أميرة المافيا : أحببت ولم أدرك ذلك❤️

part17

سعدية سخفات . سلمى فشلات تحسات بشي يد جراتها ودخلاتها لدار كان ولد عمها زيد .. ناس لي كانو فجردة كلهم دخلو
آمين هز سي حميد ودخلو لداخل و حميد كان فحالة غيبوبة ... صوت ديال القرطاس هز داك الحي كلو
دراري لي ضربو بالقرطاس فالاول ماكانوش مع مافيا ولا بوليس ... كانو خدامين  فالميناء ديال آمين
آمين غلبهوم هو الكاركور ديالو .. جمع مع واحد دري بونية وحدة خلا دمايات كتسيل
آمين ضربو بركلة لرجليه كلسو هههه : تبارك الله سعد فرحتيني بهادشي لي درتي
سعد: غنقتلك كيما قتلتيلي بابا
آمين تعصب وجمعها معاه بتصرفيقة تادار وجهو: هادي بش تعلم تغوت على سيادك .. و صفقو تصرفيقا تانيا .. وهادي باش تعلم تطيح عليهوم الباطل
آمين هضر مع الكارد بشوية : ديهوم البلاصة المعلومة
الكارد : اوكي بوص
بقا كيمسح بديه على راسو بالاعصاب
جا عندو سليمان وبقا كيطبطب لو على كتفو باش يهدن شوية ..
آمين : كي بقا سي حميد
سليمان : ديناه السبيطار وراه فالعملية
آمين : اوكي هاني مشيت للسبيطار نشوف شنو دارو
.خرج امين من الفيلا طلع فطمو ديالو وتابعاه طموبيل ديال كارد توجه نيشان لطبيب .. كي وصل كانت سلمى  وفدوى معاها ... سلمى مسكينة ولات كتقطع فالقلب ماماها سخفات من صدمة عاطين ليها سيروم و باباها ماعندها تاخبار عليه ..
أمين شاف سلمى هكاك مزالا بالقفطان ديالها و الميك اب ساح ليها بقات فيه وخا هو مكيحنش   ... عيط الواحد من داك الكارد لي معاه مشا طاير
أمين حط يديه على كتف سلمى ودار نصف ابتسامة: غيكون غير الخير
سلمى فاش قالها هكاك تقول قاسها فالجرح عاد زادت فالبكا .. بقا كيشوف فيها امين شحال وجرها عندو عنقها
شويا جا داك الكارد عطاه دي ساك هزهوم امين وعطاهوم لسلمى
امين: هاك هاد الحوايج بدل عليك نتي وصاحبتك متبقاوش فهاد الحالة وغسلي وجهك
خدات من عندو ديك شي وحنات راسها مشات هي و فدوى لواحد الغارفة خاوية بدلو ... كانو حوايجهم على شكل كسوات سامبل وحدة فالبيض وحدة فالغوز بيبي وبميطات متحت ركبة بشوية و سندالات پلا فالابيض ... لبسات سلمى الكسو فالغوز بيبي وفدوى فالابيض ديماكياو ديك الحالة لي فوجهوم وغسلوه .. سلمى جمعات شعرها كعكة  مهملة ورجعات لبلاصة ليكانت جالسة فيها كان جالس امين تما دار بقا شحال وهو كيشوف فيها جات فدوى جلسات حداهم بقاو شي نصف ساعة تقريبا وهوما على داك الوضع تاكتشوف جوج فرمليات خارجين كيجريو كايجيبو خنشات ديال دم كيمشيو ويوليو يرجعو يجبو بحال داك الخنشات ... سلمى تخلعات مبقات عرفا ماتدير .. أمين عرف بلي شي حاجة غتوقع . بقاو كيتسناو شي ربع ساعة وسلمى شادا البكيةبسيف  ..
خرج دكتور من العملية وجهو مكيبشرش بالخير سلمى دموعها سايلين وصوتها مكايتسمعش شاف فيهوم دكتور : البركة فراسكوم والله يصبركوم
سلمى حسات بدوخة رجليها فشلو فدوى تاهي كتبكي أمين تصدم حيتاش صاحب باباه وبحال  عمو  سلمى سخفات شافوها هكاك دغيا هزوها دوك الفلمريات وداوها لغرفة فحصها طبيب قالهوم طاح ليها طونسيو من صدمة علقولها سيروم
كلشي مصدوم من الخبر ... الاب راه هو كلشي بنسبا البنت كتحس بيه  بحال بطل ديما معاها ديما مساندها كيبغيها واخا دير لي دارت ماكيتخلاش عليها .. البنت يلا مشا ليها الاب ديالها وخا تعيا ماتبين راسها قوية ماتقدرش يكفي غي نضرة دالمجتمع كاتقتل وديما غتحس براسها محكورة وخا ميديرولها تاحجة ... الله يخلي ليكم واليديكم لي شي واحد من   وليديه مات الله يرحموا ويرحم جميع المسلمين
أمين دا سلمى والسعدية الدار خاصهم يستعدو الجنازة .. السعدية قوات راسها شوية نقولو كتخرج القوة من الضعف غي باش توقف على دارها باش ماتوقع تاحاجا .. ولاكن سلمى كيما خلاوها مزالا ماقدراتش تنوض فشلانة ......
اليوم الجنازة وكلشي كيبكي سعدية كتبكي ومتسمعش صوتها صابرة مسكينة .. سلمى غي شافت مامها لابسا الابيض مقداتش تشد راسها غكتسخف بسيف ماشي ساهلا يمشي ليك شي واحد عزيز عليك ... جبو سي حميد ولكن جثة خامدة💔 صوت دالبكا عاد ماكايزيد سلمى مصدومة من هاد المشهد عمرها شافت هاكا غي مبلوكيا دخلوه باش يتوادعو معاه عائلتو وسلمى مزال فنفس الوضعية
شهاب كيجر فسلمى حرام واش سمعاتو : سلمى واسلمى... تاصرفقها عاد توكضات وبقات غي كاتبكي مقدرش شهاب يشوفها هكاك جرها وعنقها وبقا كيصبرها ... أمين عينيه علا سلمى ماقدرش يحيدهوم عليها  وتعصب من شهاب فاش شافو عنقها  .. شهاب جر سلمى الداخل وقلها خاصك توادعي معا باباك مابغاتش كاع ماقاداش تشوفو وهو ميت حيتاش مزال مامتيقا بلي باها ميت كتحس بحال غتدور وتلقاه واقف معا ناس وكيضحك ومجمع معاهوم ولكن الحقيقة قاصحة بعض المرات ... شهاب جرها بسيف عليها وقنعها بلي غايجي واحد الوقت وغتندم حيتاش ماشافتوش ولو الاخر مرة