ﺍﻟﺒﺎﺭﺕ ﺍﻟﺜﺎﻟﺚ ﻋﺸﺮ
💔
ﺳﻠﺒﺖ ﺭﻭﺣﻲ ﻭﻏﻤﺮﺗﻨﻲ ﻣﺸﺎﻛﻞ ﺍﻟﺤﻴﺎﺓ ﻭﻧﺴﻴﺖ ﻧﻔﺴﻲ
ﻧﺴﻴﺖ ﻣﻌﻨﺊ ﺍﻻﺣﺴﺎﺱ ﻭﺍﻻﻣﻞ
ﻓﺘﺎﺓ ﻋﺎﺷﻘﺔ ﺍﻟﻜﺂﺑﺔ ﻭﺍﻻﻟﻢ ...
ﺍﻧﺴﻴﺖ ﺑﺄﻧﻲ ﺍﻧﺜﺊ ﺍﻫﻮﺉ ﻭﺍﻋﺸﻖ ﻭﺍﺣﺐ ؟
ﺳﻠﺒﺖ ﺭﻭﺣﻲ ﻋﻨﺪﻣﺎ ﻧﻜﺮﺗﻨﻲ ﻫﻮﻳﺘﻲ ﻭﺍﻫﻠﻲ !!
ﺳﻠﺒﺖ ﺭﻭﺣﻲ ﻋﻨﺪﻣﺎ ﻧﻌﺘﻨﻲ ﺑﺎﻟﻤﺠﺮﻣﻪ ...
ﻟﻦ ﺍﺳﺎﻣﺤﻚ ﻳﺎ ﻛﺎﺳﺮﻱ .. ﻓﺄﻧﺎ ﺑﻘﺮﺑﻚ ﻣﻌﺬﺑﻪ ...
....................................
ﺭﻓﻌﺖ ﻋﻴﻮﻧﻲ ﺍﻟﻪ ﻭﺍﺑﺎﻭﻋﻠﻪ ﺑﻘﻠﻖ ﻭﺧﻮﻭﻑ ﺷﺪﻳﺪ ﻭﺣﺘﺊ ﻫﻮ ﺣﺲ ﺑﺨﻮﻓﻲ ﺍﻟﻜﺒﻴﺮ ﻣﻨﻪ ...
ﺗﻤﻌﻦ ﺑﻨﻈﺮﺍﺗﻪ ﺍﻟﻮﺟﻬﻲ ﻭﺿﻞ ﻳﺪﻗﻖ ﺑﻲ ﻭﺑﻌﺪﻫﺎ ﻧﺰﻝ ﻋﻴﻮﻧﻪ ﻋﻠﺊ ﻫﻴﺌﺘﻲ ﻭﻣﻨﻈﺮﻱ ﻋﺒﺎﻟﻚ ﻭﺣﺪﻩ ﻣﺘﺴﻮﻭﻟﻪ ﻣﺨﺮﺑﻄﻪ ﺣﻴﻴﻞ ...
ﺟﺮ ﻧﻔﺲ ﻭﺭﺟﻊ ﺑﺎﻭﻋﻠﻲ ﻛﺎﻝ ... ﺷﺮﻃﻲ ﻫﻮ ﺍﻭﻻ ﺍﺭﻳﺪﺝ ﺗﺘﻘﺮﺑﻴﻦ ﻣﻦ ﻫﺎﻟﻪ ﺑﻨﺖ ﻋﻤﺞ ﻭﺗﺮﺟﻌﻴﻦ ﺻﺪﺍﻗﺘﺞ ﻭﻳﺎﻫﺎ ..
ﻋﻘﺪﺕ ﺣﻮﺍﺟﺒﻲ ﻭﺑﻠﻌﺖ ﺭﻳﻜﻲ ﻣﺜﻞ ﺍﻟﻌﻠﻘﻢ ﻣﺮ ﻣﺴﺤﺖ ﺩﻣﻮﻋﻲ ﺑﺴﺮﻋﻪ ... ﺑﺐ ﺑﺲ ﺍﻧﺖ ﺗﻌﺮﻑ ﻋﻼﻗﺘﻲ ﺑﻬﺎﻟﻪ ﻭﺗﻌﺮﻑ ﻫﺎﻟﻪ ﺷﻜﺪ ﺗﻜﺮﻫﻨﻲ ...
ﺭﻓﻊ ﺣﺎﺟﺐ ﺑﺠﻤﻮﺩ ... ﺍﻛﺴﺒﻴﻬﺎ
ﺗﻨﻔﺴﺖ ﺑﻐﺼﻪ ﻭﺭﺟﻠﻴﻪ ﻭﺣﺪﻩ ﺗﻀﺮﺏ ﺑﺎﻟﺜﺎﻧﻴﺔ ﻣﻦ ﺍﻟﺨﻮﻑ ... ﺷﻠﻮﻥ ﺍﻛﺴﺒﻬﺎ ﻭﺍﺻﻼ ﻟﻴﺶ ﺷﻤﻌﻨﺊ ﻫﺎﻟﻪ ...
ﻧﺰﻝ ﺷﺎﻟﻲ ﻣﻦ ﺭﺍﺳﻲ ﻭﺣﻂ ﺍﻳﺪﻩ ﻋﻠﺊ ﺷﻌﺮﻱ ﺑﺨﺒﺚ ﻳﻤﺴﺢ ﻋﻠﻴﻪ ﺣﺮﻛﺎﺗﻪ ﺟﺎﻧﺖ ﻣﺜﻞ ﺣﺮﻛﺎﺕ ﺫﻳﺐ ﻣﺮﺍﻭﻍ ﻣﺎ ﺍﻋﺮﻑ ﺷﻨﻮ ﺍﻟﻲ ﻳﺪﻭﺭ ﺑﺒﺎﻟﻪ ﻟﻴﺶ ﻫﻴﺞ ﻳﻌﺎﻣﻠﻨﻲ ﺳﺎﻋﻪ ﺣﻨﻴﺔ ﻣﻐﻠﻔﺔ ﺑﻘﺴﻮﺓ ﻭﺳﺎﻋﻪ ﻳﺼﻴﺮ ﻣﺜﻞ ﻣﺠﺮﻡ ﻭﻗﺎﺗﻞ ...
ﺍﺑﺘﻌﺪ ﺷﻮﻳﻪ ﺑﻌﺪ ﻣﺎ ﺍﺗﺼﻞ ﻣﻮﺑﺎﻳﻠﻪ ﺷﺎﻑ ﺍﻟﺨﻂ ﺑﺲ ﻣﺎ ﺟﺎﻭﺏ ﺭﺟﻊ ﻳﺤﺠﻲ ﻭﻳﺎﻳﻪ ﻛﺎﻝ ... ﺍﻱ ﺍﻧﺘﻲ ﺑﻴﺪﺝ ﻳﺎ ﺍﻣﺎ ﺗﺴﻌﺪﻳﻦ ﺣﻴﺎﺗﺞ ﻳﺎ ﺍﻣﺎ ﺗﺪﻣﺮﻳﻬﺎ ﻭﻫﺎﻟﻪ ﻃﻮﻕ ﻧﺠﺎﺓ ﺑﺎﻟﻨﺴﺒﻪ ﺍﻟﺞ ...
ﻭﺍﺫﺍ ﻣﺎ ﻗﺒﻠﺘﻲ ﺑﺸﺮﻃﻲ ﺭﺍﺡ ﺗﻜﻮﻧﻴﻦ ﻋﻨﺪﻱ ﺑﺲ ﻭﻗﺖ ﺣﻤﻠﺞ ﺑﻄﻔﻠﻲ ﻭﺑﻌﺪﻫﺎ ﺍﺧﺬﻩ ﻣﻨﺞ ﻭﺍﻃﻠﻜﺞ
ﻣﻦ ﻛﺎﻝ ﻫﻴﻴﺞ ﺑﺠﻴﺖ ﺑﺼﻮﺕ ﻣﺴﻤﻮﻉ ﻭﺷﻬﻜﺖ ﺣﻀﻨﺖ ﻃﻔﻠﻲ ﺑﺎﺩﻳﻪ ﻭﻫﺰﻳﺖ ﺭﺍﺳﻲ ﺑﺮﻓﺾ ... ﻻﺍﺍ ﻣﺎﺍﺍ ﻫﻮ ﻃﻔﻠﻲ ﺗﻌﺒﺖ ﺑﻲ ﻭﻣﺘﺖ ﻗﻬﺮ ﻟﺨﺎﻃﺮﻩ ﺟﺎﺯﻓﺖ ﻭﻃﻠﻌﺖ ﺣﺘﺊ ﺍﺣﻤﻲ ﻣﻨﻚ ﻭﻣﻦ ﺍﻫﻠﻚ ...
ﺳﺤﺐ ﺍﻳﺪﻱ ﻣﻦ ﺑﻄﻨﻲ ﻭﺿﻌﻂ ﻋﻠﺊ ﺑﻄﻨﻲ ﺑﻘﺴﻮﻩ ﺻﺮﺧﺖ ﻭﻟﺰﻣﺖ ﺍﻳﺪﻩ ﻭﻧﺤﻨﻴﺖ ﺷﻮﻭﻳﻪ ﺑﺎﻭﻋﺘﻠﻪ ﺑﺘﻮﺳﻞ ..
ﻭﺧﺮ ﺍﻳﺪﻩ ﻭﻣﺸﺊ ﺧﻄﻮﺗﻴﻦ ﻛﺎﻝ ... ﺗﺮﺉ ﻣﻮ ﺫﺍﺕ ﺍﻫﻤﻴﻪ ﻋﻨﺪﻱ ﺑﺲ ﻛﺘﻠﺞ ﺍﺫﺍ ﻣﺎﺕ ﺍﻟﮕﻠﺐ ﻣﺎﺕ ﺍﻟﻀﻤﻴﺮ ﻭﺍﻧﻲ ﻣﻦ ﺑﻌﺪ ﻏﺰﻝ ﻭﻓﻼﺡ ﻭﺍﺑﻮﻭﻱ ﻣﺎﺕ ﮔﻠﺒﻲ ﻭﺿﻤﻴﺮﻱ ﺳﻮﻩ
ﺭﻓﻊ ﺍﺻﺒﻌﻪ ﺑﺄﻣﺮ ... ﻭﻫﺎﻱ ﺍﻟﺪﻧﻴﺎ ﺍﺣﻘﺮ ﻣﻨﺞ ﻭﻣﻦ ﺍﻫﻠﺞ ﻭﺍﻟﻤﺠﺮﻡ ﻳﻌﻴﺶ ﺑﻴﻬﺎ ﻭﺍﻧﻲ ﻗﺮﺭﺕ ﺍﺻﻴﺮ ﻣﺠﺮﻡ ﻟﻬﺬﺍ ﺍﻟﺴﺒﺐ ﺍﻧﻲ ﺳﺎﻭﻣﺘﺞ ﺑﻴﻦ ﻃﻔﻠﺞ ﻭﺑﻴﻦ ﺍﺧﻮﻭﺝ
ﺭﻣﺸﺖ ﺑﻌﻴﻮﻧﻲ ﺑﻌﺪﻡ ﺍﺳﺘﻴﻌﺎﺏ ... ﺳﺎﻭﻣﺘﻨﻲ ؟
ﺭﺩ ﺑﺠﺒﺮﻭﺕ ﻭﺣﺰﻡ ... ﺍﻳﻲ ﻟﻮ ﻃﻔﻠﺞ ﻟﻮ ﻋﺎﺻﻢ ﺍﻟﻜﻠﺐ
ﻫﻤﺴﺖ ﺑﺼﻌﻮﺑﻪ ﻭﺗﻌﺐ ... ﺷﻠﻮﻥ ﻳﻌﻨﻲ ﻟﻴﺶ ﻫﻴﺞ ﺗﺴﻮﻱ ﺑﻴﻪ ﻟﻴﺶ ﺗﻜﺮﻫﻨﻲ ﻭﺍﻟﻠﻪ ﻣﺎ ﺳﻮﻳﺘﻠﻚ ﺷﺊ ﻟﻴﺶ ﺗﺨﻠﻴﻨﻲ ﺍﻛﺮﻫﻚ ...
ﺿﺤﻚ ﺑﺎﺳﺘﻬﺰﺍﺀ ... ﻳﺎﺭﻳﺖ ﺗﻜﺮﻫﻴﻨﻲ ﻭﺍﻟﻠﻪ ...
ﺗﻘﺮﺏ ﻣﻨﻲ ﺍﻛﺜﺮ ﻭﺍﻧﻲ ﺭﺟﻌﺖ ﺧﻄﻮﺍﺕ ﻛﺒﻴﺮﺓ ﺧﺎﻳﻔﻪ ﻣﻨﻪ ﺧﻔﺖ ﻳﺒﻴﻊ ﺿﻤﻴﺮﺓ . ﻳﺮﻓﺴﻨﻲ
ﺑﺲ ﻫﻮ ﺟﺎﻥ ﺍﺳﺮﻉ ﻣﻨﻲ ﺳﺤﺒﻨﻲ ﺻﺮﺕ ﺣﻂ ﺍﻳﺪﻩ ﻋﻠﻴﻪ ﻋﺼﺮﻧﻲ ﺑﻴﻪ ﻫﻤﺲ ﻋﻨﺪ ﺍﺫﺍﻧﻲ ... ﻫﺴﻪ ﺷﻘﺮﺭﺗﻲ ..
ﺻﺮﺧﺖ ﺑﻮﺟﻬﻪ ﺑﻌﺼﺒﻴﺔ ... ﺷﻨﻮ ﺷﻘﺮﺭﺕ ﺍﻧﺖ ﺗﻌﺮﻑ ﺑﺸﺮﻭﻃﻚ ﻣﺜﻞ ﺳﻮﻁ ﻣﻦ ﻧﺎﺍﺍﺭ ﻭﺛﻨﻴﻨﻬﻦ ﻳﻮﺟﻌﻦ ...
ﺟﺮ ﻧﻔﺲ ﻭﺍﺑﺘﻌﺪ ﺷﻮﻳﻪ ﻛﺎﻝ ... ﺗﺮﺉ ﺍﻟﺸﺮﻁ ﺍﻻﻭﻝ ﺳﻬﻞ ﺑﺲ ﺍﻧﺘﻲ ﻣﺘﺴﺘﺮﻩ ﻋﻠﺊ ﺍﻟﻈﺎﻟﻢ ﻫﻮ ﻛﻞ ﺍﻟﻲ ﺍﺭﻳﺪﻩ ﺗﻘﻮﻳﻦ ﻋﻼﻗﺘﺞ ﺑﻬﺎﻟﻪ ﻭﺑﻌﺪﻫﺎ ﺗﻘﻨﻌﻴﻨﻬﺎ ﺍﻥ ﺍﻧﺘﻲ ﺗﺮﺩﻳﻦ ﺗﺘﻮﺍﺻﻠﻴﻦ ﻭﻳﻪ ﺍﻣﺞ ﻭﻣﻦ ﻋﻨﺪﻫﺎ ﺍﻋﺮﻑ ﻣﻜﺎﻧﻬﻢ ..
ﺷﻬﻜﺖ ﺑﺮﻋﺐ ... ﻭﺗﻘﺘﻠﻪ ﺗﻘﺘﻞ ﻋﺎﺻﻢ
ﺳﺤﺒﻨﻲ ﺑﻘﺴﻮﺓ ﻭﻫﻮ ﻳﺸﺪ ﻋﻠﺊ ﺷﻔﺎﻳﻔﻪ ﺑﻐﻀﺐ ﺟﺎﻭﺑﻨﻲ ﺑﺎﺳﺘﻬﺰﺍﺀ ... ﻻ ﺍﻋﺰﻣﻪ ..
ﺍﻛﻴﻴﺪ ﺍﻛﺘﻠﻪ ﻭﺍﻛﺘﻞ ﺍﻟﺨﻠﻔﻪ ﻣﻔﺘﺨﺮﻩ ﺑﺎﺧﻮﺝ ﺍﻟﻌﺎﺭ ﻭﺧﺎﻳﻔﻪ ﻋﻠﻴﻪ ... ﻟﺞ ﻫﺬﺍ ﺑﺮﻛﺒﺘﻪ ﺩﻡ ﺗﻼﺛﻪ ﻻ ﻭﺍﺣﺪ ﻭﻻ ﺛﻨﻴﻦ ...
ﺑﺠﻴﺖ ﺑﺼﻮﺕ ﻋﺎﻟﻲ ﻭﺣﺮﻛﺔ ﻗﻠﺐ ... ﺑﺲ ﻣﺎ ﺍﻛﺪﺭ ﻫﺬﺍ ﺍﺧﻮﻳﻪ ﻣﻬﻤﺎ ﻳﻜﻮﻭﻥ ﻣﺎ ﺍﻛﺪﺭ ﺍﺳﻠﻤﻪ ﺍﻟﻚ ﻭﺍﻟﻠﻪ ﻟﻴﺶ ﺗﻌﺬﺑﻨﻲ ﺑﻬﻴﺞ ﻃﻠﺐ ...
