌﺸﺐ ﻭﺍﻟﻄﻴﻦ ﺑﻘﺴﻮﻭﻭﻩ ... ﺳﺤﺒﻨﻲ ﺑﻘﻮﻭﺓ ﻣﻦ ﺭﻛﺒﺘﻲ ﺍﺧﺘﻨﻜﺖ ﺑﻴﻦ ﺍﺩﻳﻪ ...
ﺣﺴﻴﺖ ﺍﻧﺮﻓﻌﺖ ﻣﻦ ﺍﻻﺭﺽ ﻻﻥ ﺟﺎﻧﺖ ﻗﺒﻀﺘﻪ ﻗﻮﻳﺔ ﻋﻠﺊ ﻋﻨﻘﻲ ﻭﺑﺴﺒﺐ ﻃﻮﻭﻟﻪ ﻭﺻﻐﺮ ﺣﺠﻤﻲ ﻭﻳﻪ ﺣﺠﻤﻪ ...
ﻫﻤﺲ ﺑﻔﺤﻴﺢ ﻣﺮﻋﺐ ... ﺗﻨﻬﺰﻣﻴﻴﻦ ﺗﻨﻬﺰﻣﻴﻦ ﻣﻨﻲ ﻋﺒﺎﻟﺞ ﻣﺮﺍﺡ ﺍﻟﻜﺎﺝ ﻟﺞ ﻟﻮ ﺗﻄﻤﻴﻦ ﻧﻔﺴﺞ ﺑﻘﺼﺮ ﻣﺸﻴﺪ ﺍﻃﻠﻌﺞ ﺍﻃﻠﻌﺞ ...
ﻟﺰﻣﺖ ﺍﻳﺪﻩ ﺍﺭﻳﺪ ﺍﺧﻔﻒ ﻣﻦ ﺍﻻﻟﻢ ﺍﻟﻲ ﺣﺴﻴﺖ ﺑﻲ ﻣﻦ ﺍﻳﺪﻩ ..
ﺗﺮﻙ ﻋﻨﻘﻲ ﻭﻫﺰﻧﻲ ﺑﻘﻮﻭﻭﻩ ... ﻟﻴﻴﻴﺶ ﻟﻴﺶ ﺍﻧﻬﺰﻣﺘﻲ ﻟﻴﻴﻴﺶ ﻭﻟﺞ ﺧﻠﻴﺘﻲ ﺍﻟﻴﺴﻮﻩ ﻭﺍﻟﻤﺎﻳﺴﻮﻩ ﻳﺬﻛﺮﻧﻲ ﺑﺪﻳﻮﺍﻥ ﻭﻳﻜﻮﻟﻮﻥ ﻣﺮﺗﻪ ﺍﻧﻬﺰﻣﺖ ﻣﻨﻪ ... ﺑﺤﻴﺎﺗﻲ ﻣﺎ ﺗﻮﻗﻌﺘﺞ ﺻﻠﻔﻪ ﻭﺍﺩﺑﺴﺰ ﻫﻴﻴﺞ ...
ﻓﺘﺤﺘﻲ ﻋﻠﻴﺞ ﺍﺑﻮﺍﺏ ﺟﻬﻨﻢ ﻭﺍﻟﻠﻪ ... ﻣﺤﺘﺎﺭ ﺷﻠﻮﻥ ﺍﻋﺬﺑﺞ ﻣﺤﺘﺎﺭ ﺷﻠﻮﻭﻥ ﺍﺩﻣﺮﺝ ﺑﺲ ﻫﻴﻴﻴﻦ ﺍﺫﺍ ﻣﺎ ﺫﻟﻴﺘﺞ ﻣﺎ ﺍﻃﻠﻊ ﺟﺎﺳﺮ ...
ﻫﻤﺴﺖ ﺑﺨﻮﻭﻑ .. ﻃﻂ ﻃﻠﮕﻨﻲ ﻭﺭﺟﻌﻨﻲ ﺍﻻﻣﻲ ...
ﺻﺮﺧﺖ ﺑﺮﻋﺐ ﻭﺍﻧﻲ ﺍﻟﺰﻡ ﻭﺟﻬﻲ ﺑﺴﺒﺐ ﺍﻟﺮﺍﺷﺪﻱ ﺍﻟﺜﺎﻧﻲ ﺍﻟﻲ ﺍﺧﺬﺗﻪ ﻣﻨﻪ ﺣﺴﻴﺖ ﺑﺎﻟﺪﻡ ﻧﺰﻝ ﻋﻠﺊ ﺷﻔﺎﻳﻔﻲ ..
ﻭﻛﻒ ﺟﺎﺑﺮ ﻭﻫﻮ ﻳﺘﺮﻧﺢ ﺑﻤﺸﻴﺘﻪ ﻫﻤﺲ ... ﺟﺎﺳﺮ ﺟﻮﻟﻴﻴﺖ ﻣﺎ ﺍﻟﻬﺎ ﺫﻧﺐ ﺍﻧﻲ ﺍﻟﻤﺬﻧﺐ ﺍﻟﺤﻖ ﻛﻠﻪ ﻋﻠﻴﻪ
ﺑﺎﻭﻋﻠﻪ ﺑﻐﻀﺐ ﻭﺭﺩ ﻋﻠﻴﻪ ﺑﺤﻘﺪ ... ﺣﺴﺎﺑﻚ ﺑﻌﺪﻳﻴﻴﻴﻦ ﺧﻠﻲ ﺍﺧﻠﺺ ﻣﻦ ﻫﻞ ﻛﻠﺒﻪ ﻭﺍﻧﺖ ﺣﺴﺎﺑﻚ ﻋﺴﻴﺮ ...
ﺳﺤﺒﻨﻲ ﻭﺍﻧﻲ ﺍﺑﺠﻲ ﻭﺍﺻﺮﺥ ﻭﺍﺿﺮﺏ ﺑﻲ ﺟﺎﻥ ﻻﺯﻡ ﺍﻳﺪﻱ ﺑﻘﺴﻮﻭﻭﺓ ﻭﻋﺎﺻﺮﻩ ﺑﻜﻔﻪ ﺍﻟﻘﺎﺳﻲ ..
ﺿﺮﺑﺎﺗﻲ ﺟﺎﻧﺖ ﻣﺘﺸﻔﻊ ﻋﻠﻴﻪ ﺟﺎﻧﺖ ﺿﻌﻴﻔﻪ ﻣﻘﺎﺭﻧﺔ ﺑﻲ
ﺟﻨﺖ ﺣﺎﻓﻴﻪ ﺣﺘﺊ ﺍﻟﻨﻌﺎﻝ ﻣﻦ ﺍﻟﺨﻮﻭﻑ ﺍﻧﺰﻉ ﻣﻦ ﺭﺟﻠﻴﻪ ﻭﻫﻮ ﺟﺎﻥ ﻳﺴﺤﺐ ﺑﻴﻪ ﻣﺜﻞ ﺍﻟﺒﻬﻴﻤﺔ ﺍﻟﻲ ﻳﺴﻮﻗﻬﺎ ﻟﺠﺰﺍﺭ ﻟﻠﻤﺠﺰﺓ ..
ﺭﻏﻢ ﺑﺮﻭﺩﺓ ﺍﻟﺠﻮﻭ ﻭﺑﺮﻭﺩﺓ ﺍﻟﻄﻴﻦ ﺑﺲ ﻣﺎ ﺍﺣﺲ ﺑﻲ ﻣﻘﺎﺭﻧﺔ ﻭﻳﻪ ﺍﻟﺨﻮﻑ ﻭﺍﻟﺤﺮﮔﻪ ﺍﻟﻲ ﺑﺪﺍﺧﻠﻲ ...
ﻓﺘﺢ ﺑﺎﺏ ﺍﻟﺴﻴﺎﺭﺓ ﻭﺷﻤﺮﻧﻲ ﺑﻴﻬﺎ ...
ﻣﺸﻪ ﺑﺨﻄﻮﺍﺕ ﺳﺮﻳﻌﻪ ﻭﺍﻟﻤﺴﺪﺱ ﺑﻴﺪﻩ ...
ﻓﺘﺢ ﺑﺎﺏ ﺍﻟﺴﻴﺎﺭﺓ ﻭﺻﻌﺪ ﻭﺍﻧﻲ ﻟﺰﻛﺖ ﺑﺒﺎﺏ ﺍﻟﺴﻴﺎﺭﺓ ﺍﺷﻬﻚ ﻭﺍﺑﺠﻲ ...
