مافيا إيطاليا : أحببت ولم أدرك ذلك❤️

Part24

منى و أمها فاطمة تمو نازلين من بعد ما تفاهموا على الخطة لي غايديروا لسلمى و أمين ، نازلين بحال تقول ماشي ديك منى المجنونة كانت غاتفرگع ، وفاطمة شادة فبنتها زعما حقا والواد راها مريضة اممم حياني اناااا  ،
الحاج :بنتي منى شوي دبا
منى: اه شوية با سيدي
الحاج : أوا الله يجيب شفاء يارب ( دور وجهو الحاج جهة  أمين وقال) آمين ولدي شنو درتي مع السفقة للي قتارحوها الشركاء ديال روبرتو !
أمين : اممم لا ما غنسمحش ليهم يدخلوا لشركات ديالنا أي شبهة و بالخصوص روبرتو عندو بزاف ديال المشاكل معرالشرطة الدولية إذن ديما غنبقاو فالشك من الأفضل نبعدو على بحال هاد السفقات
الحاج : أنا قلت على الأقل نتناقش على نسب الأسهم لي كنا غاناخدو فالشركات ديالو ، كيف ماتعرف "روبرتو" ماشي منافس للي ساهل بالعكس عنده نفوذ للكبير فاغلب الدول الشيء للي غيسهل علينا التعامل مع الديوانية و تحقيق ماشي كيف ديما عندنا مشاكل مع تحقيقات الشرطة .
أمين: (مسح بالمنديل على فمه )المهم الحاج نتكلموا فالشركة ( وقف ودفع الكرسي باش يمشي)
سلمى :(بصوت خافت ومسموع فنفس الوقت وحنين) امين غانمشي معاك للشركة يأك .
امين :(فين هو أمين نهار على نهار كاذوبه ، كح و هو عاقد حجابنو ) أمم اه يلاه .
سلمى وقفت بسرعة وبقات كاتقاد حوايجها قدامها وهو غير كايشوف فحركاتها لي كيحمقوه بحال شي بنيتة صغيرة قدات وقفتها ورجعات شعرها بخفة لوراء ووقفات حداه وشدتله فيديه أمين لي بقا غير مخرج عينيه وكايشوف فيها (سلمى لي بقات كتقول فراسها منين ديك خيتي كاتموت مني بالغيرة أجي نعطيها سبب مقنع بعدا أصلا هذا راجلي سوو حلالي خليها هي للي طرطق )

أمين زير على يد سلمى وهو كيحس بالحرارة ديالها، هاد الحركة العفوية (أو اللي بانت ليه عفوية) خلات قلبو يضرب بقوة، واخا ملامحو بقات جامدة قدام العائلة. شاف فمنى للي كانت كتحاول ترسم ابتسامة باهتة، وعرف بلي كاينة "عاصفة" جاية ف الطريق، ولكن دابا كاين ما أهم.
خرجوا من الفيلا، وقفوا حدا السيارة السوداء الفخمة كانت كتسناهم. غير سد السائق الباب، سلمى طلقت يدو وبدات كتنفس بصعوبة وكأنها كانت فمهمة انتحارية.
أمين (بابتسامة استهزاء): "كان أداء رائع مدام سلمى.. وليتي كتقني دور الزوجة العاشقة بامتياز."
سلمى (شافت فيه بحدة): "درت هكاك باش نبرد الغدايد فديك خيتك منى، ما بغيتهمش يحسوا بلي نقطة ضعفي هي هاد الزواج. ودابا، خلينا فالخدمة.. روبرتو اللي هضر عليه جدك، أنا كنعرف هاد السمية مزيان ف الأرشيف ديال الشرطة."
أمين عقد حواجبو، وتعجب كيفاش قلبت الصفحة دغيا: "روبرتو ماشي غير سمية، هو أخطبوط. وجدي باغي يدخل معاه فشراكة حيت كيشوف غير الربح، ولكن أنا عارف بلي هاد الشراكة هي 'فخ' لينا كاملين.

