رحت ميعاد واجتي وجهة كالبته
خلود : خير شبيج
ميعاد : زوجج
خلود بضحكة : شبي
ميعاد : انطاني محاضرة على الحجاب
سميرة : ههههههههه حقه اني كم مرة اكولج عيب وحرام، متسمعين الكلام
خلود : اي صح حبيبتي انتي كبرتي بعد ميصير
ميعاد : امممممم زعلت صالحوني
خلود : مو تدللين، باعي شنو جبتلج
ميعاد بفرح : شنو
( انطيتهة الحلويات والملابس وكم شغلة وياهم وحيل فرحت بيهم
اباوع لفرحتهة مثل فرحتي من اختي نورة اتجيبلي شغلات احبهة
ربي يديم علينة الفرح)
خلود : يوم، الشيخ جايب الكم كيمر عرب وجبن ودهن حر وهواية شغلات خلي احمد ينزلهم من السيارة
سميرة : عليمن يوم ليش تتعبون
خلود : قليل بحقكم هذا
( وحضنتني، احس ما اشبع من حضنهة طول العمر)
احمد : خلود خلود
خلود : ها حمودي
احمد : الشيخ يريدج برة
خلود : صار جاية
( رحت للشبخ وانطاني فلوس بأيدي)
شيخ ذياب : هاي هاي الفلوس خليهن تحت تصرفج
خافنج تحتاجين شي
خلود : تسلم عيوني، بس هواية هاي الفلوس
شيخ ذياب : مو هواية على مرت الشيخ
خلود : اروح فدوة للشيخ اني
شيخ ذياب : وجيبي وياج حجاب لخيتج
خلود : ههههههه هي زعلانه
شيخ ذياب بضحكة : شني غير حدثة ما يجوز هههههه
خلود : من عيوني تدلل
شيخ ذياب : اروحن فدوة لهاي العيون الحلوه
( وكرصني بخدودي)
شيخ ذياب : ديري بالج على روحج
خلود : انت هم ديربالك على نفسك، وراح اشتاقلك
شيخ ذياب : آنا موش حمل هذا الحجي،
لا تجبريني اخذنج وياي،
خلود بضحكة : لا لا اسحب كلامي
شيخ ذياب : يلة خليني اسلم على الاهل واردن للكوت
خلود : شيخ
شيخ ذياب : يا عيون الشيخ وروحه
خلود : احبك
شيخ ذياب : جا جيبي عباتج وخلينة نرد لاهلنة
خلود : لا لا هههههههههه
شيخ ذياب : شني هلضحكة شهرتينة
خلود : هههههههه
شيخ ذياب : آنا اروحن جنج ما تبطلين ضحك
خلود : لا لا هاهية بس سلم عليهم
شيخ ذياب : يالة بسرعة
( اجتي امي)
سميرة : هاي وين عيوني ابو عذاب ابقى على الغدة
شيخ ذياب : مشكورة ام احمد ما تقصرين، لجن وراي ردة للكوت وطريق طويل
سميرة : محروس عيوني انتة
احمد : لو باقي للغدة يا عيني مو وقت روحة
شيخ ذياب : قابل آنا اجربكم، لجن وراي طريق
احمد : على راحتك شيخ
شيخ ذياب : ما محتاجين شي
احمد وسميرة : سلامتك عيوني
شيخ ذياب : يالة اودعناكم
( اشترتله من بعيد وانطيته بوسة)
ابتسملي وراح
( بقينة نسولف لحد الضهر واتغديت من ايد امي
اطيب غدة، ودزينة ميعاد لبيت نورة
بس كتلهة لتكوليلهة اني موجودة)
راحت ورجعت
ميعاد : تكول العصر اجي
خلود : على راحتهة، خطية اكيد تعبانة
سميرة : اي والله يوم حيل تعبانة وية الجهال،
هلأيام ادز ميعاد وياهة تساعدهة من يروح محمد للدوام
كملنة سوالف ودخلت لغرفتي اووف شكد مشتاقتلهة
ولاول مرة بعد غياب ١٠ ايام
كدرت انام بدون تفكير باي شي
وارتاحيت حيل بنومتي ونسيت كل شي
فزيت ب ٤ العصر على صوت نورة وهية ممصدكة
اني موجودة وفرحت حيل
طلعت وحضنتهة حيل
نورة : ولج والله ممصدكة ، مشتاقتلج هواية
خلود : اني حيل اشتاقيتلج نوارة
نورة : مو بكدي والله، حتى الجهال مشتاقين الج هواية
خلود : صح وينهم الجهال ماكو
نورة : بقو وية محمد مقبلو يجون وياية
سولفيلي اخبارج
خلود : بعدين نسولف، مشتاقة احضنج والله
( حضنتني حيل وبقيت اشم عطرها، جنت محتاجتهة هواية ومحتاجة حنانهة)
الساعة 5 العصر
'' '' '' '' '' '' '' '' '' ''
كاظم : هلة بحبيبة ابوها
خلود : بابااااا
كاظم : اشتاقينالج بابا
خلود بدموع : اني هم والله
كاظم : سولفيلي اخبارج، مرتاحة لو لا
خلود : الحمدلله بخير الشيخ ممقصر
كاظم : وزوجاته؟!
خلود : زينين وياية
كاظم : الله يسعدج بنتي ويسهل أمورج
خلود والكل : آمين
سميرة : يلا تعالو نتعلل
سوت امي جاي َكعك وكعدنة ناكل ونسولف
وصارت الكعدة تجنن
شوية واجه محمد وسلمت عليه وجايب وياه الجهال
بوستهم وحضنتهم حيل جنت مشتاقتلهم
وجانت كعدة من العمر
ب 7 راح محمد وكال راح نبقى نورة عدنة لحد ما اروح للكوت
-----------------
🌺✴️ارجو وضع التصويت
فضلاً وليس أمراً🌺✴️
وللحكاية بقية
مع تحياتي الكاتبه
(* حور العين *)
أنت تقرأ
فصلية الشيخ ذياب
ChickLitقصة عن العادات والتقاليد البالية التي ظلمت الكثيرين وخصوصاً النساء ، واستخدامهن كأداة لتصفية الحسابات تعالو لنروي قصة للشيخ ذياب وفصليته التي تعذبت في كنف هذه العادات ٢٠٢٢/١٠/١٣ ٢٤/١١/٢٠٢٢ ............................. اتمنى لكم قراءة ممتعة معنا...
