عائلتي المشؤومة ؟!.(قيد التعديل)

17

-مارس-2023

17

عند فارس بعد ماسمع ان سمر اعتقلت بسبب تعاطيها للمخدرات رجع البيت وهو ابد مو مستوعب ......دخل البيت شاف امه وغزايل مو روان في الصلون وباين ان وعد بالمطبخ.. جلس على اقرب كنبه وضغط على رأسه

اصايل : خير ولدي وش فيك سمر قالت لك شيء
فارس بعدم استيعاب : يمه كنتي تدرين او ماتدرين
اصايل عقدت حواجبها : وش الي ادريه فيه وش صار
فارس ارتفع صوته بحده : يمه كنتي تدرين او لا
غزايل تدخلت : فارس تعدل في كلامك ترى الي تكلمها الحين تكون امك
فارس وقف بعصبيه : غزايل انتي لا تتدخلين فهمتي

خرجت وعد لما سمعت الصراخ واستغربت من عصبيه فارس على امه وغزايل

فارس يكرر : يمه تدرين عن سمر او لا
اصايل بحزم : فارس اذا كنت تبي تتكلم معي تكلم عدال الغازك ذي خليها للي يفهمك
فارس والشر يتطاير من عيونه : اقول لك تدرين عن سمر انها تتعاطي مخدرات او لا
اصايل بصدمه : وش مخدرات وش تخربط انت
فارس ابتسم بسخريه : اخربط يعني ماتدرين اليوم الشرطه جائت مسكتها عشانها تتعاطي مخدرات هي وزوجها
اصايل بذهول : انت متأكد
فارس بحده : ايه متأكد والصديقه الي تعاونتي معاها وخطفي البنت بتكون سمر صح
اصايل انصدمت انه يكون عرف بالقصه : فارس وش عرفك بالقصه ذي
فارس جن جنونه : وش عرفني يعني صح خطفي طفله من عائلتها من تكون وين هي الحين وين
ابو فارس توه داخل على الازعاج : فارس وش فيك تصارخ على امك كذا
فارس صر على اسنانه : تبي تعرف زوجتك ذي وش سوت خطفت بنت قبل 17سنه مع صديقتها سمر والبنت الحين وينها ماندري والحين سمر اعتقلوها بتهمة تعاطي المخدرات
ابو فارس الي انصدم : وش ان من جدك تتكلم
فارس مسك رأسه بعصبيه مو مستوعب ابد ان ماحد صدقه : يبه في كذب بذا الموضوع انا كاذب الحين ابي اعرف وين الطفله وبنت من

ابو فارس تقدم وعطى اصايل كف خلتها ترتمى على الارض من القوه تحت انظار الكل المصدومه

ابو فارس : تكلمي مين البنت ووين بتكون الحين
اصايل هزت رأسها وهي تبكي : مادري مادري وش تقولون
فارس بعصبيه : والمذكرات الي كتبتيها وانتي مستحيل تكتبي بمذكراتك الا الي بيصير لك
اصايل طالعته : ذيك مو مذكراتي مادري بشيء
ابو فارس مسكها من كتفها وهزها بعصبيه : وبحلف يا اصايل ان ماتنطقين الحين مين بتكون مابيصير لك شيء
غزايل الي مصدومه ومو مصدقه ابدا : انتوا وش تقولون امي ماتهمت بقصه خطف او اي شيء خلوها بروحها
ابو فارس التفت لها بحده : اقسم بالله لو اسمع صوتك بيجيك كف انتي الثانيه

سكتت وهي ماتدري وش تسوي تصدقهم او تصدق امها..... اما وعد الي واقفه بس تبي تعرف بنت من ووين هي ما يهمها اكثر من انها تعرف الحقيقه

ابو فارس : بتنطقي او لا هاا
اصايل بكت بحرقه : بنت بشاار ال****
ابو فارس بصدمة : بشار... هو قال ان بنته ماتت من بعد سنه من لما ولدت
اصايل : لا بعد سنه خطفتها انا سمر لانها كانت زعلانه منه وطلبت الطلاق عشان تقدر تنفذ خطتها
فارس بصدمة : وش سمر كانت زوجه بشار من قبل انتي وش تقولين
اصايل تبكي وتشاهق : والله ماقول الا الحقيقه وماعاد ادري بشيء
ابو فارس : وينها الحين البنت وين حطيتوها
اصايل : مادري والله مادري افترقنا بنص الطريق واخذت معاها الطفلة
ابو فارس وقف بقهر وبجود : اصايل انتي طالق طالق طالق
اصايل تترجي بقهر : لا ابو فارس لا تكفى مو برضاي خفت عليها وسويت الي سويته
ابو فارس : بعد الي سويتيه ماعاد في شيء اسمه خفت عليها والحين تلمين اغراضك وتروحين وماعاد ابي اشوف صورتك او اسمع صوتك فااهمه