نهاية الطريق المنحرف

البارت السابع عشر

چنت اخاف فراگكم
من چنتو يمي
چنت اگلكم
كلشي سوو ولاتغيب
وجوهكم فد يوم عني
بدونكم المَن اغني
ثناء/حاولت اقوي نفسي علمود ماتهزني العالم وانحرف مره ثانيه الدنيا والعالم اكبر مغريات للانحراف بس الي يقوي نفسه
وميهتم للناس هذا يكدر يعيش ومنو يخليك تعيش بسلام اذا كلها تحاربك حتى الضروف

المهم كمت اشتغل واجمع فلوس واسدد الي عليه ولو الي عليه هواي مااعرف وين جان عقلي من خسرت هلكد مبالغ عله حسام  بس مااشتغل بل علن

لابسكوت لان اهلي ضدي وبيت زوجي هم وزوجي كمت انظفله واطبخله وشويه شويه جاي اكسبه بس احسه متغير ينسى وخامل ولااله خلك لشي كلت لبنه ابوكم محتاج واحد ياخذه للطبيب كلي ماشي جهزي والعصر ناخذه وفعلا جهزته واجوي عليه واخذو

مااخذوني وياهم  عادي اهم شي الرجال يكون بخير عل اقل خيمه كدام العالم ماطولو رجعو كالو لازم عنايه اله خاصه  كلت ماعندي شي اخدمه وفعلا عالجته ونظافه ومخليت شي ينقصه بس مااعرف شنو بي ولاكالو شنو مرضه  بس عليه اقوم بل واجب مثل الممرضه
وابني علاوي يجيني بل ختله من اهلي خاف يظربو او ابوه يكعد عندي للعصر حتى اخوه تعود عليه بدا يتعلق بي اما حياة فاكولشي مااعرف عنها ولاشنو صار الها بس كلبي عدها هاي وحيدتي ماعندي غيرها اكو ناس من جها مجهوله يدزولي مصرف كل شهر بضرف مااعرف من منو بس يجي واحد يدك الباب وينطي الفلوس ويمشي دائما اسائله يكول من اهل الخير   المهم يساعدني هذا الضرف بهواي امور اسدد منه ديني بس بقت حسبه بالي يصير الفلوس من
رعد زين معقوله ضميره صحه ويريد يصحح الي سواه مااعرف  بس الي اعرفه رعد لاذمه ولاضمير هذا انسان مستهتر مشت الايام واجت سنويت ابني واهلي منعوني احضرها وسويت بيتي ثواب لبني وجبت ملايه وعزمت فقط جيرانه والي هنه نسوان الولد ولد زوجي بس تفاجأة بوحده ولابالي ولااتوقع اشوفها من اجت

حياة/ من عرف حيدر اني حامل حار شنو يسويلي دللني دلال وعمتي هم تحبني والبنات كلهم فرحانين بيه وحيدر كلي احجيلي عن امج حجيتله بس مومثل مايريد لازم مااخليه يعرف ماضي امي فاكلي هسة منو يصرف عليها وزوجها رجال جبير بل عمر كتله والله ماادري مااعرف شنو يدور باله بس احسه اكو باله شغله

حيدر /من حجتلي حياة عن امها كسرت كلبي يعني هيه مره لاحول ولاقوه ولاالها اذيه عله احد ليش يتخلون عنها اهلها يعني المره مايعرفوها اهلها اله لمه تنحرف وتمشي بغير طريق والله هاي مورجوله اسميها هاي ولايمها الرجوله بمكانك لازم تترقب اختك شنو تحتاج وشنو تريد اذا عد زوجها وزوجها ممقصر وياها هاي اراقبها لمصلحتها خاف يصير

دلالها زايد واذا زوجها مقصر لازم اني مااقصر بس مااعرف عله شنو يسمون زلم كمت كلت خطيه هذا يتسمه صدقه بثواب اخوي الي توفه واصلا احنا من اخذنه الفصل مالمسناه خليناه نوزعه بثوابه بس الضاهر هاي ثناء احق بي كمت كل شهر ادزلها 500مرات300الف واحذر الولد لايكلها وخليت مراقب عليها كلي المراقب اهلها مسوين سنوية ابنها ومادازين عليها وهيه مسويه عله كد حالها وتريد تجيب ملايه كلت اني ليش مااسوي شي يفرح