ﺑﺎﻭﻋﻠﻲ ﺑﻘﻮﻭﺓ ﺻﺮﺥ ﺑﻮﺟﻬﻲ ... ﺑﺲ ﺗﻄﻠﻌﻴﻴﻦ ﺻﻮﻭﺕ ﺍﻓﺠﺮ ﺭﺍﺳﺞ ﻭﺍﻟﻠﻪ ...
ﻫﺰﻳﺖ ﺭﺍﺳﻲ ﺑﻨﻔﻲ ﻭﺭﺟﻔﻪ ﻭﺷﻬﻜﺎﺕ ...
ﺩﺭﺕ ﻭﺟﻬﻲ ﻟﻠﺠﺎﻡ ﺷﻔﺖ ﺟﺎﺑﺮ ﻣﺮﺗﺠﻲ ﻋﻠﺊ ﺟﺬﻉ ﺍﻟﺸﺠﺮﺓ ﻭﺩﺍﻳﺦ ﻣﻦ ﺿﺮﺑﺎﺕ ﺟﺎﺳﺮ ...
ﺣﺴﻴﺖ ﺭﮔﺒﺘﻲ ﺍﻧﺨﻠﻌﺖ ﻣﻦ ﺳﺤﺒﺘﻪ ﺍﻟﻘﻮﻳﻪ ﺩﺍﺭ ﻭﺟﻬﻲ ﻋﻠﻴﻪ ﺻﺮﺧﺖ ﺑﻮﺟﻊ ﻭﺍﻧﻲ ﺍﺣﻂ ﺍﻳﺪﻱ ﻋﻠﺊ ﺭﻛﺒﺘﻲ ﻣﺴﺤﺖ ﺩﻣﻮﻋﻲ ﺑﺨﻮﻭﻭﻑ ﻭﺍﻧﻲ ﺍﺑﺎﻭﻉ ﺍﻟﻪ ﺑﻨﻬﻴﺎﺭ ﻋﻈﻴﻢ ....
ﺑﺎﻭﻋﻠﻲ ﺑﻌﻴﻮﻥ ﻫﺸﻤﺘﻬﻦ ﺍﻟﻘﺴﻮﻭﺓ ﺣﻔﺮ ﺍﺻﺎﺑﻌﻪ ﺍﻟﺤﺎﺩﻩ ﺑﺨﺪﻭﺩﻱ ﻭﻫﻤﺲ ﺑﻔﺤﻴﺢ ﺷﻴﻄﺎﻧﻲ . ﻣﻘﻬﻮﻭﻭﺭﺓ ﻋﻠﻴﻴﻪ ﺍﻟﻠﻪ ﺍﻋﻠﻢ ﺷﺼﺎﺭ ﻭﺩﺍﺭ ﺑﻴﻨﻜﻢ ... ﻫﺎﻣﺞ ﺟﺎﺑﺮ ﻣﻮﻭ؟
ﺑﺎﻭﻋﺘﻠﻪ ﺑﻨﻈﺮﺍﺕ ﺣﺰﻳﻨﻪ ﻭﺷﻼﻝ ﺍﻟﺪﻣﻊ ﺧﺘﻠﻂ ﻭﻳﻪ ﺍﻟﺪﻡ ﺣﻄﻴﺖ ﺍﻳﺪﻱ ﻋﻠﺊ ﻭﺟﻬﻲ ﻭﺑﺠﻴﺖ ﻣﻘﻬﻮﺭﺓ ﻋﻠﺊ ﺣﺎﻟﻲ ...
ﻭﻫﻮ ﺳﺎﻕ ﺑﺴﺮﻋﻪ ﻛﺒﻴﺮﻩ ﻭﺿﻞ ﻳﺨﻄﻒ ﻣﻦ ﺑﻴﻦ ﺍﻟﺴﻴﺎﺭﺍﺕ ﻭ ﻭﺟﻬﻪ ﻣﺎ ﻳﺒﺸﺮ ﺑﺨﻴﻴﺮ ﺍﺑﺒﺒﺪ ...
ﺟﻨﺖ ﺑﻴﻦ ﻟﺤﻈﻪ ﻭﻟﺤﻈﻪ ﺍﺑﺎﻭﻉ ﻋﻠﻴﻪ ﻭﺍﺭﺍﻗﺐ ﺍﻟﻘﺴﻮﺓ ﺍﻟﻲ ﺑﻌﻴﻮﻧﻪ ﺷﻜﺪ ﺍﺗﺼﻠﻮﺍ ﻋﻠﻴﻪ ﻭﺷﻜﺪ ﺭﻥ ﻣﻮﺑﺎﻳﻠﻪ ﺑﺲ ﻫﻮ ﺍﺑﺒﺒﺪ ﻣﺎ ﻓﺘﺢ ﺧﻂ ﻭﻻ ﺷﺎﻑ ﻣﻨﻮ ﺍﻟﻤﺘﺼﻞ ...
ﻟﻠﺤﻈﺎﺕ ﺗﺸﺎﻫﺪﺕ ﻋﻠﺊ ﺭﻭﺣﻲ ﻭﺟﺮﻳﺖ ﻧﻔﺲ ﺩﻋﻴﺖ ﺍﻟﻠﻪ ﻳﺤﻤﻴﻨﻲ ﻣﻨﻪ ...
ﺍﻟﻜﺎﺳﺮ ﻓﻌﻼ ﻫﻮ ﻛﺎﺳﺮ ﺍﺑﺒﺒﺪ ﻣﺎ ﺍﻫﺘﻢ ﻟﻠﻄﻔﻞ ﺍﻟﻲ ﻫﻮ ﻣﻦ ﺻﻠﺒﻪ ﻭﻻ ﺧﺎﻑ ﺍﻟﻠﻪ ﺑﻴﻨﻪ ...
ﺟﺎﻧﺖ ﻋﻴﻮﻧﻪ ﺗﺠﺪﺡ ﻭﻣﺮﻛﺰ ﺑﺎﻟﻄﺮﻳﻖ ﺑﻘﻮﻭﺓ ﻭﻻﺯﻡ ﺍﻟﺴﺘﻴﺮﻥ ﺑﻘﺴﻮﻭﺓ ﺣﺘﺊ ﺷﺮﺍﻳﻴﻦ ﺍﻳﺪﻩ ﻣﺒﻴﻨﻪ ﻣﻦ ﻗﺒﻀﺘﻪ ﺍﻟﻘﺎﺳﻴﺔ ...
ﺍﻋﺼﺎﺑﻪ ﻣﺒﻴﻨﻪ ﺩﻳﺤﻈﺮ ﻻﻣﺮ ﻣﺮﻳﻊ ﻭﻣﺨﻴﻒ ﺍﻛﻴﺪ ﺍﻧﻲ ﺍﻟﻲ ﺍﻟﺤﺼﻪ ﺍﻻﻛﺒﺮ ﻣﻦ ﺍﻧﺘﻘﺎﻣﻪ ...
ﻳﺎﻭﻭﻭﻳﻞ ﺣﺎﺍﺍﻟﻲ . ﻳﻤﻪ ﻭﻳﻴﻴﻨﺞ ...
.............................
ﺍﻟﺒﺼﺮﺓ ﺧﻮﺭ ﺍﻟﺰﺑﻴﺮ ...
ﺣﺎﺯﻡ ..
ﺑﺒﻴﺖ ﺍﺷﺒﻪ ﺑﺎﻟﺨﺮﺍﺑﻪ ﺣﻴﻄﺎﻧﻪ ﺗﻌﺒﺎﻧﻪ ﻭﻣﺘﻬﺎﻟﻜﻪ ﻣﺜﻞ ﺍﻣﻲ ﻭﻣﺜﻞ ﺍﺑﻮﻭﻭﻱ ...
ﺑﺎﻭﻋﺖ ﺍﻻﻣﻲ ﺍﻟﻲ ﻣﻦ ﻗﺘﻞ ﻋﺎﺻﻢ ﺍﻟﺸﻴﺦ ﻣﻬﻴﻮﺏ ﻭﺍﺑﻨﻪ ﻭﺣﻔﻴﺪﺗﻪ ﻫﻲ ﻋﻠﺊ ﻫﻞ ﺣﺎﻝ ﺗﻮﻭﻭﻥ ﻭﺗﻨﻮﺡ ﻭﺗﺒﺠﻲ ...
