أميرة المافيا : أحببت ولم أدرك ذلك❤️

Part14

شهاب: عوديلي ملك نقدر نعاونك
سلمى: هه هادشي متقدرش تعاوني فيه
شهاب واغي عاودي ونشفز
سلمى :نهار لخميس لي فات كنت خارجا من الخدمة ***** (عاوداتليه كلشي تامن شنو قالها باها )
شهاب : هدشي معقد عندك .. ونتي كتعرفي هد الدري لي غيخطبك
سلمى (اوماتلو براسها بمعنى لا)
شهاب: ايوا بامكانك ترفضي
سلمى: مبغيتش نخصر خاطر بابا.. وعرفتي شحال رفضت من واحد
شهاب: اوا شغانقولك الله يسهل عليك .. ونتي باين عليك بنت الناس ربي عمروا ميخيبك.. (شهاب محملش راسو فهاد اللحضة ، بالاخص انه بدا يتعجب بيها )..  احم نبقاو اصدقاء انا وياك اوكي ... ونمرتي هاهيا يلا حتاجيتيني .. صراحا تا انا عندي نفس المشكل الوليد بغا يزوجني ببنت صاحبو ودبا راحنا مخطوبين وانا كنت كنحسبها بحال ختي معندي تشي مشاعر ديال الحب من جيهتها..  ومكرهتش نتفك منها ..
سلمى: شافت فيه شوفة دابلة  وحنات راسها ... شفها شهاب هكاك قرب ليها وعنقها .. بقا شوية هكك وسمعها كتبكي
شهاب: صاراحا منقدرش نقوليك متبكيش.. ولكن صبري وربي كبير
سلمى بعدات عليه وقالت: صافي اصلن انا قوية.. شهاب شكرا
شهاب: علاش هاد شكرا مادرت والو
سلمى بتاسمات ليه .. وهو ناض وكلس فالبيرو ...
جات سعدية.. يلاه اسلمى  .. شكرا اسي شهاب
شهاب مكاين تامشكيل الالة
... صافي رجعو لدار .. سلمى طلعات ديركت لبيتها وتلاحت على نمسيتها.. بقات كتفكر فحياتها لي غتبدل كلها زفرت وتكعدات كلسات ..هزات تيلي ديالها ودوزات ابيل لفدوى..
فدوى :الو البقرة
سلمى: الحب متوحشتيني ماسولتي فيا ماعرفتيني مت
لدوى: تايلا متي نجي فساعتي ناكل كسكسو ونرجع على طريقي
سلمى : ايوا الله يعطنا وجهك.. مهم غدا بلا مادوزي مورايا .. غنجي تال شي 10 هكاك
فدوى: وعلاش بالسلامة
سلمى : غنستاقل
فدوى : منيتك ابنت العبد
سلمى : لا من ..
فدوى ايوا الله ينعل لي ميحشم... دابا دوي قوليلي علاش
سلمى : تنتلاقاو ونقوليك
فدوى: ياغدوي ولاغنخرجلك من تيلي
سلمى:ااووفف اوكي (عاودات ليها كلشي) ودبا نهار ثلات غيجيو واقيلا ..
فدوى: اووواااه يختي تاهاد باك قاصح .. شوفي يلا مكانش زوين متقبليش
سلمى: واش انا فوقت ضحك..
فدوى: والله تاداوية منيتي
سلمى: سيه فحالك غي كتعصبيني وصافي .. مهم نهار ثلات اجي فصبح باش تبقاي معايا نهار كولو
فدوى: اوكيي يلاه باي باي
قطعات فدوى وهبطات تشوف ماتاكول.. هادي واخا يقولولها غدى غتموتي تاكل تتكرع ... تفو تقول فيها سينتاا... دربات فلمكلة تاشبعات  ومشات تنعس
يو الاثينين🌇🌇اصبحنا واصبح الملك لله
سلمى غاقت تادرات داك 9 هاكاك مغوشة وشعرها مشعكك تقو يابتة كتناتف... دخلات دوشات لبسات سرول ديال جينز زرق وكبيشو فلبيض ولبسات سبرديلا بيضا وهبطات شعرها بلابلاك وجمعتو كودشوفال... وهبطات تحنجر كي العادة .. فطرات تاتكرعات وتكعدات... هزات لوطو ديالها (مشي ديال لبوليس) لي من نوع jeep وزادت ماوقفات تاوصلات المركز... لقات فدوى كتسناها ودخلو بجوج كيتهاودو.. توقف عليهم ملك الموت كيما سماتو فدوى بيان سوغ شاف ديالهو .. يلاه بغا يغوت وهي تنطق سلمى..
سلمى: بلا ماتغوت .. جيو باش نستاقل 
شاف: سلمى واش وقت لمزاح دابا ... سير شوف خدمتك..
سلمى: لا مكنضحكش اشاف.. جيت باش نستاقل وهذا آخر قرار ليا
شاف: كنضن اسلمى نتي كتبغي هاد المهنة بزاف والقدرات ديالكي عليا فيها .. يلا بقيتي عام غدي تكراداي... شيواحد وهوا لي عمرلك دماغك
فدوى : اه اشاف عرفتي.. (يلاه بغات تكمل الهضرة ديالها وهي طلع معاها بقرصة .. رجعلها وجها حمر مقدراتش تغوت)
شاف : ملك افدوى
فدوى بغيت نمشي لطواليط
شاف تفو الله, يخليها ماركة مالي انا مك باش تقوليهالي ...(فدوى طارت ماسمات)سلمى : شاف بغيت نستقل ليوم قبل غدا وهدشي من اخياري لخاص معمرلي تاوحد راسي
شاف: شغانقولك شوفي لي يسلكك .. تسناي واحد نص ساعة على مانوجدلك وراقك ... اوماتلو براسها.. ومشا .. بقات واقفا شحال فبلاستها كتشوف لمركز لي دوزات فيه ايام زوينة .. تحركات من بلاستها و مشات توادع مع اصدقاءها ... تجا شاف وعطاها وراقيها .. وشهاداتها .. خرجات هي وفدوى من باب المركز ووصاتها تجي غدا عندهاا..رجعات لفيلا ديالهم.. طلعات لبيتها تكات بحوايجها غفات شحال ناضت .. هبطات السفلي لقات شي عيالات.. جابتهوم االة سعدية باش يعاونوها .. حيتاش الفيلا كبيرة متقدش عليها ..مشات الكوزنة قرجطات، وهي خارجة من الكوزينة تبعتات معاها سعدية ..
سعدية : خليك بحوايجك ، باش نخرجو نشوفوليك شي قفطان ولي اكسيسوار ديالو( ملاحظة: لالة سعدية قارية وتخصص ديالها فالادارة غي سي حميد لي مابغاهاش تخدم )
سلمى : واخا يلاه هنا نتسناك تلبسي
طلعات سعية لبسات جلابة فبلو سييل والغوز بيبي  ودريرة لايحاها على راسها فلغوز بيبي تاهيا وسندلة علية فالكحل طالون..