ابحث لي ذنبا
بقلمي صبا حسين
خلهن مو وكتهن خاطر احجيهن
يجي الليل واكعد وانفرد بيهن
وافتح بابهن فتحت جناح الطير
واراويك الجروح المامراويهن
_
مرام ..
كتبت هالكلمه وحضرته وطفيت النت والجهاز ونمت
بس الغصه بگلبي
الله يوفقهم بعد الله مكاتبلنه شي
((وعسى ان تحبو شيئا وهو شر لكم))
جنت اقنع بروحي بهالكلام بس هيهات گلبي شيقنعه ردت انام بس مكدرت الف فكره وفكره براسي
اتصل عليهه هسه لو ديراسلهه لو ديحجون
لو يجوز راح يمهه
وااللخ من الافكار الحقيره الي أدمر البشر افكاري جانت كلش غلط
فكرت بشي واني ادري مو الي اتمنيت شي وهو مكتوب لغيري
ومع انو هو عقد اني اكعد بصلاتي ادعي كون تخرب خطوبتة
بنهار اعيش انسانه كلش قويه عشت وكان ماعرف احد بإسم فؤاد
بس لمن يجي الليل اذكره
ومخدتي كانت تواسيني وهي تمسح دموعي وتقلل صوت بجيي
تقريبا 3ايام وحسيت خلص راح انفجر لازم اشوف فؤاد لاااازم نحجي لازم اعرف منو الي خطبهه
مستحيل شخص يسمع بانسان جان بكل سجده يدعي ربه يحصله ويسمع بي خطب او زوج
اذا ميصير عنده فضول
منو وليش
والاهم ...
بشنو احسن مني وشنو الفرق بيناتنه ؟
ادمرت نفسيتي لكن اكابر واضحك واسولف بس لمن ينذكر فؤاد بنص ضحكتي تنزل دمعه
بيوم من الايام كعدت وماما كالت اليوم نروح لبيت عمج هادي نشوفهم وبيبيتج هم مريضه
بيبي شويه صارت حبابه لمن شافت نفسهه تعبت وكبرت واني هم احبهه والله بس قبل لان تحقر ع ماما اضوج منهه وهي تسمعني حجي يحز بخاطري منهه
رحنه لبيت بيبي لبست بشت اسود وبي حزام شديت الحزام ورده وخليت الشال ينزل ع أكتافي وشوز جان لون ماروني بلون الشال والجنطه
ولبنى هم لبست بشت بس شال لون تبني وكذلك جنطه وشوز نفسه
رحنه لبيت بيبي بعد ماسلمنه وكعدو كلهم حسيت اكو صوت وراي انداريت
شفت فرقان تسوي بسبس وتاشر تعالي
رحتلهه سحلتني فوك وسدت باب الغرفه
فرقان : لججج مراممم خططب وعقد
عوجت راسي ع كتفي وصغرت عيني ورفعت شفايفي بأسف بلا هاي اواسيهه اواسي روحي
المن تجيب طاريه يمي واني بس اسمه يخلي گلبي يرجف
هزيت راسي بأسف وكتلهه
_القسمه دورهه اكبر من الحب والانسان لتعتقدين بشي إلج ويروح لغيرج وفؤاد بعمره مجان إلج .
جنت احجي واوجهه الكلام الروحي
_اي صحيح بس والله ضجت شنننيه
هههههه هاي تكول ضجت شكد مدلله لخاطر الكائنات هي اكبر مني بس ميبين هالشي بالعقل ابد
