جوليت واسرها💔😢

البارت الثامن..

ﺍﻟﺒﺎﺭﺕ ﺍﻟﺜﺎﻣﻦ
.............................
ﺣﺴﻴﺖ ﺑﻠﻬﻴﺐ ﺣﺮﻭﻓﻪ ﻭﺗﺬﻭﻗﺖ ﻏﻤﻮﺽ ﺳﻴﺎﺩﺗﻪ ﻟﺤﻈﺔ ﺻﻤﺖ ﻣﻨﻲ ﻭﺣﺒﺲ ﻟﻺﻧﻔﺎﺱ
ﻋﻜﺴﻪ ﺗﻤﺎﻣﺎ ﻣﺜﻞ ﻋﺎﺻﻔﻪ ﻫﻮﺟﺎﺀ ﻭﻫﻮ ﻳﻨﻄﻖ ﺑﻬﺪﻭﺀ ... ﺍﻟﻮﻭﻭ ﺍﻟﻮﻭﻭ ﺍﻟﻮﻭ ﻣﻨﻮ ﻭﻳﺎﻱ
ﻗﻔﻠﺖ ﺍﻟﺨﻂ ﺑﺴﺮﻋﻪ ﻛﺒﻴﺮﻩ ﻭﺧﻮﻭﻭﻑ ﻭﺍﺿﺢ ﻭﺩﻣﻮﻉ ﻣﺘﻄﺎﻳﺮﻩ
ﻓﺎﺿﺖ ﻣﺸﺎﻋﺮﻱ ﻣﻦ ﺍﻟﺪﻣﻊ ﻭﺍﺷﺘﺪﺕ ﻋﻠﻴﻪ ﺍﻟﻌﻮﺍﺻﻒ
ﻣﺬﺍﻕ ﺍﻟﺤﺐ ﻭﺍﻟﻌﺎﻃﻔﻪ ﺍﻟﻜﺎﺳﺮ ﻣﺎﺣﻴﻬﺎ،ﻣﻦ ﻧﺎﺣﻴﺘﻲ ﻻ ﻳﺤﺒﻨﻲ،ﻭﻻ ﺍﻛﺴﺮ ﺧﺎﻃﺮﻩ ...
ﻟﺰﻣﺖ ﺍﺳﻔﻞ ﺑﻄﻨﻲ ﻭﻛﻌﺪﺕ ﻣﻦ ﺍﻟﺘﻌﺐ ﺭﺧﻴﺖ ﺿﻬﺮﻱ ﻋﻠﺊ ﺟﺬﻉ ﺍﻟﻨﺨﻠﻪ ﺍﻟﻴﺎﺑﺲ ﻫﺪﺋﺖ ﻣﻦ ﺛﻮﺭﺗﻲ ﺍﻟﻲ ﺟﺎﻧﺖ ﺭﺍﺡ ﺗﻔﻀﺢ ﻛﻮﻭﻟﺸﻲ ...
ﺭﻓﻌﺖ ﻋﻴﻮﻧﻲ ﺍﻟﺮﺏ ﺍﻟﺴﻤﺎﺀ ﻭﺍﻧﻲ ﺍﻣﻨﻊ ﺩﻣﻮﻋﻲ ﻣﻦ ﺍﻟﻬﻄﻮﻝ .. ﺍﻟﺘﻤﺲ ﻣﻨﻪ ﺍﻟﺼﺒﺮ ﻭﺍﻟﺼﺒﺮ ﺟﻤﻴﻴﻞ ...
ﻳﺎﺭﺑﻲ ﺍﺣﺲ ﺑﺎﻫﺎﻧﻪ ﻋﻈﻤﻴﺔ ﺍﺣﺲ ﺍﻟﻘﻠﻖ ﺻﺎﺭ ﺟﺰﺀ ﻣﻦ ﻳﻮﻣﻲ ﻻﺯﻡ ﻛﻞ ﻳﻮﻡ ﻳﻄﺮﻕ ﺍﺑﻮﺍﺑﻲ ...
ﻟﻴﺶ ﻣﻮﺑﺎﻳﻞ ﺟﺎﺑﺮ ﻋﻨﺪ ﺟﺎﺍﺍﺳﺮ ﻟﻴﻴﻴﻴﺶ ﻣﻌﻘﻮﻭﻟﻪ ﻋﺮﻑ ﺑﻴﻪ ﻫﻨﺎ ﻣﻌﻘﻮﻟﻪ ﺟﺎﺑﺮ ﺍﻋﺘﺮﻑ ﻋﻨﻲ ...
ﺍﻧﻲ ﻻﺯﻡ ﺍﺷﻮﻑ ﺣﻞ ﻻﺯﻡ ... ﻣﻴﺼﻴﺮ ﺍﺿﻞ ﻫﻴﺞ ﻣﺘﺸﺘﺘﻪ ﻳﺎﺭﻳﺖ ﻟﻮ ﺍﺣﻤﻲ ﻧﻔﺴﻲ ﻣﻨﻬﻢ ... ﺑﺲ ﻭﻳﻦ ﺍﺭﻭﺡ ؟
ﻳﺎﺭﺑﻲ ﻃﻤﻨﻲ ﻣﻌﻘﻮﻟﻪ ﻳﺠﻲ ﻳﺎﺧﺬﻧﻲ ﻭﻳﻤﻮﺗﻨﻲ ﻭﻳﻜﺘﻠﻨﻲ ﺍﺟﺬﺏ ﻋﻠﺊ ﻧﻔﺴﻲ ﻭﺍﻛﻮﻝ ﻳﻤﻜﻦ ﻣﻮﺑﺎﻳﻠﻪ ﺳﻬﻮﺍ ﺻﺎﺭ ﺑﻴﺪ ﻛﺎﺳﺮ
ﻭﻳﺎﺭﻳﺖ ﺳﻬﻮﺍ ﻳﺎﺍﺍﺭﻳﺖ
ﺻﻔﻨﺖ ﺑﺸﺮﻭﻭﺩ ﻫﻞ ﺍﺳﻤﻴﻦ ﻣﺎ ﻳﺨﺘﻠﻒ ﺑﻴﻬﻦ ﺑﺲ ﺍﻟﺴﻴﻦ ﻭﺍﻟﺒﺎﺀ .. ﻭﺍﻟﺒﺎﻗﻲ ﻛﻠﻪ ﻣﺘﺸﺎﺑﻬﺔ ...
ﺑﺲ ﻓﺮﻕ ﺑﻴﻦ ﺍﻟﺴﻤﺎﺀ ﻭﺍﻻﺭﺽ ﻭﺍﺣﺪ ﻣﺼﺪﺭ ﺧﻮﻭﻑ ﻭﻛﺴﺮﻩ ﺍﻟﻴﺔ ...
ﻭﻭﺍﺣﺪ ﻣﺼﺪﺭ ﺍﻣﺎﻥ ﻭﺟﺒﺮﻩ ﺍﻟﻴﺔ ...
ﺟﺎﺳﺮ ﻭﺟﺎﺑﺮ ... ﺍﺧﺘﻼﻑ ﺑﺎﻟﺤﺮﻑ ﺍﻟﺜﺎﻟﺚ ﺑﺲ ..
ﺍﻟﺨﻮﻑ ﺍﺣﺴﻪ ﻣﻘﻴﺪﻧﻲ ﻭﻧﻔﺴﻴﺘﻲ ﻭﻛﺮﺍﻣﺘﻲ ﻣﺎ ﺗﺴﻤﺢ ﺍﺭﻭﺡ ﺍﺗﻮﺳﻞ ﺑﺼﺒﺮﻳﺔ ﺗﺨﻠﻴﻨﻲ ﻋﻨﺪﻫﺎ ...
ﻫﺎﻱ ﺗﺎﻟﻴﺘﺞ ﺟﻮﻟﻴﺖ ﺻﻔﻴﺘﻲ ﺑﺎﻟﺸﺎﺍﺍﺭﻉ ﻣﻜﺴﻮﺭﺓ ﻭﻣﻬﻀﻮﻣﻪ ﻭﻣﺎ ﺍﻟﺞ ﻭﺍﺍﺍﻟﻲ ﻭﻣﻬﺰﻭﻣﺔ ﻣﻦ ﻗﺒﻀﺔ ﺍﻟﻜﺎﺳﺮ ...
ﺿﻠﻴﺖ ﻛﺎﻋﺪﻩ ﺑﺼﻒ ﺍﻟﺸﺠﺮﻩ ﻭﺍﺳﺘﺴﻠﻤﺖ ﻟﻼﻣﺮ ﺍﻟﻮﺍﻗﻊ ﺧﻠﻲ ﻳﺠﻲ ﻭﺷﻴﺮﻳﺪ ﻳﺴﻮﻱ،ﺧﻠﻲ ﻳﺴﻮﻭﻱ ﺍﻧﻲ ﺫﻧﺒﻪ ﻭﻣﺮﺗﻪ ﻭﻋﺮﺿﻪ ﻭﻏﺼﺒﺎ ﻣﺎ ﻋﻠﻴﻪ ﻳﺘﻘﺒﻠﻨﻲ ... ﻣﺎ ﺧﺎﻳﻔﻪ ﻣﻨﻪ ...
ﺛﻮﺍﻧﻲ ﻭﺍﺗﺼﻞ ﺍﻟﻤﻮﺑﺎﻳﻞ ﺑﺎﻭﻭﻋﺖ ﺟﺎﺍﺍﺑﺮ .. ﺭﺟﻔﺖ ﻣﻦ ﺍﻟﺨﻮﻭﻑ ﻣﺴﺘﺤﻴﻞ ﺍﺭﺩ ﻳﻤﻜﻦ ﻋﺮﻑ ﺑﻴﻪ . ﻳﺎﺍﺍﻭﻭﻭﻳﻞ ﺣﺎﻟﻲ ﺷﻠﻮﻥ ﺑﻴﻪ ...
ﺭﺟﻊ ﺍﺗﺼﻞ ﻣﺮﻩ ﺛﺎﻧﻴﻪ ﻭﻣﺮﺗﻴﻦ ﻭﺗﻼﺛﻪ ﻣﺠﺎﻭﺑﺖ ﺍﺗﺨﺎﻳﻞ ﺻﺎﻳﺮﻩ ﻋﺮﻛﻪ ﺑﻴﻨﻬﻢ ﻭﺟﺎﺑﺮ ﺍﻋﺘﺮﻑ ﻋﻠﻴﻪ ﻭﻳﺠﻮﻥ ﻳﻤﻮﺗﻨﻲ ﻻ ﻳﺎﺭﺑﻲ ﺭﺣﻤﺘﻚ
ﻣﻌﻘﻮﻟﻪ ﻳﻤﻮﺕ ﻃﻔﻠﻲ ﻣﺜﻞ ﻣﺎ ﻛﺎﻟﺖ ﻫﺎﻟﻪ ﻭﻛﺎﻝ .. ﺟﺎﺑﺮ ﻟﻤﺎﻣﺎ ﺭﺿﻴﺔ ﺍﻱ ﺍﺗﺬﻛﺮ ﻛﻠﻬﺎ ﻻ ﺗﺎﺧﺬﻳﻨﻬﺎ ﺍﻟﻪ ﻫﺴﻪ ﻳﻤﻮﺗﻬﺎ ...
ﻭﺻﻠﺘﻨﻲ ﺭﺳﺎﻟﻪ ﻣﻨﻪ ﻛﺎﺗﺐ ... ﺟﻮﻟﻴﻴﺖ ﺍﻓﺘﺤﻲ ﺧﻂ ﺍﻧﻲ ﺟﺎﺑﺮ
ﻛﺘﺒﺖ ﺑﻘﻠﺐ ﻣﺤﺮﻭﮒ ﻭﺍﺻﺎﺑﻊ ﺗﺮﺟﻒ ... ﺟﺬﺍﺏ ﺍﻧﺖ ﺟﺎﺳﺮ .. ﻣﺎ ﺭﺍﺡ ﺍﻛﻠﻚ ﻣﻜﺎﻧﻲ ﺍﻟﻪ ﺗﻨﻄﻴﻨﻲ ﺍﻻﻣﺎﻥ ﻭﺗﺤﻠﻒ ﻣﺎ ﺗﻜﺘﻠﻨﻲ ﺍﻧﻲ ﻭﻃﻔﻠﻲ ﻭﺍﻟﻠﻪ ﺣﺮﺍﻡ ﻋﻠﻴﻚ ﺷﻨﻮ ﺫﻧﺒﻨﻪ
ﻭﺑﻌﺪﻳﻦ ﻻ ﻋﺒﺎﻟﻚ ﺍﻧﻲ ﻳﻢ ﺧﺎﻟﺔ ﺟﺎﺑﺮ ﻻ ﺧﺎﻟﺘﻪ ﻃﺮﺩﺗﻨﻲ ﻭﺍﻧﻲ ﺭﺣﺖ ﺑﻐﻴﺮ ﻣﻜﺎﻥ
ﻭﻫﺎﺍﺍ ﺗﺮﺉ،ﻣﺎ ﺧﺎﻳﻔﻪ ﻣﻨﻚ ﻭﻻ ﺭﺍﺍﺍﺡ ﺍﺧﺎﺍﺍﻑ ﺗﺮﺉ ﻣﺴﻮﻳﺖ ﺷﺊ ﻏﻠﻄﺖ ﺍﻧﻬﺰﻣﺖ ﻣﻨﻚ ﻻﻥ ﺍﻧﺖ ﻣﺠﺮﻡ ﺗﺮﻳﺪ ﺗﻤﻮﺗﻨﻲ ﻭﻫﺎﻟﻪ ﻛﺎﻟﺖ ﻫﺬﺍ ﺍﻟﻜﻼﻡ ﺳﻤﻌﺘﻪ ﻣﻨﻚ
ﺣﺮﺍﻡ ﻋﻠﻴﻚ ﻭﺍﻟﻠﻪ ﻟﻴﺶ ﺗﻜﺮﻫﻨﻲ ﻟﻴﻴﺶ
ﺭﺟﻊ ﺍﺗﺼﻞ ﻓﺘﺤﺖ ﺧﻂ ﺑﺨﻮﻭﻑ ﻛﺎﻝ ... ﺍﻟﻮﻭ
ﻏﻤﻀﺖ ﻋﻴﻮﻧﻲ ﺑﺮﺍﺣﻪ ﻣﻦ ﺳﻤﻌﺖ ﺻﻮﺗﻪ ﺳﺤﺒﺖ ﻧﻔﺲ،ﻋﻤﻴﻖ ﻭﺣﻄﻴﺖ ﺍﻳﺪﻱ ﻋﻠﺊ ﻣﻜﺎﻥ ﮔﻠﺒﻲ ﺭﺍﺡ ﻳﻄﻠﻊ ﻣﻦ ﻣﻜﺎﻧﻪ ﻣﻦ ﺍﻟﺨﻮﻑ
ﻫﻤﺲ ﺑﺨﻔﻮﺕ ... ﺍﻧﺘﻲ ﺷﺘﺤﺠﻴﻦ ﺧﺎﻟﺘﻲ ﻟﻴﺶ ﻃﺮﺩﺗﺞ
ﺑﺠﻴﺖ ﺑﺎﻟﻢ ﻭﻛﺄﻥ ﺟﺎﺑﺮ ﺑﻠﺴﻢ ﻟﺠﺮﻭﺣﻲ ﻭﺍﻟﻮﺣﻴﺪ ﺍﻟﻲ ﺍﺷﻜﻴﻠﻪ ﻣﺮﺕ ﻟﺤﻈﺎﺕ ﻭﺍﻧﻲ ﺍﺻﺎﺭﻉ ﺑﺮﻭﺣﻲ ﻭﺍﻫﺪﻳﻬﺎ
ﻣﺤﺘﺎﺟﻪ ﺍﺷﻜﻲ ﻭﺍﺑﺠﻲ ﻟﻠﺤﻈﺎﺕ ﺗﻤﻨﻴﺘﻪ ﻣﻮ ﺟﺎﺑﺮ ﺗﻤﻨﻴﺘﻪ ﺟﺎﺳﺮ ﺍﻟﻲ ﺭﺩ ﻋﻠﻴﻪ ﺍﺭﻳﺪ ﺍﺷﻮﻑ ﺭﺩﺓ ﻓﻌﻠﻪ
ﻛﺎﻝ ﺑﺨﻮﻑ .. ﺷﻨﻮ ﺧﺎﻟﺘﻲ ﻟﻴﺶ ﻃﺮﺩﺗﺞ
ﺻﺮﺧﺖ ﺑﺒﻜﺎﺀ ﻭﻧﺤﻴﺐ ... ﺟﺎﺑﺮ ﻫﺎﻱ ﺧﺎﻟﺘﻚ ﺍﻟﻤﺨﺒﻠﻪ ﻃﺮﺩﺗﻨﻲ ..
