نهاية الطريق المنحرف

البارت العاشر

طبعاً مها تكون مايس من حياتك وماترغب احد يبقى امل تعيش لجله واني هل امل انوربي يتقبل توبتي اتجهت للقران والصلاه وادعي ربي يغفرلي ويستر عله جهالي يهدي سر حياة ويه العالم ويرحم حسوني ويحفظلي علي وابني الزغير بس اكو عندك أخطاء لازم تتحمل عواقبهن
‏لقد اعتدت على التخلي والتنازل باستمرار إلى أن شعرت أنني بلا يدين، الآن لم يعد بمقدوري التمسك بشيء
ثناء/بعد ماخليت راسي والافكار تاخذني وتجيبني شنو اسوي جفتني واحد ملثم ولابس اسود وخله سجينه عله ركبتي اني
من فزعي يبست بدمي لااكدر اصيح ولااكدر انهزم ابني بحضني كلي/اي ثناء متردين عليه مو عبالج مااسويها  لاوالله مااخليج براحتج لاوالله اله اخليج تتندمين عله الساعه الي عرفتيني بيها
ثناء /بعد ماتحملت بعدته عني وكمت عله حيلي كتله وهسه شنو تريد تموتني اصلا ميته اني بعد ابني وبنتي من الاخير فلوس ماعندي ولا عندي ذهب كلشي اخذته انته وراح اشتكي عليك واكلهم باكني اني عبالي يخاف من احجي هيج تالي رجع عليه وموتني كتل وطلع جهازه وكلي شوفي شوفي الي مصخمته انتي الصراحه انتهيت مصورني وياه بطريقه بشعه
رعد /اني كلت خلي اخوفها لان الفلوس العندي خلصن ومرتي تريد مصرف كلت ماكو غير ثناء اهجم عليها واطلع بكم فلس منها بس ماتوقعت اشوفها بهاي الحاله مكسوره ولايهمها شي والسواد مغطي عيونها والجمال البيها كله مختفي كنما عجوز وصدمتني اكثر من كالت شنو تريد تسوي سوي ماتهمني روحي اجت خطه بالي وهيه انو لازم اخليها ترجع تصرف عليه احسها مابيها روح بس كلت لازم انفذ هاي الخطه اخذت ابنها الزغير منها واجيت اطلع نزلت عله رجلي وتبوس بيها مروتك والله مااتحمل اخسر بعد ولد تعبت رحموني تعبت وكفت وكتلها شوفي راح اخلي بس منا لباجر اريد مليون واذا مااجه احسبي ابنج اذبحه بحظنج هيه تخبلت منين اجيب واني مطلوبه كتلها مشكلتج
ثناء /بعد الصار وشفته اخذ ابني لومتت كلت يروح ابني مني
كمت الطم وابوس برجله بس يتركه طلب مني مليون واني كلها تطلبني وعليه صكوك منين اجيب ترك ابني وخله موعد العصر يريد الفلوس مر اليل واني حاظنه الطفل وابجي والله مرت الساعات كنما دقايق خفت لااخسره كمت الصبح بدون ريوك ورحت لبيت ابن زوجي وكتله خاله اندارلك فدوه محتاجه مليون كلي المن ترديهن كتله عندي معامله وبس تخلص انطيك الفلوس كلي ماشي بس اريد ظمان كتله ركبتي سداده كلي متفيد اريد ظمان ملموس كتله شنو كلي بوقته راح اكلج شنو اريد هسه لا اخذت الفلوس ونتظرت هذا الحقير يتصل بيه حتى انطي الفلوس واجت خطه بالي ابوك جهازه عبالي سهله الشغله اتصل عليه العصر وكلي وين الفلوس كتله حاضرات
