صراخات انثي

حيره وغيره

صراخات انثي
البارت السادس والعشرون
حيره وغيره

لو خيروك بين الجنه والنار هتختار الجنه رغم انك متستحقهاش بس لازم تختار الأفضل ليك وهو ده الي كل الناس بدور عليه دايما الإنسان بيتمني الحاجه الحلوه في حياته سواء كان يستحقها او لا ومحدش بيشوف نفسه غلط كل الناس بتشوف ان كل تصرفاتها صح الحرامي بيشوف نفسه صح وان دي لقمه عيشه مع انه غلط ولو نصحته او قلتله انت غلط بيعمل حاجه من الاتنين يااما هيقنعك انه صح وانه بيسرق من الحراميه وكده ميبقاش حرامي وانه بيسرق عشان الحوجه وانه مش لاقي شغل مع ان ده بقى طبع فيه قبل ما يكون مهنه لكسب المال السهل او انه هيعرف انه غلط فعلا ومقتنع بده بس مافيش قدامه حل تاني وف تلك الحالتين هو غلط وهو مخير في حياته انه ممكن يكمل في غلطه او يسيب غلطه ويبعد بعيد كل شخص منا يقارن نفسه بالحرامي ده وهيلاقي انه ما يفرقش عنه حاجه لان في كتير منا بيسرق بدون قصد انك تسرق مشاعر بشر او انك تسرق احساس من حده انت متستهلهوش انك تسرق فرحه من حد وتحرمه منها انك تسرق قلب شخص وبعدين تتخلى عنه وللأسف كلنا لصوص وكل واحد بيسرق الي محتاجه من التاني في الي بيدي المقابل وفي الي بيسرق ويجري....

صراخات انثي...... حيره وغيره....... الراقي

انا محتاره وف نار ومش عارفه أصدق مين واكدب مين بجد تعبت ومش عارفه افكر خالص ومش عارفه ليه حسام عمل كده انا مستهلش منه كل ده بس في تلك الحالتين انا الي خسرانه وليد لا يعتمد عليه بس بيحبني وحبه مزيف حب تملك ليس إلا مش مستوعب ان لعبته المفضله تروح لحد غيره او يستعملها حد غيره وانا مستغربه ازاي بعد كل الي عرفه عني واني مكنتش بنت وكنت مع غيره ووافق ينجوزني والغريب انه مش عارف انا كنت متجوزه مين واصلا ميعرفش حاجه عن موضوع جوازي ومفكر اني كنت في نزوه مع حد غيره ودي انيل من انه يعرف اني كنت متجوزه من الأساس..
وادهم جدع وشهم وطيب بس مش واضح ولا صريح حساه مخبي عليا حاجات كتير والأهم انه ضعيف محاربش على الحاجه الي عوزها واستسلم بسرعه لولا الظروف الي حصلت وكل حاجه بقت قدامه كان بعد ونسي كل حاجه حصلت من البدايه وده مش حلو خالص انا مش فاهمه ليه كل ده بيحصل معايه بجد انا تعبت ومش عارفه افكر او اخد قرار تعبت تعبت جدا اه والف اه معرفش ليه كل ده بيحصلي هو انا غلطت لما حبيت واتجوز الراجل الي بحبه ولا غلطت لما سمعت كلامه وقررت اعمل بوصيته واتجوز مش عارفه اكرهك ولا افضل اعيش على ذكراك ياحسام لأنك حطتني في موقف لا احسد عليه كنت هتخسر ايه لو قلتلي فلان الفلاني الي اختارته لكي بدل كل الحيره دي اه واه والف ومليون اه

انتي بتكلمي نفسك ياورد
لسه ما اتجننتش وبكامل قوايه العقليه
ربنا يكملك بعقلك
شكرا
لسه زعلانه مني..
انت عبيط ولا مجنون ولا بتستهبل ياوليد
ليه
هو انت ليه محسسني انك دست على صباعي بالغلط او انك شتمتني او ضربتني انت يابني بعتني للست هانم بتاعتك ازاي تقبل على نفسك ان اي حد يعمل علاقه مع مراتك او تعمل علاقه معاها ومع مراتك في نفس الوقت انت خلتني مومس قدام الناس وقدام نفسي مش فاهمه بجد راجل ايه انت غير الموضوع بتاع أدهم كمان الي ياعالم هو كلامه صح ولا غلط لان لو كان كلامه صح يبقى انت منتش راجل وبس لا انت هتبقى ديوث رسمي وبرخصه كمان
متكمليش وحاسبي على كلامك وبلاش تقولي كلام هتندمي عليه بعد كده
اندم هو انا لسه مندمتش ياريتني ما كنت اتنيلت وجيت هنا ياريتني كنت مت ومشفوتش الي بيحصل ده
ممكن تسمعيني
هتقول ايه انا مش طايقه اشوفك أو اسمعك
متظلمنيش وتحكمي عليا وليا الحق اني ادافع عن نفسي
اتفضل انا سمعاك مع اني عارفه انك مش هضيف جديد
بصي ياورد انا عمري ما كنت ديوث او غيره حكايتي مع مرجريت حصلت من اول ما جيت فرنسا وقعدت شهرين من غير شغل وجه واحد صاحبي جبني للشركه بتاعت ما رجريت  عشان اشتغل فيها