ﻳﻌﻨﻲ ﻟﻬﻞ ﺩﺭﺟﻪ ﺍﻧﻲ ﺧﺎﻳﻨﻪ ﻟﻬﻞ ﺩﺭﺟﻪ ﻛﻠﺒﻲ ﻣﻴﺖ ﺍﺳﻠﻤﻚ ﺍﺧﻮﻳﻪ ﺍﺑﻦ ﺍﻣﻲ ﻭ ﺍﺑﻮﻳﻪ ﺑﻄﺒﻖ ﻣﻦ ﺫﻫﺐ ..
ﺻﺮﺧﺖ ﺑﻮﺟﻬﻪ ﺑﺪﻣﻮﻉ ... ﺷﻠﻮﻭﻭﻥ ﺍﻣﻲ ﺷﻨﻮ ﻣﻮﻗﻔﻬﺎ ﻣﻨﻲ ﻣﻦ ﺗﻌﺮﻑ ﺍﻧﻲ ﺿﺤﻴﺖ ﺑﺎﺧﻮﻳﻪ
ﻟﺰﻣﻨﻲ ﻣﻦ ﻓﻜﻲ ﺣﻴﻴﻴﻞ ﻭﺿﻐﻂ ﻋﻠﻴﻪ ﺑﻘﺴﻮﺓ ﺯﻣﺠﺮ ﺑﻮﺟﻬﻲ ﺑﺼﻮﺕ ﻋﺎﻟﻲ ﻫﺰ ﺍﺭﻛﺎﻥ ﺍﻟﺒﻴﺖ .. ﺍﺧﻮﻭﻭﺝ ﻣﺠﺮﻡ ﻗﺎﺍﺍﺗﻞ ﻭﺑﺸﺮ ﺍﻟﻘﺎﺗﻞ ﺑﺎﻟﻘﺘﻞ ... ﺍﺧﻮﻭﺝ ﺩﻣﻪ ﻣﺴﻔﻮﻙ .. ﺍﺻﻼ ﺍﻫﻠﺞ ﻻﺯﻡ ﻳﺴﻠﻤﻮﻧﻪ
ﺩﻓﻌﺖ ﺍﻳﺪﻩ ﺑﻐﻀﺐ ... ﺍﺫﺍ ﺗﺮﻳﺪ ﺗﻘﺘﻠﻪ ﻻ ﺗﺘﺨﺬﻧﻲ ﻭﺳﻴﻠﺔ ﺷﻮﻭﻭﻑ ﻏﻴﺮﻱ ﻣﺴﺘﺤﻴﻞ ﺍﺿﺤﻲ ﺑﺎﺧﻮﻳﻪ ﺣﺘﺊ ﻟﻮ ﻣﺠﺮﻡ ﻭﻗﺎﺗﻞ ﻣﺴﺘﺤﻴﻴﻞ ... ﻫﺬﺍ ﺍﺧﻮﻳﻪ ﺗﻌﺮﻑ ﺷﻨﻮ ﺍﺧﻮﻭﻳﻪ ..
ﻟﺰﻣﻨﻲ ﺑﻘﺴﻮﺓ ﻭﺍﺣﺘﻀﻦ ﻭﺟﻬﻲ ﺑﻜﻔﻮﻓﻪ ﻣﺴﺢ ﻛﻞ ﻭﺟﻬﻲ ﻣﻦ ﺍﻟﺪﻣﻮﻉ ﺑﻘﺴﻮﺓ ﺭﺩ ﺑﺎﺳﺘﻬﺰﺍﺀ ... ﺍﻫﺎﺍﺍ ﻳﻌﻨﻲ ﺍﻧﺘﻲ ﺻﺮﺗﻲ ﺿﺪﻱ ﻭﻳﻪ ﺍﺧﻮﻭﺝ ...
ﺍﺭﺩﻑ ﺑﻌﺪﻡ ﻣﺒﺎﻻﺓ ... ﺍﻭﻙ ﺗﻤﺎﻡ ... ﻣﺪﺍﻡ ﻫﻴﻴﺞ ﻣﺎ ﻳﺸﺮﻓﻨﻲ
ﺗﺮﺑﻴﻦ ﺍﺑﻨﻲ ﻭﺍﻧﺘﻲ ﻭﺍﻛﻔﻪ ﻭﻳﻪ ﻋﺪﻭﻭﻱ ﺿﺪﻱ ... ﺗﺠﻴﺒﻴﻦ ﻭﺑﻌﺪﻫﺎ ﺍﻃﺮﺩﺝ ﻭﺍﻧﻲ ﻣﻦ ﻫﺴﻪ ﺣﺮﻣﺘﺞ ﻋﻠﺊ ﻧﻔﺴﻲ ﻣﺴﺘﺤﻴﻞ ﺍﺗﻘﺒﻠﺞ ...
ﺻﺮﺧﺖ ﺑﻮﺟﻬﻪ ﺑﻐﻀﺐ ... ﻣﺎ ﺍﻧﻄﻲ ﻃﻔﻠﻲ،
ﺗﻘﺮﺏ ﻣﻨﻲ ﻭﻫﻮ ﻳﻔﺢ ﻣﻦ ﺍﻟﻌﺼﺒﻴﺔ ﻛﺎﻝ ... ﻻ ﺗﻨﻄﻴﻨﻪ ﻭﻏﺼﺒﺎ ﻋﻠﻴﺞ ﺍﺻﻼ ﺍﻧﺘﻲ ﺷﻨﻮﻭ ﻣﻨﻮ ﺍﻟﺞ ﻭﻣﻨﻮ ﻳﻄﻠﻊ ﻭﺭﺍﺝ ﻳﺎ ﮔﻮﺍ .... ﻟﻴﻄﻠﻊ ﺑﻀﻬﺮﺝ ..
ﺿﺤﻚ ﺑﺨﺒﺚ ... ﻛﻠﻬﻢ ﻋﺎﻓﻮﺝ ﻭﺍﻧﻬﺰﻣﻮﺍ ﺧﻠﻮﺝ ﻫﻨﺎ ﺍﺳﻴﺮﺓ ﻋﻨﺪﻱ ﻟﻮ ﺍﺩﻓﻨﺞ ﻭﺍﺫﺑﺤﺞ ﻣﺤﺪ ﻳﻌﺘﺮﺽ ﺗﻨﺎﺯﻟﻮﺍ ﻋﻨﺞ ﺍﻟﻴﻪ ...
ﻫﻤﺴﺖ ﺑﻨﺤﻴﺐ ﻭﻋﻴﻮﻥ ﻣﻠﻴﺎﻧﻪ ﺣﺰﻥ ... ﻻ ﺗﻌﻴﺮﻧﻲ ﺣﺮﺍﻡ ﻋﻠﻴﻚ ﺍﻧﻲ ﺧﻄﻴﺌﺔ ﺑﺮﻛﺒﺘﻚ ﺍﻟﻴﻮﻡ ﺍﻟﺪﻳﻦ ..
ﺍﺑﺘﺴﻢ ﺑﺨﺒﺚ ... ﺷﻔﺘﻲ ﻫﺎﻟﻪ ﺑﻜﻠﻤﺔ ﻣﻨﻲ ﺍﺧﻠﻴﻬﺎ ﺗﻌﺘﺮﻑ ﺍﻫﻠﺞ ﻭﻳﻦ ﺑﺲ ﺍﻧﻲ ﻣﺎ ﺟﻨﺖ ﺍﺭﻳﺪ ﺍﺩﺧﻞ ﺍﻃﺮﺍﻑ ﻣﺎﻟﻬﻢ ﺩﺧﻞ ﻭﺍﺿﻠﻤﻬﻢ ﻭﻳﺎﻱ ...
ﺗﻤﺘﻤﺖ ﺑﺄﻟﻢ .. ﻣﺴﺘﺤﻴﻞ ﻫﺎﻟﻪ ﺗﻔﺘﻦ ﻋﻦ ﺍﻫﻠﻲ
ﺿﺤﻚ ﺑﺼﻮﺕ ﻋﺎﻟﻲ ﻭﺭﻓﻊ ﺭﺍﺳﻪ ﻟﻠﺴﻜﻒ ﻧﺰﻝ ﺭﺍﺳﻪ ﻭﺍﺧﺘﻔﺖ ﺍﺑﺘﺴﺎﻣﺘﻪ ﻛﻤﻞ ﺑﻬﺪﻭﺀ ... ﺗﻔﺘﻦ ﺗﻔﺘﻦ ﻻ ﺗﺨﺎﻓﻴﻦ
ﻛﻤﻞ ﺑﺼﺪﻕ ... ﺍﻧﻲ ﺍﻧﺴﺎﻥ ﻣﺎ ﺍﺣﺐ ﺍﻟﺜﺮﺛﺮﻩ ﺑﺲ ﺍﺣﺐ ﺍﻓﻬﻤﺞ ﻓﺪ ﺷﻐﻠﻪ ﻣﻦ ﻳﻮﻡ ﺍﻟﻲ ﺍﺳﻤﺞ ﺍﺭﺗﺒﻂ ﺑﺎﺳﻤﻲ ﻭﻫﺎﻟﻪ ﺗﻮﺍﺻﻠﺖ ﻭﻳﺎﻱ ﺣﺠﺖ ﻫﻮﻭﺍﻱ ﺑﺲ ﻣﺠﺎﻥ ﻣﻬﻢ ﻋﻨﺪﻱ .. ﻳﻌﻨﻲ ﻫﺎﻟﺔ ﺑﺎﻳﻌﺘﺞ ﻣﻦ ﺯﻣﺎﻥ ﻣﻮ ﻣﻦ ﻫﺴﻪ
ﻣﺴﺤﺖ ﺩﻣﻮﻋﻲ ﺑﻘﺴﻮﺓ ﻭﺭﺩﻳﺖ ﺑﺤﺮﻗﺔ ﻗﻠﺐ ... ﻫﻞ ﻛﻠﺒﻪ ﺍﻟﺤﻴﻮﻭﺍﻧﻪ ﺍﻟﺘﺎﻓﻬﻪ ﺷﻨﻮ ﺗﺤﺠﻲ ﻋﻨﻲ ﺷﺪﻛﻮﻝ ﺍﻟﻚ ﻋﻠﻴﻪ؟
ﺭﺩ ﺑﺎﻧﺰﻋﺎﺝ ... ﻛﺎﻓﻲ ﻻ ﺗﻠﻐﻴﻴﻦ ﺯﺍﻳﺪ ﻭﺣﻈﺮﻱ ﻧﻔﺴﺞ ﺍﺭﺟﻌﺞ ﻟﻠﺒﻴﺖ ﻭﻣﻦ ﺗﺠﻴﺒﻴﻦ ﺍﺧﺬ ﺍﻟﻄﻔﻞ ﻭﻟﻲ ﺑﺴﺘﻴﻦ ﺩﺍﻫﻴﺔ ...
ﺻﺮﺧﺖ ﺑﺼﻮﺕ ﻋﺎﻟﻲ ... ﻣﺎﺍﺍﺍﺍ ﺍﻧﻄﻴﻲ
ﻫﺠﻢ ﻋﻠﻴﻪ ﺑﻘﺴﻮﺓ ﻟﺰﻣﻨﻲ ﻣﻦ ﺷﻌﺮﻱ ﺣﻴﻴﻞ ﺑﺤﻴﺚ ﺭﮔﺒﺘﻲ ﺣﺴﻴﺘﻬﺎ ﻃﻜﺖ ﺻﺮﺧﺖ ﻭﺍﻧﻲ ﺍﻟﺰﻡ ﺍﻳﺪﻩ ﻫﻤﺲ ﺑﻬﺪﻭﺀ ... ﺑﺎﻟﻠﻪ ﻋﻴﺪﻱ ﺷﻜﻠﺘﻲ
ﺑﺎﻭﻋﺖ ﺑﻌﻴﻮﻧﻪ ﺑﺨﻮﻭﻑ ﻭﺑﻠﻌﺖ ﺭﻳﻜﻲ ﺑﺲ ﻣﺠﺎﻭﺑﺘﻪ
ﺍﺑﺘﺴﻢ ﺑﺨﺒﺚ ﻛﺎﻝ .. ﻋﻴﺪﻱ ﻟﻴﺶ ﺳﻜﺘﻲ
ﻫﻤﺴﺖ ﺑﻨﺤﻴﺐ ... ﺣﺮﺍﻡ ﻋﻠﻴﻚ ﻭﺍﻟﻠﻪ ﻭﻳﻦ ﺿﻤﻴﺮﻙ ...
ﺿﺤﻚ ﺑﺎﺳﺘﻬﺰﺍﺀ ... ﻣﻮ ﻛﺘﻠﺞ ﻣﺎﺕ ﻭﺷﻴﻌﺘﻪ ﺿﻤﻴﻴﺮﻱ ﻣﺎﺕ ﻭﺩﻓﻨﺘﻪ ... ﻭ ﻻ ﻛﻞ ﺷﻮﻳﻪ ﻭﻛﻠﺘﻲ ﺣﺮﺍﻡ ﻋﻠﻴﻚ ﺍﻧﻲ ﺭﺟﺎﻝ ﻻ ﺍﻋﺮﻑ ﺍﻟﺤﻼﻝ ﻭﻻ ﺍﻋﺮﻑ ﺍﻟﺤﺮﺍﻡ ﺗﻤﺎﻡ ؟
ﻧﺰﻟﺖ ﻋﻴﻮﻧﻲ ﻭﺍﻧﻲ ﺍﺭﻣﺶ ﺑﺎﺳﺊ ...
ﺗﺮﻛﻨﻲ ﻭﺭﺍﺡ ﻛﻌﺪ ﻋﻠﺊ ﺍﻟﻘﻨﻔﻪ ﺳﺤﺐ ﺟﺎﻛﻴﺘﻪ ﻭﻃﻠﻊ ﺍﻟﻤﻮﺑﺎﻳﻞ ﻣﺎﻟﺘﻲ ﺍﻟﻲ ﺍﺧﺬﺗﻪ ﻣﻦ ﺟﺎﺑﺮ ﺍﻭﻝ ﻣﺎ ﻟﺰﻣﻨﻲ ﺟﺎﻥ ﺑﺠﻴﺐ ﺟﺎﻛﻴﺘﻲ ﻭﻫﻮ ﺍﺧﺬﻩ ﻣﻨﻪ ﺑﺲ ﺧﻼﻩ ﺑﺎﻟﺴﻴﺎﺭﺓ ...
ﻣﻦ ﻃﻠﻊ ﺍﻟﻈﺎﻫﺮ ﺟﺎﺑﻪ ﻭﻳﺎﻩ ﻭﺧﻼﻩ ﺑﺎﻟﺠﺎﻛﻴﺖ ...
ﻓﺘﺤﻪ ﻛﺎﻝ ... ﺍﻓﺎﺍﺍ ﻣﻮﺑﺎﻳﻞ ﺟﺎﺑﺮ ﺍﻟﻨﺬﻝ ﺷﺠﺎﺑﻪ ﻋﻨﺪﺝ
ﻛﻤﻞ ﺑﺨﺒﺚ ... ﻳﺎﻟﻠﻪ ﺧﻠﻲ ﻧﺸﻮﻑ ﺍﻟﻔﻀﺎﻳﺢ ﻭﻟﻮ ﺍﻧﺘﻲ ﻣﻦ ﻳﻮﻡ ﻳﻮﻣﺞ ﻣﻔﻀﻮﻭﺣﻪ ﻭﺍﻟﻔﻀﻞ ﺍﻟﻲ ﺳﺘﺮﺗﺞ ...
ﺻﺮﺧﺖ ﺑﺪﺍﺧﻠﻲ ... ﻣﻦ ﻳﻮﻡ ﻳﻮﻣﻲ ﻣﺴﺘﻮﺭﻩ ﺍﺷﺮﻑ ﻣﻨﻚ ﻭﻣﻦ ﻫﺎﻟﻪ ﻳﺎ ﻧﺬﻝ ...
ﺍﺷﺮﻟﻲ ﺍﺟﻲ ﻳﻤﻪ ﺧﻔﺖ ﺣﻴﻞ ﻛﺎﻝ ﺑﻬﺪﻭﺀ ﻭﺣﻨﻴﺔ ﻣﺼﻄﻨﻌﻪ ... ﺗﻌﺎﻟﻲ ﻟﻴﺶ ﺧﺎﻳﻔﻪ ﺟﺎﻱ ﺍﻛﻠﺞ ﻣﺜﻼ ؟
ﺿﻠﻴﺖ ﻭﺍﻛﻔﻪ ﻣﺎ ﺍﺟﻴﺖ ﺍﻟﻘﻠﻖ ﻭﺍﻟﺨﻮﻑ ﻣﻦ ﺷﻔﺖ ﺍﻟﻤﻮﺑﺎﻳﻞ ﻋﻨﺪﻩ ﺳﻴﻄﺮ ﻋﻠﺊ ﻛﻞ ﺍﻋﻈﺎﺋﻲ
ﺭﺩ ﺑﺘﻬﺪﻳﺪ ... ﺗﺠﻴﻦ ﻟﻮ ﺍﺟﻲ ﺍﺷﻴﻠﺞ ﻭﺍﻛﻌﺪﺝ ﺑﺼﻔﻲ ...
