راسها فلغوز بيبي تاهيا وسندلة طالون فالكحل .. ولاطاي دلالة سعدية فنة منحوتة وخا كبيرة فالسن.. نزلت عند سلمى وتاجهو لمدينة القديمة دفاس ..
معروفة بلقفاطن ولباسي غي لمتيولين وفنين ... بقاو من حنوت لحانوت تاكانت غتسخف سلمى... وقفو حدا واحد البوتيك كبير دخلوليه ... ختارو ليبغاو وخرجو ... رجعو لدار لقاوها نقية كتشعل .. خلصات دوك الهيالات وخرجو فحالهم... مشات صوبات لالة سعدية عشا خفيف تعشاو ... وكلها مشا لبيتو ..
اليوم الموعود ... اليوم لي غتبدل فيه حياة سلمى وتبدا فحياة جديدة غامضة ...ناضت السعدية بكري .. كتفطر هي وسي حميد ولي طريطور كيدورو منهنا لهيه كيقادو فدار وريحت عود القماري ولاندلسي مطلوق .. ولي مختصين فطبخ فالكوزينة... وعلاش مالهوم مايديروش هدشي كامل وهوما عندهم بنت وحدة ... سلات سعدية هي وسي حميد الفطور سعدية لابسا قميص جوهرة وزيف دايراه فراسها رطيطب دلحرير وشوية ديال شعر باين ليها من درة .. وسي حميد لابس شوميز بلو مفتوح و وسروال ديال كوبو مجموع شوية وسباط كلاس بيض (ماشي لمقمقم 😂😂) ومقادليك شعر (سي حميد راه عنو طاي سبورتيف متحكوهش وخا شعرو فيه شوي ديال شيب ولكن زادو جمال) سي حميد مشا الجامعة ديالو غايخدم غي سعتاين هاد نهار من 8 ل 10 .. سي حميد كيما سبقلي قولتلكوم خدام فجوج جامعات وعندو دكتورة بيانسوغ و كيدير محاضرات وهو اصلا واليديه غنين فهمتون مشي غي اجي وخدم فجوج جامعات والمحاضرات وكدا ...
مهم الالة السعدية كيخرج سي حميد طلعات عند بنتها بقات كتفيق والو وتقول واش تزعزعات جثة خامدة .. مشات دوزات ريدو دال لبيت وحلات شرجم وباب البلكو لعلا وعسى تنوض .. مابغاتش تفيقلها وهي طلع معاها بقرصة خلاتها كتشطح سامبا مع شعبي ودموع فينيها .. ولكن عبرات عليها ياويلي البنت تقول صيطين عليها بفليطوكس واماكتزعزعش
سلمى: وماماا واملك على هاد لقرصا 😭😭😭😭 متعرفيش تنوضيني شي نهار بحنان
سعدية : لا غنوضك بسلاوي ماشي حنان.. فين غيسلاح معاك هاد الحنان ونتي دايرة كي الحجرة من صبح وانا نفيق وتقول واش حركتي تاصبعك صغير .. حسنعوان راجالك
سلمى: ماراجليش .. فين شفتو بعدا باش يكون راجلي ( خلات سعدية واقفة وكاتشوف فهاد الكاريتة ليولداتها .. دخلات الحمام وهي كتحك فجيهت القرصة .. سلات تدواشها لبسات غوب سامبل فلغوز بارد حد الركبة وبسميطات وسندالة بلا تاهي كلاس وخلات شعرها مطلوق ودارت شوية ديال ميك اب ... بيانسوغ سعدية لي بزاتهوم عليها .. هبطات تفطر قرجطات تامابقالها فين تزيد.. هزات تيلي ديالها يلاه بغات تصوني وهي تلقا صاحبت دعوتها واقفالها حدا راسها وكتفرنس
سلمى: تتففف تفف تففف سملاه رحمان رحيم .. هدي هي جبد الكلب وجدلو زرواطا ...
فدوى: (طلعاتها وهبطاتها وهي كتفرنس كي البهلة) هاي هايلك على الشعيبية مقادا ولابسا لكلاس
سلمى: ايوا شنو هد نهار نهاري مبغيتش راجلي حبيبي يشوفني مغوبشة ...... منيتك ابنت العبد راه خالتك سعدية هي ليلسقات فيا هادشي على الصباح وفتحاتلي شاهي بقرصة من داكشي
فدوى: ههههههه عبرات على حناك .. اجي خاصنا نعرفو هاد راجلك كيداير زوين ولا خايب.. تخايلي يكون خايب وغليض😂😂😂😂...
سلمى: تفو لبنات عندهوم صحابات وانا عندي لعدو ... بوجي من حدايا .. حقا راه كريتلك لبسا مهم طلعي شوفيها .. راها فالبلاكار ديالك ..
فدوى: احح عليك وخلاص تفكر صاحبتها تفكر
سلمى : ماشي بحالك مافيك خير ..
سلمى بقات كدور فجردة ديال الفيلا وكتشم الهاوا تا وقفات عليها واحد البنت قدها كتمدغ المسكة
البنت: لالة سلمى راه وجدنا كولشي فبيتك اجي معايا باش تكوني واجدة مع الوقت
سلمى: (شافت فيها طلعاتها هبطاتها وطلعات خنافرها لسما) اوكي .. (كانت ماشيا تارجعت وقفت على البنت)... ختي واش فايتلك كنت شيخة .. ملك على اهد المدغة كتحلي فمك كيفراس النهر... (وقلبات دورة مشات لبيتها)
......بقات شحال وهي كالسا هي وديك البهلة ديال صاحبتها .. ولكن هيهات سعديا تفلتها ليهم عطاتاهم صليا دلعصى ههه عاد ناضو يلبسو جات عنهم الكوفورا مسالات معهوم تسلاو معاها ههه ... ولكن طلعو طوطوزات .. (تكشيطة والقفطان لي لبسوهوم لفوق فصورة).. من تالي جاو بحال الاميرات ومع الميك اب غتلقاو طايح كتر من نايض ونايض فتيكي ههه ...بقاو كالسين شويا سمعو عيساوا .. سلمى قلبها ولا كيطبل مع الطبل ديا عيساوا هههه وفدوى غي كتنقز منها وتجي لهيه تقول خداما بضو .. بقات كطل فدوى من سرجم شويا تبدل فيها لون ودارت عند سلمى وغوتات ...
فدوى: ننناااارريييي ضعتي غي الخايبين وتقول شيكمارا فيها ضو .. وغي شراف .. لااا ماتقوليليش غيزوجك بشارف...
سلمى: هاء هاء هاء لا مقالولي ولو عليه معرفاش كيداير ... فدوى مبغيتش نتزوج هاء هاؤ
يتبع ....
أنت تقرأ
أميرة المافيا : أحببت ولم أدرك ذلك❤️
حركة (أكشن)✔️الموسم الاول 🔥 قصة بالدارجة المغربية .... جديد .. من اجمل القصص.. اكشن.دراما رومانسية.. مافيا 🌋🌋🌋 ✔️ماتنساوش تصفحوا الروايات الأخرى ديالي متأكدة غيعجبوكم ، وشجعوني في الكمنت بكلمات زوينين بحالكم 💕💕
