صراخات انثي

الحقيقه

صراخات انثي
البارت الثاني والعشرون
الحقيقه

في يوم من الايام اتولد ديب وسط قطيع من الكلاب بعد وفاه امه عاش معاهم واطبع بطبعهم  بس كان شكله مختلف عنهم وكان عنده عزه نفس غريبه ومن كتر تاثره بالكلاب ماكنش بيعوي زي الديابه كان بينبح زي الكلاب ما هو طول عمره عايش وسطهم واتعلم طباعهم وفي يوم من الايام شرد عن القطيع وشاف لأول مره في حياته قطيع من الديابه شكلهم شاكله وملامح زي ملامحهم خاف منهم وقرر يبعد عنهم بس كانت في حاجه غريبه بتشده ليهم سمع عوائهم وشاف ازاي بيصطادوا بس مكنش عارف يعمل زيهم ولا عارف ان دول من فصيلته كان بيراقبهم من بعيد وبيحاول يفهم مين دول وليه مش زي الكلاب الي كان عايش معاهم وفضل ايام وشهور بمشي وراهم ويتعلم منهم بس من بعيد لبعيد لحد ماجه يوم واتقبل قطيع الكلاب مع قطيع الذئاب وحصلت بينهم معركه وهو بيتابع مش عارف يكون في اي صف ويقف مع مين ولما دخل بينهم انضرب من الديابه وانضرب من الكلاب ومعرفش يعرف هويته لا عرف بعيش زي الديابه الي من فضيلته ولا قدر يتأقلم زي الاول مع الكلاب الي عاش معاهم وفضل يعيش وحيد بيبغض الديابه ويكره الكلاب.....
العبره من السرد ده أن كل شخص بيعيش حياه مش بتاعته بيتعب ويتعذب كتير ومش بيلاقي نفسه بسهوله لان طبيعتك لو غيرتها ولو اتلونت بلون مش لونك مش هتعرف تتأقلم في حياتك ولا طلت انك تبقى مع الناس الي اتغيرت عشانهم ولا هتعرف تعيش حياتك القديمه وعشان كده خليك زي ما انت بطبيعتك وحياتك لان كل حاجه هعملها هتيجي على راسك ومش هتعرف تعيش مع الديابه ولا هتقدر تتأقلم على الكلاب خليك بطبيعتك..

صراخات انثي......... الحقيقه...... الراقي

انت
ايوه انا ايه مستغرب ليه
طب ازاي
زي الناس انا عارف انك مستغرب جدا
بصراحه اخر حد كنت أتوقع وجوده هنا أو اني اشوفه اصلا
الدنيا صغيره ومسير الحي يتلاقا
هي فين الصغيره دي ازاي اقابلك في فرنسا انت جيت هنا ازاي وبتعمل ايه هنا اكيد جي ورايه صح انا عارف اشكالك دي
يعني هاجي فرنسا عشانك انت ياوليد معتقدش انك واخد حيز من تفكيري لدرجه دي عشان احب وراك هنا
طب بتعمل ايه هنا
مش شغلك انا بس شوفتك حبيت اسلم عليك مش اكتر
طب ازاي
خليك بقى بفضولك ده كل شويه تقول ازاي وبعدين سيبك من كل ده مبروك الجواز مش المدام بردوا
ايوه
ورد... مين ده ياوليد
ده.. ده
مالك بسألك مين ده
حد كنت اعرفه من زمان ومتوقعتش اشوفه هنا خالص
يعني مين هو

اهلا بحضرتك شكل وليد مش عارف يتكلم بس انا هعرف بنفسي انا أدهم سراج الدين
اهلا أدهم وانا..
عانيه عن التعريف طبعا انتي ورد
ايه ده انت تعرفني
ايوه طبعا وهل يخفى القمر
وتعرفني منين ان شاء الله
اعرفك من وقت بعيد جدا ياام ام ورد
انت غريب بجد
لا انا أدهم مش غريب
وبتهزر كمان
ومهزرش ليه الدنيا مش مستهله ومحدش واخد منها حاجه غير السيره الحلوه وابتسامتك الي الناس هتفتكرك بيه مش كده ولا ايه ياوليد بيه مش كلامي مضبوط
كلامك ايوه.. صح.. فعلا
اتشرفت بمعرفتك مدام ورد ونتقابل تاني ياوليد بيه اورفوار