البارت السابع والثلاثون
أبحث لي ذنبا
الكاتبة صبا حسين
لبنى
اباوع اريد استوعب شنو يعني
ابو صياح كعد على القنفه ما كادر يستوعب أو بالأصح رجليه ماكدرت تحمله ويوكف على طولة
سليم حجه بس صوته يرجف ويكطع بكلامه
سليم :وينو هساع !
صفاء بهت وجهه ووكع بالكاع
_يولو مفجوووره الشاحنه بيده هو الجان يفتحها هووووو
ناصر :مستحيل صياح موهالدرجة غبي شلون انفجرت بيده سياره ولكم يولووو كوم صفاء سليم كوم لاتصدك خل نروح نجيبو
هاشم :أنه رايح للموصل كوم ناصر
ناصر :كوووم يلا
وكف وعاط عليه
جيبي سويج السياره بساااع
لبنى :يأبه احجي شي
ناصر :لبننننننى بلااا حجي
ابو صياح :كافي ماكدر اتحمل بعد لاتجلطوني هساع نعرف الخبر الصح ماكدر أضحي بعد باثنين
هاشم :والله ماابات بحديثه وأخوي عد ذولة الانجاس ماعرف خبرو مفجوره بيده يوو(لو) بيد غيرو
طلع هاشم وركض ورا سليم
ابو صياح :حيدره يأبه لايطلعو
حيدره :بالله العظيم مايطلعو حدود حديثه ماخليهم
ناصر :يأبه خلني اروح أنه بس أنه يأبه بروح جدي خلني اروح ولاتقيدني بويه صياح غادي
ابو صياح :لاتعلني انت الثاني صفاء حيدره لايوصل الموصل هاشم
حيدره :مايتعده حديثة عمي مونوب تريده يدش الموصل
صفاء :شورنه بويه شنسوي هساع
ريسان (عمهم) :اسمعوني كلش زين الوضع الاحنه بي هسع ماننحسد عليه ركزو وياي زين يولد هالخبر ماتسمع بي ولا مره من النسوان
باوع عليه وحجه
ريسان :بنيتي لبنى دموع عد ايدج لايوصل خبر لحد أزيد منجن هاللاثنين
دموع كامت تعيط وتصرخ بصوت عالي سحبها صفاء وسد حلگها بايده وحضنها
_اشش ولج اششش كلنه گلوبنه نار كافي اصحي انتي اختنه القوية المؤمنه ادعيله ادعيله دموع صياح بحاجة دعائج مووكفلج هو بكل شده صعبه اوكفي ويا وادعيله دموع لاتعوفينه
دموع :صـ صفاء صييياااحح وو وو ولك ص صياا صياح راح سمعتهم شيكولون كلهم يجذبون مو
لبنى ....
ماتحملت كلامها حسره بكلبي شهكت وياها وبجيت شحالة هسه شصار بي
باوعت للولد آصف كاعد بالركن مال المطبخ يشهگ بصوت عالي وصوت البجي واضح
أسامة عيونه حمر دم
سليم ماضل على حاله حال من الظهر هو شاد حزامه ومتلثم يريد يطلع على الموصل
وبس سمع بالخبر ركض ورا هاشم
لو هاشم الي حتى مالحگنه عليه وهو الوحيد الي جان ضابط أعصابه قبل لانتاكد السياره انفجرت بيد صياح من جان يفتحها وهو الي منع صفاء من الروحه
هساع صفاء الوحيد الي مقاوم وواكف على طولة بعد ما الكل انهدم
عمي طلع من البيت أخذ اخو ريسان وطلع بس قبل لايطلع حجه وياي
