*- صباح الخير والفل والورد على أحلى قراء فالدنيا
يالا بقا نبدأ رحلتنا.........
سمرا وهي رايقة ومحتاجة حاجه من أخوها : حبيبي صباح العسل، يالا يا قلبي بقا اصحى
محمد طبعا فاهمها ههه : بت امشي من هنا هضربك
سمرا :عشان خاطري مش هعرف اروح لوحدي انهاردة اول يوم
محمد :-طول عمرك كدا مصلحتك اولا
سمرا :-ليه بس كدا دا انت اخويا العسل يرضيك حبيبتك تروح اول يوم كليه من غيرك ينفع؟؟
محمد :-اه يرضيني، ماهي دي اسطوانة كل يوم.. بكرة هيبقى تاني وبعده تالت ومش هنخلص بقا، انا عارفك والله
سمرا : بقا كدا ماشي انت حر
لما حد يعاكسني هقوله براحتك بقا اخويا المحترم نايم.
ولما اعدي الطريق واموت عشان اخويا مكنش معايا
عادي كمل نوم، بس مش هسيبك برضه هجيلك فالحلم عشان اخدك معايا ما انا مش هعرف اموت لوحدي، ونسيب بابا لوحده بقا ينفع طب نجوزه الاول
كدا بقا وصلنا لحالة محمد وهو خايف بس عا:-بصي بابا صعب عليا خلاص هوصلك، وفكري فاشتغالة تانيه بكرا عشان مش هوصلك تاني
هههه سمرا لما تتأكد أنها خدت اللي عايزاه :-تصدق انت عيل رزل كل دا وملفتش نظرك غير بابا قوم يالا هضربك
ودا بقا محمد لما يعمل روش ويرزل على سمرا :-يا بنتي طبعا لازم ابقى رزل مش اخو سمرا،وكمان متقدريش مهونش عليكي يا سكر
سمرا وهي مسيطرة ههه :-ماشي قوم يا اخويا يالا بسرعه البس تكون لبست فاهم؟
وهنا بقا محمد وهو بيحاول يبقا كبير وراجل وينصح أخته اللي مبتسمعش لحد :بالله عليكي غيري لبس الرجالة بتاعك دا انا تعبت منك ومن تفكيرك يا بت اتعدلي..
دي بقا سمرا هانم لما تحاول تعمل نفسها مقتنعه لا ومش كدا بس دي هتقنع أخوها كمان ههههههههه :-بالله عليك انت واحده من تلت سنين متربيه مع اتنين رجاله (لا سوري مع راجل وربع هههه) واصحابها معظمهم شباب عايزها عامله ازاي.....
محمد وهو بيحاول يبقا عصبي على أخته :-انت لسانك دا هقصه قريب ربع مين يا ختي انا ارجل منك
سمرا -هههههههه اه ما انا عارفه انك ارجل مني قوم البس بسرعه ، عارف لو لبست قبلك زي كل مرة هضربك
محمد وهو بياخد حقه بهزار ( ناصح برضه) :-حاضر يا ام لسانين مع ان لسانين بس كدا انا ظالمك
سمرا أسرع واحدة تلبس :-ميمي يالا انا جهزت اخلص بقا
محمد وهو راجل بقا :-مش قلتلك اسمي محمد...ايه ميمي دي
سمرا وهي غيرانه على أخوها :-ميمي حبيبي البس واطلع وبطل ترتيب فنفسك اصلا لو في اي واحده عينيها جات عليك هطلعها من مكانها
محمد وهو زهقان منها :-استغفر الله ميمي برضه انت اخرتك على ايدي، انا اكتر حاجه مفرحاني اننا كل واحد فكليه مختلفه...
سمرا وهي عامله نفسها ناصحة :-طبعا يا قلبي انا مرضاش اخرتي تكون الا على ايدك ، وبالنسبة للبنات وإن الكليه مختلفه عني فأنا فأي وقت هتلاقيني قدامك وتبقى واحده تفكر بس
محمد :-يالا يا ختي اوصلك واخلص منك يوم فحياتي
سمرا وهي واثقة فنفسها أوي ( مع إن أنا خايفة الثقة دي تبقا من غير أساس ) : متقدرش تخلص مني، وهتقعد تفكر فيا وترن عليا وساعتها مش هرد عليك عشان تعرف قيمتي
محمد كدا بقا هو طنشها خالص :-بابا انا وساره ماشيين بعد اذنك
الدكتور الوالد بقا : -خد بالك يا محمد من اختك
سمرا -بابا دا اسمه ميمي هههه
الدكتور الوالد وهو فاهم وعارف أن دي بداية البعد عن بعض تقريبا وبينصحها : كفايه بقا هيزعل منك
سمرا وهي واثقة فأخوها زيادة :- دا مبيزعلش ولا يقدر انا اصلا محدش يزعل مني
محمد وهو بيهزر :- بابا اخد بالي من مين دي تاخد بالها من ميه زينا، وبصراحه عندها حق العبيط مينزعلش منه هههههههههههههه
الدكتور الوالد وهو بيهدي الدنيا هو اكتر واحد فاهمهم وتقريبا عارف اخرتها أي :-بس بقا خلاص كفايه انتم الاتنين عيب انا واقف
محمد وهو بيحترم والده :- حاضر يا بابا اسف هوصلها للمدرج مش للكليه بس
سمرا وهي مؤدبة :- وانا يا بابا اسفه بس بعد اذنك لو خلصت بادري هروحله الكليه
الدكتور الوالد :-يالا يا حبايبي طريق السلامه
محمد وهو بيتريق عليها: -قدامي يا استاذة الأجيال القادمه، انتي مفكره نفسك رايحه المدرسه اول يوم دا مفيهوش محاضرات،انا اصلا مش عارفه مصحياني من بادري ليه البت هتبقى دكتورة
سمرا وهي مش عارفه ترد وبتتحمى فحد غيرها :-انت عارف لو مسكتش هطلع لبابا اقوله
محمد لما يمسكلها غلطة :-لا بجد ودا من امتى... وفين لسانك قصدي الكام لسان اللي عندك مهما تعملي مش هقتنع انك زعلتي
سمرا وهي مش عارفه ترد :-يا حضرة الرزل اسكت بقا هنركب نكمل بعدين
-كدا انا اطمنت عليكي..لسانك بخير ههه يالا نركب..
