وصلنا لفندق جميل ودخلنا قاعة الافراح فالفندق وكانت متزينة بطريقة جميلة لدرجة أن لو كانت متزينة ليا مكنتش هتبقى على ذوقي كدا الأرض مفروشة سجاد شبه الورد اللي ميخدش باله يفكرها ورد منثور على الأرض والأضواء كلها هادية زي الشموع والورد متزين بيه المدخل على هيئة قلب ثلاثي الابعاد كأنك داخله فقلب علبة هدايا وفالجانب الأيمن ورد على هيئة طاووس جميل والايسر على هيئة حمامه بيضة والكراسي بتاعت المعازيم لونها موف فاصفر وكل تربيذة عليها فاظه على هيئة برج ايفيل وفيها ورد جميل و الكوشه الفاضية دي اللي شكلها غريب بالنسبالي عشان بابا وعمو ومحمد واقفين يستقبلوا الناس عادي اومال مين هيقعد هناك بس كانت جميلة أوي الزينة فضهرها لون فستاني كأنه بحر والكراسي جميلة وهادية ولونها أسود زي ما كنت بتخيلها أي دا هو أنا فحلم وهفوق ازاي الحاجات دي كلها معمولة بالطريقة دي
وفثانيه الكل سكت وقالوا العريس والعروسة وصلوا والكل وجهوا نظرهم فاتجاهنا وفهمت اخيرا إني دي خطوبتي أنا على الدكتور لا وكل اصحابي موجودين وأهلهم وأصحاب بابا وناس مهمين من كندا وأصحابي من هناك طب اعمل اي اجري واهرب عشان ماخدوش رأي ولا اسكت وابقا ارفض بعدين ولا أرضى وأقول عادي يعني أنا لا بكرهه ولا بحبه عادي يعني ولا أعمل أي بالظبط وفجأة كل حاجه اسودت فوشي وبقت لون واحد ..........
وصحيت لقيت نفسي فمكان أبيض فأبيض لدرجة أني تخيلت إني خلاص انتقلت إلى الرفيق الأعلى هههههه
بس كان في شخص وسيم هو مش الوسيم اللي متعارف عليه للبنات هو وسيم بالنسبالي ضحكته جميلة ووشه بشوش قمحوي وعنيه سمرا وطويل من هيئته كدا بيقول أنه دكتور وأنه لسه شاب صغير يعني ٣٠ سنة ممكن دا كله تحليلي بس هههههههه
وبعدين بدأ يتكلم ويقولي قوليلي بقا اسمك أي سمرا ولا رسيل لقيت نفسي تلقائي بضحك وبقوله اللي يعجبك ههههه
قالي رسيل أحلى معناه أي بقا قولتله الماء العذب قالي أه جميل الاسم دا ومعناه اجمل قولتله بقا عارف أي الاجمل قالي أي يا لمضه ههههه قولتله أنه اسمي هههههههه
قالي طب هطلع اطمن اهلك واللي كان مفروض يبقا خطيبك قبل ما يغمى عليكي من اسبوع
كل اللي قاله صدمني وحسيت إني مخنوقة ومش طايقه نفسي وروحت معيطه بس بهدوء من غير أي صوت كالعادة
هو أخد بالع وقالي عايزه تحكيلي حاجه قولتله آه عايزه طلب عايزاك تقول لاهلي والخطيب المزيف اللي هم مختارينه إني وقعت بسبب مشكلة فالرحم وإني مش هخلف تاني
قالي بس ...
بس أي مش موافق ليه بس أنا مش هرضى بواحد اتفرض عليا
قالي اهدي قولتله مش ههدى إلا لما توافق
قالي اسمعيني فولتله لا بعد ما توافق هسمعك
قالي موافق بس ....
طالما وافقت هسمعك بقا قولي عايز تقول أي
قالي اولا انتي أغمى عليكي من صدمة شديدة قولتله تمام أنا عارفه
قالي بس اللي متعرفهوش أنك فعلا مش هتخلفي
أنا بقا انصدمت ولاول مرة معيطش وهديت وبكل هدوء قولتله وهم عرفوا قالي أه كلهم
وفلاش باك افتكرت أول مرة قابلت الدكتور كامل وهي خارجه فيوم من الكلية وقاعده بتعيط فمكان عام وصوتها مش طالع هي بس عنيها بدمع وماسكه رواية تقرأها فراح لعندها وعدلها الكتاب اللي كان بالعكس وطلع منديل وادهولها ومشي
شايفه الاستغراب اللي على ملامحكم ….