ﻭﻭﻭ ﻭﺑﻌﺪﻳﻴﻦ ﻟﻴﺶ،ﺟﺎﺳﺮ ﻫﻮ ﺍﻟﺮﺩ ﻋﻠﺊ ﻣﻮﺑﺎﻳﻠﻚ ﻧﺎﻭﻳﻦ ﺗﺠﻠﻄﻮﻧﻲ .. ﺣﺴﻴﺖ ﺍﻟﻤﻮﺕ ﺭﺩ ﻋﻠﻴﻪ ﻣﻮ ﺟﺎﺳﺮ
ﺗﻨﻬﺪ ﺑﻬﺪﻭﺀ ﻛﺎﻝ ... ﺟﻨﺖ ﻋﻨﺪﻫﻢ ﻣﺴﻮﻳﻦ ﺛﻮﺍﺏ ﻭﺍﺩﻳﻪ ﺗﺪﻣﺮﺕ ﻭﺭﺣﺖ ﻏﺴﻠﺖ ﻧﺴﻴﺖ ﻣﻮﺑﺎﻳﻠﻲ ﺑﺎﻻﺳﺘﻘﺒﺎﻝ ﻭﻫﻮ ﺟﺎﻭﺏ
ﺳﺎﻟﺘﻪ ﺑﺘﺮﻗﺐ ... ﺯﻳﻴﻦ ﻋﺮﻑ ﺑﻴﻪ ﺍﻧﻲ ﺍﺗﺼﻠﺖ
ﺿﺤﻚ ﻛﺎﻝ ... ﻭﺍﻟﻠﻪ ﻫﻮ ﻣﺎ ﺣﺠﻪ ﺃﻱ ﺷﻲﺀ ﺑﺲ ﻛﺎﻝ ﺍﺗﺼﻞ ﻋﻠﻴﻚ ﺭﻗﻢ ﻏﺮﻳﺐ ﺍﺣﺘﻤﺎﻝ ﺗﻜﻮﻭﻥ ...
ﺳﻜﺖ ﻣﺎ ﻛﻤﻞ ﻛﻼﻣﻪ ..
ﺍﺳﺘﻐﺮﺑﺖ ﺟﺎﻭﺑﺘﻪ .. ﺍﺣﺘﻤﺎﻝ ﺷﻨﻮ؟
ﺭﺩ ﺑﻬﺪﻭﺀ ... ﻣﺎﻛﻮ ﺷﺊ ﻣﺎﻛﻮ ﺷﺊ ﻫﺴﻪ ﻛﻠﻴﻠﻲ ﻟﻴﺶ ﻃﺮﺩﺕ ﺻﺒﺮﻳﺔ ﻭﺍﻧﺘﻲ ﺣﺎﻟﻴﺎ ﻭﻳﻦ
ﺑﺠﻴﺖ ﺑﺎﺳﺊ ﻋﻠﺊ ﺣﺎﻟﻲ .. ﺑﻨﻬﺎﻳﺔ ﺍﻟﺒﺴﺘﺎﻥ ﻓﺪﻭﻩ ﺟﺎﺑﺮ ﺗﻌﺎﻟﻲ ﺧﺎﻳﻔﻪ ﺣﻴﻴﻞ ﻭﻣﺘﺖ ﻣﻦ ﺍﻟﻘﻬﺮ ...
ﺭﺩ ﺑﻐﻀﺐ ... ﺷﺒﻴﻬﺎ ﻫﺎﻱ ﺗﺤﺠﻲ ﺻﺪﻙ ﺍﺧﺬﻱ ﺍﻟﻤﻮﺑﺎﻳﻞ ﺍﻟﻬﺎ ﺍﺣﺠﻲ ﻭﻳﺎﻫﺎ
ﺟﺎﻭﺑﺘﻪ ﺑﻌﺼﺒﻴﺔ ... ﻣﺴﺘﺤﻴﻴﻞ ﻣﺴﺘﺤﻴﻴﻞ ﻣﺎ ﺍﺭﻳﺪ ﺍﺿﻞ ﻳﻤﻬﺎ ﺟﺎﻥ ﻣﺘﺖ ﻣﻦ ﻭﺭﻩ ﺛﻮﺭﻫﺎ ﻭﻣﻦ ﻣﺎﺕ ﺩﻛﻮﻟﻲ ﺍﻧﺘﻲ ﻓﻜﺮ ﻣﺎﺕ ﻣﻦ ﻭﺭﺍﺝ
ﺟﺮ ﻧﻔﺲ ﻭﺯﻓﺮﻩ ﻛﺎﻝ ... ﻳﺎﻟﻠﻪ ﺍﻥ ﺷﺎﺀ ﺍﻟﻠﻪ ﺟﺎﻳﺞ ﻻ ﺗﺮﺣﻴﻦ ﺍﻻﻱ ﻣﻜﺎﻥ ﺿﻠﻲ ﺑﺎﻟﺒﺴﺘﺎﻥ ..
ﻗﻔﻠﺖ ﺍﻟﺨﻂ ﻭﺣﻀﻨﺖ ﻣﻼﺑﺴﻲ ﺑﺎﻟﻌﻼﻛﻪ ﻭﺑﺠﻴﺖ ﺑﻘﻬﺮ ... ﻳﺎﻟﻠﻪ ﺍﻣﻲ ﺗﺤﺲ ﺑﻴﻪ ﺗﺤﺲ ﺑﺪﻣﻮﻋﻲ ﺗﺤﺲ ﺑﻤﻌﺎﻧﺎﺗﻲ ﻭﻏﺮﺑﺘﻲ ﺧﺎﻳﻔﻪ ﺣﻴﻴﻞ ﻭﺗﺒﻬﺬﻟﺖ ...
ﺣﺴﻴﺖ ﺑﻮﺟﻮﺩ ﺷﺨﺺ ﻗﺮﻳﺐ ﻣﻨﻲ
ﺭﻓﻌﺖ ﻋﻴﻮﻧﻲ ﺷﻔﺘﻪ ﺩﺍﻭﻭﺩ ... ﺗﻀﺎﻋﻒ ﻋﻨﺪﻱ ﺍﻟﺨﻮﻭﻑ ﺑﻠﻌﺖ ﺭﻳﻜﻲ ﻭﺍﻧﻲ ﺍﺣﻀﻦ ﻧﻔﺴﻲ
ﻭﻛﻔﺖ ﻭﺷﻠﺖ ﻣﻼﺑﺴﻲ ﺩﺍ ﺍﺭﻭﺡ
ﻛﺎﻝ ﺑﺼﻮﺕ ﻫﺎﻣﺲ ... ﻭﻳﻴﻴﻴﻦ
ﺩﺭﺕ ﻭﺟﻬﻲ ﻋﻠﻴﻪ ﺑﻐﻀﺐ ... ﻭﺍﻧﺖ ﺷﺪﺧﻠﻚ ﺷﺪﻋﻮﻩ ﻫﻠﻜﺪ ﻓﻀﻮﻭﻭﻟﻲ ﻭﺧﺮ ﻣﻨﻲ ﻣﺎ ﻓﺎﺭﻏﺘﻠﻚ
ﺿﺤﻚ ﺑﺎﺳﺘﻬﺰﺍﺀ ... ﺍﻱ ﻳﺤﻠﻮﻭ ﺳﻮﻟﻔﻠﻨﻪ ﻗﺼﺘﻚ ﺍﺣﺘﻤﺎﻝ ﻧﺴﺎﻋﺪﻙ
ﺭﻓﻌﺖ ﺍﺻﺒﻌﻲ ﺑﺘﻬﺪﻳﺪ ... ﺷﻮﻭﻑ ﻳﺎ ﺍﻧﺖ ﻻ ﺗﺘﻤﺮﺟﻞ ﻋﻠﻴﻪ ﻣﺎ ﻓﺎﺭﻏﺘﻠﻚ ﻭﻣﺎ ﻋﻨﺪﻱ ﺍﻱ ﻣﺸﻜﻠﻪ ﻭﻣﺎ ﺍﺭﻳﺪ ﻣﺴﺎﻋﺪﺗﻚ
ﺿﺤﻚ ﺑﺼﻮﺕ ﻋﺎﻟﻲ ... ﺍﻭﻳﻴﻴﻼﺓ ﻟﺒﻮﻭﻭﻩ ﻭﺍﻟﻠﻪ ﺍﺭﺟﻊ ﻭﺍﻛﻮﻝ ﻫﻨﻴﺎﻟﻪ ﺍﻟﺤﺒﻠﺞ ..
ﻓﺘﺤﺖ ﻋﻴﻮﻧﻲ ﺑﻐﻀﺐ ﻭﺑﻌﺼﺒﻴﺔ ... ﺗﺮﻳﺪ ﺍﺧﺎﺑﺮﻩ ﻳﺠﻲ ﻳﻜﺴﺮ ﺳﻨﻮﻧﻚ ﻭﻳﺸﻮﻑ ﺍﻟﺤﺒﺎﻟﻪ ﻋﻠﺊ ﺍﺻﻮﻟﻬﺎ ...
ﺗﻘﺮﺏ ﻣﻨﻲ ﺍﻛﺜﺮ ﻭﻫﻮ ﻳﺤﺠﻲ ﺑﺨﺪﺭ ... ﻳﺎﺭﻳﺖ ﻭﻳﻴﻨﻪ
ﻛﻤﻞ ﺑﺠﺪﻳﻪ ﻭﺍﺳﺘﻔﺰﺍﺯ ... ﻻ ﻭﺍﻟﻠﻪ ﺻﺪﻙ ﺻﺪﻙ ﻳﻌﻨﻲ ﻓﻌﻼ ﻫﻨﻴﺎﻟﻪ ﺑﺲ ﺍﻣﻮﺕ ﻭﺍﻋﺮﻑ ﻟﻴﺶ ﻫﻠﻜﺪ ﻏﺒﻲ ﻭﺗﺎﺭﻛﺞ ﻫﻨﺎ ﻣﻌﻘﻮﻭﻟﻪ ﺍﻋﻤﺊ ﻭﻣﺎ ﻳﺸﻮﻑ ﻛﻞ ﻫﻞ ﺭﻭﻭﻋﺔ ﺍﻟﻲ ﺑﻮﺟﻬﺞ ...
ﺍﺑﺘﺴﻢ ﺑﺨﺒﺚ ... ﻭﺭﻏﻢ ﺣﺎﻣﻞ ﺑﺲ ﺟﺴﻤﺞ ﻋﺬﺍﺍﺍﺍﺏ
ﺣﺴﻴﺖ ﺑﺘﺤﻄﻢ ﺑﺎﺟﺰﺍﺀ ﺭﻭﻭﺣﻲ ﻳﺎﺭﻳﺖ ﻟﻮ ﺍﻛﺪﺭ ﺍﻧﺘﻘﻢ ﻣﻨﻪ ﻭﻣﻦ ﻛﻼﻣﻪ ﺍﻟﻼﺫﻉ ﻳﺎﺭﻳﺖ ﻟﻮ ﺟﺎﺳﺮ ﻳﺠﻲ ﻭﻳﺎﺩﺑﻪ ﻭﻳﻌﻠﻤﻪ ﺷﻠﻮﻥ ﻳﺤﺠﻲ ﻭﻳﺎﻱ ﻫﻴﻴﺞ
ﺟﺎﻥ ﺭﻏﻢ ﻋﻼﻗﺘﻪ ﺍﻟﺠﺎﻓﻪ ﺑﻴﻪ ﺑﺲ ﺩﺍﺋﻤﺎ ﻳﻨﺒﻬﻨﻲ ﻭﺩﺍﺋﻤﺎ ﻣﺎ ﻳﻘﺒﻞ ﺍﻛﻮﻥ ﻣﺤﺪ ﺍﻧﻈﺎﺭ ﺍﻟﻐﻴﺮﺓ ...
ﺟﺮﻳﺖ ﻧﻔﺲ ﻏﺎﺿﺐ ... ﺍﺫﺍ ﺗﻌﺘﺒﺮﻧﻲ ﺑﻨﻈﺮﻙ ﺑﺲ ﺟﺴﻢ ﻓﺎﺣﺐ ﺍﻛﻮﻟﻚ ﺭﺟﻮﻟﺘﻚ ﺑﺲ ﺍﺳﻢ ...
ﺭﻓﻊ ﺣﺎﺟﺐ ﺑﻐﺮﻭﺭ ... ﺗﺮﺩﻳﻦ ﺍﺷﻮﻓﺞ ﺭﺟﻮﻟﺘﻲ
ﻣﺴﺤﺖ ﺩﻣﻮﻋﻲ ... ﻣﻴﺤﺘﺎﺝ ﻻﻥ ﺍﻧﺖ ﺍﺷﺒﺎﻩ ﺭﺟﺎﻝ ﻭﺣﺮﺍﻣﺎﺕ ﺍﺷﺒﻬﻚ ﺑﺤﺮﻣﻪ ﺑﺲ ﻳﺎﺭﻳﺖ ﻟﻮ ﺗﻠﺒﺲ ﺣﺠﺎﺏ ﻭﻻ ﺗﻜﻌﺪ ﺗﻬﺪﺩ ﺑﺮﺟﻮﻟﺘﻚ ...