سمرا وهي فصراعاتها الداخلية وخوفها الطبيعي مع الزمن والأيام وأن مامتها مش معاها وأنها أكيد زي أي بنت محتاجه لمامتها فحياتها خصوصا أنها كانت متعلقة بيها اوي بس الغريب أن محدش حاسس أو متوقعين هزارها دا سببه أنها معدتش تفتكر مامتها أو أنها نسيت بس بالعكس دي طريقة بتحاول تبعد بيها عن تفكيرها وتشغل نفسها بدل ما تبقا فحالة محدش يقدر يستحملها. ومع أنها بتحب أخوها وباباها ودايما تقول كدا ( ربنا يطول فعمر بابا وميمي بس أكيد لو ماما موجودة كان الوضع معايا هيبقى مختلف كنت أكيد هعرف اتكلم معاها تنصحني ماما برضه )
محمد وهو بيفوقها من السرحان اللي هي فيه :-سمرا..سمرا..سمرا..
سمرا فاقت -ها نعم
محمد -كنتي فين!! وصلنا..
سمرا وهي مش مركزة :-معاك يا حبيبي ماشي هتنزل معايا
محمد وهو مضايق من حركات وكلام أخته :-اولا قولتلك متقوليش حبيبي دي في ناس متعرفش اننا أخوات ، ثانيا أكيد هنزل انت كنتي هترضي منزلش
سمرا وهي بتنصحه بس باستعباط :-طب بالله عليك بطل جز على سنانك تتكسر منك،،وأكيد طبعا هتنزل وتوصلني أنا مليش غيرك
محمد لما يستغربها ويحاول يفوقها :-انت مالك يا سمرا قلبتيها حزين ليه هعيط هههههههه
سمرا لما تقرر تسكت ومتتكلمش :-تصدق انا غلطانه،امشي قدامي يالا
محمد دلوقت وهو جد وفاهمها :-انا عارف كنتي بتفكري فايه....
سمرا كدا اتأكدت أنه فاهم هي بتفكر فمين :-اعمل ايه غصب عني
محمد هنا حنين عليها وعايزها تنسى :-تمام..كفايه تفكير ممكن؟
سمرا وهي مطيعة وراضية :-حاضر....
محمد هنا بقا بيحاول يضحكها :- والآن تفضلي يا أستاذة رسيل إلى جامعتك....عجبتك بتكلم حلو صح
سمرا وهي مغرورة :-هههههههه بتتكلم حلو طبعا مش اخويا الاستاذة سمرا
محمد وهو عامل برنس وفاهم :-طب ينفع أستاذة وبعدها سمرا....
سمرا مش قلتلكم مغرورة :-انا حرة.. وهي ماسكة دموعها لتنزل عشان سمرا دا اسم مامتها المميز ليها .
محمد بقا وهو فاهم وبرنس :-لا يا استاذة لكل مقام مقال ولا ايه..
سمرا وهي مقتنعه عشان لو زودت عن كدا هتنزل دموعها شلال فلازم بقا تلم الموضوع :- دايما تغلبني....حاضر
محمد فاهم أخته تقريبا :- حاضر ايه...
سمرا وهي بتلم اللي باقي فيها قبل الإنهيار :- انت عايز تعصبني واقولك امشي مش هتعصبني..
محمد وهو بيحاول يصدقها ويغير الموضوع :- هههههههه طب يا قردة هانم دلوقتي وصلنا هنروح فين
سمرا وهي بتحاول تنسى أي اللي حصل :- انت بتسألني!! اسأل نفسك مش انت ارجل مني...ههههه
محمد وهو مضايق وعنده حق :-لا كدا هتنضربي في كلام ممنوع نقوله خارج الاوضه بتاعتنا تمام؟
سمرا بدأت تفهم أنه فعلا هيزعل :-انت بتتكلم بجد كدا ليه....خلاص حاضر اسفه متزعلش..
وفنفس الوقت اللي احنا بنتناقش وبنرزل وفالمواصلات مع بعض الدكتور الوالد فالبيت أكيد مش فاضي وتعالوا بقا اعرفكوا والدانا العزيز بيعمل ايه كل يوم تقريبا....
والد دكتور محمد :-يا دكتور عبدالعزيز افتح الباب هفضل واقف كتير كدا
