فصلية الشيخ ذياب

البارت السادس

(الكوت) (١٩٩٢)

هملت البستان وهملت أمور العشيرة وظل بالي وية الموضوع مال الزواج، شلون احجي للشيخة جمارة؟!
وشكوللهة؟!!!!!

قبل موعد العقد ب ٣ ايام
'' '' '' '' '' '' '' '' '' '' '' '' '' ''

كاعدين آنا والشيخة جمارة نتسامر بليل

الشيخة جمارة : هاك يا بعد هلي اكل هلتفاحة من ايدي

الشيخ ذياب : يا بعد روحي، الف عافية
احس روحي ممرودة وما مشتهي آكل

كامت الشيخة على حيلها

الشيخة جمارة : صخام بوجهي كونك مريض؟!

الشيخ ذياب : لا يرويحتي بس سالفة شاغلة بالي

الشيخة جمارة: كول يا بعد هلي وناسي، من كون اكدر انطي رايي بيهة ويفيدك

الشيخ ذياب : سالفة تغثج يمكن

الشيخة جمارة انتفضت : شني هاي شيخ؟!!

الشيخ ذياب : اكعدي حذاي اسولف وياج

(كعدت وبديت اسولف)

شيخ ذياب : السالفة ومابيهة، من رحت لبيت عمي صكر تذكرين؟!

شيخة جمارة برفعة حاجب : اي!!

شيخ ذياب : من فصلنة الجماعة، عمي صكر راد
لو.......... مليون، لو فصلية

شيخة لطمت على صدرهة : شني عمك ما يخاف ربه ببنات الوادم

شيخ ذياب : بعد هاي تقاليدنة وانتي بت اجاويد وتعرفين

شيخة جمارة دنكت بخجل : عسى ما انحرم منك، وانت شنهو الشاغل تفكيرك بهل سالفة

شيخ ذياب : موش آنا يا شيخة.....

شيخة جمارة : انت شنهو يا بعد هلي

شيخ ذياب : عمي صكر كالي آنا اخذ الفصلية لأولادي لو ألي 

انصدمت الشيخة وبقت بس دموعهة اتصب وجنهة تريد تشوف شنهي رايي وخايفة من الجواب

شيخة جمارة : وانت شرايك

شيخ ذياب : آنا ما كدرت ارفض، عبن ابو البنية
طاح دخيل عدي من كون آنا اخذهك وما انطيهة لأولادي وينكسر بختهة بزلمة مراهق،.

(لطمت على صدرهة وكامت تناشغ من البجي
وآنا اريدن احضنهة وهية تدفع بية
وأقنع بيهة وما تقنع ، لحد ما كالت)

شيخة جمارة : أظن آنا مالي كعدة بهل بيت بعد
آنا الحبيت وآنا الداريت، تالي تاخذ علية

شيخ ذياب : ما رجيتهة منج يبت الأصول، ما تعرفين عاداتنا وتقاليدنا

شيخة جمارة : ما أكدر يا شيخ ذياب اعذرني

(من كالت شيخ ذياب حيل حزت بخاطري
هية ما تكول بأسمي الا اذا جانت مغتاضة حيل
عبن ما تكول غير الكلام الي يسر الخاطر ومغازلهة الأعشكنة)