ﺣﺴﻴﺖ ﻭﺟﻬﻪ ﺍﺣﺘﻘﻦ ﻭﺣﺘﺪﺕ ﻣﻼﻣﺤﻪ ... ﺍﺷﻮﻓﺞ ﺍﻥ ﺷﺎﺀ ﺍﻟﻠﻪ ﺑﺲ ﺧﻠﻲ ﺍﻋﺮﻑ ﻣﻮﺿﻮﻋﺞ ﺷﻨﻮ ﻭﺍﻥ ﺷﺎﺀ ﺍﻟﻠﻪ ﺍﻟﻜﻞ ﺣﺎﺩﺙ ﺣﺪﻳﺚ ...
ﺑﺲ ﻳﺎﺭﻳﺖ ﺩﻛﻠﻴﻠﻲ .. ﺍﻧﺘﻲ ﺍﺭﻣﻠﺔ ﻟﻮ ﻣﻄﻠﻘﻪ ﻟﻮ ﺷﻨﻮﻭ .. ﻭﻟﻮ ﻣﻮ ﻣﻬﻢ ﻋﻨﺪﻱ ﺑﺲ ﺣﺎﺏ ﺍﻋﺮﻑ
ﺟﺎﻭﺑﺘﻪ ﺑﺤﺪﻩ ... ﻣﻮ ﺷﻐﻠﻚ ﻭﺯﻭﺟﻲ ﻋﻠﺊ ﻛﻮﻟﺔ ﺍﺑﻦ ﻋﻤﻪ ﻳﻌﺎﺩﻝ ﺍﻟﻒ ﺭﺟﺎﻝ ... ﻭﻫﺎﺍﺍ ﺗﺮﺉ ﺯﻋﻠﻪ ﺣﺎﺍﺩ ﻻ ﺗﺘﻌﺮﺽ ﺍﻟﺤﺮﻣﺘﻪ ...
ﺭﺩ ﺑﻀﺤﻜﻪ . ﻫﻬﻬﻬﻬﻬﻬﻬﻬﻬﻬﻬﺎﻱ ﺧﻔﺖ ﻛﻠﻠﻠﻠﻠﻠﺶ،
ﺑﺲ ﻭﻳﻨﻪ ﻋﻨﺞ ﻟﻴﺶ ﺷﺎﻣﺮﺝ ﻫﻨﺎ ﺷﻨﻮ ﺍﻟﺴﺒﺐ ﺣﺎﺏ ﺍﻋﺮﻑ ﺳﺎﻟﺖ ﻋﻤﺘﻲ ﺻﺒﺮﻳﻪ ﻣﺠﺎﻭﺑﺖ ﻭ ﺩﻛﻮﻝ ﻛﺮﺍﺑﺘﻲ ﻣﻦ ﺑﻌﻴﺪ ... ﻏﻴﺮ ﻧﻌﺮﻑ ﺷﻠﻮﻥ ﺍﻧﺘﻲ ﮔﺮﺍﺑﺘﻨﻪ ﻣﻦ ﺑﻌﻴﺪ ...
ﺩﺭﺕ ﻭﺟﻬﻲ ﻭﻣﺸﻴﺖ ﺷﻔﺖ ﺍﻟﻔﻼﺣﻴﻴﻦ ﻳﻤﺸﻮﻥ ﺳﺮﻋﺖ ﺑﻤﺸﻴﺘﻲ ﺣﺘﺊ ﺍﻟﺤﻚ ﺑﻴﻬﻢ ﻭﺍﺣﺘﻤﻲ ﺑﻴﻬﻢ ﺳﺮﺍ ﻣﻦ ﺩﺍﻭﻭﺩ ...
ﻛﻌﺪﺕ ﻗﺮﻳﺐ ﻣﻦ ﺍﻟﻨﻬﺮ ﻻﻥ ﺍﻟﻨﻬﺮ ﻋﺎﻟﻢ ﺗﺠﻲ ﻭﺗﺮﻭﺡ ﻣﻨﻪ ﻭﻣﻮ ﻓﺎﺭﻍ ﺍﻧﻲ ﺍﺧﺎﻑ ﺍﻛﻌﺪ ﺑﻤﻜﺎﻥ ﻓﺎﺭﻍ ﺍﺧﺎﻑ ﻣﻦ ﻫﻞ ﻛﻠﺐ ﻳﺴﺘﻐﻞ ﺍﻟﻮﺿﻊ ...
ﺭﺟﻌﺖ ﺑﺬﺍﻛﺮﺗﻲ ﻟﻠﻤﺎﺿﻲ ...
ﺟﻨﺖ ﻫﺴﻪ ﻣﺘﺰﻭﺟﻪ ﻭﻋﻼﻗﺘﻲ ﺑﺎﻟﻜﻞ ﺑﺎﺍﺍﺭﺩﻩ
ﺍﺟﺖ ﻧﻮﺍﻝ ﺗﺮﻛﺾ ﻭﻫﻲ ﺗﻄﻚ ﺑﻌﻠﺠﻬﺎ ﻭﺷﺎﻳﻠﻪ ﻣﻮﺑﺎﻳﻠﻬﻞ ﻛﺎﻟﺖ ... ﺗﻌﺎﻟﻲ ﺗﻌﺎﻟﻲ ﺷﻮﻓﻲ ﺷﺠﺒﺖ ﺍﻟﺞ
ﺍﺳﺘﻐﺮﺏ ﻛﻠﺘﻠﻬﺎ ... ﺷﻨﻮﻭ؟
ﻓﺘﺤﺖ ﺍﻟﻤﻮﺑﺎﻳﻞ ﻣﻦ ﻋﻠﺊ ﻣﻘﻄﻊ ... ﺗﻌﺎﻟﻲ ﺷﻮﻓﻲ ﺷﺎﻡ ﺗﺠﻨﻦ ﺗﺠﻨﻦ ﻣﻮ ﻃﺒﻴﻌﻴﺔ ..
ﺍﺧﺬﺕ ﺍﻟﻤﻮﺑﺎﻳﻞ ﻣﻨﻬﺎ ﺑﺘﻠﻌﺜﻢ ﺑﺎﻭﻋﺖ ﻟﻠﻔﻴﺪﻳﻮ ﺑﺮﻭﺡ ﻣﻌﺼﻮﺭﻩ ﺷﻔﺘﻬﺎ ﺟﺎﻧﺖ ﻻﺑﺴﻪ ﻛﻮﻭﺕ ﻛﺎﺑﻮﻱ ﻃﻮﻭﻳﻞ ﻭﺑﻨﻄﺮﻭﻥ ﺍﺳﻮﺩ ﻭﺗﺸﻴﺮﺕ ﺍﺳﻮﺩ ﻭﻻﺑﺴﻪ ﻛﺎﺏ ﻭﺭﺩﻱ
ﻭﻣﺒﻴﻦ ﺑﺪﻣﺸﻖ ﻻﻥ ﻣﻌﺎﻟﻢ ﺍﻟﻤﻨﻄﻘﻪ ﻭﺍﺿﺤﻪ ﺟﺎﻧﺖ ﺗﻠﻌﺐ ﺑﺒﻨﺘﻬﺎ ﺯﻏﻞ ﻭﻫﻮ ﻳﺼﻮﺭ ﺑﻴﻬﺎ ﻭﻳﻀﺤﻚ
ﻭﻫﻲ ﺩﻛﻮﻟﻪ ... ﻋﻨﺠﺪ ﺑﻴﻜﻔﻲ ﻟﻴﻪ ﻋﻢ ﺗﺼﻮﺭﻧﺎ
ﺟﺎﻭﺑﻬﺎ ﺑﺤﺐ ﻣﻤﺰﻭﺝ ﺑﻀﺤﻜﻪ ... ﻻﻥ ﺍﺣﺒﺒﻜﻢ
ﺿﺤﻜﺖ ﺑﺮﻭﻋﺘﻬﺎ ﻭﺟﻤﺎﻟﻬﺎ ﻭﻫﻲ ﺗﻨﺰﻝ ﺭﺍﺳﻬﺎ ﻟﺒﻨﺘﻬﺎ ... ﻭﻧﺤﻨﺎ ﻛﺘﻴﺮ ﺑﻨﺤﺒﻚ ﻣﻮ ﻫﻴﻚ ﻏﺰﻭﻟﻪ
ﺟﺎﻧﺖ ﻃﻔﻠﻪ ﻳﻤﻜﻦ ﻋﻤﺮﻫﺎ 3 ﺳﻨﻮﺍﺕ ﻫﺰﺕ ﺭﺍﺳﻬﺎ ﺑﺄﻱ
ﻫﻤﺴﺖ ﺍﻟﻬﺎ ﻭﻫﻲ ﺗﺤﺠﻲ ﻭﻳﺎﻫﺎ ﺑﺤﺐ ... ﻳﻼ ﺍﺋﻮﻭﻟﻲ ﺑﺎﺑﺎ ﻧﺤﻨﺎ ﺑﻨﺤﺒﻚ ﻛﺘﻴﻴﺮ ﻣﺸﺎﻥ ﻳﺪﻟﻠﻨﺎ ﺍﻛﺘﺮ ﻫﻬﻬﻪ
ﺟﺎﻭﺑﻬﺎ ﻭﻫﻮ ﻳﺼﻮﺭ ... ﺍﺩﻟﻠﻜﻢ ﺣﺘﺊ ﻟﻮ ﻣﺘﺤﺒﻮﻧﻲ ﻫﻬﻪ
ﺍﺧﺬﺕ ﺍﻟﻤﻮﺑﺎﻳﻞ ﻣﻨﻲ ﻧﻮﺍﻝ ﻭﻫﻲ ﺗﺠﺮ ﻧﻔﺲ ﻛﺎﻟﺖ ... ﺍﻧﻲ ﺍﻋﺘﺬﺭ ﻳﻤﻜﻦ ﺿﻮﺟﺘﺞ ﺑﺲ ﻣﻮ ﻗﺼﺪﻱ ﺻﺪﻛﻴﻨﻲ ﺑﺲ ﺣﺒﻴﺖ ﺗﺸﻮﻓﻴﻨﻬﺎ
ﻫﻤﺴﺖ .. ﺣﻠﻮﻩ ﺣﻴﻴﻞ ﻫﻲ ﻭﻳﻴﻦ ﻣﺎﺗﺖ ﻟﻮ ﻭﻳﻦ
ﺭﻓﻌﺖ ﺍﻛﺘﺎﻓﻬﺎ ﺑﻤﻌﻨﺊ ﻣﺎ ﺍﺩﺭﻱ ...
ﺟﺮﻳﺖ ﻧﻔﺲ ... ﻳﻌﻨﻲ ﻫﻮ ﻣﻴﺤﺠﻲ ﻋﻨﻬﺎ
ﺟﺎﻭﺑﺖ ... ﻻ ﻣﻴﻌﺮﻑ ﻣﻴﺘﻪ ﻋﺎﻳﺸﻪ ﻫﻮ ﻣﻴﻌﺮﻑ ﺑﺲ ﺍﻧﻲ ﺍﻛﻮﻝ ﺍﻛﻴﺪ ﻣﺎﺗﺖ ﻻﻥ ﺍﺧﻮﻫﺎ ﻭﺍﺑﻮﻫﺎ ﻣﺎﺗﻮ ﻣﻦ ﻗﺒﻞ ﺍﻟﺪﻭﺍﻋﺶ ﻳﻤﻜﻦ ﻗﺘﻠﻮﻫﺎ ﺍﻭ ﺍﺧﺬﻭﻫﺎ ﺍﺳﻴﺮﻩ ﺍﻟﻠﻪ ﺍﻋﻠﻢ ...
ﺟﺮﻳﺖ ﻧﻔﺲ ... ﻟﻌﺪ ﺷﻠﻮﻥ ﻏﺰﻝ ﻃﻠﻌﺖ ﻣﺎ ﺑﻴﻬﺎ ﺷﺊ
ﺭﺩﺕ .. ﻏﺰﻝ ﺟﺎﻧﺖ ﻋﺪﻧﺎ ﻫﻮ ﺟﺎﺑﻬﺎ ﺍﻟﻨﻪ ﻻﻥ ﺟﺪﻫﺎ ﺭﺍﺩ ﻳﺸﻮﻓﻬﺎ ﻭﻫﻮ ﻫﻢ ﺟﺎﻥ ﻳﺮﺍﺟﻊ ﻋﻠﻤﻮﺩ ﺗﺎﺧﺬ ﺍﻟﺠﻨﺴﻴﻪ ﺍﻟﻌﺮﺍﻗﻴﺔ ﺿﻠﺖ ﺍﺳﺒﻮﻉ ﻭﺑﻌﺪﻫﺎ ﺿﻞ ﻳﺘﺼﻞ ﺑﻴﻬﺎ ﻣﺘﺠﺎﻭﺏ ...
ﻭﺑﺼﺮﺍﺣﻪ ﻣﺎ ﺍﻋﺮﻑ ﻗﺼﺘﻬﻢ ﺭﻭﺣﻲ ﺍﻟﻪ ﻫﻮ ﻳﺴﻮﻟﻒ ﺍﻟﺞ ﺍﻧﻲ ﺷﺪﺧﻠﻨﻲ ﺑﻌﺪﻳﻦ ﺗﻜﺼﻮﻧﻲ ﺩﻛﻮﻟﻮﻥ ﻓﺘﺎﻧﻪ
ﺗﺮﻛﺘﻨﻲ ﻭﺭﺍﺣﺖ ﺑﺪﻭﻥ ﻣﺎ ﺍﻓﻬﻢ ﻣﻨﺎ ﻭﻻ ﺷﺊ ﻭﺣﻴﺮﺗﻨﻲ ﺍﻛﺜﺮ ... ﺑﺲ ﻫﻲ ﻣﺜﻞ ﻣﺎ ﻛﺎﻟﺖ ﺍﻛﻴﺪ ﻣﺎﺗﺖ ﻟﺬﻟﻚ ﻫﻮ ﻣﺎ ﺣﺐ ﻏﻴﺮ ﺷﺎﻡ ...