ﺍﺟﻴﺖ ﺑﻬﺪﻭﺀ ﻭﺧﻄﻮﺍﺕ ﻣﻠﻴﺎﻧﻪ ﺗﻌﺐ ﺳﺤﺒﻨﻲ ﻣﻦ ﺍﻳﺪﻱ ﺑﻘﺴﻮﺓ ﻭﻛﻌﺪﻱ ﺑﺼﻔﻪ ﻟﻒ ﺍﻳﺪﻩ ﻋﻠﺊ ﻛﺘﻔﻲ ...
ﺻﺮﺕ ﺑﻴﻦ ﺻﺪﺭﺓ ﻭ ﺍﻳﺪﻩ ﺍﻧﻄﺎﻧﻲ ﺍﻟﻤﻮﺑﺎﻳﻞ ﻓﺘﺤﺖ ﺍﻟﻪ ﺍﻟﺮﻣﺰ ...
ﻣﺠﺎﻥ ﻋﻨﺪﻱ ﺑﺲ ﺭﻗﻢ ﺟﺎﺑﺮ ... ﺩﺧﻞ ﻋﻠﺊ ﺍﻟﺮﺳﺎﺋﻞ ﻳﻘﺮﻩ ﻭﻛﻞ ﺷﻮﻳﻪ ﺗﺤﺘﺪ ﻣﻼﻣﺤﻪ ...
ﺍﺧﺮ ﺭﺳﺎﻟﻪ ﻛﺎﺗﺐ ﺟﺎﺑﺮ ... ﺟﻜﻠﻴﺘﻪ ﺟﺎﺑﺮ ﺑﻈﻬﺮﺝ ﻻ ﺗﺨﺎﻓﻴﻦ ..
ﺑﺎﻭﻋﻠﻲ ﺑﻬﺪﻭﺀ ﻭﺿﻞ ﻣﺮﻛﺰ ﻋﻠﻴﻪ ﻧﺰﻟﺖ ﻋﻴﻮﻧﻲ ﺑﺮﻋﺐ ﺭﻓﻊ ﺣﺎﺟﺐ ... ﺧﻮﻭﻭﺵ ﻳﺪﻟﻊ ﺍﻟﻨﺬﻝ ...
ﺭﺟﻊ ﻟﺰﻣﻨﻲ ﺑﻌﻨﻒ ﺣﻔﺮ ﺍﺻﺎﺑﻌﻪ ﺑﻜﺘﻔﻲ ﺻﺮﺧﺖ ﻭﻟﺰﻣﺖ ﺍﻳﺪﻩ ﻭﺍﻧﻲ ﺍﺑﺠﻲ ﺑﻌﺪﻫﺎ ﺣﺴﻴﺖ ﺷﻌﺮﻱ ﺗﻄﺎﻳﺮ ﺑﻴﻦ ﺍﺩﻳﻪ ﻋﺎﻁ ﺑﻮﺟﻬﻲ ... ﻟﺞ ﺣﻴﻮﻭﻭﺍﻧﻪ ﺍﺩﺑﺴﺰ ﺷﻜﺪ ﺷﻔﺖ ﺻﻠﻔﺎﺕ ﻭﺷﻜﺪ ﺷﻔﺖ ﺣﻘﻴﺮﺍﺕ ﻣﺜﻠﺞ ﺻﻠﻔﻪ ﻭﺍﺩﺑﺴﺰ ﻣﺎ ﺷﻔﺖ ...
ﺍﻧﻬﺰﻣﺘﻲ ﻭﻳﻪ ﺟﺎﺑﺮ ﻭﻣﺮﺍﺳﻠﻪ ﻭﺩﻟﻊ ﻳﺎﺍﺍ ﻧﻌﺎﻝ
ﻛﻤﻞ ﺑﺴﺨﺮﻳﺔ ... ﺑﺎﻟﻴﻮﻡ ﻛﻢ ﻣﺮﻩ ﺗﺘﺮﺍﺳﻠﻮﻥ ؟
ﻫﻤﺴﺖ ﺑﻮﺟﻊ ﻭﻧﺤﻴﺐ ... ﻭﺍﻟﻠﻪ ﻣﺎ ﺣﺠﻴﺖ ﻭﻳﻪ ﺑﺲ ﻟﻤﻦ ﺃﺳﺄﻝ ﻋﻠﻴﻚ ﻭﻋﻠﺊ ﺍﻣﻲ ...
ﺩﻓﻌﻨﻲ ﺣﻴﻴﻞ ﻭﻭﻛﻒ ﻛﺎﻝ ... ﻣﺎ ﺍﺭﻳﺪ ﺍﺍﺫﻳﺞ ﻳﺎﻟﻠﻪ ﺑﺴﺮﻋﻪ ﺣﻀﺮﻱ ﻧﻔﺴﺞ ﻧﺮﺟﻊ ...
ﻭﻛﻔﺖ ﺍﺳﺘﻐﺮﺑﺖ ﺷﺤﻈﺮ ﻧﻔﺴﻲ ﺷﻠﻮﻥ ﻣﺒﻬﺬﻟﻪ ﻳﺎﻟﻠﻪ ﻻﺑﺴﻪ ﻣﻦ ﻣﻼﺑﺲ،ﺻﺒﺮﻳﺔ ﻭﺟﺎﻛﻴﺘﻬﺎ ﻳﺎﺍﺍﺭﺏ ﺻﺒﺮﻧﻲ ...
ﻫﻤﺴﺖ ﺑﻘﻠﻖ ﻭﺧﻮﻑ ... ﺍﻧﻲ ﻣﺎ ﻋﻨﺪﻱ ﺷﺊ ﺍﻟﺒﺴﻪ ﻫﻦ ﺫﻥ ﻣﻼﺑﺴﻲ ...
ﺑﺎﻭﻋﻠﻲ ﺑﻘﺮﻑ ﻛﺎﻝ ... ﺑﺎﻟﻠﻪ ﻫﻮ ﻫﺬﺍ ﻟﺒﺲ ﺟﻨﺞ ﻣﺠﺪﻳﻪ ..
ﻣﺠﺎﻭﺑﺖ ﺑﺲ ﺟﺎﻥ ﺍﻻﻟﻢ ﻳﻌﺼﺮ ﺑﺼﺪﺭﻱ ﻋﺼﺮ ﺧﻮﻑ ﻭﻗﻠﻖ ﺍﺣﺲ ﺳﺎﻋﺎﺕ ﺍﺣﺘﻀﺎﺭ ﻣﻮ ﺳﺎﻋﺎﺕ ﺣﻴﺎﺓ ...
ﺍﺧﺬ ﺍﻟﻤﻮﺑﺎﻳﻼﺕ ﻛﺎﻝ ... ﻳﺎﻟﻠﻪ ﺍﻣﺸﻲ ..
ﻃﻠﻌﺖ ﻭﺭﺍﻩ ﺍﻣﺸﻲ ﺑﺮﻭﺡ ﻣﺴﻠﻮﻭﺑﻪ ﻭﻣﺼﻴﺮ ﻣﺠﻬﻮﻝ ﺭﻛﺒﺖ ﺑﺎﻟﺴﻴﺎﺭﺓ ﻭﻫﻮ ﺳﺎﻕ ﺑﺴﺮﻋﻪ ...
ﻣﺎ ﺍﻛﺪﺭ ﺍﻭﺍﺟﻬﻢ ﻭﻻ ﻋﻨﺪﻱ ﺍﺳﺘﻌﺪﺍﺩ ﻷﻱ ﺷﺨﺺ ﻣﻦ ﻋﺎﺋﻠﺘﺔ ﺗﻌﺒﺎﻧﻪ ﺣﻴﻴﻞ ﻭﻣﻘﻬﻮﺭﺓ ﻭﺍﻻﻟﻢ ﻫﺎﺩ ﺣﻴﻠﻲ
ﺍﺣﺲ ﺑﻌﺪﻧﻲ ﺻﻐﻴﺮﺓ ﺣﺘﺊ ﺍﺧﻮﺽ ﻫﻴﺞ ﺣﺮﺏ ﻭﺍﻟﻜﻞ ﺿﺪﻱ ... ﺍﻡ ﻣﺜﻜﻮﻟﺔ ﺑﺎﺑﻨﻬﺎ ... ﻭﺯﻭﺟﻪ ﺍﺭﻣﻠﺔ ... ﻭﺍﺏ ﻓﺎﻗﺪ ﺑﻨﺘﻪ .. ﻭﺍﺑﻮ ﻭﺍﺧﻮ ... ﻫﻞ ﺣﺮﺏ ﻗﺎﺳﻴﻪ ﻭﺍﻛﻴﺪ ﺍﻧﻲ ﺍﻟﺨﺴﺮﺍﻧﻪ ﻻ ﻣﺤﺎﻝ ...
.................... ...........
ﺭﻳﻬﺎﻡ ...
ﺻﺎﺭ ﺍﺫﺍﻥ ﺍﻟﻈﻬﺮ ﺻﻠﻴﺖ ...
ﺍﺟﺖ ﻧﻮﺍﻝ ﻛﺎﻟﺖ ... ﻳﻤﻤﻪ ﺭﺿﻴﻪ ﺍﻛﻮ ﻏﺪﻩ ﻟﻮ ﺍﺧﻠﻲ ﺳﺠﺊ ﺗﺮﻭﺡ ﺗﺠﻴﺒﻠﻨﻪ ﻟﻔﺎﺕ ﻣﻦ ﺍﻟﻤﻄﻌﻢ ...
ﻋﺎﻃﺖ ﺑﻴﻬﺎ ﺍﻡ ﻓﻼﺡ ... ﺷﻠﻮﻥ ﻭﻟﺞ ﺍﻟﺞ ﻧﻔﺲ ﺗﺨﻠﻴﻦ ﺑﻨﺘﺞ ﺗﺮﻭﺡ ﻟﻠﻤﻄﻌﻢ ﻭﻫﻲ ﻃﻔﻠﻪ ...
ﺭﺩﺕ ﺑﻘﻬﺮ ... ﻫﻮ ﺷﻨﻮ ﻫﺬﺍ ﺍﻟﻤﻄﻌﻢ ﺑﺼﻔﻨﻪ ﻋﻠﺊ ﺷﻨﻮ ﺧﺎﻳﻔﻪ
ﺟﺮﺕ ﻧﻔﺲ ﻣﺒﻴﻦ ﺍﻻﻧﺰﻋﺎﺝ ﻋﻠﺊ ﻣﻼﻣﺤﻬﺎ ﻛﺎﻟﺖ ... ﻭﻟﺞ ﺷﻜﺪ ﺍﻡ ﺑﻄﻦ ﺗﻠﺤﻜﻴﻦ ﻋﻠﺊ ﺍﻻﻛﻞ ﺑﺲ ﻫﺎﻱ ﺑﻨﺘﺞ ﻟﻮ ﺿﺎﻋﺖ ﻣﻦ ﺍﻳﺪﺝ ﺗﻌﻀﻴﻦ ﺍﺻﺎﺑﻌﺞ ﻧﺪﻡ ﻭﺗﺘﺤﺴﻔﻴﻦ ﻋﻠﻴﻬﺎ ...
ﺭﺩﺕ ﺑﻌﺪﻡ ﻣﺒﺎﻻﺓ ... ﻣﺎﻛﻮﻭ ﺷﺊ ﺍﻟﻨﺎﺱ ﻛﻠﻬﺎ ﻃﺎﻟﻌﻪ ﻭﺑﻌﺪﻳﻦ ﻣﻨﻮ ﺗﺪﻧﻲ ﻧﻔﺴﻪ ﻋﻠﺊ ﻃﻔﻠﻪ ...
ﺩﺧﻞ ﺟﻌﻔﺮ ﺑﻐﻀﺐ ﻛﺎﻝ ... ﻭﺍﻟﻠﻪ ﻫﻞ ﺑﺸﺮﻳﺔ ﻋﻠﺊ ﺍﻟﻘﺮﺩﻩ ﺗﺪﻧﻲ ﻧﻔﺴﻬﺎ ﻭﺍﻟﻠﻪ ﻭﺍﻟﻠﻪ ﺍﺫﺍ ﺷﻔﺖ ﺳﺠﺎﻭﻱ ﻣﻮﺩﻳﺘﻬﺎ ﻟﻠﻤﻄﻌﻢ ﺍﺣﺮﻙ ﺍﻟﺒﻴﺖ ﻋﻠﺊ ﺭﺍﺳﺞ ...
ﺗﺨﺼﺮﺕ ﻭﺭﺩﺕ ﺑﻌﺪﻡ ﺭﺿﺎ ... ﺑﻴﻚ ﺧﻴﻴﺮ ﺭﻭﺡ ﺟﻴﺒﻠﻨﻪ ﺍﻛﻞ ﻣﻮ ﺿﺎﻝ ﺑﺲ ﺗﻬﺪﺩ ..
ﺭﺩ ﻋﻠﻴﻬﺎ ﺑﻘﻬﺮ ... ﺍﺣﺘﺮﻣﻲ ﻧﻔﺴﺞ ﺍﻧﺘﻲ ﻛﻠﺘﻴﻠﻲ ﻭﻣﺎ ﺭﺣﺖ ﺟﻴﺒﻲ ﻓﻠﻮﺱ ﻭﺍﻧﻲ ﺍﺭﻭﺡ
ﺿﺤﻜﺖ ﺑﺪﻟﻊ .. ﺷﻔﺖ ﺗﺪﻭﺭ ﻓﻠﻮﺱ ﻫﺎﻱ ﺑﺪﻝ ﻣﺎ ﺩﻛﻮﻝ ﺧﻠﻲ ﺍﺩﻓﻊ ﻣﻦ ﺟﻴﺒﻲ ﻭﺍﺫﻛﺮ ﺍﻟﻠﻪ ﺑﻬﻞ ﻳﺘﻴﻤﺎﺕ .. ﻭﺩﻛﻮﻝ ﺧﻠﻲ ﺍﺧﻠﻴﻬﻦ ﺑﻌﻴﻨﻲ .
ﺭﺩ ﺑﺴﺨﺮﻳﺔ ... ﺑﺎﻟﻠﻪ ﺭﺟﺎﺀﺍ ﻻ ﺗﺘﺨﺬﻳﻦ ﺩﻭﺭ ﺍﻻﺭﻣﻠﻪ ﺍﻟﻤﻔﺠﻮﻋﻪ ﺑﻨﺎﺕ ﺍﺧﻮﻱ ﺍﺣﻄﻬﻦ ﺑﻌﻴﻨﻲ ﻭﺍﻧﺘﻲ ﺧﻠﻲ ﺍﻫﻠﺞ ﻳﺨﻠﻮﻧﺞ ﺑﻌﻴﻨﻬﻢ ..
ﺗﻌﺼﺒﺖ ﺣﻴﻴﻞ ﻭﺍﻧﻘﻬﺮﺕ ﻛﺎﻝ ... ﺍﻧﻲ ﻭﺍﻟﻠﻪ ﺑﺲ ﻳﺠﻲ ﺟﺎﺳﺮ ﺍﻛﻠﻪ ﻋﻠﻴﻚ ﺍﻧﺖ ﺣﻴﻞ ﺩﺗﺘﻤﺎﺩﻩ ﻭﻳﺎﻳﻪ ﻭﺍﻧﻲ ﻣﻤﺤﺎﺟﻴﺘﻚ ﺍﻧﺖ ﺷﺒﻴﻚ ﻟﻴﺶ ﺷﺎﺩ ﺣﺮﺍﺑﻪ ﻭﻳﺎﻱ ﻣﻦ ﻣﺎﺕ ﻓﻼﺡ ﻟﺤﺪ ﺍﻻﻥ ﻭﺍﻧﺖ ﻛﺎﺭﻫﻨﻲ ...
ﻭﻛﻔﺖ ﺭﺿﻴﻪ ﻟﺰﻣﺖ ﺟﻌﻔﺮ ﻛﻠﺘﻠﻪ ... ﺍﻃﻠﻊ ﺍﻃﻠﻊ ﻻ ﺗﺴﻮﻳﻠﻨﻪ ﻣﺸﺎﻛﻞ ﻣﺎﻟﻨﻪ ﺧﻠﻚ ...
ﻫﻮ ﻫﺰ ﺍﻳﺪﻩ ﻭﻃﻠﻊ ﻛﺎﻝ ... ﻭﺍﻟﻠﻪ ﻳﺎﻟﻠﻪ ﺻﺪﻙ ﻟﻮ ﻛﺎﻝ ﻛﻴﺪﻫﻦ ﻋﻈﻴﻢ ...
