أميرة المافيا : أحببت ولم أدرك ذلك❤️

part20

بقات جالسها هاكاك شي 5 دقايق حتى خرج عندها كيماوكلي ملوي عليه الفوطة من التحت هي غير شافتو هاكاك وقفات دغيا وعطات بضهر
سلمى : اش هاد المسخ الشريف مالك خارج عندي مسلوخ عوال التخاوا مع ماوكلي والطارزان ولا كيفاش .. تفو تفو تففووو اويلاي
امين : نزلها هبطها و دور راسو بلاحولا ولا قوة الا بالله ماداهاش تافيها و مشا لدريسينغ داز من حداها كيريح نيت خلا ريحتو عاطيا مورها
سلمى بقات كاتشوف فهادشي لي هي فيه صرفقات راسها جوج تصرفيقات وناضت : والله لا بقيت هاكا اويل الشيطان غير هو لي كايعرف يتجبد كيلاستيك هاي هاي هاي واللهيلا لهلا يحييه يا حبيبة الله مانيش شايطا ايييوااا انا بزاف عليه غير سبار احنيني تحكم فيا انا شافتو جاي هزات تيلي ديالها ماداتهاش فيه وتاهو خارج ولابسليك تيشورت فالاسود والسروال والنضاضر تاهوما اسود
سلمى طلعاتو نزلاتو وهضرات بشوية : تقول خدام مع عزرائيل الله يستر
امين : قلتي شي حاجا؟
سلمى : انا ، لا ... نتا قلتي شيحاجا ؟
امين هنا عرف راسو طاح مع معزة ماشي بنت ، هو عند بالو غاتشوفو غاتبقا تبحلس عليه كيبحال دوك زطونح للي كايجيو عندو والبنات لوخرين . هز راسو وخرج من البيت
سلمى غير خرج لاحت داك تيلي : تفو مال هاد زمر هادا داير هاكا تقول هو لي كيعطينا الأوكسيجين الله يستر دنيا قباحت نوض ندوش نخفف عضيماتي ، ماعرفا تاواش كاينين حوايجي هنا
ناضت هزات تيلي فيكس وعيطات لخدم سولاتهم واش جابولها حوايجها ، وقالولها اه ، مشات كتقلب فالدريسينع تصدمات لقاتو كبر من البيت لقات هوايج من لي مارك الغاليين وبلاصة ديال سبابط بوحدها ديالها وديال امين وسيكان و ساعات والليزاكسيسوار بلاحساب مينين تاكدات من لحوايج مشات دوش دخلات لدوش لقاتو حمام زنقا ماشي دوش كبير بزاف نقي كثر من صالونا 😂😂 دوشات ولبسات بقات كتنشف شعرها دارت ݣلوز وريسيل شفاف وفاغاجو خفيف غير سر وصافي بقات كتلعب فتيلي وهضرات مع ماماها ، بقات هاكاك تاضربات الخمسة دلعشية وناضت بغات تكتاشف القصر يلاه وهي خارجة وهي. تصادف مع بنت جايا جيهتها وشكون من غير منا بنت عمت امين هي زوينة ولكن داك السم اللي فيها مرجعها كي القردة
منا شافت فسلمى شوفة ديال الغدر وتا سلمى مارتاحتش ليها..
منا مدات يدها لسلمى : سلام انا منا بنت عمت امين
سلمى دارت ضحكة صفرة : سلام انا سلمى مرت امين
منا : ههه مرتو ؟ اه مرتو فالوراق بغيتي تقولي 😉
سلمى هزات حاجب وقالت معا راسها باين هاد الزواج ماغيدوزش بيخير : سميه كيبغيتي ازين مهم كنعسو فبيت واحد وناموسية وحدا😉 (وغمزاتها بلعاني باش تعصبها )
يلاه منا غاتجاوب وهي تجي حسناء وتعنق سلمى : مرت خويا العزيزة ياختي على زين ياختي خويا ختار وعرف شنو ختار لالات البنات ياختي انا قلتهالك انا بنت وتزعطت فيك
سلمى ضحكات من الهضرة ديال هاد الخبيلة عرفات البلان من طيارة : يخليك ليلي اخت راجلي ، ياختي فخبارك عائلتكم زينة ولكن نتي تيتيزة ديال هاد القصر صارحة
سلمى شافت فمنا وشدات فحسناء وهبطو بجوج ... غير فاتوها بجوج وضربوها بضحكة من داكشي ، سلمى : بانلي بيناتكم واحد الحب نتي وياها من داكشي
حسناء: وغير تسناي وتشوفي الحب اللي غاتبغيك نتيا بوحدو امرت خويا العزيزة 😂😂
سلمى : يلاه خرجت من الباب وهي توقف عليا كي ملك الموت ومخنزرة السلامة يامولانا
حسناء : هاديك ديما هاكاك الله يستر
سلمى : كنت خارجة نكتاشف هاد القصر ديالكم ماعرفا منين نبداه تلفت
حسناء: الله ياختي هاني معاك نوريه ليك بيت بيت دار دار زنقة زنقة
سلمى: واعندك دارجة مسرحة من داكشي وانا عند بالي كاتهضر بالايطاليا قلت الله صافي غانقا كيزيزونة
حسناء: ههه الا اصاحبتي الحاج داير قوانين لهاد القصر ومنهم انه تاواحد مايتكلم بشي لغة اجنبية داخل القصر الا يلا كان شي ضيف اجنبي ، فهمتي دبا انا من نهار حليت عيني وانا كنسمع الدارجة وكنهضر بيها اما الايطالية يالقراية ولا الخدمة صافي ، زيدي حنا كانهضرو وانا كنوريك القصر
سلمى: الله ياختي لقيت معامن نتوانس 🥺 قتلني الملل ويلاه النهار اللول
حسناء: اويل شيطان على يقتلك الملل ، هاد القصر ديما فيه الامبيونس ديما الجديد وبالاخص مع عمتي وهاد بنتها يوم جديد خبر جديد
سلمى : وهي قوليلي عندكم ديما الفراجة