فصليه رحت من بعد نهوه

البارت الثاني عشر

هالمره جبيره هواي
تعال ابجي عليك وياي
ولك عزوني بيك الناس
جي يدرونك من اهلي
تعال انطيني واحد
خاسرك مثل

*******************************
زمرد : فتحت عيني ع ضوه كلش قوي صفيت الرؤيا جان اشوف صفاء كبالي كتلها صفاء شنو بيه انه ليش هنا شنو صار ومنو جابني
صفاء : بعد ما رجعت من الكليه وسولفت الزمرد ع هذا الولد وكالت خاف معجب ضلت بالي السالفه وكلت لا مستحيل هالشي خليت وعبرت الموضوع وشبه نسيته الى ان ورا يومين رحت للجامعه وشفته نفسه وهم ضل يباوع عليه انه طبعي حيل خجوله واخاف من اي شي ممكن يصير الي المهم ضليت ابتعد وابتعد ماللتقي بيه سافرو اهلي للعمره وبيوم جنت كاعده واجتني رساله من حساب ع الماسنجر وكتوب بيها مرحبا صفاء ممكن خمس دقايق من وقتج الحساب جان مابيه اي صوره او اي معلومه ممكن استفاد منها غلست عن الرساله الى ان ضليت يوميه اللكه رساله الحد مارديت تفضل شرايد رئسا رد
جهاد : ضلت بالي هالبنيه وحيل دخلت كلبي تعدت الايام بدون اي شي جديد مشاكل بالشغل تعرض الها اكرم وجاي يخسر شوي شوي وبده يطلب مني فلوس بس وصلت مرحله ماكدر انطيه بعد وتعاركت ويا يعني انه ماجاي افتهم شي اول مادخل هالشغله والربح عليه زايد همزين مادخلت ويا جان خسرت شركتي وشغلي صارت عندي شغله مرا ثانيه بالجامعه وهالمرا رحت حيل متحمس وصلت ورا ساعتين للعماره دخلت للجامعه عيوني دور عليها وين الكاها وين اطيح بيها شفتها واخيرا اي هيه هاي الي سبت كلبي واخذت كلشي بيه من اول نضره ضليت افتر وراها حتى شغلتي نسيتها قررت ابقى بالعماره كم يوم بقيت افتر وراها بس ماكو فايده انه اصلا متعجب ع روحي عمري مسويت هيج شي قررت احصل حسابها وفعلا اعرف كم شخص وجابولي الفيس مالتها سويت حساب وهمي ودخلت عليها ضليت يومين اكثر وانه اراسلها بس مترد اخير شي ردت عليه كالت تفضل كتلها اتمنى تنطيني فرصه اتعرف عليج
صفاء : وانت منو حتى انطيك فرصه
جهاد : انه جهاد وجبت حسابج من شخص ثقه وماكدر اكول اسمه بس انه اول مرا اسوي هالشي وسويت هالحساب حتى ادخلج عليه بلكي تردين عليه اريد اشوفج باجر بالجامعه وكلشي اشرح الج
صفاء : عرفتك وانه اسفه ماكدر مع السلامه كمت ونطيته حضر ورجعت تمددت صارت عزيمه بيت عمي وشفت غضب طلع حيل مستعجل رحت ورا لان البيت قريب وصلت وسمعته يضرب بزمرد ومادري شنو السالفه لحد هسه كمت وخابرت همام واجه وكدر يهدئه شوي جاي اريد اروح يمها خابرتني امي وضليت اسولف الها ماريد تحس بشي طلعت تقريبا ورا ساعتين ردت اروح وشفته دخل يمها ورا ربع ساعه وضل واكف بالباب فوك النص ساعه خله وراح لغرفته دخلت عليها ولكيتها سابحه بدمها وصاير عدها نزيف وجهه اصفر ع شاحب ضليت اصرخ اجه ع صوتي همام كبل شافها واخذها وديناها للمسشفى ورا ساعه يلا كعدت فتحت عينها وكالت وين انه ويمته اجيت حاولت اهديها ضلت تبجي اجت الدكتوره وكالت تكدرون طلعونها  هسه بس ممنوع يتقرب يمها رجال منا لمده شهر كتلها بكلبي هوه منو الي حيتقرب الها بعد طلعناها وصلنه للبيت جان تكول