ﻭﻋﺎﺻﻢ ﻛﺎﻋﺪ ﺑﺰﺍﻭﻳﺔ ﻣﻦ ﺯﻭﺍﻳﺔ ﺣﻴﺎﻃﻴﻦ ﺍﻟﻐﺮﻓﻪ ﺍﻟﻤﺤﻔﺮ .. ﻭﻳﻤﺴﺢ ﺑﻮﺟﻬﻪ ﺟﺎﻧﺖ ﻟﺤﻴﺘﻪ ﻭﺍﺻﻠﻪ ﻟﺤﺪ ﺧﺪﻩ ﻭﺷﻌﺮﻩ ﻣﺨﺮﺑﻂ ﻭﺷﻜﻠﻪ ﻣﺒﻬﺬﻝ ﻭﻋﻴﻮﻧﻪ ﺣﻤﺮ ...
ﺍﻣﻲ ﺟﺎﻧﺖ ﻛﺎﻋﺪﻩ ﻋﻠﺊ ﺑﺴﺎﻁ ﻗﺪﻳﻢ .. ﻭﺗﻨﻮﺡ ﻛﺎﻟﺖ ... ﻳﻤﻤﻤﻪ ﺟﻮﻭﻭﻟﻲ ﻳﻤﻤﻤﻪ ... ﻳﻤﻤﺔ ﺷﻠﻮﻥ ﺣﺎﻟﺞ ﻳﻤﻤﻤﻪ .. ﺧﺬﻭﻭﻭﻧﻲ ﻏﺼﺐ ﻭﻋﻔﺘﺞ ﻳﻤﻤﺔ ...
ﺳﻮﺩﻩ ﻋﻠﻴﻪ ﻳﺼﻐﻴﺮﻭﻧﻪ ... ﻭﺍﻟﻠﻪ ﻣﺎ ﺭﺩﺕ ﺍﺯﻭﺟﻬﺎ ﻭﺍﻟﻠﻪ ﻣﺎﺭﺩﺗﻬﺎ ﺗﺰﻭﻭﺝ ﻛﻠﻪ ﺑﺴﺒﺒﻚ ﻋﻮﻳﺼﻢ ﺍﻟﻜﻠﺐ ﺩﻣﺮﺕ ﺍﺧﺘﻚ ﻭﺑﻬﺬﻟﺘﻬﺎ ﺷﻜﻮﻝ ﻋﻠﻴﻚ ﻳﺎ ﺍﺑﻦ ﺑﻄﻨﻲ ﺷﻜﻮﻝ ﻋﻠﻴﻚ ﻳﻤﻤﻪ ﻋﺎﺻﻢ
ﻫﻮ ﺻﺮﺥ ﺑﺼﻮﺕ ﻋﺎﻟﻲ ... ﻛﺎﺍﺍﺍﻓﻲ ﻳﻤﻤﻤﻪ ﻛﺎﺍﺍﻓﻲ ﻻ ﺗﺨﻠﻴﻨﻲ ﺍﻛﺘﻞ ﺭﻭﻭﻭﺣﻲ ﺗﻌﺒﺖ ﻭﺍﻟﻠﻪ ﺗﻌﺒﺖ ﻣﺎ ﻳﺼﻴﺮ ﻫﻴﻴﺞ ﻣﻮﺗﻮﻧﻲ
ﺭﺩﺕ ﻋﻠﻴﻪ ﺑﻐﻀﺐ .. ﻃﺒﻚ ﻣﺮﺽ ﻧﺬﻝ ﺣﻴﻮﻭﻭﺍﻥ ﻭﻟﻚ ﻟﻴﺶ ﻟﻴﻴﻴﺶ ﺗﺨﻠﻲ ﺗﻠﺚ ﺍﺭﻭﺍﺡ ﺑﺮﻛﺒﺘﻚ ﻭﻟﻚ ﺷﻠﻮﻭﻥ ﺍﻟﻚ ﻛﻠﺐ ﻭﻛﺘﻠﺘﻬﻢ ...
ﺑﺠﺖ ﺑﺼﻮﺕ ﻋﺎﻟﻲ ... ﻭﻟﻚ ﺍﺧﺘﺘﺘﻚ .. ﺍﺧﺘﻚ ﺍﻟﻤﺴﻜﻴﻨﻪ ﺷﻠﻮﻥ ﺑﻴﻬﺎ ﺟﺒﺘﻨﻲ ﻏﺼﺐ ﻋﻨﻲ ﻭﺧﻠﻴﺘﻨﻲ ﺍﻋﻮﻑ ﺫﻳﺞ ﻣﺪﻣﻌﺔ ﺍﻟﺮﺧﻴﺼﻪ ﺑﻨﺺ ﺍﻟﻮﺣﻮﺵ ...
ﺑﺎﻭﻋﺘﻠﻪ ﺑﺘﻮﺳﻞ ﻭﺩﻣﻮﻋﻬﺎ ﻏﺴﻠﺖ ﻭﺟﻬﻬﺎ ﺍﻟﻲ ﻋﺪﻡ ﻣﻼﻣﺤﻪ ﺍﻟﺰﻣﻦ ... ﻟﻴﺶ ﻳﻤﻪ ﻟﻴﺶ ﻣﺎ ﺭﺣﻤﺘﻨﻲ ﻟﻴﺶ ﻣﺎ ﺭﺣﻤﺔ ﺷﻴﺒﺎﺕ ﺍﺑﻮﻭﻭﻙ ﻭﻟﻚ ﺟﺒﻨﻪ ﻋﻤﺮﻧﺎ ﻛﻠﻪ ﺗﻌﺐ ﺑﺘﻌﺐ ﺗﺎﻟﻴﻬﺎ ﺗﻜﺴﺮ ﻇﻬﺮﻧﺎ ﻭﻇﻬﺮ ﺍﺧﺘﻚ ﺍﻟﻤﻜﺴﻮﺭﺓ ﺑﻌﻤﻠﺘﻚ ...
ﺑﺎﻭﻋﺖ ﺍﻻﺑﻮﻱ ﺣﻂ ﺍﻳﺪﻩ ﺍﻟﻤﻌﺎﻗﻪ ﻋﻠﺊ ﻭﺟﻬﻪ ﻭﻫﻮ ﻳﻐﻢ ﺑﻜﺼﺘﻪ ... ﺳﻮﺩﻩ ﺑﻮﺟﻬﻲ ﻳﺎ ﺑﻮﻳﻪ ﻳﺎ ﻋﺰﻳﺰﺗﻲ ﻳﺎ ﺟﻮﻟﻴﻴﺖ ﻋﻔﺘﺞ ﺍﻟﻮﺣﺪﺝ ...
ﻭﺍﻟﻠﻪ ﻟﻮ ﺭﺟﻠﻴﺔ ﻭﺍﺩﻳﻪ ﻳﻌﻨﻨﻲ ﻭﺍﻟﻠﻪ ﺍﺟﻴﺒﺞ ﻭﻣﺎ ﺍﺧﻠﻴﺞ ﻭﻻ ﻟﺤﻈﺔ ﻫﻨﺎﻙ ...
ﺑﻮﻳﻪ ﺷﻨﻲ ﺣﺎﻟﺞ ﺷﻠﻮﻥ ﻋﺎﻳﺸﻪ ﺗﺬﻛﺮﻳﻨﻪ ﻟﻮ ﻛﺎﻟﻠﻮﺝ ﺍﻫﻠﺞ ﻣﺠﺮﻣﻴﻦ ﺍﻧﺴﻴﻬﻢ
ﻧﺴﻴﺘﻨﻪ ﺑﻮﻭﻳﻪ ﻭﺍﻟﻠﻪ ﺍﻣﻮﺕ ﻭﺍﻧﻪ ﺍﺣﻦ ﻭﺍﻭﻥ ﻋﻠﺊ ﺷﻮﻓﺔ ﻋﻴﻮﻧﺞ ﺍﻟﺤﻠﻮﺓ ﻭﻃﻮﻟﺪ ﺍﻟﺤﻠﻮ ﻳﺎ ﺑﻮﻳﻪ ﻳﺎ ﺟﻮﻭﻟﻲ ...
