چنت ماهد ابد چفك
واحرسك وين ماتمشي
رسالة وصرت انا ظرفك
شگد صعبة ...
من تكول لأغلى انسان
حياتي احسن قبل
من جنت ما اعرفك ...
*******************************
زمرد : بدينه الدوام ومابين الدوام والبيت هدوء ماكو اي شي شمرت روحي ع الدراسه وماكو شي بالي يوم عن يوم اتقرب لفهد بعد ما جنت اضوج منه احسه شايف نفسه صرنه اصدقاء حيل احس روحي تعودت عليه ندرس ونكعد ونسولف واخذت حسابه مال الفيس حيل تغيرت نضرتي عنه 180 درجه حيل حباب تعدت الايام وانه اشوف نفسي جاي اتعلق بيه اكثر من اليوم القبله وبيوم ساعه 2 جاي امشي اريد اطلع وجان يجي الغثيث اكرم
اكرم : لج هلا حبيبتي بنت عمي الغاليه شلونج
زمرد : هلابيك شجابك هنا
اكرم : اجيت اشوفج والله مشتاقلج واريد اكلج راح نجي نتقدم الج عود كملي عندي
زمرد : ضحكتني حلم ابليس بالجنه لوتموت مااخذك وحس ع دمك كافي تلحكني يا اخي كرهتني بعيشتي ماشوفه الا تقرب عليه وجرني من ايدي احسها نكسرت صحت عوفني منا طلاب اكرم عوفني
اكرم : اموت واعرف ليش ماترديني لج انه مستعد انطيج روحي
زمرد : عوف ايدي والله اكول الاهلي عليك بعد ماتحمل عوفني وانه جاي احجي ماشوف الا فهد اجه وهجم ع اكرم
فهد : لك حقير جاي سوي شلون تعاملها هيج وضربته ع وجهه
اكرم : كمت ورديت الضربه واجو وراها الامنيه اخذونه وكتلهم انه ابن عمها وبينه سوء فهم
زمرد : طلعت بعد العركه الي صارت حسيت روحي صرت بكد النمله بسبب هذول الثنين الحقراء كتله ها اكرم ارتاحيت هسه
اكرم : سدي حلكج وحسابج بعدين موديج درسين لو تتعرفين ع الشباب ومسويه روحج شريفه عليه
زمرد : احترم نفسك اشرف منك انه وماسويت شي خطا زميل الي وياي وشافك تسحسح بيه شتريد يسوي يدكلك تحيه اصلا بس اوصل اسولف كلشي الابوي بعد ماتحملك
اكرم : دجربي انتي بس وشوفي ومنا ورايح خليت هذا الساقط براسي وعيوني منا ورايح عليج لاتصدكين اعوفج بسهوله زمرد انتي حب عمري ياريت لوتحسين شويه بيه والله اعيشج اميره
زمرد : هم رجعت هم رجعت يا اخي ماريدك ماحبك انت مثل اخوي عصب كلش وصلني للبيت وراح وماحجيت شي كلت ماتسوى اسوي مشكله تعدت الايام وفهد ماحاجيته بعد شكد حاول وياي ومانطيته وجه تعدت الاشهر وبدت الامتحانات مالات نصف السنه لحد ما بيوم اجه وكلي
فهد : بعد العركه الي صارت بيني وبين عم زمرد منا وكامت متحاجيني حتى ماتباوع بوجهي كلت خليها براحتها بس هنا اكتشفت انو انه احبها والشعور الي حسيت بيه من اشهر وبدينه نمتحن الى ان بيوم بعد متحملت كلت لازم اعترف الها بكلشي واحول علاقتي بيها رسميه شكد حاولن بنات وياي بس مانطيتهن وجه مادري شسوت بيه هالبنيه هاي بهدوءها وجمالها واناقتها وشرفها وادبها هواي تابعتها ماشيه مثل الساعه وضروري احول علاقتي بيها وانطيها مسمى ثاني رحت عليها وصحتلها حتى مهتميت للناس الكاعدين كتلها عندي حجي وياج
زمرد : ماندي حجي وياك فهد كافي الصار اخير شي
فهد : مااخذ من وقتج هواي بس دقيقتين
زمرد : ضطريت اكوم ويا وكتله نعم فهد تفضل شرايد
فهد : باعي زمرد انه اريد احجي وياج بموضوع جدي وضروري تاخذين الموضوع باهميه
زمرد : قلقتني فهد شصاير