زمرد : صفاء ماريد اصعد فوك بعد اريد انام يمج
صفاء : يا غالي والطلب رخيص
زمرد : حضنتها وضليت ابجي رحت للغرفه وتمددت وبصعوبه يلا كدرت انام من الالم مرت الايام وانه حابسه روحي بالغرفه لحد ماوصل الشيخ كنعان والشيخه هم تاخرت رحلتهم بسبب الطياره المهم وصلو وغضب مشايفته لحد هسه ولا اريد اشوفه لان حيل لعبانه روحي منه ومتاذيه لحد هسه بس الاثار بدت تختفي وانه لحد هسه ماعرفت السبب وشنو معنى كلامه لحد هسه افكر بيه انشالله كدرت اثبت رجولتي الج شبيه وليش هيج حجه وصلو عمي وعمتي وهنا جانت اول  مرا اطلع بيها حتى اسلم عليهم وطلعت فعلا وصلت يم باب الصاله ودخلت وصارت عيني بعينه كبل درت وجهي وسلمت ع خاله وعمو وطلعت رحت للمطبخ كبل بدون ما اللتفت شويه وجان تجي عبير الي
عبير : من دريت بيها ضاربها وسامع الكلام حيل فرحت لدرجه كلش جبيره بس من سمعت بيه متقرب الها حيل خفت وحيل توترت وكلت لازم اتخلص منها شلون ماجان ماريد اشوف وجهه بالبيت ابد المهم ضليت افكر وافكر وبيوم اريد ادخل للغرفه وسمعت غضب يكول يامعود زين سوون اريد اكرم ابن عمها مايبقى عنده ولاربع والديانه تفتر ورا منا ومنا وهنا طخت بعقلي فكره ماتجي ع بال اي شخص دخلت ع الفيس وضليت ادور وادور بحساب صفاء ع حساب زمرد لان الاعرفه كل فترا تتصفح بيه وترجع تضمه والمكان محد يندله ابد المهم لكيت صفحه زمرد وكعدت ادور بالتعليقات لان لاغيه الاصدقاء خافيتهم دورت بالتعليقات لكيته اكرم معلق اروح فدوه الج يمته تحنين وهيه ماراده عليه سويت حساب ثاني واخذت حسابه وراسلته وفعلا رد عليه وكتله انه منو واذا يريد ياخذ زمرد يسمع كلامي بالحرف واتفقت ويا ع خطه وانشالله تمشي صح المهم مرت الايام وانه اشوف غضب عصبي وادري سبب عصبيته شنو جاي يشوف اكرم قريب ع بيتنه يفتر كلت وبعد لحد هسه كلشي مامسويه رجعو الشيخ وشيخه واجت سلمت عليهم وراحت ادري بيها ضلت. تكره غضب بس راح يصير شي يكرهه بيه بالزايد اكثر واكثر رحت الها وكتلها مابقى شي واخلص منج وتنطردين طرده الجلب منا يصير خير
زمرد : كتلها تسوين فضل اذا تكدرين طلعيني منا وماراح انسه الج معروفج ابد
عبير :غالي والطلب رخيص هههه خليت ورحت رجعت يم غضب كضيت ايده وهوه سحبها شويه وكال بويه من تخلص عندي موضوع وياك اريد اخذ رايك ومشورتك منه كاله صار صار الليل وصعدت انام وانه اشوفه يدخن وبكثره والنفاضه متروسه ترس كطوف جكاير كتله شبيك غضب لايصير بيه شي كال
غضب : بعد ماصار الي صار طلعت وكفت بالباب وانه كلامها يدور براسي معقوله مضلومه شنو اذا طلعت الحقيقه راح تندم لان ماراح تلكاني اعترف اذيتها وهواي ورا ساعتين او اكثر اجاني همام وكالي
همام : تخبلت لك غضب البنيه رادت تموت
غضب : موتت الجلاب انشالله تولي
همام : شبيك نكلبت عليها هيج شمسويه البنيه
غضب : كتلك شمسويه
همام : وكتلك لو اشوفها بعيني تحجي اكول مو زمرد هاي لك شبيك تسودنت الدكتوره رادت تفتح محضر لك انت شمسوي بيها
