أميرة المافيا : أحببت ولم أدرك ذلك❤️

part19

شدلها فيديها هي غير قاسها بحالا ضريها ضو ، دخلو القصر لقاو العائلة كلها فالصالون من غير جوج راكم عرفتو شكون عمتو و بنتها ، سلمى فاش تلاقات مع لالة مريم وحسناء رتاحت نسبيا ، امين طلق من يدين سلمى وتاجه عند جدو باس ليه يديه هو وباه وقدم ليه سلمى بابه شايف سلمى مي الحاج لا راكم عارفين كان مريض
امين: الحاج هاهي بنت حميد الله يرحموا
سلمى مزال ماتقبلاش الموت ديال باها وفاش سمعات هاد الهضرة دموعها شاداهوم غير بالسيف
الحاج شاف فيها وقالها تقرب غير ببيديه ، قربات وباستليه يديه غير باستليه يديه جرها العندو عنقها : تبارك الله كبرتي خليتك صيغورة بزاف
اما سلمى غير عنقها دموعها مابغاوش يحبسو والو عيات ماتشد راسها الحاج اللي حس بيها كاتبكي بقا يطبطب عليها : بنتي ماتبكيش مكتاب الله كيتصرف ربي بغاه وداه واللي دار هاد الفعلة والله لا فلت منها سالم وماتنسايش الموت علينا حق  كلنا ليها ربي يرحموا ويوسع عليه متنسايهش من دعاء ابنتي ...
سلمى فاش قلها هاد الكلام بحال فيقها من ديك الافكار ديالها حسات بلي باها مات صافي هادا هو الواقع :الله يرحموا
امين غير سمعها قالت هكاك دغيا هز راسو شاف فيها بصدمة مي مامبينش كيفاش قالت الله يرحمو وهي ماكتبغيش يقول حداها شيواحد ان باها مات و كتقول بابا ماماتش تاوحد ماقدر يقنعها هي اصلا ماخلاتهمش ، واخا هكاك رتاح شوية خاف لاتعقدو فحياتو ... بلاتي وتفهمو
الحاج : امين طلع نتا ومراتك ترتاحو راكم عاد جيتو وهي غاتكون عيانا بطريق
امين : واخا الحاج شاف فيها بمعنى يلاه نمشيو
شافت فيه ودارت عندهم : خليتكم على خير وتبعاتو
سي سلمان : والله الحاج تبارك الله عليك ختاريتي وعرفتي شنو تختار الاخلاق والجمال والتباتة مشاء الله الله يرحم من رباها
الحاج : امين اولدي ، فينهيا ختك وبنتها مابنتليش
سي سلمان : واقيلة خرجو ، الحاج يلاه هز راسو بمعنى اوكي وخنزر
.......
امين غير دخل البيت خنزر تقول والله ماهو للي كان معاها حداهم شاف فيها وقالها: المهم هاد الزواج غيكون غير تمثيل ، حيتاش ببساطة تفرض عليا ومن الاحسن تبقا بيناتنا مسافة واللي بغيتي ديريه ديريه ماسوقيش فيك وكذلك نتي ماسوقكش فيا , اوكي 👌😒 عطاها بضهر  وحيد تيشورت ديالو ودخل الحمام
سلمى مادارت تاشي ردة فعل صدمها وزرب عليها جلست فطرف ناموسية و شدات رايها بيديها وهي كاتشوف حياتها كيفاش تقلبات الهاد الدرجة