فصليه رحت من بعد نهوه

البارت الاول

فتر إعيونك
ترى إعيونك
گصن بسنين عمري..!!

********************************

في احد ضواحي البصره الساعه الثالثه مساءا 2015

غيداء : وينج يا ماما يلا تعاي النتائج يكولون طلعت يلا خلصينه
زمرد : اي يمه اجيت نزلت
هلو شلونكم انه زمرد اسمي غريب ادري بس ابوي الله يسلمه سماني ع اسم امه الله يرحمها يكلي تشبهينها بالشكل والعيون عمري 19 سنه طالبه سادس علمي عدت سنه ع مود اجيب معدل عالي كلها واكفه ضدي مايردوني اكمل دراستي عدنه البنيه تخلص سادس وتكعد بس قاومت وبعيوني الجميله كدرت اخلي ابوي بصفي واكف مواصفاتي قصيره وناعمه بشرتي بيضه عيوني زرك تشبه لون الزمرد لذلك بيبي وانه سمونه زمرد ابوي اسمه جلال عمره 65 سنه وامي اسمها غيداء عمرها 55 سنه تزوجو هالثنين عن حب قصتهم كلش حلوه بعدين اسولفلكم عنها بيتنه بمدينه البصره بقضاء * ابوي عنده املاك خير من الله تكدرون تكولون عنه زناكين عندي ثلاث خوان عامر متزوج بنيه جيرانه جانت خوش بنيه وعنده ولد واحد عمرها 31 سنه وعايش وحده وشغله خاص بيه ومرات يساعد ابوي وجهاد عمره 26 سنه ومامرتبط خريج كليه ويشتغل بشركه وهمين وي ابوي اما محسن عمره 14 سنه وهوه دلوع البيت واخر العنكود طبعا عندي اخت وحده اكبر مني عمرها 22 سنه اسمها ماس ومخطوبه واحد غريب طبعا ابوي خلاها توافق غصبا عليه هيه ماتحبه ولا تشتهيه بس شسوي رضت بقسمتها مارادت تكسر بخاطر ابوي لو تنزله كلمه طبعا ماخذين جمالنه من امي وهالشي الخله ابوي يطيح بحبها عندي عم واحد اسمه قيس وقيس عنده ثلاث ولد امجد واكرم وماجد امجد وماجد متزوجين واكرم بعده واختهم ملاك اصغر مني بسنه بس حيل تحب اخوانها ومتعلقه بيهم اكرم اله دور جبير بحياتي وهوه الي راح يكلب الدنيا عليه هالشخص اكثر من مرا اعترفلي يحبني وانه اكله انت مثل اخوي من جنه صغار وهوه يكلي انتي الي تقريبا من جان عمري 13 سنه بس انه مانطيته وجه حرمني حتى من روحتي لبيت عمي شكد جنت احب اروح الهم وامه تصير خالتي اخت امي يعني قرابتنه بالجهتين بلنسبه لخوالي عندي هواي خوال خمس خوال وخالتين وكلهم متزوجين وهيج خلصت تعريف الكم خلي نرجع للواقع
زمرد : نزلت اركض وانه التوتر كاتلني ابوي صح وياي بس هم هددني اذا مانجحت بعد ماعيد السنه انه متاكده هالمرا مجاوبه نزلت يم امي وابوي يباوع عليه ويكلي
جلال : حبيبه ابوها الغاليه ام عيون جميله
زمرد : حبيبي بابا
جلال : لاتخافين حبيبتي انشالله ناجحه
ماس : اي عيني ست زمرد ناجحه لاتخافين
زمرد : اختي شبيج عليه احسج من ورا خشمج تحجين
ماس : ماحجي من ورا خشمي يلا كايمه اغسل ماعين
