نهاية الطريق المنحرف

البارت الرابع عشر

لا أخاف من فقدان أحد ، أنا أخاف من أن أفقد نفسي وأنا أحاول التمسك بمن لا يعرف قيمتي، ولا يقدر وجودي، ولا يحترم عقلي، ولا يزرع الأمان بقلبي، ولا يعرف قيمة مشاعري النادرة.. أنا أخاف أن أفقد عزتي لأرفع من عزة من لايستحقون.وصار الي صار وخسرت حتى نفسي ولا فاد عزيز ولافاد شي

ثناء /بعد مادخلت الشرطه كالو انتي ثناء كتله نعم كال ممكن تجين ويانه عدنه امر القاء القبض عليج كتله تمام بس البس عباتي كال لامايصير تمشين هيج كتله والله ماانهزم بس البس عباتي  واجيب جنطتي كال تمام دخلت الغرفه واني ابواع رعد وين راح اشو ماكو  اختفه صدك اخذت اغراضي وطلعت الشايب مسكين كام يركض ورا السياره كتله روح للطفل انطي لبوي لايفحط والله رجعو ولده واني رحت لمصيري المجهول
الصراحه ماجنت متوقعه هيج يصير بيه ابني راح وحياتي خسرتها انوب انسجن شنو هل عقاب راضيه بقدر الله بس هذا موقدر اني جرفت نفسي لهيج مكان والله خلصت الطريق كله بس ابجي مااعرف شنو اسوي انوب وصلنه بدون اخذ اقوال ولاشي كاله خليها بل توقيف علما يجي محامي الها خابرت عله اهلي كالت امي احنا متبرين من هيج بت وعاطت بيه حاجيت اخوي الزغير كتله فدوه سموري ساعدني كال راح اخليلج محامي واشوف صدك جاب محامي واجه بعد ساعه ونص من توقيفي خلوني يمهم لمه اجه اخويه مااعرف شنو حجه المحامي وياهم وهمه هم مدري شنو كالو طلعو دزو عليه كال الظابط اي ثناء احجي كتله شنو سيدي كال انتي منطيه العالم صكوك وهاي الصكوك بدون رصيد كتله لا كال احجي حتى نساعدج موبصالحج هيج تحجين والله خفت شنو احجي بيدت اسولف الهم والولد يمه يكتب الي اكوله تسجيل اقوال خلصت كال تعرفين شنو عقوبتج كتله لا كال 12سنه معا غرامه ماليه بقدر 15مليون وعدا فلوس العالم كال مسجل عليج 60مليون سكتت بس نشليت والله حقيقه نشليت شنو 12سنه اخوي كام يبجي وياي كال ثناء اي واحد من اخوتي يجيب اكل لاتاكلين منه ولاتنطين احد كتله ليش كال يردون يقتلوج والله ثكل عليه الضيم كال الضابط للي بل باب كال اخذها للتوقيف والله يريد يكومني مااكدر كام يسحل بيه واني مااكدر امشي زمخ الظابط بي وكله ولك هاي مهما تكون مره واعتبرها عرضك ليش تجرها هيج كتله سيدي مااكدر اكوم جابولي مي وكال لخوي كومها كومني كوه كمت عله حيلي الرعب الي شفته بل مركز دمار وكفيل ينهي كلشي بيه اول مدخلت لغرفه بيها نسوان وحمام والنسوان شكلهن مختلف الي مبينه فقيره والي شرسه والي عاديه بس كلمن وتهمتها اول ماكلت السلام عليكم اجن ثنين عليه كالن موهيج السلام موتني كتل كال هاي التحيه هنا تخبلت يعني الي بل افلام حقيقه هاي موجذب كمت الوج وصحت من غير وعي اجه الظابط الي دخلني السجن كال شكو لكاني مدمايه كالهن كلهن هسه تكولن منو سوه هيج لوتتعاقين كلجن كالن فلانه وبتها بقيت صافنه شنو هنا عوائل كالهم اخذوهن سجن انفرادي وفعلا اخذوهن وبقن يصيحن ويتوعدن الي واني اخذوني لغرفت الظابط كال ثناء واحد بس يكدر يساعدج بس شرط انتي موحمل بهذله كتله اي والله كال بس هذا مايتعامل بفلوس رجال خير راح احجي وياه واشوفه يكدر يساعدج
رجعت واني كلي امل بقيت بل مركز والعالم مخبوصه عليه برا الي يريد يكتلني والي يريد يخليني بل سجن ومااعرف شنو ذنبي اني غلطت بس غلطت لان محد ساعدني محد كلف نفسه وعلمني الصح والخطا طلبت تلفون من مره بل سجن وياي كالت بفلوس كتلها تمام والله اتصلت بهناء وكتلها شوفي هناء والله اذا مديرين بال لبني واذا متجيبيلي مصرف اسولف لهلي شنو تسوين بكربلاء هيه خافت كتلها ماعندي شي اخسره
كالت الصبح الفلوس يمج وابنج راح اخلي يمي ولاتهتمين بس كالت خاف احد يشوفني كتلها والله اني كلت العندي  سديته منها وانطيته للمره كالت ترا المكالمه ب5كتلها ميخالف بقيت بل سجن مده شهرين يوميه للمحكمه واستأناف ماادري شنو
لعبت نفسي وهذا الظابط ماكو منه اي خبر سكتت كلت يجذب 
والله من بعد الشهرين اجه الظابط وده عليه دخلت غرفته كال تفضلي بنتي  لاعبالج نسيت سالفتج بس صارت عندي ضروف كتله عادي ولايهمك كال بابا حجيت ويه الرجال وكمل كلشي الج يعني بس تجي محكمتج احسبي نفسج افراج والله اخوي انطه المحامي مليون وكلشي مسوه بس يروح ويرد 
الصراحه تمنيت اهلهل من الفرحه بس دنكت عله رجله وبستها وكتله سيدي اكو شغله راح احجيها بس الك واريدك تساعدني

يتبع
ملاحظه شنو راح تتطلب ثناء من الضابط
تحياتي الكاتبه احلام مبعثره