رعد /اي هسه تعجبيني اريدج مرتبه نفسج وكامل اناقتج وحتى تخلين مكياج كتله انته من كل عقلك شبيك ولله لواموت مااجيك ولااسوي الي تريده بعد مااريد كلشي بس كفني منك ومن شرك واله انتحر واكول منك السبب كلي بيج حظ سويها سديته منه بغضب ورحت سبحت وتوضيت وصليت صلاه هديه لبني وصلاتي وقريت قران  ودعيت الله يخلصني منه
رعد /بعد ماثناء سدت الجهاز بوجهي تخبلت منو مسويتها بيه قبل بساع اله اندمها والله واتصلت ماترد لمه مليت جاوبت كالت جاي اقرا قران لبني شنو تريد كتلها تجين والفلوس بيدج وتركعين جوه رجلي واشوف اذا اكدر اسامحج لولاء هيه سكتت بعدين كالت هاي هيه راح اجي انطيتها العنوان وصدك اجت بس وحدها وجنها عجوز اقرفيت منها لزمت الفلوس بيدها وخلتهن بجيبي وراها ركعت عله رجلي حبتها وكالت اعتقني مروتك مااريد كلشي بس رحمت الله اعتقني خليني ادبر ضيمي والمصايب الي عندي الصراحه كلبي رف عليها بس عندي طغيان وكراهيه للنسوان موطبيعي اكره شي اسمه مره صح اتمتع وياهن واكل بروسهن بس ماارغبهن اموت منهن لان امي سوت شغلات خلتني اكره كل مره وخلتني اوصل لهاي الحاله وحتى من زوجني ابوي بت عمي هملتها وخليت بيت وحدها واني بيت بس اصرف عليها لان هاي عرضي دفرت ثناء وكتلها يالله روحي ومره ثانيه من اتصل عليج جاوبي ومن اريد شي دبري بسرعه هيه سكتت ومشت
واني رحت لبيتي ودزيت لمرتي 500و500الي مصرف وسهرت ونسيت روحي بذاك اليوم
ثناء /بعد هذا الموقف الصار بيه كرهت نفسي وتمنيت لوانتحر بس مااكدر مايطاوعني كلبي بس الشي الي سويته هوه من خليت فلوس بجيب رعد بكت جهازه وسويت نفسي ابوس رجله خليته بصدري بعدين هوه دفرني ربك مانكشفت جان يذبحني والله وصلت لبيتي وغلقت الجهاز وحفرت بل حديقه وطميته بنايلون علمود لايصير بي شي لليل رعد ماكو لثاني يوم بل ليل اني بعد ذيج اليله اخذت حدز اقفل الغرفه عله الرجال المسكين واني وابني هم اقفل الغرفه علينه ابني نادر عمره سنه اذا نام ميطلع صوت ولا يبجي للصبح كمت خليته جوه الجربايه لومويدورون عليه ميلكونه  وكعدت عله الباب اخاف كلشي يصير هذا مجرم واني ورطت روحي وياه والله
بعدني بس اريد اتسطح كلت ماكو شي الساعه 12ورفست الباب شلعت راسي شلع بس الباب قوي مينفتح سويت نفسي نايمه وبعدت الفراش عن الباب لايحس وكلت منو جان يكول فتحي الباب حقيره فتحت الباب وهوه تولاني ضرب لمه نتهيت كلي يالله هسة طلعين الجهاز كتله ياجهاز هذا جهازي شال جهازي كسره كلي جهازي ياحقيره ياك. ح. ب. ه كتله انته شنو تحجي اني كلشي ماعرف هذا الحجي اني الدم يسيل من راسي وخشمي وحلكي خريطه صرت كلي ماكو غيرج الي مدت ايدها لجيبي كتله بيش احلفلك موعندي كلي شوفي
ثناء والله والله اذا طلع عندج اله اذبحج وخلي ادخل سجن