ﻣﺴﺢ ﺩﻣﻮﻋﻪ ﺑﻜﻒ ﺍﻳﺪﻩ ﺍﻟﻤﺘﻌﺐ ﻭﻫﻤﺲ .. ﺟﺎﻧﺖ ﻣﺜﻞ ﺍﻟﻨﺴﻤﺔ ﺍﻟﺒﺎﺭﺩﻩ ﺗﺤﻀﺮ ﻣﺼﻼﻳﺘﻲ ﻭﺗﺠﻴﺐ ﺍﻟﻤﺎﻱ ﻭﺍﻟﻄﺸﺖ ﻣﺎ ﺗﻘﺒﻞ ﺍﻛﻮﻡ ﻟﻠﻤﻐﺴﻠﺔ ﺍﺗﻮﺿﺊ ...
ﺍﺍﺍﻩ ﻳﺎ ﺑﻮﻳﻪ ﻳﺎ ﺟﻮﻟﻴﻴﺖ ﻳﺎﻟﺤﻨﻴﻨﻪ ... ﻣﻦ ﺍﺷﻮﻓﺞ ﻳﻨﺰﺍﺡ ﻛﻞ ﺗﻌﺒﻨﻲ ... ﺍﻟﻠﻪ ﻳﻌﻴﻨﺞ ﺑﻮﻳﺔ ...
ﺍﺑﻮﺝ ﺿﻌﻴﻒ ﻣﺎ ﻋﻨﺪﻩ ﻏﻴﺮ ﺍﻟﺪﻋﺎﺀ ... ﺍﺑﻮﺝ ﻛﺴﺮﻩ ﺍﻟﺰﻣﻦ ﻭﺧﻼﻩ ﻣﺎ ﻳﻜﺪﺭ ﻳﺤﻤﻴﺞ ﻳﺎ ﺭﻭﺣﻪ ..
ﻋﻘﻠﻲ ﻃﻔﺮ ﻣﻦ ﺭﺍﺳﻲ ﻭﺍﻧﻲ ﺃﺗﺨﻴﻞ ﺟﺎﺳﺮ ﻳﻀﺮﺑﺞ ﻭﻳﺎﺫﻳﺞ ...
ﺟﺮ ﻧﻔﺲ ... ﺍﺗﺬﻛﺮ ﻣﻦ ﺯﻓﻴﺘﻪ ﺍﻟﻪ ﻛﺘﻠﻪ ﺑﻮﻭﻳﻪ . ﺟﺎﺳﺮ ﺟﻮﻟﻴﻴﺖ ﺍﻣﺎﻧﺔ ﻋﻨﺪﻙ .. ﺍﺷﺮﻟﻲ ﻋﻠﺊ ﻋﻴﻮﻧﻪ ﻭﻛﺎﻝ ﺑﻌﻴﻮﻧﻲ ...
ﻫﻤﺲ ﺑﻨﺤﻴﺐ ... ﺑﻌﺪﺝ ﺑﻌﻴﻮﻧﻪ ﻳﺒﻨﻴﺘﻲ ﻟﻮ ﻋﺬﺑﺞ ...
ﺍﻣﻲ ﻟﻄﻤﺖ ﻋﻠﺊ ﻭﺟﻬﻬﺎ .. ﺳﻮﺩﻩ ﺑﻮﺟﻬﻲ ﻳﻤﻪ ﻳﺎﻟﺤﻠﻮﺓ ﻳﻤﻤﻪ ﺗﺒﺠﻴﻦ ﺗﺼﻴﺤﻴﻦ ﻳﻤﻤﻪ ﻭﺍﻧﻪ ﻣﺎ ﺍﺳﻤﻌﺞ ﻋﺴﺎﻧﻲ ﺑﺎﻟﻤﻮﺕ ﻗﺒﻞ ﻻ ﺍﺷﻮﻓﺞ ﻣﻀﺮﻭﺑﻪ ﻟﻮ ﻣﺎ ﺍﺫﻳﻨﺞ ...
ﺣﻄﺖ ﺍﻳﺪﻫﺎ ﻋﻠﺊ ﺻﺪﺭﻫﺎ ﺑﺮﻋﺐ ... ﻳﻤﻪ ﺳﻮﺩﻩ ﻋﻠﻴﻪ ﻳﻤﻤﻪ ﺿﺮﺑﻮﺝ ﺍﺫﻭﻭﺝ ... ﻳﻤﻪ ﻋﻴﺮﻭﺝ ﺑﺎﺧﻮﺝ ... ﻳﻤﻪ ﺷﻨﻮ ﺣﺎﻟﺞ ﻳﻤﻤﻪ ﺟﻮﻟﻲ ... ﺍﺧﺎﻑ ﺍﻣﻮﺕ ﻭﻣﺎ ﺍﺷﻮﻓﻬﺎ
ﻋﺎﺻﻢ ﻛﺘﻤﺖ ﺍﻻﻩ ﺑﺪﺍﺧﻠﻪ ﻭﺧﻠﻪ ﻭﻃﻠﻊ ﺑﺮﻩ ﻣﺘﻀﺎﻳﻖ ﻣﻦ ﻛﻼﻣﻬﻢ ...
ﻭﺍﻧﻲ ﺿﻠﻴﺖ ﻣﺤﺘﺎﺭ ﺑﻴﻬﻢ ﺳﺎﻋﻪ ﺍﺷﺮﺑﻬﻢ ﻣﻲ ﺳﺎﻋﻪ ﺍﻭﻛﻠﻬﻢ ﺭﻏﻢ ﻫﻢ ﺭﺍﻓﻀﻴﻴﻦ ....
ﻭﻛﻞ ﺷﻮﻳﻪ ﻭﺫﻛﺮﻭﺍ ﺟﻮﻟﻴﻴﺖ ... ﻭﺑﺠﻮﺍ ﻋﻠﻴﻬﺎ
ﻳﻌﺮﻓﻮﻥ ﺑﺰﻭﺟﻬﺎ ﻗﺎﺳﻲ ﻣﺎ ﻳﺮﺣﻢ ...
ﻫﻤﺴﺖ ﺑﻮﺟﻊ ... ﻳﺎﺭﺏ ﺍﺧﺘﻲ ﻭﺩﻳﻌﺔ ﻋﻨﺪﻙ ﺍﺭﺣﻤﻬﺎ ﻭﺣﻨﻦ ﻛﻠﻮﺑﻬﻢ ﻋﻠﻴﻬﺎ ...
.......... ................
ﺟﺎﺑﺮ ...
ﺣﺎﺱ ﺑﺪﻭﺧﻪ ﻭﻋﺜﻴﺎﻥ ﺭﺍﺳﻲ ﻭﺧﺸﻤﻲ ﻛﻠﻪ ﻳﺎﺫﻳﻨﻲ ...
ﺍﺑﺪ ﻣﺎ ﺭﻓﻌﺖ ﺍﻳﺪﻱ ﻋﻠﺊ ﺟﺎﺳﺮ ﻣﻮ ﺧﻮﻑ ﻣﻨﻪ ﺑﺲ ﺍﺿﻞ ﺑﻨﻈﺮ ﻧﻔﺴﻲ ﻏﻠﻄﺎﻥ ...
ﻏﻠﻄﺔ ﺍﻟﺸﺎﻃﺮ ﺑﺎﻟﻒ ﺑﻬﺬﻟﺖ ﺟﻮﻟﻴﻴﺖ ﻭﺑﻬﺬﻟﺖ ﻧﻔﺴﻲ ...
ﺑﺲ ﻟﺤﺪ ﺍﻻﻥ ﺍﻋﺮﻑ ﺍﻧﻲ ﻫﻲ ﻣﻦ ﻃﻠﻌﺖ ﺟﺎﻧﺖ ﻋﺒﺎﻟﻬﺎ ﺍﻫﻠﻬﺎ ﻣﻮﺟﻮﺩﻳﻦ ﻻﻥ ﺷﺎﻓﺖ ﺑﻨﺖ ﺧﺎﻟﺘﻬﺎ ﻫﺎﻟﻪ ﻭﺍﻣﻬﺎ ﻭﺃﺧﺘﻬﺎ ... ﻋﺒﺎﻟﻬﺎ ﺍﻣﻬﺎ ﻣﺎ ﻫﺮﺑﺖ ﻭﻳﻪ ﺍﺧﻮﺍﻧﻬﺎ ...
ﺗﻨﻬﺪ ﺑﺘﻌﺐ ﻭﻭﻛﻔﺖ ﺑﺼﻌﻮﺑﻪ ﺍﺗﺬﻛﺮﺗﻬﺎ ﻣﻦ ﺍﺧﺬﻫﺎ ﻭﻫﻲ ﺗﺒﺎﻭﻋﻠﻲ ﻭﺗﺴﺘﻨﺠﺪ ﺑﻴﻪ ﺧﺎﻳﻔﻪ ﻣﻨﻪ ...