غضب : ماهتم الها وخلي بالك بس يجي ابوي اشمرها لاهلها اصلا اخذت ثاري من اكرم وماعندي شي وياها  بعد
همام : اسمع لك انت مو شيخ وعبالك اخاف منك انه ابقى اخوك الجبير وغصبا عليك تسمعني وتسمع كلامي والا اكسر راسك فهمت وخلي بالك منا لمن يجي ابوي خيالها ماتشوفه بعد لوتموت
غضب : كال هيج وطلع اي ع اساس انه اهتم الها بعد اصلا انه الماريد اشوف وجهه بعد تعدت الايام وانه ماشايف خيالها مادري ليش جاي اعصب وصرت ادخن اكثر واكثر وزادت عصبيتي من لمحت اكرم يم البيت يفتر بس مجنت واثق 100‎%‎ انو هوه او ممكن يجي كلت يمكن مشبه منه احس نار تسعر بصدري احس روحي فاقدها بعد ماتعودت ع خيالها بالبيت وصوتها وصوت ضحكتها اجو اهلي وطلعت سلمت عليهم مادري شنو حسيت من شفتها بوقتها احس عيوني مجاي تنرفع عنها رغم هيه ماباوعت عليه خلت وراحت وانه كعدت بمكاني شويه واجت عبير يمي كلت الابوي بويه من تخلص عندي حجي وياك كال ماشي مرت الساعات واجه ابوي صاحني للديوان وكلي شنو عندك سولف بديت احجيله كلشي وكتله ماريدها بعد بيتي انه مو طرطور هنا بويه انه الشيخ الي الكل تهابه
شيخ كنعان: والله يابويه حسب معرفتي بيها ماتسوي هيج لاتستعجل
غضب : ماريدها واطلكها اصلا انه اخذت ثاري من ابن عمها بعد مالي شغل وياها
شيخ كنعان: غضب انتضر ولا تظلم  البنيه احتمال سمعت خطا
غضب : بس
شيخ كنعان: من غير بس ابني انت الواعي المثقف الي عمره ماظلم احد
غضب : كتله تمام راح اخليها ع ما اتاكد من السالفه تعدت الايام وانه عيني عليها احس روحي صدك ضلمتها بس مادري ليش جاي اشول وجهه يصير شاحب يوم عن يوم ويصير اصفر حتى منتبه عليها اكل متاكل المهم ماهتميت. كلت معليه بيها يطبها مرض بس يا ناس اشوف كبالي ملاك ادب واخلاق وفوك هذا كله امي تحبها وبيوم دخلت رحت للثلاجه جاي اشرب ماي وهيه واكفه ع السنك فجئه وبدون مقدمات اغمى عليها رحت ركض احس كلبي يرجف  من الخوف عليها خليتها بحضني وجهه نخطف صارت صفره كلش خفت عليها بديت اكعد بيها اكعد بيها اجت  عبير كتلها ولج نطيني ماي خلي ارش عليها وهيه ركضت انطتني ماي رشيته عليه فزت ورئسا وخرت مني عبالك مشمئزه مني وهالشي عصبني اكثر خلت وكامت كالت مابيه شي شكرا خلت وراحت لغرفته
عبير : جاي يبدي عليها شحوب بالوجه ودوم دايخه وبيوم كعدت الصبح لكيتها تتقيء كلت معقوله حامل اذا صدك حامل انه اروح بيها والله وتاكدت من لكيتها مغمي عليها كعدت وراحت وهيه مشمئزه من غضب كتله شبيها
غضب : مادري شنو بيها
عبير : يجوز قله اكل صعدت فوك وخابرت اكرم وكتله يقرب موعد الخطه لان زمرد حامل وكال تمام يمته تردين كتله انه انطيك خبر سديته منه رئسا دخل غضب كبل للفراش نام وانه احس بوجهه علامات استفهام هواي كالي
غضب : حضري جنطي انه وابوي وهمام رايحين للبصرة عدنه شغل ابوي وهمام بسيارتهم وانه وحدي كالت تمام وراحت حضرت جنطتي  وانه بقيت صافن وراسي احسه يفتر رحت للبصره ثاني يوم وطلعت من دون ماشوفها وبالي يمها معقوله بيها شي همام كلي
