البارت اربعون
أبحث لي ذنبا
الكاتبة صبا حسين
حزني هادئ
بشكل مطمئن خارجياً
حزني هادئ
ولكنه ينتشر في جسدي مثل بقعة حبر
ينتشر رويداً رويدا
مرام ـــــــــــــــ
جان ليلة صعبه نمت بيها أو بالأصح مرت عليه بدون نوم
بجي امي وصياحها ماعرف شلون تحملته جنت ابجي وحدي
كعدت بالغرفه احس الدنيا ضاقت بيه
شسوي ياربي
اتصلت على يوسف ماجاوبني
بقيت افتر بالغرفه ذبيت الحلقه شمرتها بالگاع
رجع اتصل تلفوني ورا ساعه تقريبا يوسف
يوسف :ها مرام
مرام :يوسف وين انت
يوسف :بجرف الصخر ليش
مرام :امير
يوسف :ياطلابة امير الماتخلص شبي امير
مرام :أخذ أبويه ونعمان للسجن
يوسف :ادري بي شنو الجديد
مرام :يوسف خل يطلعهم فدوه
يوسف :مووشغلي هذا مرام موشغلي بعدين امير مستحيل يأذيهم هو اتصل عليه وفهمني كل الوضع
انتي شكو هيج احس صوتج رايح عليمن بس لا على ابوج ؟
مرام :يوسف شسوي والله تعبتتت يبقى أبويه يببقى
يوسف :ركزي وياي زين الشبكه هنا مو كل الوقت اكدر احصلكم ورجعتي لبغداد بهالاسبوع أن شاءالله
عوفي اهلج خل نارهم تاكل حطبهم اطلعي انتي لاتفكرررين بيهم مووحان وهادي وحتى ابوج محد كادر بيهم يحاجيج هسه لأن بذمة امير
إذا طلعتي من ذمته مااضمنلج دنائه عمامج وين توصل هادي يمكن يسويج عشا للجــ'لاب مالته الي بالمعمل هذا الــ ****
عبالج دگتج الاخيره من مااخذتيلهم اليردو ناسيها؟
تؤؤ ابد محد ناسيها
خسارتهم اكبر من ربحهم بس ميكدرون يطخوج امير مخلي عليج عيون حاميتج من كل مكان ومهددهم تهديد ميوصلووونج
جنت اسمع وابجي
مرام :ليش بسسس اني ليشششش والله تعبت بس اني هيييج
يوسف :كافي دگ وبجي ونوح اسممعي مرام انتي حالتج هاي احسن من غيرج مرام عوفي امير يتصرف ومعليج كلشي راح تعرفينه بعدين
خوالي ناس *** مستحيل العين والاغاتي تجي وياهم وخصوصا موحان امير شيسوي بي قليل
مرام :شنو الموضوع
يوسف :بعدين راح تعرفين مووواضيع مو موضوع واحد بس صدگيني امير يحبج من صدگ اني بنص الموت ماعرف بيا ساعه اموت وانصحج لأن محد وراي يكدر يوگفلج
وحتى لو رجعت ماكدر اوكفلج لأن اني مجرد ابن عمتج اكو هواي اسرار مضمومه بس ماكو شي يضل مخفي خليها ببالج .