ﻭﺍﻟﻌﺮﻓﺘﻪ ﻣﺘﺰﻭﺟﻬﺎ ﻋﻦ ﺣﺐ
ﺣﺴﻴﺖ ﺑﻴﺪ ﺷﺨﺺ ﻋﻠﺊ ﻛﺘﻔﻲ ﻛﻤﺰﺕ ﻣﻦ ﻣﻜﺎﻧﻲ ﻭﺍﻧﻲ ﺍﺑﺎﻭﻉ ﺍﻟﻬﺎ ﺷﻔﺘﻬﺎ ﺑﻨﻴﻪ ﺷﺎﺑﻪ ﻛﺎﻟﺖ ﺑﻬﺪﻭﺀ ... ﻻ ﺗﺨﺎﻓﻴﻦ ﺑﺲ ﺻﺒﺮﻳﻪ ﺩﻛﻮﻝ ﺧﻠﻲ ﺗﺮﺟﻊ ﺳﺎﻋﺔ ﻋﺼﺒﻴﺔ
ﻣﺴﺤﺖ ﺩﻣﻮﻋﻲ ﻫﻤﺴﺖ ... ﻣﺎ ﺍﺭﻳﺪ ﻫﺴﻪ ﻳﺠﻮﻥ ﺍﻫﻠﻲ ﻳﺎﺧﺬﻭﻧﻲ .. ‏» ﺟﻨﺖ ﺍﻗﺼﺪ ﺟﺎﺑﺮ ‏»
ﺧﻠﺖ ﻭﺭﺍﺣﺖ ... ﺗﻘﺮﻳﺒﺎ ﻣﺮﺕ ﺳﺎﻋﺘﻴﻦ ﻭﻧﺺ ﻭﺍﻧﻲ ﻛﺎﻋﺪﻩ ﻗﺮﻳﺐ ﻣﻦ ﺍﻟﺸﻂ
ﻏﻮﺭﺑﺖ ﺍﻟﺪﻧﻴﺎ ﻭﺍﻟﺸﻤﺲ ﻏﺎﺑﺖ ﺑﺎﻟﻐﻴﻮﻡ ﻭﺍﺣﺘﻞ ﻣﻜﺎﻧﻬﺎ ﺍﻟﻘﻤﺮ ...
ﺍﻧﺘﺒﻬﺖ ﻋﻠﺊ ﺻﻮﺕ ﺍﻟﻬﻮﺭﻥ ﻣﺎﻟﺖ ﺍﻟﺴﻴﺎﺭﺓ ﺑﺎﻭﻋﺖ ﺷﻔﺘﻬﺎ ﺳﻴﺎﺭﺓ ﺟﺎﺑﺮ ﺍﻟﻔﺮﺣﻪ ﺗﺨﻠﻠﺖ ﻟﺪﺍﺧﻞ ﺭﻭﺣﻲ
ﺍﺑﺘﺴﻤﺖ ﺗﻠﻘﺎﺋﻴﺎ ﻭﻭﻛﻔﺖ ﺑﺼﻌﻮﺑﻪ ﻫﻮ ﻧﺰﻝ ﻣﻦ ﺍﻟﺴﻴﺎﺭﻩ ﻭﺗﻘﺮﺏ ﻣﻨﻲ ﻣﻦ ﺷﻔﺘﻪ ﺑﺠﻴﺖ ﺑﺼﻮﺕ ﻋﺎﻟﻲ ﻭﻣﺴﻤﻮﻉ
ﻫﻮ ﺧﻄﻴﻪ ﺍﺣﺘﺎﺭ ﺟﺮﻳﺖ ﻧﻔﺲ ﺑﺤﺬﺭ ﻛﺎﻝ ... ﻋﻠﺊ ﻛﻴﻔﺞ ﻋﻠﺊ ﻛﻴﻔﺞ ﺍﻫﺪﺋﻲ ﺷﻮﻭﻭﻳﻪ ﻭﺧﻠﻴﻨﻪ ﻧﺘﻔﺎﻫﻢ ﻳﺎﻟﻠﻪ ﺗﻌﺎﻟﻲ ...
ﻣﺸﻴﺖ ﻭﻳﺎﻩ ﻭﺍﻧﻲ ﻟﺴﻪ ﺍﺷﻬﻚ ﻭﺍﺑﺠﻲ ﻭﺍﺣﺠﻲ ﻋﻠﺊ ﺻﺒﺮﻳﻪ ...
ﺷﻔﺘﻬﺎ ﺍﺟﺖ ﻣﻦ ﺑﻌﻴﺪ ﺍﻟﻌﺒﺎﻳﻪ ﻣﻔﺘﻮﻭﺣﻪ ﻭﺍﻟﻨﻌﺎﻝ ﻛﻮﻩ ﺩﺍﺧﻞ ﺑﺮﺟﻠﻴﻬﺎ ...
ﻭﺛﻮﺑﻬﺎ ﻃﺎﻳﺮ ﻟﻨﺺ ﺍﻟﺴﺎﻕ ﻛﺎﻟﺖ ﻣﻦ ﺑﻌﻴﺪ ... ﻫﺎﺍﺍﺍ ﺍﻟﻌﻴﺎﺭﻩ ﺧﺎﺑﺮﺗﻲ ﺟﺎﺑﺮ .. ﺷﻨﻲ ﺧﺎﻳﻔﻪ ﻣﻨﻪ ﻟﻮ ﺍﺳﺤﻠﺞ ﺍﻧﺘﻲ ﻭﻳﺎﻩ
ﺑﺎﻭﻋﺘﻠﻪ ﺑﻘﻬﺮ ... ﺷﻮﻓﻬﺎ ﺟﺎﺑﺮ ﻣﺎﺕ ﺍﻟﺜﻮﺭ ﻟﻮ ﻃﻠﻌﺘﻪ ﻣﻦ ﻋﻴﻮﻧﻲ ﺑﺲ ﻫﻴﺞ ﺗﻐﻠﻂ ﻋﻠﻴﻪ ﺍﻧﻲ ﻣﺎ ﺍﺭﻳﺪ ﻳﻤﻬﺎ ﺃﺧﺬﻧﻲ ﺍﻟﻐﻴﺮ ﻣﻜﺎﻥ ...
ﻫﺰﺕ ﺍﻳﺪﻫﺎ ﺑﻘﻬﺮ ... ﻻ ﻓﺪﻭﻭﻩ ﺟﻜﻠﻴﺖ ﺑﺮﻭﺡ ﺍﻋﺰﺍﺯﺝ ﺿﻠﻲ ﻳﻤﻲ ... ﻋﺸﺘﻮﻭ ﺍﻧﻮﺏ ﻫﻲ ﺍﻟﻤﺎ ﺭﺍﺿﻴﻪ
ﻫﻮ ﺿﺤﻚ ﻛﻠﻬﺎ ... ﺧﺎﻟﻪ ﻋﻠﺊ ﻛﻴﻔﺞ ﺧﻠﻮﻧﻲ ﺍﺗﻔﺎﻫﻢ ﻭﻳﺎﻛﻢ
ﺑﺎﻭﻋﺘﻠﻲ ﺑﻐﻀﺐ .. ﻋﻮﻭﺩ ﺍﻧﻘﻬﺮﺕ ﻋﻠﻴﺞ ﻭﺍﺟﻴﺖ ﺍﺧﺬﺝ ﻃﻠﻌﺘﻲ ﻣﺎ ﺗﺴﺘﺎﻫﻠﻴﻦ
ﺟﺎﺑﺮ ﺍﺧﺬﻧﻪ ﺛﻨﻴﻨﻪ ﻭﺩﺧﻠﻨﻪ ﺍﻟﺒﻴﺘﻬﺎ ﻛﻌﺪﻧﻪ ﺑﺤﺪﻳﻘﺘﻬﺎ ﺍﻟﺰﺍﻫﻴﻪ
ﻛﻌﺪﺕ ﺳﻮﻟﻔﺖ ﺍﻟﻪ ﺍﻟﺴﺎﻟﻔﻪ ﻛﻠﻬﺎ ﺷﻠﻮﻥ ﻣﺎﺕ ﺍﻟﺜﻮﺭ ﻭﺷﻠﻮﻥ ﺗﺒﺪﻩ ﺍﻟﺤﻠﻴﺐ ﻭﺷﻠﻮﻥ ﻃﺮﺩﺗﻨﻲ ﺑﺲ ﻣﺎ ﻛﻠﺘﻠﻪ ﻫﻲ ﺩﻛﻮﻝ ﻋﻨﻲ ﻓﻜﺮ ﻭﺍﻧﻲ ﺟﺴﺤﺖ ﺍﻟﺜﻮﺭ
ﻛﺎﻟﺖ ﺑﻘﻬﺮ ﻭﺣﺰﻥ ... ﻛﻮﻝ ﺣﻞ ﻭﻳﺎﺝ ﺍﺗﺰﻭﺝ ﻋﻠﻴﺞ ﺍﺑﻮ ﺍﻟﻠﻮﻝ ﺗﻘﺒﻠﻬﺎ ﻫﺎﻱ ﻓﻮﻙ ﻣﺎ ﻣﺎﺕ ﺛﻮﺭﻱ ﺍﻧﻮﺏ ﻫﻴﺞ ﺩﻛﻮﻝ
ﺑﺎﻭﻋﻠﻲ ﺑﻌﺘﺐ ﻛﺎﻝ ... ﻟﻴﺶ،ﻫﻴﺞ ﺗﺤﺠﻴﻦ ﻣﻮ ﻋﻴﺐ
ﺭﺩﻳﺖ ﺑﻨﺤﻴﺐ ... ﺗﻐﻠﻂ ﻋﻠﻴﻪ ﺩﻛﻮﻝ ﺍﻟﻔﻜﺮ ﻭﺟﺴﺤﺘﻲ ﺍﻟﺜﻮﺭ ﻭﻣﻦ ﺷﻔﺘﺞ ﻣﺎ ﺷﻔﺖ ﺧﻴﺮ ﻣﻮﺗﺘﻨﻲ ﺑﺲ ﺗﻐﻠﻂ ﻭﺗﺮﻳﺪ ﺍﺣﻠﺐ ﺍﻟﺒﻘﺮﻩ ﻭﺍﻧﻲ ﺍﺧﺎﻑ ﻣﻨﻬﺎ ...
ﺭﻏﻢ ﻭﺍﻟﻠﻪ ﺍﺳﺄﻟﻬﺎ ﺩﺍ ﺍﻗﻄﻒ ﺍﻟﻔﺎﻛﻬﻪ ﺍﻟﻬﺎ ﻭﻫﻤﺎﺗﻴﻦ ﻛﻞ ﺍﻟﺨﻀﺮﺍﻭﺍﺕ ﺍﻗﻄﻔﻬﺎ ﺍﻟﻬﺎ ...
ﻏﻤﺖ ﻛﺼﺘﻬﺎ ... ﺍﻣﺪﺍﻧﻲ ﻫﻢ ﻛﺎﻟﺖ ﺍﻗﻄﻒ ﻓﺎﻛﻬﻪ ﻭﻟﻚ ﺟﻮﺑﻴﺮ ﺍﺧﺬﻧﻬﻪ ﻣﻨﻲ ﻻ ﺍﺑﺘﻠﻲ ﺑﻴﻬﺎ ﺗﻨﻌﻮﺹ ﻋﻠﻴﻪ ﻭﺍﻧﻪ ﻣﺎ ﺍﺣﺐ ﻫﻴﺞ
ﺿﺤﻚ ﻛﺎﻝ ... ﻫﺴﻪ ﺍﺭﺍﺿﻲ ﻣﻨﻮ ﺟﻮﻟﻴﻴﺖ ﻟﻮ ﺻﺒﺮﻳﻪ
ﺭﺩﺕ ﺻﺒﺮﻳﻪ ﻭﻫﻲ ﺗﻨﻔﺚ ﺑﺠﻜﺎﺭﺗﻬﺎ ... ﻻ ﺭﺍﺿﻲ ﺟﻜﻠﻴﺖ ﻭﻳﻦ ﺍﻧﻲ ﺧﺎﻟﺘﻚ ﺣﺘﺊ ﻣﺎ ﻛﻠﺖ ﺍﻟﺒﻘﻴﺔ ﺑﺤﻴﺎﺗﻚ ﻭﺍﻥ ﺷﺎﺀ ﺍﻟﻠﻪ ﺍﻋﻮﺿﺞ ﺟﻢ ﻣﻠﻴﻮﻥ ﻟﺜﻮﺭﺝ
ﻭﺗﺮﺉ ﺍﻧﺖ ﺍﻟﺴﺒﺐ ﺑﻤﻮﺗﺖ ﺍﻟﺜﻮﺭ ﻻﻥ ﺍﻧﺖ ﺟﺒﺖ ﺟﻜﻠﻴﺖ ﻭﻃﻔﺮﺕ ﻣﻦ ﺍﻟﺜﻮﺭ ﺍﻛﻮ ﻭﺣﺪﻩ ﻃﻔﺮﺕ ﻛﺪﺍﻡ ﺍﻟﺜﻮﺭ ...
ﻭﻫﺎﺍ ﺗﺮﺉ ﺛﻮﺭﻱ ﺣﺴﺎﺱ ﻭﺗﺤﺴﺲ ﻣﻨﻬﺎ ﻻﻥ ﺷﺮﺩﺕ ﻣﻨﻪ
ﺩﻙ ﺻﺪﺭﻩ ... ﻋﻤﻲ ﺛﻮﺭﺝ ﺍﻧﻲ ﺍﺧﺴﺮﻩ ﻭﺷﺘﺮﺩﻳﻦ ﺣﺎﺿﺮ
ﺭﺩﺕ ﺑﺰﻋﻞ ... ﻛﻠﻠﻬﺎ ﻻ ﺗﻌﻴﺮﻧﻲ ﻻﻥ ﺍﺑﻮ ﺍﻟﻠﻮﻝ ﺗﺰﻭﺝ ﻋﻠﻴﻪ
ﺿﺤﻚ ... ﻳﺎﻟﻠﻪ ﺟﻮﻟﻲ ﻛﻮﻣﻲ ﺑﻮﺳﻲ ﺭﺍﺱ ﺧﺎﻟﺘﻲ ﺻﺒﺮﻳﺔ ﺗﺮﺉ ﻛﻠﺒﻬﺎ ﻃﻴﺐ ﺑﺲ ﺑﻴﻬﺎ ﻃﻨﺎﺕ ...
ﺻﺮﺧﺖ ﺑﻮﺟﻬﻪ ... ﺷﻨﻲ ﻣﺨﺒﻠﻪ ﺍﻧﻲ
ﺭﺩ ﻋﻠﻴﻬﺎ ... ﻻ ﺣﺸﺎﺝ ﺟﻮﻟﻴﻴﺖ ﻫﻲ ﻣﺨﺒﻠﻪ ﻣﻮ ﺻﺢ ﺟﻮﻟﻲ
ﻫﺰﻳﺖ ﺭﺍﺳﻲ ﺑﻘﺒﻮﻝ ﻭﻭﻛﻔﺖ ﺑﺴﺖ ﺭﺍﺳﻬﺎ ﻭﺍﻋﺘﺬﺭﺕ ﻣﻨﻬﺎ ﻋﻠﺊ،ﺷﻨﻮ ﺍﻋﺘﺬﺭ ﻣﺎ ﺍﺩﺭﻱ ...
