فصلية الشيخ ذياب

البارت التاسع

كملنة كلشي وزادت فلوس
لان الشيخ منطيني هواية
لذلك أختي اقترحت علية أشتريلي قطعة ذهب
حتى لو خفيفة وفعلاً أشتريت حلقة

نورة : شوفي هاي بيوم الدخلة تلبسيهة أله
وخلي هم يلبسج، علمود تزيد المحبة بينكم

خلود : صار صار

رجعنة للبيت
'' '' '' '' '' '' ''

أستقبلتنة أمي

سميرة : الله يساعدكم حبيباتي

نورة وخلود : ويساعدج ماما

نورة : اني اروح لان لازم اسوي غدا لمحمد

سميرة : لا حبيبتي اني حضرت الغدا بس أخذي منه

نورة : ايي يوم همزين عاشت ايدج والله تعبانة حيل

سميرة: سودة علية

نورة : اسم الله عليج يوم، يلا اخذهم وأروح

(راحت نورة وماما شافت الاغراض وعجبوهة حيل)

_____________________

(الكوت)

شيخ ذياب

اشتريت أخشاب وساعدتني
الشيخة كريمة ورتبناهة وصارت حلوة حيل،
بس جنت اشوف بعين شيخة كريمة
نضرة كسرة وحزن

اجيتهة وحضنتهة
'' '' '' '' '' '' '' '' ''

شيخ ذياب : شني الغاثج يا بعد جبدي

شيخة كريمة : هااا، لا ماكو شي لجن نعسانة حيل
شيخ ذياب (لزمت وجهة بين جفوفي) : لا تزعلين
من كون انتي الأصل يا ام عذاب

شيخة كريمة : من رخصتك شيخ
(وراحت)

رحت وراهة ولكيتهة تبجي

شيخ ذياب : افا، لا لا لا موش كتلج مغثوثة
سولفيلي

شيخة كريمة بدموع: آنا يا شيخ موش سهلة
كلساع تاخذ مرة علية، لجن آنا اعرف الأصول
لجن دلالي شيقنعة؟؟

شيخ ذياب : لا لا ما مرجية منج، آنا وين الكة
مثل حنيتج وطيبتج، وهاي البت فصلية ومضلومة
لا تخلين بالج يمهة يا بعد هلروح،
يلة راويني ضحكتج

شيخة كريمة بأبتسامة مصطنعة : هاي ضحكت

شيخ ذياب : موش علية هاي السوالف، وضليت اشاقيهة وكامت تضحك من صدك

(بليلتهة نمت عدهة ورجعت ذاك الشاب المن جان زغير رايد بت عمة صكر وناهي عليهة من رادت تعرس)

الصبح
'' '' '' '' ''

شيخة كريمة: يا صباح العافية يا شيخ الزلم

شيخ ذياب : هلة بهل مصباح بصوتج الحلو

شيخة كريمة بخجل : اممم شيخ رديتني لأيام عشكنة

شيخ ذياب بأبتسامة : ليش ذيج الأيام تنسي
لو تنمحي،  ربي ما يحرمني منج يبعد الغالين

شيخة كريمة : زهبتلك الريوك، كلت ابو بيتي
جوعان هلساع

شيخ ذياب : الا شبعان من هذا الحجي
اليسر الخاطر

(ضحكتلي وضحكتلهة واخذتهة بحضني)

حسيت ملكت الدنيا بحضنهة
هي معشوكتي الأولى أم عذاب
ذيج المدة جنت هاملهة وما أنشدهة
على اخبارهة، كلت اعوضهة عن ذيج الأيام الراحت

_____________________

يوم الحنة
'' '' '' '' '' ''

كعدتني امي الصبح وجانو عدنة خالاتي وعماتي وبناتهم
وكل وحدة جانت تباوعلي بنظرة شفقة
بس اني احس بأحساس حلو!
شدعوة هلكد حزنانين علية

رحت للصالون مكيجت ولبست بدلتي
وسوينة الحنة وركصت وفرحت وما ردت
افكر بشنو راح يصير باجر
كلت لازم اتخطى هذا الشي

خلصت الحفلة والكل راح
ودزولنة خبر باجر راح يجي الرجال ياخذني للكوت
اتوسلت بأمي تجي وياية، وكالت ميصير

نورة سوتلي جسمي ورسمتلي بالحنة
لان يكولون هناك بلكوت موديلهة

نورة : اللهم صلِ على محمد وآل محمد،
طلعتي كمر كمر

سميرة : اعوذ بالله من عينج، انشالله محروسة
لا تحسديهة ولج

نورة: مو صليت على النبي يا يوم هههههههه

خلود : مقهورة شلون اعوفكم

سميرة : انتي اهم شي اهتمي بنفسج،
ولتخلين بالي يمج حبيبتي، واني اكول لأبوج
بعد فترة  ياخذني يمكم

نورة : سدو المواضيع كلهة، وانتي ميعاد اطلعي برة
عدنة حجي مال كبار

ميعاد : عفية والله راح اشتاق لخلود، خلوني يمكم

خلود حضنتهة وبستهة: اني هم راح اشتاق
لوكاحتج وسوالفج الحلوة

ميعاد بدموع : لتخليهم يضربوج

خلود : لا حبيبتي الي ميسوي شي غلط
محد يضربه

(بداخلي ما انكر خوفي لا يضربوني، بس اصبر اختي)

نورة : يلا ميعاد كومي

راحت ميعاد واستلمتني نورة وعلمتني شلون أكسب
زوجي وحتى لا واحد يضرني باي شي
ولازم أكون دلوعة حتى يحبني اكثر
وهواية سوالف سولفت لحد ما انسطرت ونمت

__________________

يوم العرس (٥ ونص الصبح)

الكوت

كعدتني الشيخة كريمة

شيخة كريمة: صباح العافية يا شيخ الزلم

شيخ ذياب : يا احلى صباح الخير

شيخة كريمة : كوم شيخ وراك روحة لبغداد

شيخ ذياب : صار كايم

سبحت وبدلت واتعطرت
(اباوع على روحي من صدك عريس)

شيخة كريمة : يا هلة ومرحبا بلعريس

شيخ ذياب : فدوة رحتلج شيخة

شيخة كريمة : زهبتلك الريوك

شيخ ذياب : لا ما اشتهي شي، لزوم اروحن
حتى اردن من وكت

شيخة كريمة: مودع بالله ومحروس

شيخ ذياب: ادعيلنة، اودعناج

شيخة كريمة : تروح وترد بلسلامة

--------------------

للحكاية بقية
مع تحياتي الكاتبة
(* حور العين *)