يختارلي فستان كان دريس جميل اوي لونه بينك وجابلي تربون نفس اللون وكان صك وبدانتيل كدا من فوق ومن على آخر الكم واختارلي شنطة سمرا وشوز أسمر بكعب بس مرضاش يخليني اقيس اللبس وقالي دا مقاسك اتاخرنا اوي عشان مناقشاتي الكتير أنه فستان وليه مش بنطلون وشويا نقاشات على اللون وشويا على الشنطة وشويا على الكعب وإني عايزه أرضي وفالاخر قالي آخر مرة هختارلك وعد وللاسف كانت آخر مرة وياريت مكنش حصل كدا بس زي ما يكون ناوي بقاله فتره أنه يبعد ويسبني اعتمد على نفسي من وجهة نظره أو يتخلى عني من وجهة نظري .....
ووصلنا البيت هو لبس بقا وكان قمركالعادة ما شاء الله أخويا بقا ..
وقالي همشي وتعالي مع بابا قولتله ماشي تمام ودخلت بقا احط ميكب طلعته من اليوتيوب عشان أعمل زيه وبعدين لبست وطبعا اتاخرت أول مرة احط ميكب وغلبس لبس الفضائيين دا هههههههه
وطلعت أدور على بابا ملقتهوش فالبيت مشي وسابني فكلمته قالي هبعتلك السواق يجيبك على ما سواق عمو وصل يدوب كنت بطلع الكروس عشان ألبسها
وبعدين بقا وصلت وزي ما بيحصل فالافلام وصلت للقاعه وطبعا الكل كان عينه عليا مش عشان حلوة وقمر بقا زي الأفلام لأ الفكرة كلها أن اللي يعرفني كان بيشوفني مسترجلة وأخوه الجدع واللي ميعرفنيش شايف بنت كانت عايشه فأمريكا من يوم ما اتولدت وقررت تلبس حجاب ونوع تاني مكنش يعرف أن بابا عنده بنت أصلا ههههه
وطبعا زي الأفلام البنت اللي بيتنافسه عليها لا دا محصلش خالص أنا روحت بهدوء ووصلت عند ميمي وبابا وعمو ومحمد ووقفت جنبهم وشويا مشي محمد وراح يرقص مع بنت يعرفها عادي وميمي خدني عشان ارقص معاه وقعد يتريق ويحفل وشويا فرحان إني بقيت بنت بدل ما الناس بقالهم تلت سنين مفكرين الدكتور عبد العزيز عنده ولدين توأم هههههههه مكنتش اعرف أنه ناوي عشان يبعد ويبقا الدكتور عبد العزيز عنده ولد وبنت .......
وبعدين الحفلة خلصت بهدوء أقصد بواقعية بعيد عن شغل الأفلام والكرتون اللي بوظ دماغ البنات، وروحنا البيت احنا التلاته ونمنا بعد مدح من بابا وميمي وقعدوا يصوروني صور كتير عشان مش مصدقين إني لبست كدا هههههه
والصبح قومنا فطرنا بابا نزل شغله وميمي نزل لصحابه وأنا برتب البيت وكلمت ميمي يجبلي حاجات من السوبر ماركت عشان الغدا أنا مقولتلكوش أنا ست بيت شاطرة أوي جبلي الحاجات اللي طلبتها ونزل عملتلهم بقا كفتة مشوية ورز وسلطة وعجنت وخبزت عيش وعملت طحينة و طلعت مخلل من اللي عملاه عشان ميمي مبيحبش الرز بالكفتة زي ماما أما أنا وبابا بنحب الرز ..
وخلصت الغدا وبعدين عملتلهم صنية بسبوسة بالقشطة تحفة تاكل ايديكم وراها ... عايزين تأكلوا الأكل جوعكم صح ، يوم بقا التوقيع للكتاب هبقا اجبلكم ههههههههههههه