وصلوا للشركة ؛

                                         ✨ الشركة "لا سيرا نيرو" (La Cifra Nera)(الشفرة الأسود)

أمام أبواب الشركة وقفت العشرات من السيارات السوداء من نوع مرسيدس ، نزلو منهم رجال رياضيين البنية بلباس موحد اسود مع نظارات سوداء و سماعات كلهم وقفوا في صفين أمام البوابة الرئيسية للشركة باشيخليو رئين يمشي فالوسط ، نزل من سيارة مساعد و فتح الباب الخلفي لي نزل منه الرئيس امين العلوي للي بدور وقف ومد يده لي مسكت فيهم يد رقيقة أنثوية وخرجت من السيارة بإطلالتها كأنها أميرة زوجة ملك امين شاف فيها ودار ابتسام خفيفة ليها شيء للي خلا قلب سلمى كيرفرف وشبك يديه فيديها و توجهوا نحو الشركة للي الكل كان كيلقي ليه التحية و وقع تجمهر كبير كلشي باغي يشوف زوجة الرئيس والبنات الفضول قتلهم ، سلمى فاش شافت هماك زيرت يديها على امين هو للي حس بيها ، دور وجهو بسرعة لقا سعد لي جاي بابتسامة عريضة وكيسهم سلام رجولي على امين و وجه نظراته لسمى ولقا عليها سلام بفمه فقط عارف يلا قاسها غيوحل مع امين
سعد: (كيتكلم فالشركة بطريقة رسمية)Boss مرحبا بك و مدام العلوي حتى أنتي مرحبا بك فشركة زوجك .
امين :( تحنى عند ودن سعد )باركك من الصواب وحرك من حدايا هاد الجمهور للي تجمع عليا واش بنتليهم قرد هنا ،( ورجع غوبش )
سعد :( سرط ريقو عرف بلي امين دبا غيتفرچع عليهم دنيا دار عند الشغالين وشفق بيديهم وقال بصوت مرتفع باللغة الإنجليزية بحكم ان شركة البرمجيات كتستقطب الناس من العالم كله ) اهممم يلاه كل واحد يرجع لخدمته مانشوف تاواحد باقي مايدور هنا  .
الناس للي كل واحد فين تحرك مولفين كيتلقاو الأوامر من سعد بحكم انه المساعد الرئيسيً و اليد اليمنى الرئيس ، و ايضاً عمرهم سمعوا صوت امين من غير المهندسين و تقنيين الكبار للي مايكونوا معاه فالاجتماعات اما الناس الآخرين راه كيرد عليهم السلام فقط بأنه يحني راسو ليهم .
امين : (وجه نظره لسلمى وقال ) نايرو غتهتم بيك فالشركة و فتدير بيك دورة باش تكتاشفيها تعرفي كل قسم من الأقسام للي ماتخصصت فيهم شركتنا .
سلمى :(بتعجب ) نايي نايروبي؟ شكون هادي .
أمين وقف مستقيم وهز راسو بمعنى هاهي وراك .
سلمى :(دارت متقلب بعينيها تاجات عينها على واحد البنت ملامحها أسيوية وبيضا وزوينة بطريقة للي كيوت هي البنت للي بدورها كانت كاتبتاسم لسلمى وأمين ، دارت عند امين وكتشير باصبعها لنايروبي )احم هذي هي نايروبي ولا مانعرف شنو سميتها .
امين :(هز حاجب ، وعرف عقلها فين كايدور ، هز راسو بمعنى اه )يس .
سلمى : اااا اه اوكي اوكي (سلمى دغيا عطاتو بظهر و مدت يدها لنايروبي وتكلمنت بالإنجليزي ) سلام ، أنا سلمى مرت boss ديالكم .
نايروبي : (بتؤثر شافت فأمين وبسرعة ركزت نظرها على سلمى ) سلام مدام العلوي تشرفت بيك ، أنا نايروبي رئيسة اتحاد الأمني الرقمي .
سلمى :اه مزيان متشرفين (سلمى دغيا تغير تعاملها ولات كأنها حقا تحقيقا أميرة كتصرف برسمية وبحدود وبوعي كبير  الشيء للي خلا أمين غير مصدوم من هاد البنت )
أمين : يلاه (قرب جهة ودن سلمى وتكلم بصوت خافت شي للي خلاها تبورش ) نقصي من داك العكار ماشي بلاصتو . (وهو يغمزها )
سلمى :( هزات عينها فيه ولات حمرا بحال مطيرة ، وهزات يدها بحال كتهاوي على راسها ) اوووه صهد صهد عندكم فهاد الشركة واش شركة على قدها مافيهاش كليم .
نايروبي : مادام ماكاين الصهد حنا ففصل الربيع و اليوم درجة الحرارة منخفضة .(دارت عند سعد ) مسيو سعد حسيتي بالحرارة ؟
سعد : (ببلاهة ) هه الحرارة مالنا فمولاي يعقوب؟
نايروبي : (مافهماتش شنو مايعني بهضرته )مولاي يعقوب ، شكون هذا ؟ المهم مدام العلوي تفضلي معايا (طلقات يديها بمعنا تفضلي وخلات ليها الطريق تزيد هي الولة )