نهاية الطريق المنحرف

البارت الثاني عشر

شكرآ لكل من هكر حسابي وبدل ماترفعون حسابي طيرتو شكرا من القلب
ثناء /خطوه تاخذني وخطوه تجيبني متت بدمي اريد بس اوصل  مااكدر رجليني ثكلن واني متاكده اي والله هذا هوه حسام  ماادري شلون اجه لهذا المكان الي اعرفه هوه عنده سوالف مكسره ويشرب بس يلتقي بهاله  ماتصورت

لفيت نفسي بل شال ومخليت شي يطلع مني ودخلت قدمت الضيافه وطلعت اركض اجتي هاله ورايه لعبت لعب ليش
ضوجتي ضيفي عوزها بس تضربني كتلها تعرفين هذا الي تردين تاخذيني اله هذا نفسه الي هجرني وخلاني هيج صار
بيه هذا نفسه الي ابني حرك نفسه من وراه وعبالج هسة من
اكعد يمه ياخذني بل احضان لاانتي غلطانه هذا هسة يحقق كتلي يم ابوي واخوتي
اشو هاي صفنت وضحكت
هاله /لج ثناء تعرفين انتي فلم  واني ماادري لج هذا صاحب اختج هناء واليوم حب يغير هذا كل جمعه هوه وثناء يجون لهناء واليوم كلي اريد جديد وعبالي افيدج بس مبين فكوره ماوراج خير انتظري لليل والله اذا مطلعتي للحجي اله املخج
بيدي وساعتها شوفي منو يرحمج وحتى ابنج اخذه ابيعه لاعبالج مااسويها
ثناء/خفت والله موعله نفسي خفت عله ابني كلت خطيه شنو ذنبه منو اله هاي تكتله وتكول بعته وين اروح يارب دبرني ونخيت السيده شريفه وفعلا لميت كم دشداشه من ملابسي وغسلت وجهي وملابس ابني وعندي ميةالاف وهيه ملتهيه ويه حسام افندي والي تشتغل وياها بست ايدها وكتلها والله يذبحوني اهلي وهذا من اهلي وهيه كسرت خاطرها مره جبيره فتحتلي الباب وكالت اخذي تكسي من تطلعين من المنطقه لان اهل التكسيات ذوله كلهم الها وفعلا تنكبت ودخلت بل افرع لمه وصلت لشارع عام وشفت رجال جبير اشرت وكفلي كتله للامام عمو كلي هاي هيه اصعدي بس خمس الاف كتله ميخالف وفعلا ذبني باب الكراج مالت ميثم التمار الجديد ومشيت ركض دخلت تفتيش كالت المفتشه شدعوه هلكد ملابس جايبه كتلها اريد للمستشفى اجيت ادخل عله الحسين والعباس وفعلا دخلت خليت اغراضي بل امانات ودخلت للعباس شبعت بجي ليش هيج ابوفاضل وبقيت كاعده
وبعدين رحت للحسين وزرت وطلعت لغراضي بقيت بل عباس بل ليل انام بل سرداب والنهار اكعد بل صحن دكت اختي هناء
عليه شكد جنت احبها حقدت عليها يعني تذبني عد هاي الساقطه وتكلي امان يعني شلون هيج اهون عليها بس. هيه الي تمشي ويه حسام الي جان يوم من الايام زوجي شلون الها
نفس مااعرف دكت دكت لمه ملت انوب اتصل رقم غريب كمت طلعت الشريحه وخليت شريحتي القديمه وضميت شريحة هاله اول ماخليت شريحة القديمه اتصل رعد  عبالك موقت
رعد /الو ها ولج حقيره وين رحتي عبالج مااجيبج ماالكاج  كمت ابجي كتله انته شنو تريد مني كلي اسال عليج وين رحتي كتله طلعت زياره  كلي اجيج كتله لاحمله من ارجع اتصل عليك نهه الاتصال ورحت جبت اكلات لبني والله شربت بس مي من الامام ماالي نفس اكل اصفت اني شنو سويت بنفسي لوباقيه مثل قبل كلشي مااعرف غير بس العب وين صفه بيه الوكت كلت اخابر ابوي والي يصير يصير كافي هوه موخلاني اشرد
الو /الو هله بويه وين رحتي ليش هيج وكعتي عكالي ليش تسوين بيه هيج ليش تنهزمين ماكلتي ابوي كتله/
يابه موانته الي كلت لهناء خلي اختج تنهزم كلي لاوالله مواني كال /تعرفين من وراج كل امراضي واتمنا لوماصايره عندي انتي كمت /ابجي كتله والله يابه خسرت بل معاملات
واعوض بس تجي اوراقهم كلي انتي وين كتله اني بكربلاء بين الحرمين كال سهله راح اجي اني اخذج واخليج يم عمتج 
اي واحد ينصل من اخوتج لاتكليله اني هنا ترا يردون يكتلونج والي فهمته من ابوي انو هناء اختي هيه وحسام ملتفقين عليه
علمود محمد يكتلني تعبت وكرهت كل اخت ماعاد بكلبي حب لشخص ابد بس ابوي املي لان اعرف ابوي يخاف عله سمعته ويحبني لان هوه يحس بذنب اتجاهي هوه الي كسر ركبتي بحسام والله صدك بتت والساعه 3الصبح ابوي اتصل كال اني باب العباس طلعت واني اخاف من المجهول صدك شفته يبجي باب ابو فاضل واني اعرفه زعلان عليه لان غلطت عليه