زمرد : عيوني دمعت احس اختي تغار او تضوج مني دايما اكول الامي وتكلي لا متوهمه المهم اجو خواني وكلهم يباوعون عليه عبالك مسويه جريمه  مو منتضره نتيجه كعدت ع نار وبلشت النتائج تنرفع وطلعها واخوي وكال
جهاد : لا يا ثوله كتلتينه كتل ودراسه وخبصه وتاليتج طلعين هيج معدل
زمرد : عيوني دمعت كلش ابوي اشوفه مبتسم كاعد يم جهاد
جلال : جهاد احجي عدل كلها
جهاد : ليش يابابا اريد اخوفها شويه ههههههه حبيبتي البطله عفيه عليج نجحتي وجبتي معدل 96
زمرد : من فرحتي ضليت اكمز وحضنت ابوي وبسته وهوه هم حيل فرح شويه وكال جهاد لاتفرحين زايد هيه بس هسه بعد ماكو جامعه
جلال : وانت شعليك ولي امرها
جهاد : بس
جلال : بنتي راح تدخل جامعه وراح تصير احلا مهندسه مثل ماجانت تحلم
زمرد : طبعا ابوي صح جبير بالعمر بس شخصيته حيل قويه وعنده ثقه بينه لاخر حد لحد هسه ماعدنه تلفونات والسبب اخوتي بس هسه با ختلف الوضع لليل دخل ابوي وجايب ويا علاكه سوده صاحلي وكلي هاي الج ومبروك بنيتي فتحت العلاكه وجان اشوف بيها تلفون فرحت فوك فرحتي ورحت بست راسه وايده وكتله مشكور بابا ماقصرت حبيبي
جلال : انتي تستاهلين ماي العين
زمرد : عمري ابوي
ماس : مبروك زوزه تتهنين
غيداء : والله يا ابو عامر انت مدللها هواي وراح تطلع عينها
جلال : خليها تدلل ع ابوها شعندي غير جهالي يا مره باجر عكبه ميت
غيداء : اسم الله عليك حبيبي الله يطول عمرك ابو عامر ويخليك خيمه النه 
زمرد : احم احم بدينه بالغزل خليني اكوم احسن
غيداء : انجبي ادبسز ولي صعدي ههههه
زمرد : راحت اختي لغرفتها وانه لغرفتي صعدت تمددت وانه الفرحه ماليتني طبعا فتحت التلفون وجان بوقتها ستوه نازل ايفون 6 وكلش حلو لونه وردي حيل حبيته نزلت بيه واتساب وفيس وسويت حساب باسم وهمي المهم لليل عطشت طلعت من الغرفه وجان اسمع صوت بجي تقربت هالصوت جاي من غرفه ماس فتحت الباب ودخلت لكيتها كاعده بالزاويه وتبجي بكل حركه
ماس شبيج
ماس : مابيه شي زمرد روحي
زمرد : ماتحرك منا اذا ماتكوليلي شبيج
ماس : تعبت زمرد تعبت ماحبه ماريده اكرهه
زمرد : منو
ماس : الغضب الي الله شمره ع راسي طه
زمرد : شبيه
ماس : لج زمرد ماحبه اكرهه انسان سافل ومقرف ومايفكر بس براحته بعدج صغيره ماريد احجي خليني بهمي لج كرهني بشكو رجال بالدنيا اخر مرا اجه النه راد يعتدي عليه بالقوه لو ما سمع صوت ابوي وكال اذا حجيتي راح اكلهم هيه كلتلي اسوي هيج
زمرد : ضليت صافنه كتلها شبيج لعد وين جنتي ماحجيتي
ماس : زمرد ماريده اذا زوجوني اله احرك روحي وماخليه يلمسني
زمرد : حضنتها وكتلها الله كريم يجي يوم وينكشف حبيبتي لا تنقهرين بستها وكتلها مسحي دموعج وربج كريم وانشالله ابوي يعرفه شنو من طينه هذا
ماس : زدت بالبجي وكتلها ياريت بس سافل وسرسري لج يشرب هسه خابرني وهوه مايعرف شنو يحجي وكعد يسبني ويسب ابوي ويكلي مابقه شي هانت اخذج واشبعج كتل واذا ماقبلتي تنطيني احركج صوته يخوف زمرد