ﺭﺟﻌﺖ ﺭﺿﻴﻪ ﺑﻌﺪ ﻣﺎ ﻃﻠﻊ ﻛﻠﺘﻠﻬﺎ ... ﻳﻤﻪ ﻧﻮﺍﻝ ﺷﺒﻴﺞ ﻫﻮ ﻫﺴﻪ ﺍﺫﻥ ﺍﻟﻤﺆﺫﻥ ﺩﺭﻭﺣﻲ ﺻﻠﻲ ﻭﺍﺣﻨﻪ ﻫﺴﻪ ﻧﺴﻮﻱ ﺍﻛﻞ .. ﻭﺍﺣﻨﻪ ﻏﻴﺮ ﻧﺨﺎﻑ ﻋﻠﺊ ﺍﻟﺒﻨﺎﺕ ﺍﻟﻮﺿﻊ ﻣﺎ ﻳﻄﻤﻦ
ﻭﺗﺮﺋﻤﻮ ﺑﺲ ﺟﻌﻔﺮ ﻳﺤﺠﻲ ﻋﻠﻴﺞ ﺣﺘﺊ ﺟﺎﺳﺮ ﻭﺻﻼﺡ ﺍﺫﺍ ﻋﺮﻓﻮﺍ ﻣﺎ ﻳﺴﻜﺘﻮﻥ ...
ﻫﻲ ﻛﻌﺪﺕ ﻭﺿﻠﺖ ﺗﺘﺸﻜﺊ ﻭﺗﻨﻮﺡ ... ﺍﻧﻲ ﺣﻈﻲ ﻣﺼﺨﻢ ﻛﻠﻬﺎ ﺗﻜﺮﻫﻨﻲ ﻣﺎ ﺻﺪﻛﺘﻮ ﻣﺎﺕ ﻓﻼﺡ ﺣﺘﺊ ﺗﺸﺪﻭﻥ ﻭﻳﺎﻱ ﻭﺗﻜﺮﻫﻮﻧﻲ ﻛﻠﻬﺎ ﺣﺎﻗﺪﻩ ﻋﻠﻴﻪ ﺟﻌﻔﺮ ﻭ ﻭﻗﺎﺭ ﺗﺒﺴﻤﺮ ﺑﻴﻪ .
ﻛﻤﻠﺖ ﺑﻘﻬﺮ ... ﺷﻤﺴﻮﻳﻪ ﺍﻟﻜﻢ ﺑﺲ ﻛﻠﻮﻟﻲ ﻟﻴﺶ ﺗﻜﺮﻫﻮﻧﻲ ﻟﻴﺶ ﻭﺍﻟﻠﻪ ﺣﺮﺍﻡ ﻋﻠﻴﻜﻢ ... ﺍﻧﻲ ﺍﺣﺒﻜﻢ ﻭﺍﺣﺘﺮﻣﻜﻢ ﺑﺲ ﺍﻧﺘﻢ ﻣﺪﺭﻱ ﺷﺒﻴﻜﻢ ﻭﻳﺎﻱ ... ﺍﺳﻮﻱ ﺯﻳﻦ ﻭﺍﺫﺏ ﺑﺎﻟﺸﻂ ...
ﺷﻮﻳﻪ ﻭﺩﺧﻞ ﺻﻼﺡ ﺑﻌﺪ ﻣﺎ ﺩﻙ ﺍﻟﺒﺎﺏ ﻭﺍﻣﻪ ﻛﻠﺘﻠﻪ ﻳﺪﺧﻞ ...
ﻧﻮﺍﻝ ﻋﺪﻟﺖ ﺣﺠﺎﺑﻬﺎ ﺍﻭﻝ ﻣﺎ ﺩﺧﻞ ﺿﻠﺖ ﺗﺒﺎﻭﻉ ﻋﻠﻴﻪ ﻭﺍﺳﺘﺒﺸﺮﺕ ﻣﻼﻣﺤﻬﺎ ...
ﺍﻧﻲ ﺍﻭﻝ ﻣﺎ ﺷﻔﺘﻪ ﺭﺟﻌﺖ ﺍﺳﺒﺢ ﻣﺎ ﺍﺭﻳﺪ ﺍﺻﻴﺮ ﻣﺜﻞ ﻧﻮﺍﻝ ﻣﻦ ﺗﺸﻮﻓﻪ ﺗﻔﻘﺪ ...
ﻛﻌﺪ ﺑﺼﻔﻪ ﺍﻣﻪ .. ﺍﻣﻪ ﻛﻠﺘﻠﻪ ... ﻫﺎﺍﺍ ﻳﻤﻪ ﺻﻼﺡ ﺷﺒﻴﻚ ﻭﻳﻦ ﺟﻨﺖ ﻭﻳﻦ ﺍﺧﺬﺗﻚ ﺻﺒﺮﻳﺔ ...
ﺟﺮ ﻧﻔﺲ ﻭﻓﺮﻙ ﺟﺒﻴﻨﻪ ﺑﺘﻌﺐ ... ﺭﺣﺖ ﺍﻟﺠﺎﺳﺮ ﺍﺧﺬﺗﻬﺎ ﺷﺎﻓﺖ ﺟﻮﻟﻴﻴﺖ ...
ﺍﻣﻪ ﺗﺨﺒﻠﺖ ﻛﺎﻟﺖ ﺑﻐﻀﺐ ... ﺷﻨﻮﻭ ﺟﻮﻟﻴﻴﺖ ﻣﺎ ﺫﺑﺤﻬﺎ ﺟﺎﺳﺮ ﻟﻬﻞ ﻋﺎﺭ ﺍﻟﻜﻠﺒﻪ ﻭﺍﻟﻠﻪ ﻋﺒﺎﻟﻲ ﺳﺒﻊ ﻋﺒﺎﻟﻲ ﺃﻓﺘﺨﺮ ﺑﻲ ﻛﺪﺍﻡ ﺍﻟﻜﻞ ﻭﺍﻛﻮﻝ ﻏﺴﻞ ﻋﺎﺭﻩ ﻃﻠﻊ ﻣﻜﻌﺪﻫﺎ ﻭﻳﺎﻩ ﺍﻟﻤﺪﻟﻠﻪ ﺍﻟﻤﺴﻌﺪﻩ ...
ﺗﺎﻓﺌﻒ ﺑﻬﺪﻭﺀ ... ﺷﺘﺤﺠﻴﻦ ﻳﻤﻪ ﺷﻨﻮ ﻳﻘﺘﻠﻬﺎ ﺷﻨﻮ ﻳﻐﺴﻞ ﻋﺎﺭﻩ ﺍﻟﺒﻨﻴﻪ ﻣﺎ ﺍﻟﻬﺎ ﺫﻧﺐ ﻭﺍﺫﺍ ﺍﻧﻬﺰﻣﺖ ﻣﻦ ﺧﻮﻓﻬﺎ ﻫﻮ ﺍﻧﺘﻲ ﻟﻮ ﺷﺎﻳﻔﺘﻬﺎ ﺗﺒﺠﻴﻦ ﻋﻠﺊ ﺣﺎﻟﻬﺎ ﻭﺟﻬﻪ ﻣﺰﻭﺭﻛﻪ ﺗﺰﻭﺭﻙ ﻭﺑﻌﺪﻳﻦ ﺍﻟﺒﻨﻴﻪ ﺣﺎﻣﻞ ﻭﺍﻟﻨﻪ ﻃﻔﻞ ﺑﺒﻄﻨﻬﺎ ..
ﺭﺩﺕ ﻧﻮﺍﻝ ﺑﻘﻬﺮ ... ﺍﺧﺮ ﺷﺊ ﺟﻨﺖ ﺍﺗﻮﻗﻌﻪ ﻳﺎ ﺻﻼﺡ ﺗﺪﺍﻓﻊ ﻟﻬﻞ ﻋﺎﺍﺍﺭ ﻫﺎﻱ ﺍﺧﻮﻫﺎ ﻛﺘﻞ ﺍﻫﻠﻚ ﻛﻠﻬﻢ ﺷﻠﻮﻥ ﺍﻟﻜﻢ ﻧﻔﺲ ﺗﻠﻔﻮﻧﻬﺎ ﺑﺒﻴﺘﻜﻢ ﺷﻠﻮﻥ ﺗﻘﺒﻠﻮﻥ ﺑﺎﺧﺖ ﻛﺘﺎﻝ ﺍﻫﻠﻜﻢ ﺗﻜﻌﺪ ﻭﻳﺎﻛﻢ ﻋﻠﺊ ﺻﻴﻨﻴﻪ ﻭﺣﺪﻩ ...
ﻣﻌﻘﻮﻟﺔ ﺍﻧﺘﻢ ﻣﺎ ﻋﺪﻛﻢ ﻣﺸﺎﻋﺮ ﻣﺎ ﺗﺬﻛﺮﻭﻥ ﻓﻼﺡ ﻭﻻ ﺍﻟﺸﻴﺦ ﻭﻻ ﻏﺰﻝ ﻟﻬﻞ ﺩﺭﺟﻪ ﻣﺎ ﺍﻟﻬﻢ ﻗﻴﻤﻪ ﻋﻨﺪﻛﻢ ...
ﻣﺴﺢ ﻭﺟﻬﻪ ﺑﺘﻮﺗﺮ ... ﻫﺬﺍ ﺍﻟﻤﻮﺿﻮﻉ ﺭﺍﺟﻊ ﺍﻟﺠﺎﺳﺮ ﻫﻲ ﻣﺮﺗﻪ ﻭﻫﻮ ﺍﻟﻲ ﻳﺘﺼﺮﻑ ﻭﺍﺫﺍ ﻧﺮﻳﺪ ﻧﺎﺧﺬ ﺛﺎﺭﻧﻪ ﻣﺎ ﻧﺎﺧﺬﻩ ﻣﻦ ﺍﺧﺖ ﻋﺎﺻﻢ ... ﻧﺎﺧﺬﻩ ﻣﻦ ﻋﺎﺻﻢ ﺷﺨﺼﻴﺎ ...
ﻭﻛﻔﺖ ﺍﻣﻪ ﺑﻐﻀﺐ ... ﻭﺍﻟﻠﻪ ﺍﻧﻲ ﻣﺎ ﺍﻗﺒﻞ ﺑﻬﻞ ﻛﻠﺒﻪ ﺗﺪﻭﺱ ﺑﻴﺘﻲ ﺧﻠﻲ ﻳﻄﻠﻜﻬﺎ ﻭﻳﺨﻠﺼﻨﻪ ﻣﻨﻬﺎ ...
ﻭﺍﻟﻠﻪ ﻟﻮ ﺍﻧﻲ ﻟﻮ ﻫﻲ ...
ﺻﻼﺡ ﺭﺩ ﺑﺪﻭﻥ ﻧﻔﺲ ... ﻳﻤﻪ ﻳﺠﻲ ﻭﺗﻔﺎﻫﻤﻮ ﻭﻳﺎﻩ ﺍﻧﻲ ﺩﺍﻳﺦ ﻭﺗﻌﺒﺎﻥ ﺻﺒﺮﻳﻪ ﺧﻠﺼﺘﻬﺎ ﻋﻠﻴﻪ ﺍﺑﻮ ﺍﻟﻠﻮﻝ ﻭﺣﺴﻨﻪ ﻃﻴﺮﺕ ﻣﺨﻲ ﻭﺍﻟﻠﻪ .
ﺍﺟﻪ ﺟﻌﻔﺮ ﻛﻌﺪ ﻛﺎﻝ ... ﻫﺴﻪ ﺧﻠﻲ ﻳﺠﻲ ﻭﺗﻔﺎﻫﻤﻮ ﻭﻳﺎﻩ ﻛﺎﻓﻲ ﺗﻠﺤﻦ ﻫﻮ ﻳﺠﻲ ﻭﻳﻔﻬﻤﻜﻢ ﺷﻴﺴﻮﻭﻱ ﺑﻌﺪ ﺍﻧﺘﻦ ﻣﺘﻌﺮﻓﻨﻪ ﺭﻭﺣﻪ ﺑﺨﺸﻤﻪ ...
ﻫﻨﻪ ﺳﻜﺘﻦ ﻣﺎ ﺣﺠﻦ ﺷﺊ ﺑﺲ ﻭﺣﺪﺗﻬﻦ ﻭﺟﻬﻪ ﻣﺎ ﻳﻜﺼﻪ ﺍﻟﺴﻴﻒ ...
ﻫﻤﺴﺖ ﺑﺨﺠﻞ ... ﺻﻼﺡ ﺧﺎﻟﺘﻲ ﻟﻴﺶ ﻣﺎ ﺍﺟﺖ ﻭﻳﻦ ﺭﺍﺣﺖ ..
ﺍﺑﺘﺴﻢ ﻭﻋﺪﻝ ﻛﻌﺪﺗﻪ ﻛﺎﻝ ... ﺭﺍﺣﺖ ﺍﻟﺒﻴﺘﻬﺎ ﻣﺪﺭﻱ ﺩﻛﻮﻝ ﺍﻟﻤﻄﻲ ﻣﺎﻟﺘﻬﺎ ﻣﺮﻳﺾ
ﺣﺎﻭﻟﺖ ﺍﺧﻔﻲ ﺍﺑﺘﺴﺎﻣﺘﻲ .. ﻫﻬﻪ ﺍﻱ ﺧﻄﻴﻪ ﻛﺎﻟﺖ ﻣﺮﻳﺾ ﻭﺍﺟﺖ ﺣﺘﺊ ﺗﺤﻞ ﺍﻟﻤﺸﻜﻠﻪ ...
ﺭﺩﺕ ﻧﻮﺍﻝ ﻣﻦ ﻳﻤﻬﺎ ... ﺷﻜﺪ ﻣﻜﺮﻭﻫﻪ ﻫﺎﻱ ﺧﺎﻟﺘﺞ ﻣﺪﺧﻠﻪ ﺭﻭﺣﻬﺎ ﺑﻜﻮﻭﻟﺸﻲ ﻳﻴﻴﻊ ﻓﻀﻮﻟﻴﺔ
ﺑﺎﻭﻋﺘﻠﻪ ﺑﻘﻬﺮ ... ﺑﺲ ﺷﺮﻳﻔﻪ ﻭﺻﺎﺣﺒﺔ ﻧﺨﻮﻩ ﻭﻣﺎ ﺗﺘﻬﻢ ﺍﺣﺪ ﺑﺎﻃﻞ ...
ﺭﺩ ﺻﻼﺡ ... ﻭﻧﻌﻢ ﻣﻨﻬﺎ ﺑﻤﻴﺔ ﺭﺟﺎﻝ ﻭﺍﻟﻠﻪ ﻛﻞ ﺳﻴﻄﺮﺓ ﻧﻔﻮﺕ ﻣﻨﻬﺎ ﺗﺎﺧﺬﻫﻢ ﺣﺎﺻﻞ ﻓﺎﺻﻞ ﻭﺗﺨﻠﺼﻬﺎ ﻋﻠﻴﻬﻢ ... ﺍﻟﻠﻪ ﻳﻨﺼﺮﻛﻢ ﻳﺎ ﺣﻤﺎﺓ ﺍﻟﻮﻃﻦ ﺍﺣﻨﻪ ﺑﺪﻭﻧﻜﻢ ﻧﻀﻴﻴﻊ ﺗﺎﻛﻠﻨﻪ ﺍﻟﻮﺍﻭﻳﻪ ...
ﻭﻫﻲ ﻣﺴﺪﺳﻬﺎ ﺑﺠﻴﺒﻬﺎ ....
ﺟﻌﻔﺮ ﺿﺤﻚ ﻛﺎﻝ ... ﺍﻱ ﻭﺍﻟﻠﻪ ﺧﻮﻭﻭﺵ ﻣﺮﻩ ﺻﻼﺡ ﻟﻴﺶ ﻣﺎ ﺗﺰﻭﺟﻬﺎ ﺗﺮﺉ ﻫﻲ ﻣﻄﻠﻘﻪ ...
ﺧﺰﺭﺗﻪ ﻧﻮﺍﻝ ... ﻭﺍﻧﻲ ﺿﺤﻜﺖ ﻋﻠﺊ ﻛﻼﻣﻪ ..
ﺭﺩ ﺻﻼﺡ ... ﺍﻱ ﻭﺍﻟﻠﻪ ﻻﺯﻡ ﻭﺍﺣﺪ ﻳﺎﺧﺬ ﻣﻦ ﺭﻳﺤﺘﻬﺎ
ﻧﻮﺍﻝ ﺧﻠﺖ ﻭﻃﻠﻌﺖ ﻣﺰﻋﻮﺟﻪ ﻭﺍﻧﻲ ﺭﺿﻴﻪ ﻛﺎﻟﺖ ... ﻳﻤﻪ ﺭﻫﻮﻣﻪ ﺧﻠﺼﺘﻲ ﺻﻼﺓ ...
ﺟﺎﻭﺑﺘﻬﺎ ... ﻟﻲ ﻋﻤﺔ ﺧﻠﺼﺖ ﻫﺴﻪ ﺍﺳﺎﻋﺪﺝ ﺑﺎﻟﻐﺪﻩ ...
ﺍﻧﻲ ﺟﻨﺖ ﻻﺑﺴﻪ ﺣﺠﺎﺑﻲ ﺟﻮﻩ ﻋﺒﺎﻳﺔ ﺍﻟﺼﻼﻩ ﻧﺰﻋﺖ ﺍﻟﻌﺒﺎﻳﺔ ﻭﺳﻔﻄﺘﻬﺎ ﻭﻟﻔﻴﺖ ﺍﻟﺴﺠﺎﺩﻩ ﺧﻠﻴﺘﻬﻦ ﻋﻠﺊ ﺻﻔﺤﻪ ...
