نهاية الطريق المنحرف

البارت السادس

ثناء بعد هذا ابني من جبته وكلت خلي اكعد واسكت لاانفظح ويكتلني محمد اخوي لان بدا يهدد بقتلي ومااعرف ابطل من
شغل المعاملات لاصرت مثل الموضفات اشتغل وللعلم اني ربت بيت بس الفلوس الها دور
ويوم عندي معاملات اجه واحد يريد يسوي معاملته بس شنو من جمال شنو من شكل الي يشوفه يكول ولاواحد يشبهه يجنن بكلشي اشغلت عندي حواس الزحف ولان اني محظوظه بكلشي لازم الله يوكعني بي اني كتله تفضل شنو ناقص اوراقك كلي اني بس مقدم ومااعرف الباقي شنو اخذت الاوراق منه وطلعت قلم من جنطتي وبلشت اراجع اوراقه والاخ يمي نافخ نفسه رعد /راح اعرفكم عن نفسي اني واحد زايعته الدنيا نسوان وشرب ومااهتم لوبنتي ابيعها بس كون فلوس مره كلي صاحبي لك لكيتلك وحده راح تعيش براسها شلون طاكه كتله اشرحلي عنها اني لازم اعرف شنو عند المره يالله اشتغلها احنا عصابه 3ولد اني واخوي وصاحبي نصادق بنات وبعد مانخليها تتعلق بينه وتبدي تجي للطريق ناخذ صور ونسجل فيدوات انوب نهدد وعايشين عله هيج منو الي يصيد طبعا اني لان صاحب جسم رياضي ومرتب يعني كلمن وشغلته اني هاي شغلتي ولازم ارتب نفسي من رحت عله هاي المره سبحان الله هيه حلوه ومرتبه بس خفيفه يعني صيدها سهل اصلا ميحتاج اتعب عليها فاسويت نفسي عندي معامله وعودك ناقص اوراق واني أصلا اوراقي كلها مزوره وهيه سوت نفسها تعرف والله لوانطي المعامله لعامل عادي يطردني ويعرفها مزوره بس هيه تبين ام الراهي كامت تفيك وطلعت قلم رغم ماله حاجه بس ويه طلعت القلم طلعت الدواهي الجنطه مليانه فلوس اني هنا اختل توازني شنو هاي الشدات الي عدها كابلتها ونفخت نفسي عله ابو اني مامهتم اله بس علمود الفلوس والله مستمره واني سويت نفسي خابرت صاحبي كتله فلان حولي دفتر صارت عندي شغله ضروريه وهيه بقت صافنه وفرحانه ادري ياغبيه هوه الي عنده هيج  فلوس يسوي رعايه بس العقل من الله كتلها اختي خليها اذا متصير اصلا مليت منها بعد مااشتغلها هيه نطت كالت لا اله اني اشتغلها وانطيني رقمك علمود اكلك تعال للمعاينه واني انطيتها الرقم وحفظته بسرعه اتصلت يمي كالت هذا رقمي خلي يمك واني مااحب احد يتصل عليه وماادري شلون سوت نفسها ام الشرف وهيه اصلا مبين ميحتاج احجي
نرجع لثناء /اني من شفته هيج ويتصل ونافخ نفسه تخبلت كلت مايتفوت اني جمعت من المعاملات مايقارب 25مليون ومخليه 4شدات بل جنطه خاف احتاج اخذت رقمه بحجت المعامله وكلت لازم اتصل بسرعه علمود يعرف رقمي والله طلعنه سوه وشفت سيارته راقيه تموت عرض عليه يوصلني واني ماصدكت صعدت بسرعه وانطلقنه فتح اغاني نازكه واجته مخابره الحك فلان مسوي حادث كام يدك عله الستيرن واني شفته معصب كتله عفيه نزلني هنا جان يندارلي ويكلي ولج انتي شنو قصتج اشتغل عندج اني الصمي لمه اوصل سكتت وهوه قبل لااوصل للبيت كلي اعتذر صيحت بوجهج هذا اخوي طالع بل سياره ومسوي حادث وهاي السياره عزيزه ماخذها من برا ومن هل سوالف كتله لا مصار شي احسبيها عليه نزلت واني طالبه من مطعم اكل الي وللشايب ودخلت بي كلت للشايب جنت بل سوك وهلكت من المسواك  صدك سبحت ونمت واني افكر بهذا الولد اخذ كلبي ماعدت للعصر وجهازي يدك شفت الشاشه ولنه رعد الولد ابو المعامله جاوبته هله عيني هوه راسا كال الله يخليج خومازعلتي عليه مااكدرت ارتاح لان عصبت عليج واني بداخلي كمت اركص كلي بس اني اشوفج واراويج الصور شلون السيارة متاذيه واني متهمني الفلوس بس لان اعشق لونها ومديلها ومخليها بس للسفرات  ظل يحجي واني مامصدكه وكلي اني عازمج عله غدا باجر كتله مااكدر كلي يعني ماراضيه عليه كتله لاوالله بس اني مزوجه وخاف ولد زوجي يشوفني كلي هاي محلوله عدنه بل بيت هنا قبلت كلت اتعرف اكثر عليه وصدك ثاني يوم كمت اتصلت عليه وطلعت للشارع واجه اخذني وكلت للشايب اختي عازمتني وصلنه لبيته ستغربت البيت يجنن بس مابي احد بس وحده وثنين ولد الوحده مبينه موراحه لبسها كله دلع وقصير ورحبت بيه بس مبينه ماتبلعني ماهتميت الها كلتلي تعالي استراحي علما نكمل الغدا كتلها اساعدج كالت لا مجهزه كولشي ذبيت عباتي وكعدت عادي وكنما اعرفه من سنين والولد اجو سلمو عليه مرتبين بس شكلهم موراحه وهاي البنيه الي وياهم كلهم يتحارشون بيها وهيه تظحك استغربت هاي شلون كلهم وهيه كالت اني مرت اخوه ماطولت ساعه وجابو الغدا وطلعو بقيت بس اني ورعد كلي تفضلي اكلي ولاتستحين مني احسبي نفسج بيتج كملنه اكل غسلت ايدي وكلي تعالي شوفي الصور مالت السياره موحقي من اعصب الصراحه الصوره الي شفتها مالت سياره مدمره بس هيه احدث نوع واني ضجت عليه كتله ولايهمك تتعوض ربك كريم 
كلي اشربي جاي وخلي اوصلج بس لازم تعيديها هاي الجيه لان صار بينه زاد وملح واني يشهد الله عليه بعمري ماحبيت ولانظرت لشخص مثل رعد حسيتها ملاك وكلت هذا الي راح يعوضني بقينه عله اتصال يوميه مره حجة المعامله ومره اسال عله السياره الى ماصار بينه موده وكمت اتخبل اذا ما اسمع صوته
رعد /طبعا من اخذتها اوصلها سويت فلم السياره عليها والاعتذار طبعا بقت شغلت البيت كلت شلون نرهمها كلي صاحبي شوف اني عندي ولد صاحبي مسافر نخليها بيته وبقت لازم مره موجوده فااني عندي وحده من البنات الي ارتاح الها اني وجماعتي جبناها تمثل دور مرت اخوي ومشت عليها بقينه ايام اتصال وكذا الى ماخليتها تتعلق بيه وصارت تتخبل اذا ماتسمع صوتي كلت هانت وراح ابدي اقط صدك يوم يومين تلاثه مااتصل عليها كلت اثكل نفسي عليها
ثناء /اشو فجاء رعد راح مني لااتصال لارساله بقيت الوب وين راح وشنو سوه كمت اتصل ينطيني مشغول