عائلتي المشؤومة ؟!.(قيد التعديل)

2

مايا " ماراح اقدر اجي العرس ، حدد الموعد وامي تقول اني عروس ماخرج من البيت "
سهى بدهشة " حددوا متى بيصير "
مايا بقلق " بعد شهر "
سهى شهقت بصدمه " ليش كذا تو ماجهزتي شيء"
مايا ماسكه نفسها " ابوي يقول انهم بيجهزوا كل شيء حتى ملابسي بتصير عليهم ،تدري ذا هو الي قهرني "
سهى " لا ذا الظلم بحد ذاته، خلاص لا تزعلين بعدين بجي لعندك ونتكلم بسكر الحين عشان ماتأخر "
مايا " أوكي سلام"

سكرت منها والتفتت مايا لامها الي توها داخله عليه

هدى بأبتسامه " تكلمي سهى عشان عرسك "
مايا " يب "
هدى " وش فيك متضايقه "
مايا ماسكه غصتها " يمه ابوي ليش يسوي كذا كان يأجل العرس شوي واجهز انا كل شيء وش ذا الخبص "
هدى " وش بنسوي ،الحين ابوك قال لهم وعيب يتراجع عن كلامه "
مايا " كان يشاورنا بالاول قبل لا يتكلم معاهم "
هدى ربتت على يدها " مايصير الا خير انا جيت عشان اتطمن عليك واقول اي شيء ناقص لك تكلمين وبنروح نجيبه "
مايا " طيب اذا جت سهى بنروح سوى"
هدى توقف " طيب تعبانه بروح ارتاح"
مايا " لا تتعبي نفسك"

______

عند سهى كملت تتجهز وهي تشعر بالضيق من القرار المفاجئ لمايا ، وماقدرت تستوعب الي قالته ،كملت ونزلت للصالة وهي تفكر

حمد " اوهوو غريبة الاخت متضايقه "
سهى بضيق " اكيد متضايقه "
حمد جلس بالكنبة " ليش "
سهى بلعت غصتها "عرس مايا بعد شهر تو ماجهزنا شيء حتى مايا يقول خالي انه كل شيء على اهل العريس وش ذا "
حمد ببرود " طيب وش فيها ، يعني الأمور صغيرة ليش تكبرينها "
سهى التفتت له " انت ماتفهم قلت كل شيء على اهل العريس ، كل شيء"
حمد " حلو لانها بتكون تتزين له يعني هو يختار الملابس على كيفه "
سهى كتفت يدها بضيق " بس ذا مو عدل "
حمد وقف وقرب منها مسك خدودها " طيب انتي وش مزعلك  المفروض مايا تزعل مو انتي "
سهى فكت نفسها منه " لا تلمسني وازعل لانها اختي الي ماجابتها امي "
حمد يحرك مفاتيح السيارة بيده ويخرج " لا تتفلسفين روحي قولي لامي تستعجل بنتظركم بالسيارة "

وخرج سهى استعجلت امها ونزلوا ركبوا السيارة وتوجهوا للقاعة نزلت سهى ودخلت شافت ميار وجود وليان وطيف قربت منهم وسلمت بحرارة

ليان " مايا ماجت صح "
ميار " لا ماجت ،تحدد العرس وامي وماتبيها تخرجها "
سهى وهي تخلع عبايتها وتحطهن بكيس " ايه ادري وكمان سمعت امي تقول لامك ماتخرجها "
ليان تضحك "اتفقو عليها وحبسوها "
سهى تنهدت " الله يعينها على التجهيزات "

كملوا تجهيزات وتوجهوا للداخل قابلوا اسماء زوجة  عيسى ،ميار مدت بوزها بضيق

اسماء بأبتسامه "هااي بناات وش ذي الحلاوة "
سهى وهي تسلم عليها بأبتسامة " عيونه الحلوة "

توجهت ميار سلمت بضيق واسماء لاحظت عليها بس مابينت وسلمت على الباقي وتوجهين جلسين على طاولة بعد ماخذوا وجباتهم
تكلموا عن الحال والاحوال من كلام البنات المعتاد