همام : ضليت ايام انتضر تتصل بيه وفعلا ورا يومين من مشكله غضب وزمرد اتصلت وبدينه نسولف ويوم عن يوم احبها واريدها تكون شريكه حياتي احبها لدرجه ما جنت متصورها وهيه هم بدت تحبني ورا شهر رحت للبصرة عندي شغل وتمنيت اشوفها بس ماجان عدها مجال المهم بقينه يومين وبعد حتاجينه كم يوم ابوي كال
شيخ كنعان: بويه خابر ع اخوك هل يرجع احنه بعد ورانه شغل البيت والديوان مابيه احد
غضب : اتصل كالي ابوي هيج يكول كتله خوش راح ارجع هسه لان معندي شي خليت ورجعت مسافه نص ساعه خابرت عبير
عبير : سافر الشيخ وهسه اجه وقت الخطه المناسب حتى طردتها تصير فلس خابرت اكرم وكتله يجي باجر للعماره يبقى قريب ع بيتنه وكالي تمام مر يوم ع جيه اكرم ثاني يوم اتصل غضب وكلي مسافه الطريق وانه واصل يمكم خابرت اكرم وكتله يجي واجه فعلا كتله الباب خليته مفتوح من شوف سياره الشيخ قريبه كبل اطلع بس خلي يشوفك يلا تصعد سيارتك بس سوي روحك جاي تعدل بملابسك خوش كال تمام وفعلا سوه مثل ماكتله واجه الشيخ بس مثل الاعصار يصيح ويكسر ويفلش البيت حاولت الشيخه تهديه ماهدا وهذا الاريده فعلا بس الغريب مادنه ع زمرد ولاحاجاها وانه هنا حيل نهبطت كلت مستحيل يسوي شي يمكن ماجت ع باله زمرد المهم خابر ع الشيخ وكله هسه تجي لا احرك الدنيا حرك
غضب : سديت الخط وقريب ع البيت كلش جان اشوفه اي هوه اكرم اي اكرم هذا ويعدل بملابسه وطالع مخبوص خبص مادري شصار بعصابي احس روحي راح تطلع وصلت للبيت وانه عصبي ضليت اصيح واكسر وماحجيت اي شي خابرت ابوي وكتله تجي لا احرك الدنيا حرك المهم ماكال باطل اجه ومن اجه حسيت روحي بردت كلت لا لازم اتانه اخترعت قصه من يمي وانه كرهي جاي يزيد تجاه زمرد مادري وين اروح او شنو اسوي بس كلت هالمرا اتصرف بعقل سكتت عن السالفه الى ان بيوم كاعدين نريد نتغده وجان اسمع صوت تكسير مواعين ركضت وجان اشوف زمرد واكعه بالارض وغايبه عن الوعي شلتها وديتها للمستشفى لان حاولنه نصحيها ماصحت وصلت للمستشفى شويه وجان تطلع الدكتور وتكول ...
زمرد : من سلمت عليهم ورحت للمطبخ وحاجتني عبير الي من اجيت لليوم ماخلتني بحالي وكتلها تسوين فضل تخلصيني منا وفعلا اريد اخلص اريد المده تخلص حتى اروح ماريد ابقى هنا ثانيه كرهت كلشي تعدت الايام والاسابيع وانه حبي يزيد لغضب رغم اذيته الي مادري بديت احس بدوخه وبديت اشتاقله هوه بالذات مادري شنو السبب تلعب روحي من كل الاكل ودي بس اشوفه اشياء بداخلي متناقضه وبيوم واكفه ع السنك حسيت بيه اجه لان كلبي فز عجيب رب العالمين يخلي بداخلنه حب لاشخاص مامتقربين الهم وانه فعلا ماشفت شي صح اذاني من تقرب عليه بس اشتاق لقربه وخصوصا هاي الفترا جاي اغسل ورئسا دخت ماحسيت غير لمن رش ع وجهي ماي خليت ونترته وكمت حسسته انو انه ماريده بس انه عكس هالشي تماما قربه يمي يوترني ويضعفني كلش اخاف منه بس احبه خليت وصعدت لغرفتي وانه شكيت بروحي حامل بس كلت شلون حامل يعني هوه مايجيب اطفال ومرته اكدت هالشي اخير شي ستبعدت كوني حامل وكلت يمكن تعب يوم عن يوم احس روحي مرهقه وكوه اشتغل كسل بجسمي مو طبيعي