QED CLUB: the go-to place of students and teachers in Clark High whenever they have mind-boggling mysteries they want solved. For months, club president Loki Mendez has been managing it alone, but circumstances will force him to open its doors to ne...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
JAMIE
KUNG DATI'Y sa backstage ng auditorium ako tumatambay kapag wala akong magawa, ngayo'y sa Room 315 na—ang QED Clubroom. Sa first full day ko bilang official member, naisipan kong bumisita ro'n pagsapit ng morning breaktime. Basta pagka-ring ng school bell, umalis na agad ako ng classroom at pumunta na ro'n. Habang naglalakad sa hallway, pinagtinginan ako ng ilang estudyante. Bakit? Ngayon lang ba sila nakakita ng diyosa sa campus?
Nadatnan kong solo ni Loki ang clubroom pagkarating ko. Binati ko siya ng masiglang "good morning!" Kaso napaka-dry ng response niya. Nagbabasa kasi siya no'n ng crime novel habang nakaupo sa swivel chair niya. Nang batiin ko siya, iniangat lang niya ang kanyang tingin sa 'kin 'tapos agad ding bumalik sa pagbabasa ang mga mata niya.
Na-hurt ba ako sa reaction niya? Nope! Iba't iba kasi ang approach ng tao sa greetings kaya naintindihan ko siya. Malay natin, sobrang mahiyain niya kaya wala siyang idea kung paano sumagot sa gano'n? Hindi ko ikasasama ng loob ang medyo cold treatment niya sa 'kin. Hindi rin ako magrereklamo. Mas mabuti nang maging understanding.
I settled down doon sa chair na pinakamalapit sa kaliwa niya. Doon dapat sa kanan, kaso naalala kong do'n laging pumupuwesto si Lorelei. Ayaw ko naman siyang agawan ng spot.
"So!" bulalas ko pagkalagay ng shoulder bag ko sa katabing upuan. "Ano'ng case na iso-solve natin today? This will be my first official case as a QED Club member kaya hindi ko na ma-contain ang excitement ko."
Inilipat ni Loki ang page ng librong binabasa niya. "We don't have any pending case at the moment. What we can do is just to sit back and wait for a client to come in."
"Okay!" tugon ko. Habang naghihintay, inilabas ko ang aking phone at nag-scroll muna sa feed ng social media app ko. May mga nakita akong latest na showbiz news at outfit-of-the-day photos ng virtual friends ko.
Saglit na napasulyap ako kay Loki. Patuloy siya sa pagbabasa nang walang sinasabi. I kinda expected na hindi siya ang type na madaldal at kukuwentuhan ako. Pero napaka-awkward kasi ng katahimikan. We're not strangers na na-stuck sa room na 'to. Paano namin makikilala ang isa't isa kung 'di kami mag-uusap? 'Di lang ako sumali sa club para makaramdam ng thrill sa cases. Sumali rin ako rito para makipag-friends sa kanya.
Bueno, kung hindi siya mag-i-initiate ng conversation, ako na ang mangunguna. Medyo sanay na rin akong makipag-interact sa iba't ibang type ng estudyante. Kahit wala kaming matinong topic na pag-uusapan, magagawan ko ng paraan. All I had to do was break the ice.
"Nasaan na pala si Lorelei?" tanong ko nang muli akong sumulyap sa kanya. "'Di ba siya pumupunta rito kapag breaktime?"
"She usually does." Nakatuon pa rin sa libro ang tingin niya. "Maybe her instructor forgot the time. Maybe she's busy with an assignment. Whatever the reason is, she'll be here once she's out of the classroom."
Successful ang first phase ng plano ko! Nagawa ko siyang i-engage sa isang conversation. Ngayon, kailangan kong i-sustain 'to. Kailangan kong magbato ng follow-up.