ﺿﻠﻴﻨﻪ ﺷﻮﻳﻪ ﻧﺴﻮﻟﻒ ﻭﻧﺤﺠﻲ ﻭﺗﺎﻟﻲ ﻫﻮ ﻛﺎﻝ ﺣﻴﺮﻭﺡ ﻃﻠﻌﺖ ﻭﺭﺍﻩ ﺳﺎﻟﺘﻪ ﻋﻦ ﺟﺎﺳﺮ
ﻛﺎﻝ ... ﻛﻞ ﻋﺸﻴﺮﺗﺞ ﺭﺟﻌﺖ ﻭﻣﺤﺪ ﻳﺘﻌﺮﺽ ﺍﻟﻬﻢ ﺑﺲ ﺍﻫﻠﺞ ﻳﺮﻳﺪ ﻳﺴﻠﻤﻮﻥ ﻋﺎﺻﻢ
ﺟﺮﻳﺖ ﻧﻔﺲ ... ﺯﻳﻦ ﺍﻫﻠﻲ ﻭﻳﻴﻦ
ﺗﻨﻬﺪ ... ﻭﺍﻟﻠﻪ ﻣﺤﺪ ﻳﻌﺮﻑ ﻭﺑﻴﺖ ﻋﻤﺞ ﻣﻦ ﺳﺎﻟﻨﺎﻫﻢ ﻛﺎﻟﻮ ﺍﺣﻨﻪ ﺑﻤﻜﺎﻥ ﻭﻫﻢ ﺑﻤﻜﺎﻥ ﻣﺎ ﻧﻌﺮﻑ ﻭﻳﻦ
ﺭﻓﻌﺖ ﺍﺩﻳﻪ ﺑﺎﻟﺪﻋﺎﺀ ... ﺭﺑﻲ ﻳﺤﻤﻴﻬﻢ ﻭﻳﻦ ﻣﺎ ﺟﺎﻧﻮﻭ
ﺑﺎﻭﻋﻠﻲ ﺑﻐﻤﻮﺽ ... ﺍﺧﻮﺝ ﻗﺎﺗﻞ ﻭﻳﺴﺘﺎﻫﻞ ﺍﻟﻘﺘﻞ ﺍﻟﻌﻴﻦ ﺑﺎﻟﻌﻴﻦ ﻭﺍﻟﺴﻦ ﺑﺎﻟﺴﻦ ﻭﺍﻟﺒﺎﺩﻱ ﺍﻇﻠﻢ ﻭﺗﺮﺉ ﺩﻣﻪ ﻣﻬﺪﻭﺭ
ﺣﺴﻴﺖ ﺑﻄﻠﻘﻪ ﺍﺳﺘﻘﺮﺕ ﺑﻴﻦ ﺛﻨﺎﻳﺎ ﺍﻟﺮﻭﺡ ﻣﻦ ﻛﺎﻝ ﺩﻣﻪ ﻣﻬﺪﻭﺭ ﺍﺧﻮﻳﻪ ﺭﻏﻢ ﻗﺎﺗﻞ ﺑﺲ ﻳﻌﺰ ﻋﻠﻴﻪ ﻳﻨﻘﺘﻞ ﻟﻼﺳﻒ
ﺧﻄﻴﻪ ﻭﺻﺎﻧﻲ ﻋﻠﺊ ﺻﺤﺘﻲ ﻭﺍﻧﻄﺎﻧﻲ ﻓﻠﻮﺱ ﻣﻘﺒﻠﺖ ﺍﺧﺬﻫﻦ ﻛﺎﻝ ... ﻣﻦ ﺟﺎﺳﺮ
ﺍﺳﺘﻐﺮﺑﺖ ﻭﺧﻔﺖ ... ﺷﻠﻮﻥ ﻣﻦ ﺟﺎﺳﺮ .. ﺍﻧﺖ ﺩﻟﻴﺘﻪ ﺑﻤﻜﺎﻧﻲ
ﺍﺑﺘﺴﻢ ... ﻻ ﺑﺲ ﻫﻮ ﺍﻧﻄﻪ ﻓﻠﻮﺱ ﺑﺜﻮﺍﺏ ﺑﻨﺘﻪ ﻭﺍﻫﻠﻪ ﻟﻠﻔﻘﺮﺍﺀ ﻭﺍﻧﻲ ﻛﺘﻠﻪ ﺍﻋﺮﻑ ﻋﺎﺋﻠﻪ ﻣﺤﺘﺎﺟﻪ .. ﺍﻧﺘﻲ ﻭﻃﻔﻠﺞ ﻋﺎﺋﻠﺘﻪ ﻭﺑﺤﺎﺟﻪ ﻟﻬﻞ ﻓﻠﻮﺱ ﺍﺧﺬﻳﻬﻦ ...
ﻫﻤﺴﺖ ... ﺍﻟﻠﻪ ﻋﻠﻴﻚ ﻣﻦ ﺟﺎﺳﺮ
ﺭﺩ ﺑﻄﻤﺄﻧﻴﻨﺔ ... ﺍﻱ ﻭﺍﻟﻠﻪ ﻭﺩﺍﻋﺔ ﺍﻣﻲ ﻣﻦ ﺟﺎﺳﺮ
ﺍﺭﺗﺎﺣﻴﺖ ﻭﺍﺧﺬﺕ ﺍﻟﻔﻠﻮﺱ ﻫﻮ ﺭﺍﺡ ﻟﺰﻣﺖ ﺍﻟﻔﻠﻮﺱ ﻭﺟﺮﻳﺖ ﻧﻔﺲ ﺣﻄﻴﺘﻬﻢ ﻋﻠﺊ ﺻﺪﺭﻱ ﻣﺴﺘﺤﻴﻞ ﺍﺻﺮﻓﻬﻢ ... ﻣﺸﺘﺎﻗﺘﻠﻪ ﺑﻜﺪ ﺷﻮﻗﻲ ﺍﻻﻣﻲ،ﻭﺍﻟﻠﻪ ...
ﺑﺲ ﻫﻮ ﻣﻴﺤﺒﻨﻲ ﻭﻻ ﺑﺤﻴﺎﺗﻪ ﺣﺒﻨﻲ ...
ﺭﺑﻲ ﻳﻬﺪﻱ ﻋﻠﻴﻪ ﻭﻳﺤﻨﻦ ﻛﻠﺒﻪ ...
...................................
ﺑﻌﺪ ﻣﺮﻭﺭ ﻋﺸﺮ ﺍﻳﺎﻡ ...
ﺭﻳﻬﺎﻡ ..
ﺍﻟﻴﻮﻡ ﺍﺑﻮﻳﻪ ﻋﺰﻡ ﻭﻟﺪ ﺍﺧﻮ ﻣﺴﻮﻱ ﺛﻮﺍﺏ ﺍﻟﻌﻤﻮ ﻭﻓﻼﺡ ﻭﺑﻨﺖ ﺟﺎﺳﺮ ...
ﺧﻄﻴﻪ ﺍﻣﻲ ﻣﻘﺼﺮﺕ ﺭﺍﺣﺖ ﺗﺴﻮﻛﺖ ﻭﻃﺒﺨﻨﻪ ﻭﺷﻮﻳﻨﻪ ﺳﻤﺞ ..
ﺍﺟﻮ ﺑﺲ ﺻﻼﺡ ﻭﺟﻌﻔﺮ ﻭﺭﺿﻴﻪ ﻭﺑﻨﺎﺕ ﻓﻼﺡ ﻭﺍﺟﺘﻲ ﺍﺷﻮﺍﻕ ﺍﺧﺘﻬﻢ ..
ﺑﺲ ﺟﺎﺳﺮ ﻭﻧﻮﺍﻝ ﻭﺍﻡ ﻓﻼﺡ ﻣﺎ ﺍﺟﻮﻭ ﻣﺎ ﺍﻋﺮﻑ ﻟﻴﺶ ...
ﺍﺟﺖ ﺧﻄﻴﻪ ﺍﺷﻮﺍﻕ ﻭﺭﺿﻴﻪ ﻫﻤﺎﺗﻴﻦ ﺳﺎﻋﺪﻧﻪ ﻏﺴﻠﻦ ﺍﻟﻔﺎﻛﻬﻪ ﻭﺍﻟﺨﻀﺮﻭﺍﺕ
ﻭﻗﺎﺭ ﺟﺎﻧﺖ ﻛﺎﻋﺪﻩ ﻋﻠﺊ ﺍﻟﻜﺮﺳﻲ ﻭﺗﻨﻀﻒ ﺑﺎﻟﺨﻀﺮﻩ ﺑﻴﺪﻫﺎ ﺍﻟﺼﺎﺣﻴﻪ
ﻛﻌﺪﺕ ﻳﻤﻬﺎ ﺍﺷﻮﺍﻕ ﺑﺎﺳﺘﻬﺎ ﻛﺎﻟﺖ ... ﺍﺣﻨﻪ ﺑﻨﺎﺕ ﻣﻬﻴﻮﺏ ﻭﻻ ﻋﺪﻧﻪ ﺣﻆ ﻭﻗﻮﺭﺓ ﺍﻳﺪﻫﺎ ﺭﺍﺣﺖ ﺑﺸﺮﺑﺔ ﻣﻲ ﻭﺍﻧﻲ ﺻﺎﺭ ﺷﻜﺪ ﻣﺘﺰﻭﺟﻪ ﻭﻣﺎ ﻋﻨﺪﻱ ﻃﻔﻞ ..
ﺩﺭﺕ ﻭﺟﻬﻲ ﻋﻠﻴﻬﺎ ﺍﺑﺘﺴﻤﺖ ﺑﺤﺰﻥ ... ﺍﻟﻤﺆﻣﻦ ﻣﺒﺘﻠﺊ ... ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻌﻮﺿﻜﻢ
ﻫﻤﺴﺖ ﻭﺟﺮﺕ ﻧﻔﺲ ﺣﺰﻳﻦ ... ﺍﻣﻴﻴﻴﻦ
ﺭﺟﻌﺖ ﺑﺎﺳﺖ ﻭﻗﺎﺭ ﺑﺨﺪﻫﺎ ... ﺷﻠﻮﻧﺞ ﺧﻴﺘﻲ ﻣﺮﺗﺎﺣﻪ ﻫﻨﺎ
ﺑﺎﻭﻋﺘﻠﻬﺎ ﺑﻨﻈﺮﺍﺕ ﻓﺎﺭﻏﻪ ﻫﻤﺴﺖ ... ﻃﺒﻌﺎ ﻻﺍﺍﺍ ﺭﻏﻢ ﻣﺤﺪ ﻣﻘﺼﺮ ﻭﻳﺎﻱ ﺑﺲ ﻫﺬﺍ ﻣﻮ ﻣﻜﺎﻧﻲ ﻣﺸﺘﺎﻗﻪ ﻻﺑﻮﻳﻪ ﻣﻮﻭﺕ ﻟﻴﺶ ﻟﻮ ﺍﺑﻮﻳﻪ ﻫﻨﺎ ﻳﻘﺒﻞ ﺍﺿﻞ ﻫﻠﻜﺪ ﻭﻣﺴﺎﻝ ﻋﻨﻲ ﻟﻴﺶ ﺍﻣﻲ ﻣﻜﻠﻔﺖ ﻧﻔﺴﻬﺎ ﻭﺳﺎﻟﺖ ﻋﻨﻲ
ﺭﺩﺕ ﺍﺷﻮﺍﻕ .. ﺍﻣﻲ ﺑﻴﺎ ﺿﻴﻢ ﺗﺮﺉ ﻭﺍﻟﻠﻪ ﺣﻴﺮﺗﻬﺎ ﺣﻴﺮﻩ ﻣﻨﺎ ﺍﺑﻦ ﺍﺧﺘﻬﺎ ﻛﺘﻞ ﺍﺑﻮﻱ ﻭﺍﺧﻮﻳﻪ ﻭﺑﻨﺖ ﺟﺎﺳﺮ ﻭﻣﻨﺎ ﻫﻞ ﻛﻠﺒﻪ ﺟﻮﻟﻴﻴﺖ ﺍﻧﻬﺰﻣﺖ ﻭﺟﺎﺳﺮ ﻣﺘﺨﺒﻞ ﻛﻞ ﺷﻮﻳﻪ ﻭﺗﻌﺎﺭﻙ ﻛﻮﻩ ﻻﺯﻣﻴﻨﻪ
ﻭﺍﻛﻴﺪ ﺗﺪﺭﻱ ﺑﻴﺞ ﻋﻨﺪ ﺑﻴﺖ ﻋﻤﻮ ﺍﺑﻮ ﺟﺎﺑﺮ ﺑﺎﻟﺤﻔﻆ ﻭﺍﻟﺼﻮﻥ ﻭﺩﻛﻮﻝ ﺧﻄﻴﻪ ﻫﻨﺎ ﺗﺘﻌﺐ ﻧﻔﺴﻴﺘﻬﺎ ﻻﻥ ﺑﻌﺪﻫﺎ ﺍﻟﺴﺎﻟﻔﺔ ﺣﺎﻣﻴﻪ
ﺩﺧﻞ ﺟﺎﺑﺮ ﻭﺑﻴﺪﻩ ﺟﻜﺎﺭﺗﻪ ﺻﺎﺡ ... ﺭﻳﻬﺎﺍﺍﺍﻡ ﻧﺮﻳﺪ ﻣﻲ
ﺷﺎﻑ ﺍﺷﻮﺍﻕ ﺿﺤﻚ ﻛﻠﻬﺎ ... ﻫﻼ ﺑﺸﻮﺷﻮ ﺍﺗﺰﻭﺟﺘﻲ،ﺑﻌﺪ ﻣﺎ ﺷﻔﻨﺎﺝ ﻭﺍﻟﻠﻪ ﻓﺪ ﺍﺷﺘﺎﻗﻠﺞ ﺍﺗﺬﻛﺮ ﻃﻔﻮﻟﺘﻲ ﻛﻠﻬﺎ ﻭﻳﺎﺝ
ﺍﺑﺘﺴﻤﺖ ... ﺍﻭﻭﻭﻑ ﺟﺎﺑﺮ ﺗﺬﻛﺮ ﻣﺮﻩ ﻣﻦ ﺟﻨﻪ ﻧﺪﺍﻭﻡ ﻣﺪﺭﺳﻪ ﻭﺻﺪﻳﻘﺘﻲ ﻛﺘﻠﺘﻨﻲ ﻭﺍﻧﺖ ﻭﺻﻼﺡ ﻛﺘﻠﺘﻮﻫﺎ ﻭﺗﺎﻟﻲ ﺭﺍﺣﺖ ﺟﺎﺑﺖ ﻭﻟﺪ ﻋﻤﻬﺎ ﻭﺻﺎﺭﺕ ﺑﺎﻟﻄﺎﺑﻮﻙ ﻛﻞ ﻣﺎ ﺍﺫﻛﺮ ﻫﺬﺍ ﺍﻟﻤﻮﻗﻒ ﺍﻣﻮﺕ ﺿﺤﻚ
ﺟﺎﻭﺑﻬﺎ ﺑﻘﻬﺮ .. ﺑﺎﻟﻠﻪ ﺯﻟﻢ ﺍﺣﻨﻪ ﺯﻟﻢ ﺻﺪﻙ ﺟﺬﺏ ﻋﺮﻛﻪ ﻣﺎﻝ ﺯﻋﺎﻃﻴﻂ ﻧﺪﺧﻞ ﻭﻧﻜﺘﻞ ﺍﻟﺒﻨﻴﻪ ﺭﺟﻮﻟﻪ ﻫﺎﻱ ﺑﺎﻟﻠﻪ
ﺭﻓﻌﺖ ﺍﻛﺘﺎﻓﻬﺎ ﺑﻌﺪﻡ ﻣﻌﺮﻓﻪ .. ﻭﺍﻟﻠﻪ ﻣﺪﺭﻱ ﻛﻮﻝ ﺍﻟﺮﻭﺣﻚ . ﺑﺲ ﻳﺎﻟﻠﻪ ﺟﻨﻪ ﺯﻋﺎﻃﻴﻂ
ﺿﺤﻚ ... ﺍﻱ ﻭﺍﻟﻠﻪ ﻣﺘﻨﺪﻡ ﻋﻠﺊ،ﻫﻞ ﻋﺮﻛﻪ ﻫﺴﻪ ﻛﻮﻥ ﺍﻟﻜﻪ ﺍﻟﺒﻨﻴﻪ ﻭﺍﺧﺬﻫﺎ ﻓﺼﻠﻴﺔ .. ﺑﻌﺮﺿﻲ ﺍﺩﻟﻠﻬﺎ ﺩﻻﻝ ﻭﺍﻛﻔﺮ ﻋﻦ ﺫﻧﺒﻲ ﻣﻦ ﻭﺭﺍﺝ .. ﺑﺲ ﺗﺮﺉ ﺟﺎﻧﺖ ﺣﻠﻮﻩ
ﺍﻧﻲ ﺍﺑﺘﺴﻤﺖ ... ﺣﺮﺍﻡ ﺟﺎﺑﺮ
ﺗﺎﻓﺌﻒ ﺑﻀﻴﻖ ... ﺍﻫﻮﻭﻭ ﺷﻨﻮ ﺯﻧﻴﺖ ﺭﺣﻤﻪ ﻝ ﺍﻟﻠﻪ
ﺗﻘﺮﺑﺖ ﻣﻨﻪ ﻭﻫﻲ ﺗﺮﺳﻢ ﻋﻠﺊ ﻣﺤﻴﺎﻫﺎ ﺍﺑﺘﺴﺎﻣﻪ ... ﻭﻻ ﻳﻬﻤﻚ ﺍﻥ ﺷﺎﺀ ﺍﻟﻠﻪ ﺍﺷﻮﻓﻠﻚ ﺍﻻﺣﺴﻦ ﻣﻨﻬﺎ ...
