قصة أمرأة رأت أمها في عالم الرؤيا
أمرأة من النجف الأشرف
تگول شفت أمي في عالم الرؤيا
كآني رايحه أزورها في المقبرة
وأمي كآنها رايحه الى وآدي السلام
وكنت أگول له يايمه شلونج
وما أحس إلا أثنين أشخاص أجوني وكالو لي كومي شوفي حال أمج ..
گمت بسرعه ومشيت بين القبور وشفت باب كبير ستيل کأنه باب سرداب
ودخلت الباب وشفت أشياء ماشفتها بعمري .. شفت بنايه من طوابق أكثر من ١٠٠ طابق
وكل طابق بيه درج موصول ب الثاني لگیت كثير أمهات
اللي كاعده تضحك
واللي كاعده تبجي
واللي كاعده مضيعه
واللي كاعده تنظر للباب إللي دخلت منه أنا
وأكوا وجوه مستبشره ووجوه غابره دخلو ذوله الشخصين
صاحوا بسم أمي الله يرحمها
أنا فز كلبي معقول أشوفها بعد سنه ونص أجت أمي تمشي
ركضت شبگتها وبجيت وهي بجت
گلتلها يمه شلونج شخبارج أنا مشتاقه لج والله يمه مانسيتج لحضه أعذريني مرات يمكن أقصر عنچ كالت أدري يابنتي گلتلها شلون تدرين
گالت أحنا هنا كلشي ندري گلتلها يايمه شلون حالج بين تراب القبر گالت أنا مو بالقبر أنا أهنا ومن يجي أحد من أهلي ينادوني وأطلع لهم وأسمع سوالفكم كلها بس أنتم ماتشوفوني گلت لها يابعد گلبي يايمه والله كلبي طگ شسوي
قالت يابنتي أنتي الآن في الدنيا بمكان عمل بدون حساب
عندك مجال يابنتي لاتفوتين الأعمال الصالحه
وآنا الآن بمكان حساب بدون عمل
آه يابنتي ياليت أرجع الى الدنيا أعمل أعمال صالحه تفيدني وتنور لي وكان أهديها الى جميع موتى المؤمنين والمؤمنات
يابنتي ذكريني بالدعاء بالصدقة
بصلوات النيابة .. ذكريني بتلاوة القران .. ذكرني بلإستغفار
إهدي لي كل يوم سبحة الصلاة عــلى محمد وال محمد الطيبين الطاهرين
گلت لها يايمه شلون يوصلج
كالت شوفي ذيج المرأه وأشرت بيدها على المرأه وشفت النور جها من المقبرة ودخل عبر الباب الاستيل الكبير وجاها النور يمها بين ایديها نور كبير
گالت أمي شوفي هذا ختمة قران او عمل صالح من أهلها اهدوا لها شوفي شراح يصير بيها من الإستبشار وإذ المرأه ضحكت مستبشرة وصعدت الدرج الطابق الفوك يعني صعدت درجه
يعني طابق عن طابق يختلف إني كيفت بهذی اللحضه وگلت يايمه ان شاء الله أنا وخواتي مانقصر وياج ونخليج تصعدين
هاي درجات كلها أمي فرحت وضحكت وكالت يابنتي كلها مسألة وقت وتجين يمي هنا
مثل ما أنتي ذكرتيني الله يسخر بناتج يذكرنج
وأن شاء الله ماينسونچ وتبقين تصعدين درجات الخلود كلها يابنتي
ويابنتي حتى أبسط الأمور عندكم تجينا على هيئة نور يفرحنا بين هاي الأثناء كلها شفت أمهات غابرات متربات حزينات تقربت يمهم وگلتلهم شبيكم گالوا إحنا منسيات..
حتى من قراءة الفاتحة 💔
گلت لهم أن شاء الله أنا أقراء لكم من اليوم نيابة عن كل منسي وشفت إمرأه چانت فرحانة سألتها شني اللي يفرحج
گالت اليوم بنتي زوجت ابنها
وگلت لها شمدريج خاله گالت كلشي نسمع أحنا حتى لو بعيد علينا
وأحب أذكر كل الناس إنهم يوصلون موتاهم وموتى المؤمنين والمؤمنات
رب العالمين أمر بالبر وبمواصله الأرحام وبعمل الخيرات حق وآلدينا حتى بعد مماتهم نگدر أنور ونصعد درجاتهم ونرفعهم الى الدرجات العاليه من خلال الدعاء والصدقه والصلاة القضآء الواجب عن الأموات والاستغفار
وأمور كثيرة ربي يجعلني انا وانتم من الذاكرين والبارين
ب أمهاتنا وأبائنا إن الذكرى تنفع المؤمنين
اللـــــــــهم صل على محمد وآل محمد
اللـهم عجل فرج محمد وآل محمد يا كريم
الله يرحم امواتنا وامواتكم واموات المؤمنين والمؤمنات ومن مات على الإيمان
اللهم أوصل ثواب الفاتحة
الى روح والدينا ووالديكم والمؤمنين والمؤمنات
ومن ليس له ذاكر يذكره
انشروها في لقروبات
حتى تذكر المؤمنين والمؤمنات
وان شاء الله يهدون أعمال الى موتاهم والى جــميع موتى المؤمنين والمؤمنات
الله يرحمهم ويسكنهم فسيح جناته ويحشرهم مع محمد وآل محمد الاطـــهار
اللهم صل على محمد وآل محمد الطيبين الطاهرين
.
❤
