μ𝓲𝓶𝓸 ❥︎
✩→★
ــــــــــــــــــ
- مصطفى.... حبيبي.... اصحي يحبيبي يلا.
- نعم.
- يلا قوم عملت فطار يلا عشان تاكل.
- حاضر.
جلس على السرير فتكلمت:
- طب بص تعالي على طرف السرير وهسندك أقعدك على الكرسي عشان أدخلك الحمام وكمان عشان تتوضى وتغسل وشك وتفوق كدة ونبقى نفطر فى الڤرندا.
- اشطا.
ساعدته ليتوضأ ويفعل حاجته وصلى الصبح وهي صلته ثم دفعته بالكرسي للڤرندا وذهبت لتأتي بالإفطار وجائت به وجلست بجانبه وأكلا الاثنان.
- بقولك يا مصطفى.
- نعم.
- هو بص انا مقلتش لحد من أهلي على الحادثة ولا حتى إلهام قالت فنقول ولا لاء.
- مش لازم عشان ميقلقوش أحسن.
- خلاص اشطا.
- طب بصي.
- نعم.
كاد يتكلم لولا جرز المنزل فارتدت شذى ملابسها ونزلت ووجدت أنها أيسل وكرم لكن معهم بعض الناس.
- عاملة ايه يا شذى؟
- الحمد لله.
- ده عم ابراهيم صاحب الشغل بتاعنا وده حد من صحابنا هناك وبيتر صاحب مصطفى وجايين يطمنوا على مصطفى هو صاحي.
- أيوة تمام اتفضلوا هو صاحي هبلغه.
دخلوا وجلسوا ولم تعرف شذى كيف ستنزله فتكلمت أيسل بخفوت قائلة:
- طب بصي استني أقول لكرم يشيله.
- طب ما نطلعهم الڤرندا وخلاص طالما هو فيها.
- خلاص اشطا معلش يا عم ابراهيم اطلع معانا هو فوق معلش والله مش قلة زوق بس مش هنعرف ننزله عشان تعبان.
- ولا يهمك يا أيسل ألف سلامة عليه.
صعد الجميع لفوق ودخلت شذى أولا تخبر مصطفى ودخلوا.
- عامل ايه يا مصطفى؟
- الحمد لله يا عم ابراهيم وحضرتك.
- بخير يابني الحمد لله كدة تقلقنا عليك ألف سلامة عليك يابني.
- الله يسلمك.
- ألف سلامة عليك يا مصطفى.
اقترب صاحبه فى العمل وصافحه.
- الله يسلمك يا محمد.
جاء بيتر وإحتضنه بشدة قائلًا:
- حرام عليك ده كله نوم فى العناية.
- معلش يا عم بيتر حقك علينا.
- ألف سلامة عليك انت كويس دلوقتي.
أنت تقرأ
ولكن لما كل هذا الألم؟
Teen Fiction- متى ينتهي هذا الألم؟ - لا أعرف لكن لا تقلق. - كيف لا أقلق؟ - عندما أموت أنا فى حينها فمجددًا أقول لا تقلق لأن ربك موجود. - أؤمن بأن ربي معي لكن كيف أنتِ؟ - أنا أقف ورائك لتستند علي فى حين أنني لست ظاهرة للجميع لكن ظاهرة لك فقط فلا تخف وتقدم لن يرا...