اريد غضب اريد قربه احبه اريد بس اشم ريحته بس للاسف كمت الزم ملابسه بعد مايشمرهن بالحمام واشم ريحته حيل ريحته الي تخليني اروح لعالم ثاني وانه قافله باب الحمام بحجه اغسل ع ما اترس ريتي من عطره يلا اطلع وبيوم كاعده بالغرفه وسمعته يصيح ويكسر ويفلش ومادري شنو السبب مرت الايام وانه ماشايفته ع طول بالديوان احس براسه شي جاي يفكر بشي الا اليوم كالت صفاء يمنه يتغده تفاجئت المهم بديت اصب الاكل وهاي مابطلت تسمعني كلام بلشت احس بدوخه كلش قويه احس وجهي نخطف لونه خليت وشلت الصينيه ماحسيت بشي الا وانه بالمستشفى والدكتور خلتني افيق وجان تكلي مبروك انتي حامل ضليت صافنه عليها هاي شتحجي انه حامل ومنين من حبيب روحي الي اتمنى منه نضره معقوله الله عوض صبره ونطاه طفل مني ضليت ع نومتي الا انه اجه دخل عليه وجان يكلي
غضب : كلتلي حامل ضليت صافن بوجهه ماجاي استوعب الي تكوله الدكتوره انه مايصير عندي طفل وهيه حامل كبل تذكرت هذا كلت اي اكيد من عنده حامل ضليت ماشوف بعيوني بس ماسويت اي حركه خطا كبل دخلت عليها وكتلها انت طالق ولهنا وكلشي انتهى بيني وبينج
زمرد : ضليت صافنه ومادري شنو اسوي كبل كمت كضيته من ايده وكتله انه شنو مسويه ليش طلكتني باوعت الغرفه مابيها احد كبل ضربني وكال
غضب : ضربتها كتلها كاعده مسويه روحج فقيره وانتي وحده وصخه للاسف حبيت وحده نفسج اي انه اعترف احبج بس غلطت بحبي الج وهسه من هاللحضه ماريد اشوف وجهج وسلميلي ع اكرم وكليله  يتربى بعزك ابنك انشالله
زمرد : انت شجاي تكول جريته من ايده كتله مستحيل اخليك تضلمني مرا ثانيه انه شنو سويت شنو ذنبي كلي بشنو اخطات انه حامل وبابنك محد لامس مني شعره
غضب : جنت اتمنى اصدك بس للاسف فات الاوان وبعد مالج وجود بحياتي وانه شفته بعيني يطلع وكلت ماريد اضلمج وهسه اخابر اخوج يجي عليج بيتي بعد ماطبين اله
زمرد : خابر ع اخوي جهاد وكله يجي ونطا العنوان وخابر ع صفاء وكلها كلشي تخلي بالجنطه ملابسي وكلشي هنا عرفت حياتي انتهت وبعد ومالها قيمه وخلص انفصلت عنه وضليت منتضره مصيري وابني الي مادري شلون راح تكون حياته اصعب شي من يتهمونج بشرفج وانتي ماعندج شي ومامسويه شي ضليت ابجي بحركه وكل قوتي نتضرت بعد ماراح ساعات اجه اخوي كمت عليه حسيت روحي تايهه ولكيت شخص يدلني طريق لكيت منقذي حضنته وضليت ابجي كل قوتي وانه مشتاقتله وكتله خويه مشتاقتلك هوه كلي
جهاد : اخ حضرتني هاي بس يلا تستاهل اتعب ع مودها انه اريدها حلالي ضليت اروح وارجع للعماره في سبيل تشوفني الا ان يوم اجت وكالت
صفاء : انت ليش ماتمل مني ماتعبت
جهاد : صفنت عليها وكتلها تستاهلين اتعب عليج
صفاء : بس انه مومن هذن الي يسون علاقات
جهاد: وهذا اكثر شي احبه بيج لذلك اريدج شريكه حياتي
صفاء : اوكً انه موافقه