ﺣﺴﻴﺖ ﺑﻨﻈﺮﺍﺕ ﺻﻼﺡ ﺗﺨﺘﺮﻗﻨﻲ
ﺟﻌﻔﺮ ﺿﺤﻚ ﻛﻠﻪ ... ﺻﻼﺡ ﺍﺫﺍ ﻛﻠﻮﻟﻚ ﺗﺰﻭﺝ ﻧﻮﺍﻝ ﺷﺘﺴﻮﻱ
ﺭﺩ ﻋﻠﻴﻪ ﺻﻼﺡ ﺑﻐﻀﺐ ... ﺑﻼ ﻣﺎ ﺗﻨﺠﺐ
ﺟﻌﻔﺮ ... ﻫﻬﻬﻬﻪ ﻭﺍﻟﻠﻪ ﺍﻧﻲ ﺍﺫﺍ ﻛﻠﻮﻟﻲ ﺍﻛﻠﻬﻢ ﺯﻭﺟﻮﻧﻲ ﺻﺒﺮﻳﺔ ﻭﻻ ﻧﻮﺍﻝ ...
ﺍﻧﺖ ﻫﻢ ﻣﻦ ﻳﻜﻮﻟﻚ ﺗﺰﻭﺟﻬﺎ ﻛﻠﻬﻢ ... ﻋﻤﻲ ﺍﺗﺰﻭﺝ ﺻﺒﺮﻳﺔ ﻭﻛﻌﺪ ﺑﺼﻒ ﻛﻨﻮﺵ ﻭﻻ ﺍﻛﻌﺪ ﻳﻢ ﻧﻮﺍﻝ ﺟﻨﻬﺎ ﻛﻨﻮﺵ
ﺧﺰﺭﻩ ﺻﻼﺡ ﻫﻮ ﻏﻴﺮ ﺍﻟﻤﻮﺿﻮﻉ ﻭﺿﻞ ﻳﺤﻚ ﺑﻠﺤﻴﺘﻪ ﻛﺎﻝ ... ﺍﻛﻠﻚ ﺻﻼﺡ ﺷﻮﻛﺖ ﻧﺰﻳﻦ ﻣﺘﺘﺖ ﻟﺤﻴﺘﻲ ﻭﺻﻠﺖ ﺍﻟﺒﻄﻨﻲ ...
ﻛﻤﻞ ﺑﻘﻬﺮ ... ﺍﺩﺭﻱ ﺣﺰﻧﺎﻧﻴﻦ ﺑﺲ ﻣﻮ ﻫﻴﺞ ﺻﺮﺕ ﺟﻨﻲ ﻫﺬﺍ ﺍﻟﻲ ﺑﺎﮒ ﺍﻣﻮﻥ ﺭﺏ ﺯﻟﻴﺨﻪ
ﺧﺰﺭﺓ ﺻﻼﺡ ﻣﺮﻩ ﺛﺎﻧﻴﻪ ... ﻭﻟﻚ ﺍﺳﻜﺖ ﻻ ﻳﺴﻤﻌﻚ ﺟﺎﺳﺮ ﻭﺍﻧﻲ ﻣﺎ ﺍﻟﻲ ﺧﻠﮓ ﺍﺩﺍﻓﻌﻠﻚ
ﻫﻮ ﺿﻞ ﻳﻀﺤﻚ ﻭﺍﺣﻨﻪ ﻃﻠﻌﻨﻪ ﻧﺴﻮﻱ ﻏﺪﺍ ﺧﻄﻴﻪ ﻭﻗﺎﺭ ﺍﺟﺖ ﻭﻳﺎﻧﻪ ﺍﻟﻲ ﺗﻜﺪﺭ ﻋﻠﻴﻪ ﺗﺴﻮﻱ
ﺻﺎﺣﺖ ﺭﺿﻴﻪ ﻋﻠﺊ ﻧﻮﺍﻝ ﺗﺴﺎﻋﺪﻧﻪ ﻛﺎﻟﺖ . . ﻭﺍﻟﻠﻪ ﻣﺎ ﺍﻛﺪﺭ ﻻﺯﻣﻪ ﻋﺪﻩ ﻭﺑﻄﻨﻲ ﺗﺎﺫﻳﻨﻲ ..
ﻋﻔﻨﺎﻫﺎ ﺳﻮﻳﻨﻪ ﻏﺪﻩ ﺗﻐﺪﻳﻨﻪ ﻭﻛﻤﻠﻨﻪ ﺷﻮﻭﻳﻪ ﻭﺩﺧﻞ ﺟﺎﺳﺮ ...
ﺍﻭﻝ ﻣﺎ ﺩﺧﻞ ﻭ ﻭﺭﺍﻫﺎ ﺟﻮﻟﻴﻴﺖ ﻭﺍﻛﻔﻪ ﺑﺎﻧﻜﺴﺎﺭ ﻭﺷﻜﻠﻬﺎ ﻳﺮﺛﺊ ﺍﻟﻪ ﻣﺒﻬﺬﻟﻪ ﺑﺸﻜﻞ ...
ﻫﻨﻪ ﺗﺨﺒﻠﻦ ﻫﺠﻤﻦ ﻋﻠﻴﻬﺎ ﺑﺎﻓﺘﺮﺍﺱ ﺑﺲ ﻫﻲ ﻟﺰﻣﺖ ﺑﻘﻤﻴﺺ ﺟﺎﺳﺮ ﺗﺤﺘﻤﻲ ﺑﻲ ﻣﻨﻬﻢ ...
ﻧﻮﺍﻝ ﻛﻠﺒﺖ ﺍﻟﺪﻧﻴﺎ ﺗﺼﺮﺥ ﻭﺗﺼﻴﺢ ﻭﺗﻠﻄﻢ ﻭﺗﺒﺠﻲ ... ﻃﻠﻌﻮﻭﻭﻫﺎ ﻃﻠﻌﻮﻫﺎ ﺧﺒﺼﺖ ﺍﻻﻣﻪ ﺧﺒﺺ ..
ﻭﺍﻡ ﻓﻼﺡ ﺗﺨﺒﻠﺖ ﻭﻫﻲ ﺩﻛﻮﻟﻪ ... ﺍﻧﻄﻴﻨﻴﺎﻫﺎ ﺧﻠﻲ ﺍﻓﻌﺼﻬﺎ ﻓﻌﺺ ﺑﻨﺖ ﺍﻟﻜﻠﺐ ﺑﻨﺖ ﺍﻟﺰﻣﺎﻝ ﻃﻠﻌﻬﺎ ﻣﺎ ﺍﺭﻳﺪﻫﺎ ...
ﻫﻮ ﺍﺑﺪ ﻣﺎ ﺧﻠﻪ ﺍﻱ ﻭﺣﺪﻩ ﺗﻄﺨﻬﺎ ﺣﻀﻨﻬﺎ ﻭﻗﻴﺪﻫﺎ ﻣﻨﻬﻦ ... ﻭﺑﻌﺪﻫﺎ ﺍﻣﺮﻫﺎ ﺗﺮﻭﺡ ﺍﻟﻐﺮﻓﺘﻬﺎ ...
ﻫﻲ ﺧﻄﻴﻪ ﺧﺎﻓﺖ ﻭﺭﺍﺣﺖ ﺗﺮﻛﺾ ﺩﺧﻠﺖ ﺍﻟﻐﺮﻓﺘﻬﺎ ﺗﺒﺠﻲ ...
ﻭﻋﻤﺘﻲ ﺍﻡ ﻓﻼﺡ ﺭﺍﺳﻬﺎ ﻭﺍﻟﻒ ﺳﻴﻒ ﺍﻟﻪ ﻳﻄﻠﻜﻬﺎ ...
ﻫﻮ ﺟﺎﻭﺑﻬﺎ ﺑﻬﺪﻭﺀ ... ﺍﻃﻠﻜﻬﺎ ﺑﺲ ﺧﻠﻲ ﺗﻮﻟﺪ ...
ﺿﻠﻮ ﺷﻮﻳﻪ ﻳﺘﻨﺎﻗﺸﻮﻥ ﻭﺑﻌﺪﻫﺎ ﺍﺣﻨﻪ ﻃﻠﻌﻨﻪ ﺑﻌﺪﻫﺎ ﻃﻠﻌﺖ ﺍﻣﻪ ﻫﺎﺩﺋﻪ ﺷﻮﻭﻭﻳﻪ ﻭﻧﻮﺍﻝ ﺭﺃﺳﺎ ﺭﺟﻊ ﺍﻟﺪﻡ ﺑﻮﺟﻬﻪ ﺑﺲ ﺍﺟﺖ ﺣﺠﺖ ﻭﻳﺎﻫﺎ ﺍﻡ ﻓﻼﺡ ...
ﻃﻠﻊ ﻫﻮ ﻛﺎﻝ ... ﻟﺤﺪ ﻳﺘﻌﺮﺽ ﺍﻟﻬﺎ ﻭﻟﺤﺪ ﻳﺎﺫﻳﻬﺎ ﻣﺎﻟﻜﻢ ﺷﻐﻞ ﺑﻴﻬﺎ ... ﺗﺠﻴﺐ ﺍﻟﻄﻔﻞ ﻭﺑﻌﺪﻫﺎ ﺗﺮﻭﺡ ﻻﻫﻠﻬﺎ ﺑﺲ ﺍﻟﻤﻬﻢ ﺍﻟﻄﻔﻞ ...
ﺑﻌﺪﻫﺎ ﺧﻠﻪ ﻭﺭﺍﺡ ...
ﻭﺍﻧﻲ ﺃﺧﺬﻧﻲ ﺻﻼﺡ ﻫﻮ ﻭ ﻭﻗﺎﺭ ﻭﻗﺎﺭ ﻛﺎﻟﺖ ﺍﺭﻳﺪ ﺍﺿﻞ ﻳﻤﻜﻢ ﻻﻥ ﺗﻌﺒﺖ ﻣﻨﻬﻢ ﻣﺎ ﺍﻛﺪﺭ ﺍﺗﺤﻤﻞ ﻫﻠﻜﺪ ﺿﻐﻮﻁ ﺗﻌﺒﺎﻧﻪ ﺣﻴﻞ ...
ﺍﻟﻤﻬﻢ ﺭﺟﻌﺖ ﺍﻻﻫﻠﻲ ﻭﻟﻜﻴﺖ ﺍﺑﻮﻳﻪ ﺭﺍﺟﻊ ﺍﻻﻣﻲ ﺑﺲ ﺍﻣﻲ ﻣﺘﺤﺠﻲ ﻭﻳﺎﻩ ﻭﻫﻮ ﻫﻤﺎﺗﻴﻦ ﺯﻋﻼﻥ ﻋﻠﻴﻬﺎ ...
....................................
ﺟﺎﺑﺮ ....
ﺻﺎﺭ ﻳﻮﻣﻴﻦ ﻋﻠﺊ ﻫﻞ ﻭﺿﻊ ﺩﻭﻭﺧﻪ ﻭﺧﺸﻤﻲ ﻳﻨﺰﻑ ﻛﻠﺘﻬﺎ ﻣﻦ ﺍﻟﺒﺪﺍﻳﺔ ﺟﻮﻳﺴﺮ ﺍﻟﻨﺬﻝ ﻛﺴﺮ ﺧﺸﻤﻲ ...
ﻭﻫﺎﻱ ﺻﺒﺮﻳﻪ ﻟﺤﺪ ﺍﻻﻥ ﻣﺎ ﺍﺟﺖ ﻭﺍﻋﺮﻑ ﺷﻨﻮ ﺍﻟﺼﺎﺭ ... ﻭﺍﻟﻠﻪ ﺍﺣﺲ ﺑﻨﺎﺭ ﻣﺸﺘﻌﻠﻪ ﺑﻴﻪ ﻋﻠﺊ ﺟﻮﻟﻴﻴﺖ ﻣﻮ ﻋﻠﺊ ﻧﻔﺴﻲ
ﺧﻄﻴﻪ ﻣﺤﺪ ﺍﻟﻬﺎ ...
ﻃﻠﻌﺖ ﻟﻠﺒﺴﺘﺎﻥ .. ﺷﻔﺖ ﺻﺒﺮﻳﺔ ﺍﺟﺖ ﻣﻦ ﺑﻌﻴﺪ ﺍﻟﺜﻮﺏ ﻃﺎﻳﺮ ﻭﺍﻟﺠﻮﺍﺭﻳﺐ ﺻﺎﺭﻳﺖ ﺟﻨﻦ ﺑﻮﺕ ﻭﺍﻟﻌﺒﺎﻳﻪ ﻣﻔﺘﻮﺣﻪ ﺻﺎﺣﺖ ﻣﻦ ﺑﻌﻴﺪ ﻭﻫﻲ ﺍﺗﺎﺷﺮ ﺑﻴﺪﻫﺎ ... ﺍﻫﻼ ﺟﻮﻳﺒﺮ ﺑﺸﺮﻧﻲ ﺑﻄﻠﻴﺎﻧﻲ ﺷﻠﻮﻧﻬﻦ ﻛﻨﻮﺵ ﺑﺲ ﻻ ﺑﻌﺪﻩ ﺧﺎﻧﺲ
ﻫﺰﻳﺖ ﺍﻳﺪﻱ ﺑﻘﻬﺮ ... ﻫﺎﻱ ﺑﺪﻝ ﻣﺎ ﺗﺴﺄﻝ ﻋﻠﻴﻪ ﺗﺴﺄﻝ ﻋﻠﺊ ﺍﻟﻄﻠﻴﺎﻥ ﻭﻛﻨﻮﺵ ..
ﺍﺟﺖ ﻭﻫﻲ ﺗﺘﻔﺤﺺ ﺑﻮﺟﻬﻲ ﻛﺎﻟﺖ ... ﻫﺎﺍ ﺟﺎﺑﺮ ﺷﻠﻮﻧﻚ ﺧﻮﺵ ﻭﺍﻟﻠﻪ ﺍﻧﺖ ﻭﺟﻜﻠﻴﺘﻪ ﺟﺎﺳﺮ ﻣﻔﻠﺸﻜﻢ ﺗﻔﻠﺶ
ﻟﺰﻣﺖ ﺍﻳﺪﻫﺎ ﺑﻘﻠﻖ ... ﺷﻠﻮﻧﻬﺎ ﺟﻮﻟﻴﻴﺖ ﺑﺲ ﻻ ﻛﺘﻠﻮﻫﺎ
ﺭﺩﺕ ﺑﻐﻀﺐ ... ﺧﺎﻳﺐ ﻳﻄﻴﺮﻭﻥ ﺷﺤﺪﻩ ﻟﻴﻤﺪ ﺍﻳﺪﻩ ﻋﻠﻴﻬﺎ ﻫﻲ ﺻﺪﻙ ﻣﺤﺼﻠﻪ ﺟﻢ ﺭﺍﺷﺪﻱ ﻭﺟﻢ ﺭﻓﺴﻪ ﺑﺲ ﻣﺜﻠﻚ ﻣﺎ ﺑﻴﻬﺎ ﺷﺊ ...
ﻛﻤﻠﺖ ﺑﻬﺪﻭﺀ ... ﻛﺎﻝ ﻣﺎ ﺍﻛﺘﻠﻬﺎ ﻭﺭﺍﺡ ﺍﺭﺟﻌﻬﺎ ﺍﻟﺒﻴﺘﻲ ﺑﺲ ﺷﻨﻲ ﻋﻮﺩ ﻫﻮ ﺣﺮﻣﻬﺎ ﻋﻠﺊ ﻧﻔﺴﻪ ... ﺑﺲ ﺧﻠﻲ ﻳﻮﻟﻲ،ﻳﻄﻴﺮ ﻫﻲ ﺟﻮﻳﻠﻴﺘﻪ ﻣﻨﻮ ﻳﻜﺪﺭ ﻳﻘﺎﻭﻡ ﺟﻤﺎﻟﻬﺎ ﻭﻋﻴﻮﻧﻬﺎ ﺑﺲ ﺍﻟﻤﻄﻲ ...
ﺍﺭﺩﻓﺖ ﺑﺘﻔﻜﻴﺮ ... ﻻ ﻭﺍﻟﻠﻪ ﺣﺘﺊ ﻛﻨﻮﺵ ﺻﺪﻙ ﻫﻮ ﻣﻄﻲ ﺑﺲ ﻋﻨﺪﻩ ﺍﺣﺴﺎﺱ ﻭﺫﻭﻕ ﺍﻧﻌﺠﺐ ﺑﺠﻜﻠﻴﺘﻪ ...
