រឿង អ្នកម្នាងឆ្លងភពកំពូលឆ្នាស់របស់បង

រឿង អ្នកម្នាងឆ្លងភពកំពូលឆ្នាស់របស់បង ភាគ២ (សប្បាយក្លាយជាទុក្ខ)

បន្ទាប់ពីញុំាអាហាររួចរាល់ទាំងបីនាក់លោកផាកអ្នកស្រីរក្សាក៏បានជូនជីមីនទៅសាលាហើយទើបមកមើលការនៅក្រុមហ៊ុនរបស់ពួកគាត់វិញ។

រីឯជីមីនក៏ដើរចូលក្នុងសាលាទាំងក្រៀមក្រម គ្មានអារម្មណ៍ក្នុងខ្លួនបន្តិច ទោះបីជីមីនមុខមិនស្រស់យ៉ាងណានៅតែធ្វើឲ្យសិស្សប្រុសៗក្នុងសាលាជ្រួលជ្រើមនៅមិនស្ងៀមអ្នកណាមិនស្គាល់ផាក ជីមីនស្រីស្អាតប្រចាំសាលា រៀនក៏ពូកែ ថែមទាំងឆ្នាស់ខ្លាំងទៀតផង។ពួកគេនាំគ្នាខ្សឹបខ្សូវគ្នាសិស្សបុ្រសម្នាក់ក៏និយាយឡើង
" ហើយ! ស្អាតយ៉ាងនឹង តើអ្នកណាទៅបានជាគូរណ៎ "
" ប្រហែលជាគូរនឹងយើងទេដឹង ផាច់! "
" មិចបានឯវៃយើង "
" វៃ៉ឯឲ្យឈប់ស្រមៃ៉ មើលយើងជាគំរូថ្ងៃមុនផង "កាលពីមុនគេក៏ធ្លាប់គិតស្រម៉ៃអញ្ជឹងដែល ក្រោយពេលគេទៅញ៉ែដំបូងអ្វីដែលទទួលបានគឺមួយកំផ្លាងបាក់ធ្មេញពីរគ្រាប់ ធ្វើឲ្យគេរៀងចាសលែងហ៊ានទៅរញ៉េរញ៉ៃនឹងនាងទៀតខ្លាចត្រូវធ្ងន់ជាមុនទៀត
" អើរ! យើងភ្លេចនាងគឺជាខ្លាញីដ៏កាចសាហាវគ្មានអ្នកណាអាចបង្ក្រាបបាននៅឡើយ "គេនិយាយទាំងខាំក្រចកដៃខ្លាចរអានឹងជីមីន ភា្លមនោះស្រាប់តែមានក្នេងប្រុសមួយក្នុងចូលមកឈរពាំងផ្លូវនាងតូចរបស់យើងរកតែដើរទៅណាមិនបានធ្វើឲ្យជីមីនម៉ៅចិត្តកាន់តែខ្លាំង អាក្ដៅមកពីផ្ទះហើយមកសាលាមានអ្នកឆាឆាវទៀត បែបនេះគួរតែចាត់កាលចេញហើយទើបបាន។
" ចៀសចេញពីផ្លូវ ខ្ញុំត្រូវការដើរឆាប់ឡើង "ជីមីនមុខស្មើនិយាយតាមធម្មតាទៅកាន់ពួកគេឲ្យបើកផ្លូវដល់រូបនាង ប៉ុន្តែអត់ទេម្នាក់ក្នុងចំណោមពួកគេដែលមើលទៅដូចជាមេគេក្នុងក្រុមក៏ដើរចូលមករកនាងកាន់តែខ្លាំងដោយរឹកពាលច្រឡឹសបឹស ក្អេងក្អាង ក្មេងពាសមកកាន់រូបជីមីនលូកដៃច្បិចថ្ពាល់
" ប្រញាប់ទៅណាអូនសម្លាញ់មិនទាន់និយាយគ្នាលេងផង ពួកបងមិនឲ្យទៅនោះទេមែនទេពួកឯង! "
" មែនហើយ....មែនហើយ ! "មិនត្រឹមតែមិនចៀសចេញ នៅថែមនិយាយញ៉ែញង់លេបខាយពាក្យសម្ដីសើចក្អាកក្អាយមិនខ្វល់នឹងទឹកមុខខ្លាញីកំពុងតែញញឹមបញ្ចេញចង្កូមឡើងមកជាសញ្ញាវាយប្រហារសត្រូវចំពោះមុខ...
" ដឹប!..បឿក...ប្រាវ!!..អាក់..អូយ!."រយៈពេលត្រឹម5នាទីពួកគេក៏ត្រូវដេកដួលរៀបដល់ដីបែកមុខបែកមាត់ដោយស្នាដៃជីមីនជាម្ចាស់ខ្សែរក្រវាត់ខ្មៅតៃក្វាន់ដូប្រចាំសាលា ។នាងតូចរបស់យើងរលាស់អាវឲ្យដូចដើមដកដង្ហើមចេញបន្ធូរអារម្មណ៍មុននឹងបោសជំហានដើរទៅថ្នាក់ រីឯសិស្សផ្សេងៗក៏បំបែកគ្នាទៅថ្នាក់រៀងខ្លួនបន្ទាប់ពីបានទស្សនាឈុតឆាកប្រយុត្ធអម្បាញ់មិញរួចយ៉ាងជក់ចិត្តដិតអារម្មណ៍នោះ..។