صراخات انثي

مش لايق عليك

صرخات انثي
البارت الثامن عشر
مش لايق عليك

ما تعش دور مش دورك لانه هيبقى كبير عليك ومش هتعرف تملي مكانك وممكن يكون صغير عليك وبردوا مش هتعرف تملي مكانك متبقاش راجل كبير وتعيش سن مش سنك عشان شهوه او رحله طيش فاشله او مراهقه متأخره ومتبقاش لسه عيل صغير بتلبس حفايض وعاوز تبقى سيد الناس ومغير مجرا المجره كلها كل واحد ليه دور وليه سن بيعيشه ولو عاش دور مش دوره بيبقى مش لايق عليه لان من الاخر كده لكل مقاما مقال الحياه حلوه وجميله عيشها زي ما هي لان كله مقدر ومكتوب عيش حياتك وحبها زي ما هي هتلاقي نفسك واقف على خط مستقيم وليك هدف وعندك مبدء اوع في يوم تتمسك بحبال دايبه او تمسك الهوا باديك عشان وقتها مش هتلوم غير نفسك لأنك مش بتبص غير تحت رجليك افتح مجالك واتعلم من الدنيا الواسعه وخذلك في كل بلد صديق هينفعك في يوم من الايام بس كمان لو لقيت نفسك تايه ومش لاقي نفسك أو اتخزلت او بقيت ضحيه لقصه حب فاشله ضيق دايرتك وخليك وحيد خليك واضح وصريح مع نفسك دايما ومتعش دور مش دورك عشان مش لايق عليك..

صرخات انثي.... الراقي.... مش لايق عليك

سافر وليد وورد فضلت وحيده سافر وسبها والشك ماليها مش عارف ازاي تتصرف او تعمل ايه ومش فاهمه هي غلطت في ايه وهل ياترى وليد بيحبها ولا اتجوزها شفقه واستغربت من كلامه لما قلها دي حياتي واعمل الي عاوزه واتصدمت اكتر لما قالتله انها كمان هتعمل الي عوزاه وكان رده سلبي جدا وقالها كده معادله موزونه يعني معنى كلامه انها تعمل الي عوزاه بالنسباله عادي او ايه بالضبط مش فاهمه حيره وأمور غريبه خلتها في عز أحلامها موجوعه وكأن الي بتحلم بيه كله اتبخر والي زاد فضولها انها عاوزه تعرف ايه الي بيدور في دماغ وليد لان وليد بكلامه ده دخل الشك والريبه جواها وكانت منتظره مكالمته على أحر من جمر فاتت ساعات وهي منتظره اتصاله بس بدون جدوه قعدت مع نفسها شويه وجابت الصندوق السري بتاعها الي في َمقتنايتها الثمينه كل حاجه كانت بتحبها في الصندوق ده هدايا حسام ليها طلعت الكبك(طراير القميص) الي على شكل ذيب بتاع حسام  وبصتله جامد وبدئت تحكيله

ازيك يابابا عامل ايه انا عارفه انك مش سمعني ولا هترد عليا بس حبيت احكيلك الي جوابه انا نفذت وعدك زي حضرتك ما أمرت وكده خليت مسؤوليتي وعملت اخر واجب بالنسبه ليه عشانك انا متأكده انك هتحس بالي جوايا انا بقيت ضايعه ومش عارفه انا عاوزه ايه ياريتك ما كنت سبتني لوحدي وحيده مع ناس مش قادره افهمهم ولا عارفه استوعب الي جواهم لدرجه اني حسيت اني غريبه عنهم انا في وادي وهما في وادي تاني عارف انا مفتقداك جدا ومفتقده لمسه ايدك محتاج اترمي في حضنك وابكي محتاجه حنيتك عليه محتاجه قسوتك وعنوانك محتاجه اشم ريحتك الي كانت بس كفيله تغير مودي انا من بعدك اتبهدلت ومتبقاش ليه لزمه لولا أن الانتحار حرام كنت عملت كده بس مش عاوزه اموت كافره وعلى فكره انت كمان مبقتش تحبني لأنك بطلت تزورني في أحلامي ياترى ايه السبب افتكر انت بطلت تجيني عشان بتغير من وليد بس وليد مين او غيره الي هيقدر يملي مكانك انا كمان زعلانه منك لأن الراجل الي اخترتهولي للأسف محغظش على الامانه بتاعتك يابابا وده شيء مدايقني جدا بس عشانك انا هتحمل وهفصل زي منا بس موعدكش لو كسر الحواجز الي بينا انا هعيش كمان حياتي زي ما شيفاها سلام يابابا