فصلية الشيخ ذياب

البارت التاسع والثلاثون

كاظم : والله يا شيخ البنية ما موافقه

شيخ ذياب بصدمة : شني؟! ليش ما راضية

كاظم : والله يا شيخ خجلان حيل منكم
بس شسوي ما اكدر اجبرهة

شيخ ذياب : لاله ابو احمد موش احنه النجبر
عبن الزواج حرام يو جان جبر

( باوعت لعذاب خطية عيونه صارت حمر
والدمعه بطرف رمشه،، اترخص منهم وراح طلع
برة بالشارع)

شيخ ذياب : الله يقدم البي خير ابو احمد
احنة نترخص منكم

كاظم : ابد والله اليوم تبقون يمنه تباتون

شيخ ذياب : لاله ابو احمد احنة نروح ورانة
طريق طويل للكوت

كاظم : على راحتكم،، واني جدا اعتذر شيخ

شيخ ذياب : لاله ابو احمد لا تتعذر

( طبعا جانو بدور واخوية أحمد رايحين
لبيت خالتي عازمتهم يمهة، لذلك مشفتهم
ورحنة قبل ميجون،، لأن بقينة تقريبا ٤ ساعات
ورجعنة للكوت)

وطول الطريق عذاب يدخن
وعيونه حمر،، حسيته يريد بس نوصل
ويكعد وحده ويبجي
حيل انقهرت عليه،، فعلا صعبة الرجال ينرفض
بس المفروض يعرف راح ترفضه بعد الي سواه

شكد حاولت وية ميعاد تغير رأيهة ومقبلت
وابويه عصب عليهة وهي مصرة على رأيهة
الله اليعلم شلون اتحرش بيهة
وخلاهة هيج تضوج منه وتكرهة من بعد ما
جانت حيل تحبه

مرت فترة وحاليا صارت سنة2000
************************

حبيبتي فروحة كبرت وصار عمرها تقريباً
سنتين ونص واني حالياً حامل بشهر التاسع

وعذاب اتزوج صبيحة بنت عمته
الشيخة فاطمة وصار عنده طفل

واليوم لازم أروح لأهلي صار شهرين مرايحة الهم
وهم حتى اجيب عدهم وارتاح يمهم بنفاسي

واجتي وياية شيخة كريمة حتى تشوف اهلها
وويانة عذاب وزوجته وابنهم ذياب الصغير

وصلونة وسلمو وأخذو بدور وياهم وراحو
لبيت جدهم يبقون يمهم كم يوم

واني حيل مشتاقة لأمي
اول ما وصلت حضنتهة وبوستهة
وجانت محضرتلي دولمة طيبة من أيدهة
كعدنة سوالف وضحك
واكيد فروحة وسوالفهة الي تضحك
واجتي اختي نورة حبيبتي هم حامل
بس بعدهة بداية حملها
واجة وياهة زوجهة واولادهة

سميرة : حبيباتي ماما معزومين بعد يومين
عرس وحدة صديقتي ولازم نروح عيب
وجانت حيل تتمنى تشوفكم

خلود : والله يا ريت، من عرس عذاب وبعد محد اتزوج

نورة : اي والله اني اصلا ضايجة

ميعاد : اييي حتى اركص

سميرة : ولج يوم عيب، شنو يكولون علينا الناس