ﻧﻈﺮﺍﺗﻬﺎ ﺳﻬﺎﻡ ﺗﺨﺘﺮﻕ ﺻﺪﺭﻱ ﺍﺫﺗﻨﻲ ﺣﻴﻞ ﻣﺠﺎﻥ ﺑﻴﺪﻱ ﺍﻱ ﺷﺊ ﻣﺎ ﻛﺪﺭﺕ ﺍﺳﺎﻋﺪﻫﺎ ...
ﺷﻔﺖ ﺻﺒﺮﻳﺔ ﺍﺟﺖ ﻣﻦ ﺑﻌﻴﺪ ﻭﻫﻲ ﺷﺎﻳﻠﻪ ﺣﺰﻣﺔ ﺣﻄﺐ ﻋﻠﺊ ﺭﺍﺳﻬﺎ ...
ﺑﺎﻭﻋﺘﻠﻲ ﻣﺼﺪﻭﻣﻪ ﺷﻤﺮﺗﻬﺎ ﻣﻦ ﺍﻳﺪﻫﺎ ﺻﺮﺧﺖ ﺑﻐﻀﺐ ... ﻳﻤﻤﻤﻤﻪ ﺟﻮﻳﺒﺮ ﺷﺒﻴﻴﻚ ﺟﻮﻭﻭﻳﻠﻴﺘﻪ ﻭﻳﻨﻬﺎ ...
ﺍﺟﺖ ﻛﻌﺪﺕ ﻳﻤﻲ ﻭﻣﺴﺤﺖ ﺍﻟﺪﻡ ﺑﺸﻴﻠﺘﻬﺎ ﺍﻟﻤﻠﻴﺎﻧﻪ ﺗﺮﺍﺏ ﻛﺎﻟﺖ ... ﺧﺎﺍﺍﺏ ﺍﺣﺠﻲ ﺟﻜﻠﻴﺘﻪ ﻭﻳﻨﻬﺎ
ﺑﺲ ﻻ ﺩﺍﻭﻭﺩ ﺍﻟﻜﻠﺐ ﻫﻮ ﺿﺮﺑﻚ ﻭﺍﺧﺬ ﺟﻜﻠﻴﺘﻪ ﻭﺭﻭﺡ ﺍﻣﻲ ﺍﻟﻴﻮﻡ ﺍﻓﺮﻍ ﻣﺴﺪﺳﻲ ﺑﺮﺃﺳﻪ
ﺗﻨﻬﺪﺕ ﺑﻀﻴﻖ ... ﺍﺟﻪ ﺯﻭﺟﻬﺎ ﺍﺧﺬﻩ
ﺑﻬﺘﺖ ﻣﻼﻣﺤﻬﺎ ﻭﺣﺠﺖ ﺑﺼﻌﻮﻭﺑﺔ ... ﺯﻭﺟﻬﺎ ... ﺍﺧﺬﻫﺎ .. ﻣﻨﻮﻭ ﮔﻠﺔ ﻋﻠﺊ ﻣﻜﺎﻧﻬﺎ ﻣﻨﻮ ﻓﺘﻦ ﻋﻠﻴﻬﺎ ...
ﺿﺮﺑﺘﻨﻲ ﻋﻠﺊ ﺻﺪﺭﻱ ... ﺍﻧﺖ ﻛﺘﻠﻪ ﺟﻮﻳﻠﻴﺘﻪ ﻋﻨﺪﻱ ﻭﻟﻚ ﻫﻲ ﺟﺎﻧﺖ ﺧﺎﻳﻔﻪ ﻣﻨﻚ ﻳﺎﻟﻨﺬﻝ ﻳﺎﻟﻔﺘﺎﻥ ﻳﺎﻟﻤﻨﺎﻓﻖ
ﺩﻓﻌﺘﻪ ﺍﻳﺪﻫﺎ ﺑﻐﻀﺐ ... ﺩﻋﻮﻓﻴﻨﻲ ﻳﻌﻨﻲ ﺍﻧﻲ ﻟﻮ ﻣﻔﺘﻦ ﻋﻠﻴﻬﺎ ﺗﻠﻜﻴﻦ ﻫﺬﺍ ﺣﺎﻟﻲ ﺍﻧﻲ ﻭﻛﻌﺖ ﺑﻤﺸﻜﻠﻪ ﻣﺎ ﺍﻟﻬﺎ ﺣﻞ
ﻭﻛﻔﺖ ﻭﺗﺨﺼﺮﺕ ﺑﻐﻀﺐ ... ﺑﺲ ﻻ ﺿﺮﺏ ﺟﻜﻠﻴﺘﻪ ﻭﺭﻭﺡ ﺍﺑﻮﻭﻭﻱ ﻫﺴﻪ ﺍﻧﻪ ﺭﺍﻳﺤﻪ ﻟﻬﻠﻚ ﻳﺎﺧﺬﻭﻧﻲ ﺍﻟﺒﻴﺘﻬﻢ ﻭﺍﺭﻳﺪ ﺍﻟﺰﻟﻤﻪ ﺍﻟﻲ ﻳﻤﺪ ﺍﻳﺪﻩ ﻋﻠﺊ ﺟﻮﻳﻠﻴﻴﺘﻪ ...
ﺻﺮﺧﺖ ﺑﻮﺟﻬﻲ ﺑﻌﺼﺒﻴﺔ ... ﻭﺍﻧﺖ ﺷﻤﺎﻟﻚ ﺷﻤﺎﻟﻚ ﻏﺒﻲ ﺍﺛﻮﻝ ﻟﻴﺶ ﻣﺎ ﺳﺎﻋﺪﺗﻬﺎ ﺩﺷﻮﻑ ﺫﺍﻙ ﺑﻮﺭﻱ ﺟﺎﺍ ﺭﻛﻌﺘﻪ ﺑﺮﺍﺳﻪ ﻣﺜﻞ ﻣﺎ ﺭﻛﻌﺖ ﺩﺍﻭﻭﺩ ﻭﺧﻠﻴﺖ ﺩﻣﻪ ﺑﻄﻮﻭﻟﻪ
ﺍﻣﺪﺍﻧﻲ ﺷﻠﻮﻥ ﺗﺨﻠﻴﻨﻲ ﻳﺎﺧﺬ ﺟﻜﻠﻴﺘﻪ ...
ﺭﺍﺣﺖ ﺗﻤﺸﻲ ﺑﻬﻤﻪ ﻭﺗﺼﻴﺢ ﻭﺗﻐﻠﻂ ﻭﺗﻔﺸﺮ ﻭﺑﻌﺪﻫﺎ ﻛﺎﻟﺖ ... ﺳﻮﺩﻩ ﻋﻠﻴﻪ ﻳﻤﻪ ﺟﻜﻠﻴﺘﻪ ﻫﻞ ﻣﻮﻗﻒ ﻣﺎ ﺗﻤﻨﻴﺘﻪ ﺍﻟﺞ ﺗﻤﻨﻴﺘﻪ ﻟﺤﺴﻨﻪ ﻭﺍﺑﻮ ﺍﻟﻠﻮﻝ ﺑﺲ ﻫﻲ ﺩﻭﻡ ﺗﻮﻛﻊ ﺑﺎﻟﻔﻘﻴﺮ ...
ﺭﺍﺣﺖ ﺷﻮﻭﻭﻳﻪ ﻭﺍﺟﺖ ﻣﺴﺪﺳﻬﺎ ﺑﻴﺪﻫﺎ ﻛﺎﻟﺖ ... ﻳﺎﻟﻠﻪ ﻛﻮﻭﻡ ﺍﺧﺬﻧﻲ ﺍﻻﻫﻠﻚ ﺧﻠﻴﻨﻲ ﺍﻫﺪﻥ ﻋﻠﺊ ﻛﻮﻳﺴﺮ ﻛﺒﻞ ﻻ ﻳﺮﻓﺲ ﺍﻟﻔﺮﺧﻪ ﻭﻳﻄﻴﺢ ﻓﺮﺧﻬﺎ ...