ﺳﺤﺐ ﺍﻟﻜﺮﺳﻲ ﻭﻛﻌﺪ ﻣﻘﺎﺑﻴﻞ ﻭﻗﺎﺭ ﺳﺤﺐ ﻧﻔﺲ ﻣﻦ ﺟﻜﺎﺭﺗﻪ ﻭﻧﻔﺨﻪ ﻛﺎﻝ ... ﻭﺍﻟﻠﻪ ﺍﺣﺐ ﻛﻌﺪﺕ ﺍﻟﻨﺴﻮﺍﻥ ﻳﻄﻠﻌﻦ ﺟﺪﻙ ﺍﻟﺴﺎﺩﺱ ﻋﺸﺮ ﻭﻳﺬﻛﺮﻥ ﺍﻟﺒﺎﺭﻭﺩ ﻣﺎﻝ ﺛﻮﺭﺓ ﺍﻟﻌﺸﺮﻳﻦ
ﺷﺎﻟﺖ ﻭﻗﺎﺭ ﺍﻟﻄﺎﺳﻪ ﺍﻟﻲ ﺑﻴﻬﺎ ﺍﻟﺨﻀﺮﻩ ﺑﻴﺪﻫﺎ ﺍﻟﺼﺎﺣﻴﻪ ﻭﻛﻔﺖ ﻣﺘﻮﺗﺮﺓ ﻣﻦ ﻛﻌﺪﺕ ﺟﺎﺑﺮ ﻣﻘﺎﺑﻴﻠﻬﺎ ..
ﻣﺎ ﺳﻴﻄﺮﺕ ﻋﻠﺊ ﺍﻳﺪﻫﺎ ﺍﺟﺖ ﺗﻮﻛﻊ ﻣﻨﻬﺎ ﺍﻟﻄﺎﺳﻪ ﻭﻛﻒ ﺟﺎﺑﺮ ﺑﺴﺮﻋﻪ ﺍﺧﺬﻫﺎ ﻣﻨﻬﺎ ﻭﺧﻼﻫﺎ ﻋﻠﺊ ﺍﻟﺴﻨﻚ ..
ﻫﻲ ﺿﻠﺖ ﻭﺍﻛﻔﻪ ﺑﺼﻤﺖ ﺣﺴﻴﺖ ﺑﻴﻬﺎ ﺭﺍﺡ ﺗﺒﺠﻲ ﺣﻴﻞ ﺣﺴﺎﺳﻪ ﻭﻫﺬﺍ ﺍﻟﻤﻮﺿﻮﻉ ﻛﻮﻭﻭﻟﺶ ﺗﺘﺤﺴﺲ ﻣﻨﻪ
ﻭﺣﻘﻬﺎ ﻻﻥ ﺟﺎﻧﺖ ﻛﺎﻣﻠﻪ ﻭﺍﻟﻜﻤﺎﻝ ﻟﻠﻪ ﻟﻜﻦ ﺑﺴﺒﺐ ﻓﻼﺡ ﻫﻲ ﺧﺴﺮﺕ ﺍﺻﺎﺑﻌﻬﺎ ... ﻫﻲ ﻗﺪﺭ ﺑﺲ ﺍﺣﻨﻪ ﻻﺯﻡ ﻧﺨﻠﻲ ﺳﺒﺐ
ﺍﺗﺬﻛﺮ ﻣﻦ ﺟﻨﻪ ﺻﻐﺎﺭ ﺏ 2007 ﺍﺟﻪ ﻓﻼﺡ ﻫﻮ ﺷﺎﻳﻞ ﻋﻼﻛﻪ ﺑﻴﻬﺎ ﻣﻜﻌﺒﺎﺕ ﻭ ﻟﻌﺒﺎﺕ ﻭﺑﻴﻬﺎ ﻣﺜﻞ ﺍﻟﻜﻄﻮﻑ ﻣﺎﻟﺖ ﺍﻟﺠﻜﺎﻳﺮ ...
ﻛﺎﻝ ... ﻫﺬﺍ ﻭﺍﺣﺪ ﺷﻤﺮﻫﻦ ﻭﺍﻟﻌﺎﻟﻢ ﺿﻠﺖ ﺗﺎﺧﺬ ﺑﻴﻬﻦ ﺍﻟﻌﺎﺏ ﻣﺎﻝ ﺍﻣﺮﻳﻜﺎﻥ ﺟﺎﻥ ﺑﻴﻬﺎ ﺍﻻﻣﺮﻳﻜﺎﻥ ﻣﺤﺘﻠﻴﻦ ﺍﻟﻌﺮﺍﻕ ...
ﺷﺎﻓﻬﻦ ﺟﺎﺳﺮ ﻛﻠﻪ ﻫﺎﻱ ﻟﻌﺒﺎﺕ ﻣﻜﻌﺒﺎﺕ ﺗﺘﺴﻔﻂ ﻭﺗﺼﻴﺮ ﻓﺪ ﺷﻜﻞ ﻫﻨﺪﺳﻲ
ﻭﺑﻌﺪﻫﺎ ﺍﺧﺬ ﻫﺬﺍ ﺍﻟﻲ ﻳﺼﻴﺮ ﻣﺜﻞ ﺍﻟﻜﻄﻒ ﻣﺎﻟﺔ ﺍﻟﺠﻜﺎﺭﻩ ﻛﺎﻝ ... ﻫﺬﺍ ﺻﺎﻋﻖ ﻳﺘﺨﻠﻪ ﺑﺎﻟﻘﻨﺒﻠﺔ ﻭﺗﻨﻔﺠﺮ
ﻓﻼﺡ ﺻﺎﺡ ﻋﻠﺊ ﻧﻮﺍﻝ ﻛﻠﻬﺎ ... ﻧﻮﺍﻝ ﺗﻌﺎﻟﻲ ﺍﺷﻤﺮﻱ ﺑﺎﻟﺰﺑﺎﻟﻪ
ﺍﺧﺬﺗﻬﻦ ﻧﻮﺍﻝ ﻭﺭﺍﺣﺖ ﺑﻨﺎﺗﻬﺎ ﺟﺎﻧﻦ ﺻﻐﺎﺭ ﻳﺰﺣﻔﻦ ﻭﻭﺣﺪﻩ ﺗﻤﺸﻲ ﺿﻠﺖ ﺗﺼﺮﺥ ﺗﺮﻳﺪﻫﻦ ﺧﻠﺘﻬﻦ ﻳﻤﻬﻦ ﻳﻠﻌﺒﻦ ﺑﻴﻬﺎ ..
ﺍﺟﺖ ﻭﻗﺎﺭ ﺗﻠﻌﺐ ﻭﻳﺎﻫﻦ ﻭﺍﺧﺬ ﻣﺴﻤﺎﺭ ﻭﺿﻠﺖ ﺗﻔﺘﺢ ﺑﺎﻟﻬﺬﺍ ﺍﻟﻲ ﻳﺸﺒﻪ ﺍﻟﻜﻄﻒ ...
ﻣﺎ ﺍﺳﻤﻌﻨﻪ ﺍﻟﻪ ﺩﻭﻭﻭﻳﻪ ﻗﻮﻭﻳﻪ ﺷﻔﺖ ﻭﻗﺎﺭ ﺍﺻﺎﺑﻊ ﺍﻳﺪﻫﺎ ﺗﻜﻄﻤﺖ ﻭﺍﻟﻠﺤﻢ ﻟﺰﻙ ﺑﺎﻟﺤﺎﻳﻂ
ﺿﻠﻴﻨﻪ ﻧﺼﺮﺭﺥ ﺑﺼﻮﻭﺕ ﻭﻫﻲ ﻓﻘﺪﺕ ﺍﻟﻮﻋﻲ ﻭﻭﻛﻌﺖ ﻭﺍﻟﺪﻡ ﻟﻄﺦ ﻣﻼﺑﺴﻬﺎ
ﺍﺟﻮ ﺍﺧﻮﺍﻧﻬﺎ ﻭﺍﺑﻮﻫﺎ ﻳﺮﻛﻀﻮﻥ ﺗﺨﺒﻠﻮ ﻋﻠﻴﻬﺎ ﻭﻋﻤﻲ ﺿﻞ ﻳﺪﻙ ﻋﻠﺊ ﺭﺍﺳﻪ ﺍﺗﺬﻛﺮﻩ ﻟﻬﺴﻪ . ﺑﻮﻭﻭﻳﻪ ﻭﻗﺎﺭ ﺑﻮﻳﻪ ﻋﺰﻳﺰﺗﻲ ﻣﺎﺗﺖ ...
ﺍﺧﺬﻭﻫﺎ ﻟﻠﻤﺴﺘﺸﻔﻰ ﻟﻜﻦ ﻟﻼﺳﻒ ﻫﻲ ﻓﻘﺪﺕ ﺟﻤﻴﻊ ﺍﺻﺎﺑﻌﻬﺎ ﻣﺎ ﻋﺪﺍ ﺍﻟﺨﻨﺼﺮ ..
ﻭﻣﻦ ﺫﺍﻙ ﺍﻟﻴﻮﻡ ﻭﻭﻗﺎﺭ ﺍﻧﻄﻮﺕ ﻋﻠﺊ ﻧﻔﺴﻬﺎ ﻭﺗﻌﺒﺖ ﺣﺎﻟﺘﻬﺎ ﻭﺑﻄﻠﺖ ﻣﻦ ﻣﺪﺭﺳﺘﻬﺎ
ﺣﺲ ﺑﻴﻬﺎ ﺟﺎﺑﺮ ﺗﺤﺴﺴﺖ ﺿﻞ ﺷﻮﻳﻪ ﻳﻀﺤﻚ ﻭﻳﺸﺎﻗﻪ ﻣﺎ ﺣﺐ ﻳﺤﺴﺴﻬﺎ ﺑﻌﺠﺰﻫﺎ ﻭﺑﻌﺪﻫﺎ ﻃﻠﻊ ﻣﻦ ﺍﻟﻤﻄﺒﺦ ﻭﺍﺣﻨﻪ ﺿﻠﻴﻨﻪ ﻧﺤﻈﺮ ...
ﻛﻤﻠﻨﻪ ﺍﻻﻛﻞ ﻭﺭﺣﻨﻪ ﺻﺒﻴﻨﻪ ﺧﻄﻴﻪ ﺟﺎﺑﺮ ﻭﺟﻌﻔﺮ ﻣﺎ ﻗﺼﺮﻭﺍ ﻫﻢ ﺳﻔﻄﻮﺍ ﺍﻻﻛﻞ ﺑﺎﻟﺴﻔﺮﻩ ...
ﻛﻌﺪﻧﻪ ﻛﻠﻨﻪ ﺑﺎﻟﺴﻔﺮﻩ ... ﻭﺍﻧﻲ ﻛﻌﺪﺕ ﺑﺼﻒ ﺟﺎﺑﺮ ﻭﺍﺑﻮﻳﻪ ﻫﻮ ﻭﺻﻼﺡ ﺟﺎﻧﻮﺍ ﻣﻘﺎﺑﻴﻠﻲ ...
ﺍﺑﻮﻳﻪ ﺭﻓﻊ ﺍﻳﺪﻩ ﻭﻗﺮﻩ ﺍﻟﻔﺎﺗﺤﻪ ﻋﻠﺊ ﺍﻟﺜﻮﺍﺏ ﻭﻫﺪﺍﻩ ﻟﻮﺟﻬﻪ ﺍﻟﻠﻪ ﺗﻌﺎﻟﻲ ﻭﺑﻌﺪﻫﺎ ﻫﺪﺍﻩ ﻟﻼﻣﻮﺍﺕ ...
ﺿﻠﻴﻨﻪ ﻧﺎﻛﻞ ﻭﺍﻧﻲ ﺑﻴﻪ ﻃﺒﻴﻌﺔ ﻣﻦ ﺍﻛﻞ ﺍﺫﺍ ﻭﻛﻌﺖ ﺗﻤﻨﺎﻳﻪ ﺍﺭﻓﻌﻬﺎ ﻭﺍﺑﻮﺳﻬﺎ ﻭﺑﻮﺟﻮﺩ ﻭﻟﺪ ﻋﻤﻲ ﻭﺧﺠﻠﻲ ﻣﻨﻬﻢ ﻛﻞ ﺷﻮﻳﻪ ﻭﻭﻛﻊ ﺍﻟﺘﻤﻦ ﻭﺍﻧﻲ ﺍﺧﺬﻫﺎ ﻭﺍﺑﻮﺳﻬﺎ ...
