14
في الليل والكل مجتمعين ويتكلمون بمواضيع عامه بشار انتبه
بشار باستغراب : وين منى ماشفتها
هدى : منى طالع نايمه بطنها تعورها
بشار عقد حواجبه : تعورها ليش صاير لها شيء اكلت شيء مو حلو
هدى : مادري اعطيتها ماء وعسل بس مانفع معاها
بشار وقف : بطلع اشوفها
مايا وقفت : بطلع اشوفها مع ابوي
طلع بشار للغرفه دخل وكانت الغرفه هدوء و بارده فتح الضوء وسكر الدريشه والتفتت عشان يصحيها
بشار يهزها : منى منى اصحي منى
مايا تقدمت : حتى انا طلعت اصحيها كانت نايمه فخرجت لاني ماحبيت ازعجها
بشار تحسس جبينها : حرارتها مرتفعه خلينا نأخذها
مايا : كيف نأخذها وهي ماصحت
بشار : حاولي فيها بغير ملابسي وارجع
مايا تاففت : منى منى اصحى
منى تقلبت بانزعاج : وش تبين ابي انام
مايا : اصحي ابوي جاء عشان ياخذك المشفى اصحي والبسي عبايتك
منى استغربت وجلست بتعب : المشفى ليش وش في
مايا تحسست جبينها : ابوي شافك وحرارتك مرتفعه وجاي عشان يأخذك
منى بضيق : مافيني شيء بشرب بندول وبطيب
بشار توه داخل : لا بندول ولاشيء قلت بنروح المشفى ويالله اصحي
منى قمت وهي ماتبي تتجادل معه : طيب قمت
بشار لمايا : وانتي البسي عبايتك بتروحي معانا
مايا بفهوه : انا
بشار بشوي حده : ايه انتي بسرعه البسي
مايا طيران اخذت عبايتها ولبستها وساعدت منى ونزلوا
هدى وقفت : خير وش في
مايا سانده لمنى : مافي شيء بس حرارتها ارتفعت وابوي اصر انه يأخذها
ميار : سلامتك حبيبتي مادرينا
بشار بحده : يالله بسرعه لا تجلسون تثرثرون
مايا بسرعه اخذت منى وخرجوا وتوجهوا للمشفى
بعد انتهاء الفحوصات ومنى كل شوي وهي تتضايق تبي تروح
عند الدكتوره
الدكتوره : الحمدلله كل شيء سليم فيك وقصه ارتفاع الحراره طبيعي اولا تغير في الجو ثانيا بسبب الحمل
مايا التفتت بصدمه : وش حااااامل
الدكتوره استغربت : ماتدرون انها حامل توها دخلت بالشهر الثاني
منى شوي وتبكي من الفرحه : انتي متأكده انه انا او حصل خطاء
الدكتوره تحققت الورقه : ايه متأكده اسمك منى ال****
منى صرخت بفرحه : الحمدلله يارب
مايا وقفت من مكانها وبدأت تدمع من الفرحه وحضنت منى : الف مبروك حبيبتي تستحقي والله
منى تبكي وبرجفه : سمعتي وش قالت سمعتي قالت اني حامل يعني بصير ام
مايا : ايه سمعت سمعت انك بتصيرين ام وبيصير معي بنت عمه جديده
الدكتورة ابتسمت لهم : يعني ما كنتوا تدرون المهم الف مبروك بصف لك ادويه لازم تستخدمها وبالاخص الفتره الاولى من الحمل وتجنبي رفع الاثقال وانتبهي من التوتر والقلق
منى هزت رأسها والدنيا مو وسعتها من الفرحه : طيب دكتورة مشكووه بجد والله
الدكتورة : واجبنا
خرجوا وكلموا بشار وبشار انصدم وفرح لها وبارك ومنى اصرت على بشار انه مايكلم زوجها ولا يبارك له تبي هي الي تفرحه رجعوا على البيت
أنت تقرأ
عائلتي المشؤومة ؟!.(قيد التعديل)
Randomلا اعرف ماذا حصل او كيف حصل كل شيء تزاحم داخل عقلي حواث مثيره تعج المكان ضغوطات تحتل جسي وفراق دام لسنوات كل ما عليا فعله فقط هو ان استمر في المضىء قدمًا لا تحكموا من اول البارتات❤️❤️