ﺻﺤﺖ ﺑﻴﻬﺎ ﺑﻌﺼﺒﻴﺔ ... ﺍﻧﺘﻲ ﺷﺘﺤﺠﻴﻦ ﻫﻮ ﺍﺧﺬﻫﺎ ﺍﻟﻤﻦ ﻫﺎﺩﻩ ﺍﻧﺘﻲ ﺍﺳﻜﺘﻲ ﻭﺍﻛﻌﺪﻱ ﻻ ﺗﺰﻳﺪﻳﻦ ﺍﻟﻤﺸﺎﻛﻞ ..
ﺻﺮﺧﺖ ﺑﻮﺟﻬﻲ ﺑﻐﻀﺐ ﻋﺎﺭﻡ ... ﺧﺎﺍﺍﺏ ﻛﻮﻭﻡ ﻭﻟﻚ ﻫﺬﺍ ﻫﺴﻪ ﺗﻠﻜﺎﻩ ﺷﻚ ﺑﻴﻚ ﺍﻧﺖ ﻭﺟﻜﻠﻴﺘﻪ ﻭﺍﻛﻴﺪ ﻫﺴﻪ ﻳﻤﻮﺗﻬﺎ ...
ﺍﻧﻪ ﻻﺯﻡ ﺍﺭﻭﺡ ﻭﺍﻛﻠﻪ ﺟﻜﻠﻴﺘﻪ ﺿﻠﺖ ﻋﻨﺪﻱ ﻭﺗﺤﺖ ﺣﻤﺎﻳﺘﻬﺎ ﻭﻣﺤﺪ ﻟﻤﺲ ﻣﻨﻬﺎ ﺷﻌﺮﺓ ﻻ ﺟﻮﻳﺒﺮ ﻭﻻ ﻏﻴﺮﺓ ...
ﻭﺍﻟﻌﺘﺪﻱ ﻋﻠﺊ ﺟﻮﻟﻴﻴﺖ ﺍﻓﻠﺶ ﺭﺍﺳﻪ ﺑﺎﻟﺒﻮﺭﻱ ﻭﺍﺫﺍ ﻓﺬﺱ ﻭﻣﺎﺕ ﺣﺘﺊ ﺍﻟﻔﺎﺗﺤﻪ ﻣﺎ ﺍﻗﺮﺍﻫﺎ ...
ﻟﺰﻣﺖ ﺭﺍﺳﻲ ﺑﻮﺟﻊ ﻭﺍﻧﻜﻄﻊ ﻋﻨﺪﻱ ﺍﻟﺘﻨﻔﺲ ﺑﺴﺒﺐ ﺳﻴﻼﻥ ﺍﻟﺪﻡ ...
ﻫﻲ ﺍﻧﻘﻬﺮﺕ ﻋﻠﻴﻬﺎ ﺳﺎﻋﺪﺗﻨﻲ ﻭﻭﻛﻔﺖ ﻋﻠﺊ ﻃﻮﻟﻲ ﺍﺧﺬﺗﻨﻲ ﺍﻟﺒﻴﺘﻬﺎ ﺧﻠﺘﻨﻲ ﻋﻠﺊ ﺍﻟﻔﺮﺍﺵ ﺍﻧﻄﺘﻨﻲ ﻭﺻﻠﻪ ﻣﺴﺤﺖ ﻧﺰﻳﻒ ﺍﻟﺪﻡ ...
ﺍﻋﺘﻘﺪ ﺻﺎﺭ ﻋﻨﺪﻱ ﻛﺴﺮ ﺑﺨﺸﻤﻲ،ﻣﻦ ﻭﺭﻩ ﺟﺎﺳﺮ ﺍﻟﻜﻠﺐ ...
ﺭﻓﻌﺖ ﻣﻮﺑﺎﻳﻠﻲ ﺷﻔﺖ ﻛﻮﻭﻭﻣﻪ ﺍﺗﺼﺎﻻﺕ ﻣﻦ ﺻﻼﺡ ﻭﺟﻌﻔﺮ ﻭﺍﺑﻮﻭﻭﻱ ﻳﻤﻜﻦ ﺧﻤﺴﻴﻦ ﺍﺗﺼﺎﻝ ﻣﺘﺼﻞ ...
ﺑﻌﺪﻫﺎ ﺍﺟﺖ ﺭﺳﺎﻟﻪ ﻣﻦ ﺍﺑﻮﻭﻱ ﻛﺎﺗﺐ .. ﻫﻴﻴﻦ ﺟﺎﺍﺍﺑﺮ ﺍﺫﺍ ﻣﺎ ﻧﺪﻣﺘﻚ ﻣﺎ ﺍﻃﻠﻊ ﺷﻴﺦ ﻋﻜﺎﺏ ...
ﻣﺎ ﺍﻫﺘﻤﻴﺖ ﻟﻠﻜﻼﻡ ...
ﺷﻔﺖ ﺻﺒﺮﻳﻪ ﻟﺒﺴﺖ ﺟﻮﺍﺭﻳﺒﻬﺎ ﻭﻟﻔﺖ ﺷﻴﻠﺘﻬﺎ ﻭﻟﺒﺴﺖ ﻋﺒﺎﻳﺘﻬﺎ ﺍﺧﺬ ﻓﻠﻮﺳﻬﺎ ﻭﺭﺍﺣﺖ ﻃﻠﻌﺖ ﺑﺲ،ﻣﺎ ﻋﺮﻓﺖ ﻭﻳﻦ ﺭﺍﺣﺖ ...
ﻭﻟﻮ ﻫﻲ ﺗﻬﺪﺩ ﺗﺮﻳﺪ ﺗﺮﻭﺡ ﺍﻟﺠﻮﻟﻴﻴﺖ ...
ﺑﺎﻭﻋﺘﻠﻲ ﻗﺒﻞ ﻻ ﺗﻄﻠﻊ ﻛﺎﻟﺖ ... ﺟﺎﺑﺮ ﻣﻮ ﺗﻀﻞ ﺍﻣﺪﺩ ﺗﺮﺉ،ﻣﺎ ﺑﻴﻚ ﺷﺊ،ﺧﻮ ﭼﻢ ﺑﻮﻛﺲ ...
ﺩﻳﺮ ﺑﺎﻟﻚ ﻋﻠﺊ ﻃﻠﻴﺎﺗﻲ ﻭﺩﺟﻴﺠﺎﺗﻲ ﻭﻫﺎﺍﺍ ﻛﻨﻮﺵ ﺍﻟﻴﻮﻡ ﺧﺎﻧﺲ ﻣﺪﺭﻱ ﺷﺒﻲ ﺩﻳﺮ ﺑﺎﻟﻚ ﻋﻠﻴﻪ ﻭﺍﻟﺤﺼﻦ ﺷﺮﺑﻬﻦ ﻣﺎﻱ ﻣﺎ ﺍﻭﺻﻴﻚ ...
ﺍﻧﻪ ﻳﻤﻜﻦ ﺍﺗﺎﺧﺮ ﻻﻥ ﻃﺮﻳﻘﻲ ﻃﻮﻭﻳﻞ ...
ﺍﺳﺘﻐﻔﺮﺕ ﺭﺑﻲ ﺑﻘﻬﺮ ﺳﻜﺘﺖ ﻣﺤﺠﻴﺖ ﻭﻳﺎﻫﺎ ﺑﺎﻟﻲ ﻛﻠﻪ . ﻋﻨﺪ ﺟﻮﻟﻴﻴﺖ ... ﺑﺲ ﻻ ﻳﻤﻮﺗﻬﺎ ﻭﻳﻤﻮﺕ ﺍﻟﻄﻔﻞ ﻫﺬﺍ ﺗﺨﺒﻞ ﻣﻮ ﺟﺎﺳﺮ ﺍﻟﻘﺪﻳﻢ ﻭﺭﻃﻪ ﻳﺎﺭﺑﻲ ...
ﺍﺣﻤﻴﻬﺎ ﻣﺎﻟﻬﺎ ﻏﻴﺮﻙ ﺍﻧﺖ ﺍﻻﻣﺎﻥ ﺍﻟﻬﺎ ﻭﻟﺠﺎﺑﺮ ...
.............................
ﺭﻳﻬﺎﻡ ...
