عائلتي المشؤومة ؟!.(قيد التعديل)

12

عند عائشة وهدى وصلوا البيت فتحت لهم اصايل وانصدمت من جيتهم رحبت فيهم وجلست شوي وجت وعد قدمت الضيافه وسلمت عليهم

هدى وهي تأخذ كوب القهوه : تسلمي بنتي
وعد ابتسمت : الله يسلمك
عائشة : تعبناكم معانا
وعد ارتاحت من داخلها : تعبكم راحه
ام صيته : ذي زوجه ولدك يا اصايل
اصايل من غير نفس : ايه هي وعد
ام صيته : ماشاءالله عليها قمر وين تلاقون البنت الحلوات انا لي سنتين ادور ومالقيت
عائشة : اصلن انتي تبي واحده بمواصفات
اصايل : ذي امها وابوها ماتوا وقبل مايموت ابوها وصى ولدي وولدي المسكين مادرى وش يسوي قال تم
هدى : ايه سمعنا بالخبر ذا الله يسهل عملكم طلعتوا سند للبنت
اصايل ابتسمت غصب : ولو واجبنا

وعد فرحت انهم مو مثل سمر الي جت وجلست معاهم وماطلعت وبعد حوارات واحداث

عائشة : انا بقول لك سبب زيارتنا من دون مراوغات
اصايل طالعتها : خير انا اصلن مستغربه من جيئتكم قلت اكيد يبون شيء
عائشة تنهدت : ايه ابي منك شيء واتمنى انك تقولي الحقيقه
اصايل بسخريه : ما اضمن لك يمكن شيء ماقدر اقول عنه
عائشة تنرفزت من اسلوبها بس مابينت : ابي اتأكد عن سمر
اصايل عقدت حواجبها وخافت انهم كشفوها : وش فيها سمر
عائشة طالعت هدى ورجعت لاصايل وكان الجو هادئ وكل واحد خايف من عنده : هي ماتت او لا
اصايل ارتاحت شوي ومثلت الحزن : الله يرحمها صراحه صدمني خبر وفاتها
عائشة : وجثتها وينها لاني حاسه انها ما ماتت وانها تكذب علينا
اصايل تحاول ماتبين رعشتها : مافي كذب بذا الموضوع يا عائشة وجثتها في الرياض تبون تتأكدون روحوا  مافي شيء
هدى : احنا مانبي نكذب احد بس احنا جينا نتأكد لانك اقرب واحده لها ومافي معاها اهل غير اهل زوجها وهم بالرياض واضطرينا  نجي لعندك
اصايل : وذا هو طلع الخبر مني سمر ماتت وجثتها بالرياض الي الان ماعرفت اتخطي خبر موتها
عائشة مارتاحت بس تسلك : الله يرحمها

ترحموا عليها تحت انظار وعد المستغربه من سمر ذي الي تعرفها او واحده ثانيه
وبعدها تكلموا بمواضيع غصب عنهم يتكلمون شوي وقاموا يستأذنون عشان يرحون

اصايل وهي جالسه ماوقفت : يالله فأمان الله
وعد قامت : بروح اوصلهم للباب

وراحت وراهم بس ام صيته خرجت الاولى وعائشة وهدى يتكلمون بصوت واطي عند الباب

وعد بأحراج : لو سمحتوا
عائشة التفتت : خير وش
وعد بصوت واطي شوي : مادري عن اي سمر تتكلمون بس في امس واحده جت لعند اصايل واسمها سمر وقالت ضيفه مميزه
هدى التفتت بصدمه : سمر ذي صديقه اصايل اكيد كان في قرابه بينهم وهم يتكلمون
وعد تتذكر : هو صح في قرابه حتى ان افكارهم زي بعض بس مادري عنهم
عائشة تحاول تخفف من توتر هدى : طيب ذي سمر الي جت امس هي جت من امريكا او لا
وعد : مادري والله بس باين من حركاتها انها كانت بالخارج بس ماقدر اثبت ذا الشيء
هدى مسكت يدها : تكفي وعد ابيك تتأكدي من ذا الموضوع وتكلمينا هي جت من امريكا او لا
وعد انحرجت منها : بحاول خالتي اشوف بس لو تدري اصايل اني كلمتكم مادري وش بتسوي خلوا الكلام ذا بيننا
عائشة ابتسمت وربتت على كتفها : لا تخافي الكلام مايخرج لاحد وبوعدك