صدك كابلته وكمت ابجي كتله يابه اكتلني انته ولااخوتي ولاتخلي هناء بعد تلتقي بيه وهوه يبجي يكول اني دمرتكم واني الي دمرت عوائل وخليت الحرام هيج دمركم سكت ومسح عيونه كال بويه تاكلين شي كتله والله بويه مااشتي العسل صار كم يوم بكربلاء كلشي مااكلت بس المي شربته  بس ابني اوكله كال يالله خلي نتوكل وصدك طلعنه واني امنت حملي يم العباس وطلعت توجهنه لبيت عمتي وماادري عدمنو أمن عله نفسي اذا كلها مستره  بل دين ومن جوه زباله
اول ماوصلت بيت عمتي تلكت ابوي بل احضان وهله وهنا تفضل واني هم بس تخربطت احوالها من كلها ابوي تبقى يمج
عادي كالت بعيني ابوي فهمها انو اخوتي ميعرفون اني عدها
بعدها ابوي كمل غدا وطلع واني بقيت مستحيه منها اشو عمتي رجعت عليه كدام جناينها وكال شوفي ولج لاعبالج
سكتت يم اخوي مااتحمل هيج شكولات وشغله ثانيه تخلينها بالج  ولدي خط احمر حتى سلام متسلمين عليهم والله بكلبي ربي ياخذج وياخذ ولدج من حوركم عاد واني انحرف تردوني والله زمن ارجع لربي وللتوبه محد يريدني والله ناس تحيرك  ماتعرف شنو يردون كتلها تمام ودخلت غرفه عدها متروكه مالت ابنها ميت بسبايكر وهوه عريس وباقيه بترابها ومهجوره ولااحد داخل الها خليت ابني عله صفحه وطلب من جناينها مكناسه وسطل مي وخاولي وانطتني البنيه بس من ورا خشمها لان تخاف اخذ رجولتهن والله يضحكن اني وين وهاي المعدان وين نظفت الغرفه ومسحتها ونكتت ملابس الولد وزوجته وخليتهن مكان واحد والمكياج خليته هم بحنطه خطيه كسرو كلبي هسه شنو ذنب الشباب راحت منه والله خطيه الي عنده عائله والي عريس والي يحلم بمستقبل زاهر اوووووووف يمه حسوني الله يرحمك ويرحم الشباب كمت ابجي بس خليت الغرفه تجنن بس مخليت المندر شلته مالت الجربايه ونكتته ومخليت فرشه عليه لميت فراشه المهم دخلن البنات تعحبن عله نظافة الغرفه كتلهن بس اسحب قبل لايجي احد والله طلعت بدون علم عمتي وسبحت ورحعت انشر ملابسي وحظي العاثر اجه ابن عمتي نشرت الملابس وشردت حتى مسلمت قفلت الغرفه عليه واني اسمعه يحجي ويه امه ليش بت  خالي هنا وشردت مني وهيه تكول خيس ونفتحت
اوووووووف نزلت عليه بذاك الكلام وهوه يكلها فتحي الباب اريد احجي وياهه ومااحجيلكم تكول كائن فظائي نزل عليهم متت واني ابرر للعالم معاناتي دخل ويه امه وهوه عيونه دور بكل مكان بجسمي قشعرت والله من الخوف لبست عباتي  وكعدت وخليت ابني بحظني كلي ام علي خويه انتي بت خالي
حالج حال اختي والله واني بكلبي اي صدكتك ياعيني
اخ شسوي لنفسي وين اروح كلت اتحمل كال تعالي ويانه اكلي لاتحبسين نفسج كتله لاخويه ابني يستغرب مامتعلم عله هوسه وجهال
ماادري صدك لاكالت عمتي عشاها اني اجيبه طلعو واني صليت المغرب والعشاء وكعدت ابجي عله حالي دخلت عمتي بيدها نص كرصت خبز وقلاص لبن كالت هذا عشاج كتلها انعم الله عمه وكالت \شوفي ولج مااريد بجي بيتي ترا مالي خلك البجي  وموزين عله ولدي كتلها تم طلعت واني قفلت الباب
وكلت ابني الخبزه والبن نكعت اله الخبزه بل لبن واكل سوده عليه اما المي فاميهم مينشرب وسخ مااعرف همه انطوني بدولكه وصخه  عندي بطاله لبني من كربله ماخذتهن واني وياه نشرب بيهن نمت وابني بحظني والباب بده يتحرك عله كيف انوب حيل اني خفت  اشو هذا كام يصيح فتحي الباب ثناء شبيج اني سعد واني متت اباوع الساعه 12بل ليل والله اخذت قرار وشنو يصير يصير
يتبع