ﺭﺟﻌﺖ ﺍﻟﺒﻴﺘﻨﻪ ﺑﻌﺪ ﻣﺎ ﺍﺟﻪ ﺟﺎﺑﺮ ﺍﺧﺬﻧﻲ ﻗﺒﻞ ﻛﻢ ﻳﻮﻡ
ﻛﻮﻭﻟﺶ ﺣﺰ ﺑﺨﺎﻃﺮﻱ ﻛﻼﻡ ﻧﻮﺍﻝ ﻭﺗﻔﺎﺟﺌﺖ ﻣﻌﻘﻮﻭﻟﻪ ﺍﻛﻮ ﻫﻴﺞ ﺑﺸﺮ ﺍﺑﺒﺪ ﻣﺘﺨﺎﻑ ﻣﻦ ﺭﺏ ﺍﻟﻌﺎﻟﻤﻴﻦ
ﺗﻜﺬﺏ ﺑﻜﻞ ﻋﻴﻦ ﺻﻠﻔﻪ ... ﺍﻧﻲ ﻭﺍﻟﻠﻪ ﺍﺑﺪ ﻣﺤﺠﻴﺖ ﺍﻱ ﺷﺊ ﻋﻨﻬﺎ ...
ﺭﻏﻢ ﺟﻌﻔﺮ ﻧﻬﺎﺭ ﻛﻠﻪ ﻳﻐﻠﻂ ﻋﻠﻴﻬﺎ ﻭﻛﻞ ﺷﻮﻳﻪ ﻭﻛﺎﻝ ﻣﺎ ﺗﻮﻟﻲ ﺍﻻﻫﻠﻬﺎ ...
ﺍﺧﻮﻭﻱ ﻭﻣﺎﺕ ﺍﻟﻤﻦ ﺿﺎﻟﻪ ﺗﺎﺧﺬ ﺍﻟﻬﺎ ﺭﺟﻞ ﺛﺎﻧﻲ ﻟﻮ ﺗﻜﻮﺵ ﻋﻠﺊ ﻭﺍﺣﺪ ﻣﻨﻪ ...
ﻭﻛﻞ ﺷﻮﻳﻪ ﻭﻛﺎﻝ ... ﺧﻠﻲ ﺻﻼﺡ ﻳﺘﺰﻭﺟﻬﺎ ﺍﻧﻲ ﻣﺎ ﺍﺗﺰﻭﺟﻬﺎ ﻟﻮ ﺷﻴﺼﻴﺮ ﻣﺎ ﺍﺗﺤﻤﻠﻬﺎ ...
ﻭﻻ ﺍﻧﺴﺊ ﻗﺒﻞ ﺷﻠﻮﻥ ﺗﺤﺮﺽ ﻋﻠﻴﻪ ﻓﻼﺡ ﻭﺩﻛﻠﻪ ﺍﺟﻪ ﺳﻜﺮﺍﻥ ...
ﺍﺧﺬﺕ ﺍﻟﻤﻮﺑﺎﻳﻞ ﺍﺗﺼﻠﺖ ﺑﻲ ﻣﻔﺘﺢ ﺧﻂ ...
ﺭﺟﻌﺖ ﺍﺗﺼﻞ ﺑﺼﻼﺡ ﺑﺴﺮﻋﻪ ﻓﺘﺢ ﺧﻂ ﻛﺎﻝ ... ﺍﻟﻮﻭ
ﺟﺎﻭﺑﺘﻪ ﺑﺒﻜﺎﺀ ﻭﺩﻣﻮﻉ ... ﺻﻼﺡ ﺍﺧﻮﻳﻪ ﺟﺎﺑﺮ ﻭﻳﻴﻦ
ﺭﺩ ﺑﺼﻮﺕ ﻫﺎﺩﺉ ... ﻻ ﺗﺨﺎﻓﻴﻦ ﺧﺎﺑﺮﺕ ﺟﺎﺳﺮ ﺻﺢ ﻣﺎ ﺣﺼﻠﺘﻪ ﺑﺲ ﺭﺳﻠﻲ ﺭﺳﺎﻟﻪ ﻭﻛﺘﺐ ﺟﺎﺑﺮ ﺑﺨﻴﺮ
ﺿﻠﻴﺖ ﺍﺑﺠﻲ ﺑﻨﺤﻴﺐ ... ﻓﺪﻭﺓ ﺻﻼﺡ ﻻ ﺗﺨﻠﻲ ﺟﺎﺳﺮ ﻳﻜﺘﻞ ﺟﺎﺑﺮ ﺍﻧﺘﻢ ﺗﻌﺮﻓﻮﻥ ﺟﺎﺑﺮ ﺷﻨﻮ ﻭﺗﺮﺉ ﺍﻣﻲ ﺍﻟﻲ ﺳﺎﻋﺪﺕ ﺟﻮﻟﻴﻴﺖ ﻣﻮ ﺟﺎﺑﺮ ﺑﺲ ﻫﻮ ﺟﺎﻥ ﻳﻌﺮﻑ ...
ﺟﺎﻭﺑﻨﻲ ﺑﻬﺪﻭﺀ ... ﻛﺎﻓﻲ ﺭﻳﻬﺎﻡ ﻻ ﺗﺒﺠﻴﻦ ﻛﺘﻠﺞ ﺟﺎﺑﺮ ﺑﺨﻴﺮ ﻳﺎﻟﻠﻪ ﺍﻣﺴﺤﻲ ﺩﻣﻮﻋﺞ ﻭﺗﻄﻤﻨﻲ ﻭﺍﻟﻠﻪ ﺑﺨﻴﺮ ﻻ ﺗﺨﻠﻴﻨﻲ ﺍﻗﻠﻖ ﻋﻠﻴﺞ ...
ﻫﻤﺴﺖ ﺑﻨﺤﻴﺐ ... ﺍﺑﻮﻳﺔ ﻃﻠﻚ ﻣﺎﻣﺎ
ﺭﺩ ﺑﺼﺪﻣﻪ ﻭﺳﺮﻋﻪ ... ﻻ ﻟﻴﺸﺶ .. ﺷﺼﺎﺭ ﻟﻴﺶ ﻃﻠﻜﻬﺎ ﺗﺤﺠﻴﻦ ﺻﺪﻙ ...
ﻣﺴﺤﺖ ﺩﻣﻮﻋﻲ ﺑﺎﺳﺊ ... ﺍﻱ ﻭﺍﻟﻠﻪ ﻻﻥ ﻫﺮﺑﺖ ﺟﻮﻟﻴﻴﺖ ..
ﺟﺮ ﻧﻔﺲ ... ﺍﻥ ﺷﺎﺀ ﺍﻟﻠﻪ ﻳﺮﺟﻌﻬﺎ ﻻ ﺗﺨﺎﻓﻴﻦ ﻫﺴﻪ ﺍﺧﺎﺑﺮ ﻋﻤﻲ ﻭﺍﺷﻮﻓﻪ ﻭﻳﻦ ﻭﺍﺭﻭﺡ ﺍﻟﻪ ...
ﺗﻨﻬﺪﺕ ﺑﺒﻜﺎﺀ .. ﺷﻜﺮﺍ ﺻﻼﺡ ﻣﺘﻘﺼﺮ
ﺿﺤﻚ ... ﺍﺩﻟﻠﻲ ﺭﻳﻬﺎﻡ ﺍﺳﻌﺪﺗﻴﻨﻲ ﻣﻦ ﺍﺗﺼﻠﺘﻲ ﺭﻏﻢ ﺍﻟﻴﻮﻡ ﺟﺎﻥ ﺣﻴﻞ ﻣﺰﻋﺞ ...
ﺭﻣﺸﺖ ﺑﻌﻴﻮﻧﻲ ﺑﺨﺠﻞ ﻭﻗﻔﻠﺖ ﺍﻟﺨﻂ ﺑﺴﺮﻋﻪ ﺭﺣﺖ ﺍﻟﻤﺎﻣﺎ ﻃﻤﻨﺘﻬﺎ ﻋﻦ ﺟﺎﺑﺮ ﺑﺲ ﻫﻲ ﺿﻠﺖ ﺗﺒﺠﻲ ﻭﺗﻨﻮﺡ ...
..........................
ﺍﻧﺖ ﻣﺆﻟﻢ ... ﺍﻧﺖ ﺟﺎﻧﻲ .. ﺍﻧﺖ ﻣﺎ ﺍﻇﻨﻚ ﺗﻌﺎﻧﻲ ... ﺍﻧﺖ ﺟﺮﺡ ﺑﻴﻮﻡ ﺍﻻﺳﻮﺩ .. ﺍﻧﺖ ﺟﺒﺎﺭ ﻭﺍﻧﺎﻧﻲ ... ‏»
ﻣﺮﺗﻴﻦ ﻓﻘﺪﺕ ﺍﻟﻮﻋﻲ ﻭﺭﺣﺖ ﺑﺴﺒﺎﺕ ﻋﻤﻴﻖ ﺍﺗﻤﻨﺊ ﺍﻛﻌﺪ ﻭﺍﻟﻜﺎﻩ ﺣﻠﻢ ﻟﻜﻦ ﻫﻴﻬﺎﺕ ﻫﺎﻱ ﺣﻘﻴﻘﻪ ﻭﻭﺍﻗﻊ ﺍﻏﺮﺏ ﻣﻦ ﺍﻟﺨﻴﺎﻝ ...