زمرد: كافي ياعمري بسج بجي كمت جبت الها ماي شربت وكومتها كعدت ع الجربايه كتلها يلا نامي وباجر يحلها ربج طلعت وانه افكر المصيبه عاقدين محكمه يعني مرته شرعا وقانونا بالي يمها ماريد يصير بيها شي وانه اكول ليش نفسيتها من ايام هيج تعبانه ومالها خلك تحجي المهم شربت ماي ورجعت نمت كعدت ثاني يوم الصبح ع صوت صريخ نزلت اركض بكل قوتي وانه اشوف جهاد جاي يضرب بماس رحت عليه وكضيت ايده حاولت ادافع عنها كتله وخر جهاد شجاي تسوي وخر اجه ابوي وامي
جلال : لك شيل ايدك عن بنتي مسودن انت
جهاد : بويه اسال هاي الحقيره شمسويه ليش هيج حاجيه وليش تحجي هيج الساقطه تف عليج
جلال : اشو انت ماتحترم ساقط
ماس : كعدت ثاني يوم الصبح نزلت جوه واتصلت عليه صديقتي طبعا هاي صديقتي من الابتدائيه وجيرانه وانه مخلصه سادس اعدادي سولفتلها شلون يسوي وياي هيج انه قرفانه من حجيي بعدني ماكايلتها اريد انفصل عنه لان اكرهه اجه جهاد هجم عليه وضل يسب ويغلط ويضرب ضليت بس اصرخ اجت زمرد تفكني شويه واجه ابوي ماتحملت ضليت ادك ع وجهي وابجي واصرخ حتى جهاد نصدم من سوايتي
اجت امي حضنتني وضلت تبجي ع بجيي
زمرد : ماس احجي كلشي الابوي حتى الاستاذ جهاد يسكت ومايسوي اشياء مكسره بدت ماس تحجي كلشي صار وياها من نخطبت لحد هسه واكو اشياء ماحجتها الي امس نصدمت منها جهاد حسيت روحه طلعت من مكانها وابوي هم عصب رئسا كال خابرله خلي يجي وروح جيب شيخ بسرعه
غيداء : ابو عامر استهدي بالرحمن
جلال : لج غيداء هنه بس ثنين بنات وانه اشم الهوى هيج يصير بيهن ماسمح الاي واحد يسوي بيهن هيج وانه عدل ياساقط يسترجي يتقرب منهن
زمرد : راح جهاد وجاب الشيخ وشويه واحه طه ونصدم من الي شافه وبدون نقاش ولا تبرير ابوي كله طلكها بسرعه وبالمحكمه نتلاكه كله بس ياعمي شنو السبب العرس مابقاله غير سبوعين كله بدون كلام طلكها وبعد مجادله ومشاحنه بالكلام طلكها وللعصر اجو اهله وابوي سولف الهم كلشي ماخله ماس تطلع بس احس شوي ردت روحها وراها بيومين حددو جلسه المحكمه واصرت ماس الا اروح وياها لمهم كعدنه الصبح وانه احسها فرحانه حيل اول مرا اشوف وحده تطلك هيج تضحك وفرحانه بدلنه وخلصنه وابوي كاعد ع الريوك كلها بويه ماس هسه رايحين للمحكمه بعدج تردين تطلكين لو تراجعتي
ماس : لا يبا بعدني اريد اعوفه ماريد اكضي حياتي وي واحد ماريده
جلال : هذا هوه بويه يلا كومن خل نمشي يلا ام عامر وينج
غيداء : اجيت هاي انه
زمرد : طلعنه ورحت لبست قميص ابيض وحجاب بيجي وبنطرون بيجي نفس لون الشال ورحنه للمحكمه بس اول مرا اشوف ماس هيج طالعه حلوه وجميله وصلنه للمحكمه وكعدنه ننتضر سرانه شوي واجه طه واحنه كاعدين منتضرين وجان اشوف .....