ﺍﺧﻴﺮ ﻣﻦ ﺫﺍﻙ ﺍﻟﻤﻄﻲ ﺍﺑﻮ ﺍﻟﻠﻮﻝ ﺍﻧﻌﺠﺐ ﺑﺤﺴﻨﻪ ﺟﻨﻬﺎ ﺻﺨﻠﻪ ﺑﻴﻬﺎ ﺳﻞ ... ﻣﺎﻛﻮﻭ ﺫﻭﻕ
ﺟﺮﻳﺖ ﻧﻔﺲ ﺑﻘﻬﺮ ... ﺍﻫﻠﻲ ﺷﻠﻮﻧﻬﻢ ؟
ﺟﺎﻭﺑﺖ ﺑﻌﺪﻡ ﺍﻫﺘﻤﺎﻡ ... ﺍﺑﻮﻭﻭﻙ ﻃﻠﮓ ﺍﻣﻚ
ﻓﺘﺤﺖ ﻋﻴﻮﻧﻲ ﺑﺼﺪﻣﻪ ... ﻻﺍﺍﺍﺍﺍ ﺻﺪﻙ ﺗﺤﺠﻴﻦ ﺍﺑﻮﻭﻱ ﻣﺴﺘﺤﻴﻞ ﻳﺴﻮﻳﻬﺎ ...
ﺟﺎﻭﺑﺖ ﺑﺘﻨﻬﻴﺪﻩ ... ﻻ ﺑﺲ ﺭﺟﻌﻬﺎ ﺻﺎﺭﺕ ﻣﺮﺗﻪ ..
ﺟﺮﻳﺖ ﻧﻔﺲ ... ﺍﻛﻠﺞ ﺻﺒﺮﻳﺔ ﻋﻠﺊ ﻛﻴﻔﺞ ﻭﻳﺎﻱ ﺷﻨﻮ ﻃﻠﻜﻬﺎ ﻭﺷﻨﻮ ﺭﺟﻌﻬﺎ .. ﻫﺎﻱ ﺍﺳﺮﻉ ﺣﺎﻟﺔ ﻃﻼﻕ ﻭﺭﺟﻮﻉ ﺑﺎﻟﻌﺎﻟﻢ ﺍﻧﺘﻲ ﺗﻀﺤﻜﻴﻦ ﻋﻠﻴﻪ ...
ﺭﺩﺕ ﺑﻌﺼﺒﻴﺔ ... ﺧﺎﺏ ﺩﺭﻭﺡ ﻓﻮﻙ ﻣﺎ ﺍﺟﻴﺐ ﺍﺧﺒﺎﺭ ﺍﻫﻠﻪ .. ﺍﺭﻭﺡ ﺍﺷﻮﻑ ﻃﻠﻴﺎﺗﻲ ﻭﻧﻌﻴﺠﺎﺗﻲ ﻭﺩﺟﻴﺠﺎﺗﻲ ﺍﺣﺴﻨﻠﻲ ...
ﺧﻠﺖ ﻭﺭﺍﺣﺖ ﺷﻮﻳﻪ ﻭﺍﺟﺖ ﻫﺪﺕ ﻋﻠﻴﻪ ﻛﺎﻟﺖ ﺑﻐﻀﺐ ﻛﺎﺳﺢ ... ﺟﻮﻭﻭﻳﺒﺮ ﻳﺎ ﻇﺎﻟﻢ ﻛﻠﻬﻦ ﺿﻌﻔﺎﻧﺎﺕ ﻭﻟﻚ ﺑﺲ ﻻ ﺍﻣﻮﺗﻬﻦ ﺟﻮﻭﻭﻉ ...
ﺍﺣﻠﻒ ﺑﺎﻟﻘﺮﺍﻥ ﻣﺪﺍﺭﻳﻬﻦ ...
ﺟﺎﻭﺑﺘﻬﺎ ﺑﻘﻬﺮ .. ﻭﺍﻟﻠﻪ ﺍﻟﻌﻈﻴﻢ ﻛﻠﻬﻦ ﻣﺪﺍﺭﻳﻬﻦ ﻭﻗﺎﻳﻢ ﺑﻮﺍﺟﺒﻬﻦ ﻣﺘﺖ ﺟﻮﻉ ﻭﺩﺍﺭﻳﺘﻬﻦ ...
ﺟﺮﺕ ﻧﻔﺲ ... ﻳﻤﻜﻦ ﻣﻦ ﺿﺎﻳﺠﺎﺕ ﻋﻠﻴﻪ ﻻﻥ ﻣﺴﺘﻔﻜﺪﺍﺗﻨﻲ ...
ﺟﺎﻭﺑﺘﻬﺎ ... ﻳﺠﻮﺯ ﻣﻐﺰﺭ ﺑﻴﻬﻦ ﺍﻟﺰﺍﺩ ﻭﺍﻟﻤﻠﺢ
ﺗﻨﻬﺪﺕ ﺑﺤﺰﻥ ... ﺍﻱ ﺟﺎﺍﺍ ﻗﺎﺑﻞ ﻫﻨﻪ ﻣﺜﻞ ﺍﺑﻮ ﺍﻟﻠﻮﻝ ﺍﻟﻜﻮﺍ ... ﻧﺎﻛﺮ ﺍﻟﺰﺍﺩ ﻭﺍﻟﻤﻠﺢ ... ﻟﻮ ﻣﺨﻠﻴﺘﻠﻪ ﺳﻢ ﺑﺎﻻﻛﻞ ﻭﻣﻮﺗﻪ ﺍﺣﺴﻦ ﻣﻦ ﺍﻟﻤﻠﺢ ...
ﻛﻌﺪﺕ ﻛﻄﻌﺖ ﺍﻟﻬﺎ ﺧﻀﺮﻩ ﻭﻛﻌﺪﺕ ﺗﺎﻛﻞ ﻭﺳﺦ ﻭﺗﻠﻒ ﻭﺗﺎﻛﻞ
ﻛﻠﺘﻠﻬﺎ .. ﺧﺎﻟﻪ ﻣﻮ ﺯﻳﻦ ﻫﺎﻱ ﻛﻠﻬﺎ ﻣﻜﺮﻭﺑﺎﺕ ﻻ ﺗﺘﻠﻮﺙ ﻣﻌﺪﺗﺞ ..
ﻫﺰﺕ ﺍﻳﺪﻫﺎ ... ﺧﺎﻳﺒﻪ ﻣﺤﺪ ﻳﻤﻮﺕ ﻧﺎﻛﺺ ﻋﻤﺮ ... ﺧﻠﺼﺖ ﻋﻤﺮﻱ ﺍﺗﻨﺴﺊ ﺏ ﻟﻴﺎﻟﻲ ﻃﻴﻦ ﺧﺎﻭﺓ
ﺣﺘﺊ ﻣﻦ ﺟﺒﺘﻬﺎ ﻃﻠﻌﺖ ﻣﻄﻴﻨﻪ ﻭ ﻭﺟﻬﻪ ﻣﺼﺨﻢ ...
ﺿﺤﻜﺖ ﻛﻠﺘﻠﻬﺎ ... ﺍﺩﺭﻱ ﻣﻌﺪﺓ ﻟﻮ ﻣﮕﺒﺮﻩ ﺗﺮﺳﺘﻬﺎ ﺗﺮﺍﺏ ﻭﻃﻴﻦ ...
ﺭﺩﺕ ﺑﻌﺪﻡ ﺍﻫﺘﻤﺎﻡ ... ﺍﻱ ﻭﺷﻔﺖ ﻣﺎ ﻣﺘﺖ ﻫﺎﻱ ﺷﺤﻼﺗﻬﺎ ﻣﺎﻛﻠﻪ ﺍﻟﻄﻴﻦ ﻛﻠﻪ ﻭﺍﺣﻠﻪ ﻣﻦ ﺣﺴﻨﻪ ﺍﻟﻮﺻﺨﻪ ...
ﺿﺤﻜﺖ ﻋﻔﺘﻬﺎ ﻭﺭﺣﺖ ﺍﻣﺸﻲ ﺑﺎﻟﺒﺴﺘﺎﻥ ﺟﺮﻳﺖ ﻧﻔﺲ ... ﺍﻥ ﺷﺎﺀ ﺍﻟﻠﻪ ... ﺍﻟﻠﻪ ﻳﻜﻮﻥ ﺑﻌﻮﻥ ﻫﻞ ﻣﺴﻜﻴﻨﻪ ﺍﻟﻤﻨﻜﺴﺮﻩ ﻣﺤﺪ ﺭﺣﻤﻬﺎ ...
..................................
ﺟﻮﻟﻴﻴﺖ
ﺑﻌﺪ ﺍﻟﻲ ﺻﺎﺭ ﻭﻣﻦ ﺟﺎﺑﻨﻲ ﺟﺎﺳﺮ ﺍﻟﻬﻢ ﺍﻟﺨﻮﻑ ﺗﻠﺒﺲ ﺑﺠﺴﻤﻲ ﻗﺒﻞ ﻻ ﺍﺩﺧﻞ ﺍﻟﻬﻢ ...
ﺗﺮﺩﺩﺕ ﻫﻮﻭﺍﻳﻪ ﺑﺲ ﺟﻨﺖ ﻣﺨﻴﺮﻩ ﻏﻴﺮ ﻣﺴﻴﺮﻩ ﻻﺯﻡ ﺍﺩﺧﻞ ﻭﺑﺎﻣﺮ ﻣﻨﻪ
ﺩﺧﻠﺖ ﻟﻠﺒﻴﺖ ﺑﺲ ﺍﺣﺲ ﮔﻠﺒﻲ ﻭﮔﻒ ﻣﻦ ﺍﻟﺨﻮﻑ ﻭﻣﻦ ﺭﺩﺓ ﻓﻌﻠﻬﻦ ...
ﺍﻭﻝ ﻣﺎ ﺷﺎﻓﻨﻲ ﻭﻫﻨﻪ ﺗﺨﺒﻠﻦ ﻫﺠﻤﻦ ﻋﻠﻴﻪ ﺑﻌﻨﻒ ﻣﻦ ﺧﻮﻭﻓﻲ ﺍﺣﺘﻤﻴﺖ ﺑﻲ ﺷﻜﺪ ﺻﻌﺒﻪ ﻣﻦ ﺗﻀﻢ ﻧﻔﺴﻚ ﺑﺤﻀﻦ ﻗﺎﺗﻠﻚ ﺣﺘﺊ ﻳﺤﻤﻴﻚ ﻣﻦ ﻏﻴﺮﺓ ...
ﺑﺲ ﺍﻟﻲ ﻓﺎﺟﺌﻨﻲ ﻫﻮ ﺍﺣﺘﻀﻨﻲ ﻭﺣﻤﺎﻧﻲ ﺍﺑﺪ ﻣﺎ ﺧﻠﻪ ﺍﻱ ﻭﺣﺪﻩ ﻣﻨﻬﻦ ﺗﺘﻌﺮﺽ ﺍﻟﻴﻪ ...
ﺻﺎﺭ ﺻﻴﺎﺡ ﻭﻏﻠﻂ ﻭﻓﺠﺄﺓ ﻫﺪﻭﺀ ...
ﺿﻠﻴﻨﻪ ﻳﻮﻣﻴﻦ ﻫﻮ ﻋﺰﻝ ﻓﺮﺍﺷﻪ ﻣﻨﻲ ﻋﻨﺪﻫﻢ ﻏﺮﻓﻪ ﺛﺎﻧﻴﺔ ﺍﺳﺘﻘﺮ ﺑﻴﻬﺎ ﻭﺗﺮﻙ ﻛﻞ ﺍﻟﻐﺮﻓﻪ ﺍﻟﻴﻪ ...
ﺿﻠﻴﺖ ﺍﻛﻌﺪ ﺍﻟﺼﺒﺢ ﺍﻛﻠﻬﻢ ﺻﺒﺎﺡ ﺍﻟﺨﻴﺮ ﻣﺤﺪ ﻳﺮﺩ ﻏﻴﺮ ﺭﺿﻴﻪ ..
ﺣﺴﻴﺖ ﻧﻔﺴﻲ ﻧﻜﺮﺓ ﻭﻫﺎﻣﺶ ﺑﺲ ﻣﻴﺨﺎﻟﻒ ﺍﻟﻤﻬﻢ ﻣﺤﺪ ﻳﺎﺫﻳﻨﻲ ...
ﺟﻨﺖ ﺍﻧﻀﻒ ﻭﺍﺷﺘﻐﻞ ﺍﺳﻮﻱ ﺍﻛﻞ ﻧﻮﺍﻝ ﻣﺘﻘﺒﻞ ﻻﺯﻣﻪ ﻋﺪﻩ . ﻭﻭﻗﺎﺭ ﻋﻨﺪ ﺑﻴﺖ ﻋﻤﻬﺎ ...
ﻛﻞ ﻳﻮﻡ ﺍﺣﺲ ﺿﻬﺮﻱ ﻳﻨﻜﺴﺮ ﻧﺼﻴﻦ ﻭﺑﻄﻨﻲ ﺍﻟﺜﻜﻞ ﻋﺒﺎﻟﻚ ﺑﻠﻮﻛﻪ ﺑﻴﻬﺎ ...
ﺍﺿﻞ ﺍﺑﺠﻲ ﻣﻦ ﺍﻟﺘﻌﺐ ﻭﺍﻟﻮﺟﻊ ﺑﺲ ﻣﺎ ﺍﻛﻮﻝ ﻷﻱ ﺷﺨﺺ ﻻﻥ ﺍﺻﻼ ﻣﺤﺪ ﻳﺴﻤﻌﻨﻲ
ﻭﻫﻮ ﻳﺪﺧﻞ ﻭﻳﻄﻠﻊ ﺍﺑﺒﺪ ﻣﺎ ﺍﺣﺘﻚ ﺑﻴﻪ ﻭﻻ ﺳﺄﻟﻨﻲ ﻭﻻ ﺍﻟﻪ ﺍﻱ ﺍﻫﻤﻴﺔ ﺣﺘﺊ ﺑﻨﻈﺮﻩ ﻋﺎﺑﺮﻩ ﻣﺎ ﻳﻨﻈﺮ ﺍﻟﻴﻪ ...
ﺻﺎﺩﻑ ﻳﻮﻡ ﺟﻤﻌﻪ ...
ﻃﻠﻌﺖ ﺑﺮﻩ ﺍﻟﻐﺮﻓﺔ ﻓﺘﺤﺖ ﺍﻟﺒﻮﺭﻱ ﻭﺷﻜﻠﺖ ﺍﻟﺼﻮﻧﺪﻩ ﺩﺍ ﺍﻏﺴﻞ ﺑﺎﻟﺤﻮﺵ
ﺍﺟﺖ ﻧﻮﺍﻝ ﺗﺒﺚ ﺳﻤﻬﺎ ﻋﻠﻴﻪ ﻛﺎﻟﺖ ... ﺟﺎﺑﻮ ﺳﻤﺞ ﺍﻏﺴﻠﻲ ﻭﺍﺷﻮﻱ ﻻﻥ ﻳﺮﺩﻭﻥ ﻳﺴﻮﻭ ﺛﻮﺍﺏ ...
ﻫﺰﻳﺖ ﺭﺍﺳﻲ ﺑﻘﺒﻮﻝ ...
ﺿﺤﻜﺖ ﺑﺨﺒﺚ ﻛﺎﻟﺖ ... ﻳﺎﻟﻠﻪ ﺷﻮﻛﺖ ﺗﺠﻴﺒﻴﻦ ﻻﻥ ﻭﺍﻟﻠﻪ ﺻﺪﻙ ﺻﺎﻳﺮﻩ ﺧﺪﺍﻣﻪ ﻭﻓﺎﻳﺪﺗﻨﻪ ﺑﺲ ﺑﺼﺮﺍﺣﻪ ﻛﻮﻭﻟﺶ ﻣﺎ ﻣﺘﺤﻤﻠﻪ ﻭﺟﻬﺞ ﻫﻨﺎ ...
ﺳﻜﺘﺖ ﻣﺠﺎﻭﺑﺘﻬﺎ ﺑﺲ ﺣﻴﻞ ﻣﻘﻬﻮﺭﻩ ﺍﺭﻳﺪ ﺍﻣﻲ ﻭﺍﻟﻠﻪ ﺗﻌﺒﺖ ...
ﺗﻨﻬﺪﺕ ﻭﻛﻤﻠﺖ ﺑﻬﺪﻭﺀ ... ﺗﺪﺭﻳﻦ ﻟﻴﺶ ﺍﻟﻜﻞ ﺳﺎﻛﺖ ﻣﻨﺞ ﺍﻛﻮﻟﺞ ﻟﻴﺶ
ﺭﻣﺸﺖ ﺑﻌﻴﻮﻧﻲ ... ﻟﻴﺶ؟
ﺿﺤﻜﺖ ﺑﺨﺒﺚ ... ﻻﻥ ﺟﺎﺳﺮ ﻛﺎﻝ ﺑﺲ ﺗﺠﻴﺒﻴﻦ ﺭﺍﺡ ﻳﺎﺧﺬ ﺍﻟﻄﻔﻞ ﻣﻨﺞ ﻭﻳﻄﻠﻜﺞ ﻭﻳﻨﻄﻲ ﺍﻻﺧﺘﻪ ﺍﺷﻮﺍﻕ ﻻﻥ ﻟﺤﺪ ﺍﻻﻥ ﻣﺎ ﻋﻨﺪﻫﺎ ﻃﻔﻞ ...