ﺣﻴﺎﺓ ﺻﻌﺒﺔ ﻭﻭﺍﻗﻊ ﻣﺮ ...
ﻳﺎﺭﺏ ﻳﺎ ﺍﻣﺎ ﺍﻣﻮﻭﺕ ﺑﺴﻼﻡ ﻳﺎ ﺍﻣﺎ ﻳﺮﺟﻌﻨﻲ ﺍﻻﻣﻲ ...
ﺣﺴﻴﺘﻪ ﻓﺮ ﺍﻟﻌﺮﺍﻕ ﺑﻴﻪ ﻛﻞ ﺻﺎﺭ ﺍﻟﺠﻮ ﻣﻈﻠﻢ ﻭﻳﺨﻮﻑ ﻭﺑﺲ ﺍﻟﻨﺒﺎﺡ ﻣﺎﻝ ﺍﻟﻜﻼﺏ ...
ﺍﻟﻲ ﻳﺨﻠﻴﻨﻲ ﺍﺭﺗﻌﺪ ﻭﺍﺿﻢ ﻧﻔﺴﻲ ﺑﺨﻮﻭﻑ ﻣﻦ ﺍﻟﺼﻮﻭﺕ ...
ﺑﺎﻭﻋﺘﻠﻪ ... ﻫﺬﺍ ﺍﻟﻜﺎﺳﺮ ﻫﺬﺍ ﺍﻟﻤﺠﺮﻡ ﺍﻟﺊ ﺍﻗﺎﻡ ﻋﻠﻴﻪ ﺍﻟﺤﺪ ﻣﺎ ﺍﺭﻳﺪ ﺍﻧﻲ ﻭﻳﺎﻩ ﻧﺘﺸﺎﺑﻬﻪ ﺑﺎﻻﺣﺮﻑ ...
ﺍﻧﻲ ﻭﻳﺎﻩ ﻣﺎ ﻧﺘﺸﺎﺑﻬﻪ ﺑﺎﻭﻝ ﺣﺮﻑ ... ﻣﺴﺘﺤﻴﻞ ﻳﺠﻤﻌﻨﻪ ﺣﺮﻑ ﺍﻟﺠﻴﻢ ... ﻫﺬﺍ ﻛﺎﺳﺮ ﻭﺍﻧﻲ ﺟﻮﻟﻴﻴﺖ ...
ﺭﺟﻌﺖ ﺑﺎﻭﻋﺖ ﻟﻌﻴﻮﻧﻪ ﺗﺠﺪﺡ ﺑﻮﺳﻂ ﺍﻟﻀﻼﻡ ﻭﺷﺮﺍﻳﻴﻦ ﺭﻗﺒﺘﻪ ﺑﺎﺭﺯﻩ ﻭﺿﺎﺭﺏ ﻋﻠﻴﻪ ﻓﻘﻂ ﺿﻮﺀ ﺍﻟﻘﻤﺮ ... ﻭﺍﺑﺪ ﻣﺎ ﺑﺎﻭﻋﻠﻲ
ﺣﺴﻴﺖ ﺑﺸﺊ ﻧﺰﻝ ﻋﻠﺊ ﺷﻔﺘﻲ ﺣﻄﻴﺖ ﺍﻳﺪﻱ ﻋﻠﺊ ﺷﻔﺎﻳﻔﻲ ﺷﻔﺖ ﺧﺸﻤﻲ ﻳﻨﺰﻑ ﺩﻡ ﺑﻐﺰﺍﺭﺓ ...
ﺭﻓﻌﺖ ﺛﻮﺑﻲ ﻣﻦ ﺻﺪﺭﻱ ﻭﻣﺴﺤﺖ ﺍﻟﺪﻡ ...
ﺍﺑﺎﻭﻉ ﺍﻻﺩﻳﻪ ﻛﻠﻬﻦ ﻃﻴﻦ ﻭﺣﺎﻟﺘﻲ ﻳﺎﺭﺛﺎﺀ ﺍﻟﻴﻬﺎ ....
ﺩﺭﺕ ﻭﺟﻬﻲ ﻟﻠﺸﺎﺭﻉ ﺍﻟﻤﻈﻠﻢ ﺑﺄﻧﺎﺭﺓ ﺧﻔﻴﻔﻪ ... ﺑﺠﻴﺖ ﺑﻘﻬﺮ ﻭﻳﻦ ﺍﻫﻠﻲ ﻋﻨﻲ ﻭﻳﻨﻬﻢ ﻳﺮﺑﻲ ...
ﻭﺻﻠﻨﻪ ﻳﻢ ﻣﻨﻄﻘﻪ ﺑﻴﻬﺎ ﺣﻔﺮﻳﺎﺕ ﻭﻇﻠﻤﻪ ﻧﺰﻝ ﺿﻠﻴﺖ ﺍﺑﺎﻭﻋﻠﻪ ﺑﺨﻮﻭﻭﻑ ...
ﺑﻄﻨﻲ ﻛﻞ ﻣﺮﻩ ﺍﺣﺲ ﺑﻴﻬﺎ ﻗﻮﻭﻭﻳﻪ ﻫﻞ ﻣﺮﻩ ﻣﺎ ﺣﺴﻴﺖ ﺑﺄﻱ ﺣﺮﻛﻪ ﻣﻌﻘﻮﻟﻪ ﻃﻔﻠﻲ ﻣﺜﻠﻲ ﺧﺎﻳﻒ ﻣﻦ ﺍﺑﻮﻭﻭ ﻭﺻﺎﺭ ﺻﺎﻣﺖ ﻣﺜﻠﻲ ....
ﻓﺘﺢ ﺍﻟﺒﺎﺏ ﺑﺎﻭﻋﻠﻲ ﻭﻫﻮ ﺑﻘﻤﺔ ﻏﻀﺒﺔ ﻛﺎﻝ ... ﺍﻧﺰﻟﻲ
ﺯﺣﻔﺖ ﻋﻠﺊ ﺍﻟﻜﺸﻦ ﻫﺰﻳﺖ ﺭﺍﺳﻲ ﺑﻨﻔﻲ ﻣﺎ ﻗﺒﻠﺖ ﺍﻧﺰﻝ ..
ﻫﻮ ﺳﺤﺒﻨﻲ ﺑﻘﻮﻭﻭﺓ ﻣﻦ ﺍﻳﺪﻱ ﺿﻠﻴﺖ ﺍﺻﺮﺭﺥ ﻭﺍﻧﻲ ﻻﺯﻣﺔ ﺑﺎﻟﺴﺘﻴﺮﻥ ﻭﺍﺑﺠﻲ ... ﻳﻤﻤﻤﻤﻪ ﺑﺎﺑﺎ ... ﻋﻮﻭﻓﻨﻲ ﻻ ﺗﻜﺘﻠﻨﻲ ﻭﺍﻟﻠﻪ ﻣﺎ ﺍﻟﻲ ﺫﻧﺐ ﻭﺍﻟﻠﻪ ﻋﻮﻭﻓﻨﻲ ...
ﺳﺤﺒﻨﻲ ﺑﻜﻞ ﻗﻮﺓ ﻭﺷﺎﻟﻨﻲ ﺑﻴﻦ ﺍﺩﻳﻪ ﻣﺜﻞ ﺍﻟﻄﻔﻞ ﻭﺍﻧﻲ ﺍﺻﺮﺥ ﻭﺍﺿﺮﺏ ﺑﻀﻬﺮﻩ ﺑﺮﻋﺐ ...
ﺣﺴﻴﺖ ﺍﻟﻤﻮﺕ ﺩﺧﻞ ﺑﺮﺟﻠﻴﺔ ﻭﻓﻘﺪﺕ ﺍﻟﻮﻋﻲ ....
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
ﻛﻮﻧﻮﺍ ... ﺍﻧﺘﻢ ﻛﻮﻧﻮﺍ ﺑﺨﻴﺮ 💔..