حياتي وخلي اسمحلها تروح لمها علمود سنوية اخوها وفعلا كتلها حياتي معزومه يم عمتي قرايه كالت والله مااكدر كتلها عله حسابي واكدت لازم تلبس اسود وهيه كيمر وبطنها كبرانه طالعه لعابه طلعنه هيه ماتطلع فاماتعرف الطرق كتلها انزلي انتي وحدج ويمته ماشبعتي  ومليتي اتصلي عليه كالت والله استحي وليش عمه مااجت وياي كتلها هسة تجي وراج وكفت بل باب ودكيته طلع مفتوح كتلها ادخلي وصعدت بل سياره هيه دخلت واني رحت
حياة /من دخلت يربي ذوله موبيت عمته هذا البيت المن زين هاي قرايه واني مااعرف النسوان واذا اتفاجاء بوحده بوجهي خذت حيلي من الصدمه كمت اركض من غير وعي نسيت اني حامل وحضنتها وهيه هم وكمنه نبجي ماادري من الفرحه ماادري من كد الفراك بوستها واني ابجي
ثناء /والله شفت بنتي ردت روحي عبالك حسوني رجع من الموت اليه وانوب تفاجاة اكثر من شفتها حامل نسيت حتى النسوان وبقت حاضنه بنتي كملت القرايه والتوزيع والنسوان كلمن راحت لبيتها بقيت ويه بنيتي واني ممصدكه كالت ماما والله مرتاحه اهلي مدلليني وزوجي يحبني بس الحمل متعبني بعدني بشهر الرابع وبطني ثكيله
مااعرف بس حسيتها بيها توأم كتلها تباتين يمي كالت ياريت بس اشوف حيدر اتصلت عله زوجها
حياة اتصلت عله حيدر وكتله تسلم عله هاي الفرحه والمفاجائه حبيبي كلي عمري كلي لمج لاتسوي عشا اني حاجيب ونتعشا واخذج ونمشي  عرفت مايقبل ابات همزين مافاتحته بل موضوع كلت لماما وكالت تمام
صدوك ورا الصلاة واجه جايب عشا وزوج امي هم كعد يمه وتعشينه والله فرحتي ماانطيها لااحد بس امي قبل لانطلع كالت لحيدر عيني بلازحمه حياة لازم تعرضها عله طبيبه مره ثانيه لان كبر بطنها يدل عله حمل بتوأم والله حدوري مصدك
الطريق كوله فرحان ويهوس وعبالك عدنه زفه خطيه والله اول ماوصلنه للبيت وكال الامه الحجيه فرحت كولش وكالت باجر ناخذها ونتاكد وفعلا عله ثاني يوم رحنه للدكتوره وسوتلي تحاليل وسونر  بس الدكتوره من شافت السونر ضاجت كولش وكالت اريد احجي ويه زوجها لازم يجي الحجيه يمه موجود زوجها حاصيحله وفعلا ثواني ودخل
حيدر /السلام عليكم
الدكتوره /وعليكم السلام تفضل
حيدر /دكتوره دازه عليه
الدكتوره نعم بس لازم المريضه تطلع ترتاح برا واني افهمك عله العلاج
حيدر اشر لمه بان تطلعني من العياده
ماادري حسيت بخوف موطبيعي كلي كمت انخض من الخوف 
حيدر فهميني دكتوره شنو بيها زوجتي
الدكتوره والله صعبه احجي هيج بس لازم تعرف زوجتك عدها ضعف بل قلب والحمل موزين عليها واني مجنت اعرف
اله لمه اجريت الها فحوصات وتخطيط قلب الوضع كلش صعب زوجتك بشهر الخامس يعني اله عمليه تنزل الجهال
والعمليه خطره عليها هم بكله الحالات حظر نفسك زوجتك بخطر
حيدر من فرحت بزوجتي وحياة ورده مالت الله تنحب كولش
وكلبها طيب واهلي كولهم يحبوها وانوب حامل والله مامصدك يمته اصير اب لان اني جبير وماتزوجت بعد ماطلقت زوجتي بس الخبر اليوم الي كالته الدكتوره دمرني دمار مااعرف شلون اتصرف اوشنو اسوي
يتبع
حبايب كلبي اسفه تاخرت عليكم
انشاء الله اعوضكم
الي اريده منكم تصويت للقصه حتى استمر