ﺍﻧﻲ ﻋﺒﺎﻟﻚ ﺑﻐﻴﺮ ﻋﺎﻟﻢ ﺑﺲ ﺍﻧﻲ ﻭﺭﺑﻲ ﻭﺍﻟﺘﻤﻦ ﻭﺍﻟﺤﺮﺍﻡ ﺍﻟﻜﻞ ﻣﺎ ﻣﻮﺟﻮﺩ
ﻓﺰﻳﺖ ﻋﻠﺊ ﺻﺮﺧﻪ ﻣﻦ ﺟﺎﺑﺮ ﻭﻫﻮ ﻳﻜﻮﻝ ... ﻫﻴﻴﻲ ﺷﻨﻮ ﺗﺮﺉ ﺗﻌﺒﺖ ﻣﻨﺞ ﺻﺎﺭﺕ ﺑﻴﻪ ﺣﺎﻟﻪ ﻧﻔﺴﻴﺔ ﺗﺎﻛﻠﻴﻦ ﻭﺗﺒﻮﺳﻴﻦ ﺑﺎﻟﺘﻤﻦ ﻫﺬﺍ ﻣﻮ ﺩﻳﻦ ﻫﺬﺍ ﻫﻮﻭﺱ ..
ﺑﺎﻭﻋﺖ ﻟﻠﻜﻞ ﺑﺼﺪﻣﻪ ﻭﺧﺠﻞ ﺻﺎﺭﺕ ﻋﻴﻨﻲ ﺑﻌﻴﻦ ﺻﻼﺡ ﺑﻠﻌﺖ ﺭﻳﻜﻲ ﺑﻔﺸﻠﻪ
ﻭﺍﺑﻮﻳﻪ ﺗﻌﺼﺐ ﻭﻫﻮ ﻳﻨﻬﺮ ﺟﺎﺑﺮ ﺑﻐﻀﺐ .. ﺷﺒﻴﻴﻚ ﻟﻚ ﺍﺣﺘﺮﻡ ﻧﻔﺴﻚ ﺭﻳﻬﺎﻡ ﺩﺍﻣﻨﻲ ﺍﺷﻢ ﺍﻟﻬﻮﻩ ﻣﺎ ﺗﺘﺪﺧﻞ ﺑﻴﻬﺎ ﻭﻻ ﺗﺼﻴﺢ ﻋﻠﻴﻬﺎ
ﺟﺮ ﻧﻔﺲ ﺑﺘﻮﺗﺮ ... ﻳﺎﺑﻪ ﻣﻮ ﻗﺼﺪﻱ،ﺑﺲ ﻭﺍﻟﻠﻪ ﻭﺗﺮﺗﻨﻲ ﻣﺎ ﺷﺎﻓﺘﻬﺎ ﺗﺎﻛﻞ ﻭﺗﺒﻮﺱ ﺑﺎﻟﺘﻤﻦ ﻭﺗﺴﺘﻐﻔﺮ
ﺧﺰﺭﺓ ﺑﺤﺪﻩ ﻛﺎﻝ .... ﺍﺷﺸﺶ ﺧﻠﻴﻨﻲ ﻣﺤﺘﺮﻣﻚ ﻭﺍﺳﻜﺖ ﻭﺍﺣﺴﺎﺑﻚ ﺑﻌﺪﻳﻴﻦ ..
ﺭﻣﺸﺖ ﺑﻌﻴﻮﻧﻲ ﺑﻔﺸﻠﻪ ﻭﺧﺠﻞ ﻭﻛﻔﺖ ﺑﻬﺪﻭﺀ ... ﻳﺎﻟﻠﻪ ﺑﺎﻟﻌﺎﻓﻴﺔ ﻋﻠﻴﻜﻢ ﻭﺍﻥ ﺷﺎﺀ ﺍﻟﻠﻪ ﺛﻮﺍﺏ ﻭﺍﺻﻞ ﺍﻧﻲ ﺭﺍﻳﺤﻪ ﺍﺳﻮﻱ ﺟﺎﻱ
ﺍﺑﻮﻱ ﺍﺷﺮﻟﻲ ﺑﻌﻴﻮﻧﻪ ... ﺍﻛﻌﺪﻱ ﺑﻮﻭﻳﻪ ﺍﻛﻌﺪﻱ ﺍﻣﺞ ﻫﻲ ﺗﺴﻮﻱ ﺟﺎﻱ
ﻣﺴﺘﺤﻴﻞ ﺍﻛﺴﺮ ﻛﻠﻤﺔ ﺍﺑﻮﻳﻪ ﺭﻏﻢ ﻣﺠﺮﻭﺣﻪ ﺑﺲ ﺭﺿﺎ ﺍﻟﻠﻪ ﻣﻦ ﺭﺿﺎ ﺍﻟﻮﺍﻟﺪﻳﻦ ﺍﻣﺘﺜﻠﺖ ﻟﻼﻣﺮ ﺍﻟﻮﺍﻗﻊ ﻭﻛﻌﺪﺕ ..
ﺍﺑﻮﻳﻪ ﺿﺤﻚ ﺑﻔﺸﻠﻪ ﻣﻦ ﻣﻮﻗﻔﻨﺎ ﺍﻧﻲ ﻭﺟﺎﺑﺮ ﻛﺎﻝ .. ﻋﻨﺪﻱ ﺭﻫﻮﻣﻪ ﺍﻟﻠﻪ ﻳﺤﻔﻈﻬﺎ ﻣﺘﻌﻤﻘﻪ ﺑﺎﻟﺪﻳﻦ ﻛﻠﺶ
ﺻﻼﺡ ﺟﺎﻭﺑﻪ ﻭﻫﻮ ﻋﻴﻨﻪ ﺑﺎﻟﻤﺎﻋﻮﻥ ﻳﻘﻠﺐ ﺑﺎﻟﺨﺎﺷﻮﮔﻪ ﺑﻼ ﻣﺒﺎﻻﺓ ﻛﺎﻝ .. ﺍﻟﺪﻳﻦ ﺳﻤﺢ ﻭﺍﻟﺪﻳﻦ ﺩﻳﻦ ﺍﻟﻤﻌﺎﻣﻠﺔ ﻫﺬﺍ ﻫﻮﻭﺱ
ﺿﺠﺖ ﺣﻴﻴﻞ ﺣﺒﻴﺖ ﺍﺩﺍﻓﻊ ﻋﻦ ﻧﻔﺴﻲ ﺭﻏﻢ ﺩﺍﺋﻤﺎ ﺍﻓﻀﻞ ﺍﻟﺴﻜﻮﺕ ﻫﻤﺴﺖ ... ﺍﻧﻲ ﺍﺗﻌﻠﻤﺖ ﻣﻦ ﺗﻮﻛﻊ ﺍﻟﻨﻌﻤﻪ ﺍﺑﻮﺳﻬﺎ ﺣﺘﺊ ﺭﺑﻲ ﻳﺪﻭﻣﻬﺎ ﻋﻠﻴﻨﻪ ﺍﻟﺘﻤﻦ ﻭﻛﻊ ﻣﻨﻲ ﻭﺭﺟﻌﺖ ﺑﺴﺘﻪ
ﺑﺎﻭﻋﻠﻲ ﻭﺍﺑﺘﺴﻢ ﺑﺒﺘﺴﺎﻣﻪ ﺑﺎﺭﺩﻩ .... ﺍﻱ ﻣﺎ ﺑﻴﻬﺎ ﺷﺊ ﺍﻟﻠﻪ ﻳﺪﻳﻤﻬﺎ ﺑﺲ ﺍﻟﺪﻳﻦ ﻳﺴﺮ ﻣﻴﺼﻴﺮ ﺗﻔﺮﺿﻴﻦ ﺗﻌﻘﻴﺪﺍﺕ ﻋﻠﺊ ﺣﻴﺎﺗﺞ ﺑﺴﺒﺐ ﺍﻟﻬﻮﺱ ﺑﺎﻟﺪﻳﻦ ﻳﺴﺮﻱ ﺍﻣﻮﺭﺝ ﻭﻻ ﺗﻌﻘﺪﻳﻬﺎ ﺣﺮﺍﻡ ﺍﻟﻐﻠﻮ ﺑﺎﻟﺪﻳﻦ
ﻧﺰﻟﺖ ﻋﻴﻮﻧﻲ ﺑﻬﺪﻭﺀ ... ﺍﻧﻲ ﻣﺎ ﺍﺑﺎﻟﻎ ﻣﺠﺮﺩ ﺍﺣﻜﺎﻡ ﻭﺷﺮﻭﻁ ﺩﺍ ﺍﻃﺒﻘﻬﻦ .. ﻏﺾ ﺍﻟﺒﺼﺮ .. ﺍﺣﺘﺮﺍﻡ ﺍﻟﻮﺍﻟﺪﻳﻦ .. ﺍﺣﺘﺮﺍﻡ ﺍﻟﻨﻌﻤﺔ ... ﺗﻄﺒﻴﻖ ﺍﺻﻮﻝ ﺍﻟﺪﻳﻦ ﻭﻓﺮﻭﻋﻪ ﺷﻨﻮ ﺍﻟﻲ ﺩﺍ ﺍﺑﺎﻟﻎ ﺑﻲ
ﺭﺩ ﺑﺤﻨﺎﻥ ... ﻣﻴﺨﺎﻟﻒ ﺑﺲ ﺣﺎﻭﻟﻲ ﺗﺴﻬﻠﻴﻦ ﺍﻣﻮﺭﺝ
ﻫﻤﺴﺖ ... ﺍﻥ ﺷﺎﺀ ﺍﻟﻠﻪ
ﺧﻠﻴﺖ ﻭﻃﻠﻌﺖ ﻣﻦ ﺍﻻﺳﺘﻘﺒﺎﻝ ... ﺿﺠﺖ ﺣﻴﻴﻞ ﻣﻦ ﺟﺎﺑﺮ ..
ﺷﻮﻳﻪ ﻭﺣﺴﻴﺖ ﺑﺸﺨﺺ ﺣﻀﻨﻲ ﺑﺎﻭﻋﺖ ﺑﺨﻮﻑ ﺷﻔﺘﻪ ﺟﺎﺑﺮ ﺗﻨﻬﺪﺕ ﺑﻬﺪﻭﺀ ...
ﻛﺎﻝ ... ﺍﻋﺘﺬﺭ ﻳﻜﻠﺒﻲ ﻭﺍﻟﻠﻪ ﻣﻮ ﻗﺼﺪﻱ ﺑﺲ ﺍﻧﻲ ﻣﻨﺎ ﻣﺘﻮﺗﺮ ﻭﺍﻧﺘﻲ ﻭﺗﺮﺗﻴﻨﻲ
ﺍﺑﺘﺴﻤﺖ ﺑﺤﺰﻥ ... ﺑﺲ ﻓﺸﻠﺘﻨﻲ ﻳﺎ ﺟﺎﺑﺮ ﻳﺎﻟﻠﻪ ﻭﻻ ﻳﻬﻤﻚ ﻋﺎﺩﻱ ﻣﺘﻘﺒﻠﻪ ﻛﻼﻣﻚ ﺍﻧﺖ ﺍﺧﻮﻭﻳﻪ ﻭﺗﻤﻮﻥ
ﻛﺮﺹ ﺧﺪﻱ ﺑﺤﺐ ... ﻭﺍﻟﻠﻪ ﻓﺪﻳﺘﺞ ﺍﺻﻼ ﻫﻨﻴﺎﻟﻨﻪ ﻋﻠﻴﺞ ﺍﺧﻼﻕ ﻭﺍﺩﺏ ﻭﺩﻳﺎﻧﻪ ﻣﺤﻈﻮﻇﻴﻦ ﺑﻴﺞ ﻭﺍﻟﻠﻪ
ﺑﺴﺘﻪ ﺑﺨﺪﻩ .. ﻭﺍﻧﻲ ﻣﺤﻈﻮﻇﻪ ﺑﻴﻚ ﺑﺲ ﻣﺮﻩ ﺛﺎﻧﻴﻪ ﺍﺣﺘﺮﻣﻨﻲ
ﺍﺷﺮ ﻋﻠﻰ ﻋﻴﻮﻧﻪ ﻛﺎﻝ ... ﺑﻌﻴﻮﻧﻲ ﺍﻭﺍﻣﺮ ﺛﺎﻧﻴﻪ ﺳﺖ ﺭﻫﻮﻭﻣﻪ
ﺿﺤﻜﺖ ... ﻻ ﺣﺒﻴﺒﻲ ﻣﺎ ﻳﺄﻣﺮ ﻋﻠﻴﻚ ﻇﺎﻟﻢ .
ﺷﻮﻳﻪ ﻭﺍﻧﺪﻙ ﺍﻟﺒﺎﺏ ...
ﺭﺍﺡ ﺟﺎﺑﺮ ﻓﺘﺤﻪ ﻃﻠﻊ ﺟﺎﺳﺮ ...
ﺍﻧﻲ ﻏﺴﻠﺖ ﺍﻟﻤﻮﺍﻋﻴﻦ ﺍﻧﻲ ﻭﺍﻟﺒﻨﺎﺕ ﻭﺑﻌﺪﻫﺎ ﺭﺍﺣﺖ ﺍﺧﺬﺕ ﺍﻻﻛﻞ ﺍﻟﺰﺍﻳﺪ ﻟﻠﺪﺟﺎﺡ ...
ﺷﻔﺖ ﺟﻌﻔﺮ ﻭﺻﻼﺡ ﻭﺍﻛﻔﻴﻦ ﺩﻳﻐﺴﻠﻮﻥ ﺑﺎﻟﻄﺎﺭﻣﻪ
ﺳﻤﻌﺖ ﺟﻌﻔﺮ ﻳﻜﻮﻝ ﺍﻟﺼﻼﺡ ... ﺗﺮﺉ ﺣﻠﻮﻩ ﺭﻳﻬﺎﻡ ﺻﺢ ﺍﺑﻮﻱ ﺧﻄﺒﻬﺎ ﺍﻟﻴﻪ ﺑﺲ ﺍﺣﺴﻬﺎ ﻣﺎ ﺗﺮﻫﻤﻠﻲ ﻫﻬﻬﻬﻪ
ﺟﺎﻭﺑﻪ ﺑﺎﺳﺘﻐﺮﺍﺏ ﻭﻫﺪﻭﺀ ... ﻟﻴﺶ ... ﻭﻟﻮ ﻟﻴﺶ ﺃﺳﺄﻝ ﻧﻔﺴﻲ ﺍﻧﺖ ﻭﺍﺣﺪ ﻓﺎﺳﻖ ﻓﺎﺟﺮ ﺳﻜﻴﺮ ﺣﺮﺍﻣﺎﺕ ﺑﻴﻚ ﺭﻳﻬﺎﻡ ...