اه هي عارفه الدكتور من قبل كدا هو الدكتور النفسي اللي بتروحله
اقفله بوقكم ههههههههه
اه هي عارفه الدكتور كامل وهو دكتورها النفسي وعلفكرة باباها وأخوها ميعرفوش أنها بتروح لدكتور وميعرفوش أنها عندها صدمة عصبية أو بمعنى أصح جرح نفسي بعد موت والدتها وأنها كانت بتحاول تعوضه بحاجات كتير عن طريق علاقتها معاهم بس هما مفهموش دا للاسف.......
رسيل بكل هدوء وراحة أعصاب وهم صدقوا طبعا اللي انت قولتهولهم
د. كامل باستغراب أنا عملت اللي انتي عايزاه مع أنه تصرف غلط بس هنتكلم فيه بعدين بس عندي سؤال محيرني
رسيل بكل ثقة ردت قبل ما ينطق عايز تعرف اي اللي عرفني أنه هيتقدملي ويعملي مفاجأة وإني هجيلك هنا صح
رد الدكتور باستغراب اكتر بالظبط أي اللي عرفك
ردت رسيل وهي بتبتسم ابتسامة هادية وفيها انتصار الموضوع بدأ من أول يوم ميمي بدأ يبعد عني وخصوصا من يوم ما لبسني دريس ممكن حضرتك تشوفه تصرف عادي بس بالنسبالي لا مكنش عادي خالص وبعدين تاني حاجه لما قريبة د.محمد جات البيت عندنا وآخر حاجه لما بطل يوصلني ويجبني واللي كمل الموضوع بقا يوم ما حصلي الموقف المشؤوم اللي يومها حضرتك شوفتني فالكافية قبل ما اروح البيت من يومها بقا وأنا عارفه كل حاجه وأي حاجه حواليا واقنعتهم إني عروسة بخيوط وهم اللي بيحركوها ميعرفوش إني قطعت الخيوط دي من زمان
رد د.كامل بهدوء مبالغ فيه وخوف عليها طب اهدي عشان انتي فعلا مريضه
ردت رسيل باستغراب مفيش حد فالاوضه يا دكتور
رد د.كامل بحزن انتي أغمى عليكي بجد واحنا عملنالك تحاليل ومستنيين النتيجة تطلع ، أنا قولتلهم اللي عايزاه عشان متتجوزيش على مزاجهم ومن اختيارهم خصوصا إنه بيحب الاطفال بس الاغماء دا كان بجد ولازم نستنى التحاليل ، ارتاحي دلوقت ونتكلم بعدين فكل حاجه وتحكيلي اللي لسه معرفوش...
رسيل بتعب وإرهاق وخيبة أمل أنها ممكن تبقا تعبانه بجد حاضر ..
في اللحظة دي دخل والدها وأخوها ومحمد مع دكتور أمجد وعرف أهلها على دكتور كامل وعرفهم عليه واستأذن دكتور كامل وخرج وقالها هعدي عليكي آخر اليوم
د. عبدالعزيز طمنا يا دكتور سمرا عامله أي
رد الدكتور بخير الحمدلله بس هي محتاجه راحه ومتتكلمش كتير عشان باين مش بتاكل كويس
رد ميمي مبتاكلش أي يا دكتور بس دي مخلصه فلوسها على الاكل هههههههه
رد الدكتور وهو مبتسم ماشي يا لمض سبها ترتاح وبعد نتيجة التحاليل هنفهم مالها واي سبب الدوخة عشان دي مش اول مرة
سمرا وشها أزرق وكأن حد دلق عليك جردل ثلج فعز الشتاء وبرتعش وحست أنها هتنكشف
دقيقة كدا معقولة تكون عارفه تعبانه مالها وساكته ربنا يستر
نرجع لابطالنا
رد د. عبدالعزيز يعني أي مش أول مرة مش فاهم
رد محمد بعصبية يعني أختي تعبانه وحضرتك متعرفناش يا عمو
ودي كانت تاني صدمه عمو
اهدى يا محمد أنا معرفش الا من الممرضة أما شفتها فالاسعاف قالت دي جات تاني بس المرة دي يا دكتور لازم نعملها تحاليل عشان كل مرة تفوق وتمشي ومترضاش تستنى حد
د. عبدالعزيز تمام تمام دا مش غلطك دي غلطتنا أننا انشغلنا عنها وفكرناها كبرت
رد د. أمجد اهدى يا عبد العزيز هتبقى بخير بإذن الله بس لازم نخرج دلوقت عشان نسبها ترتاح شويا وبكرا نفتحلها مواعيد زياره عشان صاحباتها اللي مستنين معاد الزيارة وشاغلين كل تلفونات الاستقبال كل نص ساعه واحده تتصل فيهم
رسيل بقا باستغراب وخوف هو لسه في بكرا أنا كويسه الحمدلله
رد دكتور كامل انتي فعلا كويسه وأول تحاليل وأشعة عرفنا حاجه غريبة مكناش نعرفها عنك
فاللحظة دي قاطع د. محمد د. أمجد اللي مسمعناش صوته لحد دلوقت وكأنه شايل ذنبي مش وقته يا دكتور ولا أي حضرتك لسه بتقول محتاجه ترتاح
خلاص ياعم هسكت حاضر طلباتك أوامر يا ابني أخويا هههه
رسيل بقا تلاشت كل دا طب طالما حضرتك عملت تحاليل وعرفت اللي عندي أي لازمتها أفضل بقا هنا اكتر من كدا
رد دكتور أمجد بهدوء لأن أي اللي ظهر فالتحاليل مش سبب الدوخة ارتاحي أنتي دلوقت وهنتكلم بعدين كتير .