جهاد : انطتني رقمها وراحت وانه حيل فرحان ومتونس كبل دزيت رساله كتبت بيها 💭 انتي احلا شي صار بحياتي واليوم انه اسعد شخص بالدنيا سديت التلفون للعصر اتصل عليه رقم غريب رديت وكال انه الشيخ تعال لاختك جنت راجع بالطريق بس لفيت ورجعت للعماره وصلت وشفت حالتها تبجي الصخر مو هاي زمرد الي وجهه ينطي السعاده والامان بمجرد تشوفه حضنتني وضلت تبجي احسها مهضومه مكسوره ومظلومه حضنتها كتلها انه هم مشتاقلج يبعد روحي خذيتها بعد مارحت لبيتهم اخذ اغراضه نفتح الباب وجان اشوف صفاء ضليت صافن عليها وهيه صافنه كالت تفضل هذن اغراض زمرد بس حسيت الدمعه بعينها معقوله حبيت اخت الشيخ غضب بدون قصد معقوله ضل بالي مشغول ومشدوه الى ان وصلت للبصره ودخلت. زمرد شافها ابوي ضل يبجي وحضنته كبل وضلت تعتذر منه وامي هم ضلت تبجي وماس مثل المصدمه بس هم حضنتها وضلت تبجي شويه وكالت
زمرد : وصلت للبيت وهاي اخر مرا اشوف بيها بيت حبيبي الي كسر كلبي وشمرني ولحد هسه ماعرف شنو ذنبي الي مسويته وصلت لبيتنه للبصره وانه مابطلت بجي ع حضي وع حظ ابني الي مادري مستقبله شنو راح يكون دخلت وحضنت ابوي كل قوتي اي هسه حسيت بالامان هسه حسيت بالحب من شفت ابوي وحضنت امي وماس كتلهم اريد اكلكم شي كالو كولي كتلهم انه حامل وطلكني ومادري شنو ذنبي ابوي حيل عصب وكال سدي الموضوع هسه وديري بالج ع روحج واصلا يحلم يشوف ظفرج سكتت وماحجيت وتعدت الايام والايام صارت شهر والحد هسه محد اجه من عدهم اريد بس اعرف شنو ذنبي ثاني مرا انظلم ومادري شنو سبب وشنو سويت حتى يصير بيه كل هذا تمددت ع الجرباية مالت اختي وجان يرن تلفونها باوعت كاتبه عليه ماس همام صفنت كلت معقوله الي براسي رفعت خط خليته ع اذني وجان اسمع صوته لهمام اي هوه هذا كبل سديته ورجعت بمكاني معقوله ماس تعرف همام يمته وليش وشلون بقيت ع نومتي ضليت نايمه الى ان اجت ماس وكتلها ماس كالت ها كتلها ماس همام اتصلت عليج هيه مثل الي توترت ضحكت بداخلي وكلت همام يستاهل اتمنى تصير اله لان حيل خوش رجال وبيوم كاعدين وانه حاليا عليه ثلاث شهور يوم عن يوم احساسي يزيد تجاه غضب اريد بس اشوفه يوميه اتصل ع صفاء وماترد عليه دخلت ع صفحه الفيس مالته وضليت اباوع صوره فجئه وجان انطيه لايك بالخطا لغيته رئسا وضلت اضرب ع وجهي عزا بعينج زمرد هسه شيكول عليه المهم مرت الايام وصارلي شهرين يم اهلي ومحد اجه منهم اصلا وانا لحد هسه ضاله معلكه يوم عن يوم وجهي يذبل اكثر واكثر وانه دخلت بشهري الرابع اخوي جهاد حالته موتمام ومادري شنو بيه بس رغم هذا كله يحاول يطلعني من الانه بيه ويطلعني ويمشيني يوميه احس بوجود غضب قريب علينه واحسه كبال بيته وبكل عقلي اطلع اباوع من الشباك مالتي حتى اشوفه وماشوف اي شي ضليت هيج الى ان بيوم كاعدين وجان يندك الباب طلع جهاد ورجع وجهه مكلوب وجان يكول .......

........../////////////

لاتنسون تابعوني على الفيسبوك روايات زينب عقيل الموسوي

https://www.facebook.com/profile.php?id=100087899666498&mibextid=LQQJ4d

وايضا قناتي على التيليجرام
@zainabakeel9

ورابط الواتباد للي ماضايفني يضيفني

https://www.wattpad.com/user/zainabakeel_almusawi

الى هنا انتهى البارت اتمنى ينال اعجابكم

الكاتبه زينب عقيل الموسوي