فهد : باعي زمرد انه احبج ولا تكولين شوكت ويمته هواي حاولت امنع نفسي عنج انه حتى بيتنه صارلي هواي مارايح اله ولا نازل في سبيل اضل بس اشوفج ولا اكدر اروح سبوع وسبوعين بس ماكدر ابتعد عنج زمرد انه احبج وهسه تاكدت من شعوري ناحيتج الله يخليج فكري بالموضوع ونطيني خبر لان انه نازل ورا الامتحان اليوم الاهلي وراح احاجيهم حتى اجي اخطبج اريد علاقتنه تاخذ شكل ثاني وبالنسبه للشغل انه مامحتاج فلوس الحمدالله خير الله هواي ونداوم سوه اصلا هنا نجي نعيش بالبصره ع مودج كلشي اسوي فكري ورجعيلي خبر حتى احاجي اهلي
زمرد : فاجئني كلامه كلش وصراحه بداخلي فرحت لان انه اعترف احبه وشعوري تاكدت منه من بتعدت عنه هالفترا كلها كتله انشالله عود افكر خليت ورجعت وانه احس كلبي صار مثل الطبل من الفرح الي حسيته صحيح هسه تكولون شوكت حبيتو بعض بس انه جاي اختصر الكم لان الكلام البنيه والكلام عيونه الي يصير بالسكته هوه كفيل يشرح كلشي اكدر اكلكم فهد اول حب بحياتي والوحيد الي كلبي دك اله رجعت للبيت من بعد ماخلصنه امتحانات دخلت لكيت ابوي كاعد هلا بويه
جلال : هلا بنيتي شلونج بالامتحان
زمرد : زينه بويه. لعد امي وماس وين
جلال : رايحات لبيت عمج شوي ويجن
زمرد : والباقين
جلال : كلمن بدوامه
زمرد : تمام حبيبي بابا رايحه ابدل شوي واجي يمك اكعد
جلال : تمام بويه
زمرد : صعدت بدلت ونزلت وانه عقلي يم حجي فهد نزلت لكيتهم جايين الله يساعدج يمه
غيداء : ويساعدج امي شلونج بالامتحانات
زمرد : تدرين بيه شكد تعبت والله كريم هاي عود اول سنه
ماس : اي انتي بطله انشالله كدها
زمرد : امين تغدينه وخلصنه وغسلت ماعين لليل اجه اخوي جهاد هلاهلا هلا باخوي الغالي
جهاد : من الاخير كولي شعندج
زمرد : الله يسامحك صارلي هواي ماشايفتك
جهاد : ماصدك منا والدرب هيج تحجين
زمرد : يعني هوه صح مومنا والدرب هههههه
جهاد : شفتي كولي شتردين
زمرد : طلعنه للشط
جهاد : بس هاي
زمرد : اي بس هاي
ماس : اي والله ياخويه ضايجين
زمرد : عفيه حباب
محسن : اي جهاد ودينه
جهاد : ماطول استاذ محسن كال تمام امشي بدلن يلا حسون كوم للسياره
زمرد : فرحت وكمنه بدلنه انه وي اختي ورحنه للشط اول ماوصلنه شفت فهد كبالي كاعد وي شباب اصدقاءه شويه وانتبه الي ودالي رساله
فهد : كاعدين ع الشط بالليل قبل لا ارجع للعماره واجت زمردي شفتها دزيت الها رساله شعندج جايه هنا ليش مانطيتيني خبر
زمرد : لا والله اخذ اذنك يعني
فهد : طبعا تاخذين اذني لاتخليني اطيح حضج
زمرد : ضحكت عليه
فهد : لا تبتسمين زمردي تدرين بيه تاخذين كلبي
زمرد : سديت التلفون وكملنه ورجعنه للبيت تعدت الايام وانه يوميه احجي وي فهد تقريبا بس مانطيته موافقه ع طلبه كلت بعدنه خلي نتعرف اكثر واكثر واكيد بالاخير ياخذني خلصت العطله ورجعنه الدوام بس الغريب ماشفت فهد وين راح
أنت تقرأ
فصليه رحت من بعد نهوه
General Fictionمن بعد ما نهو عليها شائت الاقدار لترحل فصليه لشخص اخر وغير متوقع مثل كل مرا ماحب اشرح هواي عن القصه افضل تقرونها انتم وتستمتعون بيها شكرا جزيلا تحياتي الكم الكاتبه زينب عقيل الموسوي
