For Unicode
"ဂျောင်ကု ပြန်ရအောင်"
"ခဏနေအုံး"
"သူကြောက်လောက်ပါပြီကွာ"
ဂျောင်ကုသည်အဖြူရောင်ကျောင်းဝတ်စုံရင်ဘတ်ဟပြဲကိုကော်လံကနေကိုင်ပြီး လက်နှင့်သပ်ချကာ...
"ဘာကြောက်တာလဲ ဒီကောင်ငါ့ကိုကြည့်နေတဲ့ အကြည့်ကိုမင်းမမြင်ဘူးလား "
ဂျောင်ကုအပြောကို ဂျီမင်က သက်ပြင်းချကာ ခေါင်းရမ်း၏။
ဟိုတစ်ယောက်ကလည်း နံရံမှာဖိကပ်ခံထားရတာတောင် နည်းနည်းလေးမှကြောက်ရွံမှုမရှိ။မျက်ထောင့်နီနှင့်ပင် စိုက်ကြည့်နေသေးသည်။
"မင်းစာတော်တာတစ်ခုလောက်နဲ့ငါ့ကိုပမာမခန့် လုပ်လို့ရမယ်ထင်နေတာလား ကျစ်..."
ဂျောင်ကုသည် သူ့အားမျက်တောင်မခတ်စတမ်းစိုက်ကြည့်နေသူ၏ မျက်ရိုးထင်းထင်းကို လက်ညှိုးနှင့်လက်မသုံးကာ အနည်းငယ်ဆွဲရမ်းလိုက်သည်။
ထိုမှချက်ချင်းရုန်းကာ မျက်နှာအားတစ်ဖက်ကိုလွှဲသွားသူက ဆွဲရမ်းကိုင်ပေါက်ပစ်ချင်စရာ။
"ဘာလုပ်နေကြတာလဲ ထယ်ယောင်းလား"
အနောက်ဘက်မှ ထွက်လာသောအသံကြောင့် ထယ်ယောင်းအပြင် ဂျောင်ကုရော ဂျီမင်ပါလှည့်ကြည့်လိုက်မိသည်။
ထိုလူသုံးယောက်ထဲမှအရပ်ရှည်ရှည်နှင့်ယောကျာ်းတစ်ယောက်ဆီကို ချက်ခြင်းဆိုသလို ပြေးကပ်သွားသော ထယ်ယောင်းအား ဂျောင်ကုနှင့်ဂျီမင်က လိုက်ကြည့်နေ၏။
"အနိုင်ကျင့်တာမဟုတ်ပါဘူး ကျွန်တော်တို့ကသူငယ်ချင်းတွေပါ...အခုက ရန်ဖြစ်ထားလို့"
ထယ်ယောင်းအဖြေကြောင့် ဂျောင်ကုရောဂျီမင်ကပါ အလိုမကျသလိုကြည့်လာသည်။ဘယ်သူကမှ မေးမြန်းနေခြင်းမရှိဘဲ သူကဘာတွေဖြေရှင်းချက်ပေးနေရတာလဲ။
အရပ်ရှည်ရှည်အမျိုးသားဘေးတွင်ပါလာသော နှစ်ယောက်ကတော့ ထယ်ယောင်းအပြောကို အာရုံစိုက်နေသယောင်။
"ဘယ်မှာသူငယ်ချင်းလည်း ငါမင်းကိုတမင်ကြည့်မရလို့လုပ်တာ ... အာ့ နာတယ်ကွ"
YOU ARE READING
𝑇𝑟𝑎𝑝𝑝𝑒𝑑 𝐽𝑛 𝐴 𝑀𝑎𝑧𝑒(On Going)
Horrorရုန်းထွက်ဖို့ခက်တဲ့ လှည့်စားမှုဝင်္ကပါထဲမှာ အချိန်အတော်ကြာ ပိတ်မိခဲ့တယ်။ TaeKook NamJin Author - AlienMi709 , HlaingMeMeAung Fic type - Horror , Romance Started date - 13.10.2022 Ended date -