ﻋﻔﺖ ﺍﻟﺼﻮﻧﺪﻩ ﻣﻦ ﺍﻳﺪﻱ ﻭﻭﻛﻔﺖ ﻣﺮﻋﻮﻭﺑﻪ ﺗﻌﺼﺒﺖ ﻭﺍﻧﻲ ﺍﺭﺟﻒ .. ﻣﻮ ﺑﻜﻴﻔﻜﻢ ﺗﻨﻄﻮﻥ ﻃﻔﻠﻲ ﺣﺮﺍﻡ ﻭﺍﻟﻠﻪ ﻣﺎ ﺍﻧﻄﻲ ﻟﻮ ﺗﺬﺑﺤﻮﻧﻲ ... ﻟﻴﺶ ﺗﻴﺘﻤﻮﻧﻪ ﻣﻨﻲ
ﺭﻓﻌﺖ ﺍﻛﺘﺎﻓﻬﺎ ﺑﻤﻌﻨﺊ .. ﻣﺎ ﺍﻋﺮﻑ
ﺧﻠﺖ ﻭﺭﺍﺣﺖ ﻭﺍﻧﻲ ﺭﺣﺖ ﻟﻠﻤﻄﺒﺦ ﺿﻠﻴﺖ ﺍﻓﻮﺭ ﻣﻦ ﺍﻟﻘﻬﺮ ...
ﻫﻮ ﻣﻮﺟﻮﺩ ﺍﻟﻴﻮﻡ ﻻﺯﻡ ﺍﺭﻭﺡ ﺍﺣﺠﻲ ﻭﻳﺎﻩ ﻻﺯﻡ ...
ﻣﺼﺪﻭﻭﻭﻣﻪ ﻣﻦ ﺑﻌﺪ ﺍﻟﺴﻤﻌﺘﻪ .. ﻣﻌﻘﻮﻭﻟﻪ ﻛﻼﻡ ﻧﻮﺍﻝ ﺻﺤﻴﺢ ﻣﻌﻘﻮﻟﻪ ﺍﻟﻜﺎﻟﺘﻪ ﻫﻮ ﺍﻟﺤﻘﻴﻘﻪ ...
ﺍﻟﺮﺟﻔﻪ ﺍﻋﺘﻠﺖ ﺟﺴﻤﻲ ﻭﺍﻟﺪﻣﻮﻉ ﺗﻨﺰﻝ ﻻ ﺍﺭﺍﺩﻱ ...
ﻣﻦ ﺑﻌﺪ ﻛﻼﻣﻬﺎ ﺳﺎﻗﻨﻲ ﺭﺟﻠﻴﻪ ﻟﻼﺳﺘﻘﺒﺎﻝ ﺍﻟﻲ ﻫﻮ ﺩﺍﺋﻤﺎ ﻗﺎﻓﻠﻪ ﻭﻛﺎﻋﺪ ﺑﻴﻬﺎ ﻭﻣﺤﺪ ﻳﺘﺠﺮﺀ ﻳﻔﺘﺤﻬﺎ ﻭﻳﻌﺮﻙ ﻣﺰﺍﺟﻪ ﺧﺎﺻﺔ ﺍﻧﻲ
ﺍﻧﻲ ﺍﻧﺘﻬﻴﻴﻴﻴﺖ ﺑﺎﻟﻨﺴﺒﻪ ﺍﻟﻪ ﺍﻧﺘﻬﻴﻴﻴﻴﺖ !
ﻭﻣﻦ ﺑﻌﺪ ﺫﺍﻙ ﺁﻟﺤﺎﺩﺙ ﺍﻟﻤﺸﺆﺅﻡ ﻭﻣﻦ ﺑﻌﺪ ﺫﻳﺞ ﺍﻟﻴﻠﻪ ﺍﻟﻲ ﺍﻟﻘﻤﺮ ﺑﻴﻬﺎ ﺷﻴﻊ ﺍﻟﻨﺠﻮﻡ ﻭﺩﻓﻨﻬﻢ ﺑﺄﺭﺽ ﺍﻟﻨﺠﻒ
ﻣﻦ ﻫﺬﺍ ﺍﻟﻴﻮﻡ ﺍﻟﻘﻤﺮ ﺗﻮﺷﺢ ﺑﺎﻻﺳﻮﻭﻭﺩ ﻭﻫﻮ ﻳﻨﻌﻲ ﻧﺠﻮﻭﻣﻪ ﺍﻟﻤﻔﻘﻮﻭﺩﻩ ....
ﻭﻛﻔﺖ ﺑﺒﺎﺏ ﺍﻻﺳﺘﻘﺒﺎﻝ ﺑﺮﻋﺸﻪ ﻏﻤﻀﺖ ﻋﻴﻮﻧﻲ ﺑﺎﺳﺊ ﻭﻫﺰﻳﺖ ﺭﺍﺳﻲ ﺑﻌﺪﻡ ﻗﺒﻮﻭﻭﻝ ... ﻣﻮ ﻣﻦ ﺣﻘﻪ ﻭﺍﻟﻠﻪ ﺍﺑﺒﺪ ﻣﻮ ﻣﻦ ﺣﻘﻪ ﻳﺤﺮﻣﻨﻲ ﻣﻦ ﺿﻨﺎﻱ ﻭﻫﻮ ﺑﻌﺪﻩ ﻣﺎ ﺷﺎﻑ ﺍﻟﻨﻮﻭﻭﺭ ....
ﺍﻟﺪﻣﻮﻉ ﺗﻨﺴﺎﺏ ﻣﻦ ﻋﻴﻮﻧﻲ ﺑﻐﺰﺍﺭﻩ ﻭﺍﻟﻢ ﻳﻌﺘﺼﺮ ﺑﮕﻠﺒﻲ ﺑﺪﻭﻥ ﺭﺣﻤﻪ ﺑﺪﻭﻥ ﺭﺣﻤﻪ ...
ﻣﺴﺤﺖ ﺩﻣﻮﻋﻲ ﺑﺎﺳﺊ ﺣﻄﻴﺖ ﺍﻳﺪﻱ ﻋﻠﺊ ﺻﺪﺭﻱ ﺣﺴﻴﺖ ﺣﺘﺼﻴﺒﻨﻲ ﺟﻠﻄﻪ ﻣﻦ ﺍﻟﻘﻠﻖ ﻭﺍﻟﺤﺮﻗﻪ ﺍﻟﻲ ﺩﺍﺧﻠﻪ ﺑﮕﻠﺒﻲ ﻭﺟﻮﻓﻲ ....
ﺣﻄﻴﺖ ﺍﻳﺪﻱ ﻋﻠﺊ ﻣﻘﺒﺾ ﺍﻟﺒﺎﺏ ﺑﻴﺪ ﺗﺮﺟﻒ ﺗﺮﺩﺩﺕ ﺍﻓﺘﺢ ﺍﻟﺒﺎﺏ ﻟﻜﻦ ﺷﺠﻌﺖ ﻧﻔﺴﻲ
ﺭﺟﻠﻴﻪ ﻣﺎﺗﺖ ﻣﻦ ﺍﻟﺨﻮﻭﻑ ﻭﺍﻟﺮﻋﺐ ﻭﺍﻟﻘﻠﻖ ..
ﺩﺧﻠﺖ ﺷﻔﺘﻪ ﻛﺎﻋﺪ ﻋﻠﺊ ﺍﻟﻘﻨﻔﻪ ﻭﻣﻘﺎﺑﻴﻠﻪ ﺍﻟﺤﺎﺳﺒﻪ ﻳﺸﺘﻐﻞ ﻋﻠﻴﻬﺎ ﻻﻫﺘﻤﺎﻡ
ﻣﻦ ﺣﺲ ﺑﻮﺟﻮﺩﻱ ﺭﻓﻊ ﻋﻴﻮﻧﻪ ﺑﺪﻭﻥ ﻣﺎ ﻳﺮﻓﻊ ﺭﺍﺳﻪ ﻭﺭﺟﻊ ﻳﺸﺘﻐﻞ ﺑﻜﻞ ﺟﺒﺮﻭﺕ
ﺿﻠﻴﺖ ﻣﺮﻛﺰﻩ ﻋﻠﻴﻪ ﻭﺍﻟﺪﻣﻮﻉ ﺗﻨﺴﺎﺏ ﺑﺈﻫﻤﺎﻝ ﻣﻦ ﻋﻴﻮﻧﻲ ﺍﻟﻤﺘﻌﺒﺔ ﻣﻦ ﻛﺜﺮﺓ ﺍﻟﺒﻜﺎﺀ ...
ﻫﻴﺌﺘﻪ ﻭﻣﻨﻈﺮﻩ ﻛﺪﺍﻣﻲ ﻣﺜﻞ ﻭﺣﺶ ﻛﺎﺍﺍﺍﺍﺳﺮ ﻣﺎ ﻳﺮﺣﻢ ...
ﺑﻴﺒﻨﻲ ﻭﺑﻴﻨﻪ ﻣﺴﺎﻓﻪ ﻗﻠﻴﻠﻪ ﻟﻜﻦ ﺍﻧﻲ ﺍﺷﻮﻭﻓﻬﺎ ﺟﺒﺎﻝ ﻭﻭﺩﻳﺎﻥ ﺗﻔﺼﻞ ﺑﻴﻨﻲ ﻭﺑﻴﻨﻪ ﻭﻟﻼﺳﻒ ﻳﺮﺑﻄﻨﻪ ﺟﻨﻴﻦ ﻣﺎﻟﻪ ﺍﻱ ﺫﻧﺐ ﺑﻠﻲ ﺻﺎﺭ ﻭﻓﺎﻗﺪ ﻫﻮﻳﺘﻪ ﻭﻫﻮ ﺑﻌﺘﻤﺔ ﺑﻄﻨﻲ
ﺭﺩﺕ ﺍﺣﺠﻲ ﺗﻼﺷﺖ ﺍﻻﺣﺮﻑ ﻋﻨﺪﻱ ﻭﺗﺒﻌﺜﺮﺕ ﺍﻟﻜﻠﻤﺎﺕ ﺟﺮﻳﺖ ﻧﻔﺲ ﺣﺰﻳﻦ ﻭﺭﺍﺟﻒ ﻭﻣﺴﺤﺖ ﺩﻣﻌﺘﻲ ﻫﻤﺴﺖ ﺑﻌﺒﺮﻩ ... ﻛﺎﺍﺍﺳﺮ؟
ﻣﺠﺎﻭﺑﻨﻲ ﻭﻻ ﺍﻫﺘﻢ ﻟﻨﻄﻘﻲ ﺍﻻﺳﻤﻪ
ﺑﻠﻌﺖ ﺭﻳﻜﻲ ﺑﺨﻮﻭﻑ ﻭﺑﻠﻌﺖ ﺣﺴﺮﺗﻲ ﻋﻠﺊ ﻧﻔﺴﻲ ﺗﻨﻬﺪﺕ ﺑﻌﺒﺮﻩ ﻭﺑﻜﺎﺀ .... ﺻﺢ ﺍﻟﻲ ﺻﺎﺭ ﺻﻌﺐ ﻭﺍﻟﻲ ﺻﺎﺭ ﻣﺴﺘﺤﻴﻞ ﻳﺴﺘﻮﻋﺒﻪ ﺍﻟﻌﻘﻞ ﻭﻻ ﻳﻘﺒﻠﻪ ﺍﻟﻤﻨﻄﻖ ...
ﺑﺲ ﺍﻧﻲ ﺷﻨﻮ ﺫﻧﺒﻲ ﺍﻧﻲ ﺷﻨﻮ ﺍﻟﻲ ﺳﻮﻳﺘﻪ ﺣﺘﺊ ﻫﻴﺞ ﺗﻌﺎﻗﺒﻨﻲ ﺯﻳﻦ ﻫﺬﺍ ﺍﻟﻄﻔﻞ ﺷﻨﻮ ﺫﻧﺒﻪ ﺣﺘﺊ ﺗﻌﺎﻗﺒﻪ ﻗﺒﻞ ﻻ ﻳﺸﻮﻑ ﺍﻟﻨﻮﺭ
ﻣﺠﺎﻥ ﺍﻛﻮﻭ ﺭﺩ ﺍﺻﻼ ﺟﺎﻥ ﺑﺲ ﻣﺮﻛﺰ ﺑﺸﻐﻠﻪ
ﻏﺼﻴﺖ ﺑﻌﺒﺮﺗﻲ ﺟﻤﻌﺖ ﺷﻌﺮﻱ ﺑﺎﻫﻤﺎﻝ ﻭﺍﻧﻲ ﺍﺑﺠﻲ ﺑﻐﺰﺍﺭﻩ ﻛﻤﻠﺖ ﻛﻼﻣﻲ ﺑﺎﺳﺊ .... ﻳﻌﻨﻲ ﻫﻴﻴﺞ ﺍﺑﺒﺪ ﻣﺎ ﺍﻟﻲ ﺧﺎﻃﺮ ﻋﻨﺪﻙ ﻫﻴﻴﺞ ﺩﻣﻮﻋﻲ ﻣﺎﻟﻬﻦ ﺍﻱ ﺍﻫﻤﻴﻪ ﺑﺨﺎﻃﺮﻙ ﻟﻬﻞ ﺩﺭﺟﻪ ﻛﺎﺭﻫﻨﻲ ﻭﻭﺟﻮﺩﻱ ﻋﻨﺪﻙ ﻣﺜﻞ ﻋﺪﻣﻪ
ﺗﺮﻙ ﺍﻟﺤﺎﺳﺒﻪ ﻭﺑﺎﻭﻋﻠﻲ ﺑﺠﻤﻮﺩ ﻭﺑﻌﺪﻫﺎ ﺍﺭﺗﻜﺊ ﻋﻠﺊ ﺍﻟﻘﻨﻔﻪ ﻭﻣﺪ ﺍﺩﻳﻪ ﻋﻠﺊ ﺍﻟﻘﻨﻔﻪ ﺑﺎﺭﻳﺤﻴﻪ .... ﺷﺘﺮﺩﻳﻴﻦ
ﺑﺎﻭﻋﺘﻠﻪ ﺑﻌﻴﻮﻥ ﺩﺍﻣﻌﻪ ﻭﺗﻮﺳﻞ ... ﻃﻔﻠﻲ
ﺟﺮ ﻧﻔﺲ ﻭﺷﺮﺏ ﻣﻦ ﺟﻜﺎﺭﺗﻪ ﻭﺑﻌﺪﻫﺎ ﻧﻔﺦ ﺍﻟﺪﺧﺎﻥ ﻫﻤﺲ ﺑﺒﺮﻭﺩ .... ﺷﺒﻲ
ﺑﺠﻴﺖ ﺑﺎﻟﻢ ... ﺳﻤﻌﺖ ﻣﻦ ﺍﻟﺤﺒﺎﻳﺐ ﺗﺮﻳﺪ ﺗﻨﻄﻲ ﺍﻻﺧﺘﻚ ﺍﺷﻮﺍﻕ ... ﺻﺪﻙ ﻫﺬﺍ ﺍﻟﻜﻼﻡ
ﺭﺩ ﺑﻨﻔﺲ ﺍﻟﺒﺮﻭﺩ ... ﻭﺑﺸﻨﻮ ﻳﻬﻤﺞ
ﺗﻌﺼﺒﺖ ﻭﺯﻣﺠﺮﺕ ﺑﻐﻀﺐ ﻭﺑﻜﺎﺀ ... ﺷﻨﻮ ﺍﻟﻲ ﺑﺸﻨﻮ ﻳﻬﻤﻨﻲ ﻫﺬﺍ ﺍﺑﻨﻲ ﻗﻄﻌﻪ ﻣﻦ ﮔﻠﺒﻲ ﻣﺎ ﺍﻗﺒﻞ ﺗﻨﻄﻲ ﻭﺍﻟﻠﻪ ﻣﺎ ﺍﻗﺒﺒﻞ ...
ﻭﻛﻒ ﺑﺠﺒﺮﻭﺗﻪ ﻭﻗﺎﻣﺘﻪ ﺍﻟﻄﻮﻭﻳﻠﻪ ﺗﻘﺮﺏ ﻣﻨﻲ ﻭﺍﻧﻲ ﺭﺟﻌﺖ ﺑﺨﻮﻭﻑ ﻟﺰﻛﺖ ﺑﺎﻟﺒﺎﺏ ﺑﺲ ﻣﺎ ﻃﻠﻌﺖ
ﺣﻂ ﺍﻳﺪﻩ ﻋﻠﺊ ﺍﻟﺒﺎﺏ ﻭﺍﻻﻳﺪ ﺍﻟﺜﺎﻧﻴﻪ ﻳﺪﺧﻦ ﺑﻴﻬﺎ ﺭﻛﺰ ﺑﻌﻴﻮﻧﻲ ﻫﺰ ﺭﺍﺳﻪ ﺑﺎﺳﺊ ... ﻛﻼﻣﺞ ﻛﻠﻪ ﻣﺎ ﻳﻬﻤﻨﻲ ﻭﻻ ﺍﻧﺘﻲ ﻭﻃﻔﻠﺞ ﺗﻬﻤﻮﻧﻲ ...
