فصليه رحت من بعد نهوه

البارت الثاني

آني متعود عليك هـواي ياسولـة سكتـي !

*******************************

همام : وصلنه للمحكمه واخوي راح وحده وانه وحده ورا دقايق خلصت قضيتي الي جاي عليها اوراق تصديق للشركه جاي امشي وجان اشوف بنيه سبحان الخالق جمالها ماينوصف احسها دخل بكلبي وتربعت ضليت اباوع عليها هيه مثل الي ضاجت خزرتني ودارت وجهه ضحكت بداخلي ع شكلي اول مرا اباوع لبنيه بعد زوجتي وبنتي الله يرحمهم بس شسوي موبيدي احس شي بداخلي تحرك ورجف بس كلت لاتتوهم همام كلها بنيه عابره سبيل وماتشوفها بعد تنهدت ورحت خابرت ع اخوي وكتله خلصت كال اي انتضرني بالسياره رحت للسياره صعدت ودرت وجهي هم شفتها لاحول الله بتسمت بوجهه باوعتلي بتكبر ودارت وجهه عني سندت راسي ع الكشن مال السياره وبالي رجع وين كلش بعيد انه همام ابن الشيخ كنعان عمري 39 سنه خريج هندسه معمار عندي شركه مقاولات جبيره داخل الناصريه وقررت افتح شركه جديده بالبصره حياتي عباره عن شغل بشغل مالتفتت لعمري ولا شبابي الي جاي يضيع من فتحت عيني ع لدنيا وانه ابن شيوخ ابا عن جد وابوي حالته زينه كلش تدرون بخواني سبب بعدي عن المشيخه ورفضها المسؤوليه الي بيها حيل جبيره وانه انسان عصبي مرات احس عصبيتي تقودني احس خبالي هوه يمشيني مو عقلي لذلك نطيناها لحبيب الكلب الشيخ غضب ابوي ويا ويا ماعافه وحيل يحب ذكائه بحل المشاكل من جان عمري 22 سنه جنت احب بنت جيرانه وفعلا تقدمت الها وهيه كلش خوش بنيه وجميله تزوجنه وعشنه احلا ايام حياتنه مرات اكول محد راح يتحملني بكد ماتحملت صابرين عليه عدت الايام والاشهر وسمعت باحلا خبر بالدنيا حبيبتي حامل ودرت بالي عليها لدرجه كلاص الماي ماترفعه من الارض وكعدت يمها جنت اشوف نفسي حيل طايش ولا ابالي باي شي الحد ما صار الشي الي غير حياتي كلها وخلاني شخص واقعي وجدي بكلشي حتى كلامي قل جابت مرتي وبنتي صار عمرها سنه رحنه انا وياهم سفره حبيت اغير الهم جو وهنا صارت الكارثه سايق تريله سكران انهى حيات مرتي وبنتي بعد ماكعدت بالمستشفى كلولي الخبر احس بيهم يجذبون كمت شفتهم وانه اشوفهم حتى معاني بوجهم ماكو الدكتور كلي طلعت من الموت انت كتله لومخليني ميت وياهم ولا ناقذني خلصت الفاتحه وجروحي تعافت بس كلبي كلبي بقى مغيم عمره الربيع مازاره وهاي صارلهم 15 سنه من ماتو مانسيتهم لحضه لتفتت لشغلي والشركه وبس مادخل باي شي الشيخ غضب حب انه اسولفلكم قصتي شكد مااكتب ماعبر عن كميه الالم الي حسيتها بفقدانهم بقيت خالي من المشاعر الى ان شفت هالبنيه الي سلبت تفكيري قطع تركيزي غضب وكال
غضب : خير خويه شوصافن
همام : لا يخوي ماكو شي
غضب : سولف الي
همام : عوفك مني انت شسوي هنا يعني شنو قضيتك
غضب : والله ياخويه جانت قضيه طلاق وحليت السالفه
همام : بس انت ماتجي ع هيج قضايا
غضب : جريت حسره وكتله بعد النصيب جابني
همام : شوحسره شبيك
غضب : اجيت طلكت هذيج البنيه من هذا المطي
همام : باوعت عليها نفسه لا يا ربي يعني هاي متزوجه كتله شنو يعني متزوجه وعدها اطفال
غضب : لا يبعد اخوي البنيه مخطوبه بس عاقدين محكمه لذلك ترافعت وطلكناها بس حسب كلام ابو البنيه الولد حيل ادبسز واذاها
همام : هااا الله يوفقها خليت وتحركت واحس البنيه نرسمت بعقلي رسم مجاي انسى شكلها ولا ملامحها ولا عيونها الزرك الي سلبني ستعوذت الشيطان وكملت طريقي
غضب : اكلك يخوي انت هم الك جيه للبصره
همام : اي بعد سبوع
غضب : تمام وي مرافعتي الجايه
همام : الضاهر تعودت اخوك الجبير يوصلك ولك
غضب : لاتنسه انه الشيخ ههههههه
همام : ضحكت ع كلامه لان انه ويا حيل علاقتنه قويه عبالك اصدقاء كملت الطريق للعماره الى ان وصلنه دخلت للبيت بعد عركه السيد فهد وانه منا تعبان حتى اكل ما اكلت كبل صعدت نمت ...