البارت الثاني والاربعون .
أبحث لي ذنبا
الكاتبة صبا حسين
لكل انتصار .. دم
ولكل دم .. أُم
عراقي بكــل حرب تلگاني عريس .
يوكت على الروس جكليت المگاوير
أنه گبل العگل فوك العرب شيخ
شرف بشماغي مو ريحه دنانير
من اكشف حسرتي تكعد شهيدين ..
المات على الوطن وعلى التصاوير
أنه ابن الملحه ..تنطي الباهت مراد
موش الرضعت بزرتها تقصير
موش ايام .. تنطي العطوه رجال
غير الخبز شتخلف التنانير !!
تلكاني علي يم باب الطيور ..
بس أنه علي يم وجه البسامير.
بعد نسمر
وبعدنه مگاومين الشر
وبعد عدنه زلم بيها الشتا يحتر
وبعدها الأمهات تخلف لـــ حيدر
لبنى ..
كعدت اني بغرفه هوسه الانفجار بإذني شنو صار ووين احنه شوكت وصلنه هنا مااعرف
فتحت عيوني اسمع صوت قوي
صوت بجي
معقولة صار شي بالولد
يمه گلبي انقبض
گمت بسرعه ووسرعان ما وگفت احس شي وگفني شل رجليه من الالم ببطني
لزمت ظهري الالم موطبيعي بس الصوت جبرني اطلع احنه ماطلعنه من الانبار ماگدرنه متاكده احنه مو خارجها بعدنه بيها
تحركت وجبرت نفسي افتح الباب هذا بيت منو
رحت امشي ورا الصوت
شفت اثنين بنات كاعدات ويبجن
لبنى :انتو منوو اني وين شجابني لهنا !!
حجت وحده منهم
سما :انتي اخت أصفهان ؟
لبنى :انتي منين تعرفين أصفهان
سما :هو جابج لهنا أصفهان
لبنى :أصفهان وينه هسه؟
سما :راح قبل ساعه جابج وراح
لبنى :شصار ويانه انتو ليش تبجون هنا شكوو !
بقت وحده تباوع للثانيه اجت طفله صغيره ركضت للبنيه
آيه :ماما بابا وين راح !
حضنتها وبجت
_هسع يصل ياامي هسع يصل لتخافين
لبنى :اريد موبايلي جنطتي اي شي وينهن !
سما :جابج بس انتي بدون اي شي
لبنى :زين بس كليلي فدوه لعينج وينهم
حجيت وشهكت بجيت خليت ايدي على حلكي وأيده لازمه ظهري ماكدر
لبنى :لج عيني بس اتصلي اشوف وين الولد وينهم اني شلون طلعت صفااء واصف وين شصاار وياهم
سما : ماعندي اي شي يخليني اتواصل وياهم معندي رقم أحد بيهم حافظه رقم اصفهان؟
لبنى :وشمدريني برقم أصفهان أني أريد اعرف الولد شصار وياهم
مسحت دموعي ورجعت للغرفه حتى عباتي ماكو بس اني دخيلك ياربي شسوي هسه اني