ﺭﺩ ﺑﺼﺪﻕ ... ﺍﻱ ﻭﺍﻟﻠﻪ ﺣﺮﺍﻣﺎﺕ ﺑﻴﻪ ... ﺑﺲ ﺗﺼﺪﻙ ﺍﺣﺴﻬﺎ ﻣﻦ ﺟﻤﺎﻋﺔ ﺍﻟﺰﺭﻗﺎﻭﻱ ﻫﻬﻬﻬﻪ ﻟﻚ ﺑﺲ ﺗﺤﺠﻲ ﺑﺎﻟﺪﻳﻦ
ﺿﺤﻚ ﺻﻼﺡ ﺑﺎﺳﺘﻬﺰﺍﺀ ﻭﻛﻤﻞ ﻏﺴﻞ
ﻛﺎﻝ ﺟﻌﻔﺮ ... ﺑﺲ ﺣﻠﻮﻭ ﻣﺎ ﻋﻨﺪﻫﺎ ﺫﻧﻮﺏ ﻭﺍﺫﺍ ﻋﻨﺪﻫﺎ ﺫﻧﻮﺏ ﺗﻠﻜﺎﻫﻦ ﻗﻠﻴﻼﺕ ﺗﺎﺧﺬﻫﻦ ﺑﻌﻼﮔﺔ ﻭﺗﺮﻭﺡ ﻋﺎﺩ ﻣﻮ ﻣﺜﻠﻲ ﻳﻨﺮﺍﺩﻟﻲ ﻟﻮﺭﻱ ﺍﺣﻤﻞ ﺑﻴﻬﺎ ﺫﻧﻮﺑﻲ ﻫﻬﻪ
ﺭﺟﻊ ﻛﻤﻞ ﺑﺘﻨﻬﻴﺪﻩ ... ﺑﺲ ﺗﺮﺉ ﺍﻧﻲ ﻣﺎ ﺷﺎﺭﺏ ﻫﻮﻭﺍﻱ ﺑﺎﻻﺳﺒﻮﻉ ﻣﺮﺗﻴﻦ ﻭﻫﺴﻪ ﻣﻦ ﻣﺎﺕ ﺍﺑﻮﻳﻪ ﻟﺤﺪ ﺍﻻﻥ ﻭﺍﻧﻲ ﻣﺸﺮﺑﺖ ...
ﺻﻼﺡ ﺿﺮﺑﻪ ﻋﻠﺊ ﺻﺪﺭﻩ ﺑﻘﻬﺮ ... ﻟﻚ ﺍﻧﺖ ﺷﺎﺭﺏ ﺧﻤﺮ ﺍﻛﺜﺮ ﻣﻦ ﺳﻴﺌﺎﺕ ﺑﻨﻲ ﺍﺩﻡ ...
ﻭﺑﻌﺪﻳﻦ ﺍﻧﺖ ﺗﺬﻛﺮ ﺷﻜﺪ ﻗﻬﺮﺕ ﺍﺑﻮﻭﻱ ﺷﻜﺪ ﺣﺰﻥ ﻣﻦ ﻭﺭﺍﻙ ﻳﻌﻨﻲ ﺍﻧﺖ ﺍﺑﺪ ﻣﺎ ﺗﻮﻭﺏ
ﺟﺮ ﻧﻔﺲ ﺑﺤﺰﻥ ﻋﻤﻴﻴﻖ ... ﻣﺘﺤﺴﻒ ﻗﻬﺮﺕ ﺍﺑﻮﻱ ﻭﺍﻟﻠﻪ ﺷﻜﺪ ﻧﺪﻣﺎﻥ ﻭﻣﻘﻬﻮﺭ ﻭﺍﻟﻠﻪ ﺭﻏﻢ ﺟﺎﻥ ﻗﺎﺳﻲ ﻭﻳﺎﻱ ﺑﺲ ﺟﻤﺮﺓ ﻧﺎﺍﺍﺭ ﺗﺴﻌﺮ ﺑﺼﺪﺭﻱ
ﺍﺑﻮﻭﻭﻱ ﺗﺎﺝ ﺭﺍﺳﻲ ﺭﺍﺡ ﺑﻴﻦ ﻳﻮﻡ ﻭﻟﻴﻠﺔ ﻭﺍﻟﻠﻪ ﺍﺫﺍ ﻣﺎ ﺟﺎﺳﺮ ﺍﺧﺬ ﺛﺎﺭﺓ ﺍﻧﻲ ﺍﺧﺬﻩ ﺣﺘﺊ ﻟﻮ ﺩﻛﻮﻟﻮﻥ ﺳﻜﻴﺮ ﺧﻠﻮﻧﻲ ﺳﻜﻴﺮ ﻭﻋﺮﺑﻴﺪ ﺍﻛﺘﻞ ﻭﺍﺷﺮﺏ ﻭﺍﺩﺧﻞ ﺳﺠﻦ
ﻫﻮ ﺍﻧﻲ ﻣﺸﻮﻫﻪ ﺳﻤﻌﺘﻜﻢ ﻣﺸﻮﻫﻪ
ﻫﺰ ﺍﻳﺪﻩ ﺻﻼﺡ ﻭﺩﺍﺭ ﻭﺟﻬﻪ ﺩﻳﺪﺧﻞ ﺍﻧﻲ ﺑﺴﺮﻋﻪ ﺻﺮﺕ ﻭﺭﺓ ﺍﻟﺒﺎﺏ ﻣﺮﺩﺕ ﻳﺸﻮﻓﻨﻲ
ﺭﺣﺖ ﻟﻜﻦ ﺍﻟﺪﺟﺎﺝ ﺩﺍ ﺍﻭﻛﻞ ﺑﺎﻟﺪﺟﺎﺝ ﻛﻮﻟﺶ،ﺍﺣﺐ ﺍﺩﺍﺭﻳﻬﻦ
ﻫﻤﺴﺖ ﺳﻜﻴﻴﻴﺮ ... ﻟﻌﺪ ﺻﻜﺪ ﺗﺎﻓﻬﻪ ..
ﺭﺟﻌﺖ ﺍﺣﺎﺳﺐ ﻧﻔﺴﻲ ... ﺍﻟﻠﻬﻢ ﺍﻏﻔﺮ ﻟﻲ ﺯﻻﺕ ﻟﺴﺎﻧﻲ
.
...........................
ﺟﺎﺑﺮ ...
ﺩﺧﻞ ﺟﺎﺳﺮ ﺍﻟﺒﻴﺘﻨﺎ ...
ﻛﻌﺪ ﻋﻠﺊ ﺍﻟﻘﻨﻔﻪ ﻭﻫﻮ ﻣﻬﻤﻮﻡ ﻭﻣﺘﻀﺎﻳﻖ ...
ﻫﻤﺴﺖ ﺑﻬﺪﻭﺀ .. ﺷﺒﻴﻴﻚ؟
ﺿﺤﻚ ﺑﺎﺳﺘﻬﺰﺍﺀ ... ﺷﺒﻴﺔ؟ ﻋﺠﻴﺐ ﻭﺍﻟﻠﻪ .. ﺳﻼﻣﺘﻚ ﻣﺎ ﺑﻴﻪ ﺷﺊ
ﺟﺮﻳﺖ ﻧﻔﺲ ... ﻭﺍﻟﻠﻪ ﺣﻘﻚ ﻣﺤﺪ ﻳﺘﺤﻤﻞ ...
ﺍﺟﻪ ﺍﺑﻮﻱ ﻛﻌﺪ ﺑﺼﻒ ﺟﺎﺳﺮ ﻭﻃﺒﻄﺐ ﻋﻠﺊ ﻛﺘﻔﻪ ... ﺍﻟﻠﻪ ﻳﻌﻴﻨﻚ ﻋﻤﻲ ﺍﺧﻠﻲ ﺍﻟﺒﻨﺎﺕ ﻳﺼﺒﻠﻚ ﻋﺸﺎ
ﺟﺎﻭﺏ ﺑﻤﺮﺍﺭﺓ ... ﻻ ﻣﺎ ﺍﺭﻳﺪ ﻃﻠﻌﺖ ﺭﻭﺣﻲ ﻣﻦ ﺍﻟﺸﺎﺭﻉ ﻭﺍﻟﺒﻴﺖ ... ﻧﻮﺍﻝ ﺍﺑﺒﺪ ﻣﺎ ﻣﺘﺤﻤﻠﻬﺎ
ﺍﺑﻮﻱ ﻛﺎﻝ ... ﻟﻴﺶ ﺷﺒﻴﻬﺎ
ﺟﺮ ﻧﻔﺲ ... ﻻﺯﻣﻪ ﻋﺪﻩ ﻏﻴﺮ ﺗﺴﺘﻘﺮ ﻛﻞ ﺷﻮﻳﻪ ﻭﺩﺧﻠﺖ ﻋﻠﻴﻪ ﺍﻟﻐﺮﻓﺘﻲ ﻭﺗﺤﺠﻲ ﻋﻦ ﺟﺰﻟﻴﻴﺖ ﻭﺗﺤﺠﻲ ﻋﻦ ﺍﻫﻠﻬﺎ ﻳﺎﺑﻪ ﺍﻛﻠﻬﺎ ﻣﻴﺼﻴﺮ ﺍﻧﺘﻲ ﻣﺮﻩ ﺣﺎﻣﻞ ﻭﺑﺎﻟﻌﺪﻩ ﺣﺘﺊ ﺻﻮﺗﺞ ﺣﺮﻣﻪ
ﻭﻫﻲ ﻳﻄﺐ ﻣﻨﺎ ﻭﻳﻄﻠﻊ ﻣﻨﺎ ﻻ ﻓﻬﻢ ﻭﻻ ﻋﻠﻢ ...
ﺍﺑﻮﻱ ﺟﺎﻥ ﻳﺴﺒﺢ ﺑﺴﺒﺤﺘﻪ ﺗﻨﻬﺪ ﺑﻀﻴﻖ .. ﺍﻥ ﺷﺎﺀ ﺍﻟﻠﻪ ﺗﻮﻟﺪ ﺑﺎﻟﺴﻼﻣﻪ ﻭﻧﺸﻮﻑ ﺍﻟﻬﺎ ﺣﻞ
ﺭﺩ ﺑﻬﺪﻭﺀ ... ﺍﻥ ﺷﺎﺀ ﺍﻟﻠﻪ
ﺍﺑﻮﻱ ﺗﻨﻬﺪ ... ﻋﻤﻲ ﻻ ﺗﻌﺐ ﻧﻔﺴﻚ ﺍﻛﺜﺮ ﻣﻦ ﻃﺎﻗﺘﻚ ﻭﺍﻧﺖ ﺷﻨﻮ ﻣﺎ ﺳﻤﻌﺖ ﺧﺒﺮ ﻣﻦ ﺑﻴﺖ ﻋﻤﻬﻢ ﻋﻦ ﻋﺎﺻﻢ ﻋﻦ ﻣﺮﺗﻚ
ﺭﺩ ﺑﻐﻀﺐ ... ﻻ ﺗﺬﻛﺮﻧﻲ ﺑﺬﻳﺞ ﺍﻟﺤﻴﻮﺍﻧﻪ ﺍﻛﺮﻫﻪ ﻛﺮﻩ ﺍﻟﻌﻤﺊ ﺑﺲ ﺧﻠﻲ ﺍﻟﻜﺎﻫﺎ ﺑﺲ ﺧﻠﻲ ﺍﺷﻮﻭﻑ ﻭﻳﻨﻬﺎ ﻭﺍﻟﻠﻪ ﻻﻣﺴﺢ ﺑﻴﻬﺎ ﺍﻟﻌﺮﺭﺍﻕ
ﻣﺎ ﺷﻔﺖ ﻫﻴﺞ ﻭﺣﺪﻩ ﺻﻠﻔﻪ ﻭﺣﻘﻴﺮﺓ ﻭﻭﻛﺤﻪ ﺍﻧﻬﺰﻣﺖ ﻭﻃﻠﻌﺖ ... ﺑﺲ ﺍﻟﻲ ﻋﺮﻓﺘﻪ ﻣﻦ ﺑﻴﺖ ﻋﻤﻬﺎ ﻫﻲ ﻣﻮ ﻭﻳﻪ ﺍﻫﻠﻬﺎ ...
ﻭﺍﻛﻴﺪ ﻭﺍﺣﺪ ﻗﺮﻳﺐ ﻣﻨﻲ ﺳﺎﻋﺪﻫﺎ ﻻﻥ ﻻ ﺍﻟﻌﻘﻞ ﻳﻘﺒﻠﻬﺎ ﻭﻻ ﺍﻟﻤﻨﻄﻖ ﻭﻳﻦ ﺭﺍﺣﺖ ﻣﺜﻼ
ﺍﺗﺼﻞ ﻣﻮﺑﺎﻳﻠﻲ،ﺷﻔﺘﻬﺎ ﺟﻮﻟﻴﻴﺖ ﻃﻠﻌﺖ ﺑﺮﻩ ...
ﻓﺘﺤﺖ ﺧﻂ ﻛﻠﺖ ... ﻫﺎﺍﺍ ﺟﻮﻟﻴﻴﺖ ﺷﻜﻮ ...
ﺟﺎﻭﺑﺘﻨﻲ ﺑﺤﺴﺮﻩ ... ﺗﻌﺒﺖ ﺟﺎﺑﺮ ﻓﺪﻭﻩ ﺟﺴﻠﻲ ﻧﺒﺾ ﺟﺎﺳﺮ ﻳﺎ ﺍﻣﺎ ﺍﺭﺟﻊ ﺍﻟﻪ ﻳﺎ ﺍﻣﺎ ﻳﺮﺟﻌﻨﻲ ﻻﻣﻲ
ﻣﺎ ﺍﻛﺪﺭ ﺍﺿﻞ ﻫﻨﺎ ﻣﺎ ﺍﺣﺲ ﺑﺎﻻﻣﺎﻥ ﺗﻌﺒﺎﻧﻪ ﺣﻴﻴﻞ ﻭﻣﺤﺘﺎﺭﻩ
ﺗﻨﻔﺴﺖ ﺑﻀﻴﻖ ... ﺟﻮﻟﻴﻴﺖ ﺻﺒﺮﻱ ﺷﻮﻭﻭﻳﻪ ﻫﺴﻪ ﺍﻟﻮﺿﻊ ﻣﻤﺴﺘﻘﺮ
ﻭﻛﻊ ﺍﻟﻤﻮﺑﺎﻳﻞ ﻣﻦ ﺍﻳﺪﻱ ﻋﻠﺊ ﺍﻟﺼﻮﺕ ﺍﻟﻐﺎﺿﺐ ﺍﻟﻲ ﺍﺟﺎﻧﻲ ﺑﺼﺪﻣﺔ ... ﺟﻮﻟﻴﻴﺖ ﻋﻨﺪﻙ؟
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