البارت الثالث والاربعون
أبحث لي ذنبا
الكاتبة صبا حسين
الحب والحرب ..
ذني يريدون أزلام
لأن وكت الوفه نفس المنيه
لا قرآن ينفع بــ اليخربون
ولاقول الرسول ولانبيه
ولازم حل يصير وي اليخربون
فتوه اريد من المرجعيه
شكو واحد يگف ويخرب اثنين
قتل متعمد يخسرونه ديه .
مرام :طلگني ..
ضربني راشدي احس وجهي افتر اذني صارت بيها وشه .. رجع لزم شعري حيل
امير :حلم بليس بـ جنه
مرام :بليس انت وهذووولة اليمك
أشرت بيدي على أهله
بثينه :صلفه ولسانها لسان ***
اركان :عممممه كااافي عاااد ترا طلعتيها لنفسنه سنين صارلج على هالحجي واشتغلنه ورجعنه كل الخير يم رجلج عليمن بعد هالحجييي البنيه شعليها
اجه ابو ادهم سحبني من امير وخلاني بصفه
ابو ادهم :رجال بعد عيدهه واضربها وشوف شسوي بيك
امير :لك والله ماردت اضربها جبرتني .
اركان :جبررتك بشنوو كلتلك تعال اضربني !!!
دخلن البنات بصاله يتفرجن على المشكله من صار صوت الولد عالي صاح اركان
اركان :شسووووون هناااا على شنو تباوووعن كل وحده لغرفتها
من صاح عليهن بعد ماشفتهم اساسا
ابو ادهم :اميررر تااااليها شنووو ويااك عاد لااطلعها من ماعونها
امير :مرام تعالي
مرام :مااجي والله
امير :تعالي كتلج نتفاهم وحدنه
بثينه :على شنو تتفاهم وياها احجي كدامي
ابو ادهم :عمه بروح ابوي كفي الشر وعوفيهم يتفاهمون بينهم
اركان :روحي يأبه ويا افتهمي منه وعوفي عمتي
سحبني امير من ايدي
صعد فوك صعدت ويا جنت ماشيه مجاريه الوضع الي اني بي اريد اعرف شنو عايشه اني وين
دخل لوحده من الغرف الي موجوده واني اصلا مااذكر بوقتها شنو جان ببالي كل الي كدامي هو امير وحياتي الي ادمرت معقولة !!
كل هالحب !!
واطلع ضحيه لثار اني مو بي اساسا ؟
معقولة اعيش هالشعور !
لامستحيل .. ياربي دخيلك .. يارب يطلع كابوس وافز منه واخلــص
دخل الغرفه
بقيت اباوع عليه
اتابع كُـل تصرفاته كدام عيني
مرام :ماناوي تبرر موقفك ؟! اني شنو !! حياتي وياك خُدعه امير ؟؟؟؟
منو انت .. انت امير لو غيرك
يعني من صدگ عود هاي الي صار جوه ؟
ليش اميرر
نزعت الشال اختنگت وهو كاعد على الجربااية ساكت
جنت مصدومة اي من صدگ مصدومه رجعت حجيت
