عائلتي المشؤومة ؟!.(قيد التعديل)

11

بعد شهر من الاحداث عند مايا وهي متضايقه من الوضع الي هي فيه مو مستوعبه ابدا انها تزوجت دارت بالغرفه بحيره وش تسوي مستحيل تضل معه وهو كذا
مو حاسس ابدا اني زوجته ماحسيت اني متزوجه احس اني تزوجت جدار انتظرته لما يخرج من الحمام التفتت له

مايا : عصام ابي اروح بيتنا
عصام فتح الكبت يخرج ملابسه : طيب جهزي ملابسك بتجلسين ببيتكم كثير
مايا عقدت حواجبها : ليش بجلس كثير
عصام ببرود : بكره عرس واحد من ربعي وهو في جيزان وباسافر له فجر فقبل ماروح اخذك لبيتكم
مايا رفعت حاجبها : وتوني ادري ان ربعك عريس
عصام التفت لها : ايه وش فيها
مايا تنرفزت شوي : لا المشكله انك بتأخذني بيتنا بالفجر يعني اروح مثل الزعلانه
عصام : ايه بس مو زعلانه
مايا اخذت نفس تهدئ نفسها : يصير خير يصير خير

التفت عليها عصام وطنش كمل لبس وخرج لشغله وهي تنرفزت من ومن طبائعه مستحيل اقدر اكمل معه كذا وبدات تجهز ملابسها

__________________

عند هدى

هدى بنرفزه : انتي اكثر من مره تغيبي وش في
ميار بتسليك : يمه شوفي لي شهر وانا مداومة والاختبارات على الابواب فقررت اخذ اجازه ارتاح فيهم
هدى : اجازه شو المدرسه هي تحدد
ميار تنهدت : المدرسه ماتحدد هي بس تحب لنا الكرف
هدى قامت بقله حيل : انتي تجننيني يارب سترك
ميار ضحكت بالخفيف : بسم الله عليك من الجنان
هدى التفتت لها قبل ماتروح : على فكره مايا بتجي عندنا بكره
ميار بفرح : صدق يااي وناسه وحتى يمه عمتي عائشة بتجي عندنا اليوم
هدى : وش عرفك
ميار تلعب بحواجبها : انا عندي اخبار العالم كلها
هدى : يا اخبار العالم قومي جهزي الغداء وسوي حلا عشان عمتك
ميار انصعقت : يمه انا اجزت عشان ارتاح مو عشان اكرف بالمطبخ
هدى : من دون نقاش ادخلي

دخلت وهي متنرفزه وهي ماتبي تسوي شيء

ميار بتأفأف : اووف ياربي متى اتزوج وافتك منكم

___________________

عند وعد وهي بالمطبخ تسوي الاكل وتكلم نفسها بعصبيه شوي

وعد : انا وش الي مصبرني عليهم وش مصبرني توهم قبل شهر طردوني وماقلنا شيء ورجعنا بس طوال حياتي تكريف ولا وعاد الست تكريف اصايل وكل ساعه ودخلت على بشغله لازم اسوي واسوي هي وش وضيفتها بالبيت هي مو موكلتي انا لازم اطلب محامي عشان يساعدني بذا الوضع.... اتوقع ان افعال اصايل مو كذا يمكن حصلت معها موقف خلها تعيش طوال حياتها بذا الطبع.. لا لا مستحيل مو لازم ابرر افعالها
فارس ابتسم على الخفيف : كملتي حش على العالم

وعد انصعقت وما كانت تدري انها تتكلم بوضوع وفارس تقدم يأخذ قلاص ماي واردف

فارس : وعلى فكره اذا تبين محامي موجود تبيني بخدمه
وعد كشرت : لا تسلم المحامي ذا /وهي تأشر عليه /خذلني في البدايه فلازم اغير محاميي
فارس عقد حواجبه : وش تقصدين
وعد رجعت تكمل شغلها وببرود : افهم مثل ما تبي
فارس قبل مايخرج : امي ذي طبايعها ماتغيرت ولا حصل معاها موقف... توصين على شيء
وعد بجمود : تسلم فأمان الله