وخرجوا كلهم برا وقالهم لازم تتكلموا مع دكتور كامل وتسمع منه يا عبدالعزيز بهدوء انت دكتور ، اتخض د. عبدالعزيز وقاله هي سمرا فيها حاجه قاله هي جسديا بخير أما نفسيا لا والافضل أنك تسمع دا من دكتور كامل هو اكتر حد هيقدر يوضحلك
رد ميمي ومحمد فنفس الوقت وطلبوا يكونوا موجودين وقت كلام دكتور كامل
وفاللحظة دي قرر الدكتور كامل يحكي لأهل سمرا عن مشكلتها وجرحها النفسي عشان يساعدوها وكدا يبقا عملها اللي عايزاه وقالهم أنها لن تنجب مرة أخرى وفنفس الوقت يحللها مشكلتها النفسية وبعد كدا لوحدها هتصلح الكدبة دي بهدوء بس تكون رجعت لطبيعتها الأول
الباب دق سمح لهم بالدخول وسأل والدها سمرا بنتي فيها أي
د. كامل خد نفس طويل وقاله اتفضل حضرتك وأنا هقول لحضرتك
يتناوب الناس المصابين بصدمات نفسية بين محاولة تجنب ذكريات الإصابة النفسية وعواقبها (إلى حد التفكك أوحالات ما يشبه الغيبوبة) من جهة، والمباغتة بالهجوم المفاجئ للذكريات (ما يسمى بالارتجاع) من جهة أخرى. الذكريات هذه غالبا ما تُستَرَد إلى الوعي بسبب لمحة، احاسيس معينة أو مشاعر، أوروائح أو بتأثير عوامل محركة محددة تذكرنا بالصدمة لتؤدي إلى ردود فعل على شكل أحساس خاصة بالمخاوف، دون أن يُعــْـزي الشخص المعني غالبا ذلك إلى حادث الصدمة النفسية.
حتى إن هذا يمكن أن يسبب، في أن يرفض بعض الأشخاص المساعدة الطبية اللازمة على سبيل المثال، لأن هؤلاء الذين يعانون من الصدمات النفسية يرون ذلك، على أنه خطأ في الإجراءات العادية، ويتجاهلون الوضع ببساطة، ويعتبرونها غير موجودة أصلا (الرفض والتنكر) ليوحوا لأنفسهم بأن جميع الأمور عادية وكل شيء طبيعي.
يتحكم ذلك بالسلوك اللاوعي، ويصوغ هذا جزئيا شكل العادات التلقائية للاستجابة الوقائية، المدربة ذاتيا، على مدى سنوات بهدف تجنب الصدمات النفسية مجددا. مشكلة أخرى للأناس المرضى، هو شعورهم بأنهم أسرى أدوارهم التي تترسخ في محيطهم الاجتماعي.
على الرغم من أن التجربة المؤلمة تكون قد تركت بقوة أثارا معينة تاركة انطباعات دائمة ومستمرة لا يعيها الشخص المصدوم، لا وقت الحدث ولا في وقت لاحقا. علاوة على ذلك، قد يحدث أن التجربة المؤلمة يلفها النسيان لفترة طويلة كليا وبشكل دائم، دون أن يدرك المصابون حاليا خطورة إصابتهم المرضية وجراحهم النفسية.
للصدمة النفسية في كثير من الأحيان عواقب وخيمة بالنسبة للشخص المصدوم، بدءا من الحزن والخوف إلى الاضطرابات النفسية الخطيرة.
تمام أنا تقريبا فهمت تقصد أي .. نطق الجملة دي د.عبدالعزيز وقاطع بيها د. كامل
وفاللحظه دي قاطعهم ميمي وقاله طب وأي أعراض الجرح النفسي دا لأني بحسها طبيعية
رد د. كامل وقاله أعراضه هي..
