نهاية الطريق المنحرف

البارت الثالث

البارت الثالث
ثناء بعد هاي الحادثه كمت احذر ومالي دخل بااحد وحسام كام يشك بيه وينظرلي نظرت استحقار هوه كبر وصار جسمه حلو وعظلات بس للأسف امه خلته يتمرد عله الكل بدون استثناء ومايهتم لشي واني صرت لعبه بيده ساعه يظرب ساعه يهين غير الفشار قررت انتقم منه وشنو انتقامي اخونه وارجع لحسن غبيه موبيدي وفعلا بمحرم يوم العاشر العالم قبل تجمع بيت واحد وتبقى للصبح علمود اداء العزوات واني ماشيه ويه اخواتي شفت حسن اشرلي بس مكدرت اروح اله سويتله اشاره بان حاجي وفعلا بنات عمي واخواتي واني وصلنه لبيت الساده الي نبقى عدهم للعزا اني من شفتهن دخلن طلعت صاحن عليه ماقبلت ابقه كلت راح ارجع انام استحي ابقه هنا وهنا ايسن ورجعن للعالم واني سويت نفسي لبيتنه بس لارحت لحسن ونمنه سوا للفجر بس حظي الاغبر خله شباب من منطقتنه شافونه بس منتبهت رجعت للبيت ومحد لاحظ اني وين جنت رجعن البنات الصبح وعادي مصار شي وعدا شهر والشهريه ماكو واني خفت كمت اروح لحسام ويطردني واني الوب شلون اقنعه ينام يمي لان عرفت نفسي حامل بس مكلت لحد ابد الى مامره اجه من الشغل وتعبان واني غسلت رجلي وسويتله مساج وحاولت وياه لمه لان واخذت الي اريده بعدين صحه عله نفسه وطردني بقيت 9اشهر اني كاتمه الحمل لان ضعيفه وجسمي مرتب مايبين الحمل ومااعرف الله اله بيها حكمه مابينت ابد الى يوم الطلك كلت اجيب واخنك الطفل احسن مايعرفون وشغله ثانيه اني محزمه بعباتي كلشي مامبين مني فااجاني الطلك والوجعات القويه واني كاتمه حتى صوتي وحدي بل غرفه مالت امي مخليتها مثل المخزن واني كملت شغلي وكلشي جهزته الهم حتى لايصيحوني وعمتي ماموجوده عدبتها وامي مسيره وابوي وياها اما حسام فاهذا كام يشرب ويجي متاخر عصرت نفسي كلش لمه وكعت البت مني وصرخت وهذا ابد مامحسبه حسابه هيه صرخت واختي دخلت عليه وبت عمي اني فقدت من الهبطه مومن الم لان نكشفت اختي هيه صرخه وهيه وكعه عبالها حن وبت عمي طلعت تصيح اهلنا وي حظي الاغبر اجه ابوي وامي وحسام واخوتي ابوي ترس المسدس طلق وتحضر وحسام سجينه دخلو عليه كتله بويه والله من حسام اني تحايلت علي مره وصارت هاي البت ابوي بقه صافن كله صح كله بس مره ومن 8اشهر هنا ابوي صار وياي بقى حسام يريد يذبحني يهدد بيه والله مااتمنا الموقف لااي وحده موتني ضرب واني نفسه والطفله امي لفتها وابوي طلعني كوه من بين ادين حسام وانوب طلع حال اخوي الجبير واخوي مدلل وكح كلش كله هاي موبنتي هنا هوه واخوي يردون يذحوني اني لمو ملابسي واخذوني لبيت عمي الي بل ولايه لان عمي شويه يخاف منه حسام واخوي وقفلو عليه الباب وابوي رجع للبيت علمود يهدي الأوضاع ومااعرف ابوي حتى لويشوفنه غلط يساعدنه عليه للأسف ليش ماحسام طلع بل ساحه الي بمنطقتنه يلعب طوبه وتعارك ويه ابن جيرانه وحسام فشر عليه كله انته تفشر عليه روح ضب مرتك يوميه بحظن حسن وهنا كبرت المشكله اكثر وحسام داجه بسجينه بضهره وصارت هوسه بل ساحه وصل الخبر لبوي وانوب عمامي وقبل مايرحون يتاكدون رجعو ابوي وعمامي عليه وملخوني تمليخ وقررو ذبحي اني مابل يد حيله كلت خلص خلي اموت احسن
واجتني عمتي ام زوجي لبيت عمي وكلتلي ها ام النغوله هنا حتركت روحي كتلها عليمن اطلع واني مكابلتج والله قبل ماانذبح اخليهم يذبحوج وياي اكلهم منو سوه بيه هيج احسن الج تقنعين ابنج عله الطفله وتحلين كل هاي الهوسه صدك والله هيه راحت بس مااعرف وراها نتيجه لا ثاني يوم سبحت ورضعت الطفله وبوست جهالي وخليتهم بحظني خاف اموت
وماشبعانه منهم وندكت الباب دخل ابوي جان يكول حسام اعترف ويكول هاي بنتي بس اني مااريد ثناء اريد اطلكها اكرها والعالم اعتذرو ومشو كالو ابنه جذاب يريد يحرك روح حسام وكلشي نحل فا ابوي قرر يطرد حسام من بيتنه الجبير وكله ماترجع اله ابد انته وامك واخوتك لان فضحت بنتي واني رجعت ويه ابوي معززه مكرمه ولاعبالك مسويه شي
والبنيه سميتها حياة بس اخوي شد عليه يطلع يضرب يرجع يضرب رغم اني مدللته واخاف منه شافله ابوي شغله وارتاحيت منه للعصر يالله يجي وحسن كمت احره اسمه لان تخله عني ومايعبرني من اوكع بشده جهالي كبرو وابوي قرر يزوج اخوي
يتبع