أحـــتـــــــار قــلــبــــي

الفصل الثاني 💫

تستيقظ هذه الجميله لتشعر بثقل على رأسها لتفيق و تنظر تجد نفسها كانت نائمه على كتفه وهي تتذكر ما حدث بالامس

flash back ( فلاش باك )
‏
كانوا جالسون يشربون الكولا وهم يتحدثون معآ
تأخذ رشفه من الكولا ثم تردف قائله
: هو انت ازاي كده

ليبتسم حازم وهو يعقد حاجبيه بتعجب و يردف متسائلا
: ازاي يعني

لتبتسم ليلى و تردف وهي تنظر للقمر
: يعني بتحاول تهون على كل اللي حواليك وانت اصلا عامل زي الطفل اللي عايز طبطبه و ايد حنينه من حد

ادرك انها تتحدث عن مقابلتهما السابقه التي حاول فيها ان يتحدث معها بهدف اخراجها من همها و حزنها....لينظر لها ثم يزدارد لعابه و ينظر للماء و يردف
: بصي .... انا دايما بحب اكون مبسوط ..محبش حاجه تزعلني و لما بلاقي حد مش ف المود بتاعي و متنكد عليه ببقي عايز اخرجه من المود الكئيب دا انا مريت بظروف جرحتني و زعلتني كتير بس لازم اتخطاها

لتنظر له ليلى فيتابع
: انا لو بصيت بس للماضي و للمشاكل او اي حاجه ممكن تضايقني او تزعلني انا كده مش هبقى عايش

ترجع ليلى نظرها للماء فيتابع حازم
: الدنيا عمرها ما بتقف على حد او على حاجه يعني لو خسرتي حاجه هتكسبي بدالها حاجات كتير و لو كسبتي حاجه برضو هتخسري قدامها حاجه ......هي الدنيا كده فيها الحلو و فيها الوحش و دايما لازم تدينا دروس قاسيه علشان نتعلم منها و تدينا صبر و قوة .....الدنيا مستمره سواء ضحكنا أو بكينا ...انا اتعودت من صغري محملش نفسي هموم مش هتفيدني بحاجه....اتعودت اضحك و كل ما اقع اقف تاني و اقول للحياه انا اقوى من كل الظروف .....و اتعودت ابقى كتوم و سري ميبقاش مع حد بسهوله علشان اكبر غلطه في الحياه ان الواحد يكون كتاب مفتوح محدش فاهم في سطوره حاجه ........و الحياه كده كده هنعيشها .....بالطول بالعرض هنعيشها .. .يبقى لازم نعيشها مبسوطين لأن الانسان عمره ما هيعيش مرتين

ليقطع كلامه هذه الجميله التي غفت و سقطت رأسها على كتفه ليبتسم و يغطيها بالجاكيت الخاص به وهو يشاهد الماء

Back from flash back ( عوده للحالي )

لتنظر لحازم النائم بجانبها ليقع شيئا من على كتفها لتجد انه الجاكيت الخاص به و تعود بنظرها الي حازم الذي شعر بحركتها و بدأ بتحريك جفنيه ليستيقظ وهو ينظر لها مستوعبآ الامر ليردف وهو يبدأ باطرقعه ظهره
: صباح الخير

بتنظر حولها بخجل و تردف اليه
: اا...صباح النور

لتنظر له مره اخر و تردف له
: هو احنا نمنا هنا !؟؟

ليردف حازم وقد لمح نظره الخجل في عينها و اردف بهدوء
: احنا كنا بنتكلم امبارح و انتي روحتي ف سابع نومه مرضتش اصحيكي

لتقف ليلى و تردف وهي مازالت ممسكه بالجاكيت الخاص به بتوتر و تردف
: كان لازم تصحيني تقول ايه الناس علينا دلوقتي