البارت الحادي والثلاثون
ابحث لي ذنيا
بقلمي :صبا حسين
. البارت 31
ام ناصر. :شجرالها دموع بنوات؟؟؟
مهجه :عمه رحنه ندورها غاد مالگيناها نادينه چثير
عاد جا صياح صعد لغرفتو لاگيها شاربه كل حبوب الضغط والمنومات
ونبضها ضعيف وأهو انجن عليها
وما بلسانو غير
اكتلو لناصر لو صارلج شي
ناصر. :انتن وين جنتن عنها ليش عايفاتها وحدهه
باوعت هاشم ركض ورا اخو وناصر كام يصيح
وابو ناصر عصبي صعد وي صياح بسيارته
مهجه تصير بت عم ناصر بت ريسان
بدت الهوسه والنسوان يحجن عليها واكو الي تكول خطيه ويتيمه
مهجه :كله منها هاي الحيه
تحجي واتاشر عليه
لبنى :هاي عليمن تحجين انتي؟؟
دارت وجهه وهي تحجي بصوت مسموع
_على اساس ماتعرف عليمن
كريمه :عوفيها خل يعدي هاليوم واني اعرف شسوي خل صياح يتصرف
رفعت حاجبي عفتهن يحجن وحدهن
ام ناصر :كفن حجي عاد تراجن سويتنها بلا ملح
عفتهن ورحت للبيت صعدت فوگ والهوسه شويه شويه بدت ترجع لداخل البيت
رحت نمت وكعدت بليل دنيا ضلمه محد اكو وبيت هدوء
نزلت عمي بالصاله سلمت عليه
وسألت على صحه البنيه
_ تحت رحمة ربج اكو اچل خليتهم يخبونه الج بالثلاجه ماهانت عليّ يكسرون نومتج ونحن تعبناج هاليوم
_لايابه ولايهمك عدها العافيه
_صحه ع گلبج بنيتي
رحت تعشيت وصعدت لغرفتي ورجعت نمت كعدت الصبح لگيتها بالعشره ونص الصبح ناصر ماكو بس ملابسه بالكاع
ماحسيت بي من جاي
ليش ماكعدني
غسلت وجهي
بقيت فوگ اني احس راسي دينفجر شنو دموع مرت صياح شعليها بناصر وصياح يهدد بناصر
وفوكاها ناصر من جاي ممگعدني
زين اني شعليه ومهجه تصيح كله بسببي البارحه
استغفر الله
گلت خلي انزل جوه خطيه خل اتاكد شكو وشصار
نزلت لگيت آصف ابن عمو ريسان مدنگ راسه يم امه وهي ادلك براسه
وخالد اخو كاعد ع الجهه الثانيه والنسوان الهواي ماكو ولاوحده منهن ضالين بس بيت زناد خال ناصر هو حچالي عليهم
وعرفتهم همه عرفوني ع نفسهم من كعدنه ع الغده وهم عرفت عمامه بيت ريسان واحمد ابن عم ابو وكلهم هنا قريبين ع بيتهم واكو اقاربهم بعد