ثناء ماصدكت راح قفلت الغرفه عليه ورحت عله ابني لكيته نايم رحت عزلت الغرفه لان الحمدلله الي يشوفها يكول مفجوره بيها عبوه ولااهتميت لنفسي بس احس بحراره براسي ولاهتميت كملت وطلعت للحمام تاكدت محد بل بيت ورحت غسلت شعري وجهي طلع بس دم من شعري وكام يحركني ولاهتميت نشفت نفسي وكعدت ابجي عله حظي ليش هيج سويت وليش دمرت جهالي وراح ابني بسببي مرت عليه ايام مااتمناها لعدوي  طبعا الصبح عيوني مورمه من البجي وبيها زراك اجت بت الشايب يمي تخبلت من شافتني كالت شبي وجهج مكلوب كتلها ابجي والطم عله ابني وكعت بل حمام كلبت راسي لكت فتحه شكبرها بي كالت خلي اخذج للمستشفى كتلها والله مااتحرك خليني هنا كامت البنيه وجابت
تعقيم وشاش ولفت الجرح سوت ريوك لبوها والي كالت راح امشي اي شي تحتاجيه اني موجوده اليوم هنا تشكرت منها وكمت عندي جهاز قديم صرصر خليت خطي بي خاف اختي تتصل بيه وجان يتصل عليه رقم غريب الصراحه ماردت اجاوب بس كلت خاف رقم اختي ومامثبت اول مكلت الو وجان صوت حياة ها ماما شلونج شخبارج يمه مشتاقتلج والله يمكن من احجي محد يصدك حسيت حسون يحجي وياي من فرحتي بجيت مااكدر اسولف كالت يمه بيبي زينه وياي بس عمو حيدر موزيت يصيح عليه كتلها انتي سباعيه وتحملي عمج وجان يجيني صوت المره ام حيدر الي بنتي عدهم كالت هاي بنتي بعد مالج بيها شغل والله خالتها بعيني نستني حزني وهيه زوجت حيدوري بس يرادله وقت يتقبل الموضوع ولاتخافين بعده ماداخل عليها لمه تكبر هذا شرطي عليه وتشكرت منها ونهينه المكالمه اتصلت اختي كالت انتي وين راح اجي عليج كتلها طالعه زياره لان مااريدها تشوفني بهاي الحاله
رعد /اني ورامااخذت الفلوس ودزيت لهلي  سهرا ونسيت نفسي لثاني يوم اريد اخابر عله اخوي يجيب مشروب وحبشكلات لكيت جهازي ماكو البنات الي وياي طلعتهن مصلخات دورت ماخليت مكان اني موبعازت جهاز اكدر اجيب من اي مكان بس بي بلاوي يعني كل شغلي بي من صور من فيديوهات من مستندات اسماء الي اتعامل وياهم وابيع عليهم بنات والي اخذ منهم حبوب ابيع عله المدارس يعني لاصار بيد احد اضيع من اول فيديو شكيت بثناء ماكو غيرها تعرف رمزه ولهذا رحت عليها لكيتها قافله الباب موتتها كتل ولمه شكيت راسها خليتها فقدت المصيبه تنكر بعد هذا الدك كلت راح تموت بيدي فتشت غرفتها ماكو كسرت جهازها هم ماحجت عفتها جنازه وطلعت بس من طلعت شافني ولد سويت نفسي جنت مسير عليهم كلي انته منا كتله اي كلي مااعرفك هذا بيت جدي واني اعرف اخوت مرت جدي كتله اني ابن عمها جنت مسافر واجيت اعزيها ومشيت بسرعه لايكلبون عليه وهوه بقى واكف ويتذكر وين شايفني
يتبع
ملاحظه
السلام عليكم حبايبي الاخت صاحبت القصه تكول اني مااختاريت اسم القصه اله عله طلب منهم ياريت لوهمه يختارون العنوان المناسب
شغف العار
الطريق المنحرف
نهاية الطريف المنحرف
تحياتي الكم الكاتبه احلام محمد
لاتنسون دعمكم حتى استمر