ﺍﺧﺬ ﻣﻦ ﺟﻜﺎﺭﺗﻪ ﺷﻮﻭﻳﻪ ﻭﻧﻔﺦ ﺍﻟﺪﺧﺎﻥ ﺑﻮﺟﻬﻲ ﺯﻣﺠﺮ ﺑﻐﻀﺐ ... ﻣﺎ ﺍﻃﻠﻊ ﺟﺎﺳﺮ ﺍﺑﻮ ﻏﺰﻝ ﺍﺫﺍ ﻣﺎ ﺧﻠﻴﺘﻜﻢ
ﻣﺜﻞ ﺍﻟﻔﻴﺮﺍﻥ ﻣﺎ ﺗﻌﺮﻓﻮﻥ ﻭﻳﻦ ﺗﻀﻤﻮﻥ ﺭﻭﺍﺣﻜﻢ ...
ﻋﻘﺪﺕ ﺣﻮﺍﺟﺒﻲ ﻭﻧﺰﻟﺖ ﻋﻴﻮﻧﻲ ﻭﺍﻧﻲ ﺍﻣﺴﺢ ﺑﺪﻣﻮﻋﻲ ... ﻟﻴﺶ ﻣﺎ ﻳﻬﻤﻚ ﺍﻟﻄﻔﻞ ﻟﻴﺶ ﻣﺎ ﺗﺘﺨﺬﻩ ﺩﻭﻩ ﻟﺠﺮﻭﺣﻚ ...
ﺭﺩ ﺑﺠﺒﺮﻭﺕ ﻭﺯﻣﺠﺮ ﺑﻐﻀﺐ ... ﻣﻮ ﺍﻋﺰ ﻣﻦ ﺑﻨﺘﻲ ﻭﻻ ﻳﺠﻲ ﺑﻐﻼﺗﻬﺎ ﻭﻻ ﻳﻜﺪﺭ ﻳﻌﻮﺽ ﻏﻴﺎﺑﻬﺎ ﻭﻣﺎ ﺍﻛﻮﻭ ﺍﺣﺪﺩ ﻳﺪﺍﻭﻳﻨﻲ ﻏﻴﻴﺮ ﺍﻻﻧﺘﻘﺎﻡ ﻭﺭﺩ ﺍﻻﻋﺘﺒﺎﺭ
ﻃﻠﻌﻴﻴﻲ ﺑﺮﺍ ...... ﻻ ﺗﻔﺘﺤﻴﻦ ﻋﻠﻴﺞ ﺍﺑﻮﺍﺏ ﺟﻬﻨﻢ ... ﻛﻠﻤﺘﻲ ﻭﺣﺪﻩ ﻭﻣﺎ ﺃﺛﻨﻴﻬﺎ ﻣﻦ ﻳﻮﻭﻡ ﺍﻟﻲ ﻃﻠﻌﺘﻲ ﺑﻲ ﻭﺍﻧﻬﺰﻣﺘﻲ ﻭﺟﺎﺯﻓﺘﻲ ﻃﻠﻌﺘﻲ ﻣﻦ ﺣﻴﺎﺗﻲ
ﻭﺣﻠﻔﺖ ﺍﺭﺟﻌﺞ ﻭﺍﺫﻟﺞ ... ﺑﺲ ﺍﺗﺎﻛﺪﺕ ﻣﺎ ﺍﻟﺞ ﺍﻱ ﺍﻫﻤﻴﻪ ﺑﺠﻮﺍﺭﺣﻲ ﻟﺬﻟﻚ ﺍﻧﺘﻲ ﻣﺜﻞ ﺍﻟﺴﺮﺍﺏ ﺍﺻﻼ ﻣﺨﺘﻔﻴﻪ ﻣﻦ ﺣﻴﺎﺗﻲ
ﻭﺍﻟﻄﻔﻞ ﺗﻨﺴﻴﻨﻪ ﻣﻦ ﻫﻞ ﻟﺤﻈﻪ ﻣﺜﻞ ﻣﺎ ﺍﻧﺘﻲ ﻓﻀﻠﺘﻲ ﺍﻫﻠﺞ ﻋﻠﻴﻪ ﺭﺍﺡ ﺍﺭﺟﻌﺞ ﺍﻟﻬﻢ ﺑﺲ ﺑﺪﻭﻭﻭﻥ ﺫﺭﻳﺘﻲ
ﻻﻥ ﻣﺴﺘﺤﻴﻴﻞ ﺍﺧﻠﻲ ﻛﺘﺎﻟﻴﻦ ﺍﻫﻠﻲ ﻭﺑﻨﺘﻲ ﻳﺮﺑﻮﻭﻭﻧﻪ ﺍﻧﻄﻲ ﻟﻠﺠﻼﺏ ﻭﻣﺎ ﺍﺧﻠﻲ ﻋﻨﺪ ﺍﻫﻠﺞ
ﺍﻣﺎ ﺍﻧﺘﻲ ﻭﻳﻴﻦ ﻣﺎ ﺗﻮﻟﻴﻴﻦ ﻭﻟﻲ ﻣﻮ ﺫﺍﺕ ﺍﻫﻤﻴﻪ ﻋﻨﺪﻱ
ﺿﺮﺑﺘﻪ ﺑﻐﻀﺐ ﻋﻠﺊ ﺻﺪﺭﻩ ... ﻃﻔﻠﻲ ﻣﺎ ﺍﻧﻄﻲ ﻟﻮ ﺗﻜﺘﻠﻨﻲ ﻭﺗﺬﺑﺤﻨﻲ ﻣﺎ ﺍﻧﻄﻲ
ﺳﺪ ﺣﻠﻜﻲ ﺑﻌﻨﻒ ﻭﺗﻘﺮﺏ ﻣﻨﻲ ﻫﻤﺲ ﺑﺮﻋﺐ ﻭﻓﺤﻴﺢ ﺷﻴﻄﺎﻧﻲ ... ﻟﺴﺎﻧﺞ ﻃﻮﻭﻭﻻﻥ ﻭﺻﺎﻳﺮﻩ ﺗﻬﺠﻤﻴﻦ ﻟﺞ ﻻ ﺗﺨﻠﻴﻨﻲ ﺍﻣﺤﻴﺞ ﻣﻦ ﺍﻟﻮﺟﻮﺩ ﺍﻧﺘﻲ ﻭﺍﻫﻠﺞ ﻭﺣﻖ ﺗﺮﺍﺏ ﺍﺑﻮﻱ
ﻫﺰﻳﺖ ﺭﺍﺳﻲ ﺑﺨﻮﻭﻑ ﻭﺑﻜﺎﺀ ﻭﺗﺮﺳﺖ ﺍﻳﺪﻩ ﺍﻟﻲ ﻋﻠﺊ ﺷﻔﺎﻳﻔﻲ ﺩﻣﻮﻭﻉ ﻭﺧﺮﺕ ﺍﻳﺪﻩ ﻭﺍﻧﻲ ﺍﺑﺠﻲ ﻫﻤﺴﺖ ... ﺍﻣﺤﻴﻨﻲ ﺍﻧﻲ ﻭﻃﻔﻠﻲ ﻻ ﺗﻤﺤﻴﻨﻲ ﺍﻟﻮﺣﺪﻱ
ﺑﺎﻭﻋﻠﻲ ﺑﺨﺒﺚ ﻭﺭﺳﻢ ﺍﺑﺘﺴﺎﻣﻪ ﺧﺒﻴﺜﻪ ﻋﻠﺊ ﺷﻔﺎﻳﻔﻪ ﻫﻤﺲ ﺑﺨﺒﺚ .... ﺣﻠﻮﻭﻭﻭ ﺍﻋﺘﻘﺪ ﻣﻮﺿﻮﻋﺞ ﻳﻔﻴﺪﻧﻲ ﻭﻫﺴﻪ ﺍﻃﻠﻌﻲ ﺑﺮﺍ ﻣﻤﺘﺤﻤﻞ ﻭﺟﻮﺩﺝ
ﻫﺰﻳﺖ ﺭﺍﺳﻲ ﺑﻨﻔﻲ ... ﺷﻨﻮ ﻳﻔﻴﺪﻙ ﻻ ﺗﺤﺠﻲ ﻭﻳﺎﻱ ﺑﺎﻟﻠﻐﺎﺯ ﻻ ﺗﺠﺮﺣﻨﻲ ﺣﺮﺍﻡ ﻋﻠﻴﻚ ﻭﺍﻟﻠﻪ ...
ﺍﺗﺼﻞ ﻣﻮﺑﺎﻳﻠﻪ ﺍﺑﺘﻌﺪ ﺷﻮﻳﻪ ﻭﺿﻞ ﻳﺤﺠﻲ ﺑﺲ ﺳﻤﻌﺖ ﻛﺎﻝ ... ﺍﻱ ﺍﻫﻼ ﻭﺳﻬﻼ ﺑﻴﻜﻢ ...
ﺿﻞ ﻳﺤﺠﻲ ﺑﺲ ﺍﻟﻲ ﻋﺮﻓﺘﻪ ﻳﺤﺠﻲ ﻭﻳﻪ ﺑﻨﻴﻪ ..
ﺧﻠﻴﺖ ﻭﻃﻠﻌﺖ ﺍﻣﺴﺢ ﻭﺟﻬﻲ ﻣﻦ ﺍﻟﺪﻣﻮﻉ ﻭﻳﻨﺰﻟﻦ ﺍﻛﺜﺮ ...
ﻛﺮﻫﺖ ﺣﺘﺊ ﻧﻔﺴﻲ ﻛﺪ ﻣﺎ ﺍﺑﺠﻲ ﻭﺍﻟﺼﺒﺮ ﻣﻞ ﻣﻨﻲ ...
ﺭﺣﺖ ﺍﻟﻐﺮﻓﺘﻲ ﻧﻤﺖ ﻋﻠﺊ ﺳﺮﻳﺮﻱ ... ﺷﻔﺖ ﺻﻮﺭﺗﻲ ﻋﻠﺊ ﺍﻟﺘﺎﺝ ﻣﺎﻟﺖ ﺍﻟﺠﺮﺑﺎﻳﻪ ...
ﺟﺎﻧﺖ ﻫﻲ ﺻﻮﺭﺓ ﺍﻟﻌﺮﺱ ﺑﺲ ﺑﺤﺠﻢ ﻛﺒﻴﺮ ...
ﺟﺎﻥ ﻛﺎﻋﺪ ﻭﻣﺒﻴﻨﻪ ﺍﻟﻘﺴﺎﻭﺓ ﻭﺍﻟﺤﻘﺪ ﻋﻠﺊ ﻭﺟﻬﻪ ﻭﺍﻧﻲ ﻛﺎﻋﺪﻩ ﺑﺤﻀﻨﻪ ﺑﺒﺮﺍﺋﻪ ﻭﺣﺘﺊ ﺑﺎﻟﺼﻮﺭﺓ ﻣﺒﻴﻦ ﺧﻮﻭﻓﻲ ﻣﻨﻪ ...
ﺍﺗﺬﻛﺮﺕ ﻣﻦ ﺑﺎﻟﺘﺼﻮﻳﺮ ﻛﻠﺘﻠﻪ ﺍﻟﻤﺼﻮﺭﻩ ﺍﻛﻌﺪ ﻭﺧﻠﻴﻬﺎ ﺗﻜﻌﺪ ﺑﺤﻀﻨﻚ ﺟﻨﺖ ﺍﺭﻋﺶ،ﻣﻦ ﺍﻟﺨﺠﻞ ﻣﻨﻪ
ﺻﺢ ﻫﻮ ﺟﺎﻥ ﻫﺎﺍﺍﺩﺉ ﻭﻣﺎ ﻋﺎﺭﺽ ﻣﻦ ﻃﻠﺒﺖ ﻣﻨﻪ ﺍﻟﻤﺼﻮﺭﺓ ﻫﻴﺞ ﻟﻘﻄﻪ ﺑﺎﻟﻌﻜﺲ
ﺍﺧﺬﻧﻲ ﺑﺤﻀﻨﻪ ﻭﻟﻒ ﺍﻳﺪﻩ ﻋﻠﺊ ﺧﺼﺮﻱ
ﺟﺎﻧﺖ ﺍﻭﻝ ﻣﺮﻩ ﻋﻴﻮﻧﻲ ﺗﻠﺘﻘﻲ ﺑﻌﻴﻮﻭﻧﻪ .. ﺟﻨﺖ ﺍﺣﺒﻪ ﺍﻣﻮﻭﺕ ﻋﻠﻴﻪ ﺍﻋﺸﻘﻪ ...
ﺑﺲ ﻫﺴﻪ ﺻﺮﺕ ﺍﻛﺮﻫﻪ ﻣﺎ ﺍﺣﺒﻪ ﺍﺣﺴﻪ ﻣﺼﺪﺭ ﺭﻋﺐ ﻭﺧﻮﻭﻑ ﺍﻟﻴﻪ ....
ﺻﺎﺣﺖ ﻋﻠﻴﻪ ﺭﺿﻴﻪ ﻃﻠﻌﺖ ﺑﺴﺮﻋﻪ ﻛﺎﻟﺖ ... ﺗﻌﺎﻟﻲ ﻳﻤﻪ ﺳﺎﻋﺪﻳﻨﻲ ﺑﺎﻟﻐﺪﺍ ﺭﺍﺡ ﻳﺠﻮﻧﻪ ﺧﻄﺎﺭ
ﻋﻘﺪﺕ ﺣﻮﺍﺟﺒﻲ ﺑﺘﺴﺎﺅﻝ ... ﻣﻨﻮﻭﻭ ﻳﺠﻴﻨﻪ ﺑﻴﺖ ﻋﻤﻲ ﺍﻟﺸﻴﺦ ﺍﺑﻮ ﺟﺎﺑﺮ
ﺣﻄﺖ ﺍﻳﺪﻫﺎ ﻋﻠﺊ ﺣﻠﻜﻲ ﻛﺎﻟﺖ ... ﺍﻧﻠﺼﻤﻲ،ﻭﻟﺞ ﻻ ﻳﺠﻲ ﺟﺎﺳﺮ ﻳﻄﻴﺢ ﺣﻀﺞ ﻣﺎ ﺗﺪﺭﻳﻦ ﺑﻲ ﺷﻠﻮﻥ ﻣﺘﺨﺒﻞ ﻣﻦ ﺟﺎﺑﺮ ﻟﻮ ﻣﺎ ﺻﺒﺮﻳﻪ ﺟﺎﻥ ﻣﻮﺗﻪ ﺑﺲ ﺭﺑﺞ ﺳﺘﺮ ...
ﺧﻔﻖ ﻛﻠﺒﻲ ﺑﻘﻮﺓ ﻭﺑﻄﻨﻲ ﻟﻮﺗﻨﻲ ... ﻻ ﺍﺑﺒﺒﺪ ﻭﻻ ﺑﻌﺪ ﺣﺘﺊ ﻣﺎ ﺍﺫﻛﺮﺓ ﺑﺲ ﻓﺪﻭﺓ ﻣﺎﻣﺎ ﻻ ﺗﺨﻠﻴﻦ ﺟﺎﺳﺮ ﻳﺤﺮﻣﻨﻲ ﻣﻦ ﺍﺑﻨﻲ
ﺟﺮﺕ ﻧﻔﺲ ﻛﺎﻟﺖ ... ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻬﺪﻱ ﻋﻠﻴﺞ
ﺍﻧﺪﻙ ﺍﻟﺒﺎﺏ ﻃﻠﻌﺖ ﺩﺍ ﺍﺷﻮﻑ ﻣﻨﻮ ﻫﻮ ﻓﺘﺢ ﺍﻟﺒﺎﺏ ﻛﺎﻝ .. ﺍﻫﻼ ﺗﻔﻀﻠﻮﺍ ﺗﻔﻀﻠﻮﺍ ﺍﻫﻼ ﻭﺳﻬﻼ ..
ﺭﻣﺸﺖ ﺑﻌﻴﻮﻧﻲ،ﺩﺍ ﺍﺷﻮﻑ ﻣﻨﻮ ﺍﻟﻲ ﺍﺟﻮﻭﻱ ...
ﺷﻔﺖ ﺧﺎﻟﺘﻲ ﺩﺧﻠﺖ ...
ﻭﻫﺎﻟﻪ ﻭﺭﺍﻫﺎ ﺑﺎﻭﻋﺖ ﺍﻟﺠﺎﺳﺮ ﻭﺿﺤﻜﺖ ﻭﻫﻮ ﻧﺰﻝ ﻋﻴﻮﻧﻪ ﻭﻣﺸﻪ ﻛﺪﺍﻣﻬﻢ ﻛﺎﻝ ... ﺍﻣﻲ ﻣﻮﺟﻮﺩﻩ ﺟﻮﻩ ﺍﺩﺧﻠﻮﻭ ..
ﺧﻠﻪ ﻭﺭﺟﻊ ﻟﻼﺳﺘﻘﺒﺎﻝ ...
ﻭﻫﺎﻟﻪ ﺗﻘﺮﺑﺖ ﻣﻨﻲ ﻭﻫﻲ ﺗﻀﺤﻚ ﻛﺎﻟﺖ ... ﺍﻭﻭﻭﻳﻠﻲ ﻋﻨﻮﺩﻱ ﻛﻮﺓ ﺩﺍ ﺍﺟﻴﺒﻪ ﻟﻠﻄﺮﻳﻖ
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 💔
