نهاية الطريق المنحرف

البارت التاسع عشر

واجيتك ب12 بليل ادوس كبور
ولك الكبر ما ينشبخ بليل
وانه لخاطرك دسته💔

حيدر بعد مااشوف بعيوني القهر عماني راحت ضحكتي وبنيتي وراحت حبيبتي طول الطريق واني احجي وياها واتخيلها كدامي معبالك ميته عبالك احجي ويه وحده عدله

تخبلت اي تخبلت بين ليله ويوم حبيبتي راحت راحت واخذت
وياها فرحتي وضحكتي

الناس تعزيني وتروح ولااعرف الي اجه والي مااجه مااعرف قفلت عيوني
وصلنه لمكان الدفن واني روحي طلعت من حلكي  اريد يدفننوي وياها

ثناء والله كمت مااشوف اخوي هوه لزم ايدي ويكود بيه لمكان الدفن همه يحفرون واني اطم اكلهم لافدوه والله عدله مابيها شي بنتي يمه والله زغيره عين اشوف بيها قليل وعين طفت يمه حسون ليش اخذت اختك وياك ليش تعاقبوني يمه ليش ماتردوني يمه ليش ولكم يمه اجه علاوي حظني وكام يبجي

وياي يكلي يمه والله نكسر كلبي راحو اخوتي يمه
كلامه حطمني كملو دفن لودفنو روحي موبنتي يمه ليش استغفرالله ربي ولااعتراض عله حكمك ليش مااخذتني اني استحق الموت موهيه مشافت شي والله هستوها فرحت بنيتي والله مشافت راحه بس هسه والله يعني يوم التفرح تروح اخ اخ يانار كلبي كملو ومشت العالم واني بقيت ابحث بل تراب بين حسون وبين حياة اخوي الزغير بقه وياي وامي وخواتي

اخر شي كوه كوموني وكالو نمشي مشيت وخليت احبابي جوه التراب والله مااعرف شلون امشي همه يسحلون بيه

رجعنه بل ليل اخذتني اختي سبحتني وكعدت انعه وابجي ولاشفت نوم ولاراحه والله الفاتحه بيت عيالها بقيت 3ايام الفاتحه  ورجعت لبيتي بس رجعت جسد بس اول شي راحت عيوني وثاني شي روحي راحت المن باقيه والله الموت ارحم الي
ماادري ابني الزغير وين علاوي رجع وياي لان

يداريني خطيه تعلق بيه سوده عليه عباله هم اموت اجتني بت الشايب كالت خلي اخذج لبو العيون لان منو الج وعندج طفل ورجال جبير ماحجيت والله ماعندي حتى حيل للكلام رحت وبعد الفحص كال هاي عين تشوف بيها سليمه اما الثانيه تالفه الشبكيه مالتها انطاني قطره ونظاره ورجعت للبيت
علاوي يساعدني بخوه والحزن مخيم علينه ليل نهار نبجي ملت العالم منه والله لوباقيه بدون خلفه احسن احسد العاكر عاد ماينشلع كلبها

حيدر /خلصت الفاتحه ودخلت البيت وعساني مادخلت البيت اضلم بدونها هنا ضحكت وهنا كعدت اووووف حلفت ماابقه بل بيت بعد بدونها اخذت جنطتي وطلعت للنجف عدنه بيت هناك هم قريب عليها ومااريد اشوف احد كل جمعه ادز بيد صاحبي لمها مسواك وفلوس اكول خطيه هاي امها وهيه تكيف

من قبل تشوفني اساعد امها
وخصوصا من سمعت المره عمت والله ياحياة دمرتينه

ثناء مشت العالم وطبيعي عدها كل جمعه الصبح يجي واحد يجيب مسواك ويكول بثواب المرحومه عرفت من زوجها

حتى يدز مصرف كمت الم الفوس الي يدزهن واضمهن لعلاوي ابني خطيه هوه اوله من كلشي بيهن لان بقه وحيد ولااله سند

اما حسن فاسمعت مدعوم وصاير عنده شلل نصفي والله يستاهل الي يصير بي من وراه الي صار  بيه
اجه اربعين بنيتي ورحنه للطم مالتها وقررو يرحون للنجف الصبح الساعه 4كالو باتي هنا زين اني وين اخلي ابني الزغير كتلهم بس ادز ابني يم ابوه واجي والله اخذوني العالم خليت الطفل يمه وكتله عينك عليه هوه ماياذي بس انطي اكلاته كال هاي هيه وصيت بت زوجي طل عليهم كالت ادللي اني اجيهم
اني روحي وامني

رحنه للنجف واني عرس وعد معدان الله الله شكد مشتاقه اشوف بنيتي وابني عبالي الكاهم كاعدين كبالي ويتلكوني ملخت روحي لمه وكعت بعد مااكدر اتحرك كلبي وكف اريد نفس ماكو شالني اخوي وخلاني بل سياره وكال ارتاحي لمه نروح واني

ياراحه واني اشوف كبور اغله ثنين كدامي ماادري شلون غمضت عيوني واجتني حياة بوستني وكالت مامه لاتخافين عله اخوي الزغير يمي اني اداري ويه جهالي وفزيت شنو هذا الحلم مااعرف صحت لختي  وحجيتلها كالت يمه اسم الله ماكو شي انشاء الله
نرجع لقبل من رجعت لبيتي ولد زوجي من اخذو ابوهم للدكتور ماكالو انو ابوهم بي زهايمر وينسه كلشي

واني من غبائي ماسالتهم بعد
نرجع للوقت الحالي اخذنه العالم زورناهم ورجعنه لبيوتنه بعدني بل طريق وجهازي يدك جاوبت واني مااشوف الرقم من البجي وهيه عين وحده كلت الو جان بت رجلي تبجي الو ثناء وين صرتي كتلها بل طريق جايه كالت استعجلي عفيه

لان ابوي متخربط ابوج شبي كالت
مصخن واريد اخذه وابنج محد اله كتلها تمام بسرعه كلت لخوي استعجل اول ماوصلنه واشوف العالم كلها ملتمه

بابي يمه دخيلك ياعلي شصار
نزلت اركض ولان تك عين نجبحت عله وجهي ولكم لحكوني شصار بس لاالرجال مات كلها ساكته وتبجي
وصلت الباب واشوف الاسعاف والشرطه بل باب يمه شصاير بيتي دخلت كوه خلوني كالو ممنوع كتلهم بيتي

دخلت واشوف المنظر واني وكعت من طولي بعد كلشي مادريت
يتبع
ملاحظه بعد بس بارتين وتخلص القصه اتمنا تصوتون
وتنطوني رائكم بيها القصه واقعيه
وانشاء الله عدنه بعد قصه انشاء الله شهرين ونبدي بيها
تحياتي لكم حبايبي